Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 3:1-23
Review…
- Ang siudad sang Corinto…
- Ang Corinto isa ka matahom, mainusawagon, kag maimpluwensia nga siudad sa Emperyo sang Roma…
- Apang ang Corinto bantog man sa idolatriya kag pagkasalamwanan…
- Kag ini ang lugar kon sa diin si Pablo nag sugod sang simbahan – apang nangin simbahan nga puno sang problema!
- Gindedikar ni Pablo ang bug-os nga sulat para atubangon ang mga problema sa simbahan…
- I Corinto 1:1-9 – Ang pagpanamyaw sa simbahan…
- I Corinto 1:10-17 – Ang una nga problema – Pagbinahin-bahin sa simbahan – pagsunod sa tawo…
- Ang masunod nga 4 ka chapter ni Pablo naga patuhoy sa sini nga problema – I Corinto 1:10-4:21
- Kon may pagbinahinbahin sa simbahan – nagapugong sa aton nga mangin epektibo para kay Jesus…
- Ang solusyon sang pagbinahin bahin – dapat si Jesu Cristo ang sentro kag aton nga tutokan – ang isa ka butang nga may ara kita tanan!
- Ang una nga ginhalinan sang pagbahin-bahin – amo ang pagsunod sa tawo – Ako sa kay Pablo / Apolo / Pedro / kay Jesus…
- I Corinto 1:18-31 – Ang ika-2 nga problema – Pagbinahin–bahin sa simbahan – Ang kaalam sang tawo…
- 1st – Ang Kaalam sang mensahe sang Dios – ang krus – kabuangan para sa kalibutan!
- 2nd – Ang Kaalam sang mga mensahero sang Dios -ang buang buang nga mga tawo sang kalibutan!
- I Corinto 2:1-16 – Ang pagka simple sang mensahe sang Dios…
- Determinado si Pablo nga iwali sa simbahan nga si Cristo gin lansang sa Krus – ang simple nga Maayong Balita…
- Agod nga ang pagtuo sang mga tumulu-o ma base sa Pulong sang Dios – indi sa pinamulong sang tawo…
- Sa mga nakabaton sang mensahe sang Maayong Balita – gin himo sila nga mangin perfecto kag makaintiende…
- Ang ‘pagkatanhaga’ sang Gugma sang Dios – ginlansang si Jesus sa pundasyon pa lang sang kalibutan
- Ang kahamungayaan sa plano sang Dios sa mga nagahigugma sa Iya (indi makita sang mata…)
- Ginpahayag sang Espiritu sang Dios sa aton – nakahibalo Siya sang hunahuna sang Dios..
- Indi pareho sang mga wala nagatu-o – indi makahibalo sang kamatuuran sang Dios – wala sang Balaan nga Espiritu!
- Ang ika- 3 nga problema – Pagbinahin bahin sa Simbahan – di–hamtong sa espiritwal… vs. 1-8
- Espiritwal vs. lawasnon… vs. 1-4
- Ang ika 3 nga rason sa pagbinahinbahin sang simbahan – indi hamtong ang mga tumulu-o…
- Gin sabdong ni Pablo ang simbahan – indi makahambal sa ila nga isa ka ‘Espiritwal’ sabaylo isa ka ‘lawasnon’…
- Espiritwal – hamtong sa pagtu-o – may ikasarang nga magtulon sang ‘karne’ – madalom nga kamatuuran nga Pulong sang Dios…
- Ang paghangop sang kabuhi nga indi lang nahanungod sa umalagi nga kinahanglanon kag kalipayan…
- Nagakilala sang mga konsekwensya – pareho sa umalagi kag eternidad – sa aton mga binuhatan…
- Nagahandom nga mahamuot ang Ginoo pareho sa gawi kag panghunahuna…
- Lawasnon – di-hamtong sa pagtuo – ang matulon lang ‘gatas’ – simple nga pagtudlo…
- Sa mga nakakilala sa kay Jesus – apang nagakabuhi sa unod – lawasnon nga handum…
- Mabuhi para makaka-on / tulog / mag kalipay sa kalingawan sang kabuhi…
- Padayon nga ginahimo ang ila sala – nagakabuhi para lipayon lang ang ila kaugalingon…
- Ginpakaon ko kamo sang gatas – indi karne…
- Sa una – ginapakaon ni Pablo ang tumuluo sang ‘gatas’ – nga amo man gid ang ginapaabot…
- Ang tumuluo sang Corinto wala nag tubo sa ila nga panglakaton sa Ginoo…
- Apang asta sa tion sang pagsulat ni Pablo sini- ang ila matulon ‘gatas’ lang gihapon!
