Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 1:12-24
Introduction…
- Overview …
- Si Pablo may duwa ka tinutuyo sa pagsulat niya sining sulat para sa simbahan…
- 1st – Para ipabutyag sa ila ang iya nga kalipay sa ila nga pagpati sa una niya nga sulat…
- Ang I Corinto ginsulat bilang isa ka pagsandong sa isa ka karnal nga simbahan – para manumbalik sa katarungan sang Dios!
- Ang II Corinto isa ka pagpalig-on kag palugpay sa simbahan nga naghinulsol na…
- Ang libro sang II Corinto amo ang may pinaka-diutay nga doktrina sa tanan nga ginsulat ni Pablo…
- Ini nagalakip sang mas madamo nga personal nga testimonya kag mga naagyan niya kon ikumpara sa iban nga mga sulat…
- 2nd – Sa pagpamatok sa mga sayop nga mga manunudlo nga nagabaha na sa Corinto…
- Pagpa-andam tuhoy sa mga sala nga doktrina / instruksion para sa mga Kristyano
- Para depensahan ang iya nga pagka apostol batok sa mga legalista nga mga manunudlo sang kasuguan nga nagatinguha nga ibalik ang pagkaulipon…
- I Corinto 1:1-11 – Pagpanamyaw sa simbahan…
- Bilang isa ka apostol ni Jesus – ginpalig-on ni Pablo ang iya nga awtoridad sa simbahan….
- 1st – Pagpanamyaw sa mga santo – bisan ano pa ang ila problema – mga katawhan sila sang Dios!
- 2nd – Pagpalugpay – Gusto ni Pablo nga malugpayan ang simbahan – subong nga naghinulsol na sila…
- 3rd – Pagtubos – Ginatugotan sang Dios nga mag-agi kita sa pagtilaw para makatuon kita nga magsalig sa Iya!
- Mga lalaki nga masaligan sa ila hinambalan… (3 things)
- 1st – Ang tinutuyo sang sulat ni Pablo… vs. 12-14 (3 things)
- 1st – Puno sang kompiansa nga ginsiling ni Pablo nga – ang iya mga sulat ginsulat nga may putli nga motibo…
- Wala siya nagsulat sa kaakig/kapaslawan – nga gina-pwersa ang simbahan nga maghimo sang insakto…
- Masami kon aton makita ang iban nga tawo nagahimo sang pigaw nga desisyon sa ila kabuhi – malain nga desisyon …
- Gusto naton nga makabulig – gusto naton sila ibalik sa ‘makitid nga alagyan’…
- Pero indi mo mapwersa ang isa ka iawo nga magbaylo – nga himoon nila ang insakto…
- Amo sina ang paagi sang kalibutan – pero wala nagadala sang permanente nga pagkambyo…
- Mga amay maka-intiende sini – kon may bata ka nga nagpangawat sang hampanganan sang iban…
- GinaPILIT mo siya nga iuli – Gina PILIT mo siya nga mangayo pasensya…
- Pero maPILIT mo siya ayhan nga indi na pag-gustohon ang hampanganan – indi – indi mo makambyo ang iya tagipusoon!
- Ubrahon sang mga tawo ang ginahambal mo kon ara ka – pero indi ina magdugay…
- Mga pagsulundan – mga kasugoan – indi gid makapakambyo sang isa ka tawo…
- Ang mga pagsulundan isa lang ka pader nga nagapahilayo sang mga tawo sa mga pagsulay / kasalanan…
- Daw maayo man nga ideya – kag kalabanan sang mga tawo (kag simbahan) amo ini ang ginasunod…
- Apang amo ini ang peligro – ila lang makontrol ang ila nga mga hulag – indi ang ila nga tagipusoon …
- * Colosas 2:21-23 – “Indi ka mag-uyat sini,” “Indi ka magtilaw sina,” ukon “Indi ka magtandog sina”? Ina nga mga pagsulundan nga ginatudlo sang mga tawo himo-himo lang nila kag parte lang sa mga butang nga madula man lang matapos nga kaunon. Kon hunahunaon ta, daw husto man ang ila mga pagtudlo parte sa pagsimba nga ila naluyagan, parte sa pagpaubos kag pagpenitensya sa lawas. Pero ang matuod, ina nga mga butang indi gid makabulig sa aton sa pagpugong sang lawasnon nga mga kailigbon.”
- Sa ulihi basi maghunahuna ang mga tawo nga ang ila nga mga pagsulundan amo ang nagapabaskog sa ila sa Ginoo…
- Sa matuod lang ang ila nga mga pagsulundan nagahimo sa ila nga ‘maluya’ – nagapahilayo sang ila pagtulok kay Jesus…
- Nagasalig sila sa ila mga pagsulundan – imbes nga magtulok kag magdepende sa Ginoo!
