Mark 3:13–35

Marcos 3:13-35

Review…

• Marcos – Ang Maayong Balita sa mga Gentil – Si Jesus nagpakita nga sya nagaalagad sa tanan – Marcos 10:45
• Marcos 1:1-13 – Ang Pagsugod sang Ministeryo ni Jesus
  • Ang Maayong Balita – Ang Maayong Balita sang Kaluwasan – Ang tanan Parte kay Jesu-Cristo!
  • Nag kari si Juan Bautista sa pag preparar sang dalan para kay Jesus… nagkadto si Jesus kay Juan para mag pa bautiso …
  • Marcos 1:14-45 – Ang Ministeryo sa Galilea ni Jesus’
  • Ang Mensahe ni Jesus sa iya Ministeryo… Mag hinolsol kag mag tu-o sa Maayong Balita
  • Ang Gahom sang Ministeryo ni Jesus… gahom labaw sa espiritwal / pisikal/kag sa sala
  • Marcos 2:1-22 – Ang pagpanghangkat sang mga Escriba kag Fariseo…
  • 1^st nga panghankat – ang Imo sala gin patawad – ang pag ayo sang paralitiko…
  • 2^nd nga panghangkat – nagkaon upod sa mga makasasala – kon may masakit mag kadto kamo sa doktor…
  • 3^rd panghangkat – Puasa? – indi sa tion sang kasal! – indi ka matawag nga matarong tungod sa imo maayo nga buhat
  • Daan vs. Bag-o – Ang Daan nga kasugtanan gindula na – Si Jesus nag tukod sang Bag-o nga kasugtanan sang Bugay
  • Marcos 2:1-23 – 3:6… Ara gihapon ang pag pang ataki – ang Sabado
  • Paglapas sang Sabado – ang mga gintoton-an ‘nag ani’ sang mais para kaonon…
    • Ang tawo wala gin himo para sa Sabado – Ang Sabado gin himo para sa tawo – adlaw sang pag pahuway
    • Si Jesus ang Gino-o sang Sabado – ang Sabado isa lamang ka landong nga naga tudlo kay Jesus!
  • Pagpang-ayo sa adlaw nga Sabado – tawo nga naitus ang kamot…
    • Ang mga lideres sang relihiyon gin una pa nila ang pagsulundan kay sa kaayuhan sang tawo
    • Sakto bala nga sa adlaw sang Sabado mahimo sang maayo ukon mahimo sang malain – mas mayo nga maghimo sang maayo – mag pang-ayo!
  • Ang 12… vs. 13-19
  • Bilog nga Gabi sa Pagpangamuyo…
  • Ang mga Apostoles wala gin pili nga pasapayan –si Jesus nagpangamuyo bilog nga gabi para makadesisyon – Lucas 12:1
  • Gin pili para ipadala sa pag wali – may gahum sila labaw sa masakit / kag spiritwal
    • Ginpadala – Apostollo…
      • Ang tinaga nga ‘ginpadala’ literal nga – Apostol – isa nga gin padala (para sa misyon)
      • Namian ko sini – sa masami ga pinsar kita nga kun misyon, sa iban nga pungsod
      • Apang si Jesus gin padala ang mga apostol sa ila kaugalingon nga pungsod
      • Gin pangamuyuan sang Diyos ang pag pili sa aton – agod nga mapadala kita sa pag bantala sang Maayong Balita!
      • Indi nga nagakahulugan nga sa iban gid nga pungsod – basi ara lang sa likod balay mo – tupad balay!
      • Ang mga tawo kinanglan nila makilala si Jesus – paano sila makabalo kon indi naton ihambal sa ila
    • Gin padala nga may gahom…
      • Si Jesus gin pakita niya sa iya mga gintoton-an nga mag gahom siya labaw sa spiritwal / balatian /kag sala
      • Subong ginapadala sila nga may pareho nga gahom…
      • Juan 14:12 – "Sa pagkamatuod, ginasugid ko sa inyo nga ang nagatuo sa akon magahimo man sang mga butang nga akon ginahimo kag mas sobra pa gid ang iya himuon, tungod kay mabalik na ako sa Amay.”
