Mark 14:1–11

Marcos 14:1-11

Introduction…

• Marcos – Ang Maayong Balita sa mga Gentil – Nagapakita nga si Jesus naga-alagad sa tanan – Marcos 10:45
• Marcos 10:1-52-12:44 – Ang katapusan nga biyahe pakdto sa Jerusalem…
• Marcos 13:1-13 – Mga tanda nga ara na kita sa “Katapusan nga mga Tinion”
  • Samtang nagatulok sa Templo, nagsiling si Jesus, “Wala sing bisan isa ka bato ang mabilin nga nagatungtong sa isa pa gid”
  • Gilayon nga nagpamangkot ang mga disipulo sang 3 ka pamangkot…
    • 1. San-o ini matabo – ang pagkaguba sang templo– 70A.D.
    • 2. Ano ang tanda sang Imo pagbalik – 5 ka butang
    • 3. Ang Katapusan nga mga Inadlaw – mga tawo sa Katapusan nga mga Inadlaw – umpisa sang Kaharian sang Dios…
    • Marcas 13:14-27 – Ang Labing-dako nga Kapipit-an kag ang ikaduwa nga pagkari ni Jesu Cristo
  • Ang makakulugmat nga Kangil-aran – Daniel 9:24-27
  • Ang ulihi nga 7 ka tuig – Ang Labing-dako nga Kapipit-an
  • Ang ikaduwa nga pagkari ni Jesus – Magakari si Jesus halin sa Langit nga nagasakay sa puti nga kabayo…
  • Marcos 13:28-37 – 3 ka tanda sa Pagsabnit sang Simbahan
  • Nagapamukadkad ang figera – nabun-ag liwat ang nasyon sang Israel – May 14, 1948
    • Tanan nga mga hitabo matabo sa ini nga henerasyon – aton nga henerasyon!
    • Pero wala sang sin-o man nga tawo ang nakahibalo sang adlaw kag sang oras nga makari si Jesus para sa Iya simbahan
  • Kaangay sang mga inadlaw ni Noeh – ang kalibutan maga-angkon sang dako nga kalautan
    • Ari kita sa mga inadlaw ni Noeh – ang kalibutan nagsikway sang Dios kag nagalagas sang kasalanan
    • Ang isa lang gid ka paagi nga makaluwas sa paalabuton nga paghukom – kaangay kay Noeh – sulod sa barko – kay Jesus
  • Kun wala mo gid ginapaabot – 2 ka tawo sa talamnan / 2 ka bayi sa syudad – 1 ginkuha, 1 ginbilin
    • Isa ka adlaw nga kaangay man lang sang tanan nga adlaw– wala sang pagpa-andam – mabalik si Jesus para sa Iya simbahan
    • Katulad sang isa ka makawat sa gab-i – nakahanda ka bala – handa nga mag-atubang kay Jesus…

Pagpreparar para sa Krus… vs. 1-11

• Nagpreparar si Jesus para sa Krus sa 3 ka paagi…
  • Gin preparar ni Jesus ang mga disipulo – Ang Paskua – vs. 1-2
  • Gin preparar ni Jesus ang iya lubong – vs. 3-9
  • Gin preparahan ni Jesus ang pag luib sa iya – vs. 10-11
• 1^st – Pagpreparar sa mga Disipulo… vs. 1-2
  • Sang pagkatapos sang iya pagpanudlo sang mga maluntad sa Katapusan nga panag-on…
  • Gin hambalan niya ang iya mga disipulo – sa sulod sang duha ka adlaw siya igalansang – Mateo 26:2
    • Nga si Jesus mapatay kag indi dapat makibot ang mga Disipulo
    • Ini makatatlo na ka beses nga nabasa naton nga amo sini ang maga luntad
    • Marcos 9:31, Marcos 10:33 – sa Jerusalem/pagtraidor/paglansang/Pagkabanhaw
    • Amo ni ang isa ka tion nga nag hambal si Jesus sang eksakto kon san-o siya ilansang – ang Paskua
  • Ang kasaysayan sang Fiesta sang mga Judio “Ang Pascua”– (Byernes Santo – the Last Supper)
    • Ang Nation sang Israel nangin bihag sang Egypt – nangin ulipon sa sulod sang 400 ka tuig – Exodus 12
      • Gin padala sang Dios si Moses sa pagluwas sa ila kay Pharaoh – kuha-on sila sa pagka ulipon
      • Nag padala ang Dios sang 10 kakalalat-an sa Egypt – ang katapusan amo ang anghel sang kamatayon (1^st born)
      • Ang mga Judio makalikaw sini – KON – mag butang sila sang dugo sang karnero sa ila mga ganhaan
      • kag ang Angel sang Kamatayon “Paga-agyan” lang sila kag sila maluwas
      • Paagi sa “Paskwa” ang Dios nag paguha sa ila gikan sa pagkaulipon
      • Ang piesta sang Paskua kinahanglan gid himoon kada tuig halin pa sang (3000 na katuig)…
      • Ang Pagdumdum – pero indi lang pagdumdum – kundi ang pagpa-abot…
    • Si Jesus – Ang Kurdero sang Dios – nga nag kari sa pagkuha sang sala sang Kalibutan
      • Juan 1:29–“Sang madason nga adlaw,nakita ni Juan si Jesus nga nagapadulong sa iya kag nag siling sia "Yari ang Kordero sang Dios nga naga kuha sang sala sang Kalibutan.!’”
