Making Bible Study Easy for everyoneEnglish • Hiligaynon
Back to Nehemiah
Verse-by-Verse Bible Study

Nehemiah 8–9

Revival in the Land... (2 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Nehemias 8-9

Review…

  • Personal nga Atake: Sang si Sanballat / Tobiah / kag Geshem nakabati nga ang pader manog tapos na…
    • Nagpadala sila sang mensahe kay Nehemias – 4 ka beses – nagapangabay nga makigkita sa iya…
    • Apang ang plano nga buyokon siya sa naligwinan nga duog – kag patyon siya para mauntat ang pag obra sang pader…
    • Ang pag pang-indi ni Nehemias maalamon gid – ngaa biyaan niya ang iya obra para makigkita sa ila!
    • Gani ang suloguon ni Sanballat nagkadto nga may dala nga sulat nga bukas, kag may pang insulto kay Nehemias…
    • Ang sulat naga akusa sa mga Judio nga naga plano nga magrebelde batok sa Persia – kag si Nehemias ang himoon nga Hari…
    • Si Nehemias nag sabat – ini tanan binutig – Nag pangamuyo siya sa Dios nga taagaan kusog ang iya mga kamot!
    • Si Shemaiah – isa ka pari – naghambal kay Nehemias nga makigkita sa iya sa Templo –Kag saradan ang ganhaan…
    • Maayo nga lugar panaguan – tungod si Sanballat makadto sa pagpatay sa iya…
    • Nahibaluan ni Nehemias nga sayop ang iya propesiya – Gin bayaran si Shemaiah para pahugon siya!
    • Sa pihak sang tanan nga pagpamahog – natapos ang pader sa 52 ka adlaw …
    • Sang nabatian sang ila kaaway ini gin luyahan gid sila – na realisar nila ara ang Dios sa likod sang Obra!

Ang pagpasag–uli sang Nasyon … (2 things)

  • 1st – Pagsaulog sang Pulong … vs. 1-19
    • 1st – Ang Ulo sang Bag-ong tuig… vs. 1-2
      • Ang mga Katawhan nagtililipon nga tingob – sa una nga adlaw sang ika 7 nga bulan…
      • Ang pader nahuman sang ika- 25nga adlaw sa ika 6 nga bulan– ini 5 ka adlaw na ang nakalipas…
      • Naghulat sila sang pila ka inadlaw – tungod gusto nila nga mag saulog sang bag-o nga sugod sa bag-o nga tuig!
      • Rosh Hashanah – ang Piesta sang Trumpeta – ginahiwat sa una nga adlaw sang Tishri (Oktobre 2-4)…
      • Ulo sang bag-ong tuig – ginahuy-pan ang Shofar – ang trumpeta nga naga tawag sang mga katawhan sang Dios…
      • Ang mga Judio lain ila nga Kalendaryo – sa tuod lang may ara sila 2 ka kalendaryo – iya sang relihiyon/ kag sekular…
      • Ang Hebreo nga kalendaryo sang relihiyon nagasugod sa bulan sang Nissan (Marso/Abril)…
      • Amo na nga adlaw nga nahilway sila sa pag esklabo Ehipto…
      • Rosh Hashanah nahulog sa bulan sang Tishrei – ika 7 nga bulan sang relihiyoso nga kalendaryo…
      • Ang bulan sang Tishri amo ang una nga bulan sang sekular nga kalendaryo….
      • Ginapatihan amo na nga bulan ang pagtuga sang Dios sa Kalibutan!
      • Lain naman nga pag pinsar sang Rosh Hashanah nga amo ini ang kaadlawan sang kalibutan…
      • Pareho sa Israel may ara kita ‘duha ka kaadlawan’ – ang isa natawo kita sa kalibutan…
      • Apang may ara kita nga ika duha nga kaadlawan – pagkatawo naton liwat kay Jesus – Juan 3:3
      • Sang nakakilala kita kag nagto-o kay Jesus –ang aton nga daan nga kabuhi nadula/napatay…
      • Indi na kita ginakilala sa aton nagligad nga kapaltahan – ang daan wala na ginaaplikar…
      • Bag-o na kita nga tinuga – bag-o nga pag-umpisa kay Jesus – Nagsugod liwat!
      • II Corinto 5:17 – “ Ang bisan sin-o nga ara kay Cristo bag-o na nga tawo. Wala na ang iya daan nga pagkatawo, kundi bag-o na siya.”
