Making Bible Study Easy for everyoneEnglish • Hiligaynon
Back to Zephaniah
Verse-by-Verse Bible Study

Zephaniah 1

The judgement of Judah... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.
  • Ang bug-os nga laygay sang Dios
    • Natapos na naton ang Habakkuk – ang ika 35 nga libro sang Old Testament – ika 12 sang 16 ka mga Libro sang Propesiya sa OT
    • Masugod na kita sa Zephaniah – ang ika 9 sang nakilala nga mga 12 Minor Prophets
  • 1st – Sin-o si Zephaniah…
    • Zephaniah – Nakatago si Yahweh – isa ka propeta sa Nabagatnan nga Kaharian …
    • Kadungan niya ang mga propeta nga sanday Nahum / Habakkuk / kag Jeremiah!
    • Apo siya sang apo ni Haring Hezekiah – ika 13 nga Hari sang Judah – Zephaniah 1:1
  • 2nd – San-o ginsulat ang libro…
    • Mahimo nga nagtagna si Zephaniah sa mga tion nga natung-an sang 640 BC kag sang 621 BC…
    • Nagtagna siya sang tion nga naghari si Haring Josiah – ang ulihi nga Diosnon nga Hari sang Judah!
    • Sa tion nga ang Judah naga eksperyensya sang political revival…
    • Ang Assyria – nga nagbihag sang Aminhan nga Kaharian sang 722 BC – naga-amat-amat na luya ang gahom…
    • Ang Babylon naga-amat-amat baskog – pero indi pa sila super power sang ina nga tion…
    • Sa sini nga pagbalhin sang gahom – ginpabaskog ni Josiah ang Judah para mangin dominante nga gahom sa ina nga rehiyon!
    • May naluntad man nga espiritwal nga pasag-uli sang tion sang paghari ni Josiah…
    • Ara sa kalalat-an ang Judah – Si Manasseh gin guyod niya ang nasyon nga mag palayo sa Dios – II Hari 24:3
    • Apang sa pag bulos sang iya apo may ara nga pagpaiway – tungod sang pagpasag-uli sang Judah!
    • II Hari 22 – ginpakay-o ni Josiah ang Templo – kag gin pang pudpod ang mga pagano nga dios
    • Sa tion sang pagpakay-o – si Hilkiah nga pari nakita niya ang Libro sang Kasuguan…
    • Sang pagkabati ni Josiah sa Pulong halin sa Libro sang Kasuguan – gingisi niya ang iya bayo…
    • Narealisar niya kon daw ano kalayo ang pagpalayo sang Judah sa Dios – kag nag saad siya nga magsunod sa Ginoo!
    • Apang ang pagpasag-uli makadali lang – naluntad lang sa tion ni Josiah…
    • Pagkatapos nga napatay si Josiah sa pagpakigaway sang – 609 BC – ang iya nga mga anak ang nagkuha sang trono sa sulod sang 22 ka tuig….
    • Ginsupak nila ang Dios /ginbaliwala nila si Jeremiah / kag nag himo sang kagamo batok sa Babylon
    • Nakita ni Zephaniah kon ano ang palaabuton – kag nag hambal sang pag hukom nga matabo…
    • Gin sugid ni Zephaniah ang mga detalye tuhoy sa sang Adlaw sang Ginoo!
  • 3rd– Ang Tema sang Libro …
    • Si Judah naga kalipay sang kalinong sang ginpadala sang Dios si Zephaniah nga may mensahi nga makakilibot…
    • Ang Adlaw sang Ginoo maabot – makakululba sa mga nag rebelde batok sa Dios…
    • Ang paghukom indi lang mag-untat kay Judah – ang bilog nga kalibutan lamunon!
    • Tungod sa ihibalo sang palaabuton nga paghukom – mag lakat nga magpainuboson kag himoa ang insakto!
    • Zephaniah 2:3 – “Kamo man nga mapainubuson nga mga tawo, nga nagasunod sa mga sugo sang Ginoo, magdangop man kamo sa iya. Padayuna ninyo ang paghimo sang matarong kag ang pagpaubos. Kay basi pa lang indi kamo maano sa adlaw nga ipakita sang Ginoo ang iya kaakig.”
    • Bangod nga bisan kuhaon sang Dios ang tanan nga butang – Iya man ipasag-uli ang tanan nga butang!
