Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 34

A Hiligaynon study of II Chronicles 34 focusing on Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • II Kings 21- Ang malaot nga si Haring Manase
    • Si Manase ang ika-14 nga hari sang Juda – naghari siya sang 55 ka tuig (pinakalawig nga naghari)
      • Ginpatindog niya liwat ang mga simbahan sa mataas nga lugar – nga ginpaguba sang iya amay nga si Hezekiah
      • Ginhalad niya ang iya mga bata sa kalayo – para sa dios-dios nga si Molek – dios sang kalipay
      • Ginhimo niya ang mga ginahimo sang mga babaylan/manugpakot/manughiwit
      • Nagpamangkot siya san mga espiritista/naga-istorya siya sa mga kalag sang mga patay
      • Ang lala pa gid – ginbutang niya sa templo ang imahen sang dios-dios nga si Asera
    • Pero wala nag-untat ang Ginoo sa paglambot kay Manase kag sa Juda – pero wala sila nagpamati.
      • Ang ila mga sala nagpatig-a sang ila tagipusuon sa Ginoo – gani indi nila gusto mamati
      • Ang resulta – ginpadal-an sila sang Ginoo sang kalamidad ang Jerusalem kag Juda
      • Ginpasugtan Niya nga sakupon sila sang Assyria – gingapos si Manase – kag gindala sa Babylon
    • Tungod nga nagaantos siya – si Manase nagpanawag sa Ginoo – indi katingalahan
      • Kag ang Ginoo nagpamati sa iya – katingalahan – pero tungod kay ginpaubos niya iya kaugalingon
      • Kag gindala balik sag Ginoo si Manase balik sa Jerusalaem kag nangin hari siya liwat
      • Kag ginpangkuha ni Manase ang mga dios-dios /kag nagsugo nga sa Juda nga mag-alagad sa Dios
    • Ang iya bata nga si Amon malaot man – pero wala naghinulsol – ginpatay siya sa tapos 2 ka tuig

Ang paghari ni Josiah… (4 things)

  • 1st – Ang makitid nga dalan pakadto sa Ginoo… vs. 1-7
    • 1st – Si Josiah ang ika-16 nga Hari sang Juda… vs. 1-2
      • 18 ang iya edad sang naghari siya – kag 31 ka tuig ang iya paghari
      • Ginhimo niya ang maayo sa panulok sang Ginoo – nagpanglakaton siya pareho kay David
      • Nagdako siya sa iya malaot nga amay – Amon – nakita niya nga ang sala nagguba sa iya amay
      • Para sa iya may iban pa nga paagi – ang example ni Haring David
      • Ang buang-buang nagatuon paagi sa iya mga sala – pero ang maalam nagatuon sa sala sang iban
      • Makatuon gid man kita sa aton mga sala – pero may silot man para sa aton
      • Mas wise kita kon magtuon kita sa sala sang iban – imbes nga himuon man naton
      • Subo lang kay indi naton gusto magtuon sa sala – gusto naton nga himuon man ang ila sala
      • Kag makaagom sang silot pareho sa ila – kag mabudlayan man
      • Wala si Josiah nagkadto sa wala ukon tuo – nagpabilin siya sa makitid nga dalan
      • Sigurado damo si Josiah sang mga temtasyon nga pwede niya sundon
      • Mga oportunidad nga magsala ang iya desisyon – kag indi magsunod sa Ginoo
      • Pero naintiendihan niya nga para magamit sang Ginoo – dapat indi magtalang-talang
      • Matthew 7:14 – “Narrow is the gate and difficult is the way which leads to life…”
      • Ang kabuhi damo temtasyon – mga butang nga makapauntat sa aton pagsunod kay Jesus
      • Kon indi kita maghalong – mahulog kita sa damo nga mga sala
      • Pero kon magtulok lang kita sa Ginoo – ang aton nga dalan mangin husto
      • Para indi kita magkadto sa wala ukon tuo – Deuteronomy 17:18-20
      • Ang hari dapat adlaw-adlaw magbasa Bible – para indi siya magtalang
      • Kon gusto naton magpabilin sa makitid nga dalan – indi kita magpatemtar
      • Ang sabat simple lang – dapat adlaw-adlaw ara kita sa Pulong sang Dios
      • Kay ang Pulong magatadlong / magagiya / kag magatudlo pakadto kay Jesus
      • Psalm 119:11 – “Your word I have hidden in my heart… that I might not sin against You!”
