Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 11:1-15
Review…
- I Corinto 5-7 – Mga embahador para kay Jesus…
- I Corinto 8-9 – Ang regalo para sa simbahan sa Jerusalem…
- Ang mga simbahan sa Gresya gusto nga maghatag sang regalo sa kubos nga simbahan sa Jerusalem…
- Ang regalo wala ginmando – mahatag sila nga may kalipay para sa Ginoo …
- I Corinto 10 – Ang problema sang mga sayop nga mga manunudlo – Judaizers…
- 1st -Ang mga Judaizers amo ang mga manunudlo sang relehiyon halin sa Judah – ila nga ginatudlo nga kinahanglan mo nga sundon ang Kasuguan…
- Bisan diin malapnag ang Maayong Balita – sigurado gid nga masunod ini nga mga manunudlo…
- Sa tion nga maghalin na si Pablo sa isa ka syudad – gilayon nga masulod ini sila para ‘ikombertir’ ang mga tumuluo…
- 2nd – Ini nga mga Judaizers may pila ka mga akusasyon batok kay Pablo – maluya nga manugwali / may maiya-iyahon nga motibo
- Bangod sa ini nga mga akusasyon – nagpa-andam si Pablo sa simbahan – may masunod nga gyera…
- Mangin TAMA kaisog siya – para ipalayo sa peligro ang simbahan…
- 3rd – Para makabato siya kag magdaog sa gyera – kinahanglan ni Pablo ang sakto nga mga armas…
- Ang mga armas para sa gyera – gamhanan gid sa Dios – para magpatumba sang mga pamakod…
- Ginpamatokan ni Pablo ini nga mga sayop nga mannudlo gamit ang kamatuoran – ang Pulong sang Dios…
- Para tumbahon ang tanan nga argumento nga nagapugong sa mga tawo sa ila pagkilala sa Dios!
- 4th – Ginkumpara ni Pablo ang iya kaugalingon sa mga sayop nga mga manunudlo…
- Sila nga nagapabugal sang ila nga awtoridad – nga kuno abi sila ang naga-obra sang obra sang Dios…
- Sila ang naga-angkon sang kadayawan para sa gin-obra sang iban – ang obra nga ginhimo sang Dios paagi kay Pablo!
- Indi magpalimbong…
- 1st – Hibaloa ang leksyon ni Eva… vs. 1-4
- Ginpangabay ni Pablo ang simbahan nga ila batason ang iya kabuangan… vs. 1
- Gindepensahan na ni Pablo ang iya pagka apostol sa duwa pa ka kahigayonan sa iya nga mga sulat…
- Kag bisan indi gusto ni Pablo nga magpabugal – nahangpan na sang simbahan…
- Wala niya ginahimo ini para himayaon ang iya kaugalingon – kundi para ipabakod ang iya awtoridad…
- Para iya nga maprotektahan ang simbahan batok sa mga sayop nga mga manunudlo nga nagatinguha nga gubaon ang simbahan…
- Hebreo 13:17 – “Tumana ninyo ang mga tumuluo nga nagadumala sa inyo kag magpasakop kamo sa ila, tungod kay ini sila amo ang nagaasikaso sang inyo espirituhanon nga kahimtangan. Kag nahibaluan man nila nga magaabot ang adlaw nga magapanabat sila sa Dios parte sa ila pag-atipan sa inyo. Kon tumanon ninyo sila, magaalagad sila nga may kalipay, pero kon indi, magakasubo sila kag indi ini makabulig sa inyo.”
- Wala ginhatagan sang awtoridad ang mga pastor sa simbahan para nga maka-angkon sila sang gahom sa babaw sang tanan…
- Gintawag sila para mag-alagad kag mag-amlig sang mga katawhan sang Dios batok sa mga sayop nga pagtudlo…
- Paagi sa pagtudlo sang Pulong sang Dios – paagi sa maayo kag Diosnon nga ehemplo sa mag katawhan!
