Making Bible Study Easy for everyoneEnglish • Hiligaynon
Back to Zephaniah
Verse-by-Verse Bible Study

Zephaniah 2

The judgement of the nations... (4 things)

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Zephaniah – Ang ika 36 nga nga libro sang Old Testament – ika 9 sang mga ginakilala nga 12 Minor Prophets
    • Zephaniah – natago si Yahweh – siya ang propeta sa Nabagatnan nga Ginharian…
    • Siya ang apo sa dapadapa ni Haring Hezekiah – ika 13 nga Hari sang Judah – Zephaniah 1:1
    • Siya nagpanagna sang tion sang pagkahari ni Haring Josiah – Ang katapusan nga Hari sang Judah nga Diosnon.
    • Si Josiah ang nagpanguna sa pagpasaguli sang Judah – apang madali lang nga tion – asta lang sang tion nga buhi siya…
    • Sang napatay siya sa pagpakigaway – 609 BC – ang iya mga anak ang nag hari sa Judah nga amo ang gintunaan nga nag nubo ang moralidad sa nagsunod nga 22 ka tuig….
    • Nakita na ini ni Zephaniah – kag naghambal parte sa maabot nga paghukom – Ang Adlaw sang Ginoo!
    • Ang libro na pihak sa tatlo ka bahin:
    • Chapters 1:2–2:3 – Ang paghukom sa Judah sa Adlaw sang Ginoo
    • Chapter 2:4-3:8 – Ang Paghukom sa mga nasyon sa Adlaw sang Ginoo
    • Chapter 3:9-20 – Pag-ayo kag pagpasaguli sa Ginoo
    • Si Zephaniah nagsugod sang iya propesiya paagi sa matigdas nga mga halambalanon…
    • Pagalaglagon sang Dios ang TANAN NGA BUTANG – ang madrama nga intoduksion sang pat-od nga kalaglagan…
    • Ang rason sa paglaglag – para kuhaon ang kasalandaran / mga malaut sa Judah!
    • 5 ka klase – ang naga simba kay Baal /mga pari /naga simba sa adlaw, bulan kag bituon / nag sumpa sa Ginoo /ang nagatalikod sa Dios…
    • Sa pag abot sang silot –wala sang may makahambal – mahipos sila sa atubangan sang Ginoo…
    • 4 ka klase – mga opisyal / sa mga nagalumpat / ang mga negosyante / kag ang nagapakulahaw!
    • Ang Adlaw sang Ginoo gulpi lang maabot – kag wala sang makasalbar sa Judah (nationally)!

Ang paghukom sa mga nasyon… (4 ka butang)

  • 1st – Nagasanaaw nga paglaum… vs. 1-3
    • 1st –Indi halandumon nga nasyon… vs. 1-2
      • Nangin indi-halandumon nga nasyon ang Judah (lo kasaph) …
      • Ang tagipusoon sang Judah dapat para sa Ginoo – pareho sa ginsulat ni David…
      • Salmo 84:2 –“Gusto ko gid nga magkadto didto [kasaph], Ginahidlaw ako sa pagsulod sa imo templo, O Ginoo…”
      • Apang ang Judah indi na maayo – bangod nga wala sila sang handom sa Ginoo!
      • Ang ila nga gugma nagbaylo – ang ila nga handom ang para lang sa mga butang sang sini nga kalibutan!
      • Sa masami naga rason kita sa Dios – ano gid bala dapat kalayo kita sa kalibutan…
      • Pwede nga maglantaw lang sa kalibutan – pwede ka tandog – tandog lang sang gamay…
      • Indi naton ginagusto nga malakip sa kalibutan – mapalapit lang gamay – OK lang bala Dios…
      • Ang matuod nga – kon wala kita naga palapit sa Ginoo – naga palayo kita…
      • Mapasalig naton ang aton kaugalingon nga nagakadto kita sa Bible study /nagakadto sa simbahan kon Dominggo…
      • Apang diin ang aton tagipusoon – nalipay ka bala /ukon naga upod lang sa hulag …
      • Indi makabayad ang katalagman nga naga hampang kita sa paghigugma sa kalibutan…
      • Indi malayo nga mahapos mag higugma sa kalibutan – kag madula ang handum kay Jesus!