    • 2nd – Pagtudlo sang Pulong… vs. 3-8
      • Si Ezra isa ka Pari nag dala sang Pulong sang Dios agod itudlo sa mga tawo…
      • Siya man ini gihapon nga Ezra nga una nga nagbalik 13na katuig nagligad para ireporma ang Israel…
      • Wala man nahambal kon ano ang iya nga gin obra sa masobra isa ka dekada halin sang iya pagbalik…
      • Apang sa tradisyon nagahambal nga gingamit niya ang tion sa pagtipon sang canon sang Old Testament!
      • Ang tanan nga makabati nga may paghangop naga tipon kag naga pamati…
      • Nagapanugda nga ang mga lamharon pa gid – mga magagmay nga kabataan – waay dira…
      • Ang katuyuan basi, agod nga ang mga may edad na indi matublag!
      • Wala gina pahanugutan ang edad 12 panubo sa panguna nga santuaryo …
      • Ang rason, tungod bata pa sila kaayo para ‘makahangop’ sang gina tudlo…
      • Sa baylo may ara kita nga CM nga nagatudlo sa kabataan para sa ila lebel kag hapos ma intiendihan…
      • Para nga ang mga may edad na, makapamati sang maayo kay wala sang sagabal!
      • Si Ezra nagatindog sa kahoy nga entablado – kag nag tudlo sa mga tawo halin sa aga asta udto…
      • Kag ang tanan nga tawo naga tindog sa tion nga mag abri siya sang Biblia…
      • Kon mag magpangamuyo si Ezra sa mga tawo – ang tanan gasabat Amen / Amen!
      • Gina tagaan kita sang pinasahi nga paghantop tuhoy sa tradisyonal nga panimbahon sang Hebreo…
      • Amo gihapon gina himo sang kalabanan subong – sa pag wali sa kahoy nga pulpito /naga siling amen…
      • Gusto ko nga ihambal nga may ara tani gihapon sang tradisyon nga pag tudlo halin sa aga asta udtong adlaw
      • Ang mga Levinhon naga bulig – paagi sa pagbasa sang maathag agod ang katauhan makahangop sang kasuguan…
      • Kadamuan sa mga Judio nalimtan na ang pag hambal sang Hebreo – ang lenguahe sang Biblia…
      • Sang si Ezra ang nagbasa – naga kinahanglan sila sang manug-badbad sa Aramaic para sa ila!
      • Mas maayo nga may 5 ka tinaga sa ma-intiendihan nga lenguahe – kaysa 10,000 nga indi maintiendihan– I Corinto 14:19
      • Asta 1969 – ang Katoliko nga panimbahon lakip na ang mga kanta/ pangamuyo/ kag mensahe…
      • Tanan gina hambal sa Latin – bisan pa nga ang pari naka intiende – ang iban ya indi gid makaintiende!
      • Ang mga pastor maka tudlo sang pinakamaayo nga mensahe – makahatag sang mga gamhanan nga kamatuoran nga makabaylo sang kabuhi…
      • Pero kon indi mo ma-intiendihan -mangin isa lang ini ka waay pulos nga rituwal / relihiyon!
      • Ginabaliwala lang naton nga makapudyot lang kita sang Biblia kag mabasa ang Pulong…
      • Apang ang Biblia 500 ka tuig pa lang nga natigayon sa lokal nga hinambalan!
      • Ang mga Levinhon nag bulig – paghatag sang kahulugan sang Kasuguan…
      • Ang suhestyon nga may ara nga pagpatpat /kag pagtalastas sang Pulong sang Dios…
      • Kadamo nga mga pastor nga gamay lang tion nga ginahatag sa pag talastas / pagtudlo sang Pulong…
      • Sa baylo nagasugid sang mga kaladlawan nga istorya para mag-intertinar – wisikwisik lang sang malaka nga mga verse sa Biblia…
      • Kay indi nila gusto masakitan ang mga tawo – Kay ang Biblia Kasakit!
      • Apang indi man ang aton tinaga/ ukon kaladlawan nga estorya – ang dapat mabatian sang Katawhan …
      • Kinanglan nila mahibaluan ang katalagman sang impyerno – kag ang padya sang langit…
      • Parte sa pala-abuton nga paghukom sang Dios – kag ang Paglaum nga ara kay Jesus!
      • Apang wala ina nila mahibaluan – tungod nga wala sila hinalongong sa Pulong!
      • Kag ang dapat nga nagatudlo sina sa ila – ang mga pastor – wala nagatudlo…
      • Ang pinakadako nga problema sang simbahan subong –tigulutom gid sa duta!
