Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
II Corinto 13:1-14
Review…
- I Corinto 10 – Ang Problema sang mga sayop nga manunudlo – Judaizers…
- Ang mga Judaizer amo ang mga relihiyoso nga manunudlo halin sa Judah – nagatudlo sila nga dapat tumanon ang Kasuguan…
- Agod makabato kag magda-og sa pakigaway – si Pablo nagakinahanglan sang sakto nga armas – ang Pulong sang Dios…
- I Corinto 11:1-15 – Indi magpalimbong…
- Indi tanan nga lider palareho – ang mga sayop nagademanda sang kuwarta…
- Magbantay sa Angel sang kasanag – ginatinguhaan nila nga makapangtiplang paagi sa pakunokuno nga matuod gid sila…
- I Corinto 11:16-33 – Ang Pagpabugal sang mga kabudlayan…
- Isa ka kabuangan ang pagpabugal – wala kita sang ginapanagiyahan nga indi naton ginbaton halin sa Dios…
- Kon si Pablo magpabugal – nagapabugal siya sang iya kabudlayan – para ang mga tawo indi magtulok sa iya…
- Nahibal-an niya nga ang Maayong Balita indi nahanungod kay Pablo – kundi Maayong Balita ini ni Jesu Cristo!
- I Corinto 11:16-33 – Pagpabugal sang kaluyahon…
- Pagpabugal sang mga panan-awon – Ginhatagan sang Ginoo sang pinasahi nga mga panan-aw si Pablo…
- Ang labing-dako amo ang langit mismo – makatilingala gid nga indi malaragway gamit ang mga tinaga…
- Pwede gid tani ipabugal ni Pablo – sa baylo, iya nga ginpabugal ang iya kaluyahon…
- Isa ka tunok sa iya nga unod ang ginhatag kay Pablo…
- Tatlo ka bes niya nga ginpangabay sa Dios – nangin perfecto ang kusog sang Dios sa kaluyahon ni Pablo!
- Gani si Pablo nakatuon nga magkalipay sa tunga sang pagtilaw kag problema – kon nagaluya siya, ang Dios nagabaskog!
- Ang tagipusoon sang isa ka amay – makadto si Pablo sa ikatlo nga tion balik sa simbahan…
- Wala siya sang kuhaon nga bisan ano sa ila – ang isa ka amay nagatipon para sa iya nga mga anak…
- Daw kaangay sila sang mga rebelde nga mga teenagers – kon mas palanggaon sila ni Pablo – mas naga-gamay ang ila nga pagpalangga kay Pablo…
- Nakulbaan si Pablo nga kon mag-abot siya, makit-an niya nga nalubong sila sa ila nga daan nga pang-gawi…
Ang ulihi nga Pagpanghankat ni Pablo… (3 ka butang)
- 1st –usisa-a inyo kaugalingon… vs. 1-6
- Makari si Pablo si Pablo sa simbahan sang Corinto sa ikatlo nga bes… vs. 1
- Ang una nga bes amo ang pagtukod niya sang simbahan – 3rd missionary journey – Binuhatan 19-20
- Ang ikaduha nga bes amo ang sang 3 ka tuig niya nga pag-tener sa Ephesus – II Corinto 2:1…
- Subong makari siya sa simbahan sa ulihi nga bes- iya nga ikatlo nga bisita…
- Tungod sang mga balita sang duwa okon tatlo ka mga saksi…
- Subong na ni Pablo mapamatud-an ang espiritwal nga kahimtangan sang simbahan…
- Deuteronomeo 19:15 – “Kinahanglan nga may duha ukon tatlo ka saksi nga makapamatuod nga ang isa ka tawo nakasala.”