      • II Corinto 13:5 – “ Usisaa ninyo ang inyo kaugalingon kon bala may pagtuo gid kamo kay Cristo…”
      • Gani ang Dios nagsugo kay Judah nga magtipon na sila bag-o pa maulihi na ang tanan…
      • Nagatuhoy sa pagtipon sang nasyon sa pagpangamuyo kag pag hinulsol…
      • Sa adlaw nga antes sang Google Maps– naga drive ako pakadto sa New Jersey turnpike – NADULA GID AKO…
      • Kumbinsido gid ako nga insakto ang akon gina-agyan –Apang sa ulihi nag tiyog tiyog lang ako!
      • Kahapos mag kumbinsi sang aton kaugalingon nga nagapadulong sa insakto nga alagyan sakabuhi /sakto nga pagpili…
      • Ang aton tagipusoon butigon – Jeremias 17:9 – kag hapos mag talikod sa Ginoo…
      • Para mapat-od naton ang aton direksyon – tanawon naton ang ‘App’…
      • Magpaangamuyo sa nakabalo – ang makabulig paliso sa aton kon naga tahak kita sang sala nga dalanon!
      • Limitado na ang tion – antes ipadala ang kasuguan – ang pagsalakay sang Babylonia…
      • Kag ang opurtunidad sa paghinulsol huyopon sang hangin nga daw upa…
      • Kag ang dako nga kaakig sang Ginoo maabot sa Judah – ang Adlaw sang kasingkal!
      • Ang Judah may ara lang sang gamay nga bintana sang oportunidad para mag hinulsol – kag madasig nga nagasirado!
      • May isa ka kahalam-otan nga hampang nga ginatawag nga taboo – pakoton ang tinaga gamit lang ang iban nga tinaga…
      • May ara nga orasan – nga dapat mag dali – bag-o magtunog ang takna!
      • Kadamo nga mga tawo nagahampang – nagahaumhaum sa kahulugan sang kabuhi – asta nga wala na sang tion…
      • Sa kadamuon ang takna nag tunog na antes nila mahibaloan– may eternidad nga konsekwensya!
      • Ang desisyon kon diin kita maistar sa aton eternidad limitado sa aton tion diri sa kalibutan…
      • Sa tion nga kita mapatay ang aton kapalaran nasilyohan – wala na sang ika duha nga kahigayunan – Hebreo 9:27
      • Indi garantisado ang buwas – subong ang tion nga mangin tadlong sa Dios!
      • II Corinto 6:2 – “ Karon gid ang husto nga tion nga luwason kita sang Dios…”
    • 2nd – Nakatago sa paghukom… vs. 3
      • Bisan pa nga ang makakulugmat nga pagkalaglag sa nasyon naga hilapit na– may paglaum pa ang kada isa!
      • Indi tanan madula sa pagabot sang mga balod nga magapahapay…
      • Pat-od nga ang Judah pagasilutan bilang nasyon – kag ang mga malaut pagapatyon …
      • Apang may ara nga ‘basi’ nakatago – ginatuhoy diri ang kabudlayan sa pag luwas sa ila!
      • Bangod nga ang pag luwas sa makasasala sa paghukom indi mahapos – amo ini ang kahulugan sang indi posible…
      • Ang butang nga makapugong nga kita makadto sa Empierno – amo ang Dios nag butang sang Iya kaugalingon sa krus!
      • Ang Ginoo nag hatag sang 5 ka kinaugali sang mga may kaisog nga maglaum!
      • Ang lista may madamo nga kaanggid sa pagsugod sang Sermon sa bukid…
      • Bangod nga ang pamatasan sadtong mga nagapangita kay Jesus – wala nagabag-o!
      • Ang lista nag sugod nga Pangitaon ang Ginoo – bangod nga ang kaluwasan makita ta lang sa ISA ka lugar – kay Jesus
      • Mapainubuson – Mateo 5:5 – “Bulahan ang mga mapainubuson,kay mangin ila ang kalibutan.”
      • Ang pagkamapainubuson indi kakulangan sa gahom – sa baylo, nagakahulugan nga may gahom sa pag pugong…
      • Mapainubuson si Jesus – indi nga kulang siya sa gahum – apang Iya ginpili nga magdepende sa Amay…
      • Kag kon magtulok kita kay Jesus (indi sa aton kusog) makita naton nga Siya ang tanan nga aton kinanglan!
