Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 11:16-33
Review…
- II Corinto 10 – Ang problema sa mga sayop nga manunudlo – Judaizers…
- 1st -Ang mga Judaizers relehiyoso nga mga manunudlo halin sa Judah – ang nagatudlo nga dapat sundon ang Kasuguan…
- 2nd – Ang mga Judaizer nag himo sang madamo nga akusasyon batok kay Pablo – maluya nga manugpulong / may motibo nga maiya-iyahon
- 3rd -Agod nga makabato kag magdaog sa patag-awayan – si Pablo nagakinahanglan sang sakto nga armas …
- Ang armas sang aton pakig-away – mabaskog sa Dios – sa pag tumba sang pamakod…
- Gin-atubang ni Pablo ining mga sayop nga manunudlo gamit ang kamatuoran – ang Pulong sang Dios…
- II Corinto 11:1-15 – Indi magpalimbong…
- 1st – Magtu-on sang leksyon ni Eva – si satanas nagatinguha nga magduda kita sa Pulong sang Dios …
- Bilang isa ka simbahan indi dapat nga magpamati sa tawo nga nagawali sang lain nga Jesus…
- Ang mga ‘Pastors’ nga may lain nga espiritu – nagawali sang iban nga Maayong Balita – Galacia 1:8
- 2nd -Indi tanan nga lider palareho – ang mga sayop nga manunudlo naga demanda sang kuwarta..
- Ang Judaizer naga demanda sa tawo nga hatagan sila sing kuwarta tungod sa ila nga estado bilang ‘Apostoles’…
- Si Pablo naglikaw sa pagkuha sang kuwarta halin sa simbahan – sa baylo naghatag siya sa simbahan!
- 3rd – Magbantay sang Angel sang kasanag…
- Ining mga butig nga manunudlo ginahimo nila ang ila kaugalingon nga daw pareho sang matuod nga simbahan…
- Pareho gid sila sang ila agalon – si satanas -nga nagapakunokuno nga Angel sang kasanag…
- Agod nga malimbongan ang mga tawo nga magsunod sa ila nga kapalaran – mahamulag sa Dios nga walay katapusan!
- Nagapabugal tungod sa Ginoo… (3 ka butang)
- 1st – Kabuangan ang magpabugal… vs. 16-21
- Si Pablo nagpabugal nahanungod sa Iya pag-alagdan… vs. 16-17
- Iya nga gin kilala nga ang Dios wala nagakunsinti sang pagpabugal nahanungod sang aton nga mga kadalag-an…
- Ang rason bangod wala kita sang maipabugal – ang tanan halin sa Dios!
- Ang aton nga kaluwasan libre nga regalo – nabaton naton sa bugay paagi sa pagtuo – wala naton naganar ini
- Kon magkadto kita sa langit wala sang pagpabugal – bangod wala kita sang may ginhimo para maluwas
- Efeso 2:9 – “ Ini regalo sang Dios kag wala nabasi sa inyo maayo nga mga binuhatan, gani wala gid sing may makapabugal.”
- Sanglit ang simbahan sa Corinto nakabaton sang pagpabugal sang mga sayop nga manunudlo…
- Ang simbahan nagahunahuna nga sila ‘maalamon’ sa pagpamati sang pagpabugal sang mga Judaizer!
- Sa pagpatikal sang ila nga mga kredensiyal – ang ila nga tinapusan halin sa dalayawon nga mga unibersidad…
- Ang simbahan ‘malipayon’ nga ari ang mga maayo nga mga tawo nga mangin parte sang ila kongregasyon…
- Sa sini nga tion ini nga mga tawo gindala ang simbahan sa pagkagapos – ginhimo sila nga mga ulipon…
- Ila gin lamon ang simbahan – ginkawatan ang simbahan – gintampa ang ila guya…
- Samtang sa bug-os nga tion nagadayaw sang ila kaugalingon – nagapabugal sang ila nga kaalam kag ihibalo…
- May huyog kita nga maghatag sang pagtamod sa mga tawo nga sa panulok naton manggaranon/ edukado…
- Santiago 2:3,6 – Kon palabihon ninyo ang tawo nga nagabayo sang malahalon kag hatagan ninyo sing maayo nga pulungkuan… [Apang]Indi bala nga ang mga manggaranon amo ang nagapigos kag nagaakusar sa inyo?”
