Mark 2:23–3:12

Marcos 2:23-3:12

Review…

• Marcos – Ang Gospel para sa mga Gentil – nagapakita nga si Jesus alagad sang tanan – Marcos 10:45
• Marcos 1:1-13 – Ang pagsugod sang Ministeryo ni Jesus
  • Ang Gospel – Maayong Balita sang Kaluwasan – nagatuhoy kay Jesus!
  • Ginpreparar ni Juan Bautista ang alagyan para kay Jesus… Nagkadto si Jesus kay Juan para magpa-bautiso…
  • Marcos 1:14-45 – Ang ministeryo ni Jesus sa Galilea
  • Ang mensahe sang ministeryo ni Jesus…
    • Mensahe ni Jesus – Natuman na ang tion – maghinulsol kag magpati sa Maayong Balita
    • Gintawag niya ang mga disipulo – Pedro, Andres, Santiago kag Juan – gilayon gid nga nagsunod sila
  • Ang Gahum sang ministeryo ni Jesus…
    • Ginpakita ni Jesus nga may gahum espiritwal siya – nag-tabog sang mga demonyo
    • May gahum man siya sa pisikal – ginpaayo sa masakit ang umagad ni Pedro
    • Ginpakita ni Jesus nga may gahum siya nga nagapangibabaw sa sala – nagpa-ayo sang aruon
    • Marcos 2:1-22 – Pag panghangkat sang mga escribo kag sang mga fariseo…
  • 1^st challenge – Ang imo nga mga sala na patawad na – Ang pag-ayo sa paraletiko…
  • 2^nd challenge – Pag-upod kaon sa makasasala – kon may masakit nagakadto sa doktor…
  • 3^rd challenge – Puasa? – indi sa tion sang kasal! – indi matarong sa aton kaugalingon nga panikasug
  • Daan vs. Bag-o – Ang daan nga kasugtanan wala na – Si Jesus nagatukod sang bag-o nga kasugtanan sang Grasya
  • Sige gihapon ang pag-atake ~ Ang Sabado… (3 ka butang) vs. 2:23 – 3:6
  • Ang paglapas sang Sabado… vs. 23-26
  • Ang mga Disipulo gin gutom…
    • Pareho lang nga daw ga lakat sa katubohan – kag kun gutumon ka, puksi ka sang pwede mo makaon
    • Indi ang pagkaon sang trigo ang problema – ginapanugotan ina- Deuteronomio 23:25
    • Lucas 6:1 – “Sang isa ka Adlaw nga Inugpahuway, samtang nagaagi sila ni Jesus sa kaumahan sang trigo, nagpangutol ang iya mga sumulunod sang mga uhay sang trigo, kag ginpiripis nila ini kag ginkaon.”
    • Ang problema amo ang pagpiripis sang uhay sa kamot (pag-ani)… sa adlaw nga Sabado!
