Making Bible Study Easy for everyoneEnglish • Hiligaynon
Back to Philippians
Verse-by-Verse Bible Study

Philippians 4:10–23

Rejoice in giving – to others... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Philippians 1:1-30 – Rejoicing in suffering
  • Philippians 2:1-30 – Rejoicing in serving
  • Philippians 3:1-21 – Rejoicing in believing
  • Philippians 4:1-9 – Rejoicing in giving – our troubles to Jesus
    • The church of Philippi was special to Paul – his joy and his crown…
      • Therefore he worries about them – he wanted to make sure they kept the faith…
      • He had heard that two of the ladies in the church were arguing…
      • And he encouraged the others in the church to help – bring unity to the body
    • Do not worry about anything – instead pray about everything…
      • God knows what we need – and He will provide for all that is necessary…
      • And as we pray to the Lord – trust in the Lord – we will have the peace of the Lord!
    • Whatever is pure / holy / lovely / right – think on these things…
      • We are going to be influenced by what we allow to go into our heads…
      • So we need to fill our heads with the things of God – then we will have the peace of God!

Kalipay sa paghatag – sa iban… (3 ka butang)

  • 1st – ang simbahan sa Filipos ginsuportahan si Pablo…. Vs. 10-16 (3 ka butang)
    • 1st – Simbahan sa Filipos luyag nga mangin parti sa paglapnag sang Pulong… vs. 10
      • Gusto nila sang una pa maghatag kay Pablo o galing wala sila sang oportunidad…
      • Ang matuod tama sila ka imol nga simbahan – kag wala sang madamo nga inughatag…
      • II Corinto 8:2 – “Bisan madamo ang ila naagihan nga mga pagtilaw, malipayon gihapon sila. Amo ina nga maalwan sila sa paghatag bisan tama gid sila kaimol.”
      • Masami nagapinsar kita nga bangod pigado kita nga simbahan – wala kita sang mahimo…
      • Pero masami ang mga pigado nga simbahan – amo ang madamo hinimuan…
      • Ang pigado nga simbahan sa Filipos – espirituhanon nga manggaranon – amo ang ginsuporta kay Pablo…
      • Pero ang pinkamanggaranon nga simbahan – Laodicea – pigado sa espirituhanon nga kabuhi!
      • Pahayag 3:17 – “ Nagasiling kamo nga manggaranon kamo, nga ginpakamaayo kamo kag wala na sing kulang sa inyo. Pero wala kamo kahibalo nga makaluluoy gid kamo, tungod kay pobre kamo sa pagtuo, bulag sa kamatuoran, kag hublas sa panulok sang Dios.”
      • Ang pag gamit sa aton sang Ginoo wala labot sa kon anu kadamo ang aton kwarta…
      • Parti ini tanan sa tagipusuon nga mapainubuson – kag luyag nga magsunod sa Ginoo!
      • Ang paghatag indi parti sa kwarta…
      • Basi may handom man kita nga maghatag sa Ginoo – mangin kaupod sa buluhaton sang Ginoo…
      • Ang problema gapinsar kita nga wala kita inughatag sa Ginoo – wala kwarta!
      • Ang kwarta isa lang sa mga paagi nga maghatag kita sa Ginoo – pwede mangin parti sa Iya olobrahon…
      • Ang Dios naghatag sa aton sang mga abilidad – pwede ta man ihatag ang aton kusog kag tiempo!
      • Ang simbahan may iya man mga kinahanglanon – madali lang magbalibad nga indi ta kahatag..
      • Masami ang tawo nagapinsar nga indi sila kasarang maghatag sa Ginoo…
      • Pirmi nakita ta lang kon anu ang wala sa aton – kwarta / pagkaon – gani wala kita mabulig!
      • Saulado ta kon paano magtanum tubo – nagapundar sa aton kampo….
      • Basi mas mahal kon traktora ang mag arado / bakal sang maayo nga patdan…
      • Kag isa pa – mahal ang abono / basi kini kini lang
      • Pero sa katapusan – kon diutay ang aton gin gasto sa kampo – diutay man gang aton ganansiya!
      • Pareho man ini sa prinsipyo sang pagtanom kag pag ani amo man sa paghatag…
      • Ang aton abilidad halin sa Dios – bisan ihatag sa simbahan / o kon sa mga pigado – pareho lang nga binhi…
      • Kon damo aton gin tanum – damo man ang patubas nga bugay ang aton anihon halin sa Dios…
      • Kon tipidon ta kag magtanom sang diutay lang nga binhi – diutay man aton anihon…
      • Pero kon damo – damo man aton anihon!
