Making Bible Study Easy for everyoneEnglish • Hiligaynon
Back to 1 Samuel
Verse-by-Verse Bible Study

I Samuel 4-5

A Hiligaynon study of I Samuel 4-5 focusing on Israel, Satan, and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

ang pag-agaw sang mga filistinhon sang kahon sang kasugtanan… (3 ka butang)

  • 1st – pagsalig sa kahon sang kasugtanan… vs. 1-10 (3 ka butang) basaha: I Samuel 4:1-10
    • 1st – Ang Israelinhon nagpakig-away sa Filistinhon… vs. 1
      • Ang mga Filistinhon isa sa mga kaliwat ni Ham – Genesis 10:14…
      • Nagaestar sila sa duta sang Canaan sa suba sang Mediterranean…
      • Nagpatindog sila 5 ka mga madagko nga siyudad – ang Gaza / Ashkelon / Ashdod / Ekron / kag Gat…
      • Indi sila maagaw sang Israelinhon sang una nila nga pagsulod sa Duta – Josue 13:2
      • Sang panahon sang Hukom – gingamit sila sang Ginoo sa pagsilot sa nasyon sang Israel…
      • Ginhukman ni Samson ang Israel samtang ara sila sa mga Filistinhon – Hukom 13:5
      • 250 ka beses ini nahambal sa Daan nga Kasugtanan…
      • Magapabilin sila nga kaaway sang Israel – hasta nga nangin hari si Haring David…
    • 2nd – Ginpierdi sang mga Filistinhon ang Israel sa inaway… vs. 2-3
      • 4000 ka mga tawo ang napatay – gani nagpanawag ang mga tawo sa Ginoo…
      • Gusto nila mahibaluan ngaa ginpabay-an sila sang Ginoo nga mapierdi sa ila kaaway…
      • Maayo nga pamangkot antis sang inaway – Ginoo kaupod ka bala namon!
      • Sa aton kabuhi makahimo kita desisyon bisan wala nagapamangkot una sa Ginoo…
      • Pagkatapos – kon malain ang resulta…
      • Mamangkot kita sa Ginoo, ngaa – ginabasol naton ang Ginoo sa wala Niya pag-atipan sa aton…
      • Kon maglumpat ka sa banglid – kag hambalon ang Ginoo nga sal-on ka sa dalom…
      • Ang sabat nga imo makuha – ngaa malumpat ka sa banglid!
      • Wala ginsabat sang Ginoo ang Israel – gani naghimo sila sang ila nga ideya…
      • Dal-on ta ang Kahon sang Kasugtanan sa inaway – makaluwas ini sa aton!
      • Ang Israelinhon wala nagasalig sa ‘Ginoo sang Kahon’ – pinsar nila ang Kahon may gahom…
      • Pinsar nila nga natakpan ini sang bulawan – nga may bato sa sulod – makahatag ini sa ila sang kadalag-an…
      • Nagasalig sila sa pagkabutang – tungod wala sila sang relasyon sa Ginoo!
      • Sang nakasala ang mga Israelinhon sa kamingawan – nagpadala ang Ginoo sang makamamatay nga man-og – Numero 21…
      • Naghinulsol sila kag ginsilingan sang Ginoo si Moises nga magbutang sang saway nga man-og…
      • Pero tinuig ang nagligad (masobra 600) – ang mga tawo nagsugod simba sa man-og…
      • II Hari 18:4 – “Ginpaguba ni Haring Hezekia ang mga simbahan sa mataas nga mga lugar, ginpadugmok ang mga handumanan ng bato, kag ginpautod ang hulohaligi nga simbolo sang diosa nga si Ashera. Ginpadugmok man niya ang saway nga man-og nga ginhimo ni Moises, kay hasta sadto nga tion ginasimba ato sang mga Israelinhon paagi sa pagsunog sang mga insenso.”
      • Ang mga tawo layo sa Ginoo – gani ginsimba nila ang mga butang nga nagamit sang Ginoo!
      • Salsalon lang ini nga man-og – ang gahum nga makaluwas halin lang mismo sa Ginoo!