  • Ano ang Sabbath…
    • Sa pagsugod gid – Genesis 1 & 2 – Gintukod sang Dios ang pag-obra nga anom ka adlaw…
      • Nag-obra ang Dios 6 ka adlaw sa pag-tuga sang kalibutan – ang tawo makatrabaho man 6 ka adlaw lang sa isa ka semana
      • Ang ikapito nga adlaw, adlaw nga inugpahuway – ini ang gintawag nga Sabbath…
      • Ara pa gihapon ang tinaga sa Ilonggo – Sabado nagakahulugan nga Sabbath – ang Adlaw nga Inugpahuway
      • Ginmando sang Dios nga ang tawo dapat magpahuway sa ikapito nga adlaw sang semana…
    • Ang ikapito nga adlaw – Sabado ukon Domingo…
      • Sabado amo ang Sabbath sang mga Hudyo (Adlaw nga Inugpahuway)
      • Ang una nga simbahan nag-saulog sang Sabbath sa adlaw nga Domingo– pagkabanhaw ni Jesus – Binuhatan 20:7
      • Amo na nga Domingo ang aton nga Adlaw nga Inugpahuway…
  • Batok sa Kasugo-an ang pag-obra sa Adlaw nga Inugpahuway…
    • Exodus 35:2 – “Sa sulod sang anom ka adlaw, himua ninyo ang inyo mga buluhaton, pero sa ikapito nga adlaw magpahuway kamo, kay ini nga adlaw balaan kag para ini sa Ginoo. Ang bisan sin-o nga mag-obra sa sina nga adlaw dapat patyon”
    • Ang mga Fariseo nagdesisyon nga ang pagpiripis sang uyas isa ka trabaho– pag-ani / paglinas
    • Makahalam-utan pamensaron nga ang ini nga simple nga butang mangin paglapas sang Sabbath, pero…
      • Ang budlay, kay nagasiling ang Bibliya nga indi ka pwede mag-obra sa Adlaw nga Sabbath…
      • Kun ano ang ginakabig nga kahulugan sang “obra” – dira nag-entra ang mga Fariseo…
      • Ginhatagan nila sang ila nga kahulugan ang ginhambal sang Dios sang ginsiling niya nga indi pwede ka-obra (39 ka indi pwede)
      • Sa Israel subong nga tion: may ara sang mga Shabbat elevators (ang pagtublok sang buton sang elevator obra ina)
  • Indi ka maka usar kwarta – obra na ina (credit cards OK lang)
    • • Indi ka maka tosta tinapay ukon makaluto kan-on! (indi pwede magsindi kalayo)
    • Ang mga Fariseo naghatag sang kahulugan sang “obra”- pero nalisahan nila okon nalimtan ang tuod nga katuyuan sang Sabbath
  • Ang Ginoo sang Sabbath… vs. 27-28
  • Ginsabat ni Jesus ang mga pag-akusar sang mga Fariseo sa paghatag niya sang bag-o nga kahulugan sang Sabbath…
  • Si David kag ang ginhalad nga tinapay…
    • Isa ka adlaw, gingutom si Haring David ( subong man sa mga disipulo) – samtang nagapalagyo siya kay Haring Saul
      • Naka-abot siya sa tabernakulo kag nangayo siya pagkaon… I Samuel 21:2-6
      • May ara lang gid 12 ka ginhalad nga tinapay…
      • Mga pari lang ang pwede magkaon sang ginhalad nga tinapay– Leviticus 24:9
      • Bisan batok sa Kasuguan– ginkaon ni David ang tinapay – gutom gid siya!
      • Ang kagutom ni David mas importante kaysa Pagsulundan nga nagapatuhoy sa “Tinapay sang mga Pari”
    • Ang punto ni Jesus: Mas importante ang tawo kun ikumpara sa Sabbath…
      • “Nagsiling siya, ‘Ang Sabbath ginhimo para sa tawo, kag indi ang tawo para sa Sabbath…’”
      • Wala kita gintuga sang Dios para sundon ang Sabbath – Ginhatag niya ang Sabbath sa aton!
