Mark 13:1–13

Marcos 13:1-13

Introduction…

• Marcos – Ang Maayong Balita para sa mga Gentil – nagapakita nga si Jesus alagad sang tanan – Marcos 10:45
• Marcos 10:1-52 – Ang katapusan nga biyahe pakadto sa Jerusalem…
  • Naglipas ang 6 ka bulan – sinemana na lang kag matabo na ang krus – Gin-umpisahan na ni Jesus ang iya katapusan nga biyahe pakadto sa Jerusalem
  • Ginhayag ni Jesus sa ikatlo nga tion ang mga matabo sa pag-abot nila sa Jerusalem
  • Marcos 11:1-26 – Ang madinalag-on nga pagsulod (Palm Sunday)…
  • 4 ka adlaw antes sang Paskwa – Nagsulod si Jesus sa Jerusalem nga nagasakay sa asno – ang Mesias!
  • Dason nga adlaw – Nagsulod si Jesus sa Templo – gintabog niya ang mga manugbaylo sang kuwarta…
  • Marcos 11:1-27 – 12:44 Ang problema sang mga lideres sang israel – pagplano sang malaut batok kay Jesus …
  • Pagbalik ni Jesus sa templo – ginhusisa siya sang mga lideres sang relihiyon…
  • Ginpa-ubos sila ni Jesus sang ginhangkat niya sila nahanungod sa unod sang ila nga tagipusoon…
  • Gintilawan sang mga lideres sang relihiyon nga isiud si Jesus sa Iya mga tinaga – akusahan Siya sa ngalan sang Roma…
    • Mga Pariseo/Herodian – Kinahanglan ta bala magbayad buwis sa kay Caesar / ihatag sa Dios..
    • Saduceo – Kay sin-o nga asawa sa pagkabanhaw – wala na kasal / Pagkabanhaw sa Torah…
    • Escriba – Ano ang labing-dako nga mando – Higumaa ang Ginoo / Higugmaa ang isigkatawo…
  • Ginpamangkot sila ni Jesus – ngaa ginatawag ni David nga Ginoo ang Mesias – Dios si Jesus!
    • Ginpaandaman ang mga katawhan tuhoy sa mga lideres sang relihiyon – gusto lang nila ang pag-dayaw kag kwarta
    • Tuod nga paghatag – indi ang kon pila – kundi ang paghatag halin sa tagipusoon – ang sinsilyo sang balo

Kaundan sang katapusan nga mga inadlaw…

• Mga nakatalana nga tinion suno sa propesiya…
  • Para maintindihan ang mga panudlo nga ginahatag ni Jesus sa Marcos 13…
  • Importante gid nga lantawon naton liwat ang mga naktalana nga mga tinion nga matabo sa “Katapusan nga mga Tion” suno sa Bibliya
  • 1^st – Ang una nga pagkari ni Jesus – ang kamatayon / paglubong / kag pagkabanhaw… Juan 3:16, Juan 19:30
    • Ang ulihi nga mga tinaga ni Jesus sa krus – “Human na”!
    • Ang katapusan sang Daan nga Tipan – pagkamatarong sa Dios paagi sa Pag-obra suno sa Kasugoan
    • Ang umpisa sang Bag-o nga Tipan – Kaluwasan paagi sa bugay kag sa pagtuo!
  • 2^nd – Ang Tion sang Simbahan… Binuhatan 2:1-4 (Pentecost), Pahayag 2-3
    • 50 ka adlaw pagkatapos nga ginlansang si Jesus sa krus – 10 ka adlaw matapos ang pagsaka sa langit ni Jesus… Pentecost
    • Halin sa adlaw sang Pentecost asta subong– ang “Tion sang Simbahan”
    • Bag-o nga Tipan sang Bugay – bisan sin-o maluwas paagi sa pagpati kay Jesu Cristo
  • 3^rd – Pagkawasak sang Israel – 2 Hari 18:11, 2 Hari 25:21
    • Sang 722 B.C. ~ 10 ka sa Aminhan nasakop sang ~ Assyria ~ umpisa sang Diaspora
    • Sang 586 B.C. Ang Kaharian sa Bagatnan nasakop man ~ Babylon (136 ka tuig naglipas)
    • Sang 70 A.D. Ginguba ang Jerusalem ~ sang Roma
    • Sang 132 A.D Rebolusyon nga napaslawan – ginpatapok ang mga Hudyo –gin-islan ngalan sang Israel ~ Syria Palaestina
    • Ang Jerusalem gin-ngalanan Aelia Capitonlia ~ ginbawalan nga magpuyo ang mga Hudyo diri
    • Sa sulod sang 2000 ka tuig, ang mga nabilin nga mga Hudyo naglapta sa apat ka hangin sang kalibutan…
  • 4^th – Liwat nga pagkabun-ag sang Nasyon sang Israel… Ezequiel 37:1-14
    • May 14^th, 1948 – Gin-obra sang Dios ang imposible – Nangin nasyon liwat ang Israel! 
