Mark 14:43–52

Marcos 14:43-52

Introduction…

• Marcos – Ang Maayong Balita para sa mga Gentil – nagapakita nga si Jesus naga-alagad sa tanan – Marcos 10:45
• Marcos 10-12 – Ang Katapusan nga paglakbay sa Jerusalem…
• Chapters 14:1-11 – Ang pagpreparar para sa krus
  • Pagpreparar sang mga disipulo – vs. 1-2
  • Pagpreparar para sa Iya lubong – vs. 3-9
  • Pagpreparar para sa pag-traidor sa Iya– Nagpasugot si Judas nga traidoran si Jesus sa balor nga P1,500- vs. 10-11
  • Chapters 14:12-25 – Ang Paskwa
  • Pagpreparar para sa Paskwa – ginlansang sa krus Miyerkules (Tradisyon lang ang Biyernes) vs. 17-19
  • Si Judas sa Paskwa – vs. 20-25
    • Ginsugiran ni Jesus ang Iya nga mga disipulo nga isa sa ila ang matraidor sa Iya – pero nahibaluan Niya na
    • Nagpamangkot Siya para mahatagan si Judas sang isa pa ka higayunan nga makahinilsol…
  • Ang pagselebrar sang Paskwa– vs. 26-30
    • Gin-uyatan ni Jesus ang tinapay – Matzah – kag nagsiling nga ini Iya nga Lawas –
    • Isaias 53:5
    • Matapos ang panyapon gin-alsa ni Jesus ang kopa – Ha-Geullah – kag nagsiling nga ini Iya nga Dugo
    • Bag-ong Kasugtanan – sa Iya nga pagsakripisyo ginhatagan Niya kita sang Bag-o nga Kasugtanan
    • Chapters 14:26-42 – Ang hardin sang Gethsemane
  • Ang tanan nga mga disipulo magabiya kay Jesus – pagkatapos sang pagbanhaw nagkilit-anay sa Galilea – vs. 26-28
  • Kombiksyon ni Pedro – Bisan tanan sila mabiya – Indi gid ako magbiya sa Imo! – vs. 29-31
    • Jesus – antes matapos ini nga gab-I, ipanghiwala mo ako 3 ka beses…
    • Pero indi magkabalaka sa inyo nga tagipusoon – Malakat ako para magpreparar sang lugar para sa inyo – Juan 14:1
  • Ang linasan sang Oliva… vs. 32-42
    • Hardin sang Gethsemane – linasan sang oliva – kabug-atan sang sala sang kalibutan napatong kay Jesus
    • Sila lang ni Pedro, Santiago, kag Juan ang nag-upod kay Jesus – “mga espesyal”
  • Ang unod kontra sa Espirito…
    • Nagsugo si Jesus nga mag-tiner kag magbantay (pangamuyo) – natulugan sila – 3 gid ka beses!
    • Gusto sang espirito – galing maluya ang unod
  • Ang pangamuyo ni Jesus (3 ka beses)…
    • Tatlo ka beses nangamuyo si Jesus – Ginoo indi ang akon kagustohan kundi ang Imo
    • Nagadepende sa Amay, nagdesisyon Siya sang pinakabudlay – kag pinaka-importante nga desisyon – sa tanan!

