Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 12:1-21
Review…
- I Corinto 10 – Ang problema sang mga sayop nga manunudlo – Judaizers…
- Ang mga Judaizers manunudlo sang relehiyon halin sa Judah – nga nagatudlo nga kinahanglan nga tumanon ang Kasuguan…
- Para nga makabato kag magdaog sa patag-awayan – kinahanglan ni Pablo ang sakto nga armas – ang Pulong sang Dios…
- I Corinto 11:1-15 – indi magpalimbong…
- 1st – Hibaloa ang Leksyon ni Eva – ginatinguha ni satanas nga magduwa-duwa kita sa Pulong sang Dios…
- 2nd – Indi tanan nga mga lideres pareho – ang mga sayop nagademanda sang kwarta..
- 3rd – Magbantay para sa Anghel sang kasanag – nagatinguha sila nga makapanglimbong paagi sa pagpakunokuno nga matuod sila…
- I Corinto 11:16-33 – Pagpabugal sa Ginoo…
- 1st – Kabuangan ang pagpabugal – wala kita sang butang nga indi halin sa Dios…
- Galing kay ang simbahan sa Corinto nagabatas sang pagpabugal sang mga Judaizers..
- Mga tawo nga nag-ulipon sa ila – nagpangawat – kag nagtampa sa ila – Mapabugal man si Pablo…
- 2nd – Ang pagpabugal ni Pablo…
- Nagapabugal ang mga Judaizers nga sila mga Judio – si Pablo amo man – waay man na kaso – Philippians 3:7
- Nagapabugal ang mga Judaizers nga mga ministro sila – mas na gid si Pablo – makita sa iya nga pagpangabudlay…
- 1st – Nagasugata pirme si Pablo sang mga problema tungod sang Maayong Balita – pero may kapuslanan gid ang ini nga mga problema!
- 2nd – Pirme siya ara sa peligro bangod sa Maayong Balita – pero wala sang makapugong kay Pablo nga iwali si Jesus!
- 3rd – Nag-antos si Pablo tungod sang Maayong Balita – kay iya nga ginahigugma kag gina-atipan ang mga katawhan sang Dios!
- 3rd – Pagpabugal sa Ginoo…
- Kon nagapabugal si Pablo – nagapabugal siya sang iya kaluyahon – para indi siya ang tulokon sang mga tawo…
- Kabalo siya nga ang Maayong Balita indi nahanungod kay Pablo – kundi ang Maayong Balita ni Jesu Cristo!
- Kusog sa kaluyahon… (3 ka butang)
- 1st – Pagpabugal sang mga palanan-awon… vs. 1-6
- Bisan wala man kapuslanan ang pagpabugal – padayon nga nagpabugal si Pablo sang iya nga mga panan-awon… vs. 1
- Nakabaton si Pablo sang mga lain-lain nga mga palanan-awon kag pahayag halin sa Ginoo…
- Ang Maayong Balita mismo wala ginhatag kay Pablo sang isa ka tawo…
- Galacia 1:11-12 – “Gusto ko nga mahibaluan ninyo mga utod, nga ang Maayong Balita nga akon ginwali sa inyo indi himo-himo lang sang tawo. Wala ko ini nabaton halin sa tawo, kag wala man sang tawo nga nagtudlo sini sa akon, kundi si Jesu-Cristo ang nagpahayag sini sa akon.”
- Sang ara siya sa dalan nga padulong sa Damascus para maghingabot kag magpatay sang mga Cristohanon – ginsugata siya ni Jesus…
- Binuhatan 9 – Nabatian ni Pablo ang Maayong Balita halin mismo kay Jesus – kag naluwas siya!
