Making Bible Study Easy for everyoneEnglish • Hiligaynon
Bible Studies / New Testament / John
Back to John
Verse-by-Verse Bible Study

John 1:15–34

John the Baptist… (4 things)

JohnNew TestamentHiligaynonEnglish Version Available

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Introduction…
    • Ang Libro ni Juan pinasahi sa 4 ka libro sang Gospels (Mateo, Marcos, Lucas, Juan)
      • Ang Gospel ni Juan lain- 90 percent sang mga natabo sa Gospel diri lang makita sa Juan!
      • Ang una nga tatlo ka Gospels na record ang kabuhi kag pag-alagad ni Jesus…
      • Si Juan gahatag sang mga kahulugan kag rason sang mga nagakalatabo!
    • Ang Libro ni Juan simple nga libro-mas hapos basahon kag intiendihon…
      • Pero bisan simple siya pero may dalom kag maathag compara sa iban nga Gospels!
      • Pinakanami nga libro sa mga wala nagatuo-pero maayo man sa mga tumuluo na!
      • Juan 1:1-14 – Parti tanan sa Pulong…
    • 1st – Jesus – ang Pulong – ara na sang ginuguran…
      • Si Jesus wala katapusan/Si Jesus amo ang Dios- indi magpati sa nasugid sang iban!
      • Si Jesus nagtuga sang tanan nga butang-Siya nagakapyot sang tanan nga mga butang…
    • 2nd – Si Jesus nagahatag kasanag sa kadulom…
      • Sang pagsulod sang sala ka kalibutan- Genesis 3 – ang kalibutan ara sa kadulom…
      • Si Jesus nag abot bilang suga kag nagpakita sa katawhan sang dalan balik pa langit…
      • Sa mga nagtuo kay Jesus-ginhimo sila tanan nga mga bata sang Dios…
    • 3rd – Si Jesus nagpakatawo-nagkabuhi nga perpekto para manginmatay sa aton mga sala!
    • John the Baptist… (4 ka butang)
  • 1st – Pagkilala ni John the Baptist kay Jesus… vs. 15-18
    • Gindeklara ni Juan si Jesus nga labaw sang sa iya.. vs. 15
    • Si Juan magulang kay Jesus 6 ka bulan – Lucas 1:39-45
    • Si Juan una man nagpangwali sang sa kay Jesus -mga 6 man ka bulan…
    • Pero bisan nauna si Juan kay Jesus-si Jesus mas labaw kay Juan…
    • 1st – Kay si Jesus ara na sang ginsuguran antis pa nabata si Juan-si Jesus Dios na!
      • Kabalo si Juan nga ang rason nga nagakabuhi siya tungod kay Jesus…
      • Indi siya nagkuha sang pagdayaw sa iya kaugalingon-ginhatag ya ang pagdayaw sa Dios!
      • Ang temptasyon permi amo ang pagkuha sang kadayon kun may ginhimo ang Ginoo…
      • Basi makita sang iban nga lain ka sang sa iban-mas diosnon basi…
      • Siguro ang rason nga wala permi milagaro kay nakuha sang tawo ang pagdayaw.
      • Bug-os ang aton pag-alagad sa putli nga tagipusoon-nahatag sa Dios ang pagdayaw…
      • Ukon naalagaran naton aton kaugalingon-ginakuha ang pagdayaw sa gina obra sang Dios…
      • Isaias 42:8 – “Ako ang Ginoo, amo ina ang akon ngalan! Indi ko pag-ihatag ang akon kadungganan sa kay bisan sin-o.”
    • 2nd – Kay si Jesus nagahatag sang damo nga Grasya…
      • Ang Dios naghatag sang Layi paagi kay Moses…
      • Pero ang mga sugo sang Dios-613 ka mga Layi-indi nga mangin maayo kita tulukan…
      • Ginhatag in isa aton para mahibaluan naton nga INDI kita maayo!
      • Galatia 3:24 – “Ang halimbawa sang Kasuguan pareho sang isa ka yaya nga nag-atipan sa aton hasta sa pag-abot ni Cristo, agod paagi sa aton pagtuo sa iyapakamatarungon niya kita. 
      • Kaangay sang espiho nga nagasugid kun ano aton hitsura-pero indi maka pa gwapa sa aton
      • Ang Layi naga pakita sa aton kun daw ano kita ka malain-
      • Pero indi maka bulig sa aton nga mangin maayo…
      • Pero sa Grasya kag kamatuoran paagi kay Jesu Cristo…
      • Ang solusyon sa problema sang sala-amo ang krus ni Cristo!
