Making Bible Study Easy for everyoneEnglish • Hiligaynon
Back to Jonah
Verse-by-Verse Bible Study

Jonah 1–2

Introduction

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Introduction…

  • Ang bug-os nga laygay sang Dios
    • Natapos ta na ang Obadiah – ang ika 31 nga libro sang Old Testament – ang ika 8 sang16 ka mga libro sang propesiya sa OT…
    • Masugod kita sa Jonas – ang ika 5 sang ginatawag nga 12 ka mga Minor Prophets…
    • Abrehi ang Bibliya sa Libro ni Jonah – ang pinaka-kilala sa mga Minor Prophets!
  • 1st – Sin-o si Jonas…
    • Jonas (pating) isa sa mga propeta para sa mga rebelyuso nga mga taga Aminhan nga Kaharian…
    • Ang isa lang gid nga ginsambit sa guha sang mga libro sang propesiya nga ginsulat nila – 2 Hari 24…
    • Anak siya ni Amittai (kamatuoran) – wala apelyido sa Bibliya – anak ni…
    • Halin siya sa – Gath Hepher (sa Zebulon) – mga 3 ka milya sa Aminhan sang syudad sang Nazareth
  • 2nd – san-o ginsulat ang libro…
    • 1st – Ginsulat ang Jonah sang tuig nga – 841 B.C. – katapusan sang pagkahari ni Haring Jehoram…
      • Natunga ang Israel 150 na ka tuig – kag wala pa gid nakatilaw sang Diosnon nga Hari sa Aminhan…
      • Ang nagapungko nga hari nga si Jehoram apo sang malaut nga hari nga si Ahab kag ni Reyna Jezebel!
      • Sa 2 Hari 9:1-13 – Ginsugo ni Elisha ang isa sa mga ‘propeta’ nga magkadto sa Ramoth Gilead…
      • Ang tradisyon sang mga Judio nagasiling nga ini si Jonas – sang bag-o pa lang siya nangin propeta!
      • Pagadal-on ni Jonas si ‘Jehu’ sa isa ka tago nga kwarto kag haplasan siya bilang bag-o nga Hari sang Israel…
      • Para matuman ang mando sang Dios nga ginhatag kay Propeta Elias – I Hari 19:16
      • Dayon abrihan ni Jonas ang pwertahan – kag magdalagan para sa iya kabuhi (isa gali ka coup d'état)!
      • Pwede nga pamangkoton kon ngaa ginpadala ni Elisha si Jonas – ngaa indi siya mismo ang naglakat…
      • Ang pag-haplas sang bag-o nga Hari isa ka DAKO nga butang – kag si Elisha ang PINAKA kalipikado!
      • Basi makapaminsar ka nga ini TAM-AN ka peligroso – ‘dalagan para sa imo kabuhi’…
      • Pero si Elisha isa ka tawo nga indi basta-basta mahadlok – nagtindog siya batok sa bug-os nga mga kasoldadohan– 2 Hari 6
      • Basi ini isa ka paagi sang pag-preparar sang bag-o nga henerasyon sang mga propeta nga ma-alagad sa Ginoo!
      • Ang pinaka-maayo nga persona para sa obra – indi permi ang pinaka-talentado / eksperiensiado…
      • The mga pinaka-maabilidad nga manunudlo – maalamon nga lider – nag-umpisa nga indi pa man amo sina…
      • May tion gid nga nahuya man sila magtindog sa atubangan sang iban – nga indi sigurado kon ano ang ila hambalon…
      • Pero may naghatag sa ila sang oportunidad– kag nagtindog sila nga may pagtuo kag nagtubo…
      • Mga dalagko nga mga Diosnon nga tawo nag-umpisa man nga ordinaryo nga tawo – nga nahatagan sang oportunidad nga magtindog nga may pagtuo!
    • 2nd – Sa mga katapusan nga mga inadlaw ni Jonas – makalipas ang 50 ka tuig – 792 B.C.
      • Sa 2 Hari 14:24-25 – Gintuman sang Dios ang propesiya parte kay Jonas (nasambit gid ang iya ngalan)…
      • Nakit-an sang Dios ang kalautan sang Israel – apang indi pa handa ang Dios nga dulaon sila…
      • Amo nga gin-usar sang Dios ang isa ka di-Diosnon nga tawo –si Jeroboam II – para maluwas ang iya mga katawhan kag hatagan sila sang dugang nga tion…
      • Nagatuman sang propesiya ni Jonas para sa Israel – Ipa-iway anay sila sang Dios sa sini nga tion (70 ka tuig)…
      • Nagakahulugan nga nakit-an ni Jonas ang kaluoy sang Dios – pag-pa-iway sang paghukom sa isa ka malaot nga nasyon!