      • Sumalakdag sang hustisya – Mateo 5:8 – “Bulahan ang mga tawo nga matinlo ang ila tagipusuon,kay makita nila ang Dios.”
      • Bisan pa nga kita tanan makasasala – indi permi nga makahimo sang insakto – Roma 3:10
      • Wala nagakahulugan nga magkabuhi kita sa pagkasala – ginatinguha naton nga isakdag ang hustisya / kag magkabuhi nga putli!
      • Pangitaa ang pagkamatarong – Mateo 5:6 – “Bulahan ang mga tawo nga luyag gid maghimo sang kabubut-on sang Dios…”
      • Nakahibalo kita sang kahulugan sang pagkagutom kag kauhaw – apang may ara bala kita sang pareho nga pagkakinahanglan sa Dios…
      • Naga pangita bala kita sa pagkamatarong sang Dios nga pareho sa gina batyag naton sa pagkaon kag tubig…
      • Kon kita ginagutom kag gina uhaw sa pagpakamatarong sang Dios mahjmon-an gid kita!
      • Pangitaa ang pagpaubos – Mateo 5:3 – “ Bulahan ang mga tawo nga nagakilala nga nagkulang sila sa Dios,kay sakop sila sa paghari sang Dios.”
      • Ang isa ka butang nga makapugong sa aton sa pagpalapit sa Kaharian sang Langit amo ang aton kaugalingon nga pakamatarong
      • Kon ma realisar naton kon ano ka imol kita nga matinguha kita nga magpalapit sa pagkamatarong ni Jesus!
  • 2nd – Ang paghukom sa kaaway… vs. 4-7
    • 1st – Ang madason nga parte sang propesiya…
      • Sa paghatag niya sang gamay nga paglaum – si Zephaniah nag saylo sa ika duha nga parte sang propesiya…
      • Ang paghukom sang nasyon sa Adlaw sang Ginoo – gin lista ang 5 ka espesipiko nga mga nasyon!
      • Ining 5 ka nasyon gin pihak sa 3 ka grupo – namarkahan sang klaro sang mga parapo sa teksto…
      • Ang nasyon indi palareho nga ginpili – nagarepresentar sang nagkalainlain nga kategoriya…
      • Ang Paghukom sang Dios sa Kaaway sang Judah /panimalay sang Judah /kag ang Empiryo sang kalibutan!
      • Samtang nga ang paghukom nag sugod sa Judah – Chapter 1 – wala nag tapos dira!
      • Sining karon lang nga mga balita nakatutok sa pagka delingkwente sang moralidad sang aton nasyon…
      • Ang manunudlo may relasyon sa ila estudyante /Ang pagkasayop sang mga politiko kag artista
      • Daw indi ka man makibot sini – ang edukasyon nga pampubliko naga tudlo sang pagkasalamwanan sa sekso
      • Daw nagatinguha kag nagahatag kahulugan sang pagpasad sang linya – ang tanan okey – luwas lang ‘SINI’…
      • Kag matingala kon ano pa kadugay asta kita pagahukman – ang sabat – naga sugod sa simbahan!
      • Ang simbahan nga gin pain para sa Dios – gintawag kita sa pag kombiktar sa kalibutan paagi sa aton kabuhi…
      • Apang kon ang isa ka simbahan daw kaangay na sang kalibiutan – ang paghukom sang Dios lapit na lang!
      • Tungod nga kon ang Dios mag sugod sa paghukom sa simbahan – ang mga wala nagapati dason na!
      • I Pedro 4:17 – “Kay nag-abot na ang tion nga magaumpisa na ang Dios sa paghukom sa iya mga anak. Kag kon ini magaumpisa sa aton nga iya mga anak, ano pa gid ayhan ang maabtan sang mga wala nagasunod sa Maayong Balita sang Dios?”
    • 2nd – Ang 4 ka mga siudad sang mga Filistinhon… vs. 4-6
      • Ang Filistia gina gahuman sang 5 ka siudad – Gaza / Askelon / Asdod / Ekron / kag Gat…
      • Ang Gat – wala nasambit diri tungod nalutos na sila ni David kag sang Judah– I Cronica 18:1
      • Ang nabilin isikway / maguba / palayason – gaboton sa udtong adlaw (tion sang pahuway)!