      • Si Jesus ang Kurdero sang Paskua – paagi sa iya nga kamatayon ang sala naton “naglampas” sa aton
      • Nahilway kita sa gapos sang sala – kag pagulipon sa aton sang hari sining kalibutan (satanas)
      • Ang pag lansang kay Jesus kag ang Paskua indi aksidente lang – ini isa ka propesiya nga natuman!
  • “Kag ” ang lider sang pari kag escriba nag tipon sa palasyo ni Caiaphas (Mataas nga Saserdote )
    • Ginpalibugan nila kun paano – Indi kon DAPAT BALA – patyon si Jesus …
      • Ang Madinalag-on nga pag sulod ni Jesus (Palm Sunday) Ang mga kadam-an nag simba kay Jesus…
      • gin tabog ni Jesus ang mga manug-baylo kwarta sa sulod sang Templo (lugar sang makawat)…
      • Ang Parabola sang Ulubasan – Ang pagpamatok ni Jesus sa mga Lider – kag nahibalu-an nila ina…
      • Napahipos ni Jesus ang mga Herodian, Saduceo, kag Pariseo sang ginatinguhaan gid nila nga e siuron si Jesus …
      • kag maayhag gid si Jesus nag hambal nga mag andam sa mga lider sang manunudlo sang kasugu-an!
      • nabutang sila sa kahuy-anan – ginpakita kon ano gid ang tunay nila nga kinaugali
      • Napun-an na gid ang mga Lider – tiempo na nga pahiposon si Jesus – kinanglan niya na nga mapatay
    • Pero gusto nila maghulat asta nga matapos ang Paskua…
      • Nahadlok sila sa madamo nga katawhan sa Jeruslem nga nagkari para sa Fiesta
    • (sobra 1 million)
      • • mas maayo kag maalamon nga mag hulat nga matapos kag makapalauli ang tanan
        • agod nga makuha nila si Jesus nga indi mabal-an ukon maka hatag sang daku nga senaryo…
      • Apang, baylo sa ila kagustuhan – si Jesus gin lansang sa Paskua
        • Ang rason – indi nila kontrolado – si Jesus lang!
        • John 10:18– “Wala sang may makakuha sang [akon kabuhi] kundi gin hatag ko ini sing kinabubut-on may kinamatarong ako sa pag hatag sini, kag may kinamatarong man ako sa pagbawi sini.”
        • Bisan ano pa kadulom sang aton kahimtangan – kontrolado sang Dios ang tanan
        • Ang tawo maka plano – basi puro mala-ot ang ginatuyo nga buhaton
        • mahambal sila sang gusto nila nga hambalon – himoon nila kon ano ila gusto
        • Apang sa katapusan – Ang Dios kontrolado niya ang tanan – ginagamit niya ang tanan nga bagay para matuman ang iya katuyu-an
        • Nagakahulugan nga maka pahuway kag makasalig kita – kon ang Dios para sa aton sin-oo ang maka pamatok pa sa aton!
• 2^nd – Pag Preparar sang Iya lubong… vs. 6-13
  • Ang kaangid nga mga bersikulo – Mateo 26:5-13, Juan 12:3-8
  • Si Jesus nag kadto sa Betania – sa balay ni Simon nga may aro
    • Betania – gamay nga bario sa nasidlangan nga bahin sa bukid sang Olivo – 2 milya halin sa Jerusalem…
    • wala mahibaluan kon sino si Simon – ginapatihan nga gin ayo siya sa aro ni Jesus …
    • Ayhan si Simon nag hatag sang sinalosalo sa pag pasalamat sang pag ayo sa iya ni Jesus…
    • Kilala man naton si Maria, Marta, kag Lazarus (ginbanhaw sa minatay) ara man sila
  • Isa ka babayi nga may Alabaster nga botelya – puno sang malahalon nga lana (4 butang)…
  • 1^st – Ang Babayi – Maria sang Betania – utod ni Marta
    • Pareho nga Maria nga nagpungko sa tiilan ni Jesus – Luke 10:38-42
    • Si Jesus nag kadto sa Betania sa balay ni Maria kag Marta
    • Si Marta masako sa paghimos sang mga butang – kag nag nagdemanda kay Jesus nga pabuligan sa iya si Maria
    • Si Jesus nag sabat – Marta ngaa ga palibog ka kag indi mapahamtang nahanungod sang madamo nga butang…
    • Apang si Maria ginpili niya ang maayo nga butang – kag ina indi makuha sa iya
    • Si Maria nakabalo kon ano ang mas importante nga butang – nga magpungko sa tiilan ni Jesus
    • Kon himoon mo ini – ma realisar nimo nga si Jesus ang may Kontrol kag indi dapat nga mag palibog!