      • Sa ulihi, masakop man gid ang Israel sang Assyria sa 722 B.C…
      • Ini ang naghimo kay Jonas nga una sa mga ‘Minor Prophets’ nga magtagna sang propesiya para sa Aminhan nga Kaharian
      • Ang iban – Amos kag Hoseas – nagpropesiya sa ulihi nga mga tinuig antes matabo ang Diaspora
      • Ang mga hitabo sa sini nga libro natabo mga100 ka tuig antes malaglag ang Israel
      • Nagapalagyo palayo sa Ginoo… (2 things)
  • 1st – indi pagtuman sa Dios… vs. 1-16
    • 1st – Lakat ka sa Nineveh… vs. 1-3
      • Ang Pulong sang Dios nag-abot kay Jonas para magkadto sa Nineveh (Mosul – Iraq)…
      • Ang Nineveh amo ang kapital nga syudad sang ginapa-abot nga superpower – ang Assyrian Empire…
      • Daan na gid ini nga syudad – ayhan ang pinakadaan – gintukod ni Nimrod sa Genesis 10:11
      • Madako gid ini nga syudad – tatlo ka adlaw nga lakat para matabok mo ang syudad (gin bulubanta nga sobra 50 ka milya) – Jonah 3:3
      • Indi ang napaderan nga syudad lang – lakip man ang tanan nga mga ‘banwa’…
      • Ang napaderan nga syudad nagataas sang 100 feet – kag malapad nga maka-akomodar sang mga palumba sang kangga…
      • Ang populasyon nagasobra sa 2.5 ka milyon!
      • Ang mga Assyrian nga naga-istar didto madamo sang dios – may sobra 2400 ka mga dios sa ila templo…
      • Kag mga mapintas sila nga mga tawo – nga nagagamit sang pamahog sa ila mga nasakop…
      • Amo nga mahangpan ta nga ang ila nga kalautan nag-abot sa igtalupangod sang Dios
      • Apang ini man tion nga ang Israel nagakalunod sa kalainan – nga nagapadulong sa kalaglagan…
      • Nagasaka sang palamangkutanon – ngaa ipadala sang dios si Jonas sa Assyria kag indi sa Israel!
      • Pinasahi si Jonas sa tanan nga mga propeta kay siya lang gid ang wala nakamitlang sang Israel!
      • Pero basi amo na ang punto – indi magpamati ang Israel sa mabaskog nga mga litanya sang madamo nga mga propeta…
      • Apang ang Nineveh mahinulsol sa mala-gana nga paglaygay kag pagpa-andam sang isa ka nagapaganot nga propeta!
      • Sa Binuhatan 8:26 – Ang Dios naghambal kay Felipe, “Magkadto ka gid dayon sa bagatnan, kag usuyon mo ang dalan nga halin sa Jerusalem pakadto sa Gaza.” (Ini nga dalan talagsa na lang ginaagyan.) …
      • Ang natural nga pamangkot amo ang ,”ngaa” – pero si Felipe gilayon lang nga naglakat!
      • Tungod nga nahibal-an sang Dios kon diin maayo mangisda – kag Iya gid kita nga tuytuyan pakadto didto…
      • Kag kon mamati kita kag magtuman, aton makit-an ang mga tawo mapalapit sa Ginoo!
      • Apang masami kita nagasala sa pagkwestyon sa mga oportunidad nga ginahatag sang Dios sa aton….
      • Ginakabig naton nga ang bag-o nga obra / okon ilis sang lugar – isa ka sumpa okon dako nga lulukdohon…
      • Okon ina nga tawo nga ginbutang sang Dios sa aton pwertahan – nga kon tani mahalin lang!
      • Pero ginbutang kita dira sang Dios para sa oportunidad nga makigbahin kita sang gugma ni Jesus!