- Wala gid sila nag hamtong sang ila pag tuo – wala sila nag hamtong sa Ginoo…
- Sang una naton nga pagkilala sa Ginoo – indi naton maintiendihan sang maayo…
- MADAMO sang parte kay Jesus kag sa Pulong sang Dios nga indi naton mahangpan…
- Kadamo sang kasaypanan nga aton nahimo – kag kabudlayan sa paglutos sang aton sala…
- Apang indi kita dapat nga magpabilin sa amo nga kahimtangan – sa pag tuon sang Pulong sang Dios – nagakadapat nga naga tubo kita…
- Nami lang nga mag pa didi sa lapsag – indi ka makibot kon mahigkoan ila diaper
- Apang kon ang isa ka 20 anyos naga lutgot pa sa botelya sang gatas – kag naga gamit sang diaper…
- Indi bala nga daw ka trahedya sina – isa ka butang nga sala gid…
- Kon ang isa ka tumuluo naluwas sang 20 na ka tuig – lawasnon – nagapabilin sa kabuhi nga kalibutanon
- Isa ini ka trahedya – wala gid siya nagtubo sa Ginoo – wala gid naghamtong sa iya nga pagtuo…
- Nga kon tani amo na ang naga tudlo sa iban – nga naga kinahanglan sang simple nga kamatuuran…
- * Hebreo 5:12 – “Dapat kuntani mga manunudlo na kamo kay dugay na kamo nga nagtuo, pero hasta subong kinahanglan pa gid kamo nga tudluan sang mga panguna nga mga pagtulun-an parte sa pulong sang Dios. Pareho gihapon kamo sa mga lapsag nga nagakinahanglan sang gatas tungod kay indi pa kamo makakaon sang matig-a nga mga pagkaon.”
- Bilang isa ka tumuluo ni Jesus kinahanglan gid nga – mag hatag sang tion nga mag tuon sang Pulong sang Dios ..
- Dapat nagtubo na nga indi na kinahanglan sang gatas – ang simple nga mga kamatuuran – kaluwasan paagi sa pagtuo / ang paghukom sa eternidad…
- Nag tubo sa Ginoo sa lugar nga sa diin makatudlo man kita sa iban nahanungod kay Jesus!
- Ang pamatuod sang ila pagkabata-bata…
- Ang mga tumuluo sa Corinto dapat tani nga makugi sila – para kay Jesus…
- Sa baylo makugi sila sa pag debate sa isa kag isa sa ila nga pag binahinbahin’…
- Ang ila denominasyon nga pamatasan – ako kay Pablo / ako kay Apolo…
- Nagpakita nga indi pa sila hamtong – nagapakita nga mga lapsag pa sila sa kay Cristo…
- Si Pablo wala nag pugong-pugong diri – ang mga nagbahin-bahin sa denominasyon – mga di-hamtong
- Mga tawo nagalalis bilang katoliko / Baptist / Adventist…
- Nagapakita nga ayhan indi pa sila luwas – ukon wala gid nag tubo sa Ginooo…
- Tungod naga gawi sila nga wala sang kinatuhay sa gawi sang antes nila nakilala si Jesus
- Ang mga tawo sa kalibutan namian sang pag binahin bahin – may ara sila kaugalingon nga grupo / barkada…
- Sa kalibutan ginapabugal gid ang pamilya / banwa / nasyon…
- May mga tawo nga nag-inaway kag nagpatyanay tungod lang nga kontrahanay ang ila grupo sa sports…
- Apang indi dapat pareho sa simbahan – dapat mag hiliusa kita tungod sa Gugma!
