Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 2:1-17
Introduction…
- Overview …
- Si Pablo may 2 ka una nga tinutuyo sa pagsulat sang sulat sa simbahan….
- 1st – Sa pagpabutyag sang iya kalipay kon paano sila nagtuman sa una nga sulat niya sa ila…
- I Corinto gin sulat sa pag sabdong sang lawasnon nga simbahan – mangin tadlong sa atubang sang Dios!
- II Corinto ang pagpalig-on kag pagpalugpay sa simbahan nga nag hinulsol…
- 2nd – Sa pag depensa batok sa sayop nga mga manunudlo nga nag baha sa Corinto…
- Ang paandam sa sayop nga doktrina / instruksion sa mga Cristohanon
- Ang depensa sang iya pagka apostol batok sa manunudlo nga legalista nga nagatinguha sa pagdala sa pagkaulipon…
- I Corinto 1:1-11 – Pagpanamyaw sa Simbahan…
- Bilang Apostol ni Jesus – si Pablo nag tukod sang iya awtoridad sa simbahan….
- 1st – Ang Pagpanamyaw sa mga santos – sa pihak sang ila nga mga problema – sila mga anak sang Dios!
- 2nd – Ang Pagpaumpaw – gusto ni Pablo nga maumpawan ang simbahan – subong nga sila nag hinulsol…
- 3rd – Ang pag tubos – ginatugot sang Dios ang pagtilaw agod nga magtu-on kita nga mag salig sa Iya!
- I Corinto 1:12-24 – Mga tawo nga may Hinambalan…
- 1st – Ang tinutuyo sang sulat ni Pablo – indi nga mag hatag sang pagsulundan /kundi para magpaambit sang bugay / naga tudlo kay Jesus
- 2nd – Ang pagbaylo sang plano – ngaa wala nag kadto si Pablo sang naghambal siya nga mabalik siya…
- May Iya siya nga mga plano – apang sa ulihi nagapasibu sa Ginoo – Santiago 4:13-15
- Si Jesus lang ang nakahibalo sang pat-od – sa Iya ang tanan nga promisa, Huo kag amen…
- 3rd – Nagabinuligay sa kay Cristo – si Pablo gusto nga mag palig-on sang simbahan kag sang ila nga panglakaton!
- Pirmi nga madinalag-on…
- Ang sulat sang pagpangalisod… vs. 1-4
- Determinado si Pablo nga indi magkadto sa Corinto para sa pag tadlong sa ila…
- Nakasulat na siya sang duha ka sulat – I Corinto – ang sulat sa pagtadlong sa simbahan…
- Kag ang ika duha nga malubha nga sulat – mas matigdas nga pag sabdong sa simbahanan…
- Nakuha pa niya gani nga mag lakbay sa Corinto sa ikaduha nga bes – kag ini nangin mabudlay nga pag bisita…
- Indi gusto ni Pablo nga buy-an ang simbahan – bisan pa nga nagapang-indi sila nga mag hinulsol…
- Hebreo 3:13 – “Ang inyo himuon, magpadumdumanay kamo adlaw-adlaw samtang may tiyempo pa, agod indi kamo mapatalang sang sala nga makapatig-a sang inyo tagipusuon.”
- Kon may kilala kita nga nadakpan sa pagpakasala – kinahanglan nga aton sila paandaman!
- Makahalapay ang sala – kon mag pang-indi kita sa paghinulsol sang aton sala – mangin matig-a ang aton tagipusoon…
- Wala nagakahulugan nga ang Dios indi na naton upod sa pagpakigaway – apang naga-abot kita sa punto…
- Nga kon nagapadayon kita sa pagpili sang pagpakasala – kon naga pakatig-a kita sang aton tagipusoon sa atubangan sang Dios…
- Ang Dios magahatag sa aton sang aton gusto – itugyan niya kita nga daugon kita sang sala – Genesis 6:1
- Si Pablo naga tulok sa simbahan nga daw iya mga anak – indi niya gusto nga mangin matigdas siya sa ila…
- Ang kalipay ni Pablo nahigot sa kalipay sang simbahan..