    • Halin sang 1948 Ang populasyon sang mga Hudyo sa Israel nakalab-ot na ~ 6 million
    • Halin sang 2006 – Pinaka-una nga tion sa sulod sang 2000 ka tuig – mas madamo ang Hudyo sa Israel – kaysa sa iban nga nasyon
    • Nangin matutom ang Dios sa pagdala sang Iya nga katawhan (halin sa 4 ka hangin) pabalik sa Iya nga kadutaan
  • 5^th – Pag-salakay sang Magog… Ezequiel 38:1-13
    • Pwede matabo antes lang gid – okon pagkatapos lang gid sang ‘Pagsabnit” sang simbahan
    • Ang Dios maga-tugot nga ang Russia (Magog) makig-gyera sa Israel
    • Iran / Syria / Lebanon / Sudan / Libya / Turkey – maupod man sa Russia
    • Sini lang nga semana ang Russia naghatag sa Iran sang nuclear fuel – para makatukod sila sang ila una nga nuclear plant…
    • Ini magapreparar sang Iran nga maka-obra sila sang ila nga mga nuclear nga armas – para gamiton batok sa Israel!
    • Ahmadinejad – “Ang Israel masunog gid sa kalayo sang kaakig sang mga nasyon nga Islam “.
    • Handa na ang Israel nga magsulong sa ila para punggan nga matabo ini – ayhan subong nga semana!
    • Kun sulungon sang Israel ang Iran – Ang Russian ma-intra man para tabangan ang Iran – Umpisa na sang pagsalakay sang Magog…
    • Ang Dios milagroso nga magaluwas sang Israel – pagawasakon ang naglusob nga mga kasoldadohan
  • 6^th – Ang Pagsabnit sang simbahan… I Corinto 15:51-53 / I Tesalonica 4:13-18
    • Ang mga nagatuo kay Jesus – pagakuhaon na antes matabo ang Kabudlayan
    • Ang mga tumuluo masabnit (harpazo) ni Jesus sa pagpisok lang sang mata!
    • Sa langit – magacelebrar sang 7 ka tuig nga fiesta sang kasal – ang nobya kag ang Kordero sang Dios
  • 7^th – pito ka tuig nga kabudlayan… Pahayag 6-18
    • Pagkatapos nga madala na ang simbahan sa langit – Ang dios magabu-bo gid sang Iya kaakig sa kalibutan
    • Sa mga nauna nga mga adlaw sang Kabudlayan – ¼ sang bug-os nga mga katawhan magkalamatay
    • Ini mangin Kabudlayan nga wala pa gid matilawan sang kalibutan – okon matilawan liwat…
  • 8^th – Ang Labing-dako nga Kabudlayan… Daniel 9:27, Mateo 24:15
    • Ang Anti-Cristo matuhaw nga pangulo sang bug-os nga kalibutan (Tawo sang Sala)
    • Ang kalibutan hakoson siya bilang ila nga manluluwas – asta nga pagasimbahon siya nga daw diyos…
    • Amo ini ang palatandaan sang ulihi nga 3-½ ka tuig sang Kabudlayan – ang Labing-dako nga Kabudlayan!
  • 9^th – Ang ikaduha nga pagkari ni Jesu Cristo… Pahayag 19:11-21
    • Sa pagkatapos gid sang 7 ka tuig nga Kabudlayan – gilayon nga mabalik si Jesus!
