Making Bible Study Easy for everyoneEnglish • Hiligaynon
Back to 2 Corinthians
Verse-by-Verse Bible Study

2 Corinthians 3:1–18

Life in the Spirit... (3 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

II Corinto 3:1-18

Introduction…

  • Overview …
    • May duwa ka mayor nga tinutuyo si Pablo sa pagsulat sini nga sulat sa simbahan….
    • 1st – Para ipabutyag ang iya nga kalipay sa kon paano nila gintuman ang nagligad niya nga sulat…
    • 2nd – para depensa batok sa mga sayop nga mga manunudlo nga nagabaha sa Corinto…
    • I Corinto 1:1-2:16 – Ang kalipay ni Pablo sa paghinulsol sang simbahan…
    • Bilang isa ka apostol ni Jesus – ginpabakod ni Pablo ang iya nga awtoridad sa simbahan….
    • Nagpanamyaw sa mga santo – nga may mensahe nga pagpalugpay kag pagtubos…
    • Ang tinutuyo sang sulat ni Pablo – indi nga maghatag sang pagsulundan / kundi maghatag sang grasya / kag itudlo si Jesus
      • Pag-ilis sang plano – wala nag-abot si Pablo sa iya nga ginsiling nga iya bisitahon ang simbahan
      • Updanay nga naga-alagad sa kay Cristo – gusto lang ni Pablo nga ipalig-on ang simbahan sa ila panglakaton!
    • Ang masinulub-on nga sulat – puno sang luha nga ginsulat ang ini nga sulat sa simbahan – kaangay sang sulat sang isa ka amay para sa isa ka anak…
      • Nahanungod sa tawo sa I Corinto 5 – naghinulsol siya, amo nga batuna siya liwat…
      • Kaangay sang pagbaton liwat ni Pablo sa simbahan tungod naghinulsol sila!
      • Kahumot ni Cristo – Ang Parada sang Kadalag-an ni Jesus – nadaug niya ang sala kag kamatayon!
      • Sa mga naluwas, ginadala naton ang kahumot sang kabuhi…
      • Sa nagakalamatay – gindala naton ang kahumot sang kamatayon!
    • Kabuhi sa Espirito… (3 ka butang)
  • 1st – Buhi nga epistola… vs. 1-5
    • Ginapamangkot ni Pablo ang simbahan kon kinahanglan bala nila ang ‘letters of recommendation’… vs. 1
    • Madamo ang mga sayop nga mga manunudlo nga nagkadto sa simbahan sang Corinto…
      • Sila ang mga tawo nga gusto ipa-idalom ang simbahan sa pagka-ulipon liwat sa Kasuguan…
      • Daw ensigida gid nga ginapamangkot nila ang reputasyon ni Pablo…
      • Tuod gid bala nga Diosnon siya nga manunudlo – Apostol gid bala siya – may ara bala siya sang awtoridad…
    • Si Pablo indi isa nga nagatikal – indi niya gusto nga ‘patunugon ang iya torotot’…
      • Amo nga ginapamangkot niya ang simbahan kon kinahanglan nila sang sulat nga nagapamat-od sang awtoridad ni Pablo…
      • Kaangay sang reference letter kon nagaaplikar ka para sa obra…
      • Isa ka papel nga nagapamatuod sang imo nga pagkatawo / imo nga kalipikasyon…
      • Isa ka sulat nga halin sa simbahan sang Jerusalem – rekomendasyon sang mga tawo
      • Ang mga tawo may huyog nga mangita sang diploma sa dingding – ang sulat halin sa ‘importante’ nga tawo…
      • Apang ang pamat-od sang panawagan sang Dios wala sa komendasyon sang mga tawo…
      • Madamo ako kilala nga mga tawo nga may ‘pastoral degree’ – nga indi man pastor…
      • Kag damo man ako kilala nga wala sang degree – wala diploma – pero mga pastor!
