Mark 2:1–22

Marcos 2:1-22

Review…

• Marcos – Ang Maayong Balita sa mga Gentil – ginapakita nga si Jesus nag alagad para sa tanan (Marcos 10:45)
• Marcos 1:1-13 – Ang sugod sang ministeryo ni Jesus
  • Ang Gospel – Maayong Balita sang Kaluwasan – Ini tanan parte kay Jesu Cristo!
  • Nagpreparar si Juan Bautista sang dalan para kay Jesus … nagkari si Jesus kag nag pa bautiso kay Juan…
  • Marcos 1:14-45 – Ang ministeryo ni jesus sa galilea
  • Ang mensahe sang ministeryo ni Jesus…
    • Ang mensahe ni Jesus – na tuman ang tion – mag hinulsol kag mag tuo sa Maayong Balita
    • Gintawag niya ang mga gintutun-an –si Pedro, Andres, Santiago kag Juan – gilayon
    • nga nag sunod sila
    • Sa Sinagoga sang Capernaum – nag tudlo si nga may awturidad
  • Ang gahum sang ministeryo ni Jesus…
    • Si Jesus nagpakita sang iya gahum sa espiritwal – nag tabog sang demonyo
    • Si Jesus nagpakita sang gahum sa pisikal – nag ayo sang Ugangan ni Pedro
    • Si Jesus nagpakita sang iya gahum sa sala – nag ayo sang aruon

Introduksion…

• Ang mga Escriba kag Fariseo…
  • Ang titolo sang lider sang relihiyon sang Israel (mga pastor kag pari sa tiempo ni Jesus)
  • Ang mga Escriba – manugkopya – mataas ang tinunan (PHD) sila ang nag himo sang kopya sang Pulong sang Diyos
  • Ang mga Fariseo – mga makugi nga sekta nga gapalambo sang sa pagpatpat sang Kasuguan
  • Kontento sa ila daan nga pang ginawi – kag wala sila nalipay sa bag-o nga tudlo ni Jesus
  • Gani gin hangkat nila si Jesus sa 3 ka beses – kag gin pakita ni Jesus ang bag-o nga dalan!

