Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Review…
- Ang Maayong Balita nga ginsulat ni lucas
- Si Lucas nagsulat nga nagpakatawo si Jesus kag siya isa ka perfecto nga tawo…
- Ang importante nga verse-Lucas 19:10 “ Kay ako nga Anak sang Tawo nagkadto diri sa kalibutan sa pagpangita kag sa pagluwas sang mga nagtalang.
- Lucas 13:1-21 – Ano aton kinanglan…
- Tanan kita nagakinanglan Jesus-tanan kita makasasala nagakinanglan grasya nga makaluwas…
- Lucas 13:22-30 – Isa lang gid ang dalan
- Ang tawo namangkot kay Jessus-‘duitay lang maluwas?’
- 1st -Ang kitid nga dalan-isa lang ang dalan pa langit-kag duitay naga agi diri
- 2nd -Subong ang adlaw magtuo kita-wala na pagpili kun patay na-wala siguro ang buwas…
- 3rd – Basi makibot kita kun sin-o ang maluwas-kag kun sin-o ang wala na naluwas…
- 4th -Bulag sa espiriuthanon nga kabuhi-ang mga Israelinhon nag reject kay Jesus nabulag sila asta sa ika 2 nga pagbalik
- ang pag agda… vs. (3 butang)
- 1st – ang pag agda sa panyapon… vs. 1-6
- Gin agda si Jesus sa panyapon sa balay sang isa ka Pariseo…
- Isa ka halangdon nga Pariseo kag isa siya ka Sanhedrin…
- Ang Sanhedrin grupo sang 70 ka mga pangulo sang Israel-daw kongresso sa aton…
- Ari si Jesus nagakon sa balay sang importante nga tawo…
- May tawo didto nga nagamasakit –nagapalamanog ang bug-os niya nga lawas…
- Ginapanilagan lang nila si Jesus-kun ayuhon Niya ang ini nga tawo…
- Ginhungod man nila nga gin imbita ang ini nga tawo…
- Gina dakop dakop nila si Jesus para akusahan nga ginlapas Niya ang kasuguan…
- Ginatingwaan nila nga ayuhon ni Jesus ang gamasakit sa atubangan sang Sanhedrin…
- Daw kaangay nga gindala si Jesus mismo sa precinto kag didto saksihan ang sala…
- Hapos sa aton magtindog sang aton pagtuo sa simbahan ukon sa mga Kristohanon…
- Sa eskwelahan ya/ kampo/ balay-ang pag-alagad dapat biskan sin-o-kag biskan diin
- Si Jesus naghukom sang ila motibo-‘sala bala ang pag-ayo sa Adlaw nga Sabado’
- Ang ini nga panyapon natabo lapit nalang sa katupusan sang pagpangwali ni Jesus…
- Si Jesus nang-ayo na 7 ka beses sa atubang sang mga relihiyoso nga pangulo…
- Permi Siya ga pang-ayo sa Sabado-naga laom na sila nga ayohon Niya ang ini nga tawo
- Pero nabulag sila sang ila relihiyon-gin bali wala nila ang ini nga milagro!
- Ang mga Pariseo wala nagsabat-gusto nila dakpon na si Jesus…
- Ang paon ara na nahulat nalang nila nga magkagat si Jesus…
- Si Jesus nagkagat sa paon-gin-ayo Niya ang tawo kag ginpalakat…
- Kasami testingan ang aton pagka Kristohanon-ginatindogan gid bala naton ini…
- Basi piliton ka mag-inom-‘talagsa man lang na-isa lang ka tagay’
- Basi bastos nga mga istorya-testingan nila kon makadlaw ka man…
- Kun madala ka nila-indi sila matandog kag makonsensya kay naghimo ka man…
- Sin-o sa inyo ang indi magbulig sang iya asno…
- Ginpakita sang Ginoo ang ila pagka hipokrito-buligan ang sapat peron indi sa utod..
- Ginpakita ni Jesus nga mas gakabalaka sila sa sapat sang sa tawo sang Dios!
- Wala sila kahambal-indi sila kasabat kay Jesus…
- Ang siod-ang paon nga para kay Jesus sila pa ang nasiod…
- Kun e testingan sang iban ang imo pagtuo-paonon ka para makasala…
- Kuhaa ang ina nga opurtunidad nga ipa ambit ang gugma ni Jesus sa ila…
- Basi mag laom sila nga mangkig ka or mahadlok-pero ikaw naghatag sing gugma
- Naghatag ka sing Pulong ni Jesus-kag indi sila makapati kag magtuo sila kay Jesus!