      • Amos 8:11 – “Pero indi ini kagutom sa pagkaon ukon kauhaw sa tubig, kundi kagutom kag kauhaw sa pagpamati sang akon mensahi.”
    • 3rd – Ang Pagsabat sang Pulong… vs. 9-12
      • Nehemias – Ezra – kag ang mga Levinhon nag-pabakod sa mga katawhan nga indi mag tangis…
      • Ayhan sang pagkabati nila – kag pag intiende –Ang Pulong nag buong sa ila nga tagiposoon…
      • Ang Mga Katawhan nagapinsar nga okay lang sila – wala nila makita nga kinahanglan nila ang Dios…
      • Asta nga gin basa sa ila ang Pulong sang Dios – kag didto nila natalupangdan kon ano sila ka makasasala!
      • Jeremias 23:29 – “Indi bala nga gamhanan ang akon pulong? Pareho ini sa kalayo nga makasunog ukon sa martilyo nga makadugmok sang bato.”
      • Ang tinaga nga ‘Maayo’ isa ka mapaanggid nga tinaga – kon ano ka maayo ang isa ka butang naga depende sa kon ano ang ginapa-anggidan mo…
      • Laban nga mga tawo malalis sa imo nga maayo sila nga tawo – dyutay lang gid ang mahambal nga sila malain…
      • Apang ano okon sino ang ginapaanggidan nila sang ila kaugalingon – Maayo ka ikumpara kay sin-o…
      • Kon ang kahulugan sang maayo amo nga mas maayo sang sa – manugpatay – laban nga tawo maayo…
      • Kon ang kahulugan sang maayo amo nga mas maayo sang sa akon tupad balay – basi ,Ok pa gihapon…
      • Apang ang kahulugan sang maayo amo ang Dios – Mateo 5:48 – nagakahulugan lang indi kita maayo!
      • Halin sa pinaka maayo nga persona pakadto sa pinakalain – wala sang isa nga takos makakadto sa langit!
      • Romans 3:10 – “Kay amo gid ini ang ginasiling sang Kasulatan: Wala gid sing bisan isa nga matarong…’”
      • Ang mga Levinhon naga pabakod sa mga katawhan nga magsaulog – magkaon sang sapay (burgers) / mag inom sang matam-is (soda)…
      • Bisan sila nga makasasala – ang kalipay sang Ginoo ang ila nga Kusog!
      • Mag-saulog sila tungod nga ang Dios ila paglaum – may gahum siya sa pag landas sang sala!
      • Indi tungod nga makasasala – kay tanan man kita Roman 3:23 – nga indi makakadto sa langit…
      • Ang Dios nag hatag kay Jesu-Cristo nga amo ang solusyon sa aton sala – may ara kita nga paglaum!
      • Bisan ang aton kaayo indi makaluwas sa aton – indi ta maganar nga makakadto kita sa Langit…
      • Naluwas kita sa pag tuo sa pag halad ni Jesus sang iya kabuhi sa krus agod ang aton sala mapatawad!
      • Efeso 2:8-9 – “ Kay tungod sa bugay sang Dios naluwas kamo paagi sa inyo pagtuo kay Jesu-Cristo. Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal.”
      • Labi na gid nga ang mga katawhan nga nalig-on nag padala sa iban – agod nga makipagsaulog upod man sa ila!
      • Kita man gintawag sa pag saulog – kag mag sugid sang Maayong Balita sa iban!
      • Kag kon ang isa ka persona nga maluwas – indi mo lang mabal-an – ang iya pamilya kag abyan naga sunod man…
      • Dayon ang mga katawhan masugod sa pagkadto sa simbahan – kag mapukaw mo man ang interes sang iban..
      • Naga damo ang mga tawo nga nagakadto – kag makabati sila sang Pulong – Roma 10:17
      • Kag sa pagkabati nila sang Pulong sang Dios – may ara na sang pagpanumbalik!
    • 4th – Ang Piesta sang mga Payag-payag… vs. 13-18
      • Pagka dason nga adlaw ang mga lider nag tipon upod sa mga pari kag kay Ezra…
      • Nag padayon sa pag basa sang Pulong – nasapwan nila nga maga istar sila sa mga payag-payag sa ika 7 nga bulan…
      • Gani ang proklamasyon naglapta sa tanan nga taga Israel nga mag tipon sang sanga – para sa pag-patindog sang payag-payag…
      • Ila gin himo sa babaw sang ila balay / sa abri nga luwang /sa tupad sang Templo…
      • Halin sang adlaw ni Joshua – ang mga kabataan sang Israel wala nakasaulog sa amo ni nga paagi!