- Ang pagsulat ni Pablo simple kag puno sang grasya…
- Nangin malig-on siya – sa pranka nga pagsugid sang kamatuoran – pero pirme nga may gugma…
- Efeso 4:15 – “ Sa baylo, magsugid kita sang kamatuoran nga may gugma, agod sa tanan nga bagay mangin kaangay kita kay Cristo nga amo ang ulo sang iglesya.”
- Ang isa lang gid ka paagi para nga permanente ang ila pagkambyo amo ang ipasag-uli ang ila nga relasyon sa kay Jesus…
- Sang nagpangasawa ka – madamo siguro ang na-islan mo sa imo nga mga ‘kinabatasan ’ sa imo kabuhi…
- Indi tungod nga may pagsulundan – kundi tungod nga palangga mo ang imo asawa!
- Wala nagapakambyo ang mga pagsulundan – ara sa relasyon ang nagapabaylo sang tagipusoon…
- Ang Dios ang nagabaylo sang aton tagipusoon para indi na naton gustohon nga mag-agi sa sala nga alagyan!
- Kon may kilala ka nga nabudlayan sang iya panglakaton – indi siya paghatagi sang pagsulundan…
- Sugiri siya sang kamatuoran – NGA MAY GUGMA – indi siya pagpabay-i nga magpadayon sa kasalanan…
- Ihatag sa iya si Jesus – itudlo siya pakadto sa Isa nga makabaylo sang iya tagipusoon!
- 2nd – Wala si Pablo sang ginatago nga motibo – indi na kinahanglan nga maghaumhaum sa iya nga ginsulat…
- Kon ano ang ginsulat niya sa simbahan – amo gid ang iya nga ginatuyo – wala sang ginatago nga motibo…
- Masami gina-usar sang mga tawo ang ‘reverse psychology’ sa iban nga tawo – intoon sila para obrahon ang ila nga gusto…
- Mahimo nga tilawan mo nga kombinsihon ang mga bata mo nga magkaon sang utan…
- Ginatilawan mo nga intoon sila nga magkaon sang maayo para sa ila…
- Ang problema ang mga bata/mga tawo madasig makabatyag kon nagapang-into ka…
- Indi magdugay kag ila matalupangdan ang imo gina-obra – kag sitaon ka…
- Indi man gihapon ini makakambyo sang tagipusoon – sagad lang nga pang-into…
- Mas maayo nga mangin bunayag – klaro – hambala ang sakto mo nga tinutuyo!
- 3rd – Kampante si Pablo nga maka-intiende man sila isa ka adlaw…
- May ara pa sa simbahan nga indi maka-intiende kon ngaa nangin estrikto si Pablo sa ila…
- Pero nahibaloan ni Pablo nga sa katapusan mapasalamat gid sila…
- Kon ang mga santo nagatindog tungod gintubos sila sang Dios – tungod nga naghinulsol sila!
- Kon ginatadlong naton ang mga tawo – may paghigugma nga ginapakita ang sala nila…
- Indi magdamo ang aton nga mga abyan sa umpisa – ang mga tawo indi gusto nga sabdongon…
- Kon imo ginabakol/ginadisiplina ang bata – indi gid sila mapasinalamaton sa ina nga tion…
- ‘Salamat Tay sa pagpaluhod sa akon’ – ‘Na-apresyar ko gid nga ginbakol mo ang buli ko’…
- Pero kon mag-edad na siya – marealisar niya nga para ato sa kaayuhan niya – para tudloan siya!
- Kampante kita nga isa ka adlaw pasalamatan gid kita sang mga tawo – mapasinalamaton…
- Tungod imbes nga pabaya–an sila nga magpakasala – kag magpadulong sa impierno…
- Ginhigugma naton sila kag gin-atubang – agod nga maghinulsol sila – kag magkadto sa langit!
- 1st – Puno sang kompiansa nga ginsiling ni Pablo nga – ang iya mga sulat ginsulat nga may putli nga motibo…
- 2nd – Pag-ilis sang plano… vs. 15-20 (3 things)
- 1st – Nagplano si Pablo nga bisitahon ang simbahan sa ikatlo nga kahigayunan…
- Ang iya una nga pagbisita natabo sa Binuhatan 18 – sang nagtiner siya sa Corinto sa sulod sang isa ka tuig kag tunga…
- Ang ikaduwa niya nga pagbisita natabo sang nagtiner siya 3 ka tuig sa Ephesus – II Corinto 2:1
- Sa katapusan sang una niya nga sulat sa simbahan nagsiling siya nga mabalik siya sa ikatlo nga bes…
- I Corinto 16:5 – “ Makadto ako dira sa inyo matapos ako makaagi sa Macedonia..”