- Gusto ni Pablo nga ipresentear ang simbahan bilang isa ka matinlo nga palang-asawon sa kay Jesus… vs. 2
- Nagakalipay si Pablo para sa simbahan – gusto niya nga makita nga nagapabilin sila nga putli sa atubangan sang Dios…
- Gin-usar niya ang ehemplo sang nobya nga birhen – nga inog-presentar sa iya nga bana sa kasal…
- Indi ni Pablo gusto nga ang simbahan madakpan – nga ‘nagaluib sa Ginoo’…
- ‘Naga-guha’ / ‘nakig-upod’ – sa iban nga relehiyon – nagasunod sa mga sayop nga manunudlo…
- Mag-andam sa mga natunga nga tagipusoon – gusto nga magsunod kay Jesus – pero nagapakiat sa kalibutan…
- Ang paghigugma sa sini nga kalibutan kag sa Ginoo – sa matuod lang pagdaya sa kay Jesus…
- Mateo 6:24 - “Wala sing tawo nga makaalagad sing dungan sa duha ka agalon, kay magasikway siya sa isa kag magahigugma sa isa; magadampig siya sa isa kag magapakalain sa isa. Indi man kamo makaalagad sing dungan sa Dios kag sa manggad.”
- Indi makig-angay kay Eva… vs. 3
- Nalimbongan si Eva sang mga malimbong nga tinaga sang man-og (satanas) sa Hardin sang Eden…
- Ginmandoan sang Dios si Adan kag si Eva nga indi magkaon sang bunga sang Kahoy sang Ihibalo…
- Ang stratehiya ni satanas amo ang padudahon si Eva sa Pulong sang Dios – ‘Ginhambal gid bala sang Dios’…
- Wala nag-ilis sang taktika ni satanas – iya gihapon nga gjnatinguhaan nga magduda kita sa Pulong…
- Malalangon nga ginasugyot kita ni satanas nga mangita sang iban nga sabat – indi sa kay Jesus…
- Iya nga ginatinguhaan nga ipalayo kita sa simbahan, sa Bibliya – ipalayo sa pagpamati sang Pulong!
- Nakita ni Eva nga ang bunga daw kanami / daw manamit / kag himuon ka nga maalam…
- I Juan 2:16 –“ Kay ang tanan nga kalibutanon nga ginahandom sang tawhanon nga balatyagon, nga ginakawilihan sang mga mata, kag ginapabugal sang mga tawo, wala nagahalin sa Amay kundi sa kalibutan.”
- Kon nagpamati si Eva sa Pulong sang Dios mapalayo gid tani siya…
- Apang tungod nga iya ginpaminsar ang sala – nagustohan niya – nagpili siya nga magpakasala
- Madali likawan ang sala kon indi naton gusto ini…
- Ang rason nga nagahimo kita sang sala tungod sa pinsar ta maayo ini – makahatag ini sang kalipay…
- Tanan kita may kahilwayan sa pagpili – makapili kita nga magpadala sa aton nga kailigbon…
- Pwede naton nga tinguhaan nga busogon ang kailigbon sang aton nga mata / unod / kag aton bugal…
- Okon makapamati kita sa Pulong sang Dios – kag pilion nga magtuman sa Iya!
- Kaangay ni Eva – ang simbahan ara man sa peligro nga madagtaan… vs. 4
- 1st – Sa pagpamati sa mga tawo nga nagkari kag nagpanudlo sang lain nga Jesus…
- Ang kalibutan puno sang sayop nga pagtuo nga nagapakunokuno nga halin sa Dios – pero nagapanghiwala sang MATUOD nga Jesus
- Naga-istorya sila tuhoy kay Jesus pero mga kulto sila – ang ila nga Jesus indi ANG Jesus sang Bibliya
- Ang mga Mormons nagapati nga si Jesus isa ka tinuga lang – indi Dios – apang utod ni satanas…
- Ang mga Jehovah witnesses – nagapati nga si Jesus amo si Michael ang arch angel – indi Siya Dios…
- 2nd – Sa pagbaton sang mga tawo nga may lain nga espirito…
- Tungod may nagasiling nga nagakadto siya sa simbahan – wala nagakahulugan nga Kristohanon siya…
- Tungod lang nga nagahambal ang isa ka tawo nga pastor siya – wala nagakahulugan nga halin siya kay Jesus
- I Juan 4:1 – “Mga hinigugma, indi kamo magdali-dali pati sa mga tawo nga nagasiling nga ang ila ginatudlo halin sa Espiritu Santo, kundi usisaon ninyo anay kon bala ang ila ginatudlo halin sa Dios ukon indi. Kay madamo na nga indi matuod nga mga propeta ang naglalapta sa bug-os nga kalibutan.”
