Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 17-18

A Hiligaynon study of II Chronicles 17-18 focusing on Israel and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • Ang paghari ni Asa…
    • Si Asa – bata ni Abia – ginpakuha niya ang mga dios-dios sa Judah/kag nagsimba sa tuod nga Dios
      • Tungod nga wala na sang mga dios-dios ang mga tawo wala na sang temtasyon…
      • Ang ila tion para na lang sa Ginoo – ginkilala nila ang Ginoo – nagdangop sila sa Ginoo
      • Ang resulta may nagbakod ang relasyon nila sa Ginoo…
      • Tungod sina ang ginharian – may 10 ka tuig nga kalinong…
    • Pero si Zera nga taga Ethopia nag-atake upod sang iya isa ka million nga mga army
      • Nagpangayo bulig si Asa sa Ginoo – nagapati si asa nga wala sang imposible sa Ginoo
      • Ang resulta ginpadaog siya sang Ginoo – nagpierde ni Asa ang taga Etopia….
    • Sang ika-36 nga tuig sang iya paghari – ginpabakod ni Haring Baasha ang city sang Ramah
      • Nagpanic si Asa – imbes nga magpangayo siya bulig sa Ginoo – nangayo siya bulig sa Syria
      • Nagdala siya sang bulawan kag pilak halin sa balay sang Ginoo kag ginhatag kay Ben-Hadad
      • Ginbayaran niya ang Syria para magbulag sila sa Israel – kag atakehon nila ini…
      • Kag gin-atake ni Ben Hadad ang si King Baasha – pero ang Ginoo wala nalipay ky Asa
    • Sang ika-36 nga tuig sang iya paghari – nagmasakit siya sa tiil
      • Pero imbes magpalapit siya sa Ginoo – nagkadto siya sa mga doctor para magpabulong
      • 2 ka tuig nga nag-antos siya – kag sang ika-41 nga tuig nga iya paghari – napatay siya
      • Ang hari nga nami ang pagsugod – pero indi nami ang iya pagtapos…

Ang pagpakig-abyan sa kalibutan… (4 things)

  • 1st – Ang ika-4 nga hari sang Judah – Jehoshafat… vs. 1-19
    • 1st – Ginpabakod ni Jehoshafat Judah para sa iya kaaway nga Israel… vs. 1-6
      • Halin sa paghari ni Rehoboam kag Jeroboam – ang Israel kag Judah permi na naga-inaway
      • Gani subong si Jehoshafat ang nagsalo sang sina nga sitwasyon…
      • Hapos lang tani kay Jehoshafat mangakig – kon ngaa ara siya sa sini nga sitwasyon
      • Wala man siya ya labot sa away ni Rehoboam kag Jeroboam / si Asa kag Baasha
      • Pero siya ara man sa sina nga sitwasyon – hapos sa iya tani ang maakig
      • Pero ang Ginoo naga-upod kay Jehoshafat
      • Tungod kay wala niya ginsunod ang malain nga example sang Israel
      • Wala siya nagsimba sa dios-dios nga si Baal kag mga bulawan nga baka…
      • Kundi nagkabuhi siya nga pareho kay David – nga nagasunod sa Ginoo
      • Wala si Jehoshafat nagtan aw sa malain – kundi nagtan aw siya sa Ginoo
      • Kis-a ginatan aw lang naton ang malain – pero indi naton makita ang ginahimo sang Dios
      • Sa tion nga ang aton panulok wala na kay Jesus – kag ara nga sa aton mga problema
      • Dira nga kita maakig / indi na kita ma-istorya – kag puno na kita sang kahadlok/kabalaka
      • Pero kon ang aton panulok ara lang kay Jesus – makita naton nga kaupod naton Siya!