1^st – Ang imo sala napatawad… (3 ka butang) vs. 1-12

• Ang Paralitiko…
  • Si Jesus nagbalik sa iya 1^st nga paglibot sa ciudad sang Galilea – pakadto Capernaum
    • Nag sulod siya sa balay ni Pedro – kag ang sugilanon naglapta nga si Jesus nag Balik…
    • Sa gilayon MADAMO ang nag tipon sa balay – nga indi ka gani makasulod na…
    • Nian si Jesus nag bantala (indi perfecto) sang Pulong sa ila… (Home Bible study)
  • May 4 ka tawo nag dala sang paraliko kay Jesus …
    • Paralitiko – isa katawo nga indi ka lakat kag makatindog (paralyzed)
    • Ining apat ka tawo indi makakadto kay Jesus tungod sa kadamuon sang tawo…
    • Gani gin guba nila ang isa ka parte sang atop kag gin tonton ang paralitiko sa atubang ni Jesus
    • Indi ini nipa ang atop’– basi tile ukon semento – ‘gin guhab nila ang atop’
    • Wala sang may makapugong sa ila nga madala ang ila abyan kay Jesus!
  • Sang nakita ni Jesus ang ila Pagtoo naghambal siya…
    • Ang imo sala napatawad na(Perfect/Passive/Indicative)
    • Literal nga ang aton tanan nga nahimo nga sala ginkuha na!
    • Indi tungod sa pagtoo sang paralitiko – pero ang 4 ka tawo nga nag dala sa iya kay Jesus
      • May ara sa aton pamilya kag abyan nga wala nagatu-o kay Jesus
      • Indi man sila maka kadto kay Jesus nga sila lang – tungod sang sala ayhan nga nagaparalisar sa ila
      • Pareho bala kita sa 4 ni ka tawo – himoon ang tanan para lang madala nila ang ila abyan kay Jesus
      • Gusto ta man bala nga mag dala sa ila – kon kinahanglanon – nga madala sila sa Bible Study
      • Aton sila dal-on sa lugar nga ma kilala nila si Jesus – para mag ayo sila!
    • Naga pinsar ko sa 4 ni ka tawo kon na dismaya sila premero…
      • Gin dala nila ila abyan kay Jesus agod nga maayo – indi nga patawaron…
      • Si Jesus gin una niya ang pinaka importante ang una kinahanglanon – kaluwasan!
      • Bisan pa atong nabanhaw sa minatay – mapatay man sila gihapon sa pag abot sang adlaw
      • Ang Pisikal nga pag ayo umalagi lang ina – ang kaluwasan may eternidad!
      • Ang mga lider sang relihiyon…
  • Gilayon ang mga Escriba nag hambal, “ini nga tawo naga pasipala!”
    • Suno sa Daan nga Katipan nga Kasuguan wala sang may makakuha sang sala
    • Hebreo 10:4 – “ Tungod kay ang matuod, ang dugo sang mga turo nga baka kag sang mga kanding nga ila ginahalad indi gid makakuha sang ila mga sala.”
    • Ang kasuguan (1^st 5 libro sa Biblia) gapahanugot sa pag halad para makatabon sa sala – indi makakuha sang sala
    • Nakita nila nga ang tinaga ni Jesus naga pasipala tungod ang Diyos lang ang makapatawad…
    • Ang kahalam-utan sa ila akusasyon nga insakto sila… Si Jesus amo ang Diyos!
    • Si Jesus ginapakita ang maayo nga pamaaagi sang sa Kasuguan –‘Daan’ nga Kasugtanan
    • Nga ang Kasuguan makatabon lang sang sala – apang si Jesus mapanas niya ang imo sala – Salmo 103:12
    • Gin pakita niya ang Bag-o nga paagi – kaluwasan kag pagpatawad paagi kay Jesus!
  • Si Jesus kabalo sang ila panghunahuna…
    • Ang mga Escriba kag Fariseo wala sang may gin hambal – ara lang sa ila paminsaron…
    • Apang nakahibalo gid si Jesus sang ila hunahuna – kag ginhangkat niya sila – ano ang mas mahapos hambalon…
    • Ang imo nga sala napatawad/ Bangon kag mag lakat…
      • Maathag nga mabudlay mag hambal bangon kag mag lakat…
      • Bisan sino pwede maka hambal ang imo sala ginpatawad – paano mapamatud-an…
      • Kon mag hambal ka bangon kag maglakat – maka hamabal ka kon sino ang peke
    • Agod ang anak sang tawo makapatawd sang sala… kuhaa imo higdaan!
      • Sang tiempo ni Jesus (subong man sa sini nga inadlaw) ang balatian may kaangtanan sa sala…
      • Juan 9:1-2 – “Samtang nagalakat sila ni Jesus, may nakita sila nga tawo nga bulag halin pa sang iya pagkatawo.  Karon ginpamangkot si Jesus sang iya mga sumulunod, “Manunudlo, kay sin-o bala sala nga natawo siya nga bulag? Iya bala sala ukon sala sang iya mga ginikanan?’"
      • Para pamatud-an nga gin patawad ang paralitiko sang iya sala…
      • Gin ayo siya ni Jesus sa iya nga masakit ~ may gahum sa balatian = gahum sa sala!
      • Napamatudan ni Jesus nga ginpatawad ang sala sang tawo ~ paagi sa pag ayo
      • Ang Reaksion sang Kadaman…
  • Lucas 5:26 – “may mga katingalahan nga natabo sini nga adlaw!”
    • Paradoxos – literal nga makalilibog – naga sumpakil… si Jesus, isa ka tawo, kag Diyos!
    • Ang Diyos lang makapatawad sang sala – tungod ang tanan nga sa sala batok sa Diyos! – Salmo 51:4
    • Si Jesus nagpamatu-od nga siya Diyos – sa pag ayo sang paralitiko – naga pamatuod nga makapatawad sang sala!
  • Ang kadam-an nag dayaw sa Diyos – wala pa gid sang may nakakita kaangay sini…
    • Bisan diin may himoon si Jesus – ang mga katawhan naga hatag dayaw sa Diyos…
    • Kon gusto mo mahibaluan ang isa ka butang hinimoan sang Diyos – kay sin-o bala nakatu-on ang pag Dayaw
    • Kon ang obra (ministeryo) nga ginahimo sang tawo nagatudlo kay Jesus , obra ina sang Diyos,

