Mark 11:27–12:12

Marcos 11:27 – 12:12

Introduction…

• Marcos – ang Maayong Balita para sa mga Gentil – nagapakita nga si Jesus naga-alagad sa tanan- Marcos 10:45
• Marcos 10:1-52 – Ang katapusan nga biyahe pakadto sa Jerusalem…
  • 6 ka bulan ang nakalipas – sinemana na lang kag matabo na ang krus – Ginumpisahan na ni Jesus ang katapusan niya nga biyahe pakadto sa Jerusalem
  • Ginhayag ni Jesus sa ikatlo nga tion ang mga hitabo nga maluntad sa pag-abot nila sa Jerusalem
  • Marcos 11:1-26 – Ang madinalag-on nga pagsulod (Palm Sunday)…
  • 4 ka adlaw antes sang Paskwa – Nagsulod si Jesus sa Jerusalem nga nagasakay sa asno – ang Mesias!
    • Wala nagkari si Jesus para itukod ang Iya Kaharian – Nagkari siya para magdala sang paghidaet sa tunga sang Dios kag sang tawo
    • Nagkari siya para mangin Kordero sang Dios – nga magakuha sang sala sang kalibutan!
  • Dason nga adlaw – Nagsulod si Jesus sa Templo – gintabog niya ang mga manugbaylo sang kuwarta…
    • Ang relihiyon, ginhimo nga negosyo kag palangitan-an kwarta sang mga lideres nga Judio….
    • Ang ‘Balay sang Dios gintuyo nga mangin balay sang pagpangamuyo – ila ini nga ginhimo lungib sang mga kawatan
    • Ang mga lideres sang relihiyon nagdesisyon nga ang isa lang gid nga solusyon para kay Jesus – amo ang patyon siya…
  • Ang kahoy nga higos – laragway sang nasyon sang Israel…
    • Gingutom si Jesus, amo nga nangita siya sang higos para kaonon – wala bunga – ginsumpa niya ang kahoy…
    • Dason nga adlaw, nalaya ang kahoy – Juan 15:4-5
    • Nalisahan sang Israel si Jesus – kun wala si Jesus, wala gid sila sang bunga

Ang problema sang mga lideres sang israel…

• makita sa ila nga mga tinaga… Vs. 27-33
  • Sa tion nga ini, 3 na lang ka adlaw antes sang pagkalansang sa krus ni Jesus…
    • Ginpabay-an niya ang patay nga kahoy sang higos (laragway sang Israel – wala bunga) – Nagbalik si Jesus sa templo
    • Ang mga punong saserdote, Escriba, kag ang mga gulang nakigbais kay Jesus didto sa templo…
      • Ining talo ka mga grupo nagarepresentar sang Sanhedrin – ang ‘kongreso’ sang mga gumalahom sang Israel…
      • Ginpamangkot nila siya nahanugod sa “pagtinlo sang Templo” sang nagligad nga adlaw…
      • “Paagi sa ano nga awtoridad (gahom) nga gin-obra mo ini nga mga butang? Sin-o ang naghatag sa imo?”
      • Sila ang mga ‘awtoridad’ sa Israel – sigurado sila nga wala sila naghatag permiso kay Jesus
    • Nagapamangkot sila indi para makabaton sang sabat – kundi para makig-away…
      • May kinalain ang matuod gid nga pamangkot – kaysa sa isa nga gusto lang magbais
      • Nakaatubang ako sa mga Mormons nga gusto mag istorya nahanungod kay Jesus…
      • Pero wala nila ginatuyo nga makatuon – gusto lang nila pamatud-an nga sakto sila…
      • Manami gid kon ang mga tawo may matuod gid nga mga pamangkot – gusto nila nga makatuon tuhoy kay Jesus
      • Mahatag gid ako sang oras – bisan ano oras – kun may nagapamangkot sang matuod gid nga pamangkot
      • Kagamay sang pasensya ko sa mga mga pamangkot nga nagapadulong lang sa pagbinaisay…
  • Wala ginsapak ni Jesus ang ila pamangkot – sa baylo nagsiling siya: “May isa ako ka pamangkot para sa inyo…”
    • Ang Bawtismo of Juan – halin bala sa langit okon halin sa tawo- SABTA AKO! (Imperative)
      • Ang mga Pariseo naka-agi na pamangkot kay Juan sang amo man nga pamangkot – Juan 1:19
      • Ginhambalan sila ni Juan kun sin-o gid siya – isa nga nagapreparar sang alagyan para sa Ginoo!
