Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 12:12-31
Review…
- I Corinto 7 – Ang una nga pamangkot – pag–asawahay…
- I Corinto 8-10 – Ang ika duha nga pamangkot – Mga dios-dios…
- I Corinto 11 – Ang ika tatlo nga pamangkot – Pagsulundan sang panimbahon…
- Nagapakita sang pagtahod sa pag simba…
- Ang mga lalaki indi dapat mag tabon sang ila ulo /Ang mga babayi amo ang mag sul-ob sang manto sa ila ulo…
- Ang Katuyu-an amo ang pagpakita sang ‘pagpasunod’ gintukod sang Dios sa sulod sang simbahan.
- Pasulabiha ninyo ang isa kag isa sa pagambitanay…
- Imbes nga pasulabihon ang kaugalingon – sa mga pagsinalo-salo nga ‘Gugma’…
- Nagmando si Pablo sa mga tumuluo nga tagaan sang igtalupangod ang rason sang balaan nga paniyapon – ang pagdumdom…
- Kon ang tawo ginagutom – makaka-on sila sa ila mga balay antes mag kadto sa Simbahan!
- I Corinto 12 –Ang ika apat nga pamangkot – ang mga Dulot Espiritwal…
- 1st – Indi mangin ignorante – agod nga magpabilin nga mangabuhi para kay Jesus dapat puno sang Balaan nga Espiritu…
- 2nd – May ara madamo nga dulot – apang ini tanan may isa ka katuyuan – ang pagpabakod sa simbahan…
- 3rd – Ang mga makatilingala nga mga dulot – Kaalam / Ihibalo / Pagtu-o / Pag-ayo/ Milagro
- Propisiya / Paghantop /indi kilala nga lenguahe / pagpatpat sang lenguahe
- 4th – Ang kada isa may ara gid bisan isa ka ‘dulot’ – Ang Balaan nga Espiritu ang nagahatag sini sa Iya gusto pili-on!
- Madamo nga miembro – apang isa lang ka lawas… vs. 12-16 (5 ka butang)
- Nagapakita sang pagtahod sa pag simba…
- 1st – Ang ilustrasyon sang lawas… vs. 12
- Para magbulig pagpaathag kon paano ang ‘dulot’ kag ang simbahan padalaganon naghatag si Pablo sang ehemplo…
- Ang tawhanon nga lawas – nahimo sang madamo nga parte – apang ang tanan naga gana bilang isa…
- Ginagiyahan sang utak – nagahisugot ang kada parte nga magtuman sang katuyuan
- Sa amo man nga paagi ang simbahan sang Dios nabuo man sang mga kinalainlain nga mga indibidwal…
- Ang kada isa napapanag-iya sang nagkalainlain nga mga talento kag dulot – ang tanan naga obra para sa hilikuton sang simbahan!
- Tanan napaidalum sa awtoridad kag ginadumala sang ulo – nga si Jesu-Cristo!
- Colosas 1:18 – “Siya ang ulo sang iglesya nga amo ang iya lawas. Siya ang nauna, ang una nga nabanhaw sa pagpakilala nga siya amo gid ang pinakauna sa tanan.”
- Kon kita matinumanon kag nagapamati kay Jesus – nakaangot ang lawas sa ulo…
- Ang simbahan maayo kag matubo kay Jesus – pareho sa numero kag sa pagkahamtong!
- Kon ang isa ka parti sang lawas nagapang-indi magpamati sa ulo….
- May ara kita nga gina ngalan sa parti sang lawas nga nagatraidor – ginatawag ini nga cancer…
- Ang cancer isa ka parti sang lawas nga wala nagapamati sa ulo – nagahimo sang iya kaugalingon nga desisyon…
- Ini gilayon malapta sa pag laton sa iban nga parte sang lawas – kag ini makamamatay…
- Kon mag pang indi kita sa pag sunod sa ulo – si Jesus – kon nagkabuhi kita sang kabuhi nga puno sang sala…
- Mangin cancer kita sa lawas ni Cristo – katalagman sa ikaayong lawas sang simbahan…
- Sa Binuhatan 5 – Ang Balaan nga Espiritu nagpatay kay Ananias kag kay Sapphira – tungod sang binutig!