    • Naga palibog ka bala sang madamo nga butang sa sini nga adlaw…
    • naga sako sako – permi –wala na sang tion – wala tion mag pungko sa tiilan ni Jesus…
    • Amo na kon ngaa permi nagakabalaka kag nagapalibog – wala na tion para kay Jesus!
    • kon unahon naton ang pag pungko sa tiilan ni Jesus – ang tanan mabutang sa insakto nga lugar
    • Gani, subong taga-i tion – magpungko sa tiilan ni Jesus – sa Iya Pulong kag kag sa pagpangamuyo
  • 2^nd – Ang kahon nga Alabaster nga may unod nga spikenard – (mahamot kag malahalon nga lana halin sa India)
    • Ang Alabaster (gin ngalanan sa isa ka banwa sang Ehipto kon diin ini gina obra )
    • Isa ka botelya ang sulodlan nga kinahanglan nga buk-on agod maabri – ginahimo gid para sa suludlan sang mahal nga lana
    • Ang lana – spikenard – nagabili 300 ka adlaw nga sweldo (300 denari)
    • kon naga sweldo ka sang P150 ang adlaw – ang lana naga bili sang P45,000!
    • Ini literal nga regalo para sa Hari – naga representar sang bug-os nga kabuhi nga pagtipon!
  • 3^rd – Gin buhos sa ulo kag tiil ni Jesus – Juan 12:3
    • Indi lang bug-os nga kabuhi nga sinuptan ang ginbuhos niMaria sa ulo ni Jesus
      • sang tapos niya nga e buhos sa Ginoo – gin gamit niya ang iya buhok sa pag pahid sa tiil ni Jesus
      • Si Maria gusto niya gid nga ihatag ang tanan kay Jesus –kontento nga mag simba sa Iya tiilan
    • Ang mga Disipulo wala nalipay (ilabi na gid si )…
      • Si Judas nagsiling – ang ina nga lana pwede gid nga ibaligya kag ihatag sa mga imol – Juan 12:5-6
      • Ginhambal niya ina tungod siya ang ga tago sang “kwarta sa kaha” kag makawat niya ini…
      • Ang tuod nga motibo ni Judas nga indi niya gusto ang regalo ni Maria – gusto niya para sa iya lang kaugalingon!
  • 4^th – Gin sabdong ni Jesus ang mga Disipulo…
    • ngaa ano gid ang ginapagamo ninyo sa babayi – gin himo niya ang pinakamaayo nga butang
      • Ang mga imol ara na sila permi sa inyo – kag kon gusto ninyo mag bulig bisan sa ano nga tion makabulig kamo…
      • Apang si Jesus makadto gid sa krus – tapos sa Langit – wala siya permi diri…
      • Nahangpan ni Maria ang Pulong ni Jesus nga wala madiparahan sang iban didto
      • Nahangpan niya man nga sa 2 na lang ka adlaw ma-atubang na si Jesus sa krus!
      • Gin haplasan ni Maria si Jesus para sa iya lubong…
    • Ngaa si Maria lang ang nakahangop kag ang iban wala…
      • Si Maria wala naumid sa pag handum sang kwarta (300 ka adlaw nga kita…)
      • Mas gina ulikdan niya ang eternidad kaysa mga pagkabutang sang sini nga kalibutan…
      • Nahangpan niya nga wala sang mas importante kaysa makilala niya si Jesus…
      • kon matu-od gid nga nahangpan naton wala na sang mas importante sang sa kay Jesus
      • Indi sa posisyon – ang respeto sang tawo – madula / magapabilin sa madali lamang …
      • Indi sa Kwarta – bisan ano pa nga may ara ka – indi gihapon bastante
      • Apang sa pagkilala kay Jesus – mag pungko sa iya tiilan sa pag simba sa Iya
      • Ina kon nahangpan ta gid – ang iya Pulong – kag ang iya tinutuyo sa aton kabuhi!
