James 1:19–27

Ang sabat sa pagtilaw… [3 ka punto]

• 1^st – Magpamati sa Pulong… vs. 19-21
  • 1^st –Indi magpadasodaso sa paghambal… vs. 19
    • Kay wala kita kaalam halin sa babaw…
    • Kag napalibutan kita sang damo nga mga pagtilaw…
    • Mga hinigugma ko nga mga utod…
    • Dapat mangin handa kita sa pagpamati, indi magpadasodaso sa paghambal, kag indi magpadali-dali sa pagpangakig.
    • May ginahambal ang mga tigulang nga – ang pulong mas sakit sang sa tuod nga pilas…
    • Ang pagtamay sang imo ngalan mas sakit sang sa bato…
    • Kon naigo ka sang bato-ang bukol maayo lang- pero ang mga pulong indi…
    • May mga butang nga ginhambal sa imo nga bisan dugay na nagapabilin!
    • Ang marka indi makuha- ang pulong grabe ka gamhanan!
    • Ang Pulong isa ka armas…
    • Kon indi ka malipayon- makahambal ka sakit nga mga pulong kag makadulot…
    • May ginahambal ang mga tigulang nga-kon wala ka sang maayo nga ihambal- paghipos…
    • Kay manabat kita sa tanan nga mga wala pulos nga aton ginhambal – Mateo 12:36
    • Manugwali 3:7 – “May tion sa paghipos kag may tion man sa paghambal…”
    • Makita man naton nga ang Dios naghimo 2 ka dulunggan kag isa ka baba…
    • Kay dapat ka 2 kita mamati kag ka isa lang maghambal!
    • Ang problema sa aton naga abri ang aton baba nga dapat tani namati ang aton dalunggan!
    • Indi magpaguwa lang sa pulong nga wala ka nagahalong- dako ang imo ibayad…
    • Mas maayo pa nga maminsar anay sang inughambal kag kon ano ang resulta sini…
    • Hapos lang maghambal -pero imposible bawion ang ginhambal!
    • Efeso 4:29 – “Indi kamo maghambal sing malain…”
  • 2^nd – Mahinay mangakig… vs. 20
    • Ang kaakig sang tawo indi gid makabulig, nga mangin matarong sa atubangan sang Dios…
    • Si Santiago naghambal sang matabo kon indi hinay kita maghambal…
    • May kaakig kay ang pulong naga guba…
    • Kag ang mga pilas nga ginhimo naton sa iban-ang mga pulong nga nahambal sa kaakig…
    • Wala nagadala sang matarong sa atubang sang Dios…
    • Ini nagasugod sang aligutgot kag nagapalayo sa aton sa Dios!
    • Kaakig- nagakadto sa aligutgot…
    • Siling ni Jesus kon kita akig sa isa ka tawo pareho lang may ginpatay kita- Mateo 5:21-22
    • Gani kon akig kita sa isa ka tawo- dapat husayon ini antis magtunod ang adlaw
    • Istoryahon ang tawo nga aton naakigan antis magkadto ang kaakig sa aligutgot…
    • Aligutgot dason ang kaiinit maga kontrol sang imo kabuhi!
    • Damo lang nga tion nga may kaakig kag nagsalop na ang adlaw…
    • Dason ang bana nagtulog na kag ang asawa amo ang nagapula sa kainit…
    • Pagka aga nagdako na gid ang problema!
    • Kon pawalaan ang problema – ginahatagaan ang panulay sang kahigayunan nga mag-intra…
    • Si satanas naga guba sang pamilya/simbahan paagi sa kaakig kag kainit sa isa kag isa…
    • Inid pagsugti si satanas nga magpugong sa pagpatawd kag kalipay nga nahatag ni Jesus…
    • Kon akig kita sa tawo sa ila ginhambal- husayon/istoryahan dapat subong!
    • 2 Corinto 2:11 – “Dapat ta himuon ini agod indi kita madaog ni Satanas, kay nahibaluan ta kon ano ang iya mga pahito.”