- Juan 13:35 – “Kon nagahigugmaanay kamo, ina mahibaluan sang tanan nga kamo akon mga sumulunod.”
- Kon ginabahinbahin ang simbahan sa mga denominasyon -gina pakita naton nga pareho lang kita sa kalibutan!
- Ang Pagtanom kag pag bunyag… vs. 5-7
- Indi ini parte sa mensahero…
- Sin-o si Pablo – sino si Apolo – isa lang sila sa mga nagapangalagad sa Dios- – nga nagsugid sa imo parte kay Jesus…
- Kon may nabaton ka nga sulat nga may P1000 halin sa imo abyan…
- Indi ka mag pasalamat sa mensahero – makadto ka kag magpasalamat sa imo abyan nga nag hatag sa imo sang kwarta …
- Sa amo man nga paagi indi importante kon sino ang nag sugid sang parte kay Jesus – n ang Maayong Balita …
- Indi importante kon diin ka nga simbahan naluwas – ang punto, nabaton mo si Jesus!
- Isa nagtanom – lain ang nag bunyag – Ang Dios nagapatubo!
- Ang isa ka tawo ma tanom sang binhi – lain naman ang mabunyag sini- apang ang Dios lang ang makapatubo!
- Gani indi lang ni parte kon sino nag tanom ukon nag bunyag – ang pagdayaw makadto gihapon sa Dios!
- Ang isa nga nagtanom kag ang isa nga nag bunyag pareho nga naga obra agod nga ang binhi mag tubo
- Si Pablo nag tanom sang binhi sang Maayong Balita – kag si Apolo ang nag bunyag sang binhi…
- Pero sa katapusan, ang Dios ang nagatuga nga magtubo ang mga tawo sa Ginoo!
- Ang Kasimbahanan – mga pastor – wala ginapadunggan para sa mga tawo nga naga tubo kay Jesus..
- Ayhan naluwas ka (gintanom) sa pagpamati sa pastor – sang isa ka simbahan…
- Dayon nagtubo ka sa Pulong sang Dios (gina tubigan) sa iban nga simbahan…
- Wala nagahimo nga ang isa ka simbahan mas maayo sang sa isa – pareho nga gin-gamit!
- Kag sa katapusan ang Dios nag-gamit sang pareho para itanom kag bunyagan ka para sa Ginoo!
- Indi mag tulok sa simbahan – indi mag padungog sa tawo – ihatag ang pagdungog sa kay Jesus!
- Ang paandam sa mga pastor … vs. 8-15
- Ang padya sa ila nga pagpangabudlay… vs. 8-10
- Kon ang padunggan sang tanan amo ang Dios – ano ang makuha sang pastor …
- Sa pagpanguma – ang naga tanom kag ang naga bunyag naga baton sang padya sa ila nga pagpangabudlay…
- Kon ang isa napaslawan sa iya nga parte – ang pananom mapierde man…
- Ang padya nga mabaton nila amo ang bunga nga halin sa ila nga tingob nga pagpangabudlay…
- Ang padya sa pag alagad sa Dios…
- 1st – Ang simbhan sa Corinto iya sang Dios nga latagon – si Pablo ginpadala para sa pag panguma sini…
- Ang padya nga mabaton ni Pablo amo ang makita niya ang mga bunga sa kabuhi sang mga nagtuo…
- Siya ang nag tanom / si Apolo ang nag bunyag – pareho sila nagkalipay nga makita ang mga katawhan mga nagatubo – bunga!