      • Sa sulod sang 7 ka adlaw nag saulog sila – kag sa ika 8 nga adlaw may ara sang espesyal nga pagtililipon!
      • Sukkoth – ang Piesta sang Tabernakulo – ika 15 asta 22 sang Tishri (Octobtre 16 – 23)…
      • Isa ka semana nga piesta bilang pagdumdom sang 40-ka tuig nga ang Israel nag dalangdalang sa kamingawan…
      • Ang mga payag-payag ginbuhat halin sa palma bilang malipayon nga pagpahanumdum…
      • Ang temporaryo nga gina istaran sang mga katigulangan nila sa tion sang Exodo…
      • Ang ika 8 nga adlaw sang piesta – ang mga pari ma bubu sang tubig sa halintang sang Templo nga halin sa Siloam…
      • Pagdumdom nga ang Dios nag hatag sang tubig halin sa bato para sa Israel – Exodo 17:6
      • Suno sa I Corinto 10:4 – ang Bato amo si Jesu-Cristo!
      • Ang tradisyon nga ang mga pari makuha sang tubig sa tuburan sang Gihon kag isulod sa 7 ka bulawan nga banga…
      • Ibubu nila padalum sa ‘tikang ni David’ – sa pag dumdom sang tubig halin sa Bato…
      • Juan 7:37-38 – “ Karon, nag-abot ang katapusan nga adlaw sang piesta. Amo ini ang pinakaimportante nga adlaw sang piesta. Sa sadto nga adlaw nagtindog si Jesus kag naghambal sing mabaskog, “Ang bisan sin-o nga ginauhaw magpalapit sa akon kag mag-inom.  Kay nagasiling ang Kasulatan nga ang bisan sin-o nga magtuo sa akon, magailig halin sa iya tagipusuon ang tubig nga nagahatag sang kabuhi.”
      • Ang tubig nga gin inom sang Israel ma kontento sila sa kadali lang – pero mauhaw sila liwat…
      • Natalupangdan niyo bala nga ang mga butang sang sini nga kalibutan indi makakontento…
      • Kon maka bakal ka bag-o nga cell phone – ma kontento ka – sa isa kaadlaw, isa ka simana…
      • Kon mabakal ka bag-o nga bayo -malipay ka – asta mamantsahan…
      • Kon mag tulok kita nga makontento kita halin sa kalibutan – mauhaw gid kita liwat…
      • Apang ang tubig nga halin sa Aton nga Bato – si Jesus -ina Buhi nga Tubig!
      • Kon mag inom kita sang madalom halin sa’ Buhing Tubig’ni Jesus – makita naton ang matuod nga kalipay / kag pagka kontento…
      • Wala man ta gin tuga para sa pagbakal sang cell phone / ukon mag suksuk sang bago nga uso…
      • Gintuga kita para makilala naton Siya – Kag magsimba sa Iya – Juan 17:3
  • 2nd – Pag pasag-uli sang relasyon… vs. 1-38
    • 1st – Pagtu-ad sang sala… vs. 1-3
      • Ang piesta sang trumpeta naga katabo sa una nga adlaw sang sini nga bulan…
      • Sa ika 14 nga adlaw sa pag sugod sang piesta sang tabernakulo – nagalawig sang 7 ka adlaw – matapos sa ika 22 nga adlaw…
      • Sa ika 23 maseparar sila halin sa ila unon nga asawa kag kabataan…
      • Nagapakita nga ang mga mando ni Ezra – Ezra 10:3 – indi bug-os nga natuman…
      • Nag pasugot sila kay Ezra – apang nag pauli sila kag gin himo nila ang gusto nila himoon!
      • Sa mga nagatambong sa Bible studies – sa masami masugot na sila sa tanan nga gin hambal…
      • Kag mag pauli sa puluy-an kag basta na lang malipat sang tanan nga napamatian!
      • Ang Biblia indi ni nga daw libro lang nga tun-an – ini isa ka instruksion nga libro nga sundon
      • Mahibaluan mo ang mga tinaga – apang indi magbaylo imo gawi -wala sang pulos!
      • Santiago 1:22-25 – “ Ang bisan sin-o nga nagapamati pero wala nagatuman sang pulong sang Dios, pareho siya sang tawo nga nagatan-aw sa espiho kag pagkatapos nga makita niya ang iya hitsura, naglakat siya kag nalipatan niya dayon kon ano ang iya hitsura.”