      • Si Jonas nagtindog – kag nagpalagyo pakadto sa Tarshish…
      • Nagkadto siya sa Joppa – sa baybayon sang Mediterranean – kag nagbakal sang tiket pakadto sa Tarshish…
      • Ang Nineveh ara sa sidlangan sang Israel – ang Tarshish ara sa katundan kag malayo gid, kun diin ang Espanya subong…
      • Nagapalagyo si Jonah sa presensya sang Ginoo – maathag nga wala siya nakabasa sang Salmo 139:7
      • Wala siya nahadlok sa Assyria – okon nagakahadlok para sa ila – nahadlok siya nga basi patawaron sila sang Dios…
      • Gusto ni Jonas nga hukman sang Dios ang Assyria – para sa iya sila ang kaaway!
      • Jonas 4:2 – “O Ginoo, wala gid ako magsala sa ginsiling ko sang didto pa ako sa amon lugar nga kaluoyan mo ang mga taga-Nineve kon maghinulsol sila, tungod nahibaluan ko nga maluluy-on ka kag mabinalak-on nga Dios.”
      • Wala kita gintawag sang Dios para higugmaon ang aton lang nauyonan– gintawag niya kita para higugmaon man ang aton nga ginatamay…
      • Madali magpalangga sang isa ka tawo – kun ginapalangga niya man ikaw – kag nagapakamaayo sa imo…
      • Ano na lang ya kon isa ka tawo nga naga-iritar sa imo / kon pirme ka na lang nagakulo kon mabatian mo iya ngalan…
      • Ang tanda sang gugma ni Jesus amo ang mahigugma mo ang isa nga mabudlay gid higugmaon!
      • Lucas 6:27-35 – “ … higugmaa ninyo ang inyo mga kaaway kag maghimo sang maayo sa mga wala nagahigugma sa inyo.… kag takos kamo nga tawgon nga mga anak sang Labing Mataas nga Dios. Kay siya maayo gid bisan pa sa mga tawo nga malaot kag wala sing kabalaslan.”
    • 2nd – Wala na sang madalaganan… vs. 4-10
      • Nagpadala ang Ginoo sang mabaskog nga hangin sa dagat – ayhan isa ka euroclydon – Binuhatan 27:14
      • Makakulugmat nga bagyo nga nagahuyop halin sa Aminhan kag Sidlangan kag naga-ibwal sa Mediterranean!
      • Ang barko may peligro gid nga mawasak – kag pwerte gid ang kakulba sang mga tripulante…
      • Gin-amat-amat nila panghaboy ang ila nga mga karga sa dagat – kag nangamuyo sa ila nga mga nagkalain-lain nga mga dios…
      • Pero si Jonas ara lang sa dalom sang barko – muok ang tulog!
      • Nanaog ang kapitan para sawayon siya – magpangamuyo ka sa imo nga dios para luwason kita!
      • Pero nagatulog si Jonas para makapanago sa kamatuoran nga siya ang gin-tunaan sang bagyo!
      • Sa Marcos 4:38 – ang mga Disipulo ara sa bagyo– pero si Jesus nagatulog sa ulunan…
      • Ginpukaw sang mga disipulo si Jesus – wala ka bala nagakabalaka nga mapatay kita!
      • Ginsabdong ni Jesus ang bagyo – ‘maglinong – magpahimuyong’ – kag namangkot sa mga Disipulo kon ngaa nahadlok sila!
      • Nahambalan na Niya sila nga matabok sila – kag ang bagyo indi mas madako kaysa Iya Pulong!
      • Sigurado gid nga may mga bagyo nga matabo sa aton kabuhi – pero ang Dios amo ang nagatugot sa mga bagyo nga ini…
      • Basi may bagyo tungod – kaangay ni Jonas – nagapanago kita sa Ginoo…
      • Okon basi may bagyo tungod – kaangay sang mga Disipulo – wala kita nagatuo sa Pulong!
      • Bisan ano man ang rason, ang solusyon simple lang – magpanumbalik sa Ginoo – Siya lang ang makapalinong sang bagyo!
      • Nag desisyon ang mga tripulante nga magbunot-bunot para mahibaloan kon sin-o ang gin-tunaan sang bagyo…
      • Ang bunotay nagtudlo kay Jonas – kag namangkot sila sang tanan nga parte kay Jonas…
      • Ano iya trabaho / diin siya halin / ano iya nasyonalidad / ano iya relihiyon…
      • Nadakpan – Nagkompesar si Jonah nga nagapalagyo siya kay Yahweh – ang Dios sang Langit
      • Ang Dios nga nagtuga sang dagat kag duta – pwerte gid ang kahadlok sang mga lalaki!!
      • Tungod nga nadalahig sila sa resulta sang sala ni Jonas!