      • Indi ta maisahan ang Ginoo – kon damo aton hatag / damo man aton mabaton!
      • Pero kon taguon ta lang aton kwarta / oras – ginakulang lang kita pirmi!
      • Lucas 6:38 – “Maghatag kamo agod pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”
      • Tan awa ang mga nagahatag pirmi sa Ginoo – kag makita wala ginakulang sila sa ila kinahanglanon…
      • Tan awa ang mga nagahandom nga makabaton / kag indi pag buy an ang ara sa ila – kag makita nga sila ginakulang!
      • Indi pamangkot kon kasarang kita maghatag sa Dios – kondi makabatas bala kita nga indi maghatag!
      • Ang Ginoo kabalo sang motibo sang aton tagipusuon – indi ka maghatag para sa balos maka baton!
      • Kon may abyan ka nga naghatag pero sa balos naga experktar makabaton sang mas madamo…
      • Indi magdugay nga likawan mo ini nga abyan…
      • Kon nagahatag kita sa Ginoo kag nagahulat sang balos – mapaslawan lang kita…
    • 2nd – Indi si Pablo kinahanglan kwarta… vs 11-13
      • Si Pablo kontento kon anu ang ara sa iya…
      • Nagapinsar kita nga mas maayo ang patubas sa iban nga lugar….
      • Kon sa Manila lang ko lipay gid ko guro / kon may maayo lang ko nga obra / damo nga kwata…
      • Pero sa matuod ang kalipay indi parti sa aton kahimtangan – kondi kay Jesus…
      • Kon indi husto ang aton relasyon sa Dios – bisan diin kita – indi kita mangin kontento!
      • Ang sabat mangin kontento sa kon ano ang ara sa aton…
      • Pagkaon kag bayo – I Timoteo 6:8 – sweldo – Lucas 3:14 – kon ano may ara ka…
      • Hebreo 13:5 – “Likawi ninyo ang paghigugma sa kuwarta. Magkontento kamo sa mga butang nga ara sa inyo, tungod kay nagsiling ang Dios, “Indi ko gid kamo pagbayaan ukon pagpabay-an.”
      • Ang pinakamanggaranon nga tawo sa kalibutan – ang pinkakontento sa kon ano may ara siya!
      • Indi kita mangin contento – bisan ano kadamo ang ara sa aton – kon nagahandom pa gid ta sing madamo…
      • Si Paul kabalo nga kon may damo kita o kon may diutay lang – bastante ina kon ara si Jesus!
      • Si Pablo wala nagakadto kon diin para mgangayo kwarta – ang Dios ang bahala sa iya…
      • Si Pablo naka intiende nga ang Dios nagahatag sang tanan…
      • Masami nagapinsar kita nga hamabalon ta ang Dios kon anu ang aton kinahanglan…
      • Indi ang mga kinahanglanon ang punto diri – ang Dios kabalo na sang mga kinahanglanon…
      • Ang Dios ang nagtuga sang tanan – wala Siya ginakulang – ihatag Niya ang aton kinahanglanon!
      • Si Pablo mahimo tanan nga butang paagi kay Cristo nga nagapabaskog sa iya…
      • Ang paagi nga si Pablo nga mangin contento – amo ang pagsalig kay Jesus…
      • Kon nagaduda kita kon palangga kita sang Dios – o kon wala pagtuo nga ihatag niya aton mga kinahanglanon – indi kita contento…
      • Pero kon may pagtuo kita nga ang Dios bahala sa aton kinahanglanon…
      • Magabugtaw kita kada aga nga contento – may pagtuo ang Dios maghatag sang aton kinahanglanon!