- Ang masubo nga butang para sa akon nga madamo nga pastor subong nagapinsar nga sila lang ang isahanon nga mangunguma’…
- Nga daw isa lang ang simbahan – ila simbahan – ang insakto nga simbahan…
- Ang kalipay tani sang mga pastor amo nga makita nila nga nagatubo kag naghamtong ang mga tawo …
- Nga bisan diin man sila nagatambong nga simbahan – isa kita sa kay Cristo!
- 2nd – Ang simbahan (mga tawo) amo ang balay sang Dios – si Pablo gin padala para magtukod…
- Ang padya nga nabaton ni Pablo amo ang makita ang simbahan sang Dios nga natukod sa Corinto…
- Ang padya sang isa ka pastor – amo ang makita ang mga tawo nga naga tubo kag ang simbahan sang Dios matukod…
- Ang pinakadako nga kalipay ko amo ang makita nga naga tubo ang mga tawo sa Ginoo – naga pamunga para sa Ginoo…
- Padayon gid ako nga nagakalipay nga parte ako sang pagtukod sang Dios sang Iya simbahan!
- III Juan 1:4 – “Wala na sang makahatag kalipay sa akon nga sobra pa sang mabatian ko nga ang akon mga anak sa pagtuo nagakabuhi suno sa kamatuoran.”
- Ang buhat nga gintilawan sa kalayo… vs. 10-15
- Si Pablo ang maalamon nga pangulo nga panday (architect) sa simbahan sang Corinto…
- Nagpasad si Pablo sang pundasyon sang simbahan – tungod nga siya ang una nga nag sugid sang Maayong Balita didto…
- Ang iban nga mga tawo nag-abot – kag nag dugang – nagpasad sa babaw sang ina nga pundasyon…
- Apang siya nag paandam – nga mag halong sila kon paano nila dugangan ang simbahan…
- Kay isa lang gid ang pundasyon – amo si Jesu-Cristo…
- Mateo 16:18 – “ Kag sa sini nga bato pagatukuron ko ang akon iglesya.”
- Ang ‘Bato’ nga ang pundasyon sang simbahan – nga amo si Jesu-Cristo!
- Ang ginhimo ni Pablo nga pundasyon – ang pundasyon nga matindogan sang simbahan !
- May ara nga naga tinguha nga ‘islan’ ang pundasyon…
- Gusto nila nga magtukod sang simbahan nga nagtindog sa denominasyon – sa ngalan- imbes nga sa Dios
- Kon ang simbahan naga usar sang ngalan sang tawo / ngalan sang simbahan – labaw sa ngalan ni Jesus…
- Kon ang denominasyon nangin mas importante kaysa kay Jesus – sala nga pundasyon…
- Ang bisan sin-o nga naga tukod sa pundasyon nga si (Jesus) – ang ila buhat pagatilawan…
- Ini pagatilawan kon ini bala bulawan/pilak/kag malahalon nga mga bato ukon Kahoy/kugon/kag dagami…
- Paga tilawan ini – sa pag paagi sang binuhatan sa kalayo – sa ADLAW (sa adlaw sang pag hukom)…
- Ang ideya nga ang binuhatan sang pastor/lider nga naga alagad kag naga tudlo sa simbahan – pagatilawan
- Ang ila bala nga pag pangabudlay nakabase kay Jesus – ukon sa ngalan nila /kaugalingon nga pag tinguha…
- Apang kon ang ila ‘binuhatan ’ nagpadayon – magabaton sila sang padya…
- Kon ang pundasyon sang ila pagpangabudlay si Jesus – nian ang buluhaton mapadayon…
- Mangin maathag tungod sa bunga nga halin sa pagpangabudlay – hamtong nga tumuluo!