    • 2nd – Si Josiah nagsunod sa Ginoo samtang bata pa siya… vs. 3-7
      • Sang 16 ang iya edad – nagsugod siya sunod sa Dios sang iya Lolo nga si David
      • Amo ini ang eded nga nagasugod ang pamatan-aw magrebelde – pero si Josiah nagpangita sa Ginoo
      • Ang pamatan-on nga edad budlay – pero indi buot silingon nga indi sila makasunod sa Dios
      • Mga tatay – kita ang magtudlo sa aton mga kabataan nga magbasa Bible kada adlaw
      • Indi lang mga Bible stories – kundi tudluan ta gid sila nga sila mismo ang mag-intiende
      • Tudlue sila nga magpamangkot – sila mismo maghibalo sang ila pagtuo…
      • Indi nga magsalig lang sila sa aton pagtuo nga ila kinikanan – kundi ila mismo pagtuo
      • Kay bisan pamatan-on pa sila – pwede sila mangin baskog sa Ginoo
      • Sang si Josiah naga-edad 20 – nagsugod siya pangkuha sang mga dios-dios
      • Gindugmok niya ang mga halaran – kag ginsabwag ang abo sa mga lulubnga sang nagtuo
      • Indi lang sa Juda – asta pa sa Samaria ginpangguba man niya ang mga halaran
      • Bisan bata pa siya – gingamit sang Ginoo si Josiah sa dako nga butang
      • I Timothy 4:12 – “Do not let anyone think less of you because you are young.”
      • Indi buot silingon nga ang tigulang mas tigulang na siya sa pagpanglakaton sa Ginoo
      • Ang pamangkot ano na siya kadugay nga ngapanglakaton kay Jesus
      • Pero sobra pa dira – ano na kadugay ang iya pagtubo kay Jesus
      • Kag indi buot silingon nga ang mga pamatan-on – gamay ang ila kaalam parte sa Ginoo
      • Indi man ang aton kaalam ang ginahatag sa tawo kundi ang kamatuoran sang Bible
      • Kag mas tigulang ang Pulong sang Dios – mas maalam sang sa tanan nga tawo
      • Te indi gid kita magpinsar nga bata pa ukon tigulang nga kita nga gamiton pa sang Ginoo
      • Wala nagatan-aw ang Dios sa edad – kundi kon sin-o lang ang gusto nga gamiton
      • Si Moses and Aaron – 80 nga ila edad sang nagsugod sila sa ministry!