- Ang una nga pagkari ni Pablo amo ang pagkilala niya sa mga tawo kag sa simbahan sa Corinto…
- Ang ikaduwa nga pagkari gintuga sang kinahanglanon nga pagtadlong sang mga problema sa simbahan…
- Ang ikatlo nga pagkari – ang tatlo ka saksi – ang mapahayag sang matuod nga kinaiya sang mga tumuluo…
- Ang una nga impresyon mabaskog gid – ang aton nga paghunahuna tuhoy sa isa ka tawo sang una naton siya makilala…
- Apang indi ini pirme nga insakto – madugay nga tinion antes naton makilala ang matuod nga persona sang tawo…
- Kon bag-o pa lang nag-usbong ang tanom – daw mabudlay mahibal-an kon ano klase nga prutas ang ibunga sini…
- Sa amo man nga paagi, dapat nga mangin mapailubon kita sa iban – hulaton naton ang bunga…
- Gnisabdong na ni Pablo ang mga nagasala sadtong iya nga 2nd nga pagkari… vs. 2-4
- Sa iya nga 3rd nga pagkari, indi siya mangin mas malulo – indi niya paglikawan sila…
- Madamo pa ang nagahunahuna nga maluya nga tawo si Pablo…
- Apang ipakita niya sa ila ang ila nga ‘pamatuod’ nga si Jesus nagapamulong paagi sa iya…
- Si Jesus ‘maluya ’ man – sang ginsang-at siya sa krus agod nga mapatay para sa mga sala sang tanan nga tawo …
- Apang ang ‘kaluya’ sang krus – amo ang nagdala sang ‘gahom’ sang kaluwasan!
- Pareho man nga nangin malulo si Pablo sa mga tumuluo sang layo siya sa ila…
- Pero sa pagbalik niya – mapukpok gid ang martilyo – makari siya sa ‘gahom’!
- Indi pagpasugtan ni Pablo ang mga ara sa simbahan nga magpadayon sa pagkabuhi sa sala…
- * Roma 6:1-2 – “Karon ano ang aton masiling? Magpadayon bala kita sa pagpakasala agod magdugang pa gid ang bugay sang Dios sa aton? Indi gid! Indi mahimo nga magpadayon kita sa pagpakasala kay napatay na kita sa sala?”
- Ginhatagan kita sang Dios sang MAKATILINGALA nga dulot sang Iya grasya – tanan nga sala naton napatawad paagi kay Jesus…
- Apang ang grasya indi pahanugot nga magkabuhi kita nga pagusto – magkabuhi sa sala…
- Ang ‘Bugay’ sang Dios amo ang gahom nga ‘indi magsala’ – hilway nga magkabuhi para kay Jesus!
- Ang pagpadayon nga pagpangabuhi sa kasalanan – nga naga-usar sang ‘bugay’ bilang balibad – isa ka pag-abuso sang regalo sang Dios!
- Wala kita nagatuhoy sa talagsa nga kasaypanan nga makasala – kundi ang pagpangabuhi nga padayon nga nagapakasala!
- Gani usisaa ang inyo nga mga kaugalingon… vs. 5
- Ginhangkat ni Pablo ang simbahan nga mag-agi sa isa ka pagtilaw…
- Tuloka sang maayo ang inyo kaugalingon nga kabuhi – kag lantawa kon tuod-tuod gid ang inyo pagtuo…
- Ang aton kabuhi pagkatapos naton nga magtuo kay Jesus dapat mangin lain na – Nag-bag-o na…
- * Santiago 2:17-18 – “Amo man ang pagtuo; kon wala ginaupdi sang maayo nga mga binuhatan, ina nga pagtuo wala sing pulos…”
- Madali magsiling nga may ‘pagtuo’ kita kay Jesus – pero ang pamatuod ara sa aton nga mga binuhatan…
- Kon magsiling kita nga Cristiano kita – pero nagakabuhi nga pareho lang sang kalibutanon – may ara gid bala kita sang pag-tuo….
- Aton nga ginatawag ang aton kaugalingon nga Cristiano – apang kon padayon kita nga naga-sala – Cristiano gid ayhan kita…
- Wala naton ginasiling nga bilang tumuluo wala gid kita sang kasaypanan…
- Pero bilang tumuluo – kon makasala kita – dapat nga may paghinulsol – pagtuad – pagtalikod sa sala…
- Kon wala sang kasubo – wala sang paghinulsol sa sala – may rason gid nga magkabalaka!