      • Ang Diyos gin padala kita nga may gahom – agod nga mag himo kita sang madamo sang sa iya nga nahimo…
      • Ano pa bala ang mas daku pa sa pag pang-ayo /pagtabog sang demonyo / magpabuhi sang patay…
      • Kon maayo ka – mamasakit man sila liwat / kon nabuhi mo ang napatay – mapatay man sila gihapon sa maabot nga adlaw
      • Ang mas dako nga trabaho – ihatag sa tawo ang Maayong Balita – nagadala sang kabuhi nga wala katubtuban nga indi mapanas o madula
  • Ang 12ka Apostoles…
  • Ang ngalan sang mga Apostoles na lista sang 4ka beses sa Bag-o nga Katipan…
    • Marcos 3:13-19 / Lucas 6:12-16 / Binuhatan 1:13
    • Sa 4 ka listahan si Pedro ang nauna sa lista kag katapusan si Judas (napanas na iya ngalan– patay na siya – sa Binuhatan 1:13)
  • Ang mga ngalan sang 12…
    • Simon Pedro – Simeon nagakahulugan nakabati / Pedro nagakahulugan bato
      • Pinaka mahuyang/emosyonal sa tanan nga dicipulo
      • Naglakat sa tubig – kag nalunod / nagpanginwala kay Jesus
      • Pero nakabalo si Jesus kon mangin ano siya – paagi sa gin himo sang Bugay – ang Bato – indi mationg!
    • Andres – lalaking lalaki – macho (utod ni Pedro)
      • Antes sini dicipulo siya ni Juan Bautista – naghalin kag nagsunod kay Jesus
      • Permi ni naton mabatian nga nagadala siya permi sang mga tawo kay Jesus / gin dala niya si Pedro kay Jesus
    • Santiago – (Jacob) gapanghawid tikod – higko, malalangon, kawatan (utod ni Juan)
    • John – Maayo ang Diyos (si Santiago kag Juan mga bata ni Zebedee)
      • Mga anak sang daguob – mangayo bala kami sang kalayo – Lucas 9:54
        • Sa masami ga pinsar kita nga si Juan isa ka Apostol sang Gugma – malulo nga tawo…
        • Gintawag sila ni Jesus nga mga anak sang daguob!
        • Gusto na lang nila nga lutuon ang isa ka bario kay gin balibadan sila nga mag sulod
      • Ang sentro – ang 3… Pedro/Santiago/Juan
        • Sila nga tatlo ang permi nga upod ni Jesus… bisan wala ang iban
        • Sa pag banhaw sa bata nga babayi / ang Pagbalhin sang Dagway / hardin sang Gethsemane
        • Ilabi na gid sang gid usar sila pagkatapos sang Pagkabanhaw
        • Ang pagpati nga sila pinasahi – kag importante…
        • Indi man siguro nga pinasahi sila… kay pinasahi gid man…
        • Kon may bata ka nga permi lang may gamo nga matabo – permi mo gid pangitaon?
        • Gusto ni Jesus nga malapit sa iya – kay permi lang may gamo nga ginasudlan
    • Felipe – mapinalanggaon sa kabayo (halin sa Bethsaida – sa banwa ni Pedro kag Andrew)
    • Nathaniel ginatwag nga Bartolome – regalo sang Diyos (upod ni Felipe)
    • Tomas – ang kapid (na kilala siya sa pag duda sa pagkabanhaw ni Jesus)
    • Mateo – regalo ni Yahweh (Ang manug sukot buhis nga ahente sa Capernaum)
    • Santiago anak ni Alfeus – ika 2^nd nga Apostoles nga gin ngalanan Santiago
    • Judas utod ni Santiago nga gina tawag nga Lebaeus – kag gina tawag man Tadeus
      • Pareho ang ngalan nga Judas nagakahulugan – nga dako ang tagiposoon…
    • Simeon – isa ka Zealot gin tawag siya nga Simon nga Canaanhon (pareho mansa Hebreo)
      • Ang mga zealots mga rebelde sa gobyerno sang Roma
    • Judas Iscariote – nga amo ang mag traidor kay Jesus…
  • Waay gid ginapaabot…
  • Sila ni ang mga dicipulo…
    • Pedro (nanginwala kay Jesus) ang iya utod nga si Andres, Santiago kag Juan (mga anak sang daguub), Felipe kag Nathaniel (pareho sila nga abyan ni Pedro kag Andres), Tomas (ang nag duda), Mateo (kurakot nga ahente sang kustom), ang mag utod Santiago kag Judas (nagapakita nga may madaku nga tagiposoon), Simeon (rebelde sa gobyerno sang Roma), kag si Judas (ang nag traidor kay Jesus)!
    • Wala katumbas – kon makita mo sila nga ga lakat sa dalan…
    • Basi malikaw ka sa pihak nga dalan agod nga maka likaw ka lang!
    • Apang amo ni sila ang gin gamit sang Diyos – amo ni ang mga disipulo ni Jesus
    • Mga tawo nga tinawag sa pag sugod sang simbahan – sa pag dala sang maayong balita sa Kalibutan!