  • 2nd – Ang pagkay-o sang balay sang Ginoo… vs. 8-13
    • 1st – Sang 26 ang iya edad – nagdesisyon siya nga ipakay-o ang templo… vs. 8
      • Sang gintinluan niya ang nasyon – ginpakay-o na man niya ang templo
      • Kay na intiendihan niya nga mas importante ang tawo sang sa building
      • Lain na ang pag-intiendi sang mga tawo sa simbahan subong
      • Ang pinsar sang tawo – kon mapatindog ta simbahan ang mga tawo mapalapit
      • Pero ang building temporary lang – ang tawo wala sing katapusan
      • Ang aton pinsar dapat lambuton naton ang mga tawo – luwason ang mga makasasala
    • 2nd – Nagpadala si Josiah sang mga opisyal para magpadala sang kwarta… vs. 9
      • Ginhatag ini kay Hilkiah nga Pangulo nga pari – para magrepair sang templo…
      • Ang kwarta ginkolekta sang mga Levita – sa bilog nga Israel
      • Naghatag ang mga tawo para ipakita ang ila pag-alagad sa Ginoo
      • Kon kis-a nagahimo ang Ginoo sang milagro kon paamo maghatag sa simbahan
      • Pero kalabanan – ginagamit kita sang Ginoo para mangin parte sang Iya buluhaton
      • Wala kita nagahatag tungod kay kinahanglan sang Ginoo ang aton kwarta, wala siya ginakulang
      • Pero nagahatag kita ukon nagabulig para mangin parte sang Iya buluhaton
      • Kon diin ang aton manggad – didto man ang aton tagipusuon – Mathew 6:21
    • 3rd – Ginhatag ni Hilkiah ang kwarta sa mga trabahador…vs. 10-13
      • Ang mga trabahador mga masaligan – te indi na sila kinahanglan bantayan – II Kings 22:7
      • Kay para sa ila – indi ina ubra kundi oportunidad para makaalagad sa Ginoo
      • Wala kita nagabulig para makakwarta – ang simbahan indi paagi para magmanggaranon kita
      • Te kon wala ka be sweldo – mabulig ka pa ayhan sa pagpatindog sang simbahan
      • Ang simbahan mangita sang tawo nga gusto magbulig – kay gusto niya mag-alagad
  • 3rd – Ang pagpangita sang Pulong sang Dios… vs. 14-28
    • 1st – Samtang ginakay-o ang templo – nakita ni Hilkiah ang Libro sang Kasuguan… vs. 14-17
      • Basi sa tion sang malaot nga mga Hari – Ahaz/Manase kag Amon
      • Gusto nila na ubuson ang tanan nga copya sang Bible
      • Kon nagakabuhi kita sa sala – indi naton gusto sang mga butang nga nagapadumdom sa aton parte sa Ginoo
      • Amo nga nagapalagyo kita sa mga Christian/simbahan/pangamuyo kag sa Bible
      • Kay ang Bible makapalayo sa aton sa sala – pero ang sala makapalagyo sa aton sa Bible
      • Pwede maubos sang malaot nga mga Hari ang Bible
      • May isa ka tawo nga naghambal – sa sulod sang 100 years ang Bible malimtan na
      • Pero ang ginhimo sang Ginoo – sang napatay ang tawo ang iya bala bodega na sang Bible
      • Isaiah 40:8 – “The grass dies, the flower fades, but the word of our God stands forever.”
      • Matthew 24:35 – “Heaven and earth will pass away, My words will by no means pass away.”
    • 2nd – Ang pagpamati sang Pulong sang Dios… vs. 18-19
      • Basi si Josiah nagbasa sa Kasuguan ni Moses – Deuteronomy 28-30…
      • Sang nabasahan niya ang Pulong – gingisi niya ang iya bayo
      • Nabal-an niya nga sala ang dalan nga gin-agyan sang taga Israel