      • Paagi sa Grasya (regalo sang Dios) napatawad kita- Gin bag-o sang Dios aton tagipusoon kag kabuhi…
      • Indi lang Grasya- damo nga Grasya-wala limit ang pagpatawad sang Dios!
      • Biskan pila pa ka beses kita ga pakasala-ano man kadako-napatawad na kita!
      • Roma 5:20 – “Ginhatag sang Dios ang Kasuguan agod makita sang mga tawo nga madamo ang ila paglapas, kag nagadugang pa gani kon may Kasuguan. Pero bisan nagdugang ang sala, nagdugang pa gid ang bugay sang Dios.”
    • 3rd – Kay si Jesus lang isa ang naka kilala sa Dios…
      • Wala sang may naka kita sa Dios – Exodus 33:20...
      • Wala sang may maka kita sa guya sang Dios kag mabuhi pa- may 2 ka rason ngaa…
    • 1st – Ang Dios balaan-ang makasasala nga tawo mapatay sa putli nga kasanag sang Dios…
    • 2nd – Kag kun makita mo ang Ginoo-gusto mo pa bala magbalik sa ordinaryo nga kabuhi!
      • Si Jesus lang gid-Siya halin sa Amay…
      • Wala gid sang paagi nga makilala naton ang Dios…
      • Ang makasasala nga tawo indi mabuhi sa Iya Balaan nga presensya!
      • Gani ang Dios nagpanaog bilang tawo-paagi kay Jesus kita makakita sa Dios!
      • Colosas 1:15 – “[Jesus] Si Cristo amo gid ang kaangay sang indi makita nga Dios.”
      • Kun makita si Jesus may kaluoy kita sa mga may masakit/may kabalaka sa mga imol.
      • Kun makita naton si Jesus naga palangga sa makasasala-makilala naton kun sin-o ang Dios!
  • 2nd – Sin-o si John the Baptist… vs. 19-23
    • Si Juan bata ni Zacharias (pari ) kag Elizabeth (paryertne ni Maria) – Lucas 1:5-80
    • Napun-an sang Espiritu-halin pa sang tiyan sang iya iloy– Lucas 1:15
      • Siya ang pinkalabaw(kag katapusan) sa tanan nga propeta sa Old Testament …
      • Mateo 11:11 – “wala pa gid sing may natawo nga maglabaw pa kay Juan”.
    • Si Juan nag pang bautiso sang suba sang Jordan-lapit sa Bethany lapit sa Jerusalem…
      • Ang iya bayo kag paha panit sang kamelyo-iya nakaon apan kag dugos…
      • Si Juan wala naminsar kun ano iya pamayo-wala siya nag sunod sa uso…
      • Indi siya manggaranon-indi uso iya bayo-simple lang siya(iya pagkaon apan)
      • Kay wala niya ginpalangga kag ginsunod ang kalibutan-ang iya pag alagad hugot…
      • Ang iya kabuhi kag panudlo nakatandog sa madamo nga mga tawo…
    • Ang mga relihiyoso nga mga leader sa Jerusalem nag pasugo nga usisaon kun sin-o siya…
    • Abi nila basi si Juan amo ang Cristo…
      • Kay wala propeta sa Israel sobra na 400 ka tuig-wala mensahi halin sa Ginoo…
      • Ang ginasunod sang mga tawo ila nalang kaugalingon kag wala na moralidad…
      • Wala na sila kaalam sa pagkilala sang sala kag insakto-Nalipatan na nila ang Dios…
      • Nagapangita sila sang sabat-gapangita sila sang Messias!
      • Pareho sang kalibutan naton subong-wala na moralidad…
      • Ang tawo nga wala sang Pulong sang Dios-indi kabalo sang sala kag insakto!
      • Ang ila kaugalingon nga ihibalo ila nasunod kag ang moralidad naga palayo sa ila!
      • Ginpaathag ni Juan sa ila-nga INDI siya ang Messias/Cristo…
    • Ginpamangkot ni si Juan kun siya si Elijah- Malachi 4:5…
      • Sa katapusan nga verse sa Old Testament nag promisa sa pagbalik ni Propeta Elijah.
      • Si Elijah ang mag preparar sang dalan sap ag-abot sang Promisa nga Messias…
      • Sa mga nagtuo-si Juan nag abot sa espirtu ni Elijah – Mateo 11:14-15…
      • Nag panawag nga maghinulsol para makabaton sang kaluwasan paagi sa krus!