  • Indi sila kon kita mapili…
    • Kon ako papilion sang 12 ka disipulo nga mag tudlo kag mang lab-ot sa pag bag-o sang kalibutan
    • Mapili gid ko ya sang pinaka-ali, pinaka-maalam, pinaka-manggaranon, pinaka tanyag…
    • Mapili pa gid ko Artista, politikos, kag edukado…
  • Pinaka Ordinaryo…
    • Ang mga Apostoles mga indi kilala – halin sa probinsiya – halin sa Bukid…
      • Indi sila halin sa mga dalagko nga siudad sa kalibutan – “Europa ukon US”…
      • Halin sila sa probinsiya sang Judea – wala sang importante nga halin sa Judea
      • Indi gani sila sa kapital sang Jerusalem – halin sila sa gamay nga bario
    • Indi sila tumalagsahon – “ trabahador sang tubo / tsuper sang tricycle”…
      • Indi mataas ang ila edukasyon (ukon ayhan nga wala gid ka-eskwela)
      • Indi sila kilala, may kwarta, gwapo, ukon may gahum…
      • Mga ordinaryo, mangngingisda, makasasala, kag iban pa
      • Ang pinaka wala gina expektar ang gin gamit sang Diyos!
  • Indi ang isa sa mga gina paabot naton…
    • Apang sila ang gin pili sang Diyos nga gamiton para ang kalibutan maplastar sa insakto!
    • Basi naga paminsar ka nga indi ka magamit sang Diyos…
    • Ginapinsar mo nga wala ka sang insakto nga edukasyon – wala ka kwarta
    • Ukon ga pinsar ka nga ay ari lang ko ga estar sa bukid – indi kilala kag wala impluwesya…
    • Ang wala mo na realisar naga hatag ka sang kalipikasyon sa imo kaugalingon nga pareho…
    • Sa mga gin pili ni Jesus nga mga disipulo nga gin gamit sa pagliwat sang kalibutan!
    • Ang Diyos gusto nga usaron ka – indi lang sa mga kaingod mo – kundi sa kalibutan !
  • Pagpasipala sang Balaan nga Espiritu… vs. 20-30
  • Ang panghangkat… vs. 20-21
  • Sa diri nga punto nga si Jesus nag panudlo sa Bukid – Mateo 5-7
    • Wala ini masulat sa libro ni Marcos – nakatutuk sa gawi indi sa pagpanudlo ni Jesus
    • Sang pag katapos nagbalik siya sa balay (basi sa balay ni Pedro)
    • May ara nga daku nga kadam-an nga nag tipon – gani wala na sila tion nga mag kaon!
  • Ang mga Escriba nag abot halin sa Jerusalem – kag nagapamatok gid sila sang bug-os kay Jesus…
    • Mateo 12 naga hambal diri nga si Jesus gin ayo niya ang bulag kag apa
    • Isa sa mga miracolo nga wala pa natabo sa Israel –damo sang nag pati sa iya…
    • Ang mga Escriba napilitan sa pag sabat kon paano maka himo sang mga miracolo si Jesus
    • Gani ginkilala nila nga ang gahum ni Jesus halin kay satanas (beelzebub) gumalahum sang mga demonyo…
  • Ang Natunga nga Kaharian… vs. 22-27
  • Si Jesus nag sabat sa ila paagi sa parabola – indi mahimo nga si satanas mag tabog kay satanas…
    • Kada balay, ginharian bisan si satanas – kon mag binahin-bahini – indi makapadayon
      • Kon ang pungsod mag gyera sa kaugalingon – tawag sini gyera sibil
      • Wala sang pungsod nga makapadayon sa gyera sibil, kon indi mag untat ang inaway malaglag ang pungsod
      • Pareho man matabo sa isa ka siudad bisan panimalay – ukon si satanas
      • Kon naga binahin bahin wala sang kadalag-an!
    • Kon si satanas matabog man kay satanas (lohiko) – paano mag pabilin ang ginharian
      • Gina punto ni Jesus nga kon si satanas ang nag patunga sa gyera sibil – malaglag siya
      • Waay sang pulos ang panugdaon sang Escriba – ngaa nga awayon niya iya kaugalingon…
  • Ang parabola sang Makusog nga tawo…
    • Indi ka maka pangawat sa makusog nga tawo – luwas lang kun una higtan mo siya
      • Wala gid si Jesus naga trabaho upod kay satanas – indi pwede nga kawatan mo imo abyan
      • Kon naga trabaho siya upod kay satanas pwede siya maka hulam ukon kuhaon ang iya gusto…
    • Pero kon gusto mo kawatan ang isa ka kusog nga tawo (satanas)
      • Una higtan mo siya bag-o mo limason ang gamit niya sa iya balay…
      • Tungod nga batok si Jesus kay satanas iya anay gapuson antes limason
      • Limason – dia-harpazo – pangkuha-on
      • Ano ang Balay ni satanas – ang nahulog nga makasasala nga kalibutan
      • Paano gaposon si satanas ni Jesus – paagi sa gahum sang Krus
      • Ano ang kuhaon ni Jesus sa balay ni satanas – kita!