      • Ang pagtawag sang Dios – ginapakita sa pagpanghikot sang Dios sa kabuhi sang tawo!
    • Mas maayo ang ginhimo ni Pablo para sa simbahan – sila ang iya nga sulat nga rekomendasyon… vs. 2-3
    • Indi sulat nga ginsulat gamit ang tinta – okon sulat sa bato – kundi sulat nga ginsulat sa tagipusoon…
      • Ang pamat-od sang pagka apostol ni Pablo amo nga may simbahan sa Corinto!
      • Ang kamatuoran nga may ara sang simbahan nagpadula na tani sang pagduda…
      • Makita sang bug-os nga kalibutan ang panghikot sang Dios paagi sa kay Apostol Pablo…
      • Indi mabudlay mahibaloan ang tinutuyo/ panawagan sang Dios para sa imo kabuhi…
      • Ang aton lang gid nga himoon amo ang lantawon kon paano kita ginagamit sang Dios – diin ang bunga…
      • Kon ginatawag ka para sa kabataan – mangin malipay ka kag mangin maayo sa mga bata…
      • Kon ginatawag ka para magtudlo – mangin malipay ka kag mangin maayo sa pagtudlo…
      • Indi ikaw lang ang makatalupangod sang pagtawag – mangin maathag sa tanan!
    • Mga buhi kita nga mga epistola – nagaisahanon nga Bibliya para sa iban…
      • Nagkadto ako sa isa ka Missions Trip sa Kazakhstan – May upod ako nga Muslim sa kwarto…
      • Ang una niya nga ginhambal sa akon – ‘Indi ko gusto nga makabati tuhoy sa imo nga Dios’ – kanugon nga paglakbay…
      • Ginhambalan ako sang Dios nga ipakita sa iya si Jesus sa akon nga kabuhi – mangin iya nga Bibliya – II Corinto 3:3
      • Makalipas ang apat ka semana nag-umpisa siya magsugilanon – iya nga ginbaton si Jesus bilang iya nga manluluwas!
      • Madamo sang tawo nga indi maghatag oras para magbasa sang Bibliya – pero ginabasa ka nila…
      • Imo kabuhi / imo nga ehemplo – may gahom nga ipakita sa ila ang Maayong Balita ni Jesus…
    • Indi ini nahanungod kay Pablo… vs. 4-5
    • Nahibaloan ni Pablo nga indi ini nahanungod sa iya – ini tanan nahanungod kay Jesus…
    • Madamo sang mga tawo ang nagahunahuna nga ‘espesyal ‘ sila…
    • Nanamian kita – tinguhaan sang kalibutan nga tudloan kita nga – ini tanan nahanungod sa ‘akon’!
    • Sa matuod lang indi gid ini nahanungod sa aton – mga kolon lang kita nga halin sa duta – II Corinto 4:7
    • Wala sang kaugalingon nga balor ang kolon – ang balor nagadepende sa unod sang kolon…
    • Kon puno kita sang aton kaugalingon – indi kita mangin maayo nga epistola kon basahon sang iban…
    • Kon puno kita kay Jesus – mangin mabaskog kita nga saksi para sa Dios…
    • Paano kita mangin puno kay Jesus – paano kita mangin buhi nga mga Bibliya!