- Kinahanglan naton ang paghantop sang Dios – para mahibaloan kon ano gid ang matuod nga nagahalin sa Dios!
- 3rd – Sa pagsunod sa mga tawo nga nagatudlo sang lain nga gospel…
- Ang mga tawo nanamian nga magdugang sa mensahe sang Maayong Balita – para nga maluwas ka, kinahanglan nimo nga …
- Mabawtisohan sa simbahan / maghatag sang ikapulo / magpati sa mga doktrina…
- Galacia 1:8 – “Pero tandai ninyo ini: bisan ang anghel nga halin sa langit ukon bisan kami pa ang magwali sang lain nga maayong balita sang sa amon anay ginwali sa inyo, sumpaon siya sang Dios.”
- Ang kaluwasan paagi sa grasya lang – paagi sa pagtuo – sa kay Jesus lang gid!
- Wala na kita sang pwede idugang sa ginobra ni Jesus – Na-obra na Niya tanan sa krus!
- 2nd – Indi tanan nga lideres pareho… vs. 5-9
- Ang mga Judaizers nagakabig sang ila nga mga kaugalingon nga ‘Super Apostles’…
- Nahanas sila sang maayo sa pagpamulong – tanan sila edukado sa mga unibersidad…
- Ginakabig nila nga ang ila nga mga degree amo ang pamatuod nga nagapangibabaw sila – superyor nga estado!
- Kag nagapaabot sila nga ang mga tawo mamati sa ila – sila ANG awtoridad…
- Isa ka papel nga nagatapik sa dingding – bisan ano pa katahum – isa lang gihapon ka papel…
- Damo ko kilala nga may ‘pastoral degree’ – pero indi naman pastor…
- Damo man ako sang kilala nga wala degree – wala diploma – pero mga pastor sila!
- Ang pagtawag sang Dios – makita sa panghikot sang Dios sa kabuhi sang tawo!
- Nagapaabot man sila nga ang mga tawo ang maghimuno sa ila – nga bayaran sila para sa ila nga ihibalo!
- Madamo sang mga pastor subong nagahunahuna nga ila nga kinamatarong ang magkuha sa katawhan sang Dios…
- Kaangay sang sweldo – nagademanda sila nga ang simbahan ang maghimuno sang ila nga mga gusto kag mga kinahanglan…
- Apang indi ang simbahan ang nagahatag obra sa pastor – Dios ang naghatag obra sa iya…
- Gani indi responsibilidad sang simbahan nga magbayad sa pastor…
- Kon ang isa ka pastor wala ginahimun-an sang Ginoo – basi indi siya pastor…
- Tungod nga kon ang isa ka pastor matuod nga gintawag sang Ginoo – himun-an sang Dios ang tanan niya nga kinahanglanon!
- Si Pablo indi mas manubo nga Apostol – nga suno sang ginasugid sang mga tawo nga ini…
- Bisan wala siya mahanas nga manugpulong – maayo ang iya nga edukasyon…
- Si Pablo ginbun-ag/ ginpadako / kag gintudloan bilang isa ka Judio – Filipos 3:4-8…
- Naghanas siya sa kay Gamaliel – isa ka tawo nga ginarespeto sang tanan nga mga Judio…
- Bisan ang Dios wala nagakinahanglan sang aton degree – diploma sang mataas nga edukasyon…
- Wala nagakahulugan nga indi bentaha ang mangin estudyante sang Pulong!
- II Timoteo 2:15 – “Himua ang imo masarangan agod malipay ang Dios sa imo, nga pareho sa manugpangabudlay nga wala nagakahuya sa iya mga ginahimo. Itudlo mo sang husto ang pulong sang Dios nga amo ang kamatuoran.”
- Ang pamatuod sang pagka Apostol ni Pablo amo ang simbahan sang Corinto!
- Ang realidad nga may simbahan nagpanas na tani sang pagduda…
- Ang bug-os nga kalibutan makakita sang ginhimo sang Dios paagi sa Apostol nga si Pablo…
- Indi mabudlay nga hibaloon kon ano ang tinutuyo /pagtawag sang Dios sa imo nga kabuhi…
- Ang aton lang kinahanglan himoon amo ang lantawon kon paano kita gina-usar sang Dios – diin ang bunga…
- Indi ikaw lang ang makatalupangod sang pagtawag – ini mangin maathag sa tanan!