      • Nag-agi sila sa dalan nga ang resulta ginsumpa sila sang Ginoo
      • Kon mag-abot sila sa Ginpromisa nga duta – dapat basahon nila nga Pulong sang Dios
      • Bugayan sila kon magtuman sila pero sumpaon sila kon indi sila magtuman
      • Hapos lang magpili kon gusto ta sang bugay ukon sumpa
      • Pero adlaw-adlaw magapili kita kon matuman kita ukon indi magtuman
      • Kon matuman kita bugayan kita – pero kon indi sumpaon kita
      • Joshua 24:15 – “Choose for yourselves this day whom you will serve…”
    • 3rd – Magpangkot sa Ginoo… vs. 20-22
      • Ginpatawag ni Josiah si Hilkia / Ahikam kag iban pa nga mga opisyal
      • Ginmanduan niya sila nga magpamangkot sa Ginoo parte sa dako nga kaakig sang Ginoo
      • Nagpromisa ang Ginoo nga padal-an sila sang dako nga silot kon magrebelde sang Juda
      • Pero bisan wala pa nag-abot – ginakahadlukan ni Josiah may maabot gid
      • Damo nga mga tawo ang nagapinsar nga ok lang sila – kay wala pa nag-abot ang silot
      • Para sa ila ang pasensya sang Ginoo – amo ang pagbaton sang Ginoo sang ila sala
      • Indi tungod nga wala pa ang silot – indi na magsilot sang Ginoo
      • Mapinasensyahon ang Ginoo – para hatagan kita sang tion nga magbalik sa Iya
      • Pero kon padayon naton ang aton sala – maabot ang tion nga silutan kita sang Ginoo
      • Numbers 32:22 – “Be sure your sin will find you out…”
      • Ang maga tawo nagkadto kay Hulda – ang babayi nga propeta
      • Katingalahan wala sila nagkadto kay Jeremiah – ang propeta sa tion ni Josiah
      • May 5 ka babayi sa bible nga ginatawag nga propeta
      • Si Miriam / Debora / Hulda / ang asawa ni Isaiah kag si Anna sa New Testament
      • Nami sila nga example nga pwede gamiton sang Dios ang mga babayi sa Ministry
      • Pwede ang babayi mag-alagad sa simbahan – si Febe ginatawag nga deacon Rom16:1-2…
      • Pwede nila tudluan ang mga babayi kag bata – Titus 2:4
      • Pero indi sila pwede magtudlo sa mga lalaki – I Timothy 2:13
      • Te sa simbahan ang indi lang pwede mahimo sang mga babayi ang mangin pastor
    • 4th – Ang indi mapapunggan nga silot sang Dios… vs. 23-28
      • Gintagaan sang Ginoo sang sabat si Hulda – ang silot sang Ginoo maabot gid
      • Laglagon sang Dios ang tanan nga taga-Juah – suno nasulat sa Kasuguan sang Juda
      • Tungod kay ang mga tawo nagapadayon sa pagsimba sa iban nga mga dios
      • Pero bisan sigurado maabot ang silot – may paglaom para kay Josiah
      • Tungod kay nagpakaubos siya – gingisi niya ang iya bayo – sang nabasahan niya ang Bible
      • Indi na makita ni Josiah ang silot – makadto siya sa Ginoo nga may kalinong
      • Indi mapunggan ang kaakig sang Ginoo
      • Kabalo ta lip-ot lang ang aton tion diri – maabot si Jesus kag magasilot sa kalibutan
      • Ang pamangkot – kabati bala kita sang Iya Pulong – kag magpaubos pareho kay Josiah
      • May paglaom bala kita nga pareho sa Iya – nga makakadto kita sa Ginoo nga may kalinong
      • Luke 21:36 – “Watch therefore, and pray always that you may be counted worthy to escape all these things that will come to pass, and to stand before the Son of Man.”