- Ang labing-dako nga panan-awon ni Pablo – amo ang langit mismo…
- Ginhambalan ni Pablo ang simbahan – ‘Kilala ko ang isa ka tawo’…
- Naga-alang-alang si Pablo nga mag-ako nga ang panan-awon nga iya ginahambal – iya mismo nga inagyan…
- Nagatuhoy siya sa iya kaugalingon sa 3rd nga persona – ‘May kilala ako nga tawo’ – sa pagtinguha nga mangin mapailubon…
- 14 ka tuig antes niya ginsulat ang sulat sa simbahan – gindala si Pablo sa 3rd nga langit…
- Ang 1st nga langit – amo ang kalawakan sa ibabaw / ang 2nd nga langit amo ang outer space…
- Ang lugar nga ginalaragway ni Pablo – ang 3rd nga langit – amo ang puluy-an sang Dios…
- Wala nahibaloan ni Pablo kon ato to siya nga pisikal – okon napatay siya…
- Mahimo nga ang ini nga eksperiensya resulta sang ginbato si Pablo asta kamatayon – Binuhatan 14
- Napatay siya kag nagkadto sa langit – apang maathag nga indi pa tapos ang Dios sa kay Pablo…
- Amo nga ginpabalik siya – kag nabuhi si Pablo…
- Wala kita sang dapat kahadlukan kon naga-alagad kita sa Ginoo…
- Indi naton pag-ibilin ang ini nga kalibutan kon wala pa kita ginatawag sang Ginoo…
- Kon indin pa tapos ang Dios sa aton – pwede Niya kita nga ipabalik kon kinahanglan Niya!
- Didto sa ‘Paraiso’ nakabati si Pablo sang mga butang nga ginadumili-an siya nga isugid…
- Ang panugda nga ang nabatian ni Pablo tuman nga katahom para nga ibutang sa mga tinaga…
- I Corinto 2:9 – “Wala pa gid sing may nakita, nabatian, ukon nahunahuna ang tawo nga sarang maikomparar sa mga butang nga ginpreparar sang Dios sa mga tawo nga nagahigugma sa iya.”
- Ang langit amo ang pinaka-tilingala nga lugar nga aton mahunahuna – labaw pa sa aton nga imahinasyon!
- Malawig gid nga tinion – literal nga 1000 ka tuig – sa langit para mahayag sang Dios sa aton ang tanan nga ini!
- Efeso 2:7 -“Ginhimo niya ini agod mapakita niya sa tanan, sa palaabuton nga mga inadlaw, ang iya indi matupungan nga bugay kag kaayo sa aton nga iya ginhatag paagi kay Cristo Jesus.”
- Pwede gid tani ni Pablo nga ipabugal ini – pero indi siya…
- Nakita na ni Pablo ang mahimo nga matabo…
- Sa Lystra gintawag nila siya nga dios kay gin-ayo niya ang tawo nga piang – Binuhatan 14…
- Sa Malta abi nila nga dios si Pablo tungod wala siya mapatay sang ginkagat siya sang man-og – Binuhatan 27…
- Hunahunaa kon ano ang obrahon sang mga tawo kon nakabalo sila nga nakakadto na si Pablo sa langit!
- Kabalo si Pablo nga tawo lang siya – kag indi niya gusto nga magdepende sa iya ang mga tawo…
- Ang mga tawo may huyog nga ibutang ang mga lideres nga espiritwal /mga pastor sa babaw sang pedestal…
- May impresyon nga sila mas madako / mas balaan – sang sa iban…
- May peligro kon ang mga tawo magtulok sa isa ka persona/pastor – kay kon mapaslawan siya…
- Kag kon ang aton pagtuo ara sa isa ka di-kahimpitan nga tawo – imbes nga sa isa ka himpit nga Ginoo…
- Kon makasandad ang tawo – makahimo sang kasaypanan – malaglag man kita upod sa iya!