Ang pagtraidor kay Jesus… vs. 43-52

• Introduction…
  • Sa Gethsemane – pinaka-budlay nga desisyon ang ginhimo ni Jesus – sa bug-os nga kasaysayan
  • Ginpili sang Dios nga ihatag ang Iya kabuhi – para ang mga makasasala mabuhi
  • Naplastar na ang entablado – nag-abot na ang oras Niya – padulong na Siya sa krus
  • Antes sina, gintraidoran Siya – sang isa ka ginasaligan kag suod nga abyan…
  • Ang pagtraidor… (3 ka puntos) vs. 43-46
  • 1^st – Nag-abot sila nga may upod nga mga soldado…
    • Judas – isa sang mga dose – Sila ni Mateo, Marcos kag Lucas nagpadayon nga naghatag sang iya titulo…
    • Kag ang mga lideres sang Judio – nagdala sang mga kasoldadohan para dakpon si Jesus
      • May mga tropa sang Roma nga halin sa Antonio fortress – Juan 18:3
      • May mga pulis sang templo sang mga Judio – Lucas 22:52
      • Madako gid nga kadam-an nga armado sang espada – batuta – kag mga parol
      • Tanan ini para lang sa isa ka panday kag onse ka mga mangingisda…
    • Indi ini ang una nga bes nga gintiliwan nila dakpon si Jesus – Juan 7:30, 8:20
      • May abilidasd si Jesus nga makalusot kag madula sa mga kadam-an…
      • * Lucas 4:29–30 – “Nagtilindog sila kag gin-guyod nila si Jesus paguwa sa banwa, didto sa may pil-as dampi (kay ang ila banwa sa ibabaw sang bukid). Gusto nila nga itiklod si Jesus didto sa pil-as.  Pero naglusot si Jesus sa tunga nila kag ginbayaan sila.”
      • Determinado na sila subong nga indi makapalagyo si Jesus!
  • 2^nd – Naghatag si Judas sang sinyales…
    • Kun sin-o man ang iya halukan – dakupa Siya – kag siguradohon nga indi makapalagyo…
      • Interesante nga kinahanglan pa sang grupo sang sinyales para makilala si Jesus …
      • Masami ang aton nga ideya nga may sanag nga nagapalibot kay Jesus – halo ayhan sa ulo – nga makilal-an dayon sang tanan…
      • Nga kun ara ka isa ka milya lapit sa kay Jesus mabatyagan mo nga lapit na Siya…
      • Sa matuod wala – wala Siya sang tumalagsahon nga kinaiya – nga magahatag gid talupangod sa Iya…
      • Isaias 53:2 – “Kabubut-on sang Ginoo nga ang iya alagad mangin pareho sa tanom nga nagatubo, nga nagapanggamot sa mamala nga duta. Wala siya sing katahom ukon kaambong nga manamian kita sa iya.”
    • Halok – kataphileo – literal nga punuon sang halok – gapakita sang dako nga ‘paghigugma’
      • Nagpalapit si Judas kay Jesus kag gintawag Siya nga ‘Rabi’ – nagakahulugan manunudlo okon agalon
      • Dayon siya naghakos kag naghalok – nagapakunokuno sang suod nga pagka-inabyanay…
      • Kun direkta nga gin tudlo ni Judas si Jesus – ‘amo na siya’ – basi mas mahapos pa
      • Pero magpalapit sa pagtahod kag pagka-inabyanay – amo ina ang sinyales sang pagka-traidor!
      • Madalom kag personal – masakit nga buno sa likod – halin sa isa ka suod nga abyan
      • Kon may isa ka tawo nga indi mo nauyonan – wala ginasaligan – mahambal / maobra sang butang para masaktan ka– OK lang
      • Pero natilawan mo na nga gintraidor ka sang isa ka tawo – nga imo ginasaligan…
      • Kon traidoron ka sang imo abyan – magabilin sang madalom nga pilas / marka – isa nga madugay mag-ayo
  • 3^rd – Nagsiling si Jesus, “Ginatraidor mo ako sa isa ka halok?” – Lucas 22:48
    • Nahibaloan ni Jesus ang madulom nga tinutuyo ni Judas – kag ginpakita sa iya ang iya nga salimpapaw nga pakita sang gugma…
    • Madamo ang mapakunokuno nga abyan sila – masiling nga abyan sila…
    • Pero ang matuod nga abyan ara kay nagahigugma sila – indi tungod sa kon ano ang makuha nila sa imo
    • Ang matuod nga abyan indi sa ginahambal– okon sa hitsura – kundi sa tagipusoon
  • Ang Reaksyon… (5 ka punto) vs. 47