  • 3^rd –Magbaton sang Pulong sang Dios… vs. 21
    • Gani bayai ninyo ang tanan nga kahigkuan kag kalautan…
    • Indi pagkalipati ang mga resulta sang sini nga mga kalautan…
    • Ang tanan nga kahigkuan (ang mga nagapahigko)…
    • Ang mga kalautan- damo nga mga malaot nga mga butang…
    • Batunon nga may pagpaubos nga gintanom sa inyo tagipusoon…
    • Ginhatagan kita sang solusyon sa tanan nga kahigkuan kag kalautan…
    • Bayai ini nga mga butang kag batunon sa tagipusoon…
    • Dapat magbaton sang gintanom nga Pulong sang Dios!!
    • Hebreo 12:1 – “Gani bayaan ta ang mga sala nga nagahawid sa aton, ang tanan nga butang nga nagabalabag sa aton pagdalagan. Padayunon ta gid ang aton pagdalagan hasta sa katapusan.”
    • Ang makaluwas sang imo kalag…
    • Kalag- ang aton panghunahuna kag balatyagon…
    • Ang makasarang magluwas sa aton- Siya may gahom…
    • Ang Pulong may gahom sa pagbag-o sang aton panghunahuna kag tagipusoon!
    • Pagbag-o sang aton tagipusoon nagabulig sang aton kaakig kag magpatawad!
    • Ang mando sa pagpatawad…
    • Kapila kita magpatawad sa iban 70×7– Mateo 18:22
    • Kon sumahon naton ang sabat 490 ka beses…
    • Pero si Jesus wala naghatag sa aton sang numero kundi ini halin sa Bibliya…
    • 70×7 pinasahi nga numero nga ka isa lang nagamit sa Bibliya!
    • Daniel 9:24 – “Nagtalana ang Dios sang 490 ka tuig^[a] sa balaan nga siyudad kag sa imo mga kasimanwa para mauntat ang ila pagrebelde kag pagpakasalasa Dios, para matubos sila sa ila mga sala, para mapaluntad sang Dios ang pagkamatarong nga magapadayon hasta san-o…”
    • Kada san-o kita magpatawad kon masakitan kita nila- sa tanan nga tion!
    • Ano abi kon pareho nga sala – mapatawad kita gihapon…
    • Wala gid kita sang rason nga indi magpatawad!
    • Ang rason nga magpatawad kita…
    • Kag kon indi kita handa magpatawad- ang Dios indi magpatawad sa aton – Mateo 6:15
    • Kon masakitan kita sang iban-kag magbalibad sa pagpatawd-nagatanom ini sang liso sa aton tagipusoon…
    • Nagatubo ini sa aligutgot- kita ang maapektuhan sang kasakit nga ila ginhimo…
    • Ang gamot nagadalom – naga hilo kag nagatig-a- naga separar sa aton palayo sa Dios…
    • Ang aligutgot ang mangin bunga sa aton kabuhi kag sa ulihi espirituhanon nga kamatayon!
    • Ang isa ka solusyon – batunon ang Pulong…
    • Si Jesus makabag-o sang aton tagipusuon- kag makakuha sang kahigkuan kag kalautan…
    • Pagpatawad indi lang sa ginhimuan sang sala kundi para man sa aton…
    • Siya naga hilway kag wala naungot kun ano ang nagligad kundi makapadayon kay Jesus!
    • Juan 8:36 – “Gani kon ang Anak sang Dios amo ang magahilway sa inyo, mahilway gid kamo.” 
• 2^nd –Magtuman sang Pulong… vs. 22-25
  • 1^st – Nagtuman sang Pulong… vs. 22
    • Magtuman sang Pulong -indi lang magpamati…
    • Maghimo- ka 3 nasulat sa dason nga 3 ka verse- importante ini!
    • Indi lang nga mamati kita sang nasulat sa Bibliya- dapat tumanon ini!
    • Makabasa kita sang aton Bibliya- basi nagasugot man kita sang tanan nga nahambal…
    • Pero kon indi kita magtuman sang mando- ano ang mabulig sini!
    • Nagsakay ko sa barko sa India-600 ka mga tawo nga para lang sa 200 ka tawo!
    • Antis naglakat-naghatag sila pagsulundan kon malunod ang barko- namati ko tudo!
    • Ang hamabal malumpat lang sa barko kag maglangoy pa higad…
    • Pero ang mga impormasyon wala pulos kay halos tanan indi kabalo maglangoy!
    • Ang Bibliya indi lang libro nga aton tun-an- dapat ini sundon…
    • Basi nahibaluan naton ini tanan pero indi nagabag-o sang aton buhat-wala ini pulos!