- 2nd – Nagapabugal sa kaluyahon… vs. 7-10
- Para nga mapunggan nga mangin bugalon si Pablo – ginhatagan siya sang Dios sang isa ka tunok… vs. 7-8
- Ginpakamaayo sang Dios si Pablo sang madamo nga mga pahayag kag mga panan-awon…
- May ara gid sang matuod nga tentasyon nga mangin arogante si Pablo – puno sang bugal…
- Gani ginhatagan siya sang Dios sang isa ka tunok – isa ka ‘mensahero ni satanas’ – para nga magpabilin siya nga mapa-inuboson…
- Indi kita sigurado kon ano ini ang tunok ni Pablo – wala niya ginsugid…
- May mga nagapati nga ini isa ka pisikal nga depekto…
- Kabalo kita nga si Pablo may problema sa iya nga mga mata – Galacia 4:15…
- Amo na kon ngaa indi siya mismo ang nagasulat sang iya nga mga sulat…
- Lain nga tawo ang nagasulat samtang ginadikta ni Pablo…
- May ara man nga nagapati nga basi problema ini sa isa ka tawo…
- Pariseo si Pablo – ayhan myembro sang Sanhedrin – Binuhatan 26:10
- Kinahanglan nga may asawa ka para mangin myembro sang nagapamuno nga konseho sang Israel…
- Apang sa tion nga ginsulat niya ini nga sulat, indi na siya kasado – I Corinto 7:7…
- Mahimo nga napatay na ang asawa niya – okon basi ginbiyaan siya sang iya asawa bangod sang pagtuo niya kay Jesus…
- Ang isa ka sadtong-asawa nga may hinakit isa ka mabudlay nga tunok nga lulukdohon sang isa ka apostol…
- May mga nagapati man nga ini isa ka pagsulay…
- Ordinaryo nga tawo si Pablo – sigurado nga naga-atubang man siya sang mga tentasyon pareho man sa aton…
- Ayhan ginatentar sang mga babayi / okon kwarta / kon kabantugan okon himaya…
- Kon ano man ina – malain gid kay gintawag ini ni Pablo nga – ‘isa ka mensahero ni satanas’…
- Maayo nga indi kita sigurado kon ano gid ang ini nga tunok…
- Tungod ang kada isa sa aton may ara man sang aton nga bersion sang ‘tunok’…
- Mahimo nga isa ka pisikal nga problema – isa ka masakit okon kabudlayan nga ara sa aton kabuhi kada adlaw…
- Okon basi may isa ka tawo sa aton kabuhi – nga aton ginapangabay nga magpalayo…
- Okon isa ka pagsulay – nga padayon nga nagatilaw kag nagahatag sang kalisod
- Kag indi kita maka-intiende kon ngaa indi na lang pagkakason sang Dios sa aton kabuhi!
- Tatlo ka beses nga ginpangabay ni Pablo sa Dios nga kakason ang ini nga ‘tunok’ … vs. 9-10
- Kag tatlo man ka beses nga ginsabat siya sang Dios nga indi – nagpabilin ang tunok…
- Tatlo man ka beses nagpangabay si Jesus sa Hardin nga kakason sang Dios ang Iya nga ‘tunok’ – ang krus…
- Hebreo 5:8 – “Kag bisan Anak siya mismo sang Dios, natun-an niya ang pagkamatinumanon paagi sa mga pag-antos nga iya naagihan.”
- Masami wala ginapalos sang Dios ang aton nga mga problema –mahimo pa gani nga pasugtan niya nga maglala ini…
- Kon mag-abot ang kalisod – ang aton una nga reaksyon amo ang magsalig sa aton kaugalingon…
- Apang mahimo nga ‘pa-initon’ pa gid sang Dios – asta nga indi na naton masarangan lukdohon ang aton problema…
- Amo nga mahibal-an naton nga bastante na ang grasya sang Dios…
- Kon tanan nga butang sa kabuhi himpit – indi na magsalig si Pablo sa Ginoo…
- Mahimo nga nagpabilin siya nga nagdepende – kag nalimitahan sang iya kaugalingon nga abilidad…
- Ang aton nga pagtinguha – aton abilidad – masami amo ang naga ‘limita’ sang obra sang Dios…
- Kon nagasalig kita sa aton kaugalingon – aton abilidad – aton nga pag-hangop – maluya kita…
- Apang sa aton nga kaluyahon – Ang kakusog sang Dios perfecto …
- Nagapabugal kita sang aton nga kusog – pero ano ang aton nga kusog kon ikumpara sa kusog sang Dios…
- Ang kakusog wala nagahalin sa kwarta / poder / impluwensya / bisan sa kon sin-o ang imo nga mga kilala…
- Ang matuod nga kusog naga-abot kon aton marealisar nga indi kita makusog – sa matuod lang, maluya kita…
- Ang problema limitado kita – limitado ang tion / talento / kwarta / abilidad…
- Pero wala sang limitasyon ang Dios – Ara sa Iya ang tanan nga tion / talento / kwarta nga ginakinahanglan naton!