- Namangkot si Pablo – ‘Nakasala bala ako tungod wala ako nagpanukot sa inyo para sa Maayong Balita?’…
- Nagatrabaho si Pablo kon adlaw – nagapang-obra tulda – para mahimun-an ang iya nga mga kinahanglanon…
- * Binuhatan 20:34-35 – “Nakahibalo gid kamo nga nag-obra ako agod may galastuhon ako sa akon mga kinahanglanon kag sa akon mga kaupdanan. Ginhimo ko ato agod ipakita sa inyo nga paagi sa sini nga pagpangabudlay mabuligan ang mga imol. Dumdumon ta permi ang ginsiling ni Ginoong Jesus nga mas bulahan ang nagahatag sang sa nagabaton.”
- Ang pagtawag sa Ministeryo wala nagakahulugan nga ang Pastor indi na kinahanglan nga magtrabaho…
- Kinahanglan man nila nga magtrbaho kay basi ang mga gina ministeryohan nila wala man sang inog-hatag…
- Okon para makilala niya ang mga ginalab-ot niya– kag makilala man nila siya…
- Okon kinahanglan nila nga magtrabaho para mangin ehemplo sila sa ila nga ginatudloan…
- Iya nga ‘ginkawatan’ ang iban nga simbahan – para makapangalagad siya sa Corinto!
- Bisan sang nagakinahanglan siya – wala gid siya sang ginpangayo sa simbahan…
- Ang mga utod nga halin sa Macedonia (maimol nga kongregasyon) amo ang nagbulig kay Pablo…
- Sa sulat ni Pablo sa Filipos nagasambit sang tuhoy sa ‘regalo’ nga ila ginpadala sa iya…
- * Filipos 4:11-17 – “Wala ako nagasiling sina sa pagpabati-bati nga may kinahanglan ako. Kay nakatuon ako nga magkontento bisan ano ang akon kahimtangan. Ginasambit ko ini indi tungod nagahandom ako nga makabaton liwat halin sa inyo, kundi ginahandom ko nga kamo makabaton man sing balos tungod nga kamo nagahatag.”
- Naintiendehan ni Pablo nga ang Dios ang nagahimuno sang aton nga mga kinahanglanon – indi ang tawo…
- Masami aton ginahunahuna nga kinahanglan nga ipabalo naton sa Dios (kag sa iban) ang aton mga ginakinahanglan…
- Ang kinahanglanon indi amo ang punto – Nahibal-an na ina sang Dios…
- Dios ang nagtuga sang tanan- Wala siya ginakulang sang bisan ano – lakip na ang kwarta…
- Si Pablo wala nangin – kag indi mangin – pabug-at sa simbahan!
- Ang padya ni Pablo amo ang maghayag sang paglaum sa kay jesus – nga wala ginabayaran…
- Gani wala niya ginaabuso ang iya nga awtoridad sa Maayong Balita…
- Madamo sa mga pastor subong nagaabuso sang awtoridad nga ginhatag sa ila sa simbahan…
- Gina-usar nila ang pulpito para makaganar – nagapamentaha sa katawhan sang Dios
- Ang resulta pwerte ang pangaman sang mga tawo sa simbahan – ang mensahe sang maayong Balita nadagtaan…
- Si Pablo isa ka Apostol – kag gusto niya nga tanan makabati sang nahanungod kay Jesus…
- Nabayaran na sang Dios ang bili sang kaluwasan – wala na sang balayran – ang Maayong Balita libre!
- 3rd – Magbantay para sa Anghel sang Kasanag… vs. 10-15
- Ginhayag ni Pablo sa tanan ang kamatuoran nga wala siya nagkuha sang kwarta sa Corinto…
- Indi tungod nga wala siya nagahigugma sa simbahan – dako GID ang paghigugma niya sa ila…
- Kundi para makita sang iban ang kinalain sang iya nga pagpangalagad kag sang iya sang mga Judaizers…
- Nagasiling sila nga pareho lang sila kay Pablo – galing pirme SILA nagapanghamkon sang kwarta…
- Indi ini pagkalimti – ang una gid nga paagi nga madakop ang sayop nga manunudlo – nagahamkon sila sang kwarta!