  • 1^st – Isa sang mga disipulo nagbunot sang iya espada– Juan 18:10 – nagasiling nga si Pedro ini…
    • Isa sa duwa ka espada nga gindala nila halin sa Paskwa – Lucas 22:38…
    • Si Pedro – nga basi nagtuyo nga patyon ang tawo – naghanot sang iya espada kag naigo ang dalunggan sang alagad sang saserdote…
    • Mangingisda si Pedro – indi soldado – kag sa aton makit-an, indi gid maayo mag-usar sang espada…
    • Iya siguro ginpili si Malchus – alagad sang Saserdote – kay ini ang nagapanguna sa grupo…
  • 2^nd – Ipahigad na ang espada – Mateo 26:52
    • Ang mabuhi sa espada – mapatay man sa espada
      • Indi kasingki ang sakto nga sabat – ang pagsalakay sa ila magadala lang sang kamatayon ni Pedro…
      • 11 ka mga mangingisda nga may 2 ka espada wala gid padaog sa tropa sang mga soldado…
      • Nagtraidor na si Judas sa ila – mapadulong na si Jesus sa krus…
      • Ang reaksyon ni Pedro base sa iya balatyagon – kasingki / kaakig – imbes nga paagi sa kaalam…
      • Kun may naghatag kasakit sa aton kag ang aton reaksyon base sa balatyagon – makadugang lang kita sa halit
      • Ginapadako ta lang ang problema imbes nga solbaron – ang kaakig maga-dala pa gid sang dugang nga kaakig
      • Hulubaton 15:1–“Ang mahinay nga sabat makapahaganhagan sang kaakig, pero ang matigdas nga sabat makapaibwal sang kaakig.”
  • 3^rd – Indi ini tion sang mga espada – Juan 18:11
    • Kun nagkari si Jesus para mag-sakop – ang Iya nga mga alagad (Pedro) makipag-away
    • * Juan 18:36 – “Ginsabat siya ni Jesus, “Ang akon ginharian wala diri sa sining kalibutan. Kon ang akon ginharian diri sa sining kalibutan, kuntani nagpakig-away ang akon mga sumulunod agod indi ako madakop sang mga Judio. Pero sa pagkamatuod, ang akon ginharian wala diri sa sining kalibutan.”
    • Wala nagkari si Jesus para manakop sang mga nasyon– Nagkari siya para sakopon ang sala…
    • Ang isa lang gid ka paagi nga makaperdi sang sala – amo ang krus!
    • Ang pinakamaayo gid nga armas ni Jesus amo ang Gugma – Juan 3:16
    • Ang pinaka-gamhanan nga armas naton pamato sa iban – amo ang Gugma ni Jesus
    • Ang gugma nga kinahanglan mabatian sang tanan nga tawo – kapin na gid sa nagahatag sang kasakit sa aton
    • Panumdomon ta nga nagtalang sila – kag kaangay naton makasasala man sila – kag may ginabatyag man nga kasakit
  • 4^th – Ulihi nga milagro ni Jesus antes sang krus…
    • Ginbalik ni Jesus ang dalunggan nga na-utod ni Malchus – ang tawo nga nagkari para ibutang Siya sa krus!
    • Asta gid sa katapusan – ginhigugma ni Jesus bisan ang mga akig sa Iya kag gusto Siya ipapatay…
    • * Mateo 5:44– “Pero ako nagasiling sa inyo nga higugmaa ninyo ang inyo mga kaaway. Bisan pa ang mga nagahingabot sa inyo pangamuyuan ninyo.”
    • Kun may tawo nga nakasakit sa aton– nagtraidor sa aton – makahalalit nga naga-usar sa aton – HIGUGMAA sila!
    • Kun prangkahanay lang – indi ini ang aton una nga pilion – basi mas gusto naton nga usaron ang espada!
    • Apang ang Gugma mas gamhanan gid – Baylohon sang Gugma ang aton nga mga kaaway para mangin mga abyan!
    • Basi mamangkot ka – ‘ano ang dapat ko hambalon’ – basi wala ka sang manami nga tinaga nga ihambal…
    • Paano ta sila higugmaon – hatagan ta sila sang Pulong sang Dios/Bibliya – ihatag naton sa ila si Jesus…
    • Indi pag-usaron ang Pulong sa kaakig – kundi sa pagpatawad nga halin sa matuod nga paghigugma
  • 5^th – Ang Pulong sang Dios…
    • Ang pulong sang Dios masami nga ginapatuhuyan nga Espada – Efeso 6:17, Hebreo 4:12
    • Kon usaron naton ang Pulong sang Dios – gamiton ini batok sa iban – nagapang-utod kita dalunggan!