      • Nahibaloan nila nga si Juan ginpadala halin sa Dios – bisan pa, ginsikway nila gihapon siya
      • Sa amo man nga paagi, nahibaloan man nila nga si Jesus halin sa Dios – pero ginasikway man nila
    • Nagpangita sila sang ila rason(paagi sa lohiko – imperfect) kun paano sabton si Jesus
      • Kun magsiling sila nga ang bawtismo ni Juan halin sa langit – ngaa wala sila nagpati
      • Kun silingon naman nila nga halin sa tawo – ginakahadlokan naman nila ang mga tawo nga nagapati nga propeta si Juan
      • Basi mapatay pa sila sang mga katawhan – Lucas 20:6 – “Pero kon magsiling kita nga halin sa tawo, batuhon kita sang mga tawo, kay nagapati sila nga si Juan propeta sang Dios.”
      • Nadakpan sila sa ila nga butig – nakabalo sila kon sin-o si Juan – galing ila siya ginsikway
      • Amo na nga ang sabat nila kay Jesus – “Wala kami kabalo”
    • Gani wala man sila ginsugiran ni Jesus kon diin nagahalin ang awtoridad niya!
      • Ginpakita ni Jesus ang ila di-bunayag nga mga ginapangsugid – sa pagpakita sang ila di-bunayag nga mga pamangkot…
      • Kaangay sang tawo nga naga-abot sa tion sang panihaga para mamangkot “kamusta ka na” …
      • Pero sa tuod lang ang iya pamangkot – ‘ano panhiyaga ta’…
      • Indi masaligan ang mga ginahambal sang mga lideres sang relehiyon – may ara sila sang nakalikom nga motibo…
      • Bilang mga tumuluo, wala kita dapat sang nakalikom nga mga motibo sa aton mga pulong
      • Gintawag kita nga mangin mga lalaki kag mga babayi nga masaligan sa aton pulong
      • Mateo 5:37 – “Dapat magsiling ka lang ‘Huo’ kon huo kag ‘Indi’ kon indi; kay kon magsumpa pa kamo halin na ina kay Satanas.”
      • Ang ila nga mga ginabuhat… Mateo 21:28-32
  • Ang parabola sang Tawo nga may Duwa ka anak (makit-an lang sa Mateo )
    • Nagpadayon si Jesus: Karon, pamatii ini nga istorya (Imperative)
    • Ang 1^st nga bata ginmandoan nga magkadto kag mag-obra sa ubasan (campo) galing indi siya…
    • Apang sang dugaydugay ‘naghinulsol’ siya kag nagkadto gid man sa obra
    • Ang 2^nd nga anak ginmandoan man nga mag-obra – kag nagsabat siya, “Oo, Ginoo”…
    • Galing wala man siya mag-obra gali
    • Kun may duwa ka ka anak – kag ginsugo mo sila nga magkuha tubig sa bubon…
    • Ang isa nagsiling indi – pero gin-obra niya – ang isa ya nagsiling Oo – pero wala niya gin-obra – sin-o ang matinumanon…
    • Ang una nga anak amo ang matinumanon – indi sa pulong – kundi sa buhat!
  • Ang punto ni Jesus – indi sa imo ginahambal – kundi sa imo gina-obra!
    • Sakto tanan nga mga tinaga sang mga lideres sang relehiyon – ila ginahambal, “Oo, Ginoo!”