    • Ginadayaan ang kaugalingon…
    • Ginadayaan- ang pag gamit sang ila kaalam kag pagbinagbinag…
    • Damo nagapangita rason kon ngaa may aligutgot sila paagi sa ila pagbinagbinag…
    • Amo ako sini kay tungod sa natabo sa akon- ang mga ginpanghimo sang tawo sa akon…
    • Ang resulta gindayaan sila- indi nila nakita ang gahom ni Jesus ang nag hilway sa ila!
    • Damo nga mga tawo ang nakabalo parti kay Jesus- pero wala nagahimo sang Iya nahambal.
    • Ang problema indi makabulig sa ila- ang pagkabalo indi makaluwas…
    • Indi kita makatindog sa atubang sang Dios kag magsiling kabalo ako sang gusto ni Jesus!
    • Paano magtuman…
    • Efeso 2:10 – “ Ginhimo kita sang Dios…”
    • Ginhimo- pareho nga pulong sang nagahimo…
    • Indi nga kita dapat maghimo sang nahambal sang Bibliya- nga halin sa aton kaugalingon…
    • Kita magpalapit kay Jesus -ang nagabag-o sang tagipusoon-kag Siya magahimo sa aton nga magtuman sang Pulong!
  • 2^nd – Ang espiho… vs. 23-24
    • Ang isa nga nagapamati sang pulong kag wala nagatuman…
    • Kaangay siya sang isa ka tawo nga nagatan-aw sang iya guya sa espiho…
    • May 2 ka paagi sa pagpalapit sa Bibliya…
    • Mangin sulundan ini naton ukon pareho sang espiho…
    • Ang tawo nga wala nagatuman sang pagsulundan naga kabig sang Bibliya nga espiho!
    • Kon magbugtaw sa aga- kalainan ko sang espiho…
    • Nagasugid sang tuod- nagahambal kun ano gid ang akon hitusra…
    • Ang solusyon sa espiho- talikdan kag kalimtan kon ano ang akon nakita!
    • Amo ini ang ginahimo sang tawo nga wala nagatuman…
    • Kon ano ang nakita sa iya kaugalingon kinakalipatan kon ano siya klase nga tawo…
    • Kon magtulok siya sa Pulong- makita ang natural nga guya…
    • Natural- ang tuod nga hitsura…
    • Ginkalimtan – iya ginpinsar kag gin desisyonan!
    • Para ang iya ginahimo pagkabuhi sa iya pamaagi!
    • Nagabalik siya sa guba nga kabuhi antis sang pagbasa sang Bibliya!
    • Siya amo man gihapon nga tawo sang antis nakabati sang Pulong- wala pagbag-o!
    • Sang una nga pagpalapit kay Jesus- indi kita makaintiendi sang Bibliya…
    • Damo nga ara sa Pulong sang Dios nga indi naton maintiendihan…
    • Indi magpabilin nga amo man gihapon-sa kita magtuon sang Pulong dapat may pagbag-o…
    • Kon ang tumuluo nga naluwas na sang 20 ka tuig kag nagakabuhi gihapaon sa kalibutan…
    • Wala nila ginhimo ang Pulong- wala sila nagtubo sa ila pagtuo!
  • 3^rd – Ang Layi nga nagahilway… vs. 25
    • Ang nagausisa sing maayo sa kasuguan nga wala sing sayop nga nagahilway sa mga tawo…
    • Ang tawo nga nagausisa sa perpekto nga Layi sang paghilway…
    • Ang pulong nga usisa indi pareho sa pulong nga obserba sa verse 24…
    • Ang nagausisa nakakita sang pagka importante kag naghatag sang respeto nga dapat!
    • Kon nagapadayon sa pagtuman kag wala nagakalipat kag nagatuman sang ulubrahon…
    • Pakamaayuhon siya sang Dios sa iya mga ginahimo!
    • Padayon – sa pagpadayon sa Pulong…
    • Damo ang nagapinsar nga indi magsunod sa Bibliya kay gusto nila mangin hilway…
    • Indi sila gusto hambalon kon ano dapat himuon- dapat pagusto sila pili kon ano himuon…
    • Ang tuod nga kahilwayan indi nga pabay-an sa kaugalingon nga bisyo- amo ini ang gapos!