- Nalipatan naton nga pareho sang sini nga mga tawo ang nagahingalit sa aton!
- Si Pablo ginaayuhan ang mga lider sa politika – mga artista – nga wala sang labot sa ila…
- Ang mga tawo nagasimba sa mga lider sang kulto – nga gusto lang magkontrolar sa ila – nagakuha sang ila nga kuwarta!
- Ano ang pinakaimportante sa aton kabuhi – ano ang aton pagbalor sa iban…
- Importante gid bala kon ano kadamo ang kuwarta/edukasyon sang iban…
- Ukon ang pinaka importante amo ang ila panglakaton – ang ila pagtuo sa Dios…
- Indi pagtahura ang kon sin-o man tungod nga manggaran ukon may tinapusan…
- Tahura ang isa ka tawo tungod sang iya gugma kay Jesu-Cristo!
- Si Pablo wala gid nagpabugal sing una – sa iya nga kahuya? – Bangod indi siya maayo?
- Sa paggamit sang dako nga sarkasmo – ginpakita ni Pablo ang kabuangan sang simbahan…
- Ang simbahan gusto nga magpamati sang pagpabugal – gani si Pablo nag pakabuang kag nagpabugal…
- Agod nga mapakita ang matu-od nga pamatasan sang mga Sayop nga manunudlo…
- 2nd –Ang pagpabugal ni Pablo… vs. 22-29
- Si Pablo nag pabugal nga labing-dako siya sang sa mga sayop nga manunudlo paagi sa duha ka pamangkot…
- 1st – Sila bala mga Judio… vs. 22
- Ang mga Judaizer nagasiling nga mataas sila bangod halin silasa Israel…
- Nagapabugal sang ila palanublion – nga mga anak ni Abraham – labaw sa mga gentil nga kasimbahanan…
- Apang si Pablo isa man ka Hebreo – anak man ni Abraham – kag wala man ini sang kahulugan…
- Filipos 3:5-7 – “Tungod nga sang walo pa lang ako ka adlaw gintuli na ako. Israelinhon ako, kay sakop ako sang tribo ni Benjamin matuod gid ako nga Judio. Sadto anay ini tanan nga butang ginkabig ko nga importante, pero subong ginakabig ko ini nga wala sing pulos tungod kay Cristo.”
- Ang kaluwasan indi na base sa kon sino ka – ini nahanungod sa kon sin-o ang aton kilala!
- Wala sang sapayan kon Judio ukon Gentil – Filipino ukon Mexicano – Galacia 3:28
- Bisan sino pa kita, isa lang ang alagyan para maluwas – Pagtu-o kay Jesu-Cristo!