  • 2nd – Pagpangabuhi sa Espirito – indi sa Kasuguan… vs. 6-11
    • Mga ministeryo sang New Covenant… vs. 6
    • Wala si Pablo nagpanudlo sang sulat sang Kasuguan – ang Old Covenant…
      • Ginapakita ni Pablo ang kinalain niya sa mga ‘sayop nga mga ministro’…
      • Ang isa lang gid ka butang nga nag-gikan sa Kasuguan amo ang kamatayon…
      • Sa adlaw nga ginhatag ang Kasuguan sang Dios – 3000 ka mga tawo napatay tungod sa Kasugoan – Exodus 32:28
      • Indi tungod nga problema ang Kasuguan – kita ang problema – indi naton masarangan magpatuman sang Kasuguan…
      • Kaangay sang measuring tape – makapakita sa aton kon ano kita kataas – pero indi makapa-taas sa aton
      • Ang laye nagapakita sang aton nga mga kapalpakan – nagpakita sang aton nga mga depekto…
      • Ang problema amo nga wala man ini sang ginahimo / wala sang mahimo – para magbulig sa aton sa pag-kambyo…
      • May ara lang sang abilidad nga ipakita ang aton sala – wala sang abilidad nga itadlong ini…
      • Pwede ta ka hambalan sa bilog nga adlaw nga basahon ang Bibliya – magsimba – mangin ‘mabuot’…
      • Basi makasiling ka pa nga matuod ang ginhambal ko – ang mga ‘Laye’ maayo…
      • Pero bisan ano pa kadamo ang ihatag ko nga ‘laye’ – indi ko mahimo nga pasundon ka sa tanan…
      • Nagadepende ini tanan sa imo tagipusoon – himoon mo man gihapon kon ano ang gusto mo!
      • Ang laye nagapukaw lang sang aton nga kailigbon nga magsala – sala nga nagapadulong sa paghukom / kamatayon…
      • Nakakita ka na bala sang paandam nga nagasiling ‘wet paint’ – kag daw kanami gid nga tandogon…
      • Ngaa ayhan nga ang isa ka hampnganan nga gusto gid sang bata – amo ang hampanganan nga indi niya makuha…
      • Ngaa kon san-o hatagan kita sang ‘pagsulundan’ / ‘kasuguan’ gusto naton nga lapason ini…
      • Tungod mga makasasala kita – kag ang ‘Kasuguan’ nagapukaw sang aton nga mga kailigbon nga makasasala…
      • Ina nga mga sala magapadulong sa aton sa kamatayon – pisikal nga kamatayon / espiritwal nga kamatayon!
    • Nagkari si Pablo sa pagwali sang Bag-o nga Kasugtanan sa Espirito…
      • Si Jesus – ginhilway kita halin sa Kasuguan – para nga mangabuhi kita sa Espirito…
      • Sa adlaw sang Pentecost – ginhatag ang Balaan nga Espirito – 3000 ka mga tawo ang naluwas
      • Ang paghatag sang Laye nagdala sang kamatayon – pero ang paghatag sang Balaan nga Espirito nagdala sang kabuhi
      • Ginhilway kita halin sa Kasuguan – para nga makapamunga kita sa Espirto…
      • Sa gahom lang gid sang Espirito – nga maka-angkon kita sang bag-o nga tagipusoon!
      • Gina-islan ni Jesus ang aton nga mga handom para indi na naton gusto obrahon ang mga butang nga sala…
      • Sa baylo, gusto naton obrahon ang mga butang nga naga-pahamuot sa Ginoo – isa ka buhi nga epistola!
    • Ang nagalusaw nga himaya sang Kasuguan… vs. 7
    • Kon ang ministeryo sang kamatayon nga nakasulat sa bato(ang Kasuguan) mahimayaon…
      • Mahimayaon ang Kasuguan – Nagpakita ang Dios sa Mt. Sinai para ihatag sa Israel ang Iya nga Kasuguan…
      • Gintigib ang 10 ka Kasugoan sa bato kag ginhatag kay Moises…
      • Sang nanaog na siya – nagasanag ang iya nga guya – tungod sang presensya sang Ginoo – Exodus 34
      • Sang makit-an ini sang mga katawhan sang Israel – nahadlok sila nga magpalapit sa iya…
      • Si Moises nagbutang sang takop sa iya nga guya – asta nga nakabalik siya sa tulda para makighambal sa Dios…
    • Ang rason sang pagtakop – para indi makita sang mga tawo ang nagalusaw nga kasanag !