- Gusto niya nga bisitahon sila duwa ka beses – sa pagpakadto niya sa Macedonia – dayon sa pagpabalik naman
- Apang naislan ang plano niya – sa baylo nagderetso siya sa Philippi – ginlapawan niya ang Corinto…
- May ara sa simbahan nga ginatawag siya nga butigon – tungod wala siya nagtuman sang iya hinambalan…
- Ginabaton ni Pablo nga ang mga tawo sa kalibutan amo sina – ang ila nga oo kag indi wala ginatuman, wala sang kahulugan…
- Indi ka makasalig sa mga tinaga nga nagaguha sang ila nga baba…
- Mga tawo nga wala nakakilala kay Jesus – wala nagahatag balor sa ila nga hinambalan…
- Sugiran ka nila sang gusto mo mabatian – okon harap-harapan nga magbutig sa imo…
- Kilala naton si Jesus – dapat kita maghatag sang importansya sa aton nga mga hinambalan – Dapat Oo ang aton Oo / kag Indi ang Indi!
- Mateo 5:37 – “Magsiling lang kamo ‘huo’ okon ‘Indi’ kay bisan ano pa nga dugang sini, nagagikan sa Yawa .”
- 2nd – Wala nagbutig si Pablo sa simbahan – wala lang gid siya kahibalo…
- Naghimo si Pablo sang iya mga plano – apang nagpadayon siya nga nangin bukas sa pagtuytoy sang Dios…
- Wala nahibaloan ni Pablo ang palaaboton – indi niya magarantiya kon ano ang matabo buwas…
- Ginhatagan niya sila sang iya ‘plano’ base sa kon ano ang nahibaloan niya – pero mapasibusibuon gihapon siya…
- Kon magsalig kita sa mga tinaga/promesa sang mga tawo – mapaslawan gid kita…
- Wala ko man ginasiling nga tanan nga tawo butigon – okon malain ang tinutuyo – wala lang gid sila nakahibalo…
- Ang realidad amo nga wala naton nahibaloan ang palaaboton – kinahanglan naton nga mangin mapasibusibuon…
- Pwede naton isugid sa mga tawo ang aton nga ‘plano’ – pero pirme nga dugangan naton sang – ‘Kon kabubut-on sang Dios’!
- * Santiago 4:13-15 – “Paano mo mahibaloan kon ano ang kabuhi mo buwas? Ang imo nga kabuhi daw isa lamang ka tun-og —ari sa makadali, dayon wala na. Ang imo dapat nga hambalon, ‘Kon kagustohan sang Ginoo, magakabuhi kami kag maubra sini okon sina.’”
- 3rd – Tanan nga saad sang Dios ‘Oo’ kag ‘Amen’…
- Nagsalig si Pablo sa Pulong sang Dios – Ang ‘Oo’ sang Dios pat-od / Ang Iya nga ‘Indi’ isa ka garantiya!
- Kon may ihambal ang Dios – sigurado nga masaligan mo, wala na kinahanglan nga mamangkot…
- Ang ‘Amen’ isa ka tinaga sa Hebreo nga nagakahulugan – amo gid – buot silingon matabo gid…
- Kon gusto mo sigurado nga mahibaloan kon ano ang himoon – ano ang ara sa palaaboton – magkadto ka sa Dios…
- Numero 23:19 – “Ang Dios indi tawo nga magbutig Siya. Indi Siya pareho sang tawo, amo nga wala Siya nagaliwat sang Iya paminsaron . Nakapamulong bala Siya nga wala niya ginhimo? Nakasaad bala Siya nga wala Niya matuman?”
- Indi makabutig ang Dios – kag wala Siya naga-baylo sang Iya panghunahuna – Kon ginhambal sang Dios / amo na ina!
- Kon ginpromesa sang Dios nga Iya pagahimon-an ang tanan nimo nga kinanglanon (basta una mo Siya nga ginapangita) – Iya na nga himoon!
- Kon ginpromesa sang Dios ang kaluwasan paagi sa pagtuo kay Jesus – langit ang imo nga destinasyon!