    • Magakari siya nga nagasakay sa puti nga kabayo – “Hari sang mga Hari – kag Ginoo sang mga Ginoo”!
    • Ang tanan nga mga nasabnit magabalik upod sa iya halin sa langit
    • Paga-atubangon Niya ang mga kasoldadohan sang Anti-Cristo – Nalupyakan sang Armageddon
    • Sa isa lang ka tinaga halin sa iya baba, Pagawasakon Niya sila tanan
  • 10^th – Ang Millennial nga paghari (1000 ka tuig) ni Jesu Cristo… Pahayag 20:1-7
    • Igatukod ni Jesus ang Iya Kaharian diri sa kalibutan – magapamuno bilang Hari sang mga Hari
    • Sa sulod sang 1000 ka tuig, may ara sang matarong nga paghari – ang Dios ang magapangulo sa kalibutan
    • Magapos si Satanas sa sulod sang 1000 ka tuig – apang pagabuy-an sa ulihi nga tion sang katapusan nga mga inadlaw
    • Pagkatapos sang katapusan na gid nga pagrebelde sang mga tawo – ang Labing-dako nga Trono nga Puti…
  • 11^th – Ang paghukom sa Great White Throne… Pahayag 20:11-15, Mateo 25:31-46
    • 2 ka klase nga libro ang ginpa guha – ang Libro sang Kabuhi – kag ang mga libro
    • Kon nagatuo ka kay Jesus – ara ang ngalan mo sa Libro sang Kabuhi – langit
    • Kon wala ka nagtuo – pagahukman ka suno sa imo pangabuhi – tanan nga ginhimo, ginhunahuna – halin sa mga libro – impyerno
  • 12^th – Ang Bag-o nga Langit kag ang Bag-o nga Kalibutan… Pahayag 21 & 22
    • Ang daan nga langit kag ang daan nga duta paga-gub-on sang kalayo– 2 Pedro 3:10-13
    • Dayon matuga ang Dios sang – perfecto – wala gid sala – nga Bag-o nga Langit kag Bag-o nga Duta
    • Kun diin ang mga tumuluo ni Jesus magapuyo upod sa Iya nga wala sing katapusan!
  • Mga propesiya nga nagatuhoy sa Katapusan…
  • Ang rason sang mga propesiya sa Bibliya…
  • 1/3 sang Bibliya propesiya – Ginasugiran kita sang Dios nahanungod sa pa-alaboton antes pa ini matabo…
    • Esaias 46:9-10 – “Dumduma ang natabo sang una nga panahon, kilalaha nga ako amo lamang ang Dios, kag wala sing isa kaangay sa akon. Halin sa ginsugoran ginsugid ko kon ano ang maabutan sini, dugay na gintagna ko kon ano ang mahanabo…”
    • Ginausar sang Dios ang propesiya para ipakita sa aton nga Siya – kag Siya lamang – ang Labing Gamhanan nga Dios
    • Siya lang gid ang makakita sang umpisa asta katapusan
    • Ang propesiya ang naga pat-od sang Iya Pulong – amo ina ang marka sang Iya tudlo sa mga Kasulatan
  • Ang mga gintudlo ni Jesus tuhoy sa Katapusan…
    • Si Jesus, sa ikaduha nga pinakalaba nga sermon sa Bibliya – pinakalaba sa libro sang Marcos…
    • Naglatag sang mga detalye sang Iya ikaduha nga pagkari –kag sang Katapusan sang Tion
    • Ang pamangkot nga aton pamangkoyton – ngaa importante ini…
    • Nagahunahuna kita nga indi pa magbalik si Jesus sa tion sang aton kabuhi – nga ang buwas pareho lang gihapon sang subong
    • 2 Pedro 3:3-4 – “Una sa tanan,dapat ninyo mahangpan nga sa katapusan nga mga inadlaw, may magapakita nga mga tawo nga ang ila kabuhi ginagamhan sang ila kailigbon. Magayaguta sila sa inyo kag magapamangkot, “Wala bala siya magsaad sa pag-abot? Karon diin na bala siya? Ang amon ginikanan nagkalamatay na, kag amo man gihapon ang kahimtangan sang tanan nga mga butang halin pa gid sang pagtuga sang kalibutan.”