      • Ang resulta nakabaton si Jehoshafat sang mga regalo halin sa tawo…
      • Damo nga mga tawo ang nagapinsar nga ang kwarta magahatag sa ila sang seguridad
      • Kon damo lang ko kwarta sa bangko – pwede nako maka-retire – OK na gid ko
      • Ok lng kon damo kita kwarta – basta indi lang naton ibutang ang aton pagtuo sa kwarta
      • Kay ang kwarta – ari subong buwas wala na – daw pareho lang nga buslot aton bulsa
      • Ang seguridad lang sa aton nga kabuhi – amo ang pagsalig naton sa Ginoo
      • Kag sa tion lang nga nagasalig kita sa Ginoo – mabatyagan ta ang bugay kag manggad!
      • Gipakuha ni Jehoshafat ang tanan nga mga dios-dios sa mataas nga lugar sa Judah…
      • Kay indi buot silingon nga nagasunod kita sa Ginoo kag ginabugayan kita wala na problema
      • Ang tanan nga maayo nga Hari sa Judah ginapanguha nila ang mga dios-dios
      • Permi lang nagatuhaw ang mga dios-dios – ginpakuha ni Asa subong si Jehoshafat naman
      • Kay kon makuha na ang isa ka temtasyon – may isa naman nga matuhaw…
      • Indi gid maubos ang temtasyon samtang nagakabuhi kita diri sa kalibutan…
      • Pero indi buot silingon nga mapadala kita – kundi padayon nga kuhaon naton ini
      • Kon magtuhaw ang isa kuhaon – kon may ara naman kuhaon liwat – kag magsunod sa Dios!
    • 2nd – Sang ika-3 nga tuig sang iya paghari… vs. 7-9
      • Nagpadala siya sang mga manunudlo para magsunod ang mga tawo sa Ginoo
      • May 3 ka klase sang manunudlo – 5 ka opisyal / 9 ka Levita / kag 2 ka Pari
      • Ang mga opisyal naga tudlo kon paano magsunod sa layi sang gobeyerno
      • Ang mga Levita naga tudlo kon paano magsunod sa layi sang Ginoo
      • Ang mga Pari naga tudlo kon paano magsunod sa layi para sa aton espiritu
      • Pero pareho sila nga nagagamit sang Libro sang Kasuguan sang Ginoo…
      • Tungod sina ang bilog nga nasyon – nag-isa sa ila nga pagtuo kag pagsunod sa Ginoo!
      • Kon ang Pilipinas magpareho sa America – delikado gid kita
      • Kay sa America – indi na mabatian ang ngalan ni Jesus sa mga school/publiko nga lugar
      • Ang ginapatihan na lang kon ano ang mabatian sa balita / ginatudlo sang mga ma-istra…
      • Daw pareho lang nga ginatago ang Pulong sang Dios sa mga tawo kag kabataan
      • Pero ma-abrihan naton ang ila hunahuna – kag indi sila magpatalang/magpa-into
      • Pero kinahanglan nga kadtuan naton sila – kag sugiran parte kay Jesus
    • 3rd – Ginpahadlok sang Ginoo ang tanan nga ginharian sang palibot sang Judah… vs. 10 – 13
      • Ang resulta – wala sang may nagpakig-away kay Jehosfat – kag nag-isa sila tanan…
      • Bisan ang mga Filistinhon nga ila mortal nga kaaway – nagdala regalo kay Jehoshafat
      • Ang kalibutan wala nagarespeto sa simbahan – kay ang simbahan pareho lang sa kalibutan
      • Pero kon ang simbahan napun-an sang Balaan nga Ispirit – ang kalibutan matingala
      • Kay makita nila si Jesus – nga ila ginsikway – nga amo ang nagahatag sang kaluwasan
      • Ginhatagan pa gid sang Ginoo si Jehoshafat sang damo nga mga army… vs. 14 – 19
      • May 5 siya ka generals – kag 1,160,000 nga mga maisog nga mga soldado…
      • Luwas kay Solomon – si Jehoshafat na ang pinakabaskog kag manggaranon nga hari…
      • Pero sa tanan nga maayo nga natabo kay Jehoshafat – may isa siya ka sala…
  • 2nd – Ang kaalam sang kalibutan… vs. 2 Cronica 18:1 – 11
    • 1st – Gintilawan ni Jehoshafat nga mag-abyanay ang Israel kag Judah…
      • Nagpasugot pa si Jehoshafat nga pangasaw-on sang iya bata ang bata ni Haring Ahab…
      • Kon tan-awon naton – nami ang ginhimo ni Jehoshafat – nagpalapit siya kay Haring Ahab
      • Si Ahab wala nagasunod sa Ginoo – basi paagi kay Jehoshafat batunon niya ang Ginoo
      • Pero baliskad ang natabo – si Jehoshafat ang ginbutong ni Ahab palayo sa Ginoo!