- Sa paghangop sini – wala kita nagasalig sa aton nga kusog – nagadepende kita sa kusog sang Ginoo!
- Kon nagatulok kita sa Ginoo – nagadepende sa Ginoo – indi kita mapunggan!
- Nagakalipay sa tunga sang mga problema…
- Gani nagasiling si Pablo nga nagapabugal siya sa iya nga kaluyahon – para mapakita niya ang gahom ni Jesus!
- Sang si Pablo gin-insulto / ginhingabot / nagakinahanglan / okon may problema – malipayon siya…
- Kay kon mag-abot ang mga problema – kabalo siya nga sa iya nga kaluyahon pinakamakusog gid siya!
- Masami kita nga naga-agi sa pinakadamo nga problema sa kabuhi kon magpinsar kita nga maayo na gid kag tawhay ang aton kabuhi…
- Amo ina ang tion nga patago nga nagasulod si satanas – kay mahapos gid kita nga mabiktima…
- Nagasalig kita sa aton kaugalingon nga kusog – wala kita nagadepende kay Jesus…
- I Corinto 10:12 – “Gani kon nagahunahuna kamo nga ang inyo pagtuo malig-on na, mag-andam kamo kay basi kon makasala man kamo.”
- Amo na nga sa madason nga tion nga ang imo kabuhi daw maguba – mangin malipayon ka – ginahatagan ka sang kakusog sang Dios…
- 3rd – Ang tagipusoon sang isa ka amay… vs. 11-21
- Nahuya si Pablo sang iya nga ‘pagpabugal’… vs. 11-13
- Wala na tani sang kinahanglan – ang simbahan tani ang magpabugal nahanugnod kay Pablo…
- Indi nagkulang si Pablo sa iya nga pagka Apostol – mapailubon nga ginpamatud-an ni Pablo ang iya kaugalingon …
- Maathag nga madamo siya nahimo nga makusog nga mga tanda kag katingalahan sa simbahan…
- Wala sang ginrekord si Pablo para sa aton – basi tungod indi niya gusto nga magtikal…
- Pwede naton nga haumhaumon nga pareho lang ini sa mga nakarekord sa libro sang Binuhatan…
- Si Pablo – nagpang-ayo sang nagamasakit / nagtabog sang mga demonyo/ nagpabanhaw pa gani sang napatay!
- Wala ginlista ni Pablo ang iya kaugalingon nga mga tanda kag mga katingalahan – kay nakabalo siya nga wala gid siya…
- Hulubaton 27:2 – “Indi pagdayawa ang imo kaugalingon; pabay-i nga ang iban ang magdayaw sa imo.”
- Kon makasugata ka sang manunudlo/pastor nga nanamian gid magtikal sang iya nga mga ‘mabaskog nga mga gin-obra’…
- Basi maayo pa nga maghalin ka – kag magsaylo sa lain nga simbahan…
- Mahimo nga usaron kita sang Dios – kag maghimo sang mga katilingala nga obra paagi sa aton – pero…
- Wala kita nagabaton sang sang kadayawan – tanan nga kadayawan kag himaya dapat nga ihatag sa Dios!
- Isa ka butang nga indi masiling tuhoy kay Pablo – nga pabug-at siya sa simbahan – 2 ka rason… vs. 14-19
- 1st – Indi gusto ni Pablo nga ’magkunol ang balatyagon’ sang simbahan tungod sa wala untat nga pagpangayo sang kwarta…
- Wala gid ginpasugtan ni Pablo nga ang simbahan ang masuporta sang iya nga mga kinahanglanon pinansyal…
- Ang una nga tion sang gintukod niya ang simbahan / ang ikaduwa nga tion antes niya ginsulat ang malubha nga sulat…
- Subong makari si Pablo sa iya nga ikatlo nga pagbisita – kag pareho lang gihapon…
- Kon padayon nga nagapangayo sang kwarta sa mga tawo – ginakapoy man ang mga tawo…
- Makulbaan ka na nga magkadto ang pastor – kon magtikab na ang iya nga bibig…
- Nagakunol ka na sa Pulong – tungod nagahaumhaum ka nga kwarta lang ang iya tinutuyo!