      • Sa madali lang nga tion ‘nagsanag ’ ang guya ni Moises – naglusaw na dayon…
      • Ang laye makakambyo sang mga butang sa makadali lang nga mga tion – iya lang ini maislan ang ara sa guha…
      • Mahimo nga matahom ka tan-awon sa madali lang nga tion – sa katapusan wala ini nagakambyo sang imo matuod-tuod nga kinabatasan!
      • * Colosas 2:21-23 -“Indi ka mag-uyat sini,” “Indi ka magtilaw sina,” ukon “Indi ka magtandog sina”? Ina nga mga pagsulundan nga ginatudlo sang mga tawo himo-himo lang nila kag parte lang sa mga butang nga madula man lang matapos nga kaunon.  Kon hunahunaon ta, daw husto man ang ila mga pagtudlo parte sa pagsimba nga ila naluyagan, parte sa pagpaubos kag pagpenitensya sa lawas. Pero ang matuod, ina nga mga butang indi gid makabulig sa aton sa pagpugong sang lawasnon nga mga kailigbon.”
      • Kon aton tilawan nga magsunod sa Laye, ini magakambyo sa aton sa makadali – pero wala nagadugay….
      • Sa ulihi damo lang kita sang lista sang mga pagsulundan – nga indi man naton masunod sa tanan nga tion…
    • Ang walay katapusan nga kalipay sang Espirito… vs. 8-11
    • Kon ang Kasuguan – nga nagakondenar man lang sa aton – mahimayaon – ano pa gid ayhan ang Espirito…
      • Ang Espirito nga makapatarong sa aton sa atubangan sang Dios – ginhimo kita nga himpit sa kay Jesu Cristo!
      • Ang Bag-o nga Kasugtanan nga ginbulos sa Daan – Hebreo 10:9
      • Sa matuod lang ang Kasuguan daw nagaugdaw kon ikumparar sa makahalawhaw nga himaya sang Espirito!
      • Ang isa ka flashlight kabigon mo nga masanag – asta nga kon madala mo na ini sa kasanagon sang adlaw…
    • Sa amo man nga paagi ang Kasuguan makabig naton nga maayo – asta nga makita naton ang kasanag ni Cristo!
      • Si Jesus lang gid ang makadala sang pagbag-o nga nagapadayon – tagipusoon nga gin-ilisan kag bag-o nga kabuhi…
      • Samtang nagatulok kita kay Jesus – naga-ilis kita halin sulod asta sa guwa!
      • Dayon may ara na kita sang ‘kasanag’ sang kalipay sang Ginoo nga nagahalin sa aton!
  • 3rd – Kaisog para kay Cristo… vs. 12-17
    • Bangod sang New Covenant – pwede na kita mangin maisog… vs. 12
    • Kabaliktaran sang mga nagatudlo sang Kasuguan – dapat nga mahuya sila…
      • Kon nagtapik kita sa pagtudlo sang Laye – magamay lang ang aton kompyansa..
      • Makabatyag ka ayhan sang kakunyag kon may sugiran ka nga kinahanglan niya nga magtuman sang 613 ka mga kasuguan…
      • Kada sala mo – kinahanglan nga magkadto ka sa Templo kag maghalad sang sapat…
      • Indi ka makakaon sang baboy / pasayan / dugo – kag indi ka makaobra kon Sabado…
      • Kag kon himpit mo lang nga mapatuman ang ini nga mga kasuguan, amo nga batonon ka sang Dios…
      • Indi ina maayo nga balita – Mabug-at ina nga halakwaton/kabug-atan nga dapat lukdohon…
      • Indi ko sigurado nga akon isugid sa iban- sigurado nga maakig gid sila sa akon!
    • Apang may ara sang mas maayo/ mas mahimayaon nga mensahe nga pwede ipa-ambit – ang Maayong Balita…
      • Indi ta na kinahanglan nga hambalan ang iban sang ila nga himoon para makakadto sa langit…
      • Sugiran lang naton sila sang ginhimo sang Dios para sa ila – ang Maayong Balita…
      • Ina ang magahimo nga mangin MAISOG kita nga magpa-ambit – ara sa aton ang sabat nga kinahanglan sang tanan…
      • Roma 1:16 – “Wala ko ginakahuya ang pagwali sang Maayong Balita. Kay amo ini ang gahom sang Dios sa pagluwas sa tanan nga nagatuo, una sa mga Judio, kag dason sa mga indi Judio.”