      • Si Jesus nag kari sa kalibutan agod nga magapos si satanas paagi sa krus agod ikaw kag ako maluwas!
  • Para kay Jesus ukon Batok kay Jesus… Mateo 12:30
  • Nag baliskad ang paya kay ang ila nga panumbungon kay Jesus nagbalik sa mga Fariseo
    • Ang mga Escriba batok sila kay Jesus – gani kampon sila ni satanas (John 8:44)
    • Kon indi ka para kay Jesus – ikaw batok sa Iya…
    • Kon wala ka nagadala sang mga tawo kay Jesus – gina papalayo mo sila…
  • Wala sang ginatawag nga tunga tunga – ukon balimbing…
    • Masami gapaminsar ang tawo nga maka tinir sila sa linya…
    • Indi nila gusto mag to-o kay Jesus – kabuhi para kay Jesus – pero indi sila batok kay Jesus
    • Ginapinsar nila nga may tunga tunga – indi para kag indi man kontra
    • Kon indi ka para kay Jesus – Batok ka sa iya – waay tunga-tunga
  • Pagpasipala sa Balaan nga Espiritu… vs. 28-30
  • Bisan ano nga klase sang sala mapatawad – luwas sa pag pasipala sa Balaan nga Espiritu
  • Indi mapatawad nga sala (ano ni siya?)
    • Ang mga Escriba nakabalo nga si Jesus halin sa Diyos – galing tungod nga nabutang sa alangalang ang ila posisyon…
    • Gin pakilala pa nila nga ang obra sang Balaan nga Espiritu iya ni satanas
    • Gin patig-a sang mga Escriba ang ila tagiposoon sa pila kabeses asta nga indi na sila mag pati
    • Juan 12:39 – “Gani amo ina ang kabangdanan kon ngaa wala sila nagtuo kay Jesus…”
    • Kon nakabalo ka sang tuod parte kay Jesus – kag gina sikway mo siya gihapon – amo na ang indi mapatawad nga sala…
  • Ano ayhan ang kahulugan sa imo kag sa akon:
    • Kon isikway naton ang pag pang hikot sang Balaan nga Espiritu sa aton kabuhi – pasulit sulit – magatig-a aton tagiposoon
    • Kon indi ka gid mag to-o kay Jesus – agod patawaron ang aton sala
    • Wala gid pagla-um nga kaluwasan para sa aton – isa lang ang alagyan pakadto sa langit – si Jesus
    • Ang indi mapatawad nga sala nga mapatay ka na lang nga wala nakakilala kay Jesus nga aton personal nga manluluwas!
  • Ang Pamilya ni Jesus… vs. 31-35
  • Iya Iloy, Kag mga Utod…
  • Si Maria kag mga utod ni Jesus nakadto kag gin pangita si Jesus…
    • Ang balita nga pagsumalang ni Jesus kag mga Escriba nag lab-ot sa pamilya…
    • Nabalaka sa iya nga kahimtangan (basi pati kabuhi) ang iya pamilya gusto siya salbaron
    • Marcos 3:21 – “Pagkabati sang iya pamilya parte sa mga ginahimo ni Jesus, nagkadto sila didto agod kuhaon siya, kay nagsiling ang mga tawo nga buang siya’.”
    • Sa baylo nga mag kadto siya sa ila – ukon mag estorya man lang sa ila – nag pamangkot siya…
    • Sino bala ang akon Iloy kag ang akon mga utod?
    • Indi ini insulto sa iloy niya diri sa duta ukon sa iya mga utod – kundi mag tudlo sang kamatuuran…
  • Si Jesus nag tulok sa palibot kag nag hambal siya – ari ang akon Iloy kag akon mga utod!
    • Ang relasyon – kaangtanan – sa lawas ni Cristo – mas malapit pa sa kaugalingon mo nga pamilya
    • Basi na notisyahan mo man – mga utod mo sa Ginoo mas suod mo sang sa imo pamilya
    • Ang kaangtanan naton nga ara kay Jesus – ang gugma ni Jesus – nagahimo sa aton nga parte sang pamilya sang Diyos!
  • Ang mga nagahimo sa kabubut-on sang Amay sa Langit…
    • Si Jesus naga tawag sa aton nga pamilya – kag ginatawag kita nga himoon ang kabubut-on sang Amay sa langit…
    • Gin pili kita sang Diyos – indi tungod nga maayo kag perti kaalam…
    • Kundi tungod nga kita mga ordinaryo nga tawo – pinadala para mag bantala sang Maayong Balita
    • Ginnpadala sa kalibutan (sugod sa aton tupad balay) nga ga kinanglan nga makabati…
    • Hangpa nga wala sang tunga -tunga – ikaw para kay Jesus ukon kontra sa iya
    • Isugid sa sini nga adlaw – tagai sila sang pagla-um – isugid ang parte sa gugma ni Jesus!