      • Kon nagatindog ko sa bangko – mas hapos sa imo butungon mo ko paidalom – sang sa butungon taka paibabaw
      • Mag-andam kita kon sin-o ang aton gina-updan/ukon gina-istorya diri sa kalibutan
      • Kay hapos sa ila magbutong sa aton palayo sa Ginoo – sang sa kita mabutong sa ila palapit sa Ginoo…
    • 2nd – Nagbisita si Jehoshafat – kay Haring Ahab sang Israel… vs. 2-3
      • Nagpapunsyon si Ahab para kay Jehoshafat kag sa iya mga tinawo
      • Pero pagkatapos nila kaon – ginhagad ni Ahab si Jehoshafat mag-atake sa Ramot Gilead
      • Wala nagpangduwa-duwa sa sabat si Jehoshafat
      • Handa siya mag-upod kag handa siya ipagamit ang iya mga soldado kay Haring Ahab
      • Ang dasig nga sabat ni Jehoshafat – magabutang sa iya sa delikado
      • James 1:19 – “Mga hinigugma ko nga mga utod, tandai ninyo ini: dapat mangin handa kita sa pagpamati, indi magpadasodaso sa paghambal…”
      • Hapos lang sa aton maghambal – pero halos impossible na nga bawion ini…
      • Mas maayo kon mapinsar kita anay – antis kita maghambal – para dutay lang problema!
    • 3rd – Pero gusto anay ni Jehoshafat mamangkot sa Ginoo… vs. 4-5
      • Basi nagulpihan lang si Jehoshafat sang iya sabat – te mamangkot na lang siya sa Ginoo
      • Nami ang bawi ni Jehoshafat sa gulpi niya nga sabat – mamangkot sa Ginoo anay
      • Nagsugot man si Ahab kag ginpatawag ang 400 ka mga propeta…
      • Kag ang ila tagna – makadto sila sa inaway kay padaugon sila sang Ginoo!
      • Pero ang 400 ka propeta indi iya sang Ginoo – kundi propeta ni Ashera – I Kings 18:9
      • Wala na kumbinsi si Jehoshafat was not impressed…
      • Gusto niya makabati halin sa propeta sang Ginoo…
      • Kon kis-a nagahimo kita sang desisyon nga wala nagapamangkot sa Ginoo una…
      • Kag kon malain ang resulta sang aton desisyon – ginabasol naton ang Ginoo
      • Lord ngaa ginpabay-an ko mo – Lord ngaa wala mo ko ginabuligan…
      • Mas maayo sa tanan naton nga desisyon – mamangkot kita sa Ginoo…
    • 4th – Daw indi pa mag-ako si Ahab nga may propeta pa nga halin sa Ginoo… vs. 6-8
      • Si Micaya – ang propeta sang Ginoo – ang katapusan nga propeta sang Ginoo sa tribo Israel
      • Pero akig si Ahab kay Micaya – puro malain tanan ang iya tagna kay Ahab
      • Gani ginpriso si Micaya ni Ahab – pero nagpamilit gid siy Jehoshafat…
      • Indi gusto sang tawo makabati sang kamatuoran – tungod kay nasakitan nila
      • Kon matunok ka lansang/ukon makagat ido – kinanglan mo injection para indi ka mapatay
      • Pero ang mga tawo indi gusto magpa-inject kay sakit ang injection
      • Amo man sa mga tawo nga indi gusto makabati kamatuoran – kay masakita sila
      • Indi nila gusto makabati parte sa sala/paghukom/kamatayon – gusto lang nila makakadlaw
      • Amo na ang iban nga mga simbahan – namian sila magtudlo sang sadya nga mga topic