    • Indi pagsunda ang Israel… vs. 13-16
    • Indi gusto sang Israel nga makita ang guya ni Moises – tungod indi nila gusto nga maka-intiende…
    • Ang Kasuguan indi amo ang sabat – indi nila gusto nga makita ang nagalusaw nga himaya…
    • Bisan asta subong kon ang isa ka Judio magbasa sang Bibliya – may nagatabon sa iya mata…
    • Amo na nga indi sila maka-intiende sang kamatuoran – nga ang Kasugoan indi makaluwas sa ila!
    • Ang mga nagahunahuna nga makakadto sila sa langit paagi sa ila kauglingon nga paninguha – pagtuman sa Kasuguan…
    • Nagabutang sila sang tabon sa ila nga mga mata, amo nga indi sila maka-intiende sang Pulong…
    • Ang isa lang gid ka paagi nga makuha ang tabon sa ila nga mga mata – amo ang kon magpati na sila kay Jesus!
    • Ang Espirito nagadala sang kahilwayan… vs. 17-18
    • Ginhilway na kita nga magsimba sa Dios – ginhilway paagi sa Laye sang Espirito…
      • Suno sa Kasuguan – indi kita makalapaw sa nagatabon nga belo pasulod sa presensya sang Dios…
      • Natunga sa apat ang Templo– Guwa nga Luwang/Sulod nga Luwang/Pinakabalaan/Pinakabalaan sa tanan…
      • Ang Guwa nga Luwang para sa mga Gentil – ang mga wala nagapati – matulok lang sila halin sa malayo…
      • Ang Sulod nga Luwang may ara sang altar para sa sakripisyo – mas malapit sa Dios – pero layo man gihapon…
      • Ang Pinakabalaan amo ang una nga kwarto sa sulod sang Templo – ang mga pari lang ang pwede magsulod…
      • Ang Pinakabalaan sa Tanan amo ang sulod pa gid nga kwarto – Arko sang Kasugtanan – presensya sang Dios…
      • Ang belo amo ang nagaseparar sang Pinakabalaan – sa Pinakabalaan sa Tanan…
      • Ang Mataas nga Saserdote lang ang makasulod didto – kaisa lang sa isa ka tuig – ang Adlaw sang Pagpasag-uli…
      • May mga kiling-kiling sa iya nga roba / may higot sa iya nga tiil – kon may mahimo siya nga sala – mapatay siya…
      • Ginhimo ini sang Dios para ipakita nga ang alagyan pakadto sa presensya sang Dios serado – Hebreo 9:8
      • Ang belo indi magamay nga kurtina – 60’ x 30’ x 4” – nagabug-at sang indi-mapatihan nga 4 ka tonelada!
    • Aton na nga napalos ang belo – makit-an na naton si Jesus, nawong sa nawong…
      • Sang napatay si Jesus – gin-gisi sang Dios ang belo nga nagaseparar sang tawo sa Dios!
      • Indi na seredo ang alagyan pakadto sa Dios – naabrihan na paagi sa krus!
      • Hebreo 4:16 – “Gani indi kita magkatahap nga magpalapit sa trono sang Dios nga maluluy-on, agod mabaton ta ang kaluoy kag bulig sa oras nga kinahanglan naton.”
      • Ang Pinakabalaan sa Tanan – aton na subong nga palahuwayan – kon diin makasulod kita nga wala sang kakulba…
      • Makapalapit sa aton nga Amay para sa kaluoy kag bugay sa tion nga kinahanglan naton!
      • Indi na nakagaid sa Kasuguan – kundi hilway na sa Espirito para mangin buhi nga Epistola!