- Kon indi nyo masiling nga ara si Jesus sa tunga ninyo – napaslawan kamo sa pagtilaw…
- Kon ang aton nga pang-gawi pareho lang (okon mas malala) sang sa kalibutan – diin si Jesus…
- Kon nagatingala ka kon diin na ang panglakaton mo upod sa Ginoo – usisaa ang imo nga kaugalingon…
- Magtindog ka sa kasanag ni Cristo kag mangin matinuod ka tuhoy sa kasalanan sa imo nga kabuhi…
- * I Juan 1:7 – “Pero kon nagakabuhi kita sa kasanag, subong nga ang Dios kasanag, may paghiusa kita, kag ang dugo ni Jesus nga Anak sang Dios nagatinlo sa aton sa tanan ta nga mga sala.”
- Nagakabuhi bala kita nga nagapakasala – kag wala ginasapak ang kombiksyon sang Balaan nga Espirito sa aton kabuhi…
- Okon ginpatawad na kita paagi sa bugay – wala nagakabuhi sa sala – kundi nagakabuhi para kay Jesus!
- Nagalaum si Pablo nga nahangpan sang simbahan – nga nakapasar si Pablo sa pagtilaw… vs. 6
- Ang panugda amo nga madasig nga ginhukman sang simbahan si Pablo – pagtalupangod sang iya mga kapaslawan…
- Pero indi sila pareho ka sagad sa pag-usisa sang ila kaugalingon…
- Masami nga mas mahapos makita ang diprensya sang iban – kaysa aton kaugalingon nga kasaypanan…
- Basi mas gusto naton nga magtutok sa iban – para nga indi matalupangdan ang aton nga mga kakulangan…
- Apang responsibilidad lang naton ang aton kaugalingon nga mga kasaypanan – diprensya…
- Imbes nga itudlo ang mga sala sang iban – dapat naton mangin matinud-on nahanungod sa aton nga mga sala!
- 2nd – Himu-a ang maayo… vs. 7-10
- Ginpalig-on ni Pablo ang simbahan nga indi maghimo sang bisan ano nga sala … vs. 7
- Indi para sa benepisyo ni Pablo – kundi para sa ila nga benepisyo…
- May bug-os nga awtoridad si Pablo bilang Apostol nga tadlongon kag laygayan ang simbahan…
- Pero kon wala sila sang gin-obra nga sala – wala sang rason nga tadlongon sila…
- Indi pagpasugti nga ang inyo nga kahilwayan – ang magdala sa inyo sa pagka-ulipon sa sala…
- I Corinto 6:12 – “Ayhan may magasiling, “Puwede ako maghimo sang bisan ano.” Matuod ina, pero may mga butang nga indi makabulig sa imo. Gani bisan ginatugot sa akon ang maghimo sang bisan ano, indi ako magpaulipon sa bisan ano.”
- Sa madamo nga bahin sang aton kabuhi, wala kita nahigot sa mga pagsulundan – may kahilwayan kita…
- Pero bisan may kahilwayan kita – indi tanan naton nga ginahimo ‘maayo para sa aton’…
- Sa matuod lang – ang bisan ano nga butang nga ginabutang kita sa idalom sang iya nga ‘gahom’ – indi maayo para sa aton…
- Ayhan ma-inom kita sang matalagsahon – sala bala ina – indi man…
- Ang pamangkot maka-untat bala kita – sin-o ang nagakontrol – kita okon ang bisyo…
- Kon wala na kita nagakontrol sang aton ‘kahilwayan’ – indi na ini maayo…
- Basi may isa ka butang sa imo kabuhi nga nagasulod sa imo panghunahuna subong…
- Isa ka butang nga ginkombiktir ka na – gusto mo nga untaton – pero indi mo mauntat…
- Kon gusto naton nga untatan – pero indi masarangan – wala na kita sang kontrol sang aton kabuhi…
- Nasiod na kita sa patibong sang sala – kag aton kinahanglan si Jesus para ihilway kita!