      • Kon layo kita sa Ginoo – magasimba kita sa mga butang sa kalibutan…
      • Ang tela ng gingamit sa pagputos sang lawas ni Jesus…
      • Milyon ka mga tawo ang nagatipon sa pagtan-aw sini – kon may okasyon ginadisplay ini…
      • Nagapati sila nga may ara sang gahum ang tela – tungod ang lawas ni Jesus ginlubong upod sini…
      • Ano nga kabuangan nga ibutang mo ang imo pagtuo sa isa ka mahigko nga lago!
      • Kon wala kita mabakod nga relasyon sa Ginoo – indi lapit sa Ginoo…
      • Ginapun-an naton ang aton kabuhi sang ‘papati’ / pareho sa mga alahas nga makapadumdom sa aton sa Ginoo…
      • Pero wala sing gahum ang mga alahas / dios-dios / pagpati – ang Ginoo lang ang may gahum sa pagluwas!
    • 3rd – Nag abot si Hofni kag Finehas dala ang Kahon – kag ang tanan nga Israelinhon nagpangalipay… vs. 4-10
      • Tunog ang ila singgit – nga nagtay-og ang duta…
      • Sang nabatian ini sang mga Filistinhon – gusto nila mahibaluan kon ano ang natabo…
      • Ginsilingan nila sila nga ang ‘Kahon sang Ginoo’ nagkadto sa kampo sang Israel – hinadlukan sila!
      • Nabatian nila ang istorya kon ano ang ginhimo sang Dios sang Israel sa Egipto – ang 10 ka kalalat-an…
      • Kon paano gintunga sang Ginoo ang baybay para makatabok ang Iya mga katawhan…
      • ‘Katingalahan’ nga tanan ato natabo ANTIS nahimo ang Kahon…
      • Ang mga Filistinhon wala nahadlok sa kahon – nahadlukan sila sa Ginoo sang Kahon!
      • Aton kaaway kabalo kon ano ang kahadlukan – kag indi ang ‘bulawan nga kahon’…
      • Si Satanas wala labot kon may ara krus sa imo dingding…
      • Wala siya nagakabalaka kon may ara ‘manungal’ kag asin sa imo puwertahan…
      • Ang butang nga ginakahadlukan ni Satanas amo ang Ginoo – nagakurog Siya sa Iya ngalan!
      • Filistinhon – magpakig-away gid kamo…
      • ‘Katingalahan’ kay ang Kahon may suli nga epekto sa kon ano ang gin ekspektar sang Israelinhon…
      • Ginbutang sang Israelinhon ang tanan nila nga pagtuo sa Kahon sang Ginoo – gani wala na sila mayo nagpreparar para sa inaway…
      • Hinadlukan ang mga Filistinhon sa Dios sang Israel – ginhimo nila ang tanan para sa inaway…
      • Ang resulta dasig napierdi ang mga Israelinhon – msaobra 30,000 ang napatay sa ila!
      • Ang aton pagtuo epektibo lang kon diin naton ini ginabutang!
      • May ara kita pagtuo sa gobyerno nga mas pakamaayuhon nila aton nga kabuhi…
      • May ara kita pagtuo sa tawo – nga hatagan nila kita kwarta kon kinahanglan naton…
      • May ara kita pagtuo sa 'manugbulong' nga ayuhon kita nila kon magmasakit kita…
      • Ang problema tanan ini basi indi matuman…
      • Ang Ginoo lang ang may gahum – wala nagakaluya – kag ang Iya lang Pulong ang matuod…
      • Kon ibutang naton ang aton pagtuo sa Dios kag sa Iya Pulong – makagagahum ang aton pagtuo!
  • 2nd – nagakabalaka sa wala… vs. 12-22 basaha: I Samuel 4:12-22
    • Nakuha sang Filistinhon ang Kahon sang Kasugtanan – kag napatay sila Hofni kag Finehas… vs. 12-13
    • Amo ini ang pagtuman sang propesiya nga ginhatag kay Eli – isa ka adlaw ang imo kabataan magkalamatay – I Samuel 2:24
    • Isa ka tawo nga Benjaminhon ang nagdalagan pakadto sa Shilo – gingisi niya ang iya bayo sa kasubo…
    • Si Eli nga nagaedad sang 93 ka tuig / bulag – kag GRABE ka tambok…
    • Nagahulat sa higad sang dalan – nagakabalaka sa Kahon sang Kasugtanan – pero indi sa iya mga bata…
    • Ang Kahon wala sa katalagman – pero ang iya kabataan delikado sa paghukom sang Ginoo!