    • Ara na kita sa mga katapusan nga inadlaw – apang madamo ang nagapamangkot kon san-o – okon – mabalik pa bala si Jesus
    • Sa matuod-tuod lang, ang madason nga mahanabo nga suno sa propesiya amo na ang Pagsabnit sa simbahan
    • Pwede nga matabo dason semana – pwede subong nga adlaw – pwede nga subong gid mismo…
    • Nakahanda na bala kita – kun magbalik si Jesus subong – ano ang maabtan Niya nga ginahimo ta…
    • Pwerte gid ini ka importante nga mensahe – bilang palig-on kag bilang paandam
    • Magakari si Jesus – malapit na GID – Nakahanda na bala kita
  • 3 ka semana nga kaundan sang Olivet Discourse:
    • Marcos 13: 1-13 – Ang Umpisa sang kasubo kag kasakit – tanda nga ara na kita sa “Katapusan nga mga Inadlaw”
    • Marcos 13:14-28 Ang Labing-dako nga Kabudlayan kag ang ikaduha nga pagbalik ni Jesu Cristo
    • Marcos 13:29-37 – Mga tanda sa pagbalik ni Jesus
  • Ang mga pamangkot sang mga disipulo… vs. 1-4
  • Sa Bukid sang Olivo…
  • Matapos Niya nga mapahipos ang mga lideres sang relihiyon – Naghalin si Jesus sa Templo…
    • Ayhan para islan ang topiko matapos matabo ang mga madalum nga pagbinaisay…
    • Ang mga disipulo nagkomentar parte sa mga balay sang templo
      • Amo ini ang ikaduha nga templo – ginpa-ubra ni Herod the Great (Ang una nga Templo ginpatukod ni Solomon)
      • Makahalawhaw nga pag-obra – bisan subong ang mga pundasyon nga mga bato 33m/3m/2m makit-an gihapon!
    • Ginsabat ni Jesus ang mga disipulo – wala sang bisan isa ka bato magapabilin nga nagatungtong sa isa pa gid!
  • 3 ka pamangkot…
    • Patabok sa Kidron valley nagpungko siya sa Mt. of Olives – kon diin makit-an ang bug-os nga templo
    • Sila ni Pedro, Santiago, Juan kag Andres nagkadto kay Jesus nga silahanon lang kag namangkot…
      • 1. San-o matabo ang ini nga mga butang – ang pagkaguba sang templo
      • 2. Ano ang mga tanda… sang Imo pag-balik – Mateo 24:3 (ikaduha nga pagbalik ni Jesus)
      • 3. Katapusan nga mga Inadlaw – Katapusan sang Tion sang mga Tawo (Kaharian-gobyerno sang tawo)
    • Gin-usar ni Jesus ang oportunidad nga magsugid nahanungod sa ‘Katapusan nga mga Inadlaw”
    • Nag-umpisa siya sa pagsabat sining tatlo ka pamangkot – Olivet Discourse – Lucas 21, Mateo 24
  • Ang umpisa sang mga kasakit… vs. 6-13
  • San-o matabo ang mga butang nga ini…
  • Nagatuhoy sa komentar ni Jesus – “Wala sang bisan isa ka bato mabilin nga nagatungtong sa isa pa gid…”
    • Nagatulok sa matahum nga templo – Gintagnaan ni Jesus ang kalaglagan sini
    • Wala gid sang bisan isa ka bato nga mabilin nga nagatungtong sa isa pa…
  • Literal nga natabo pagkalipas sang 35 ka tuig – 70AD – sang nagrebelde ang Israel sa Roma…
    • Paalaboton nga Caesar – nga si Titus Vespasian – nagpadala sang 10^th Roman legion
    • Ginpalibotan niya ang Jerusalem kag ginpatay 1 million ka mga Hudyo – kag ginwasak ang syudad…
    • Wala niya ginplano nga gubaon ang templo – galing nasunog ini samtang nagailinaway…
    • Ang bulawan sang templo natunaw sa mga tinabuan sang mga bato…
    • Isa-isa nga gin-ukay sang mga Romano ang mga bato para kuhaon ang bulawan
    • Wala gid sang nabilin nga nagatungtonganay nga bato– ang mga nabilin sa pagkarumpag ara pa gihapon nga makit-an sa Israel asta subong
    • Tungod nga ang ini nga una nga propesiya natabo nga sibo gid, dapat gid naton hatagan sang igtalupangod
    • Ginapakita sa aton kon ano ang ginahambal ni Jesus nga matabo – nagapatunay nga kamatuoran!