- Ang pinakamaayo nga paagi nga maglikaw sang problema – amo ang maglikaw sang pag-obra sang sala…
- Ang pinakamaayo nga solusyon sa sala – amo ang likawan ini – likawan ang sulay…
- Kon ginasulayan ka nga mag-inom – kon sa pinsar mo makompromiso ka – palayo!
- Mangin responsable – indi magsalig sa imo kaugalingon – kon may kahigayunan – makasala ka gid!
- Kon makita mo nga ginasulayan ka – malagyo ka na…
- * II Timoteo 2:22 – “Gani likawi gid ang malain nga mga handom sang mga pamatan-on. Himulati nga mangin matarong ang imo kabuhi, masaligan, mahigugmaon, kag maayo ang imo relasyon sa iban, kaupod sang mga tawo nga nagadangop sa Ginoo nga may matinlo nga tagipusuon.”
- Indi magkabalaka sa ginapinsar sang iban – indi pagtilawi ang kusog sang imo nga determinasyon– palayo ka na lang…
- Indi patas sa bili sang imo nga reputasyon – indi man patas sa bili sang imo bugal – ang magrisgo nga mahulog sa sala
- Namian kita nga magpinsar nga makusog kita – nga makahimo kita sang mga sakto nga desisyon…
- Isa lang gid ka tion sang pagkaluya – para makahimo sang malain nga pagpili…
- Mangin mainalamon – mangin listo – magbantay pirme / kag magdalagan kon ara ang pag-sulay!
- Malipay si Pablo nga mangin ‘maluya’ – kon nagakahulugan nga ang simbahan mangin hamtong… vs. 8-10
- Mangin kalipay tani ni Pablo – nga indi na tani magkari sa ‘gahom’ para nga tadlungon ang simbahan…
- Ginhandom niya nga mangin ‘perfecto’ sila (diri lang sa NT) – napasag-uli sa ila nga relasyon sa Dios!
- Kaangay sang isa ka maayo nga amay – Simple lang nga ginhandom ni Pablo nga ang simbahan nga magtubo kag mangin hamtong…
- II Juan 4 – “Nalipay gid ako sang pagkahibalo ko nga may mga anak ka nga nagasunod sa kamatuoran.”
- Indi niya gusto nga magkari siya nga may dala nga lipak – para tadlungon kag disiplinahon ang mga santo…
- Wala sang amay nga gusto silutan ang iya nga mga anak – amo ini ang pinakabudlay nga ulubrahon sang amay…
- Pwerte gid ako ka ‘sutil ’ nga bata – pirmi gid ako maabtan sang problema…
- Nga nagakahulugan nga daw halos adlaw-adlaw ako ginahanot sang akon tatay…
- Pirmi niya nga ginahambal sa akon nga – ‘mas masakit ini para sa akon kaysa para sa imo’…
- Wala gid ko nagapati sa iya – asta nga nagdako na ako kag akon nga naintiendehan…
- Indi gid gusto sang akon amay nga silotan ako – Nagalalain siya kon makita niya nga nasakitan ako…
- Galing palangga niya gid ako nga indi niya mapabay-an nga makapagusto ako himo sang sala!
- Indi niya gusto nga magpadayon sila nga maglakat sa sala nga alagyan…
- * Hebreo 12:5-8 – “Siguro nalipatan na ninyo ang laygay sang Dios sa inyo bilang iya mga anak. Indi bala nagasiling sa Kasulatan,Anak, indi pag-ibaliwala ang pagdisiplina sang Ginoo sa imo. Indi ka magkaluya kon ginasabdong ka niya.Kay ginadisiplina sang Ginoo ang iya mga ginapalangga, kag ginahanot niya ang tanan nga ginakabig niya nga iya mga anak…”
- Tam-an gid ang paghigugma sang Dios sa aton nga indi Niya kita mapabay-an nga makapagusto sang sala – amo nga nagasilot Siya sa aton…
- Indi tungod nga akig siya sa aton – kundi tungod sang Iya nga labing-dako nga gugma para sa aton!