    • Kis-a nagakabalaka kita sa lain nga mga butang…
    • Nagausik kita tion sa pagpalibog sa aton pagkaon / eskwelahan / balayran sa suga…
    • Pila ayhan ang pamakal sang kalamay sini nga tuig / kaigo pa ni ayhan akon kwarta…
    • Bisan nagpromisa na ang Ginoo nga ihatag Niya ang tanan naton nga kinahanglan – Lucas 12:32
    • Ang aton dapat hatagan sang tion ang mga tawo nga wala nakakilala kay Jesus!
    • Nabatian ni Eli ang ginamo – nagpamangkot siya kon ano ang natabo… vs. 14-18
    • Ang mensahero nagsiling sa iya nga ang Israelinhon napierdi sa inaway – malain ini nga balita…
      • Nagsiling pa gid siya nga linibo ka mga soldado ang nagkalapierdi – mas malain nga balita…
      • Ang kabataan ni Eli nagkalamatay – ang pinakanahadlukan sang mga amay – kasubo nga balita…
      • KAG – sigurado ako dasig lang nakuha sang Filistinhon ang Kahon sang Ginoo…
      • Sang nabatian ni Eli nga nakuha ang Kahon – natumba si Eli nabali ng iya liog kag napatay!
    • Kon magkabalaka kita sa sala nga mga butang – makapatay ini sa aton…
      • Sa aton kabuhi kon kis a may malain nga mga balita – mga problema…
      • Kis-a ang bag-o mahimo nga malain / mas lala / mas kahaladlukan!
      • Sa isa lang ka adlaw nagkaladula ang kasapatan / kwarta / balay / kag mga kabataan ni Job!
      • Indi makabulig ang pagkabalaka sa aton mga problema – mas lala pa gid gani ang matabo…
      • Makahatag lang ni sa aton sang balatian – sakit tiyan / taas nga dugo…
      • Hulubaton 12:25 – “Ang pagpalibog makakuha sang kalipay sang tawo; ang maayo nga pulong makapalipay sa iya.”
      • Ang pagpalibog suli sang pagsalig – nagapalibog kita tungod wala kita nagasalig sa Ginoo!
      • Gani imbes patyon naton ang aton kaugalingon sa pagkabalaka – magdalagan kita kay Jesus kag makita naton ang kalinong!
      • Filipos 4:6 – “Indi kamo magpalibog sa bisan ano, kundi pangayua sa Dios ang inyo kinahanglan paagi sa pangamuyo nga may pagpasalamat.”
    • Nagabusong ang asawa ni Fineas… vs. 19-22
    • Sa pagkapatay ni Eli – kag sang iya duha ka bata…
      • Nagbata si Fineas kag ang iya bata ang nangin bag-o nga Mataas nga Pari sang Israel…
      • Sang nabatian niya nga napatay ang iya bana kag ugangan – kag ang Kahon naagaw…
      • Grabe ang iya pasakit – kag napatay siya…
    • Ginhatagan niya sang pangalan ang iya bata antis napatay – Icabod – ‘nadula ang himaya’…
      • Pinsar niya nadula ang himaya – tungod nagatulok lang siya sa kabudlayan…
      • Wala nadula ang himaya – ang Ginoo ara gihapon sa Iya trono – wala Niya ginbayaan ang Israel…
      • Kon aton pinsar ara lang sa problema – daw malumos kita sa problema…
      • Pero kon magtulok kita kay Jesus – aton hunahuna mabag-o – daw nagamag-an ang aton palibot…
      • Ang Himaya ara gihapon – ang Ginoo ara gihapon sa Iya trono – wala kita dapat kahadlukan…
      • Indi na naton makita ang aton problema – kundi ang Ginoo nga mas dako sa bisan ano nga problema!
  • 3rd – isa lang ang ginoo… vs. 1-12 basaha: I Samuel 5:1-12
    • Naagaw sang mga Filistinhon ang Kahon sang Kasugtanan kag gindala sa siyudad sang Ashdod… vs. 1-6
    • Ginbutang nila ang Kahon sa templo ni Dagon nga ila dios-dios – ‘amon dios ginpierdi ang inyo Dios…’
      • Si Dagon may ulo kag ‘torso’ sang isa ka babayi – pero ang lawas niya iya ka isda (sirena)…
      • Pagkasunod nga adlaw – ang imahen ni Dagon naghapa sa atubangan sang Kahon…
      • Jeremias 5:10 – “Kamo nga mga kaaway sang mga Israelinhon, laglaga ninyo ang ila mga talamnan sang ubas, pero indi lang pg-ubusa. Pangtapsa ninyo ang mga sanga sini, kay ang ini nga katawhan indi na akon.”