- Permi ka makakita sang simbahan nga natukod kay Jesus – ang mga tawo nagatubo sa Ginoo…
- Ang pagtuo halin sa pagpamati sa Pulong sang Dios – Roma 10:17 – ginakilala si Jesus…
- Ang bunga sang simbahan amo ang bulawan/pilak/malahalon – tungod naga tiner – Juan 15:16
- Sa amo man nga paagi makakita ka sang simbahan nga puno sang kahoy/kugon/ kag dagami…
- Wala sang pagka hamtong sa mga tumulu-o – 20 na ka tuig – nagpabilin nga lapsag…
- Sige sang lalis parte denominasyon – nag pabilin sa kabuhi nga pareho lang sang una nila makilala si Jesus!
- Kon ang ‘obra’ sang isa ka nagapangabudlay masunog – makabatyag gid siya sang kadulaan – pero siya mismo maluwas
- Ang obra sang isa ka pastor masunog lang (sermons, lectures, books, teaching, tanan mala nga saw yab-ok)
- Maluwas siya gihapon – apang ang tanan nga pagpangabudlay niya madula sa kalayo…
- Isa ka trahedya sa isa ka kabuhi nga wala sang bunga – ang isa ka manugpangabudlay nga nag tukod nga pahapyaw lang sa matuod nga pundasyon
- Ang iya pagpangabudlay mangin daw aso lang nga nag agi – ang iya nga mensahe wala sang unod wala naga pabakod…
- Wala sang marka sa kabuhi sang manog palamati – isa ka laragway sang uyang nga kabuhi!
- Gani indi mag tuga sang pagbinahin-bahin… vs. 16-23
- Kamo ang simbahan sang Dios… vs. 16-17
- Nag balik si Pablo sa mga santo sa Corinto – kamo ang templo sang Dios…
- Ang Balaan nga Espiritu (nga amo ang Dios ) nagapuyo sa inyo – sa sulod sang simbahan sang Dios…
- Ang simbahan sang Dios indi isa ka building – indi partikular nga denominasyon…
- Isa lang ang simbahan sang Dios – kita tanan parte sang Lawas ni Cristo…
- Bisan ano pa ang ngalan – tradisyon – kita tanan parte sang simbahan sang Dios!
- Kon imo guba-on ang simbahan sang Dios – guba-on ka sang Dios ..
- Kon magbalik sa ideya nga naga tuga sang pagbinahinbahin sa sulod sang simbahan -nagaguba ini sang simbahan
- May kabaylo nga silot – gub-on sang Dios ang naga pangguba sang simbahan!
- Kon kita naga tuga sang pagbahin-bahin sa simbahan sang Dios -kon naka sentro lamang kita sa denominasyon – bantayan mo…
- Kon may mag balbal sa asawa mo – Ano ang himu-on mo sa ila…
- Kita ang Nobya ni Cristo – ano ayhan ang himu-on sang Dios sa isa ka tawo nga mag sakit sa aton
- Indi pagsunda ang kaalam sang tawo… vs. 18-23
- Bisan sin-o sa inyo nga maalam sa sini nga kalibutan – mangin buangbuang para kay Jesus…
- Tungod nga ang kaalam sang sini nga kalibutan kabuangan sa Dios – ang panghunahuna sang maalam – wala sing pulos!
- Tungod lang nag binahinbahin ang iban – indi pagsunda ang ila halimbawa – indi gid mag sunod sa kaalam sang tawo!
- Pabilin nga simple – kag magpabilin nga malig-on kag napasad sa pundasyon ni Jesus!
- Indi makontento sa gamay – indi pagkawati ang imo kaugalingon sang pagpakamaayo sa kabuganaan sang simbahan…
- Indi lang sa isa ka simbahan – apang ang pagpakamaayo sa pagkilala sa tanan nga anak sang Dios…
- Ara na sa imo ang tanan – Pablo / Apollos /ang bug-os nga kalibutan!
- Ang butang nga yara karon – ang butang nga maabot – kabuhi kag kamatayon – ara na sa imo tanan!
- Iya ka ni Cristo – kag si Cristo Iya sang Dios!