- Ang gamay nga sala sa simbahan – madasig nga matubo sa madako nga problema…
- Kon ginapadugayan ang sala nga wala ‘ginabulong’ – mas peligroso…
- Ang isa lang ka solusyon – kuhaon ang cancer – kuhaon ang problema!
- 2nd –sang san-o kita nangin parte sang Lawas … vs. 13
- Sang gin baton naton si Jesus paagi sa pagtuo – kaluwasan – ang Espiritu nag bautiso sa aton sa kay Jesus…
- Wala ini naga hambal tuhoy sa bautismo sa tubig…
- Ang pangguha nga pag hambal kon ano ang natabo sa tion sang gin kilala naton si Jesus…
- Kon may ara ka diploma – ang papel wala naga hatag sang Ihibalo…
- Apang ang papel naga representar sang tion kag pagpanikasog nga aton ginhinguyang para makuha ang diploma…
- Ang bautiso sa tubig naga pakita sang pagbag-o nga natabo sa sulod sang tion nga nagtu-o kita
- Ini nagahambal nahanungod sa paghiusa Cristo…
- Galacia 3:27 – “Kay ginbautisohan kamo sa inyo paghiusa kay Cristo. Kon sa mga bayo, ginsuksok na ninyo si Cristo.”
- Nagalain na ang aton pagkatawo – pagliwat sang pamatasan – II Corinto 5:17…
- Napatay kita sa daan naton nga pagkatawo – pagka maiyaiyahon – nagtugyan sing bug-os /ulipon sang sala…
- Nangin bahin kita ni Cristo – ang kabuhi naton nabakal – nakadedikar sa pag alagad kay Jesus!
- Gin bautisuhan sa Isa ka Lawas…
- Wala kaso kon ano kita antes naton nakilala si Jesus…
- Judio/ Griego / Hilway / ulipon – nagainom kita sa pareho nga Espiritu…
- Sa malip-ot nga pulong wala sang Lawas ni Cristo nga para lang sa manggaranon /kag ang isa para sa mga imol…Wala sang isa ka lawas nga para sa Baptists / isa para sa Katoliko / kag isa sa mga Sabadista…
- May ara lang Isa ka Lawas – kag ang tanan nga nagatuo kay Jesus nga mangin parti sini!
- Ang simbahan sang Dios indi isa ka building – indi partikular nga denominasyon…
- May ara lang nga isa ka simbahan sang Dios – ang Lawas ni Cristo…
- Bisan ano ang ngalan – wala sapayan ang tradisyon -kita parte sang simbahan sang Dios!
- 3rd – Ang pagkakontento kon diin ka nga bahin sang lawas gin butang sang Dios… vs. 14-20
- Kita ara sa Isa ka Lawas – apang may mga lainlain nga bahin…
- Pinsara bala ano ang matabo kon ang isa sang imo ; tiil’ mag rebelde…
- Nag desisyon tungod indi siya ang ‘kamot’ – indi na gusto nga mangin parti sang lawas…
- Tungod bala nga ang tiil naga rebelde – naga kahulugan na bala nga indi na siya nakaangot…
- Sa amo man nga paagi kon ang ‘dalunggan’ nga nagapangimon sa ‘mata’…
- Ang isa mahunahuna – maayo pa nga mangin ‘mata’ ukon ‘kamot’ /kay sa mangin mabaho nga ‘tiil’ ukon ‘dalunggan’…
- Apang kon ang bilog nga lawas mangin ‘mata’ ukon ‘kamot’ – paano maka bati ukon makalakat!
- Ang punto nga kon diin ka man nga bahin sang lawas importante – indi kita bug-os kon kulang!