- 2nd – Sila bala mga Ministro ni Cristo… vs. 23-28
- Ang mga Judaizer ginakabig nila nga sila ang mga ministro ni Jesus – labaw sa tanan…
- Si Pablo mas labing-maayo nga ministro – apang wala nagapakita sang iya nga mga kredensyal…
- Sa baylo ginagpakita niya ang iya pagtawag paagi sa pag-antos para kay Cristo – 3 ka butang…
- 1st – Si Pablo nagapadayon nga naga-atubang sang mga problema tungod sa Maayong Balita…
- Gin haboy siya sa prisohan indi mag kulang sa lima ka nagkalain-lain nga mga tion…
- Gin aresto sa Filipos – Binuhatan 16 – sang ginpa-ayo niya ang ginsapi-an nga bata nga babayi…
- Gin aresto siya sa Jerusalem – Binuhatan 22 – sang nagkadto siya sa Templo…
- Gin aresto sa Maritime sa Caesarea – nag tindog siya sa bista ni Felix / Festus / kag Agrippa…
- Ginpadala siya sa Roma – kon sa diin nag tindog siya sa bista sa atubang ni Caesar Nero – Binuhatan 28…
- Kag ang ulihi nga tion ang pag-aresto sa iya sa Roma – kag gin pugutan siya- II Timoteo 4:6
- Lima ka tion nga si Pablo gin balbal sing 39 ka lapdos…
- Ang paglapdos isa ka pamaagi sang iterogasyon sang mga Romano–ginatuyo nga makakuha sang pagkumpisar…
- Ang isa ka priso gina higtan sa poste – nga naga duko nga ang likod kita-on…
- Ang 39 ka bunal halin sa 2’ nga panit nga putik – may nagatudok nga metal/ tul-an/ kristal…
- Makapilas kag maka abri sang unod sa likod – madala ang imo kaunuran kag panit – makita ang imo tul-an…
- Madamo nga priso ang indi makaluwas sa pag bunal – trauma / pagkadula sang dugo
- Ang rason sang 39 ka bunal – kalooy – Ang kasuguan naga mando sing 40 – Deuteronomeo 25:3
- Tatlo ka beses nga gin bakol si Pablo sang Bilugon…
- Isa lang ka pagpangbunal ang nasulat sa Biblia – Binuhatan 16:22...
- Ini isa ka ilegal nga gawi – si Pablo isa ka banwahanon sang Roma kag wala gin akusar…
- Sa baylo nga mangin mapait kag may kaakig – Siya kag si Silas nagkanta sang pagdayaw sa prisohan!
- Ang Dios nag padala sang linog nga nag huklas sang kadina – kag nag abri sang ganhaan sang prisohan…
- Mahapos nga mag kaakig/ maugot kon ang kabuhi mabudlay – kag ang mga butang indi maayo
- Nagapanghunahuna kita – kon paguhaon mo ako diri sa kahimtangan nga ini Ginoo – akon ka nga dayawon…
- Apang kon handa kita nga mag dayaw sa Dios sa tion sang kabudlayan – ang Dios naga hilway sa aton!
- Sang si Pablo gin-bato siya asta mapatay – Binuhatan 14:9…
- Ang mga katawhan sa Lystra nagapinsar nga si Pablo Dios sang Greiego bangod nga gin-ayo niya ang tawo…
- Sang pagkadto sang mga Judio – ila nga gin haylo ang mga tawo nga batohon si Pablo
- Apang pagkatapos nila nga mag halin – nagbangon si Pablo – kag nagbalik sa syudad!
- Ginapinsar ko nga ang nagligad ni Pablo amo ang nag-inspirar sa iya…
- Si Pablo nakabalo nga ginpatawad na siya sa iya nga pagbulig bato sa kay Steven – Binuhatan 7…
- Amo nga may ara man siya sang gugma kag kaluoy sa mga nag tinguha sa pagpatay sa Iya….
- Ang mga tawo maatake sa aton – nagahatag sa aton sang kabudlayan – apang tungod kinahanglan nila si Jesus …
- Pareho man kita sa ila antes ginluwas kita sang Ginoo…
- Amo pa gid ang rason nga dapat magsugid sang Maayong Balita sa ila!
- Ang paagi nga makita kon ano ang balor sang isa ka butang – pila ang imo ibayad…
- Kon handa ka magbayad sang P10 para sa isa ka singsing – ini wala sang dako nga bili…
- Kon handa ka magbayad sang P10,000 – isa ini ka may bili nga alahas…
- Si Pablo handa magkadto sa prisohan – kalalat-an kag pagbunal – bisan pa nga batohon siya tungod kay Jesus!