      • Kon indi kita matinumanon sa Ginoo – pati ang sa palibot nagakadalahig kag mahalitan
      • Sa masami gina pinsar ta nga kita lang ang maapektuhan sang aton pagpili…
      • Kon pili-on naton ang mag pakasala – kita lang ang maatubang sang resulta – wala sang masaktan nga iban…
      • Sa matu-od lang, ang aton kabuhi may epekto sa iban nga tawo – aton kabataan / pamilya/ kag abyan…
      • Pwede nga tungod sa aton halimbawa – ukon direkta nga resulta sang aton gin buhat!
    • 3rd – Ginhaboy sa Dagat… vs. 11-16
      • Ang mga lalaki nag pamangkot kon paano ma untat ang bagyo (nagalain na gid)…
      • Bisan pa nga nag tuad si Jonas wala nag untat ang bagyo – mas nag tudo pa gid!
      • Nagtuad si Jonas – kay tungod nga nadakpan na siya – wala siya nag-ayo nga magkadto sa Assyria!
      • II Corinto 7:10 – “Kay ang kasubo nga suno sa kabubut-on sang Dios nagadala sa tawo sa paghinulsol, kag ina nagaresulta sing kaluwasan nga indi dapat hinulsulan. Pero ang kasubo sang mga tawo nga wala nagakilala sa Dios nagadala sa ila sa kamatayon.”
      • Kon indi kita mag liso palayo sa aton malaut nga gawi kag palapit kay JESUS – indi gid kita magbag-o…
      • Ang matuod nga pag hinulsol makita sa pagbag-o sang kabuhi –wala na gina himo ang daan nga pangginawi!
      • Apang kon indi kita mag hinulsol – may ara gid siya nga ika sarang nga ipabaskogon ang bagyo!
      • Naghambal si Jonas nga ihaboy siya sa dagat – sa dira lang nga tion nga ang bagyo mauntat…
      • Indi man siguro nga ang Dios nagademanda sang kabuhi ni Jonas – iya lang ini ideya…
      • Sa gihapon si Jonas naga rebelde batok sa Ginoo – sa baylo gusto niya mapatay na lang siya kaysa mag kadto sa Assyria!
      • Pero ang mga kalalakihan nag pang-indi kag nagtinguha nga mapahigad ang sakayan…
      • Apang sa ila tudo nga paninguha – nag padayon ang bagyo sa pag buhos batok sa ila!
      • Kabudlay makita ang isa ka tawo nga ginapahamak niya ang kaugalingon tungod sa sala nga pagpili…
      • Sa masami nagapasilabot kita para luwason sila sa mga konsekwensya…
      • Apang sa kamatuuran nagaharang lang kita – kinahanglan nila nga mabuong/kag magpaubos!
      • Gani nag hibi sila kay Yahweh – nga indi sila mapatay tungod sa sala sang sini nga tawo…
      • Gin alsa nila si Jonas – kag gin haboy sa dagat – kag ang bagyo nag untat!
      • Kag ang mga kalalakihan hinadlokan kay Yahweh – kag nag tanyag sila sang halad kag nag pangako sa Ginoo!
      • Paagi sa bagyo nga ini – nga mga lalaki nangin tumulou ni Yahweh!
      • Sang gingamit sang Dios si Moses sa pag paguha sang Israel sa Egypt –Nag gamit siya 10 ka kalalat-an…
      • Ka hapos para sa Dios ang mag papas sa mga Ehiptohanon – kag hilwayon ang iya katawhan
      • Apang indi lamang ang pag luwas sa Israel ang ginahimo Niya– Ginapakilala niya man sa mga Ehiptohanon ang Iya kaugalingon!
      • Exodo 7:5 – “  Kon masilutan ko na ang mga Egiptohanon, kag mapaguwa ko na ang mga Israelinhon sa ila nasyon, mahibaluan nila nga ako amo ang GINOO.”
      • Pat-od gid nga masarangan sang Dios nga ipa-iway ang aton kabudlayan – mahimo niya nga mahapos ang aton kabuhi…
      • Apang ara sa kabudlayan nga makilala ang gahom sang Dios – makita ang Iya kasanag sa aton kabuhi…
      • Kahapos mag simba sa Dios kon ang tanan maayo – indi ka matalupangdan samg iban…
      • Apang kon nagamasakit kita / matabo ang malain nga butang –pareho lang nga nagakatabo man sa iban
      • Kag sa baylo nga mag reklamo sa kabuhi – magkalipay sa kaayo sang aton Dios…
      • Ang mga tawo maka tindog kag ila matalupangdan – paagi sa aton kabudlayan makita nila si Jesus sa aton!