      • Ang katuyuan amo nga matagaan kita sang adlaw nga makarelaks – makapahuway – makabawi sang kusog
      • Wala na ini ginapatuman – pero maayo gid ini nga ideya
      • Kun ang Dios nga nagtuga sa aton naghatag sa aton sang adlaw nga inugpahuway – maayo gid nga ideya nga batunon naton
      • Waay kaso bisan ano nga adlaw – Sabado / Domingo / Hwebes
  • Mateo 12:7 – Pagkaluoy kag indi Paghalad…
    • Pagkatapos niya tadlungon sila – ginsulat sa Mateo nga ginhangkat ni Jesus ang mga Fariseo
      • Kun nahibaluan niyo lang ang kahulugan sini…
      • Hoseas 6:6 – “Kay indi ang inyo mga halad ang akon luyag kundi ang inyo gugma.[d] Mas gusto ko pa nga kilalahon ninyo ako sang sa maghalad kamo sang mga halad nga ginasunog. ”
      • Ang mga Fariseo nagsala sa pagpamensar nga ang Dios nagahatag gid sang importansya sa Kasuguan
      • Baylo sa mahangpan nga ang Dios – mas interesado sa mga tagipusoon sang mga tawo…
      • Ginakondenar sang mga Fariseo ang mga tawo kay ginlapas sangtawo ang “intrpretasyon nila sang Kasuguan”
      • Nalimtan nila ang tuod nga katuyuan sang Kasuguan – nga tudlo-an ang mga tawo patuhoy sa Dios
    • Gintawag sila ni Jesus nga “Mga bulag nga manunudlo”…
      • Mateo 23:23-24 – “Kaluluoy kamo nga mga manunudlo sang Kasuguan kag mga Pariseo, kamo nga mga hipokrito! Nagahatag kamo sa Dios sang inyo ikanapulo bisan sa mga panakot sa pagkaon, pero ginabaliwala ninyo ang mas importante nga mga sugo parte sa matarong nga pagkabuhi, pagkamaluluy-on, kag pagkamasaligan. Maghatag kamo sang inyo ikanapulo pero indi ninyo pag-ibaliwala ang mas importante nga mga sugo. Bulag gid kamo nga mga manunudlo. Sa sining ginahimo ninyo pareho lang nga nagasala kamo sang sapat-sapat sa inyo ilimnon, pero ginatulon ninyo ang mas dako pa nga sapat pareho sa kamelyo.”
      • Ang mga Fariseo ang dapat tani magtudlo sa iban kun paano magsunod sa Dios (manogtuytoy)
      • Galing gin taplik nila ang lamok, kag gin tulon man lang gali ang karbaw
      • Nagakahulugan nga siguradohon gid nila nga masunod ang pinakagamay nga detalye sang Kasuguan…
      • Pero naglapaw sila sa pinakaimportante nga mga butang sa Pulong– nalisahan nila si Jesus!
      • Masami makakita kita sa simbahan sang mga tawo nga sobra gid ang pagkabalaka sa mga butang nga indi man gid importante
        • Gusto ka nila hukoman kun ano ang gina suksok mo –diin ka nagaistar – sin-o mga kilala mo
        • Ano obra mo – diin ka nagasimba
        • Nagatulok lang sila sa pang-guha nga imahen
        • Pero indi nila makita kun ano gid ang may importansya – ang aton tagipusoon para kay Jesus!
        • Ang aton pagka-maayo wala ginabase sa kun diin kita nagasimba, ukon ano ang aton panapton
        • Indi sa kun ano ang ginakaon ta, ano kadamo kwarta ta
        • Ang importante lang gid amo ang relasyon ta sa Ginoo!
  • Jesus, ang Ginoo sang Sabbath…
    • Ang tuod nga katuyuan sang Sabbath amo nga itudlo kita kay Jesus!
      • Colosas 2:16-17 – “Gani indi kamo magpadala-dala sa mga tawo nga nagasiling sa inyo kon ano ang indi dapat kaunon ukon imnon, ukon ano ang dapat himuon sa mga piesta, kon maglati ang bulan, kag sa Adlaw nga Inugpahuway. 17 Ang mga pagsulundan nga ina landong lang sang mga butang nga ginapaabot sang una, nga amo si Cristo.”
      • Kun makit-an mo ang landong sang suod mo nga abyan, madalagan ka bala para mahakos mo ang landong?
      • Inde eh! – pero ang landong nagapahibalo nga lapit ang anyan mo…
      • Ang Sabbath isa lang ka landong ni Jesus – Sa kay jesus lang gid kita makakita sang aton tuod nga pagpahuway!
      • Nakita sang mga Pariseo landong lang – abi nila parte lang tanan sa Sabbath
      • Nalihasan nila ang nagatindog na gid sa ila atubangan – Nalihasan nila si Jesus!