2^nd – Ang mga manugsukot buhis kag makasasala… (2 butang) vs. 13-17

• Ang pagluwas sa Makasasala…
  • Si Jesus naglakat liwat sa ubay sang dagat – kag ang bug-os nga kadam-an nagkadto sa iya(Imperfect) – kag gin tudluan niya sila
  • Nakita ni Jesus si Levi – nga anak ni Alfeo (Mateo – ang kahulugan“Dulot sang Diyos”)
  • Isa ka manog sukot sang Buhis…
    • Literal nga ahente sa kustom – ayhan indi malayo sa aton karon – perti ka kurap nga posisyon…
    • Ang iya propesyon gina kaugtan kag ginatamay sang mga Judio (Traidor para sa Roma)
  • Simple nga pag tawag kag sugo ni Jesus – “Sunod ka sa akon” (Present/Active/Imperative)
    • Ang pag panawag ni Jesus indi lamang sa mga matarong kag perfecto
    • Ang Diyos naga tawag sa mga makasasala nga mangin iya disipulo – gina gamit niya ang mga buang buang… – I Corinto 1:27
    • Nagka-on upod sa mga Makasasala…
  • Mahimo nga si Mateo gin inbitar niya ang iya mga upod kag abyan nga ga panukot sang Buhis
  • Na tabo nga nag kadto tanan kag nag linkod upod kay Jesus – Kag nag sunod man sa iya!
    • Si Mateo nagpakita sang halimbawa – kag ang mga makasasala nga mga abyan nag sunod man
    • Kon maghimo kita sang panindugan para sa kay Jesus – bisan may kabudlayan – nangin halimbawa ka para sa iban
    • Sa aton pag sunod kay Jesus – dal-on naton si Jesus sa ila – masugod man sila nga mag sunod sa Ginoo!
  • Sa liwat nag reklamo naman ang mga Escriba kag mga Fariseo (Imperfect/Active/Indicative)
    • Sa tiempo ni Jesus ang tanan naga kaon sa isa lang ka suludlanan sang pagkaon
    • Wala sang pagsulundan nga indi pwede maka duha mag kuha sang pagkaon” gani makig hiambit ka gid sang pagkaon
    • Sa amo nga rason ang mga Fariseo naga andam gid kon sino ila upod sa pagkaon
    • Kay ang Kasuguan naga hambal nga dapat mag mangin Balaan – separar sa makasasala…
  • Si Jesus nag sabat – ang mga maayo wala nagakinanglan manugbulong? Ukon makadto ka bala sa hospital kun wala ka masakiy ?
    • Sa malipot nga sugilanon – diin mo gina expectar nga makakita sang manogbulong – indi bala ara siya upod sa mga patiente
      • Ang ginapunto ni Jesus nga kon matarong ka wala ka ga kinanglan sang manluluwas (kapatawaran)
      • Ang makasasala amo ang may kinahanglan sang kaluwasan – ang mga makasasala ang nagakinahanglan sang bulig…
      • Gani si Jesus nag pungko sa mga makasasala – sila ang gin kari para nga maluwas!
      • Nakabalo ko nga damo ang gahambal nga ang simbahan puno sang tawo nga makasasala – ngaa makadto ko?
      • Pareho nga naga hambal ka nga ang hospital puno sang masakiton – ngaa makadto ko?
      • Ang simbahan isa ka hospital sang makasasala – dira ta dapat magkadto para nga mag-ayo kita sa espiritwal
    • Ang pagsumpakilay diri… Romans 3:23 – “Tanan kita nagpakasala…” Tanan kita makasasala!
      • Ang mgaEscriba kag Fariseo gapinsar sila nga wala sila masakit “maayo” tungod sang ila pagsulundan…
      • Pero kinanglan man nila nga maluwas pareho man sa mga manugbuhis kag makasasala…
      • Kasubo kon ang tawo nga ara sa simbahan magpaminsar nga mas maayo sila sang sa ara sa kalibutan – indi sila mag pasulod sa mga makasasala
      • Kon nalimtan naton nga kita makasasala man – kag ang simbahan nga gin kadtuan ta dira kita naayo
      • Indi na importante kon sino ka – palahubog / kawatan / tikalon / imoral
      • Permi may lugar sa simbhan para sa mga makasasala… ang pwertahan abri para sa imo