- 1st – Nagplano si Pablo nga bisitahon ang simbahan sa ikatlo nga kahigayunan…
- 3rd – Inup-danay nga pag-obra para sa kay Cristo… vs. 21-24 (3 things)
- Ginhaplasan sang Dios si Pablo nga mangalagad didto sa Corinto…
- Ginpili ni Jesus si Pablo nga mangin Apostol sa mga Gentil – I Timoteo 1:11
- Gintawag siya sang Dios nga magwali sang Maayong Balita sa Grecia – Binuhatan 16:9
- Gintawag sang Dios si Pablo nga magtukod sang simbahan sa syudad sang Corinto – Binuhatan 18:9-10
- Amo nga kampante si Pablo sa pagtawag sa iya – kag naghatag sa iya sang kaisog para sa simbahan…
- Kon indi kita sigurado sa tawag sang Dios sa aton – mangin maluya kita/kag mahuluyaon…
- Kon indi ka sigurado nga ginatawag ka sang Dios nga magtudlo sang Bible study – wala ka sang kalig-on…
- Sa baylo kon sigurado kita sa pagtawag sang Dios sa aton kabuhi – mangin maisog kita…
- Indi tungod sang aton mga abilidad okon talento – kundi tungod nga nakahibalo kita nga ang Dios naga-upod sa aton…
- Paano mo mahibaloan kon ano ang imo hilikoton sa pagtawg sa imo…
- Kon indi ka sigurado sang pagtawag sa imo – gusto mo mahibaloan kon ano ang tinutuyo sang Dios para sa imo…
- Magtikang paabante kag tilawi – tilawi magtudlo / tilawi mag-ebanghelyo / tilawi ang magbulig…
- Kon indi mag-obra – kon wala sang prutas – tilawi ang lain naman!
- Kon nagtilaw ka nga magtudlo kag natulogan ang tanan – indi siguro ina ang panawagan sa imo…
- Pero itatak sa imo utak nga kinahanglan sang malawig nga tion para nga magtubo sa imo panawagan – indi ka mangin perpekto sa isa lang ka adlaw…
- Kon gintawag ka sang Dios – indi ikaw lang ang makatalupangod…
- Naselyohan na sang Dios ang mga santo – naghatag sang Balaan nga Espirito bilang garantiya…
- Ang mga santo sa Corinto naselyohan – napirmahan – kag malapit na nga idul-ong…
- Bug-os ang pagkakampante ni Pablo nga ang mga santo sa Corinto naluwas na…
- Efeso 1:13-14 – “Sa Iya nagsalig ka, pagkatapos mo mabatian ang pulong sang kamatuoran, ang maayong balita sang imo nga kaluwasan; kag sa Iya, nga ginpatihan mo, naselyohan ka sang Balaan nga Espirito sang promesa, nga garantiya sang aton nga palanublion asta sa pagtubos sang ginbayaran nga ginapanag-iyahan , para sa kadayawan sang Iya nga himaya.”
- Kon gusto mo nga mag-asawa – hatagan mo ang imo nga mangin asawa sang engagement ring…
- Amo ini ang garantiya – ang panaad sa iya nga sigurado gid nga pakaslan mo siya…
- Ginbakal kita ni Jesus kag ginbayaran sa krus – I Corinto 6:20
- Kag ginhatagan Niya kita sang Balaan nga Espirito – bilang ‘down payment’…
- Ini ang Iya nga garantiya nga mabalik Siya para tapuson ang obra nga Iya nga simbahan!
- Asta sa ina nga tion – asta nga ara na kita sa langit – Ginseyohan Niya kita sang Iya nga Espirito…
- Pareho sini nga ‘selyo’ ang gina-usar sang Dios para gapuson si satanas sa sulod sang 1000 ka tuig – Pahayag 20:3
- May selyo kita – layo sa peligro – asta sa adlaw nga mag-abot kita sa langit bilang katawhan sang Dios!
- Upod ang Dios bilang testigo ni Pablo…
- Ang rason nga wala nagkadto si Pablo amo nga para malikawan ang pagsabdong naman liwat sa simbahan…
- Kabalo siya nga kinahanglan gid nga tadlungon ang ila sala – apang ang pagsulat amo ang mas maayo nga paagi…
- Dayon kon mag-abot siya indi na ini sa pagtadlong – kundi sa paghiusa liwat!
- Kon masami ikaw naga pangtadlong – ang mga tawo mangin mainandamon – nahadlok sila nga makita ka…
- Nagasira ini sang ila nga panghunahuna amo nga indi sila gusto magpamati sa imo nga ginahambal…
- Kinahanglan nga may balanse sa tunga sang pagtadlong kag pagpalig-on…
- Indi man nga si Pablo ato didto para diktahan sila kon paano mangabuhi…
- Indi niya pwede ikabuhi ang kabuhi sang mga tumuluo para sa ila – pero makabulig siya sa ila…
- Indi kita mga pulis sang Dios – wala kita diri para piliton ang iban nga mag-obra sang bisan ano…
- Indi kita dapat nga magsiling sa tawo nga kinahanglan nila nga magkadto sa simbahan / magbasa sang Bibliya…
- Indi kita dapat nga magsiling sa tawo nga indi sila maka-inom – okon magsugal sa bulangan…
- Kon mas pirme mo sila nga hambalan – mas laban pa nga ila gid na ubrahon!
- Indi sila paghambali – sa baylo buligi sila – ipalig-on sila kay Jesus!