      • Indi ka magkabalaka masyado sa nga tradisyon nga malihasan mo si Jesus
  • Pagpang-ayo sa Adlaw nga Inugpahuway … vs. 1-6
  • Pagdakop sa akto kay Jesus…
    • Nagkadto si Jesus sa sinagoga (nagasiling si Lucas madason nga semana ) – para pamatud-an ang iya punto
    • Didto may tawo nga may (Imperfect) naitus nga kamot…
      • Wala ini siya ginbun-ag nga may naitus nga kamot – basi tungod sa aksidente ukon masakit
      • Nahibaluan niya sang una kun ano ang may maayo nga kamot – pero subong may kabudlayan siya…
      • Sigurado kabudlayan sa pangalitan-an niya – kasubong man sa kabudlayan nga emosyonal
    • Ang mga Escriba kag mga Pariseo nagbantay gid kun ano ang himoon ni Jesus…
      • Pagkatapos sang natabo nga pagsumalangay sang nagligad nga semana– handa na sila nga dakpon si Jesus
      • Suno sa ila interpretasyon sang Kasugo-an, indi pwede kapang-ayo sa Sabado
      • Luwas na lang kun daw mapatay na gid ang tawo…
      • Kay kun indi, gina kabig nila nga obra ina
  • ‘Tikang pa-abante’ – wala nahadlok si Jesus – Wala sang kakulba nga gintawag niya ang tawo nga magpatunga para makit-an sang tanan
    • Pagtuman bala sa Kasuguan ang mag-obra sang maayo sa Adlaw nga Inugpahuway ukon mag-obra sang kalautan – magsalbar sang kabuhi ukon magpatay…
      • Ang indi pagbulig sa isa nga nagakasakit – kun masarangan mo man lang – isa ka kalautan
      • Ang indi pagsalbar sang kabuhi – kun masarangan mo – isa ka pagpatay
      • Makasarang gid magbulig si Jesus- kun wala siya sang himoon , pareho lang nga naghimo siya sang kalautan sa adlaw sang Sabbath…
    • Ang punto ni Jesus – nga mas maayo gid nga mag-obra sang maayo sa adlaw sang Sabbath!
      • Ginahanduraw ko nga ang tawo nga may naitus nga kamot naga-ugyon gid sa ginhambal ni Jesus! – Wala niya ginapaligban kun ano man nga adlaw!
      • Pwerti man kalain kun pabay-an lang ang tawo nga ini nga mag-antos – para lang sa mga pagsulundan nga daw lango-lango!
      • Pero ang mga lideres nga relehiyoso, sa ila hanuot nga pagtinguha nga sundon gid ang ila Pagsulundan – nalimtan na nila ang Paghigugma
      • Pabay-an na lang nila ang tawo nga mag-antos – nga pwede man lang ayohon ni Jesus
    • Gintulok sila ni Jesus nga nay kaakig (diri lang ginsambit sa Marcos)…
      • Akig gid si Jesus sa mga lideres kay wala gid sila sang kaluoy
      • Nahagan-hagan lang ang iya kaakig tungod sang iya kalisod – nga pwerti gid katig-a sang ila tagipusoon…
      • Ang ila nga mga Pagsulundan amo ang nagpatig-a sang mga tagipusoon nila– ano pa indi na sila makakita…
      • Abi nila nagapangalagad pa sila sa Dios sa pagdumili nga paayohon ang tawo nga naga-antos
      • Kabuangan nga paghunahuna– pero nabulag na sila tungod sang ila nga mga pagsulundan nga nagapakamatarong lang sa kaugalingon
      • Kabataan nga nagatiniil lang kag bag-o nga karpet sa simbahan…
      • Makakadto ka sa simbahan – kun sakto ang imo panapton / sakto ang imo mga tinaga nga ginapanghambal…
      • Indi maayo kun ginapasulabi naton ang aton pagsulundan kaysa kaayuhan sang iban
      • Ang punto sang Bibliya amo nga itudlo kita padulong kay Jesus – indi nga punggan kita nga makapalapit sa iya!