- Mahapos mag baton sang dayaw sa ‘pag-alagad sa Ginoo’ – nagabili sang wala…
- Apang pila ka mga tawo ang handa magkadto sa prisohan agod nga maka ‘alagad sa Ginoo’…
- Ano bala ka malahalon ang Ginoo para sa imo – ano ayhan kadako ang ibuy-an mo para kay Jesus!
- 2nd – Si Pablo ara PIRME sa peligro tungod sang Maayong Balita…
- Nalunod ang sakayan ni Pablo tatlo ka beses – Binuhatan 27…
- Ang kinaandan nga pagpanglakbay sa tion ni Pablo – amo ang pag sakay sa bangka…
- Madamo na ang biyahe ko nga sakay ako sa eroplano – kon nag crash ini bisan kaisa lang, indi na gid ko magsakay liwat…
- Pero si Pablo indi lang isa ka ‘crash’ – tatlo gid – kag padayon siya gihapon…
- Wala sang makapugong sa iya sa pagpalapnag sang Maayong Balita…
- May peligro siya sa mga kawatan – sang una, peligro na ina, pareho lang subong…
- Kon nagalakbay ka sa indi pamilyar nga teritoryo – may matilaw gid nga kawatan ka…
- May abyan ako nga naghimo sang missions work sa mga bukid sang Nepal…
- Ginkawatan siya sang mga rebelde nga Komunista – nagpakunokuno siya nga indi siya kaintiende sang ila lengwahe…
- Padayon siya nga may peligro sa mga Judio – bisan diin siya magkadto ginatinguhaan nila nga patyon siya
- Kuwarenta ka mga Judio ang nagpanaad nga indi sila magkaon asta nga mapatay nila si Pablo – Binuhatan 23:12
- Diutay lang nga butang ang nagatuga sang mas madako nga kaakig sa mga tawo – kaysa maghigugma kay Jesus…
- Kon mas nagatindog kita para kay Jesus – mas mabaskog pa gid ang pamatok sang iban sa aton…
- May peligro man siya sa mga gentil – Binuhatan 19:28-41…
- Si Pablo ang nagtuga man sang isa ka riot sang masobra 25,000 ka mga tawo sa Ephesus…
- Gintilawan niya nga iwali si Jesus sa pwerte ka akig nga guban – ginpunggan siya sang iya nga mga abyan…
- Kon nagpadayon siya, laban nga ginpatay gid siya sang guban!
- May peligro siya sa kamingawan – kag sa mga syudad…
- Wala sang lugar nga layo sa peligro si Pablo – wala sang bisan isa nga indi peligro sa iya…
- Bisan diin magkadto si Pablo – tanan nga iya makilala – nagapangita paagi nga tapuson ang iya kabuhi!
- Ilabi na gid ang mga sayop nga manunudlo!
- Ano gid ka-importante ang magpa-ambit sang Maayong Balita…
- Masami ang mga tawo nagatalikod sa pagpa-ambit kay Jesus tungod lang sa mga magagmay nga rason…
- Naga-ulan – indi ko gusto nga mabasa / may basketball sa TV…
- Kinahanglan nga mabatian sang mga tawo ang Maayong Balita – bisan indi nila gusto nga magpamati sang nahanungod kay Jesus…
- Kon indi nila mabaton si Jesus – ang madangatan nila impierno – gani dapat naton sugiran sila!
- Ang pinakamalain nga obrahon nila amo ang patyon kita – dayon makadto kita sa langit (indi na malain)…
- Sa masami ang pinakamalain nga matabo kon iwali naton si Jesus – amo ang kadlawan kita…
- Kon mapahilayo naton ang tawo sa impierno, ano gid ang diutay nga yaguta – mapuslanon gid ang mangin kaladlawan sang iban…
- Eternal nga destinasyon sang tawo ang aton nga gina-istoryahan – may kapuslanan gid ang makig-away para sa mga tawo!