      • Wala sing gahum ang mga dios-dios – indi ini makabulig sa inyo…
      • Kabuangan ang pagsalig sa ila nga makabulig ini – kabuangan man nga magkahadlok sa ila…
      • Mga kahoy kag semento lang ini – indi ini makagagahum sang sa lipak ukon bato!
    • Ginpatindog sang mga Filistinhon ang statwa (basi may linog lang)…
      • Sang madason nga adlaw – nagahapa liwat ini sa atubangan sang Kahon…
      • Pero sini nga tion ang iya ulo kag duha ka kamot nautod…
      • Kag ara ini sa puwertahan dampi – gani wala na sang duha-duha nga ang Ginoo naghimo sini!
      • Ang mga tawo makahimo sala sa pagpinsar nga si satanas kag ang Ginoo pareho lang…
      • Si Satanas indi pareho sa Ginoo – wala tupong ang Ginoo – ang Ginoo may ara sang gahum sa tanan nga butang…
      • Ginpahalin sang Ginoo si satanas sa langit – Pahayag 12:9
      • Ang mga anghel nga nagsunod kay Satanas maga-antos tungod sa ila pagrebelde sa Ginoo…
      • Nahulog siya nga daw pareho sa kilat – sa kadasigon daw pamisok lang indi mo na makita…
      • Isa ka adlaw tanan sila maga duko kag magluhod sa kay Jesus – Filipos 2:10
    • Ang kaakig sang Ginoo ara sa Ashdod… vs. 7-12
    • Ang Ginoo nagpadala sang kalalat-an sa mga tawo sa siyudad – hemorrhoids!
      • Ang hemorrhoids hubag sa buli – sakit kon magpungko…
      • Basi nabudlayan sila maggiyo tungod sini – pero mas maayo na lang ini sang sa grabe nga paghukom sa ila…
      • Nagsugod pa gid lapta ang mga ilaga sa siyudad – nagtuga ini sang kamatayon kag kagulub-an…
      • Possible nga ang ilaga ang nagdala sang iban pa nga mga kalalat-an…
      • Sang natabo man ang 'Black plague’ sa Europe – minilyon ang nagkalamatay…
      • Ang Bubonic ukon ‘black’ plague – nagalapta kon makatupad/makahikap ka sa may ara sini – mapatay ka pagkatapos sang 2 ka adlaw…
      • Buhi ang mga tawo kon aga – pero pagkagab-i patay!
    • Narealisar sang mga tawo nga paghukom ini sang Ginoo – ang Kahon sang Kasugtanan kinahanglan maghalin!
      • Gani nagtilipon ang mga pangulo kag nag desisyon nga ibaylin ang Kahon sang Kasugtanan sa Gat…
      • Ang Gat ang pinaka dako kag makagagahum nga siyudad sang Filistin…
      • Sa tion nga nag-abot ang kahon – nag-abot man ang kalalat-an – nagsugod ang ginamo sang mga tawo…
      • Gani ginpadala nila ang Kahon sang Kasugtanan sa siyudad sang Ekron – pero sang nakita nila nga manug-abot ini…
      • Naghilibion sila – ‘Gindala nila diri ang Kahon sang Dios sang Israel agod patyon kita tanan!'
      • Gani ang mga tawo nagpakitluoy sa mga pangulo nga ibalik sa Israel ang Kahon sang Kasugtanan…
    • Kon kapierdihan ini para sa Israel – kag kahuy-anan para sa Ginoo…
      • Kag ginhalinan sang mas damo nga kamatayon sa mga Filistinhon…
      • Nagresulta sang pagpati sang bilog nga nasyon sa gahum sang Ginoo…
      • May ara sang plano ang Ginoo – indi lang naton makita ini!
      • Gusto Niya nga matun-an naton nga magsalig sa Iya – indi sa mga butang diri sa kalibutan…
      • Kag matun-an nga indi magkabalaka – kundi ibutang ang aton panulok sa Iya…
      • Agod makita naton ang gahum kag kadalag-an nga ihatag sang Ginoo sa tanan nga problema!