  • 2nd – Sa tiyan sang sapat… 1:17 / 1-10
    • 1st – Pakatapos sang 3 ka adlaw… vs. 17
      • Nag preparar sang dako nga isda ang Ginoo para tunlon si Jonas…
      • Diri nalatag ang pinaka talalupangdon nga estorya sa OT – bantog sa mga kabataan sa bug-os nga kalibutan…
      • Amo ni ang masami nga ginaatake sang mga ginatawag nga mga maalamon nga daw pareho lang sang isa ka binuang nga istorya – Pinocchio…
      • Nakalab-ot pa sa pagpanugda nga iya lang ini bersyon sang mga Judio halin sa Iliad…
      • Si Hercules nag lutaw sa apipingig sang gadya sa dagat kag ara siya dira sa sulod sang tatlo ka adlaw – Iliad
      • Ang Liberal nga Cristiyano kadasig mag ligwat nga isa ka simple nga parabola kag indi kasaysayan!
      • Gani may ara 2 ka maathag nga pamangkot nga nagluntad sa sugilanon –literal bala ang kahulugan / kag posible bala…
      • Ang sabat sa una nga pamangkot sigurado gid – literal nga natabo…
      • Ang ginapatuhuyan ni Jesus sa Mateo 12:40 – sang naga demanda ang mga tawo sang tanda
      • Ang isa lang gid ka tanda nga ihatag ni Jesus para sa indi gusto mag pati…
      • Si Jonas – si Jesus ara man sa sulod sang 3 ka adlaw kag 3 ka gab-i ara siya sa tagiposoon sang duta…
      • Nagahambal tuhoy sa krus – kag pagkatapos 3 ka adlaw –Ang iya mahimaya-on nga pagka banhaw!
      • Ngaa nga ang ‘tanda gid ni Jonas’ – amo lang ini ang isa nga nagadala sang kaluwasan!
      • Ginapaminsar ta nga kon tani kita okon(aton nga kilala) makakita sang mirakulo – makita si Jesus…
      • Amo lang na ang kinahanglan agod nga magpati kag magtuo kay Jesus…
      • Apang ang mga nakakita kay Jesus – nakakita sang bungol kag bulag nga naayo – gusto man gihapon sang tanda…
      • Ang mga tawo indi na kinahanglan makakita sang mirakulo – kinahanglan nila mabatian ang tanda ni Jonas / ang Maayong Balita!
      • Roma 1:16 – “ Wala ko ginakahuya ang pagwali sang Maayong Balita. Kay amo ini ang gahom sang Dios sa pagluwas sa tanan nga nagatuo, una sa mga Judio, kag dason sa mga indi Judio.”
      • Ang sabat sa ikaduha nga pamangkot may gamay nga nalakip…
      • Ang Hebreo sang ‘daku nga isda’ simple nga naga laragway sang isa ka dako nga tinuga sa tubig…
      • Ang sperm whale halimbawa may ikasarang sa pag tulon sang isa ka tawo!
      • Ang tawo mabuhi sa sulod sang 3 ka adlaw sa amo na nga kahimtangan – may tatlo ka posible nga sabat…
      • NATURAL: may hangin sa sulod sang tiyan sang isa ka whale…
      • Basta ang isa ka sapat nga iya ginatulon buhi pa – indipa mag ugod ang pagtunaw sa tiyan sang isda!
      • MIRAKULO: mahimo gid nga ang natabo lakip ang milagro sang Dios…
      • RESURRECTION: ang ika tatlo nga posibilidad si Jonas napatay kay nalumos…
      • Ang iya pangamuyo nagapahangop sang nag hambal siya –‘Nagpangayo ako sang bulig sa imo sa bibi sang kamatayon,kag ginpamatian mo ako’!
      • Posible nga gin banhaw sang Dios si Jonas pagkatapos sang 3 ka adlaw (nagakaigo nga pag hambal sa Matthew 12:40)!
    • 2nd – Ang pangamuyo ni Jonas … vs. 1-9
      • Pagkatapos sang 3 ka adlaw sa tiyan – Nagpangamuyo si Jonas… vs. 1
      • Sa akon pinsar isa ini ka pinaka maayo nga verse sa Biblia…
      • Tuman nga kadulom ang palibot ni Jonas – daw masuka sa ga panimaho sang lubok nga isda (fish market)!