    • Kag ang pag pasag-uli indi lang mag untat sa Judah – ang tanan nga nasyon magapanawag sa ngalan sang Ginoo!
  • 4th – Ang kaundan sang Zephaniah…
    • Chapters 1:2–2:3 – Ang paghukom sa Judah sa Adlaw sang Ginoo
    • Chapter 2:4-3:8 – Ang paghukom sa mga nasyon sa Adlaw sang Ginoo
    • Chapter 3:9-20 –Ang pag-ayo kag pagpasag-uli sang Ginoo
    • Ang paghukom sa Judah… (3 ka butang)
  • 1st –Ang kabug-osan nga paglaglag sang Judah… vs. 2-6
    • 1st –Ang Ginoo manglaglag… vs. 1-3
      • Si Zephaniah nag sugod sang matigdas nga paghambal…
      • Laglagon sang Dios ang TANAN nga ara sa Duta – nagatuhoy sa Judah…
      • Gina detalye niya ang eksakto nga buot silingon – apang ang pagpulong importante…
      • Ang katigdas sini – ang patimaan sang pagka tig-a sang tagiposoon sang mga katawhan…
      • Isa ka madrama nga introduksion sang bug-os nga paglaglag agod makuha ang igtalupangod!
      • Naga istar kita sa isa ka pungsod nga nabuhi sa paghimulos sa mga kaayohan nga nabaton sang nauna nga henerasyon…
      • Apang sa dako nga parte nag talikod sila sa Dios – ang mga konsekwensya wala pa nag-abot…
      • Gani kon hambalan ta ang parte sa paghukom sang Dios –may ara nga magyubit – ang kabuhi maayo!
      • Kag kon ako gusto ko sang malulo – naga enganyo sa mga tawo sa pag hinulsol kag mag liso kay Jesus…
      • Kon indi madala sa kalulo – MAKADTO KA SA IMPIERNO – basi amo ina ang maayo nga paagi!
      • Ang makasasala daw mga bungol basta sa kamatuuran – kis-a kinanglan naton nga mag PRANKA!
      • Ang kasangkaron sang kagulub-an…
      • Laglagon sang Dios ang tawo / sapat / pispis sa kahawaan /kag ang isda sa dagat…
      • Nagahambal ini sa kabilugan nga paglaglag – wala sang lugar nga mapanaguan…
      • Wala sang isa – kag bisan diin – nga maka palagyo sa maabot nga kalaglagan!
      • Literal nga natuman sa 3 ka sunod-sunod nga pag salakay sa Judah sang Babylon / Nebuchadnezzar…
      • Sa tion sang katapusan nga pagkaguba sang Jerusalem sang 586 BC ang Judah nangin lamgod ang duta!
      • Ang mga nabilin nga kaliwatan sa duta ara sa panggobyerno ni Gedeliah – II Hari 25
      • Apang siya gin asasinar – kag ang diutay nga Judio nga nabilin – nagpalagyo sa Egypto…
      • Makaligad ang pila ka tuig gin salakay ni Nebuchadnezzar ang Egypto kag napiyerdi niya ini sa away…
      • Kag sa amo man nga tion nga gin ubos ang tanan nga Judio nga nag palagyo pagkatapos sang pag asasinar kay Gedeliah!
      • Ang rason sang paglaglag…
      • Sa pag laglag sa mga kasalandaran /malaut –papason sila sa duta!
      • Ang mga malaut ginapasandad nila ang iban – ginaganoy nila sa pag rebelde batok sa Dios…
      • Kon wala sang may ginhimo ang Dios sa gilayon– wala sang may mabilin nga maluwas!
      • Naghimo ang Dios sang operasyon sa Judah – sa makamamatay nga cancer!
      • May gina ngalan kita sa parte sang lawas nga naga rebelde – ginatawag ini nga cancer…
      • Ang Cancer kon ang isa ka parte sang lawas wala naga pamati sa ulo – nagahimo sang kaugalingon nga desisyon…
      • Madasig ini nga maglapta sa iban nga parte sang lawas – kag may posibilidad nga makamamatay!