      • Indi sila magtudlo sang mga masakit nga kamatuoran – kay basi mahalin ang mga tawo
      • Kay gusto lang nila ya magdamo ang mga tawo sa simbahan – indi nga maluwas sila…
    • 5th – Samtang nagapungko sila sa ila nga trono kag nagapaabot kay Micaya… vs. 9-11
      • Ang 400 ka mga propeta nagapadayon sa pagtagna sang ila kadalag-an…
      • Si Zedekiah – isa sa mga propeta – naghimo pa sang sulusungay nga salsalon…
      • ‘Paagi sa sini nga sungay – mapierdi ninyo ang Arameanhon kag Ramot Gilead’
      • Ang Pulong sang Dios gamhanan – pero ang iya ka tawo indi…
      • Kay damo nga mga simbahan ang wala na nagatudlo sang Pulong sang Dios
      • Nagahimo na lang sila sang mga programa/gimmick – para makuha ang attention sang mga tawo
      • II Timothy 4:3 – “Kay magaabot ang tion nga ang mga tawo indi na magpamati sa husto nga mga pagpanudlo, kundi ang ila gusto amo lang gid ang ila sundon. Magapangita sila sang mga manunudlo nga magatudlo sang mga butang nga gusto nila mabatian.”
      • Ang simbahan indi sinehan para malingaw kita – indi lugar nga puro na lng jokes
      • Ang mga show sa TV indi makabag-o sa aton kabuhi/ang mga jokes indi makahuha sang aton mga sala
      • Ang Pulong sang Dios amo ang makaluwas sa aton – isugid natona ang kamatuoran!
  • 3rd – Ang Pulong sang Dios… 2 Cronica 18:12 – 27
    • 1st – Ginpaandaman sang guwardya si Micaya… vs. 12-17
      • Kinahanglan nga pareho man iya tagna pareho sa tanan nga mga propeta
      • Dapat iya tagna – nga magdaon ang hari sa ila pagsalakay
      • Ang buot silingon kon gusto ni Micaya nga indi na mapriso- mangin pareho man siya sa iban
      • Pero nagma-isog si Micaya – ihambal lang niya kon ano ang ipahambal sang Ginoo sa iya
      • Pag-abot niya sa Hari – nagmangkot sila kon masalakay bala sila sa Syria…
      • And sabat ni Micaya daw lango-lango – sige salakaya ninyo kag magadaog kamo…
      • Pero ginsaway siya ni Ahab – kag ginhambalan nga magsugid sang kamatuoran…
      • Kag diri nagsabat si Micaya – nakita niya ang Israelinhon naglalapta sa kabukiran
      • Ang buot silingon – mapatay si Ahab kon magsalakay sila sa Ramot Gilead…
      • Pareho kay Micaya may pagpili man kita – ihambal naton ang gusto sang tawo mabatian
      • Ukon ihambal naton ang kamatuoran – bisan masakitan sila kag maakig sa aton
      • Pero kinahanglan mabatian nila ang Maayong Balita – para maluwas sila
      • Kay ang kamatuoran – makasasala kita tanan – kon indi kita maghinulsol pa imperyno kita
    • 2nd – Ginpakita ni Micaya ang natabo sa langit… vs. 18-22
      • Gusto sang Ginoo nga combinsihon si Ahab nga magsalakay – para mapatay siya
      • Te, nagpamangkot siya ‘Sin-o ang magahaylo kay Haring Ahab nga magslakay sa Ramot Gileadd agod mapatay siya didto?’