    • Bisan diin ang Maayong Balita ma pahayag sa bilog nga kalibutan…
      • Madamo nga tawo naga tilaw nga mag bilin sang ‘marka’ – ngalan bilang handumanan nga madumduman
      • Apang ang mga handumanan malusod – ang ngalan mapanas – mga bagay malimtan…
      • Apang ang kay Maria nga gin buhat indi – asta subong gina estorya pa gihapon iya nga ‘buhat’ 2000 na ka tuig ang nakaligad!
      • Ang butang nga ginhimo naton sa aton kaugalingon – dayaw sang tawo – ina tanan malimtan…
      • Ang butang nga ginahimo naton para sa Dios amo ang magapabilin tubtub sa katubtuban – Mateo 6:20
• 3^rd – Preparasyon sa pagtraidor… vs. 10-11
  • Si Judas Iscariote – nagkadto sa mataas nga Saserdote – ano ang gusto mo nga ihatag …
    • Ayhan naglalain si Judas – sa pamatyag niya nga na usik ang regalo ni Maria kay Jesus…
    • Sang nakita niya nga daw indi gid siya makaginansya kay Jesus – nag lakat siya sa pag pangita sa iban
    • Ang iya motibo indi man gid nga kilalahon niya ang Dios – mag alagad sa Ginoo – ang iya lang para sa iya kaugalingon!
    • Ano ya ang imo motibo nga naga kadto ka sa simbahan – ngaa gusto mo mag sunod kay Jesus
    • Ara lang bala kita sa simbahan para sa kon ano ang makuha naton sa Ginoo
    • Ginahunahuna mo bala nga kon ano ang maginansya mo sa Dios – ano ang matabo kon wala ka sang may makuha …
    • Ang mensahe sang Maayong Balita ni Jesus indi kon ano ang makuha naton sa sine nga kabuhi sa kalibutan
    • Ang Dios wala naga promisa sang manggad sini nga kalibutan – Ang iya nga promisa amo ang manggad sa eternidad
  • 30 kabilog nga pilak…
    • Bisan nga si Judas disipulo siya ni Jesus – nag sugot nga ihatag si Jesus – nga may bili
      • Ang bili – 30 kabilog nga pilak – mga P1,500
      • Kon binagbinagon ang gin halad ni Maria naga bili sang P45,000 para kay Jesus
      • Si Judas kag ang mataas nga saserdote wala nag hatag sang balor sa kabuhi ni Jesus…
      • Isa ka presyo sa patay nga ulipon – Exodo 21:32
    • Sa katapusan ginbaligya ni Judas ang iya palanublion nga manggad sa eternidad – bilang isa ka disipulo ni Jesus
      • Sa P1,500 (bisan ina wala niya matago – tungod sa konsensia gin balik niya)
      • ano ang ginapinsar mo nga mas takus sang sa kay Jesus – magkabuhi kay Jesus – kag mangin iya disipulo
      • 10 million ka pesos – Presidente sang Pilipinas – Artista /manugkanta…
      • kon tani – pero bisan may amo ka sina indi gid na makakumpara sa imo nga ipatumbayaan…
      • Ang pinakamaayo nga mahatag sang kalibutan – magapabilin sa magamay lang nga tinuig…
      • Ang ginaaman sa aton ni Jesus para sa eternidad! ngaa ibaligya naton ang aton kaugalingon nga sobra ka barato
    • Halin dira si Judas nag pangita idea nga masulhay kag may oportunidad nga mag traidor kay Jesus…
      • Ang kahigayunan duha na lang ka adlaw ang kalayu-on – sa gab-i sang Paskua…
      • Si satanas maga sulod sa iya kag ang Dios ipadala didto sa krus agod mapatay
    • Ang Katuman sang propesiya – Zecarias 11:12-13 – 30 ka pilak – pagbulut-an nga presyo
      • Ang pag traidor ni Judas indi makakilibot – si Jesus nakabalo sang pag pili pa lang sa iya
      • Ang pag traidor – asta sa 30 ka pilak – tanan gintagna
      • Ngaa nga gin pabilin pa ni Jesus si Judas – nga gintugotan siya nga mag traidor
      • Para tagaan siya sang kahigayunan nga mag liwat – ang kahigayunan nga mag pareho siya kay Maria…
      • Kon pareho ka kay Judas sini nga aga – ang Dios nakabalo sang aton tagipusoon…
      • kon na tiplang ka sa pagulikid sini nga kalibutan – ga tan-aw lang sa kon ano ang aton makuha…
      • Si Jesus mapailubon sa pag hulat sa aton nga aton makita –nga ang kabuhi tuman ka sobra sang sa pagka-on lang okon kwarta…
      • Nagahandum para sa aton – nga pareho kay Maria – magpungko sa Iya tiilan kag mag simba – tungod…
      • Ang kabuhi – ang matuod nga kabuhi – wala katapusan nga kabuhi – simple lang nga kilalahon naton si Jesus – Juan 17:3