      • Permi ako makakita sang mga tawo nga gina-usar ang Bibliya para atakehon ang iban…
      • Ginagamit ang Pulong sang Dios para magkondenar – balbalon ang iban tungod makasasala sila…
      • Imbes nga hatagan sila sang Maayong Balita – ang mensahe sang paglaum kag kaluwasan…
      • Sa ini nga paagi, mga tawo indi na magpamati sa Bibliya – gina-utod nila ila dalunggan
    • Ang maayong balita – Si Jesus nagapanghikot nga mabalik kag mag-angot ang mga nautod nga dalunggan!
      • Sa madason nga tion – okon subong nga tion – nga may magtraidor okon magsakit sa imo…
      • Ihatag sa iya ang Gugma ni Jesus – ang Maayong Balita – ang paglaum nga may kapatawaran…
      • Basi masapwan mo na lang nga ang imo kaaway – abyan mo na!
  • Ang Dios ang nagapangapin sa aton… (2 ka ehemplo)
  • Ako… Juan 18:5-8
    • Sang pag-abot sang kadam-an nga upod si Judas, namangkot si Jesus ‘Sin-o ang inyo ginapangita?’…
      • Sang nagsabat sila – si Jesus sang Nazareth – nagsabat Siya, ‘AKO’
      • Indi sabat lang ini – isa man ini ka titulo – Exodo 3:14 – ang ngalan sang Dios!
      • Ini nga mga tawo nagkari para arestohon ang Dios – gamit ang mga
  • kutsilyo kag lipak…
    • • Diri naton makit-an ang kabuangan sang sini nga plano batok kay Jesus …
      • Tanan nga kasoldadohan sa kalibutan – nga may dala nga tangke, eroplano kag mga barko…
      • Wala gid gihapon padaog kontra sa manog-tuga sang tanan nga kalangitan kag kalibutan!
      • Ano na lang ayhan ang grupo nga may balon lipak kag kutsilyo!
    • Sa isa lang ka tinaga ni Jesus gilayon sila nga natumba paatras…
      • Sa Iya nga Pulong – indi sila makatindog – sa Iya nga Pulong – nagkurog sila…
      • Ang indi maobra ni Pedro paagi sa espada – ginobra ni Jesus paagi sa isa ka tinaga…
      • Kon kaisa madali kita malipat kon sin-o ang ara sa aton tupad…
      • Kon ang kalibutan nagapamatok sa aton – makapamensar kita nga dehado kita…
      • Pero ang kamatuoran kay Jesus – bisan sin-o ang nagapamatok sa aton – ara kita upod sa dumalaog !
      • Kaangay ni Elisha kag sang iya nga alagad sang ginpalibutan sila sang mga kasoldadahan sang Syria
      • Nakulbaan ang iya alagad – sa maayo kag maathag nga rason – naghunahuna nga mapatay na sila…
      • 2 Hari 6:16 – Nagsabat si Elisha, “Indi ka magkahadlok. Mas madamo ang aton mga kaupod sang sa ila.” 
      • Ginbuksan sang Ginoo ang mata sang alagad, kag ang bilog nga bukid puno sang mga Anghel
      • Kon magtindog kita para sa Ginoo – wala gid kita sang ikahadlok bisan kay sin-o!
  • 12 ka lehiyon sang mga anghel– Mateo 26:53…
    • Basi malisahan naton kon ano ka dalayawon ang ginhambal ni Jesus…
      • Ang lehiyon sang Roma may ara 6,000 ka mga tropa – amo nga ang 12 ka lehiyon may ara 72,000 ka mga tropa
      • Si Jesus nagasiling – Makatawag siya sang 72,000 ka mga angel!
      • Isa ka Anghel sa isa ka gab-I nakapatay 185,000 nga mga tropa – 2 Hari 19:35
      • Ang 72,000 ka mga anghel makasarang magpatay – 13.2 billion ka mga tawo!