      • Makaluluoy kamo nga Keretnon – nagakahulugan Kretan –Ang mga Filistinhon nga halin sa Crete…
      • Ang ngalan nga Filistinhon halin sa ‘emigrante’ – bangod nagsaylo sila pakadto sa baybayon sang Canaan…
      • Apang mga illegal sila nga emigrante kay naga istar sila sa hulam nga tion!
      • Bangod kay ang Dios nagabatok sa ila – bug-os nga kuhaon sila sa Duta!
      • Ang ila lugar mangin palahalalban sang mga karnero upod ang ila manugbantay!
      • Sang ang Israel una nga nag sulod sa Dutang Saad…
      • Ang Filistinhon gin tugotan sang Dios nga mag pabilin sa duta…
      • Hukom 2:22 –“Gamiton ko ini nga mga katawhan agod testingan ang mga Israelinhon kon bala tumanon nila ang akon mga sugo, pareho sang ila mga katigulangan.”
      • Indi man nga indi gusto sang Dios nga may kadalag-an ang Israel –gina tilawan lang Niya ang Israel…
      • Maga salig bala sila sa ila kaugalingon /sa sayop nga dios – ukon mag tulok kag mag salig sa Ginoo!
      • Ang masubo wala nag salig sa Dios ang Israel – kag ang Filistinhon amo ang nagapadayon nga ila kaaway !
      • Wala ka bala nagatingala kon ngaa wala ka Niya gin himo nga mangin perfecto sa adlaw nga naluwas ka…
      • Pat-od nga mahimo Niya nga kuhaon ang makasasala naton nga handom/ mahimo Niya nga bug-os ang aton pagka balaan…
      • Apang ginpahanugutan nga may ‘Filistinhon’sa aton kabuhi – sa pag tilaw sa aton…
      • Sino bala ang aton dapat tulukon – ginasaligan bala naton ang aton kaugalingon / ginabutang naton ang pagtuo sa kalibutan!
    • 3rd – Ang mabilin sa puluy-an ni Judah… vs. 7
      • Ang Duta sang Filistinhon mangin palanubli-on sang kaliwat nga mabilin sa Judah…
      • Ang Paglaum gin hatag kay Judah – silutan sila – apang ang kaliwat nga mabilin mabalik…
      • Ang Dios amo ang mag pakig away para sa ila – kag mabalik ang mga nabihag halin sa Babylon – matapos ang 70 ka tuig!
      • Kag ang mga nagkalabilin nga kaliwat ma istar sa panimalay sang Ashkelon!
      • Literal nga natuman ini – wala na sang Filistinhon – nadula na sila sa kasaysayan…
      • Ang matuod ang Emperyo sang Roma amo ang nag ilis sang ngalan sang Judah – sa Palestina – sang AD 132 (wala sila na namian sa mga Judio)…
      • Apang ang termeno nga Palestinian nagapatuhoy sa mga Judio (asta 1967 – Yasser Arafat)…
      • Ang siudad sang Askelon ara gihapon asta subong – puno sang Judio – kag KADAMO sang ila karnero!
      • Kon may ara kita sang sala sa aton kabuhi nga daw indi naton malampuwasan – may ara paglaum…
      • Bisan pa nga may mga konsekwensya – sa katapusan makasalig kita nga may kadalag-an…
      • Tapuson sang Dios kon ano ang iya nga ginsuguran sa aton – tagaan Niya kita sang bugay nga makalampuwas!
      • Filipos 1:6 – “Nasiguro ko gid nga ang Dios nga nagsugod sa paghimo sang maayo nga mga butang sa inyo magapadayon gid sa paghimo sini hasta sa adlaw nga si Cristo Jesus magbalik…”
  • 3rd – Ang paghukom sa Pamilya… vs. 8-11
    • 1st –Pag pang insulto sa katawhan sang Dios… 8-10
      • Nabatian sang Dios ang pag pang insulto sang Moab kag Amon…
      • Ang Moab kag Amon pamilya – ang mga kaliwat ni Lot – hinablos ni Abraham…
      • Si Lot nag balhin sa Sodom kag Gomorrah – upod iya asawa kag 2 ka babayi nga anak…
      • Sang gin guba sang Dios ang siudad upod niya ang duha niya ka bata nga babayi nga nag panago sa kuweba…
      • Ang mga babayi nagapinsar nga guba na ang bug-os nga kalibutan – nag pabusong sila sa ila amay…
      • Ini nga nasyon isa lamang ka resulta sang kadugo mo nga pakigrelasyon – Genesis 19:37-38
      • Apang ang Moab kag Amon nagyaguta sa Israel /kag Judah –kag ka mga arogante nga nagpang pahog sa ila…
      • Gani basta buhi ang Ginoo – mangin kaangay sila sang Sodom kag Gomora…
      • Kag sila man mapuno sang hilamon kag buho para sa asin – magapabilin nga pagkaguba!