- Handom sang Dios nga tudloan kita – mga anak Niya – kon paano magkabuhi sang putli kag balaan nga kabuhi
- Kaangay sang bisan sin-o nga bata – nabudlayan gid kita nga magpati nga ini para sa ‘aton nga kaayuhan’…
- Apang kon gina ‘disiplina’ kita sang Ginoo – ini nagapamatuod nga Iya kita nga mga anak!
- 3rd – Mangin kumpleto… vs. 11-14
- Mga patapos nga mga mando (Imperative) ni Pablo… vs. 11
- Mangin kumpleto – perfecto sa kay Cristo…
- Wala man ginapinsar ni Pablo nga wala na sang maabot nga problema sa simbahan…
- Pero gusto niya nga mabiyaan na nila ang ila nga pagka-pamatan-on nga pagka-rebelde…
- Nga magtubo na sa ila pagka-adulto – nga hamtong sa ila nga panglakaton kay Jesus…
- Kon bag-o pa lang kita sa Ginoo – madamo ang indi pa naton maintiendehan…
- Madamo nga kasaypanan ang aton nga maagyan – kag kabudlayan para nga malandas ang aton nga sala…
- Apang indi kita dapat nga magpadayon nga amo sina – samtang nagatuon kita sang Pulong sang Dios- dapat nga magtubo kita…
- Daw kanami lang magpadede sang gamay nga lapsag – indi ka makibot kon maghigko siya sa iya nga diaper
- Pero kon ang isa ka tigulang na nagadede pa – kag nagasuksok sang diaper…
- * Hebreo 5:12 – “Dapat kuntani mga manunudlo na kamo kay dugay na kamo nga nagtuo, pero pareho gihapon kamo sa mga lapsag nga nagakinahanglan sang gatas tungod kay indi pa kamo makakaon sang matig-a nga mga pagkaon…”
- Bilang mga tumuluo ni Jesus dapat lang kita nga maghinguyang sang aton nga tion sa Pulong sang Dios…
- Magtubo sa Ginoo asta nga makatudlo na kita sa iban tuhoy kay Jesus!
- Mangin isa ka maayo nga pagpalugpay – mag-inupdanay sa pagpalig-on sang isa kag isa sa kay Jesus
- Indi magtutok sa imo lang nga panglakaton kay Jesus – ipa-lig-on mo man ang imo nga utod…
- Kon may ginabudlayan tungod sang sala – ginatawag kita nga magbulig…
- Galacia 6:2 – “Magbinuligay kamo sa inyo mga problema. Tungod nga kon amo ini ang inyo himuon matuman ninyo ang sugo ni Cristo.”
- Mangin pareho sa paghunahuna- magdala sang paghiusa sa simbahan sang Dios…
- Ang simbahan sa Corinto naka-agi na sa pag-pangabudlay sa ila nga pagbahinbahin – ‘Upod ako ni Pablo / Apollos’…
- Ang pagbahinbahin nagatuga nga ang simbahan indi mangin epektibo para kay Jesus – ginapunggan kita nga mangin kasanag…
- Imbes nga makita ang higugma ni Jesus sa aton kabuhi – ang makita sang kalibutan amo ang aton nga mga pag-inaway…
- Gusto gid ni satanas nga magdala sang pagbahinbahin sa simbahan – kay indi na dayon kita makabato sa iya
- Kon sako gid kita sa pakig-away sang aton kaugalingon – wala na kita nagapakig-away para sa nagtalang nga kalibutan!
- Magkabuhi sa kalinong kag paghidaet – kag ang Dios sang Paghidaet mapuyo sa imo…
- Ang bugay ni Jesus / ang gugma sang Dios / ang komunyon upod sa Balaan nga Espirito…
- Samtang nagapadayon kita nga nagadepende sa bugay ni Jesus – mas nagahamtong na gid kita sa Ginoo…
- Sa pagpalugpay naton sa mga nagapalibot sa aton – maawas ang higugma sang Dios sa aton kabuhi…
- Samtang nagakabuhi kita nga may paghiusa – aton nga mabatyagan ang mas puno nga relasyon sa Balaan nga Espirito…
- Aton nga usisaon ang aton kaugalingon – kag aton nga makita ang kalinong sang Dios nga nagapuno sang aton nga kabuhi!