    • Ang punto – bisan ano kadamo nga tawo ang mag-aresto kay Jesus…
      • Wala siya nag-upod kay napilitan Siya– Nag-upod Siya kay ginpili Niya!
      • Juan 10:18– “Wala sing may makapatay sa akon kon indi ko ini pag-itugot. Pero kabubut-on ko nga ginahatag ang akon kabuhi. Pagusto ako sa paghatag sini, kag pagusto man ako sa pagbawi sini. Amo ini ang ginsiling sang Amay sa akon.”
      • Indi mga tawo ang nagbutang kay Jesus sa krus – indi mga lansang ang nagapatapik sa iya sa krus
      • Ang aton sala ang nagbutang kay Jesus sa krus…
      • Ang Iya DAKO nga paghiguma para sa imo kag sa akon ang nagpatapik sa Iya sa krus!
  • Gintalikdan nila tanan si Jesus kag nalagyo… vs. 48-52
  • Nakasugata ka na bala sang kawatan…
    • Ginapaguha nga si Jesus isa ka makatalagam kag armado nga kawatan – nga may upod nga isa ka gang…
    • Galing indi man sila mga kawatan nga nagapanago – wala sila sang nahimo nga krimen…
    • Lantad nga makit-an sila – kada adlaw pa gani nga nagapungko kag nagapanudlo si Jesus sa Templo…
    • Indi ini isa ka akto nga hustisya para sa isa ka krimen – amo ini ANG krimen!
    • Nagkari sila sa gab-I para wala sang makakita – para mag-obra sang nahibaloan nila nga sala…
    • Nagkari sila para dal-on ang isa ka inosente sa Iya kamatayon!
  • Dayon nagtalikod kag nalagyo ang tanan nga 11 ka disipulo…
    • Lakip na diri ang isa ka lamharon nga lalaki nga nagsunod man kay Jesus (diri lang sa Marcos)…
    • Nagapanabon siya sang panapton – kag ginhawiran siya sang mga soldado para ipriso siya…
    • Ginbilin niya ang iya panapton kag nalagyo siya nga hublas!
    • Ginahunahuna nga amo ini mismo si John Mark – ang nagsulat sang Gospel sang Marcos
  • Ini nga mga hitabo natabo para nga ang Kasulatan kag ang mga Propesiya matuman…
    • Gintuman ni Jesus ang masobra 300 ka mga propesiya sa Daan nga Kasugtanan sa Iya nga kabuhi – kag kamatayon
    • Tanan nga Iya ginhimo – Ginhimo niya suno sa kon ano ang ara sa propesiya…
    • Isaias 53:5-6–“Ang matuod, ginpilas siya tungod sa aton mga paglapas; ginhanot siya tungod sa aton mga kalautan. Ang silot nga iya gin-antos amo ang nakahatag sa aton sang maayo nga kahimtangan kag paagi sa iya mga pilas gin-ayo kita. Tanan kita pareho sa mga karnero nga nagtalang; kada isa sa aton nagpagusto kon ano ang iya luyag himuon. Pero siya ang ginpaantos sang Ginoo sang silot nga para kuntani sa aton tanan.”
    • Nagkabuhi Siya – kag ginhatag Niya ang Iya kabuhi – suno sa pulong sang Dios
    • Kon aton handom nga magsunod kay Jesus– dapat lang kita nga magkabuhi suno sa Iya Pulong!
    • Galacia 2:20 – “Napatay ako kaupod ni Cristo sa krus. Indi na ako ang nagakabuhi subong, kundi si Cristo na ang nagakabuhi sa akon. Kag ining kabuhi nga akon ginakabuhi subong amo ang resulta sang akon pagtuo sa Anak sang Dios nga naghigugma sa akon kag naghalad sang iya kabuhi para sa akon.”
    • Ang paghiguma sa mga nagtraidor sa aton – paghatag sang kapatawaran sa mga nakasakit sa aton…
    • Indi magka-hadlok sa kalibutan kon ini nagapamatok sa aton – kay aton nahibaloan nga ang Dios ara sa aton tupad!