      • Kon indi kita mag sunod sa ulo – si Jesus -kon ang aton kabuhi nalulong sa sala…
      • Mangin cancer kita sa lawas ni Cristo – nagabutang sa katalagman sang kaayuhan sang simbahan…
      • Ang gamay nga sala sa simbahan – madasig magtubo nga mangin DAKO nga problema…
      • Nagalawig ang sala ‘nga indi mabulong’ – mas delikado ang maabtan…
      • Isa lang ang sulusyon – kuhaon ang cancer – kuhaon ang problema!
      • I Corinto 5:6 – “ Indi bala nahibaluan ninyo ang hulubaton nga nagasiling, “Kon ibutang ang gamay nga inugpahabok sa harina kag masahon, magahabok ang bug-os nga harina?”
    • 2nd – Ang 5 ka klase sang kalautan nga kontra gid sang Dios… vs. 4-6
      • Sa mga naga simba kay Baal – Ang pagano nga dios sa Canaan…
      • Ang Canaananhon naka sentro sa 3 ka dios – El / Asera/ kag Baal…
      • Si El amo ang ‘amay’ / Asera amo ang ‘iloy’ / si Baalamo ang anak (anak sang dios)…
      • Indi makatuga si Satanas –ang iya obra naga pang kopya sang nahimo na sang nakaligad…
      • Kag iya ihaylo kita nga ang iya pamaagi – ‘maayo na’ – wala na nagakinanglan sa Ginoo…
      • Apang ang tanan nga ginahimo ni satanas huwad/ kag gapangkopya sa Dios – sunod-sunod lang sa pinakamaayo!
      • Ang pagano nga mga pari (chemarim) kag ANG pari man (kohen)…
      • Ginapanugda nga indi lang ang sayop nga pari ang problema…
      • Ang mga pari sang Ginoo – mga malaut man kag kasalandaran sa mga katawhan!
      • Dapat ang pari naga representar sa Dios sa mga katawhan…
      • Kon ano ang ginahimo sang mga pari – amo dapat ang sulundan sang Israel nga sundon…
      • Ang mabug-at nga responsibilidad – may estrikto nga konsekwensya sa sayop nga pagrepresentar sa Ginoo!
      • I Samuel 2 – Ang mga anak ni Eli puro mga malaut nga mga tawo – literal mga anak sang demonyo…
      • Nakipag relasyon sa mga babayi nga nagakadto sa pag simba /ginakuha ang pinakamaayo nga karne sa mga ginahalad…
      • Waay-waay gid nga pagrepresentar sa Dios – ang mga katawhan sang Israel akig nga mag kadto sa Dios!
      • Kon ang isa ka Kristohanon nagagawi pareho sa kalibutan – sa baylo nga naga representar sa Ginoo…
      • Butigon – indi tampad – kag imoral – ang mga tawo nga naga tan-aw naga pinsar nga pareho ang Dios sina…
      • Indi katingalahan kon ang mga tawo indi interesado sa paghibalo kon sin-o si Jesus!
      • Apang ang Dios hukman niya ang mga lider sa ila nga pag representar sang sayop Santiago 3:1
      • Sa mga naga simba sa kahawaan – sa atop sang ila balay…
      • Nagapatuhoy sa mga nagasimba sa adlaw/bulan/kag bitoon –nagapinsar sang astrolohiya…
      • Apang ang ginatagudilian sang dako nga gina himo nga hayag – ara sa babaw sang atop!
      • Suno sa Deuteronomio 17:2-5 – dapat sila nga batuhon asta nga mapatay!
      • Kon nakabati ka sang pareho sina nga persona – IKAW manghusisa ka man – nga makita mo gid kon tuod…
      • IKAW ang mauna nga mag haboy sang bato – pagkatapos ang iban nga pumuluyo…
      • Ang mga tawo ang may resposibilidad sa pag sakdag sang pagpakamatarong sa mga pumuluyo!
      • Sa masami nagapawala lang kita sang nagakatabo sa aton palibot – marason nga indi aton problema’…
      • Wala naton ginakilala nga ang malaw-ay nga ehemplo sang iban naga apekto sa aton/ sa aton mga kabataan…
      • Kag kinahanglan naton nga magpasilabot sa aton komunidad- magtindog para kay Jesus!
      • Sa mga nagpangako sa Ginoo…
      • Sila ang mga tawo nga nag sumpa sa Ginoo – apang wala sang tuyo tumanon…
      • Ang sala nga tinutuyo mahayag tungod nangako sila kay Milcom…
      • Si Milcom isa pa ka ngalan ni Molech – Ang Amonhon nga dios sang kinasadya!