  • Ano ang tanda sang pagbalik mo… (5 ka butang)
  • Indi magpa-tonto (planao) bisan kay sin-o…
    • Paano matabo nga matonto kita – planao – kun diin naghalin ang tinaga nga planeta – ang kalibutan
    • Kon nagapamati kita – nagaupod-upod – nagatulok sa kalibutan…
    • Nagapamensar sang ulobrahon sa eskwelahan / ukon diin ako ma-obra buwas…
    • Kag nalimtan na lang nga basi mag-abot na si Jesus subong nga adlaw!
    • Madali kita masiod sa mga palaligban sang sini nga kalibutan – kag malimtan nga maabot si Jesus!
  • 1. Madamo ang magkari nga naga-angkon nga sila si Cristo – kag madamo ang malimbongan… vs. 6
    • Mormons (13.5 million)/ Iglesia ni kristo (6 million) / Jehovah witnesses (7 million)
    • Apollo C. Quiboloy – sa Davao Naga-angkon nga siya si ‘Jesu Crisot’ – indi maisip ang mga sumulunod…
    • Madamo ang naga-angkon nga sila si Cristo – milyones man ang nagapati
  • 2. Gyera, tig-gulutom, kag kalalat-an, kag mga linog… vs. 7-8
    • May sobra na nga 1500 ka gyera/pag-ilinaway sa kalibutan sa nakalipas nga 200 ka tuig
    • Apang indi ka magkabalaka (manawag sang matunog) kay indi pa ini ang katapusan…
    • Nasyon kontra sa nasyon (Greek ~ ethnos – ethnic group)
      • Ang tinaga nga ‘Genocide’ – Griego nga nagakahulogan – ‘genos’ ~ ‘cide’ ~ magpatay sang rasa
      • Sa 20^th century lang, may indi magnubo 7 ka hitabo sang Genocide sa kalibutan
    • Tig-gulutom kag Kalalat-an
      • May ara gina haumhaum nga 842 million ka mga gutom nga tawo sa kalibutan subong
      • Ang numero nagasaka 4.5 million kada tuig – 24,000 nagakapatay tungod sa gutom kada adlaw
    • 20^th Century: 180 million ka tawo napatay tungod sang gyera kag tig-gulutom nga resulta sang gyera
    • May sobra 120 ka dalagko nga linog (1000+ patay) – sa nagligad nga 100 ka tuig
    • Tanan ini kaangay sang kasakit sa pagpamata – contractions – nagapaandam sa aton nga ang katpusan lapit na lang GID…
    • Gyera, Tig-gulutom, Kalalat-an, mga linog
  • 3. Maayong Balita nawali sa bug-os nga kalibutan para sa isa ka saksi sa bug-os nga kalibutan… vs. 10
    • Ang Maayong Balita sang Kaharian mawali (Future/Passive/Indicative)…
    • Ang Bibliya (mga bahin sini) nabadbad na sa 2,426 languages – 97% sang kalibutan
    • Ang Maayong Balita mawali gid sa tanan nga ethnos – Indicative – Himuon gid sang Dios – Passive
    • Ginagamit kita sang Dios, pero indi Niya kinahanglan kita! Ang Maayong Balita nasugid sa tanan nga mga nasyon…
  • 4. Ang higugma sang madamo magabugnaw… Mateo 24:10-13
    • Pagtuo kay Jesus – pagkadto sa simbahan – indi na mangin popular
    • 26% lang sang populasyon (60 ka nasyon) ang nagasimba
    • Ang Pilipinas ikatatlo nga pinaka-taas– 68% / Russia ang pinaka-nubo – 2%
    • Ang higugma sang madamo nagabugnaw – 74% wala nagasimba
  • 5. Mga nagatuo kay Jesus pagadumotan – himoon martir… vs. 11-13
    • Sa tuyo nga ipahipos ang Maayong Balita- nagapa-andam si Jesus nga may mga tawo nga tilawan gid nga pahiposon kita
      • Ang listahan nagabaskog – konseho, gobernador, kag mga hari – pero indi magkabalaka…
      • Indi ikaw ang mahambal – kundi ang Balaan nga Espirito nga maghambal paagi sa imo!