      • Apang sa katapusan, wala naga-angot ang ila nga mga ginhambal sa ila ginabuhat…
      • Pwede ta ka hambalan bilog nga adlaw nga ako ang presidente sang Pilipinas…
      • Sa katapusan, mangayo ka man gihapon sang pat-od – ebidensya nga may binuhatan
      • Pwede naton mahambal ang tanan nga husto nga tinaga nga daw isa gid ka Kristohanon
      • Makadto sa simbahan kada Domingo…
      • Pareho lang na nga kun ara ka sa Jolibee, wala gakahulugan nga hamburger ka…
      • Kun ara ka sa simbahan, wala man nagakahulugan nga Kristohanon ka…
      • Indi ni ya sa kun ano ang ginahambal ta, kundi sa kun ano ang aton gina-obra
    • Mga manug-kolekta buwis (customs agents) kag mga babayi nga bayaran nagasiling nga indi sila magtuman sa Dios
      • Pero kun sa katapusan may ara sila sang paghinulsol – mangin mga anak man sila sang Dios
      • Basi sang una indi kita magtuman sa aton Langitnon nga Amay – nagarebelde batok sa Dios
      • Basi nangin kaangay kita sang 2^nd nga anak – nga gusto magpalayo kag mag-obra sang kon ano man ang aton gusto…
      • Pero sang ginpili ta na nga magsunod kay Jesus – naluwas na kita sa pagkahigot sa aton mga nagligad.
      • Nangin matutom na kita nga anak – ang anak nga nagatuman sa kabubut-on sang Amay!
    • Si Juan nga manugbawtiso nagkari para ipakita ang alagyan pakadto sa langit – nga nagatudlo kay Jesus
      • Ang mga lideres sang Relehiyon indi gusto magpati, pero ang mga makasasala nagpati!
      • Bisan nakit-an ina sang mga lideres sang relehiyon – indi sila gihapon magpati…
      • Napun-an gid sila sang pagkasalimpapaw – lain ang ginahambal pero lain ang ginabuhat
      • Salimpapaw gid sila sa ila nga mga ginahambal kag sa ila nga mga binuhatan tungod sang…
      • ila tagipuso-on … vs. 1-8
  • Naghatag si Jesus sang ikaduwa nga parabola para ibuyagyag ang motibo sang tagipuso-on sang mga lideres sang relehiyon
  • May isa ka Tag-iya sang duta nga nagpa-obra sang isa ka malapad kag bugana nga talamnan sang ubas (campo)
    • Linasan sang ubas nga halin sa mabakod nga bato, kudal nga tanom sa palibot, lalantawan nga torre para sa proteksyon
    • Nagbiyahe siya sa guha sang pungsod kag ginbilin ang ini nga campo sa mga ginasuholan nga tawo
    • Ang Tag-iya sang campo wala sang iban kundi ang Labing Gamhanan nga Dios
    • Ang campo nagatuhoy sa pungsod sang Israel – kag ang Kaharian sang Dios
    • Isaias 5:7 – “Ang talamnan sang ubas sang Ginoo nga Makagagahom nga iya gin-atipan kag kalipay niya amo ang katawhan sang Israel kag sang Juda. Nagpaabot siya nga paluntaron nila ang hustisya, pero sa baylo, nagpamatay sila. Nagpaabot siya nga himuon nila ang matarong, pero sa baylo, nagpamigos sila.”
    • Ang mga ginasuholan nga mga tawo amo ang mga lideres sang relehiyon sang Israel
    • Gintugyan sila nga magbantay sa katawhan sang Dios – atipanon sila
    • Naghandom ang Dios para sa Israel – kag ang Iya Kaharian – nga mangin mabinungahon
    • Juan 15:8 – “Kon padayon kamo nga nagapamunga sing madamo, ang akon Amay dayawon sang mga tawo, kag sa sini nga paagi mahibaluan nga kamo akon mga sumulunod.”
  • Sang malapit na ang tig-alani, ang tag-iya nagpadala sang iya alagad (doulos) para batunon ang mga bunga
    • Ang mga ginasuholan nga mga tawo ginkastigo ang isa ka alagad, ginbato naman ang isa, kag ginpatay ang isa
    • Sang nagpadala pa gid sang dugang nga mga alagad – amo man gihapon ang ginhimo sang mga ginasuholan!
    • Ang mga alagad nga ginpadala amo ang mga propeta sang Old Testament…
    • Ginpadala sila sang Dios para magpalig-on sa Israel nga mag balik sa Dios – magpamunga para sa Dios…
    • Lakip na si Juan nga Manugbawtiso – nga manughanda sang dalan para kay Jesus!
    • Binuhatan 7:52 – “Wala gid sing propeta sa ila tiyempo nga wala nila ginhingabot. Ang mga nagsugid parte sa pag-abot sang Matarong nga Alagad  ginpatay nila. Kag pag-abot diri ni Jesus, kamo amo ang nagtraidor kag nagpatay sa iya.”