- 2nd – Tungod nga ang kabataan indi ang dapat nga mag-atipan sang ila nga mga amay…
- Si Pablo indi interesado sa kon ano ang iya makuha sa simbahan…
- Makari siya tungod sang iya nga labing-dako nga paghigugma sa mga katawhan sa simbahan!
- Sa matuod lang, handa si Pablo nga GASTOHON ang tanan nga ara sa iya para sa simbahan…
- Iya nga ihatag ang iya nabilin nga piso / ang iya nabilin nga kusog…
- Bisan nahibaloan niya nga kon mas palanggaon niya sila – mas diutay ang ila nga ibalik nga pagpalangga…
- Ang isa ka amay handa nga maghimo sang bisan ano para sa iya nga mga anak – para nga magdako sila nga mabaskog…
- Pero ang mga amay ma-agi gid sang tion nga kinahanglan nila batason nga wala sila gina-apresyar sang ila nga mga anak…
- Ina ang ginatawag nga ‘teen years’ – bisan ano ang obrahon sang tatay kulang gihapon…
- Kag ang simbahan sa Corinto naga-agi sa ini nga ‘teen’ years…
- Madali magpalangga sang isa ka tawo – kon iya ka man nga ginapalangga – kag nagapakamaayo siya sa imo…
- Paano ya kon iya ka nga ginaduplaan sa guya – kon bisan ano ang himoon mo kulang gihapon…
- Ang tanda sang Higugma ni Jesus amo ang imo nga higugmaon bisan ang imo kaaway!
- Lucas 6:27 – “Pero kamo nga nagapamati sa akon, nagasiling ako sa inyo nga higugmaa ninyo ang inyo mga kaaway kag maghimo sang maayo sa mga wala nagahigugma sa inyo.”
- Mga balibad para matago nila ang sala… vs. 20-21
- Gina-akusar si Pablo nga nagapamentaha sa simbahan…
- Ginhangkat niya sila nga magpa-athag kon paano – wala gid sang may ginkuha nga kwarta si Pablo sa ila…
- Tanan nga nagkari upod kay Pablo – Titus / kag iya utod – wala gid sang may ginbaton nga kwarta (pareho nga espirito)…
- Wala ginahambal ni Pablo ini para depensahan ang iya nga mga hulag – iya nga ginapreparar ang simbahan…
- Sang nagkari siya , nakulbaan siya sa kon ano ang iya nga makita – isa ka simbahan nga nalunod sa sala…
- Puno sang kahisa / inaway / ka-akig / maiya-iyahon / kutso-kutso / imoralidad…
- Tanan nga problema nga gintilawan ilubad ni Pablo sa una niya nga epistola – asta subong problema man gihapon…
- Ang mga akusasyon nga ginahaboy nila batok kay Pablo – ila nga paagi para makalikaw sila sa sukmat sang ila nga mga sala…
- Indi magpatublag si Pablo – tuman ang iya paghigugma sa ila nga indi niya pwede nga pabay-an na lang nga magpadayon ang sala!
- Kaangay sang isa ka amay sa isa ka rebelde nga pamatan-on – iya nga pagatadlungon ang simbahan kon magabot na siya…
- Kon ang mga tawo nasiod sa sala – kag indi nila luyag nga magbag-o…
- Tilawan nila nga ipasa ang ila nga salabton sa iban – ibasul sa ila para nga mas maayo ang ila pamatyag…
- Tilawan nila nga isaylo ang igtalupangod palayo sa ila – para indi makita ang ila sala…
- Apang sa ulihi dapat nga mangin handa kita nga kalimtan ang mga atake – mga insulto…
- Higugmaa ang mga tawo para mapamatukan mo ang ila nga sala – agod nga makapanumbalik sila kay Jesus!