- * Filipos 3:17-19 – “Mga utod, sunda ninyo ako. May mga tawo man dira nga pareho gid sa amon ang ila kabuhi. Sunda man ninyo sila. Kay madamo ang nagasunod kuno kay Cristo pero makita sa ila kabuhi nga nagakontra sila sa mga pagpanudlo parte sa kamatayon ni Cristo sa krus. Makapila ko na kamo ginsilingan parte sa sini nga mga tawo, kag karon nagahibi ako sa pagpadumdom sini liwat sa inyo. Ang dangatan sini nga mga tawo amo ang kalaglagan, kay ang ila tiyan amo ang ila ginapakadios. Ginapabugal pa nila ang mga butang nga kuntani dapat nila ikahuya. Ang ginahunahuna nila amo lang ang mga butang diri sa kalibutan.”
- Ini nga mga sayop nga mga manunudlo / mga tawo nga nagadala sang pagbinahinbahin wala nagatuyo nga magpakamaayo/okon magbulig sa iban…
- Indi nila tuyo nga maghatag himaya sa Dios – gusto lang nila nga mapahamuot ang ila nga kaugalingon!
- Ara lang sa pinsar nila ang mga butang sang sini nga kalibutan – pagkaon / kwarta / kabantugan / poder…
- Tinguhaon nila nga madala ka nila sa ila nga kulto – para nga makapamentaha sila sa imo…
- Ini nga mga tawo mga sayop nga mga apostoles (pseudo apostles – diri lang sa NT)…
- Nagapanghikot sila kag nagatinguha nga manglimbong sang mga tawo – para ihilayo sila sa kamatuoran ni Jesus…
- Ila nga ginapakita nga daw TUOD gid sila nga mga aposotles – nagapakunokuno nga halin sila sa Dios
- Ngaa ang mga Mormons nagakilit-anay sa mga ‘simbahan’ sa aga sang Dominggo para sa ‘pagsimba’…
- Ngaa ang mga Iglesia ni Christo nagahiwat sang mga ‘Bible studies’ kag nagapamulong tuhoy kay ‘Jesus’ bilang ila nga manluluwas
- Ang pinakamaayo nga binutig – amo ang ipakita mo nga daw katulad gid sang kamatuoran asta sa imo masarangan!
- Pareho lang sila sang ila nga agalon – si satanas – nga naga-angkon man sang imahen nga Anghel sang Kasanag!
- Ang kalabanan nga impresyon tuhoy kay satanas amo nga may pula siya nga sungay – naga-uyat sang dako nga tinidor – malaw-ay nga halimaw
- Ginahaumhaum nga aton nga makita ang iya nga kalautan bisan layo pa – madali kilalahon…
- Apang ini nga paglaragway naghalin sa diosdios sang Gryego nga si ‘Pan’ – dios sang ka-idalman…
- Mahimo nga si satanas mismo ang nagpalapnag sang sini nga laragway niya – para indi naton siya makilal-an…
- Indi malaw-ay si satanas – gintuga siya sang Dios nga isa ka himpit sa katahom – Ezekiel 28:12
- Masarangan ni satanas nga ilogon ang Dios kag iya gid nga gina-ilog – ang iya nga imahen daw pareho gid sang matuod…
- Makakari siya nga unod sang mga matahom nga mga suludlan – sala / sayop nga panudlo – mahimo nga matahom gid tulukon…
- Apang pirme niya pamatukan ang Pulong – ipahilayo ka sa relasyon mo sa Dios!
- Sa ulihi, ining mga sayop nga manunudlo maga-antos man sang pareho nga kapalaran sang ila nga agalon!
- Ang destinasyon ni satanas natalana na – ang Linaw nga Kalayo ginpreparar na para sa iya kag sa iya nga mga sumulunod…
- Ang kinalain kadako kag maathag gid – ngaa maupod ka sa mga tawo nga naga-upod kay satanas…
- Ngaa gustohon mo nga makig-ambit sa ila nga padulongan – mag-antos sang ila nga kapalaran…
- Indi magpalimbong sa mga sayop nga mga manunudlo nga ini – sa baylo, mag-kapyot kay Jesus!
- Hawiri ang Iya nga Pulong – para imo nga makilala ini nga mga anghel sang kasanag – kag sikwayon sila!