  • Sa katapusan, ginpadala na gid sang Tag-iya and iya kaugalingon nga anak – kag nagsiling, “Tahuron nila ang akon anak…”
    • Apang ang mga ginasuholan nagsiling – kon patyon naton ang anak, ang campo mangin aton na!
    • Amo nga ginpatay nila ang anak kag ginhaboy siya sa guha sang talamnan- Hebreo 13:12!
    • Ang anak wala sang iban kundi si Jesu Cristo – manunubli sang Kaharian sang Dios
    • Wala gid gintuyo sang mga lideres sang relehiyon nga mag-alagad sa Dios ukon sa mga katawhan (ginasuholan nga mga obrero)
    • Kakagod sang motibo nila – ila lang nga mga kaugalingon ang ila gina-ulikig!
  • Ang problema nila ara sa ila tagipusoon…
    • ara sila, pero indi para isugid sa mga katawhan ang kamatuoran nahanungod sa Dios – mga tinaga
    • Wala sila sang interes nga magkabuhi sang kabuhi nga nagapakita sang ehemplo sangpagpangabuhi para sa Dios – buhat
    • Interesado lang sila sa kon ano ang ila makuha sa mga katawhan sang Dios!
    • Ngaa ang mga tawo indi masaligan sa ila mga hinambalan…
      • Ngaa nga ang isa ka tawo gusto nga mag-ginawi nga daw Kristohanon ( pero indi mangabuhi nga tuod nga Kristohano) …
      • Tungod sang kakagod ukon kadalok – indi gusto nga mangabuhi para kay Jesus – kundi para sa kaugalingon
      • Nagapakuno-kuno nga relehiyoso – indi para mag-alagad sa Dios – kundi nga magpakita sa iban nga daw kun ano gid ka balaan sila
    • Ang salamin wala nagabutig – ang aton kabuhi salamin sang aton tagipusoon…
      • Ang aton nga ginahambal (mga tinaga ) kag gina-obra (buhat) nagabanaag sang kun ano ang unod sa aton tagipusoon!
      • Lucas 6:45 – “Kon ano ang sa tagipusuon sang tawo amo man ang nagaguwa sa iya baba.”
      • Mateo 12:53 – “Ang isa ka kahoy [tawo] makilala sa iya nga bunga [buhat].”
      • Kun aton ginapangita si Jesus – mabanaag si Jesus sa aton nga mga ginahambal kag sa aton gina-obra
      • Kun kaugalingon ta lang ang aton gina-ulikig – makita gid sa aton kabuhi!
      • Ang ginpili… vs. 9-12
  • Ano ang himoon sang tag-iya sa mga gisuholan nga mga tawo – Pagalaglagon niya ang ini nga mga tawo…
    • Kag ihatag niya ang campo sa mga tawo nga makahatag sa iya sang bunga…
      • Gintawag ang Israel nga mangin Kasanag sa kalibutan – Zacarias 4:11-14
      • Sila tani ang dapat mamunga para sa Dios – kag magtudlo sa iban tuhoy sa Ginoo
      • Tungod nga nalisahan sang Israel si Jesus – ginpahigad lang sila anay sang Dios sa isa ka panag-on – Roma 11:25
      • Ginhatag sang Dios ang talamnan sang ubas sa simbahan – para mamunga para sa Dios!
    • Gintawag kita para mamunga sang maayo nga bunga para sa Dios – Ano klase nga prutas ang nagatubo sa aton kabuhi…
      • Juan 15:8 – “Kon padayon kamo nga nagapamunga sing madamo, ang akon Amay dayawon sang mga tawo, kag sa sini nga paagi mahibaluan nga kamo akon mga sumulunod.”
      • Kun nagapamunga kita sang maayo nga bunga – Nagakabuhi para sa Dios sa aton mga tinaga / buhat / kag tagipusoon
      • Kasanag kita sa kalibutan – kag nagadala himaya sa aton nga Amay sa langit…
      • Juan 15:6 – “Ang tawo nga nagabulag sa akon ihaboy, pareho sa mga sanga nga ginahaboy kag nagakalaya, dayon ginatipon kag ginahaboy sa kalayo agod masunog.”