      • Pero sa mga wala nagtuo kay Jesus-si John the Baptis indi si Elijah
      • Si Elijah magabalik sa pila ka adlaw upod sang duwa ka saksi– Pahayag 11:3…
    • Sa katapusan namangkot sila kun si Juan kun siya bala ang ‘Propeta’- Deuteronomio 18:15
      • Ang Ginoo nag promisa nga mag padala sa pag wali -paghatag sa tawo sang Iya Pulong…
      • Propeta halin sa Israel-kaangay kay Moises-nga ang mga tawo mamati…
      • Ginsulit ni Pedro sa Deuteronomio 18:15 – nagahambal nga si Jesus PROPETA- Binuhatan 3:22…
    • Si Jesus naghambal-‘Ako ang tingog sang isa nga naga singgit sa kamingawan’…
    • Si Juan indi Cristo-indi Elijah -indi man propeta
    • Si Juan nag abot sap ag prepara sang dalan kay Jesus – Malachi 3:1 / Isaias 40:3…
    • Damo gapanugid sang mga dalan pa langit-si Juan nagpakita sang ‘Isa ka Dalan’!
    • Ang pamangkot – ano ang insakto nga dalan-ang tanan nga dalan pa langit?
    • Mateo 7:13 “ Magsulod kamo sa makitid nga puwertahan, tungod kay masangkad ang puwertahan kag malapad ang dalan nga nagapakadto sa impyerno, kag madamo ang nagaagi sa sina nga dalan.”
    • Malapad nga dalan-hapos kag damo nga dala-amo ang sala nga dalan!
    • Ang ISA lang ka dalan pa langit amo si Jesus-Siya lang ang maka patawad sang aton sala!
    • Mateo 7:14 – “Pero makitid ang puwertahan kag mabudlay ang dalan nga nagapakadto sa kabuhi nga wala sing katapusan, kag diutay lang ang nagaagi sa sina nga dalan.”
    • “Because narrow is the gate and difficult is the way which leads to life, and there are few who find it.”
  • 3rd – Ang Bautiso ni Juan… vs. 24-28
    • Ang mga ginsugo sang mga Pariseo namangkot-‘ngaa naga bautiso ka’…
    • Si Juan naga bautiso sa tubig-para mapakita ang makasasala nga tagipusoon sang tawo…
      • Ang problema sang tawo amo ang sala-pero damo wala kabalo nga may problem sila…
      • Si Juan nag bautiso para ma pabalo sa tanan nga kinanglan kita tinluan sang Dios!
      • Kun may isa nga wala ga paligo-basi na pasalig lang nila kaugalingon nga tinlo sila…
      • Pero kun may mag tupad sa ila- makasiling gid nga baho na sila gali…
      • Kun indi ta sila pagsugiran sang tuod-padayon lang sila indi ma ligo kag mag binaho…
      • Dapat atubangon ang sala-pabal-on nga higko ang may sala…
      • Pwede sila ka pa kuno kuo nga ok lang sila sa Ginoo-pero indi ina tuod…
      • Hambalon ta sila nga sila makasasala kag nag kinanglan sang Manluluwas!
    • Ang pag bautiso ni Juan nagapakita kun ano matabo kun magtuo kita kay Jesus…
      • Mando para sa aton nga naga tuo sa pag pa bautiso – Acts 2:38
      • Ang bautiso indi para mangin bahin ka sa isa ka denominasyon
      • Kag ang pag bautiso indi makaluwas sa imo-ang kawatan sa krus– Lucas 23:43
      • May diploma ko-ang papel indi madugang sa akon kaalam…
      • Pero ang papel naga representa nga damo nga tion kag kabudlay para nakuha ko ini!
      • Ang bautiso sa tubig amo ang pag pakita kun ano ang natabo sa sulod sang aton kabuhi…
      • Ginlubong kita upod kay Jesus-ginsalom sa tubig-representar sang kamatayon…
      • Magtindog upod kay Jesus-ginbutwa halin sa tubig-prepresentar sang bag-o nga kabuhi
      • Nahimo sa damo tawo para makita sang tanan-nga ga tuo kita kay Jesus– Roma6:4
    • Si Juan nagpadayon panugid- ‘may isa gatindog sa inyo tunga nga wala ninyo nakilala…
    • Ang bautiso ni Jesus wala na nasulat sa libro ni Juan…
      • Siguro natabo sang siya naga istorya sang mga leaders…
      • Si Juan wala nagpreparar sang dalan para kay Jesus-nag preparar ini sang mga tagipusoon..
      • Pero si Juan kabalo nga si Jesus mas labaw kag indi sa takos mga iba sang sapatos ni Jesus!