  • Pagpang-ayo sa adlaw nga Sabbath…
    • Ginmandoan ni Jesus ang tawo nga iuntay niya ang iya naitus nga kamot
      • Sang nagtuman siya, nag-ayo na siya…
      • Sa kabilugan, 7 gid ka beses nagpa-ayo si Jesus sa adlaw sang Sabbath…
      • Pirme nya gid ini gina -obra nga matingala ka kun ano ang gina-obra niya sa iban nga 6 ka adlaw sa semana
    • Ginhimo niya ini para mapat-od ang iya nga punto…
      • Wala di nagkari si Jesus para magkabuhi suno sa mga Kasuguan sang mga Fariseo – Nagkari siya para magluwas sang mga Kabuhi
      • Sobra gid ang paghatag importansya sang mga Fariseo sa pang-gwa nila nga imahen – nalisahan nila si Jesus
      • Tungod sa mga tradisyon kag mga pagsulundan, nalimtan na sang “simbahan” kun ngaa…
      • Nagasimba kita kun Domingo(basi kaduha pa sa semana)
      • May komyunyon kada bulan – Nagabasa Bibliya… nagapangamuyo…
      • Ngaa gina-obra ta ini nga mga butang – tungod lang…
      • Nasiod na ta bala sa mga tradisyon nga nalisahan ta na si Jesus…
      • Ano nga mensahe ang gina hatag ta sa iban– ang Gospel sang kun ano ang dapat nila himoon…
      • Ukon ang Gospel sang kun sin-o ang dapat nila makilala – nagasugid bala kita parte kay Jesus!
  • Ginpakita ni Jesus sa mga Fariseo nga nalisahan nila ang tagipusoon sang Kasuguan – nga kilalahon si Jesus
    • Ginpakita man ni Jesus nga mas nagkabalaka sila para sa mga tinaga kaysa magkabalaka para sa mga tawo…
    • Naglakat ang mga Fariseo kag nagplano kaupod sa ila mga dugay na nga karibal – mga Herodian ( mga sekularista )
    • Kay indi sila makasabat sa Iya… nagplano na lang sila nga patyon si Jesus…
  • Paghigugma sa mga Katawhan… vs. 7-12
  • Nagpalayo si Jesus…
  • Nakit-an ni Jesus ang mga malaut nga mga tinutuyo sang mga relihiyoso nga lideres– amo nga nagpalayo na lang Siya…
    • Isa ini sa mga 11 ka beses nga nasulat sa libro ni Marcos nga si Jesus ‘nagpalayo’…
    • Manipis nga linya ang ginalaktan ni Jesus – ini nga mga tawo nagatuyo nga ilansang siya sa krus – pero indi pa ini ang sakto nga tion
  • Pero nakabati ang Kadam-an…
    • Naglapta ang balita sang mga mirakulo nga na-obra ni Jesus…
    • Nag-abot sila halin sa mga siyudad sang mga Hudyo – Jerusalem kag Idumea (Edom -ginsambit diri lang sa Bag-ong Katipan)
    • Nag-abot sila halin sa mga syudad sang mga Gentil – Tiro kag Sidon – halos tanan-tanan -nga halin bisan diin!
  • Ginpapreparar ni Jesus ang mga disipulo sang isa ka baroto – kay sobra gid kadamo sang tawo
    • Nag-ayo siya sang mga nagamasakit – nagtabog sang mga mahigko nga mga espirito…
    • Wala nagapili si Jesus sang tawo, kundiin ang ila ginhalinan, nasyonalidad, kredo, ukon ila politika
    • Gin-atubang niya lang ang mga tawo kun diin man sila – kag gin pa-ayo sila!
    • Indi kita kilala nga mga disipulo ni Jesus tungod sang aton nga denominasyon ukon doktrina…
    • Juan 13:35 – “Kon nagahigugmaanay kamo, ina mahibaluan sang tanan nga kamo akon mga sumulunod.”
    • Imbes nga masiod kita sa aton nga mga tradisyon – ngalan – denominasyon
    • Ang ehemplo ni Jesus simple lang gid, higugmaon naton ang mga katawhan – Sugataon ta sila kun diin man sila…