- Kon si Pablo nahimo niya ang simbahan nga magkasubo paagi sa pag tadlong sa ila – siya man magakasubo…
- Kon ang simbahan naga panglakaton sa Ginoo – si Pablo mangin malipayon man!
- III Juan 1:4 – “ Wala na sang makahatag kalipay sa akon nga sobra pa sang mabatian ko nga ang akon mga anak sa pagtuo nagakabuhi suno sa kamatuoran.”
- Wala sang amay nga may gusto nga mag silot sa iya kaugalingon nga mga anak – amo ini ang pinaka mabudlay bilang isa ka amay…
- Isa ako ka ‘sutil’ nga bata – permi lang ko nagasulod sa magamo nga kahimtangan…
- Nagakahulugan nga permi ako mabalbalan sang akon nga amay nga daw adlaw-adlaw nagakatabo…
- Permi siya nagahambal sa akon – ‘ini masakit sa akon sobra pa sang sa sakit nga maagom nimo’…
- Wala gid ko nag pati sa akon amay – asta nga nag edad na ako kag amo ko pa nga naintiendihan…
- Ang akon amay wala nanamian nga mag silot sa akon – naga sakit ang iya balatyagon nga makita nga nasakitan ako…
- Pero palangga niya ako nga indi niya ako mapabay-an nga maghimo sang indi maayo nga butang!
- Gin sulat ni Pablo ang ‘matigdas nga sulat’ nga may madamo nga luha…
- Indi niya gusto nga masakitan ang simbahan – gusto niya nga magpakita sa ila sang iya gugma…
- Indi niya gusto nga magpadayon sa sala nga panggawi – gani iya nga gin tadlong sila!
- * Hebreo 12:5-8 – “Siguro nalipatan na ninyo ang laygay sang Dios sa inyo bilang iya mga anak. Indi bala nagasiling sa Kasulatan, Anak, indi pag-ibaliwala ang pagdisiplina sang Ginoo sa imo. Indi ka magkaluya kon ginasabdong ka niya. Kay ginadisiplina sang Ginoo ang iya mga ginapalangga, kag ginahanot niya ang tanan nga ginakabig niya nga iya mga anak…’”
- Ang Dios ginahigugma niya kita gani indi niya matulok nga nagapakasala kita – gani Iya kita gina pinahan…
- Indi tungod nga naakig siya sa aton – ukon may kasingkal siya sa aton – pero, tungod sang dako niya nga gugma sa aton!
- Ang Dios naga handom nga tudluan Niya kita – nga Iya mga kabataan – paano magkabuhi nga putli kag balaan
- Pareho sa iban nga bata – nabudlayan kita mag pati nga ‘para sa aton nga kaayuhan’…
- Apang kon kita ‘pinahan’ sang aton Ginoo – naga pamatu-od nga kita Iya mga anak!
- Kon iban nga bata makahimo sang sala – wala sila ginapinahan – kay indi man sila aton bata…
- Apang kon ang aton bata makahimo sang sala – tungod kay palangga naton sila – ginatadlong naton sila!