    • Ang kahilwayan halin sa perpekto nga layi sang kahilwayan…
    • Ang kahilwayan halin sa pulong nga mangin hilway…
    • Sa Roma may 2 ka klase nga tawo- ang mga ulipon kag mga pumuluyo…
    • Ang mga nagapanginwala sang Bibliya ang mga ulipon sa sala – Roma 6:16
    • Pero ang mga nagapadayon sa perpekto nga Layi sang Kahilwayan…
    • Ang wala nagakalipat sa ila nabatian-pero nagahimo – sila ang bulahan…
    • Kay ang mga pumuluyo sang ginharian- hilway sa sala!
    • Ang maayo nga ihimplo makita sa mga kanding kag karnero…
    • Kon ibutang ang karnero sa tupad sang kanding – daw indi mabal-an…
    • Pareho ila hitsura- ang ila huni amo man kag pareho ang ila nakaon…
    • Ang ila kabuhi pareho sa isa kag isa…
    • Pero ang destinasyon sang mga kanding lain sang sa mga karnero!
    • Ang isa nga makasugid nga lain sila amo ang manugbantay!
    • Juan 10:27 – “Ang akon mga karnero nagapamati sa akon. Kilala ko sila kag nagasunod sila sa akon.” 
    • Ang kanding kag karnero makabati sang tingog ni Jesus –pero karnero lang nagatuman!
    • Ang pagkabati indi nagahimo sa aton mangin Kristohanon-ang pagtuman kay Jesus ang makahimo sa ila nga mangin karnero!
• 3^rd –Ang pagtuman sang Pulong…… vs. 26-27
  • 1^st – Wala pulos nga relihiyon… vs. 26
    • Kon may tawo nga nagahunahuna nga siya relihiyuso pero indi makapugong sang iya dila…
    • Ang iya pagkarelihiyuso wala sing pulos kag ginadayaan lang niya ang iya kaugalingon!
    • Ano ang hitsura sang naga pamati kag nagahimo sang Pulong…
    • Kon ang isa nagapinsar nga relihiyuso siya- para sa iya nagapamati kag nagahimo…
    • Pero siya ang indi makapugong sang iya dila…
    • Wala sing pulos kag ginadayaan lang ang iya kaugalingon!
    • Ang naga guwa sa aton baba ang naga pakita kon ano ang sa sulod sang tagipusoon…
    • Madamo pa gid ang aton matun-an parti sini – Santiago 3
    • Lucas 6:45 – “Kon ano ang sa tagipusuon sang tawo amo man ang nagaguwa sa iya baba.”
  • 2^nd – Ang Putli nga Relihiyon… vs. 27
    • Ang pagkarelihiyuso nga ginakabig sang Dios nga Amay amo ini: 
    • Putli nga relihiyon nga ginakabig sang Amay sa 3 ka buhat…
    • Ang relihiyon indi putli kay kulang sa buhat, makita ang wala pagbag-o sang tagipusoon…
    • Ang pagbisita sang mga ilo kag balo sa ila mga kalisod…
    • Pagbisita- permi nagabantay sang mga ilo…
    • Kon may mga kabataan nga wala may nagaatipan sa ila- wala naga bisita!
    • Kag nagabisita sang mga balo sa ila kabudlayan…
    • Nadula ang ila bana- kag wala sang may naga atipan sa ila!
    • Ang makita naton sa sina nga mga buhat amo ang gugma sa iban…
    • Ang isa ka palatandaan sang isa ka tawo amo ang nagahimo sang Pulong- amo ang gugma!
    • Juan 13:35 – “Nga makita ang isa ka tawo nga wala nagsunod sa kalibutan…”
    • Ang paglikaw sa tanan nga kalautan sining kalibutan.
    • Kita dapat maninlo sa mga higko sang kalibutan!
    • Kon manugid ko nga Kristohanon ako pero ano klase sang bunga ara sa akon kabuhi…
    • Hapos lang maghambal nga may relihiyon kita pero makita sa buhat- sa gugma…
    • Kon maghambal kita nga Kristohanon kita pero nagakabuhi pereho sang kalibutan-
    • Diin ang pagbag-o sang tagipusuon…
    • Indi kita magdaya sang aton kaugalingon kon wala kita naga tuman- indi ina putli nga relihiyon!