  • 4th – Naghimo sang kasugtanan sa Ginoo… vs. 29-33
    • 1st – Gintawag ni Josiah ang tanan nga opisyal sang Juda kag Jerusalem… vs. 29-30
      • Nagkadto siya sa templo upod sang mga pari kag mga propeta
      • Upod man ang tanan nga mga tawo sa Jerusalem – tanan nga manggaranon kag imol
      • Kag ginbasa ni Josiah ang Libro sang Kasugtanan nga ila nakita
      • Naintiendihan ni Josiah ang silot nga maabot sa Nasyon 
      • Kabalo si Josiah nga ang Ginoo nagpromisa sang kalinong sa iya tion – kay nagpaubos siya
      • Pwede lang siya tani nga mangin kontento sina – nga kabalo siya tawhay siya
      • Pero gusto ni Josiah nga ang TANAN nga taga Juda may ka tawhay pareho sa iya sa Ginoo
      • Te ginsigurado niya nga ang Tanan makabati sang Pulong sang Dios
      • Indi lang kita magkontento nga kabalo kita luwas na kita – kay may kalinong sa Ginoo
      • Kay damo sang mga tawo sa palibot naton nga nagapakadto sa silot sang Ginoo
      • Kilala naton ang damo nga mga tawo nga wala nagapati kay Jesus – te ano ang himuon ta
      • Gintawag kita nga magkadto sa ila – sa aton tupad balay / pamilya – Romans 10:14-17
      • Kag sugiran sila parte kay Jesus – ihatag sa ila ang mensahi sang Kaluwasan
    • 2nd – Nagtindo si Josiah sa templo kag naghimo sang kasugtanan sa Ginoo… vs. 31-33
      • Ang ini nga word nga kasugtanan daw budlay intiendihon – pero ini isa ka promisa
      • Nag promisa si Josiah nga sundon niya ang Kasuguan sang Ginoo/ ang Iya Pulong
      • Nga sundon niya ang Ginoo sang bug-os niya nga kusog / kag bug-os nga kalag
      • Kag himuon niya ang tanan nga sugo sang Ginoo sa Iya Pulong
      • Ang tanan nga tawo sa Juda nagsugot kay Josiah – pero wala nila ginsunod ang ila promisa
      • Nadala sila sa kasadya sang sina nga tion – naghimo sila nga promisa tungod sa ila emosyon
      • Ang problema sang promisa nga magsunod sa Ginoo – indi kita masaligan
      • Pareho sa camp – ang mga kabataan nagakadala sang mga upod nila nga mga tumuluo
      • Nagapromisa sila nga sugod subong masunod na sila sa Ginoo sa tanan nga tion
      • Kag ginapatihan gid nila nga tuod ang ila promisa – pero pagtapos camp wala na dayon
      • Ang pagpromisa paagi sa emosyon – indi gid magpadayon – kay nagadepende sa aton
      • Nagapromisa kita nga himuon ta gid ang mga butang nga dapat kag husto nga himuon
      • Nagapromisa kita nga kon magbugtaw mangamuyo/basa bible/mang-imbitar pa simbahan
      • Pero mas namian ta magtulog imbes nga magbasa – nagaupod sa barkada imbes nga imbitaron sila pakadto sa simbahan
      • Ang resulta – ginabasol ta aton kaugalingon kay indi naton masunod aton promisa
      • Ang problema kay indi naton masunod ang mga maayo nga mga butang
      • Ang problema ang aton tagipusuon – kita ang problema kay makasasala kita
      • Romans 7:18 – “I know I am rotten through and through so far as my old sinful nature is concerned. No matter which way I turn, I can not make myself do right…”
      • Ngaa ginahimo mo ang bal-an mo nga sala – kay gusto mo – wala sang may nagapilit sa imo
      • Ngaa wala mo ginahimo ang bal-an mo nga husto – kay indi mo gusto himuon
      • Ang problema indi naton mabag-o ang aton tagipusuon – paano mo maislan ang imo heart
      • Kita ang problema – kay gusto naton maghimo sang sala – sala ang aton handom
      • Amo na nga Ginoo naghatag sang bag-o nga promisa – ang Bag-o nga kasugtanan
      • Jeremiah 31:31 – “Behold, the days are coming, says the LORD, when I will make a new covenant… I will put My laws in their mind and write them on their hearts; and I will be their God, and they shall be My people.”
      • Ang bag-o nga kasugtanan – indi ya kon ano ang aton dapat himuon
      • Kundi kon ano ang ginhimo sang Ginoo para sa aton
      • Si Jesus lang ang makabag-o sa aton asta sa katapusan – Siya lang ang makailis sang aton tagipusuon kag bag-o nga kabuhi
      • Sa pag-angot naton kay Jesus – mabag-o Niya kita halin sa sulod pakadto sa guwa.