      • Kag ang nabilin nga kaliwatan sang Israel magapanagiya kag magpanguha sa ila!
      • Sa liwat ini literal nga natuman – ang Moab kag Amon ara lapit sa Dead Sea…
      • Ang lugar sa subong makita mo nga lamgod ang duta – nga may hilamon kag buho nga ginahimuan sang asin!
      • Parte sang Israel subong – kag ang Dead Sea gina minahan /gina-ati ang mga malahalon nga mineral!
      • Ang Moab kag ang Amon naga yubit sa Israel – bangod sang ila bugal… vs. 10
      • Ginatudlo gid ang deprensya sang ila utod – para matago nila ang ila kapaltahan!
      • May ara gid ya nga kanubo gid sang panulok sa mga may kapaltahan…
      • Ang rason – kon naga tutok sa iban nga may kapaltahan – nagapakita nga mas maayo sila…
      • Masami kon ang tumuluo ara sa kabudlayan – kag nagakinanglan bulig – Ang Cristohanon may huyog gid nga una mang atake…
      • Imbes nga tani patindugon naton – kadasig pa mag hukom…
      • Ang mga Cristohanon bantog sa pag ‘ tiro sa ila nga mga pilason!’
      • Ang masami gina ‘pabay-an nga nagaisahanon’ ang dapat naton ‘ higugmaon’…
      • Apang indi dapat amo sina sa simbahan – dapat ginakilala kita nga naga gugma – Juan 13:35
    • 2nd –Paglaum sang pamilya… vs. 11
      • Ma kibot sila(mahalawhaw)sa Iya – dulaon ang tanan nga dios-dios sa duta (kalibutan)…
      • Ang mga katawhan sa bilog nga kalibutan masimba sa Ginoo – sa ila kaugalingon nga duta…
      • Bangod kon makita sang katawhan ang paghukom sang Dios – kag ang kapaslawan sang mga dios dios sa pagluwas…
      • Maliso sila halin sa ila pagano nga panggawi – kag sa baylo magtuo sa Dios!
      • Bisan pa nga amo na ang katapusan sang pagsambit sang Moab (160x OT) kag Ammon (83x OT) sa OT…
      • Ang kalaglagan sang Moab kag Ammon indi pa bug-os – may yara sang paglaum…
      • Suno sa Jeremias 48:47 / Jeremias 49:6 / kag Daniel 11:41…
      • Ang Dios mismo ang magpasaguli sa nasyon – ila tawgon ang Ginoo!
      • Ang pinakabudlay lab-uton nga mga tawo amo ang aton pamilya…
      • Ang problema kay kilala nila kita sing maayo – ang aton mga kasaypanan / kapalpakan / kag sala…
      • Kon sugidan naton sila parte kay Jesus – kadasig sa ila magpa dumdum sang tanan sa aton!
      • Apang indi pag buy-i ang imo mga abyan – ayhan hatagan ka nila sang kabudlayan nga tion…
      • Apang maabot ang tion – nga ang ila ‘dios dios’ nga ginasaligan mapalya…
      • Pwede nga kita ang mahigugmaon nga kamot nga matudlo sa ila kay Jesus – makita sila nga maluwas!
  • 4th – Ang paghukom sang mga Empiryo… vs. 12-15
    • 1st – Ang Etiopians and Asirians… vs. 12-15
      • Ang mga Etiopians pamatyon paagi sa espada…
      • Ang capitol sang Etiopia / Egypto amo ang siudad sang Tebes – ang una sa 7 nga mga dalagko nga mga Emperyo…
      • Ang Egypto / Assyria / Babylon / Medo-Persia / Greece / Roma / Anti-Cristo
      • Apang sang 667 B.C. ang Tebes gin bihag sang Assyria – indi na mabalik sa nagligad nila nga himaya!