      • Sa ika 24 naga hiwat sang isa ka sagrado nga adlaw sa pag puasa kag pag tuad sang sala – kag pag basa sang kasuguan…
      • Sa ¼ sang adlaw naga basa – kag ang ¼ nga bilin naga tuad kag naga simba!
      • Wala duda nga sa 13 ka anyos nga pagtilaw hikotar sa ila kaugalingon nga paagi, nagdala lang sa ila sa makahalanusbo nga pagasawahay / kag kabuhi…
      • Ang mga tawo handa sa pag tuad sang ila mga sala – pagpamati sang kaalam nga halin sa Pulong sang Dios !
      • Makaluluoy sa kadamuan sang tawo kinanglan pa sang trahedya – agod magpamati sa Ginoo…
      • Damo ako nakilala nga tawo nga ang ila pag-asawahay naga kaguba – kag wala sila kahibalo kon ngaa …
      • Ginapinsar nila nga pwede lang magkabuhi sa pangkalibutanon nga pang-ginawi – kag mangin Diosnon lang gihapon ang ila kabuhi / kag asawa!
      • Pareho sang bata nga kaisa lang gid siya mag tandog sang kalayo – ang Dios naga tudlo sa aton paagi sa mga konsekwensya!
      • Indi nga ginasilutan kita – apang ginatudluan kita – agod magpalayo sa mga butang nga nagahalit sa aton!
      • Hebreo 12:5-8 – “Siguro nalipatan na ninyo ang laygay sang Dios sa inyo bilang iya mga anak ‘Anak, indi pag-ibaliwala ang pagdisiplina sang Ginoo sa imo. Indi ka magkaluya kon ginasabdong ka niya. Kay ginadisiplina sang Ginoo ang iya mga ginapalangga, kag ginahanot niya ang tanan nga ginakabig niya nga iya mga anak…’”
    • 2nd –Dumduma ang Katutom sang Ginoo… vs. 4-38
      • Ang iban nga pangulo sang Levinhon nag tindog kag nagpang laygay sa mga tawo nga pakamaayohon ang Ginoo…
      • Tungod siya ang nag tuga sang kalangitan– kag nag tipig sa ila… vs. 6
      • Si Jesus ang naga-uyat sang tanan – ang halimbawa sang atom – Colosas 1:17…
        • Kon uyatan mo pareho ang duha ka positve charge nga magnet – mapalayu-anay gid sila nga duha…
        • Mahatag gid sang dako nga puwersa agod nga magpabilin nga lapitanayang duha…
        • Kada Atom may ara duha ka positive forces – proton kag neutron…
        • Halimbawa kon may 1 ka kutsara sang kada grupo kag itupad sila duha…
        • Mga 30k ka tunilada ang kabug-aton agod indi maglinupad…
        • Ang nuclear explosion matabo kon pabay-an ang mga atom nga obrahon ang natural nila nga gusto obrahon –maglinupad palayo
      • Tungod nga gin pili si Abram – kag naghimo sang kasugtanan nga ihatag sa iya ang Dutang Saad… vs. 7-8
      • Tungod nga gin luwas niya ang Israel sa pag isklabo sa Ehipto – pagpihak sang Mapulang Dagat… vs. 9-11
      • Tungod nga gin pangunahan niya ang Israel sa kamingawan – kag ginhatag ang Kasuguan… vs. 12-14
      • Siya man ang nag pakaon sang manna sa ila – kag nag paguha sang tubig sa bato… vs. 15
      • Bisan nga amo na ang gin himo sa ila – ang katawhan sang Israel nag rebelde gihapon batok sa Ginoo… vs. 16-25
      • Gusto pa nila mag balik sa pagka isklabo (Egypt) – gin pasidunggan pa nila ang bulawan nga baka sa pag sagop sa ila…
      • Apang, sa baylo nga talikdan sila dapat – ang Dios sa iya nga bugay nag himono sang – manna/kag tubig…
      • Nag padayon Siya sa pag-upod sa ila nga may panganod sa adlaw – kag haligi nga kalayo sa gabi…
      • Ginsigurado nga ang ila mga bayo indi mag rabot – Deuteronomeo 29:5!
      • Gin pauswag sila asta nga magdamo sila pareho sa bitoon sang langit – Genesis 22:17
      • Kag sang nag abot sila sa dutang saad – pagkatapos sang 40 ka tuig – ang Dios nagtugot nga magmadinalag-on sila!