      • Kon ginadumotan kita – ginahangkat kita – ginayaguta – sa aton pagtuo kay Jesus
      • Kabiga nga oportunidad nga magpa-ambit sang paghigugma ni Jesus sa ila…
      • Indi ka magkabalaka sa kon ano ang hambalon mo – abrehi lang ang baba mo – ang Dios amo ang magahambal paagi sa imo
    • Utod kontra utod, amay kontra anak, kabataan kontra sa ginikanan – sa kamatayon!
      • Mas mabudlay kaysa magtindog sa atubangan sang mga hari… ang magtindog para kay Jesus sa atubangan sang imo pamilya
      • Isa ka butang ang magtindog para kay Jesus sa atubangan sang estrangero ukon katupad balay mo
      • Pero ang magtindog para kay Jesus sa atubangan sang imo pamilya… tam-an gid kabudlay!
      • Kilala ka nila– tanan nga kapaltahan mo – tanan nga kakulangan…
      • Kag maabtik sila magpadumdum sa imo – madasig magduwaduwa sa imo nga pagtuo
      • Apang kun may kaisog nga magtindog para kay Jesus – magamit gid Niya kita para maluwas ang aton nga mga pinalangga!
    • Kun isipon ang tanan, pagadumotan ka sang tanan – tungod kay Jesus!
      • Juan 15:18 – "Kon ginadumtan kamo sang kalibutan, dapat ninyo dumdomon nga ako ang una nga gindumtan sini.”
      • Ginadumtan sang kalibutan si Jesus tungod nga ginapamatbatan niya ang kalibutan tuhoy sa sala kag pagkamatarong
      • Kun wala si Jesus, ang tawo makapagusto sang gusto niya himoon nga wala konsekwensya
      • Kaangay sang suga nga nagasiga sa kadulman – Ginapakita ni Jesus ang sala
      • Tungod nga ginahigugma sang tawo ang sala, kontra nila ang kasanag nga nagahayag sang ila sala- Juan 3:19
      • Ara si Jesus sa aton, kontra nila ang suga – si Jesus – amo nga ginadumtan man nila kita
      • Pero kon sin-o ang makapadayon asta sa katapusan maluwas…
    • Ang mga tawo mapatay sang mga Kristohanon – mga martir – para lang patyon nila ang suga…
      • 70 million ka mga martir (banta) halin sang pagsugod sang simbahan…
      • Sa 20th Century lang – 45.4 million – sobra tunga sang total!
      • Ang pagkamartir sang indi maisip nga mga tumuluo kay Jesu Cristo
  • Ang Katapusan sang Kalibutan…
  • Kun ang babayi nagabusong – kag nagapasakit – buot silingon maabot na ang lapsag…
  • Tanan nga 5 ka tanda nga ginhatag ni Jesus nagatabo na – buot silingon…
  • Ara na kita sa “Katapusan nga mga Inadlaw” kag malapit na gid kita sa“Katapusan sang Tion”
  • Lucas 21:28 – “Kon ang ini nga mga butang mahanabo, magtindog kamo kag magpakaisog tungod kay ang inyo nga kaluwasan malapit na.”
  • Kon magbalik si Jesus subong nga adlaw – diin kita – ano ang maabtan Niya nga gina-obra ta
  • Kon nakahibalo kita nga maabot si Jesus buwas – ano ang islan naton sa aton kabuhi
  • Maabot si Jesus – LAPIT NA GID – ano ang himoon ta…
  • Pwede nga bale-walaan ta ang mga tanda – magkabuhi suno sa aton kagustohan – kahadlukan ang ideya nga mabalik si Jesus…
  • Okon makapili kita nga magkabuhi para kay Jesus – nagakalipay nga malapit na lang nga makit-an na naton Siya