- 3rd – Nag-antos si Pablo para sa Maayong Balita…
- Permi siya ginakapoy – talagsa lang siya makatulog sang hamuok…
- Nag-antos siya sang kagutom / ka-uhaw – masami ginakulang ang iya panapton nga pambato sa tugnaw……
- II Corinto 4:17 – “Ang mga kabudlayan nga amon ginaantos diri sa kalibutan umalagi lang kag indi gid mabug-at. Kag tungod sang amon mga pag-antos, may ginatigana ang Dios nga balos para sa amon nga wala sing katapusan kag indi gid makatupong sa amon pag-antos.”
- Ang pagsunod kay Jesus indi garantiya nga indi kita mag-agi sa pag-antos sa kabuhi…
- Pero ang kabaliktaran pa ang matabo – Naga-garantiya si Jesus sang pag-antos – Juan 16:3
- Pero makit-an naton – nga magamay lang ina nga mga problema – kon aton ikumpara sa eternidad!
- Kag dugang pa gid ang adlaw-adlaw nga pag-atipan sang mga simbahan sang Dios!
- Wala sang bisan isa ka kinanglanon – isa ka naga-antos nga tumuluo – nga wala nagbatyag si Pablo sang kasakit
- Bisan isa ka ‘karnero’ nga napahilayo sa Ginoo – nga indi ginka-akig ni Pablo…
- Si Pablo isa ka matuod nga manugbantay sang karnero – iya nga gin-obra ang tanan kay iya gid nga ginahigugma ang katawhan sang Dios!
- Ang tanda sang isa ka matuod nga manugbantay/pastor – isa ka tawo nga nagakabuhi para nga mag-atipan sang mga karnero…
- Juan 10:11 – “Ang maayo nga manugbantay desidido nga mapatay para sa iya mga karnero.”
- 3rd – Pagpabugal sa Ginoo… vs. 30-33
- Kon nagapabugal si Pablo – wala siya nagpabugal sang iya kaugalingon nga kaayo…
- Sa baylo ipabugal niya ang iya nga pag-antos – para ipakita nga maluya lang siya!
- Bangod ang mensahe sang Maayong Balita indi nahanungod sa kon paano si Pablo makaluwas sang mga tawo palayo sa sala…
- Ang Maayong Balita nahanungod sa kon paano si Jesus nagkari para luwason sila!
- Mas gusto sang mga tawo nga magtulok sa isa nga pwede nila matandog kag makita…
- Gani mas may huyog sila nga magsalig sa tawo kaysa magsalig sa Dios…
- Ang problema indi kita maluwas sang tawo – kag bisan ang pinakamaayo sa ila magapaslaw gid sa aton…
- Kon itudlo lang naton sila kay Jesus, matuod nga nagahatag kita sang sakto nga sabat…
- Ang aton oportunidad – responsibilidad – ang mangin isa ka billboard nga nagasiling, ‘amo ini ang alagyan pakadto kay Jesus’!
- Halin sa pagsugod sang pagpangalagad ni Pablo – iya nga ginwali si Jesus…
- Pagkatapos gid nga makombertir si Pablo – Binuhatan 9 – nag-umpisa siya nga magwali kay Jesus nga puno gid sang gahom…
- Ang resulta amo ang manugdumala sang syudad sang Damascus gusto nga ipa-priso si Pablo kag ipa-patay
- Binuhatan 9:24 – “Adlaw-gab-i ginbantayan nila ang mga puwertahan sang siyudad, kay patyon nila siya…”
- Amo nga ginpapanaog si Pablo sa sulod sang isa ka basket paagi sa isa ka bintana sa pader sang syudad para nga makapalagyo…
- Halin sa umpisa sang ministeryo ni Pablo – asta gid sa katapusan…
- Wala niya gin-kalimtan ang isa ka simple nga kamatuoran – ang bug-os nga Maayong Balita nahanungod lang gid sa kay Jesu Cristo!