      • Sa masami gina hunahuna naton nga ang pag pakamaayo nag halin sa pagka matinumanon naton sa Ginoo…
      • Kon naga basa permi sang Biblia kag nagapangamuyo adlaw adlaw – ang Dios mahatag sang bugana nga kabuhi!
      • Apang ang kamatuuran ang dios naga pakamaayo sa bisan ano ang aton nahimo – amo ina ang ginatawag nga Bugay!
      • Apang ang mga tawo nag talikod sa Dios liwat (Judges)… vs. 26-31
      • Apang kon magtangis sila sa pag pangayo sang bulig – ang Dios mapadala sang ila manog- luwas…
      • Kon tawhay naman mga katawhan – ma rebelde naman sila batok sa Ginoo!
      • Apang sa madamo nga tuig mapailubon gihapon ang Dios – nagapadala sang propeta sa pagpaandam sa ila…
      • Asta nga gin tugot sang Dios nga maghinaplaag sila – Israel 722 B.C / Judah 586 B.C.
      • BIsan pa, ang Dios nag tugot nga may nagkalabilin – bangud sang Iya nga Bugay kag Kalooy!
      • Madamo sang naga haum-haum nga ‘ok’ sila kay ang Dios wala sila gilayon ginasilutan…
      • Nag sala gid sila sa pag interpretar nga ang pagpailob sang Dios abi nila gin baton na lang sang Dios ang kapalpakan nila’…
      • Tungod bala nga wala ka gin hukman gilayon –wala naga kahulugan nga indi kita paghukman…
      • Ang Dios mapailobon – nagabatas – nagahatag tion nga mag hinulsol kag mag panumbalik sa Iya…
      • Ang Dios nagahulat siya sa pag silot sang sala tungod ginahigugma niya ang makasasala – 2 Pedro 3:9
      • Apang sa mga nagapakatig-a sang ila tagiposoon – wala sang paghinulsol – ang ila nga sala indi magpabilin nga nakatago!
      • Numero 32:23 – “Pero kon indi ninyo ini paghimuon, makasala kamo sa Ginoo, kag sigurado gid nga bayaran ninyo ang inyo sala…”
      • Ang mga Levinhon naghinakop nga may pagpangabay nga ang Dios makakita sang kahimtangan sang Judah… vs. 32-28
      • Indi man nga balasulon ang Dios – naga antus sila sa ila kaugalingon nga mga pagpili…
      • Pero wala sa ila nga mga Hari / pari/ ukon mga amay nga nag hupot sang sugo sang Dios…
      • Kag ang resulta nangin isklabo sila sa duta nga gin saad sa ila sang Dios…
      • Gani nag himo sila sang kasugtanan sa Dios – nga ila huptan ang Kasuguan /indi mag pakasal sa mga pagano…
      • Nag pili sila – gin pili nila nga magkabuhi sa Ginoo kaysa mag pa isklabo sa kalibutan!
      • Roma 6:16 – “ Indi bala mga ulipon kita sang bisan ano nga aton ginatuman? Gani kon nagahimo kita sang sala, mga ulipon kita sang sala kag ang resulta sini kamatayon. Pero kon nagatuman kita sa Dios…”
      • Nakabati ako sang estorya parte sa bata nga lalaki nga naga tuon sa pag sakay sa bike…
      • Ang paagi nga nahibaluan niya agod mag untat amo ang pagbunggo sa mga gamit…
      • Ang iya amay nag hambal sa iya parte sa preno – apang nagpang-indi siya sa paggamit sini…
      • Ang punto amo ini – Gin hilway na kita ni Jesus sa sala –kon gin pili naton nga gamiton ang preno…
      • Indi na kita mag padayon sa pagpakasala – makapili kita nga mangin hilway – gin pili ta bala nga gamiton ini…
      • Gin pili mo bala mag kabuhi nga isklabo sa sala – ukon gin pili mo nga mangin hilway ka!
      • Kon gustohon naton nga magkabuhi para sa Ginoo – makita naton ang matuod nga kabuhi!
      • Dira lang naton makita ang pinakamaayo nga padya – indi lang ang kabuhi nga dayon kay Jesus…
      • Apang puno kag may katumanan / bugana nga kabuhi samtang ginahulat ang madali na lang niya nga pagbalik!
      • Juan 8:36 – “ Gani kon ang Anak sang Dios amo ang magahilway sa inyo, mahilway gid kamo.”