- Paghinulsol kag pagpasaguli… vs. 5-11
- May ara nga problema sang sala sa simbahan – I Corinto 5:1-8…
- Nahibal-an sang tanan nga – may isa ka tawo nga ara sa simbahan nga naga kabuhi sa imoralidad…
- Seryoso nga sala – bisan ang indi tumulu-o mahuya kon isturyahan sini…
- Ang lalaki naga upod sila sang asawa sang iya amay – ini nga tinaga nagapanugda nga iya madrasta…
- Ang simbahan – imbes nga atubangon ini nga tawo kag ang sala – ila nga ginpabay-an…
- Si Pablo naga hambal sa simbahan nga paguhaon ini nga lalaki – para sa kaayohan sang simbahan…
- Wala ka bala kabalo nga ang gamay nga pampahabok – nagapahabok sang bilog nga linamas nga harina – Galacia 5:9…
- Ang simbahan naga huna-huna nga ‘mahigugmaon’ ang indi paghilabtan ang sala…
- Apang ang realidad nga gina pasugtan naton ang sala nga mag sulod sa simbahan – gina butang naton ang tanan sa peligro…
- Kon ang sala naga pabilin kag ginpabay-an, nagatulod ini sa iban nga maghimo man sang sala…
- Tindog ka sa guha kag magtulok sa babaw – tanawa kon ano ka dugay antes ang iban matulok man sa ibabaw…
- Ang gahom sang ehemplo makatilingala – ang tawo mahimo gid nga magsunod – maayo man ukon malain…
- Gamay lang nga lunang makahimo sang isa ka baso nga tubig nga mangin mahigko…
- Ang gamay nga sala madasig mag lapta kag magpanglaton sang bilog nga pamilya ukon simbahan!
- Ang tawo gin hatag na kay satanas – basi kon maluwas pa..
- Nakatu-on kita bilang bata nga indi mag tandog sang kalayo tungod nga kon tandugon naton mapaso kita…
- Ang konsekwensia sang aton nga obra ang naga tudlo sa aton…
- Paagi sa pag atubang sang konsekwensia sang aton sala nagatu-on kita nga indi na mag himo sang sala!
- Mas maayo nga mag atubang sang konsekwensia subong – kag magtu-on nga indi na magpakasala…
- Kaysa magkabuhi sa sala – wala sang bisan sino nga nagatadlong sa aton – kag sa ulihi makadto sa impierno…
- Sa subong ang tawo ipabalik sa simbahan…
- Mahimo nga nagsunod sila sa laygay ni Pablo – kag gin paguha nila ang lalaki sa simbahan…
- Nangin epektibo -nabuong ang lalaki – kag nag hinulsol sa iya mga sala…
- Gusto niya nga magbalik sa paghiusa sa simbahan…
- Apang may ara nga indi gusto nga mag balik siya…
- May ara nga nagasiling nga – ‘makasasala siya’ – kag gani indi na siya pwede magbalik..
- Daw indi mapatihan tungod nga ang simbahan pareho man lang nga nakahimo sing sala pareho sa tawo nga ini…
- Ayhan mabatyagan nila nga mas gamay ang ila nga nahimo nga sala kon isentro nila ila igtalupangod sa isa nga nakasala…
- Ang tawo gusto mag pahanumdom sang aton kapaltahan – mag tudlo sang aton nga diperensia…
- Sa masami agod nga matago ang ila kaugalingon nga sayop kag kakulangan!
- Apang wala ang Dios naga isip sang aton nga mga nagliligad – Iya ginakuha /ginakalimtan ang aton mga sala – Salmo 103:12
- Indi bali kon pila ka besis nga nakahimo kita sang sayop – kon kita mag hinulsol…
- Ang Dios PERMI gusto nga magbalik kita – kag siya handa nga mag baton sa aton!
- Kon ikaw sipa-on paguha sa simbahan isa na ka tuman nga pina…
- May kinalain sa tunga sang kombiksyon kag pagkondinar…
- Ang tawo nga nakombiktar sa iya nga sala – kag siya nag hinulsol…
- Apang kon wala sang nagbulig – makondinar siya – mapun-an siya sang balatyagon sang kasubo…
- Ang sala naga pain sa aton halin sa Ginoo -Ang Balaan nga Espirito may kombiksion sa aton sala agod kita maka pasag-uli sa aton…
- Kon kita mag hinulsol kag mag balik sa Ginoo – may kapatawaran kag pagpasag-uli!