      • Bisan sa subong 27 milya ang naguba – lakip na ang bantog nga templo sang Luxor kag Karnack!
      • Untayon sang Dios ang iya kamot batok sa Assyria…
      • Ang siudad sang Nineveh mangin mamingaw – kag mangin pareho ka mala sang desierto…
      • Ang siudad magapabilin nga guba – hapunan sang pispis ang mga nagkalaguba nga haligi…
      • Ang alagyan pakadto sa ganhaan natabunan sang nadugmok nga bato /makita na ang kahawaan kay ang sedro nga mga biga guba na!
      • Ang Nineve – ang siudad nga may kalipay kag kalig-unan…
      • Ang mga katawhan nga nagahambal ‘KITA LANG’ kag ‘WALA’ sang pareho sa aton…
      • Mangin mamingaw – isa ka lugar nga talunon nga sapat ang maga istar…
      • Ang kada isa nga maka labay makadlaw kag iwagayway ila mga inumol sa naguba!
      • Ang Emperyo sang Assyria sang ara sa iya nga kabaskog, pinaka dako nga makita sa bug-os nga kalibutan.
      • Sila naga kontrolar sang kalabanan nga nasyon halin sa Black Sea sa naaminhan nga bahin kag Egypto sa may nabagatnan…
      • Halin sa Iran/Persia sa nasidlangan pakadto sa Greece sa nakatundan!
      • Tubtob Agosto sang 612 B.C. Ang Babylonia ginlutos ang siudad sang Nineve!
      • Ang mga nagkalaguba nga natago sa balas didto sa Iraq asta 1842 – mga 2000 ka tuig!
      • Ang Etiopia (Egypto) kag Assyria ang 2 ka Emperyo sa adlaw ni Zephaniah…
      • Ara ang TANAN nga gahom/ TANAN nga kuarta /TANAN nga empluwensia…
      • Apang WALA ang mga ina sang mahimo nga maayo sa Adlaw sang Paghukom!
      • Ang mga tawo nagahatag sang pagsalig sa gobyerno/sistema sa pinansyal…
      • Ginapinsar nila nga OK sila gihapon tungod parte sila gihapon sang ‘Pinakadako nga nasyon sa kalibutan’…
      • Ukon makasalig man bala sila gihapon sa palaabuton bangod nga may dako sila nga stock portfolio…
      • Apang sa pag tanaw sang ekonomiya subong – $20 trillion nga utang – $63k kada persona!
      • Na realisar niyo bala nga kon ano na ka tapok sang US – kag ang aton paglaum WALA diri sa kalibutan!
      • Indi mag salig sa gahom/manggad /ukon impluwensia – bangod nga indi ini makaluwas sa aton!
      • Marcos 8:36 – “Ano gid bala ang makuha sang tawo kon maangkon niya ang tanan nga butang diri sa kalibutan, pero mawala ang iya kabuhi?”
    • 2nd – Ang Adlaw sang Paghukom…
      • Nagplastar sang 4 ka nagkalain-lain nga klase sang Paghukom si Zephaniah sa nauna nga 2 ka chapter…
      • Hukman sang Dios ang Iya katawhan – Judah – kag natabo ini, 70 ka tuig nga bihag sang Babylon
      • Hukman sang Dios ang kaaway sang Judah – Filistinhon – bug-os ang ila pagkadula subong.
      • Hukman sang Dios ang pamilya ni Judah – Moab / Ammon – tunukon nga hilamon kag mapuno sang mga buho nga ginahimuan sang asin…
      • Hukman sang Dios ang Empiryo – Etiopia / Assyria – ang mga naguba amo ang nabilin…
      • Ang tanan nga ina para masiling nga – wala sang PAMANGKOT kon bala ang Dios maga Hukom – pat-od /kag may pamatu-od!
      • Ang isa lang ka pamangkot – kita bala isa sa mga NATAGO sa paghukom!
      • Amo ini ang mensahi ni Zephaniah – pangitaa ang Ginoo / mag paubos/sakdagon ang hustisya…
      • Pangitaa ang pagkamatarong kag pagpaubos – bangod ang Adlaw sang Ginoo maabot…
      • Kag ang paglaum lang naton – ibutang naton aton pagtu-o kay Jesus!