    • 3rd – Ang simbahan dako ang nahimo para buligan si Pablo… vs. 14-16
      • Ang simbahan sa Filipos ang nagaisahanon nga simbahan nga nagsuporta kay Pablo…
      • Bisan naghalin na si Pablo sa Filipos – Binuhatan 17…
      • Sang si Pablo ara sa Tesalonica – ang simbahan duha ka beses naghatag kay Pablo…
      • Si Pablo wala nangayo sa simbahan bangod sa ila kapigaduhon…
      • Pero sa kapila ka beses sila naghatag kay Pabo para mabuligan ang iban nga simbahan…
      • Indi pilit ang paghatag sang halad…
      • Ang paghatag sang ika napulo isa ka sugo sa Daan nga Kasulatan – Malakias 3:10
      • Kahalam otan sang mga nagatudlo nga maghatag sang ila ikanapulo sa simbahan…
      • Ginkwa ini nila sa Daan kag itudlo nga daw parti man sa Bag o nga Kasulatan…
      • Ang mga layi indi pareho sang madamo nga pagkaon sa lamesa – indi ka pwede magpili lang kag pudyuton ang gusto mo lang nga layi…
      • Ang mga nagatudlo sang layi nga ang ikanapulo para sa simbahan – dapat man nga nga itudlo nila ang mga kaupod sini nga mga layi…
      • Bisan ang layi nga mag halad sa Templo sa kada sala nga mahimo nimo!
      • Ang simbahan naghatag kay amo ini ang luyag nila…
      • II Corinto 9:7 – “ Ang kada isa dapat maghatag suno sa iya gusto nga ihatag. Indi nga may pagpugong ukon nga napilitan lang, kay ginahigugma sang Dios ang mga nagahatag nga malipayon.”
      • Masami ang mga tawo nagahatag kay paminsar nila obligasyon ini – naghatag sila pero indi ini kabubut on!
      • Kag bisan ara sa paminsaron nga kon indi ka maghatag – indi ka man pagbugayan sang Dios…
      • Nga daw pareho nga ginkawatan mo ang Dios kon indi ka maghatag sang ikanapulo – Malakias 3:8
      • Pero ang Dios naghambal nga ihatag kon anu ang gusto mo – kon diutay o kon madamo basta halin sa tagipusuon…
      • Kon indi ka gusto maghatag – wala ka ginaobligar…
      • Kon gusto mo ihatag ang tanan – pwede gid katama…
      • Pero bisan ano ang imo ginhatag – maghatag nga may kalipay sang tagipusuon – malipayon nga nagahatag…
      • Kon na obligor ka lang – wala ini sing pulos – indi na kinhanglan sang Dios!
      • Wala sila gahatag para makita sang iban – naghatag sila para malipay ang Ginoo…
      • Masami ang mga tawo nagahatag bangod sa pag impuwensiya sang pastor – sala nga motibo…
      • Kon maghatag ka – bangod ini sa pagtuo kag panghikot sang Ginoo – indi nga para malipay ang mga tawo…
      • Mateo 6:1-4 – “Kon nagalimos kamo, indi ninyo pagpahibalua bisan pa ang inyo suod nga abyan.”
      • Na piyaran ko nga kon maglibot ang ‘offering plate’ ang mga tawo nagapadayaw sa ila ginhatag…
      • Mas maayo kon madamo sinsilyo – para bation gid ang ila nga kaalwan…
      • O kon ang ngalan nila naka plake – nga gina pahibalo gid sa tanan ang ila donasyon…
      • Indi ini nahalad para sa Dios – para ini sa kadayawan sang ila kaugalingon halin sa tawo!
      • Naghambal si Jesus – nakwa na nila ang ila padya – ang pagdaway sang tawo…
      • Maghatag kita sa Dios nga wala sing nakabalo – ang Dios lang gid…
      • Amo gani nga wala kita ga palibot sang basket o kon ‘offering plate’ – maghatag nga wala sing may nakabalo!
  • 2nd – Si Pablo indi kinhanglan sang kwarta… vs . 17-20
    • 1st – Ang tinutuyo ni Pablo amo ang pagtudlo parti sa paghatag – amo man ang ila padya… vs. 17
      • Masami sa simbahan subong – ang kwarta amo ang sentro – ginapugos sang pastor maghatag ang mga tawo…
      • Sa matuod ang simbahan may malain na nga reputasyon sa pag istorya parti sa kwarta…
      • Ang simbahan dapat lugar kon diin matuon parti sa Ginoo…
      • Pero ang mga tawo ginatudluan nga ang Dios kinahanglan ila nga kwarta…
      • Ang Dios indi kinahanglan o gusto ang aton kwarta – Siya ang nagtuga sang Langit kad Duta!
      • Kon ang Dios nagapanghikot sa isa ka buluhaton – ihatag Niya ang kinahanglanon!