- Ang pagkondinar amo ang magpuyo sa aton nga mga kasaypanan – nakahibalo kita nga nakasala kita …
- Imbes nga mag tulok kay Jesus – naka sentro kita sa aton kaugalingon – kag naga lugdang sa walay pagla-um
- Ang Kombiksion nagapapalapit sa aton sa Dios – ang pagkondinar naga butong sa aton palayo sa Iya!
- Indi siya pag pa luyaha…
- Kon ang simbahan wala nag baton sa sini nga tawo balik sa paghiliupod – basi indi na siya maumpawan..
- Paminsara bala kon makahimo ka sang kasaypanan – kag ang tanan sa simbahan nakahibalo…
- Nasakitan ka na nga daan – nabuong ka na tungod sang imo sala – nahuya ka sa imo nga nahimo …
- Kag kon mag pakita kita – ang tanan nagapalayo / nagahutikanay sa imo likod.
- Makadto ka pa bala sa ikaduha nga tion – ukon mabatyagan mo nga daw gin biyaan ka/nangluya ka…
- Magpatawad / magpalugpay/ maghigugma…
- Si Pablo naghatag sa simbahan sang 3 ka butang nga himuon sa sini nga tawo …
- Patawaron siya – Nahimo na sang Dios – sino gid kita nga mag hupot sang iya nga kapaltahan…
- Palugpayan siya – nabalbalan na siya – umpisahi ang pag-ayo sang pilas..
- Higugmaon siya – kinanglan niya nga makita ang Gugma sang Dios paagi sa simbahan.
- Imbes nga mag palayo kag mag hutik-hutik – palapiti kag haksa na lang !
- Ipakita sa ila nga nalakip sila sa pamilya sang Dios!
- Indi kita ignorante sa mga pahito ni satanas…
- Namian si Satanas nga mag pugong sa makasasala nga magpasag-uli paagi sa Bugay sang Dios…
- Kon pwede niya nga ipabilin ang iban nga kondinado – balbalon nila ang ila kaugalingon – Iya nga himu-on…
- Indi pagtuguti si satanas nga makawatan ang simbahan sang anak sang Dios nga kinamatayan ni Jesus para luwason!
- Kon may kilala ka nga isa nga nagpakasala – apang gusto nga magbalik kag mangin insakto sa atubangan sang Dios…
- Lab-ota sila -ipakita sa ila si Jesus sa imo kabuhi – magpatawad / magpalugpay/ kag mag higugma!
- Kahumot ni Cristo… vs. 12-17
- Nagahulat kay Tito… vs. 11-13
- Pagkatapos ni Pablo mahalin sa Efesus -padulong sa Macedonia, nag untat siya sa Troas…
- Nagpangwali siya sang Maayong balita diri – kag ang Dios nag abri sang ganhaan – Pahayag 3:8
- Madamo ang nag baton sa mensahe sang Maayong Balita…
- Rasonable nga ma hunahuna kita nga si Pablo mapabilin dira…
- Apang si Pablo wala sang kalinong sa iya Espirito…
- Ginpadala ni Pablo si Tito halin sa Efesus pakadto sa Corinto para idul-ong ang ‘Matigdas nga Sulat’…
- Dapat siya tani makigkita kay Tito sa Troas para mamati kon paano nila ginbaton ang sulat…
- Ang Troas isa ka pantalan nga siudad sang Turkey nga tabok sang Gresya / Corinto / kag Macedonia…
- Sa Troas nabaton ni Pablo ang palananawon nga gina pakadto siya sa Gresya – Binuhatan 16
- Apang naatrasar si Tito – nga nagpalisang kay Pablo – nagkabalaka para sa simbahan sa Corinto…
- Nagpadayon si Pablo una sa Macedonia – didto sila nag kit-anay ni Tito – II Corinto 7:5
- Didto niya nabatian ang balita – naghinulsol ang simbahan sa Corinto!