      • Ang mga tawo nga nag sumpa – sa bisan sin-o nga dios – tungod indi sila matuod sa ila ginhambal!
      • Sa mga tawo nga wala kahibalo kay Jesus – wala balor ang ila hinambalan…
      • Ihambal nila sa imo kon ano gusto nila mabatian – ukon ma binutig sa aton atubang…
      • Kilala naton si Jesus – kinanglan naton nga may palabra-de-honor -ang aton huo mangin huo/ ang indi mangin indi man!
      • Santiago 5:12 – “ Mga utod, labaw sa tanan indi gid kamo magsumpa nga nagasiling, “Saksi ang langit,” ukon “Saksi ang duta,” ukon ang iban pa nga mga butang. Magsiling kamo “huo” kon huo ang inyo gusto ihambal kag “indi” kon indi, agod indi kamo pagsilutan sang Dios .”
      • Sa mga nag talikod sa Ginoo…
      • Sa mga wala na nagapangita sa Ginoo – kag wala na nagapangayo sang bulig…
      • Madamo nga tawo nga nagapalapit kay Jesus – nagakadto sa simbahan –nagapangita para sa kaayuhan sang kabuhi…
      • Nagapaminsar sila nga kon ihatag nila sa Dios ang Dominggo sang aga– Pakamaayohon Niya sila…
      • Pero sang wala ina matabo – sa matuod lang nagbudlay pa gid ang pangabuhi!
      • Nagakawigit sila – wala na nagakadto sa simbahan / nagpundo na basa sang Bibliya / kag nagpalayo na kay Jesus…
      • Bangod ang ginatutokan nila indi ang eternidad – indi nila maintindihan kon ngaa mabudlay ang pangabuhi…
      • Naga duda kag wala naga salig kay Jesus – ang isa nga nag hatag sang Iya kabuhi agod nga may paglaum sila…
      • ‘Nagtilaw nako kay Jesus, kag wala nag obra’ – sa ulihi nagalakat palayo sa naga-isahanon lang nga sabat!
  • 2nd – Ang silot sa katawhan sang Judah… vs. 7-13
    • 1st – Maghipos kamo sa presensya sang Ginoo… vs. 7
      • Ang Adlaw sang Ginoo malapit na – nag-aman na siya sang halad – kag imbitahon ang Iya mga bisita
      • Ang Adlaw sang Ginoo – amo ang Paghukom sa Judah – sila ang halad…
      • Ang bisita sang Ginoo amo ang Babylonia – malipay sila sa sinalusalo!
      • Apang talupangda nga ang Judah naghipos sa ila nga paghukom – indi sila mag hambal bisan isa ka tinaga!
      • Sa Mateo 22:11-14 Si Jesus naghatag sang parabola sang isa ka punsyon sa kasal…
      • May isa ka tawo nga nagkadto kag nagapanapot sang iya bayo – IYA nga pagkamatarong – IYA nga maayong buhat…
      • Ang Agalon nagpamangkot sa iya ngaa wala siya naga suksok sang pangkasal nga panapton (puti nga roba)…
      • Ang tawo wala nakahambal – ginbusalan – kag ginhaboy sa kadudulman sa guwa!
      • Kadamo nga mga tawo naga hunahuna nga maka rason sila sa Dios sa adlaw sang Paghukom…
      • Makapangapin sa ila kaso – malalis nga takos sila – kag pangitaan paagi nga makapalangit…
      • Apang sa presensya sang Ginoo – indi kita makahambal – mahipos gid kita sa atubang sang Balaan nga Dios!
    • 2nd – Ang 4 ka klase sang mga tawo nga silutan sang Dios sa sina nga Adlaw… vs. 8-13
      • Ang mga opisyal kag mga anak sang Hari…
      • Ang mga nagasuksok sang dumuluong nga panapton – ayhan tuhoy sa pakadtuan sang mga opisyal…
      • Bangod ang tanan nga hari sang Judah kuhaon kag bihagon…
      • Si Jehoahaz maga hari sa 3 lang ka bulan – kuhaon kag himuon nga priso sang Egypto – kag napatay na lang dira…
      • Si Jehoiakim – utod ni Jehoahaz – sila gapuson sang saway nga kadina kag dal-on sa Babylon
      • Ang iya anak nga si Jehoiachin maga pamuno sang 3 lang ka bulan– kag kuhaon nga bihag sang Babylon…
      • Si Zedekiah – ang kamanghuran nga bata ni Josiah – kuhaon nga bihag sang Babylon – kag napatay didto!