- 2nd – pag imbitar sa kasal … vs. 7-14
- Indi lang nga sila gabantay kay Jesus-Si Jesus gabantay man sa ila…
- Nakita ni Jesus nga ang ginpang imbitar nagpili sang mag nami nga pulungkuan…
- Wala sang gusto mapungko sa guwa-gusto nila sa mga importante nga tawo matupad..
- Pareho sa kasal-gusto mo gin mapauna lapit sa Nobyo kag Nobya…
- Kay daw importante ka gid kay ara ka sa una!
- Gintagaan sila ni Jesus palaanggiran-‘Kun imbitaron ikaw sa kasal’
- Kasal-nagakahulugan sang kasal sa Biblia sa Bag-o nga katipan namitlang 16 ka beses
- Kasal sa kay Jesus kag sang simbahan!
- Pahayag19:7,9 – “Blessed are those called to the marriage supper of the Lamb!”
- Naghatag si Jesus sang duha ka leksyon parte sa tawo nga gin imbitar sa kasal…
- 1st – Sa bisita-indi magpili sang espesyal nga pulungkuan
- Kay basi may importante nga tawo nga mag-abot kag pahalin ka sa imo pulungkuan…
- Mahuy-an ka-kag isaylo ka sa kubos nga pulungkuan-kag mawad-an ka lugar…
- Makit-an sang tanan nga ginapahalin kag malalain ka lang…
- Mas mayo nga magkuha ka sa bangko sa likod-kag ang nag imbitar makakita sa imo…
- Siya ang madala sa imo sa espesyal nga pulungkuan…
- Ang ini nga mga leaders abi nila sila ang mga importante nga mga bisita…
- Abi nila sila ang mapungko sa pinakanami nga bangko sa Ginharian sang Langit…
- Pero ang matabo mahuy-an lang sila kag taga-an sila leksyon nga mag paubos…
- Indi sila kabaton sang pinakanami nga bangko-kag hatag sa ila ang pinaka nubo!
- Kun sugid ta matuod-ang aton pinsar nga labaw ta sa iban-indi kita mapainubuson…
- Kun sa linyahanay gusto naton nga kita una-para kita una maalagaran-kay dapat gid.
- Ginasabdong ang bugalon kag nataga-an grasya ang mapainubuson-Santiago 4:6…
- Kun magpataas ka ang Ginoo mapaubos sa imo-paubos ka ang Ginoo mabayaw sa imo
- Kun bugalon kita-nga takos magbaton sang pinakamaayo-ang Ginoo batok sa aton…
- Daw pader ina nga nagapatunga sa aton kag sa Dios-gaguba sa aton paghiusa sa Ginoo
- Biskan dako aton pagtinguha-mapaslawan kita tungod kay ang Ginoo wala sa aton…
- Pero kon magpaubos kita sa Ginoo-ang Ginoo nagatindog upod sa aton…
- Kag sa aton pangabuhi-may kadalag-an kay ang Ginoo upod sa aton!
- 2nd – Sa nag-imbitar-indi pag-agdaha imo abyan/pamilya/manggaranon nga tupad balay…
- Abi sang nag-imbitar Diosnon siya kay gin agda niya ang iban sa iya balay…
- Pero imbitaron man sila dason sa pihak balay-bulos bulos lang sila punsyon…
- Wala sila gatulok sa pag-alagad sa Ginoo-ang ila nga dayawon sila sang tawo!
- Ang dapat imbitaha ang mga pigado/apa/lupog kag bulag…
- Ang mga tawo nga indi makabayad sang imo kayo-kay ikaw ya nagbugay lang sa ila…
- Malipayon ikaw-ang Ginoo magabayad sa imo sa iya pagbanhaw sang mga matarong…
- Ang importante ang matibo sang imo tagipusoon-handom nga mag-alagad sa Ginoo…
- Indi sa kadayawan sang tawo-ukon padya sang sini nga kalibutan…
- Kundi mangin kaangay sa aton Amay-nagabugay sang mga kubos…
- Kay ang Ginoo wala naga imbitar sa mga makahatag balik sa Iya…
- Gina imbitar sang Ginoo ang mga pigado/nasubuan/kaluluoy sa Iya puluy-an…
- 3rd – ang pag pang-agda pa langit… vs. 15-24
- Ang isa sa ila naghambal-‘bulahan ang isa nga magakaon sa pista sang Langit’…
- Ang iya haom haom nga isa siya sa mga tawo nga mapa Langit…
- Siling ni Jesus-ang isa ka tawo nagpakaon kag damo ang gin-imbitar…
- Nagpadala siya sang iya suluguon sa pagsugid sang iya ginpangtawag…
- Ang gintawag amo ang ginpili sang Dios-ang mga bisita sang Dios sa pista sa Langit…
- Wala sa ila nga gusto mag attend-kag naghatag sang ila mga balibad…
- Sang ginsuguran ang mga Judio wala gani magsunod sa Ginoo…
- Gin pawalaan nila ang imbitasyon sang mga propeta sa Daan nga Katipan…
- Gin pawalaan man nila ang imbitasyon halin kay Juan nga Manugbautiso…
- Kag sa katapusan gin pawalaan nila ang imbitasyon halin kay Jesus mismo!