- Salamat para sa Dios nga PIRME nagadala sa aton sa kadalag-an sa kay Jesu Cristo… vs. 14-16
- Malipay nga nagdayaw si Pablo sa tanan nga ginhimo sang Dios…
- Ang tawo nga nasiod sa sala – gaghinulsol na kag nagbalik sa Dios…
- Nag-abre sang ganhaan ang Dios para iwali ang Maayong Balita sa Troas…
- Labi sa tanan – ginbuksan sang Dios ang tagipusoon sang simbahan sa Corinto – naghinulsol na sila!
- Ang Kadalag-an ni Cristo…
- Kon nagbalik ang nagdaog nga nasyon – may ara gid pirme sang parada sang kadalag-an…
- Ang mga nasakop ginaparada bilang mga tropiyo sang gyera…
- May mga anunsyo nga nagapahibalo sang mga maayo nga hinimoan sang Hari…
- Mga bulak ginatugpo sa ila nga mga tiilan – ang matam-is nga kahumot sang kadalag-an…
- Nagdaug si Jesus batok sa sala / kamatayon / kag kay satanas paagi sa Iya nga ginhimo sa krus…
- Colosas 2:15 – “Didto man sa krus ginpierdi sang Dios ang mga espiritu nga nagahari kag may awtoridad, kag ginpakita niya sa tanan nga sila nabihag na niya.”
- Parte kita sang Iya nga mga naagaw sa gyera – kag gina-upod Niya kita sa Iya nga pagparada…
- Gina-anunsyo sa bug-os nga kalibutan ang pagkapierde sang sala – ang paglaum sang kaluwasan!
- Ang kahumot sang Iya kadalag-an nagapanguna sa aton sa tanan nga lugar…
- Kita ang kahumot ni Cristo…
- Sa mga ginapatigayon nga maluwas – kita ang kahumot sang kabuhi…
- Sa mga nagakalamatay – kita ang kahumot sang kamatayon…
- Nagapanimaho kita – bisan nahibaloan naton okon indi – may kahumot kita (indi man nga dapat kita maligo)
- Ini ang kahumot ni Jesus – sa mga ginaluwas – manami gid ini nga kahamot…
- Nakatalupangod ka bala nga kon magsulod ka sa isa ka kwarto nga may mga tumuluo ni Jesus…
- Bisan wala pa kamo nagkilal-anay sang una – makabatyag ka nga daw family reunion…
- May ara sang gilayon nga matam-is nga pag-inupdanay paagi sa aton nga pareho nga pagtuo kay Jesus!
- Makita nila ang krus ni Jesus sa imo nga kabuhi – kag ang paglaum sang bag-o nga kabuhi / kapatawaran!
- Sa mga indi luwas – ini ang baho sang kamatayon – makangilil-ad / mabaho…
- Sa kabaliktaran kon magsulod ka sakwarto nga puno sang mga tawo nga wala nakakilala kay Jesus…
- Ginatulok ka nila nga daw nagapanimaho ka nga daw isa ka patay nga sapat – baho ka!
- Makit-an man nila ang krus ni Jesus – apang kamatayon lang ang ila makita – tungod wala sila nagapati!
- Indi kita mga nagapanunto…
- Madamo sang nagawali para nga maka-kwarta – nagahingalit nga magbentaha sa mga tawo…
- Nagpamulong si Pablo nga may sinseridad – nakahibalo siya nga nagabantay ang Dios…
- Putli ang iya nga motibo – ang iya lang gid nga tinutuyo amo ang iwali si Jesus para madamo ang maluwas!
- Pero madamo man ang nagaduda kay Pablo – mga sayop nga mga manunudlo…
- Mga tawo nga indi gusto nga magtubo ang simbahan – sa baylo gusto nila nga mabalik ini sa pagka-ulipon!
- Sa chapter 3 mapadayon si Pablo sa pagdepensa batok sa mga manugtunto / mga impostor…