      • Sa aton nga PC nga kalibutan – ang mga tawo nagakatublag gid kon isambit ang ila ngalan – nagakasandad…
      • Apang ang Dios personal magsambit parte kon si sin-o ang silutan…
      • Si Apostol Pablo naga sambit sang ngalan sang mga tawo – I Timoteo 4:14
      • Wala sang malain nga mag sambit sang malaut nga relihiyon/ persona…
      • Sa tuod lang amo na dapat naton himuon – bulig nga mapaandaman ang iban sa pag likaw sa ila!
      • Sa mga nagalumpat sa atangan…
      • Sa mga nagapangita sa paghimo sang ila agalon nga mag manggaranon paagi sa pag pang halit kag pag pang limbong…
      • Ang paglumpat sa atangan – nagapatuhoy sa pag simba sa dios nga si Dagon – I Samuel 5:4
      • Sang ang Filistinhon naagaw nila ang Arko – gnidala nila ini sa templo ni Dagon (isda / tawo)…
      • Pagkadason nga adlaw ang estatwa ni Dagon natumba nga gahapa sa atubang sang Arko – ang iya kamot / kag ang ulo utod na!
      • Sugod sadto nga tion ang Filistinhon indi na mag palapit sa atangan (kon sa diin ang kamot/kag ang ulo nahamtang)
      • Sabaylo nga kilalahon nila ang gahom sang Dios – nag imbento sila sang wala unod nga disparatis!
      • Kalabanan nga mga tawo nga pinakalayo sa Dios – amo ang pinakadamo sang disparatis…
      • Bangod nga gin tuga kita sa pag simba kag paghibalo sa Dios – Juan 4:23
      • Apang kon wala kita sang relasyon kay Jesus – gina puno naton ang kulang sing disparatis…
      • Sa baylo nga kalinong sa Dios – gin gamohan sang kahadlok sang wala!
      • Ang mga negosyante magkalamatay …
      • Sa pag salakay sang Babylon – Patunoga ang sinyales sa ganhaan sang isda – sa nakatundan nga bahin sang ganhaan nga naga atubang sa Joppa…
      • Mga hinibi ang mabatian halin sa ikaduwa nga kwadro– Mishnah – ayhan bag-o nga parte sang Jerusalem…
      • Mga hinibi nga mahalin sa Maktesh (mortar) – pareho ayhan sang central market…
      • Bangod nga ang tanan nga negosyante mapatay – ang tanan nga may kwarta!
      • Nag-abot sa punto nga ang Judah nag salig kag / nag butang sang pagtuo sa ila manggad – imbes nga sa Dios…
      • Kag ang nangin resulta ang Dios ginkuha ang tanan nila nga manggad – nagapakita sa ila sang kabuangan sang ila pagtuo!
      • Sa mga nagapakulahaw…
      • Ang Dios mahapit sa Jerusalem nga may sulo – lantawon Niya ang kada kilid nga madulom…
      • May silot ang nagapakulahaw – nga naga hambal nga ang Ginoo indi maghimo sang maayo ukon malain!
      • Apang ang ila mga butang kuhaon /ang ila balay mangin kagulub-an / indi makapatubas sang ila uma!
      • May ara nga dako nga katalagman kon ang isa ka kristohanon nagalakat nga pakulahaw na lang /masulhay…
      • Nagatuo kita kay Jesus /makadto kita sa langit /nagakadto kita sa simbahan/ nagabasa kita sang Biblia…
      • Gani nagakadto kita sa isa ka lugar nga mabatyagan ta nga wala sang delikado – wala na kita nagapalayo pa!
      • Pareho sang maskulo magaluya kon indi pag gamiton – gina ehersisyo ang pagtuo…
      • Kon ang bagay nga sang sadto tikang sa pagtuo – magpangamuyo sa publiko – indi na mabudlay obrahon…
      • Kinanglan naton nga mag tikang liwat – agod makalab-ot sang mas malayo – magpadayon labaw sa aton nga kinaandan na!