      • Kabalo si Juan kun sin-o si Jesus-kag kabalo Siya nga siya amo ang Cristo…
    • Pero ang mga leader wala kabalo kun sin-o si Jesus…
      • Ang ini nga mga relihiyoso nga mga leader nga estudyante sang Pulong sang Dios…
      • Kabalo sila sang Bibliya kag mga matabo sa palaabuton pero wala nila nakita si Jesus!
      • Kaagi kamo baton text nga nagtalang sa imo-para gali sa iban…
      • Indi ma intiendihan-kay indi ginsulat para sa imo…
      • Ang Bibliya ginsulat sang Dios sa Iya kabataan-kun indi ka luwas(wala ka nagtuo)
      • Ang pag basa sang Bibliya kaangay nga gabasa ka text nga para sa iban!
    • 1 Corintho 2:10, 14 – “Pero ang tawo nga wala sa iya ang Espiritu sang Dios indi magbaton sang mga pagpanudlo nga halin sa Espiritu, tungod nga para sa iya kabuangan lang ini. Kag indi niya ini maintiendihan tungod nga ang Espiritu gid lang sang Dios amo ang makabulig sa iya sa pag-intiendi sini.
  • 4th – The Lamb of God Ang Karnero sang Dios… vs. 29-34w
    • Pagkadason nga adlaw nakita ni Juan si Jesus- ‘Ari na Ang Karnero sang Dios’
    • Nakilal-an ni Juan nga si Jesus gin promisa nga Messias kag Manluluwas…
    • Si Jesus nag abot para ihalad ang Iya kabuhi sa pagkuha sang sala sa kalibutan…
    • Ang inagyan sang Israel- suluguon sa Egipto sang 400 ka tuig- Exodus 12
    • Ginpadala sang Dios si Moises sa pag hilway sang mga Israelinhon kay Paraon.
    • Para indi na sila mangin ulipon…
    • Ang Dios nagpadala sang 10 ka kalalat-an sa Egipto-ang katapusan ‘Angel nga Nagpamatay’ (mga subang)
    • Ang mga Judio wala na apektuhan KUN may dugo sang karnero ang ila mga pwertahan…
    • Ang Anghel nga Nagpamatay ‘naglapaw’(Passover) kag maluwas sila sa kalalat-an…
    • Paagi sa ‘dugo sang karnero’ sang Dios nagluwas sa ila mga gapos sa Egipto…
    • Gingamit ni Juan ang ini nga ideya kag gingamit nga titulo kay Jesus…
    • Si Jesus – Ang Karnero sang Dios-ang nag abot sa pagkuha sang sala sang kalibutang…
    • Si Jesus ang ‘Passover’ nga Karnero-paagi sa Iya kamatayon ang sala ‘naglapaw’ sa aton…
    • Ginhilway kita sa gapos sang sala-indi na ulipon sa sini nga kalibutan (satanas)!
    • Si Juan wala kabalo nga si Jesus amo si Cristo-pero sang nakita niya ang pating nga pispis…
    • It is more than possible that John knew Jesus – they were cousins…
    • Possible nga kilala ni Juan si Jesus kay pakaisahanay sila…
    • Pero si Juan wala kabalo nga si Jesus Messias-ang promisa nga manluluwas sang kalibutan.
    • Sang ginbautisuhan ni Juan si Jesus-ang Espiritu nagpanaog sa Iya kaangay sang pating…
    • Marcos 1:10 – “Pagtakas ni Jesus sa tubig, nakita niya dayon nga nag-abri ang langit, kag naghugpa sa iya ang Espiritu Santo sa dagway sang pating. 
    • Nabaton naton ang Espiritu sang Dios -para makahibalo man kita…
    • Kun sa aton lang kaalam indi naton mahangpan ang mysterio sang krus…
    • Indi naton matungkad ang dako nga plano sang Dios sa aton…
    • Pero ang Balaan nga Espiritu maka paathag sa aton pag intiendi…
    • Siya ang naga tudlo sa aton-Siya ang naga pakita sang mga madalom nga butang sang Dios!
    • Juan 14:26 – “Ang Manugbulig nga amo ang Espiritu Santo amo ang ipadala sang Amay nga magbulos sa akon.[a] Siya ang magatudlo sa inyo sang tanan nga butang, kag magapadumdom siya sa inyo sang tanan nga akon ginsiling sa inyo.”
    • Naka intiendi kita indi sa aton kaalam-kundi sa Espiritu sang Dios nga ara sa aton!
    • Kay naangot kita kay Jesus-kag may Espiritu sang Dios sa aton kabuhi!