- Gintawag kita sang aton Ginoo sa pag imbitar sa pista sa langit…
- Sa pagsugid sa iban sang Pulong-ang paglaom sang kaluwasan kag pagpatawad…
- Pero sa aton pagsugid sa iban parti kay Jesus-sa aton pag agda palapit sa simbahan…
- Ang aton mabatian-dason lang-apas lang ko-buas lang…
- Kag kun magsugot gid man sila nga mag-upod daw napilitan lang…
- Para sa ila si Jesus/simbahan indi importante…
- Nga ang kaluwasn-pagpatawad-kag kabuhi nga wala sang katapusan indi importante!
- May 3 sila ka mga balibad…
- 1st – Mas gakabalaka sila sang kwarta – Mateo 22:5…
- May tiange sila-indi sila ka halin kay wala bantay…
- Kay basi may mabayad-kinanglan gid kwarta…
- Ang sabat sa kabuhi ginapangita sa kwarta-kaangay nga nagalagas sila sa hangin…
- Ang imo kabuhi gamiton lang sa paglibot libot wala resulta…
- Daw bulsa nga may mga buho-nag-agi lang kwarta sa imo mga palad!
- Ang gugma sa kwarta-handom sa gamit-problema lang – I Timoteo 6:9-10
- Kun ga amar pa dugang sa kwarta-indi ta makita ang manggad nga amo si Jesus!
- Indi ta matugyan ang aton kabuhi sa kwarta kag manggad-sa pagpalangga kay Jesus!
- 2nd – Nawili sa kasadya sang kabuhi…
- Samtang ang iban nagahambal-bag-o lang sila kapakasal-wala sila tiyempo…
- Sa listahan sang mga tawo ang simbahan ara sa pinaka ulihi…
- Masimba kon indi sako, kun wala na gid obra…
- Ang bayli/party/boxing/pista mas importante pa sang sa simba…
- Mas importante pa sa tawo ang sadya sadya sang sa pag baton sang pag agda sa langit.
- 3rd – Nasiod sila sa palaligban sang sini nga kalibutan…
- Ang balibad sang iban ang ila talamnan, bantay karbaw, manggani…
- Gintugyan ang tion sa mga butang nga indi magdugay-nalipat na sa langit…
- Ang mga balibad sang 2000 ka tuig nagligad-wala man na bag-o…
- Mas labaw pa ang iban nga butang sang sa pagsimba kag kay Jesus…
- Ang pinsar nila nga ang pagsimba-pagbasa Biblia naga halit sang patubas…
- Ang agalon grabe ang kaakig…
- Ang mga gin imbitar wala gid naka kaon sang panyapon…
- Wala sila nag abot-ginhatag sa iban ang ila lugar…
- Ang pagkamatarong sa paglakat sang Langit indi basi kun sin-o kita…
- Ano ang aton himuon sa pag imbitar sang Ginoo sa aton…
- Isa lang gid ang dalan pa langit-amo si Jesu Cristo…
- Kun ipanginwali ang dalan pa langit-ang buot silingon ginpili nila ang langit…
- Handa na ang panyapon-dali panawag sa dalan sa kay biskan sin-o…
- Mang-imbitar sa dalan-sa mga imol/sa mga apa/bulag…
- Sa mga kaluluoy-sa mga ginpanginwala…
- Naglakat ang mga suluguon pero kulang pa gid damo pa lugar…
- Lakat sa high way-sa ginsang-an sang dalan nga damo ang galabay…
- Nga para lang gid ma agda ang tanan-biskan sin-o ang inyo hagada sa pista!
- Roma 10:13 – “Whomever calls on the name of the Lord shall be saved.”
- Biskan sin-o-ang maluwas!
- Biskan sin-o magbaton sang imbitasyon sang Dios-pwd ka intra sa pista sa langit!
- Para mapuno ang akon balay…
- Ang mensahi importante-ang lamesa handa na-ang Dios ready na magsugod.
- Si Jesus dali na lang mag-abot sa pagkuha sang Iya simbahan kag dal-on sa Langit…
- Indi gusto sang Dios nga ang isa sa aton maantos-pero ang pagpili ara sa aton…
- Gina agda ang tanan-depende sa sabat sa tagsa tagsa…
- Pwede nga pawalaan lang-mabalibad-kag indi ka makapa Langit…
- Ukon magkalipay-kay may lugar kita sa lamesa sa Dios sa Langit!
- 2/16/2013