      • Bahin sang pagtubo sa Dios – amo ang pagapadayon sa pagtikang sa pagtuo – nagahimo sang bag-o nga butang…
      • Sa tion nga mag-untat kita sa pagtikang – sa pagpalawig sang aton nga pagtuo – ma sugod man ang aton pag palayo sa Ginoo
      • Naga risgo sa pagdalagan nga gakadulaan sang kalangkag – nagakahulog sa wala sang unod nga klase sang pagka Cristohahanon!
  • 3rd –Ang adlaw sang Ginoo … vs. 14-18
    • 1st – Ang dako nga Adlaw sang Ginoo malapit na… vs. 14-16
      • Sa gilayon magaabot – isa ka mapait nga adlaw nga bisan ang makusog nga tawo magtangis…
      • Ang adlaw sang KASINGKAL / KAGAMO / KALISOD / HALIT / KALAGLAGAN / KADULOM…
      • Ang adlaw nga ma-tunog ang budyong sang sinyales – bangod ang siudad ara sa idalum sang pagsalakay!
      • Nagsugod ini sang pagkapatay ni Josiah sing 609 BC – nagtapos sa pagkaguba sang Jerusalem sang 586 BC!
      • Gintagaan si Judah sang madamo nga pagpaandam – ang adlaw maabot – apang wala sila sang may ginhimo!
      • Ang Adlaw sang Ginoo –sa gilayon nga maga-abot sa aton…
      • Nagapatuhoy sa Kapipit-an – ining 21 ka paghukom sa libro sang Pahayag…
      • Apang ang kalibutan kag aton palibot wala sang hinalung-ong – nagakabuhi sa pangalipay / kag kinasadya…
      • Sige lang sila sang kabuhi nagahunahuna nga ang buwas amo man gihapon sa subong…
      • Sila mga ignorante sa kamatuoran nga si Jesus mabalik sa indi magdugay – ang paghukom indi malayo nga matabo…
      • Apang NAKAHIBALO KITA – kag makapaandam sa ila – makatindog kita kag mangin halimbawa sa ila!
      • Ang pagpasag-uli wala nagasugod sa kalibutan – masugod ini kon KITA magtindog para sa Ginoo!
      • Roma13:11 – “ Dapat kamo magbugtaw. Kay ang kabug-usan sang aton kaluwasan mas malapit na sang sa una nga nagtuo kita kay Jesu-Cristo.”
    • 2nd – Wala sang makaluwas sa inyo… vs. 17-18
      • Magadala sang kalisod ang Dios – kag ang mga katawhan malakat nga daw mga bulag…
      • Ang ila mga dugo malapta sa yabok – ang ila lawas ihaboy nga daw basura…
      • Bangod ang katawhan sang Judah nakasala batok sa Ginoo!
      • Sa adlaw sang kasingkal sang Dios gilayon niya laglagon ang tanan nga naga istar sa Duta!
      • Ang ila kwarta indi maka luwas sa ila – ang duta lamunon sang kalayo tungod sang Iya nga kaimon!
      • Madamo nga mga tawo nagapati nga ang kwarta amo ang sabat sa malipayon nga kabuhi…
      • Kon damo ang kwarta wala sang damo nga problema…
      • Apang nagapakita nga ini butig – nabulagan sila kag wala nakita ang peligro…
      • Ang kwarta indi makabayad nga makaguha kita sa empierno – ukon bayaran ang pakadto sa langit!
      • Sa Mateo 10:16 – Gina tawag kita ni Jesus nga mangin maalam pareho sang man-og…
      • Ang man-og nagalarawan sang pagkamalimbungon – nagabinagbinag – kalabanan nagalaragway kay satanas…
      • Ang idea nga kinahanglan, maalam kita batok sa aton kaaway…
      • II Corinto 2:11 – “… Dapat ta himuon ini agod indi kita madaog ni Satanas, kay nahibaluan ta kon ano ang iya mga pahito.”
      • Ara kita sa patag-awayan –kay may ara kita nga madaya nga kaaway nga gusto mag limbong sa aton…
      • Gusto niya nga mahaylo kita sa pag tinguha para sa madamo nga kwarta – magkabuhi sa mga bagay nga ari sa kalibutan!
      • Kon madala niya kita nga mag hinguyang sang aton oras sa pag obra para sa mas manami nga salakyan/mas dako nga balay…
      • Indi kita magkakabuhi para sa aton nga eternidad – kag makasugid parte kay Jesus!