      • Pero kon pareho sa mga lideres nga mga Judio gustohon ta nga mag-alagad sa aton kaugalingon baylo sa mag-alagad sa Ginoo…
      • Mapahalin man kita sa talamnan sang ubas kaangay man sa mga lideres nga mga Judio…
  • Ang bato nga ginsikway sang mga manunukod – Salmo 118:22…
    • Ginkutlo ni Jesus ang Salmo tuhoy sa isa ka istorya halin sa una nga templo ni Solomon
      • Tanan nga mga bato sang Templo gin-sapsapan na nga daan sa tiliphagan- I Hari 6:7
      • Ang 1^st nga bato nga ginpadala sa ginatukuran amo ang pangulo nga batong pamag-ang…
      • Sa konstruksion – ang pinaka-importante nga bahin – nagaplastar sang mga angulo kag sang lokasyon
      • Sang nabaton sang mga manug-obra ang bato – indi pa sila handa – ginpakilid lang anay nila – Kag nalimtan
      • Ang bato nga ginsikway sang mga manug-obra – nangin pangulo nga batong-pamag-ang!
      • Ginsikway sang mga lideres sang relehiyon si Jesu Cristo
      • Pero Siya ang mangin Pangulo nga Batong-Pamag-ang sang simbahan sang Dios!
    • Duwa lang ang pililian…
      • Mateo 21:44 – “Ang bisan sin-o nga mahulog sa sini nga bato mabali, pero ang mahulugan sang amo nga bato madugmok gid.”
      • Pwede kita nga kaangay sang 2^nd nga anak – ang manugkolekta buwis, kag babayi nga bayaran – ang makasasala…
        • Nga makakita sang ila nga pagkinahanglan sang kaluwasan – kag nadagdag nga guba gid kay Jesus…
        • Nga nagahinulsol sang ila sala – kag nadagdag nga guba sa grasya ni Jesus…
        • Kun makita naton ang aton nga kalibutan kag kabuhi nga nagabanaag sang tagipusoon nga makagud – mahulog ka na kay Jesus!
        • Salmo 51:17 – “Ang halad nga makapalipay sa imo, O Dios, amo ang kabuhi nga nagapaubos kag nagahinulsol sa iya mga sala.
          Ini nga klase sang halad indi mo pag-isikway.”
        • Siya ang nag-ilis sang aton tagipusoon – Naghatag sang bag-o nga kabuhi! Abunansya nga kabuhi!
        • Kun may nakilal-an kita nga mga tawo nga indi masaligan – pirme may nakalikom nga motibo
        • Mga tawo nga ila kabuhi wala nagabanaag kay Jesus (bisan ano pa ang ginahambal nila)
        • Indi ka magpapaslaw sa ila ginahambal kag gina-obra –ang problema amo ang ila tagipusoon
        • Dapat naton pangamuyoan nga ang Dios ang mag-ilis sang ila tagipusoon
      • Pwede man kita nga kaangay sang 1^st nga anak – kaangay sang mga lideres sang relehiyon…
        • Kag madagdag si Jesus sa imo – kag madugmok ka gid nga daw pulbos (labhang)
        • Puno sang motibo nga nakalikom, pagkasalimpapaw, kag madinalokon nga mga motibo sa tagipusoon
        • Sa katapusan, si Jesus madagdag sa paghukom – malinapta kita kag madula
        • Pareho sa kabuhi nga ini – kag sa kabuhi nga wala katapusan…
  • Kabalo ang mga saserdote kag ang mga pariseo nga sila ang ginatuhoy ni Jesus
    • Pero wala sila sang may ginhimo kay Jesus (bisan gusto nila!)
    • Indi tungod nga nahadlok sila sa Dios, wala sila sang ginhimo kay tungod nahadlok sila sa mga katawhan
    • Masubo nga ang ini nga mga tawo nagkabalaka sang para sa subong – kaysa magkabalaka para sa eternidad
    • Kon mas ginakabalakhan mo ang ginapamaensar sang tawo sa imo – kaysa sa ginapamensar sang Dios
    • Sinyales na ina nga kinahanglan mo na operahan sa tagipusoon – kinahanglan ta na nga mahulog nga may guba nga tagipusoon kay Jesus!