      • Pirmi sa simbahan nagahimo sang buluhaton halin sa ila kaugalingon nga paghuna huna – pareho sang bag o nga building..
      • Kon aton ini ideya kita man magbayad sini – ang Dios indi maghatag para diri…
      • Pero kon ideya ini sang Dios – indi mo kinahanglan ihambal sa tawo para maghatag / o kon piliton sila magbulig…
      • Kon ang Dios magpatigayon sang buluhaton – manghikot Siya sa tagipusuon sang mga tawo…
      • Siya ang magahatag sang tanan tanan nga mga kinahanglanon para sa Iya buluhaton!
      • Mahatag siya sang bastante – basi ikaw nalang ang magpugong sa mga tawo sa paghatag!
      • Ang tagipusuon ni Pablo amo ang paghatag sa simbahan sa Corinto…
      • Kon gusto mo magtago sang kwarta – pwede mo ibutang sa ‘stock market’…
      • Mangin parti ka na sa coporasyon – kag kabahin kana sa ganansya!
      • Sang naghatag na ang simbahan kay Pablo – nangin parti na sila dayon sang buluhaton niya…
      • Nagapundar na sila sa Kaharian sang Dios – kag kabahin man sa grasya!
      • Basi indi ta masarangan magtudlo sa Bible study / o kon magtudlo sa mga malayo nga lugar…
      • Pero kon pirmi kita upod sa mga tawo nga nagahimo sini – mangin bahin man kita sa bunga sini!
    • 2nd – Si Pablo bastante – nakabaton siya sang bulig nga gindala ni Epafroditus
      • Ang bulig nila kay Pablo ang ila pag sakripisyo – mahamot ini para sa Dios…
      • Marcos 12:42-44 – “May nagpalapit nga isa ka imol nga balo nga babayi kag naghulog sang duha lang ka sinsilyo…
      • Gintawag ni Jesus ang mga disipolo kag ginhambalan – ang iya ginhatag mas labaw pa kon tipunon ang tanan nga ginhatag sang nga manggaranon
      • Ang manggaranon naghatag halin sa ila nga manggad – pero ang babayi naghatag haliin sa iya kapigaduhon – ginhatag niya tanan nga ara sa iya!
      • Wala gina isip ang kadamuon – ang paghatag sang madamo wala pulos kon baliwala man lang ini sa aton…
      • Parti ini sa pagsakripisyo – naghatag halin sa tagipusuon – nagapakita sang paghigugma sa Dios!
      • Kon ang isa nagakinanglan – kag naghatag ka sang diutay – bisan indi ini bastante…
      • Dako dako na ini nga bugay sa ila – kay kabalo sila nga nagakabalaka ka sa ila!
    • 3rd – Ang Dios magahatag sang kinanghalanon sang simbahan… vs. 19-20
      • Bisan ang simbahan naghatag halin sa pagsakripisyo – si Pablo kabalo nga ang Dios magahatag…
      • Indi para kay Pablo kondi para sa ila – ang Dios magahatag sang ila kinahanglanon…
      • Basi nagapinsar kita nga ang Dios wala naghatag sang aton kinahanglanon – pero nalipat kita…
    • 1st – Ang Dios nagpromisa nga ihatag Niya tanan naton nga kinahanglanon – pero indi kon ano aton gusto…
      • Gani kon wala sa aton ang ina nga pagkabutang – indi na naton kinahanglan!
    • 2nd – Ang Dios naghatag bisan ano ato kinahanglan – sa husto nga tion nga aton ini kinahanglan…
    • 3rd – Labaw sa tanan nga kinanglanon amo ang kaluwasan paagi kay Jesu Cristo!
  • 3rd – sa pagtapos sang sulat… vs. 21-23
    • Si Pablo nagtugon nga tamyawon ang mga katawhan sang Dios…
    • Amo man ang pagtamyaw sang mga katawhan sang Dios sa Roma sa mga tumuluo sa Filipos…
    • Labi na sa mga tumuluo sa balay ni Caesar…
    • Ang grasya sang Ginoo Jesu Cristo mangin ara man sa inyo – Amen
    • Basi gapinsar kita nga wala gid kita sang ihatag – pwede naton ihatag ang aton pagtamyaw…
    • Mag share sang verse / sang yuhom / matinahuron nga tinaga – sa iban sa husto nga tion…
    • Basi ang pinakaimportante nga grasya pa ang imo mahatag – paghatag sang paghigugma ni Jesus!