      • Ara siya nga nagatubog sa acido – sa 3 ka adlaw – kag siya nag pangamuyo!
      • Nagapakita kon ano ka tig-a sang tagiposoon ni Jonas – nag lab-ot 3 ka adlaw sa sulod sang isda para mabuong siya!
      • Sa pag antos ni Jonas siya nag tangis gid… vs. 2-7
      • Sa iya pangamuyo ara ang matuod nga paghinulsol – nalaragway ni Jonas kon ngaa nag paubos siya:
      • Nalubong siya sa sulod sang tiyan sang sheol – sa Hebreo, lulubngan – ang ara sa pinsar ni Jonas nga ang tiyan sang isda amo na ang iya lulubngan…
      • Gin haboy siya sa dagat – nakapalibot sa iya ang tubig – ang balod nagahampas sa iya…
      • Sa ina nga tion – iya na realisar nga indi na niya na makita ang Templo liwat …
      • Ginlapawan siya sang tubig – daw mapatay na siya – ginsamburan ang iya ulo sang tanom sa dagat (literal)…
      • Si Jonas naglugdang hasta sa mga gamot sang mga bukid – sa kadadalman sang Dagat!
      • Daw kahalam-ot nga hulaton ta pa ang mabudlay nga kahimtangan agod magbalikid kay Jesus…
      • Masami sa tion sang kabudlayan amo ang aton pagpamangkot ‘ ngaa Ginoo’ – matalupangdan ta lang nga naga estorya na kita sa Dios…
      • Kon maayo lang ang mga kahimtangan – wala man kita naga pakig-estorya!
      • Sang si Jonas nawad-an na sang paglaum – dira pa niya nadumduman ang Ginoo liwat … vs. 8-9
      • Nag pangamuyo man gid siya – kag ang iya pangamuyo nakalab-ot sa Dios – sa iya Balaan nga Templo!
      • Bangod nga si Jonas nabuong sa ulihi – handa sa pag tuman sang mando sang Ginoo!
      • Nahangpan niya nga ang pagpakuno-kuno(idolo) – nagasikway sa kalooy sang Ginoo…
      • Nag binutig si Jonas sa iya kaugalingon – gina pinsar niya nga makapalagyo siya sa sugo sang Dios…
      • Wala gid pulos – ginapinsar niya nga ang Israel mas maayo kaysa Assyria…
      • Kag sa iya nga pagpakunokuno – gin sikway niya ang kalooy sang Dios – kag nasugata niya ang dako nga isda!
      • Apang nag tanyag sang halad nga may pag pasalamat si Jonas – nagkadto siya saNineveh!
      • Gin himo niya ang iya promisa – kay ang iya nga pagla-um sang kaluwasan ara lang sa Dios!
      • Indi pa ulihi ang tanan nga mag pangayo bulig sa Dios – ang iya Bugay ara nagahulat nga mag luwas – Roma 5:20
      • Indi gusto sang Dios ang hapaw nga paghinulsol – gusto niya nga mag paubos kag mag tuman sang iya Pulong!
      • Psalm 51:17 – “Ang halad nga makapalipay sa imo, O Dios, amo ang kabuhi nga nagapaubos kag nagahinulsol sa iya mga sala.Ini nga klase sang halad indi mo pag-isikway.”
    • 3rd – Gin luad siya… vs. 10
      • Ang Ginoo nag hambal sa isda – kag gin luad si Jonas sa duta…
      • Basi sa amo na nga tion ang isda nagbalik na pahigad pagkatapos nga tulon siya…
      • Apang tungod nga malayo pa sa higad – nag labot tatlo ka adlaw nga makabalik…
      • Kag gin luad siya kon diin siya nag halin –ugaling, mas malala pa sang una nga kahimtangan!
      • Simple lang ang kabuhi – maka pili kita nga indi mag tuman ukon magtuman sa Dios…
      • Kon pili-on ta ang aton pamaagi – nagapili kita sang mas mabudlay…
      • Dal-on kita gihapon sang Dios sa lugar kon diin kita nagakadapat – bisan paagi pa sa balyena – nga pwerte na ka hago kag kakapoy…
      • Apang mas maayo pa gid kon nag tuman ka na sa sugod pa lang – kag makalikaw nga malamon!
      • Mabaskog nga mensahe ang halimbawa ni Jonas – maayo pa nga mag tuman sa Ginoo subong kaysa ulihi na!