3^rd ~ Maayo tungod sa maayong buhat… vs. 18-20

• Nag pamangkot ang mga gintoton-an ni Juan…
  • “Ngaa kami kag ang mga Fariseo naga puasa permi – pero ang imo mga gintoton-an wala naga puasa permi?”
  • Indi gid ni pamangkot nga halin sa mga disipulo ni Juan – kundi sa mga Fariseo…
  • Ang Fariseo naga hunahuna nga matarong sila sa ila nga gawi
    • Matarong sila kay naga puasa sila (kag ginapabalo gid ini nila)
    • Ginasunod nila ang ‘Daan’ nga Kasugtanan – ang gawi (maayong buhat) naga himo sa imo nga matarong sa atubang sang Diyos
  • Ang sabat ni Jesus : mga Abyan sang Nobyo…
    • Si Jesus ang Nobyo – kita ginatawag nga Nobya ni Cristo (Pahayag 21:9)
      • Ang punto nga ang abyan sang nobyo wala naga puasa antes sang kasal
      • Paminsara bala nga ma tambong ka sa kasal… kag hambalon ka nga ma puasa???
    • Nag hambal pa gid siya nga maabot ang tion nga kon ang nobyo kuhaon na
      • Ang pagkayab – kon mag balik siya sa iya Amay sa langit
      • Kag obra nga pagtukod sang simbahan magasugod – amo na ina ang tion nga mag puasa sila
    • Pat-od gid nga nahangpan ni Jesus nga indi sa aton mga gawi nagahalin ang pakamatarong…
      • Roma 3:20 / 3:28 / Galacia 2:21
      • Kita matarong – “Maayo” – paagi lang gid sa pagto-on sa natapos nga gin himo ni Jesus
      • Kon diin ang Daan nga Kasugtanan (ang kasuguan)nagatudlo sa aton kon ano aton obrahon
      • Ang Bag-o nga Kasugtanan (Grace) nagasugid sa aton kun ano ang ginhimo sang Diyos para sa aton!

Ang konklusion ni Jesus – ang ‘Bag-o’…

• Si Jesus nag hatag sang parabola – bag-o nga tukap sa daan nga panapton / ang bag-o nga alak sa daan nga panit nga suludlan
  • Ang bag-o nga panapton naga kupos kon mabasa
    • Kon ibutang mo sa nabingkas nga daan nga panapton nga nag kupos na
    • Kag kon ang bag-o mag kupos ma dandan pa gid ang gisi
  • Ang Bag-o nga alak may permentasyon nga gas nga nagapahitad sang panit nga sulodlan
    • Ang Daan nga panit nga suludlan sang alak naga tig-a kag wala na ga hitad
    • Butangi sang bag-o nga alak kay mabusdik gid kag mausik ang alak
• Ang Daan nga Kasugtanan kontra Ang Bag-o nga Kasugtanan… 
  • Si Jesus nag gamit sang pagpanghangkat sang mga Fariseo para ipakita ang matuod
  • Wala nakita napa idalum sa Kasuguan – Ang Daan nga Kasugtanan – listahan sang kun ano dapat himoon…
  • Ara nakita sa idalum sang Bugay! – Ang Bag-o nga Kasugtanan – listahan sang gin himo sang Diyos para sa aton
    • Sa idalum sang Bag-o nga Kasugtanan may kapatawaran ang aton sala – ang paralitiko…
    • Nag pungko ang Diyos upod sa mga makasasala, kag nag tawag nga mag sunod sa iya nga mangin disipulo…
    • Indi kita “Maayo” tungod sang aton binuhatan –pagpuasa…
    • Tungod lang gid sa gin himo sang Diyos para sa aton!
  • Indi kita – kundi si Jesus! – II Corinto 3:5-6
    • Nagapangita ka bala nga mangin “maayo” tungod sa imo nga hinomoan?
    • Mabasa sang Biblia / mangamuyo 4x kada adlaw / maghatag / puasa / bulig sa nagakinanglan…
    • Ina tanan puro maayo nga himoon – pero wala naga himo sa aton nga mangin matarung
    • Wala kita sa idalum sang kasuguan (lista sang hilimoon) – ang Kasuguan nagapakita sang aton pagka di matarung
    • Ari kita ga kabuhi sa Bag-o nga Kasugtanan – Ang Bugay! – Bangod sa ginhimo sang Diyos para sa aton!
    • Nangin “matarung kita” bangud gin huklas sang Diyos sa aton ang aton sala didto sa Krus
    • Kag karon gina tawag kita nga mag sunod sa iya (bisan kita makasasala)