      • Kag may espiritu nga nagsabat ‘Ako ang magahaylo sa iya’ dayon ang Ginoo nagsugot…
      • Kag naglakat ang espiritu – kag ginpahambal niya sing butig ang tanan ni Ahab
      • Ang ini nga ginpakita ni Micaya – pareho sang palaangiran/parable…
      • Nga ang tanan nga natabo – halin sa Ginoo – kag tagna para kay Haring Ahab
    • 3rd – Gintampa ni Zedekia si Micaya… vs. 23-27
      • Gusto niya mabal-an kon san-o naghalin sa iya ang espiritu sang Ginoo kag nagpakighambal kay Micaya
      • Ang sabat ni Micaya – mahibaluan mo sa adlaw nga mapatay si Haring Ahab kag manago ka sa pinakasulod nga kwarto sang balay…
      • Ang tawo makahambal bisan ano ang ila ihambal – pero maguwa gid ang kamatuoran
      • Ginpapriso dayon liwat ni Ahab si Micaya
      • Kag indi siya makaguwa asta nga makabalik si Ahab nga wala maano
      • Pero naghambal pa gid si Micaya – kon ang makabalik ang hari – indi ako halin sa Ginoo…
      • Si Micaya wala nahadlok maghambal kontra sa hari – ang kamtuoran ang iya ginhambal
      • Hapos sa aton maghambal parte sa Ginoo / parte kay Jesus kon ari kita sa simbahan…
      • Kag kon ang tawo nga aton ginahambalan nakakilala/kag nakabaton man sa Ginoo…
      • Pero kon iban na gani nga tawo ang aton ka istorya – budlay maghambal parte sa Ginoo
      • Ang pamangkot – ano ka importante para sa aton ang Ginoo
  • 4th – Napatay si ahab… vs. 28-34
    • 1st – Ang duha ka hari nagpakig-away sa Syria… vs. 28-32
      • Indi gusto ni Ahab nga matabo sa iya ang tagna ni Micaya
      • Te nagpakuno-kuno siya nga isa ka soldado – nagsuksok siya sang bayo sang soldado…
      • Pero si Jehoshafat nagsuksok sang iya harianhon nga bayo – para siya atakehon…
      • Kag ang Hari sang Syria nagsugo nga atakehon lang gid ang Hari sang Israel…
      • Sang nakita nila si Jehosafat – abit nila amo ato si Haring Ahab
      • Sang lapit na lang nila malabot kag mapatay si Jehoshfat – nakilala nila siya
      • Bisan nagbulig si Jehoshafat kay Ahab – ginpaon pa niya si Jehoshafat
      • Gusto pa niya mapatay si Jehoshafat para lang maluwas ang iya kabuhi…
      • Madamo sang mga abyan subong – abyan lang kon wala ka problema – pero indi na abyan kon damo ka problema
      • Pero sa tion sang problema – dira mo makita ang tuod mo nga mga abyan…
    • 2nd – Nalagpatan nga naigo si Ahab sang pana… vs. 33-34
      • Ang pana nag-igo gid sa tinabuan sang iya panagang sa dughan
      • Ang hari nagasandig na lang sa iya karwahe asta maghapon kag napatay…
      • Tungod sa iya kamatayon – nag-untat ang inaway kag nagpauli sila tanan…
      • Wala tani napatay si Ahab kon nagpamati lang siya sa Pulong sang Ginoo
      • Pero imbes nga mamati – nagpakuno-kuno pa siya – kag nakuha gid niya ang iya padya…
      • Gusto sang mga tawo nga palagyuhan ang silot sang Ginoo – gani nagapakuno-kuno sila
      • Daw Christian sila tan-awon kon Domingo – nagapakuno-kuno nga nagasunod sa Ginoo
      • Pero ang Ginoo makakita gihapon bisan nagapakuno-kuno kita
      • Para mapalagyuhan naton ang silot – magsunod kita sa Iya Pulong…