- Sa amo man nga bagay – ang Lawas ni Cristo…
- Kada isa may papel/tinutuyo – dulot – ginhatag sang Dios para gamiton para sa Iya…
- Ayhan gin tawag kita sa posisyon nga ginakilala sa simbahan pareho sang isa ka – pastor / evangelist…
- Ukon tinawag ka naman sa papel nga indi ma notisyahan – dyanitor ka man/naga bulig tinlo sang kinan-an…
- May ara kita huyog nga magpang hunahuna nga ang isa ka papel mangin halandumon – ang isa naman makahilinulsol…
- Apang ang kamatuuran indi importante kon ano ang papel nga gin hatag sa pag tawag sa aton sang Dios…
- May ara kita sang lugar sa lawas ni Cristo – ang aton tinutuyo nga gin hatag sa aton sang Dios…
- Ang kada isa importante ang papel sa simbahan – ang lawas ni Cristo – para makapanghikot sang maayo…
- Ayhan may maghunanhuna nga mas maayo pa nga mangin ‘mata ’ sang sa‘tiil’…
- Apang tilawi nga mag dalagan nga wala sang tiil – kada parti importante/kada isa kinahanglanon / kada papel importante…
- May ara nga nga nagkalain-lain nga parte – apang naga-upod kita sa isa ka lawas /pamilya ni Jesus!
- Wala kita sang rason nga mag pabugal / ukon mag hinulsol sang aton tinutuyo …
- Ang Espiritu ang nanagtag sa kada isa sang mga dulot…
- Ang Dios amo ang nag tawag sa aton sa mga papel nga aton pun-an…
- Ang mga may ara ‘pinkamaayo ’ nga dulot – posisyon sa Lawas basi masulayan nga mag pabugal – apang…
- Ang dulot nga may ara kita indi sa aton kadayawan – total isa man lang kita ka banga – II Corinto 4:7
- Nagatulo nga banga – ina nga nagakinahanglan nga pun-an pirmi sang Espiritu!
- 4th – Pag baton sang iban nga parte sang lawas… vs. 21
- Ginatunaan sang pagbinahinbahin sa Lawas…
- Pamisara kon ano matabo kon ang ‘mata’ masiling sa‘kamot’ – Indi ta ka kinanglan!
- Kon ang imo lawas nakig-away sa iya kaugalingon – nag civil war…
- Ang isa ka parte nagasikway sa isa tungod lain ang ila nga katuyoan sa Lawas…
- Ang mangin resulta amo nga indi na makapanghikot ang Lawas – indi na mapuslan!
- Apang amo gid sini ang nagakatabo sa mga simbahan subong – nagabinahinbahin kita!
- Nagatulok kita sa jban nga tumuluo kag nagasiling nga indi sila insakto – tungod nga lain sila…
- Marcos 9:38-40 – “Manunudlo, nakakita kami sang isa ka tawo nga nagatabog sang malaot nga mga espiritu sa imo ngalan. Ginpauntat namon siya kay indi naton siya kaupod, Pabay-i lang ninyo siya kay wala sing may nagahimo sang milagro sa akon ngalan nga maghambal man dayon sang malain kontra sa akon. Ang bisan sin-o nga wala nagakontra sa aton nagadampig sa aton.”
- Mga tawo nanamian magbahinbahin – kon indi ka upod sa akon gruo – indi ka kaupod sa akon bahin…
- Tungod lang nga ang isa wala nagakadto sa aton simbahan – lain na siya sa grupo…
- Wala nagakahulugan nga indi siya luwas – Kristohanon – bahin sang Lawas…
- Ang Simbahan MADAKO kag nagkalain-lain – apang may isa ka butang nga kumon sa aton tanan – si Jesus!
- Ang katahum sang pagka nanuhaytuhay…
- Ginpasugtan sang Dios nga may ara sang madamo nga mga denominasyon sa kalibutan..
- Kada isa may lain nga sabor – lain nga ginatutokan – pero tanan isa lang ka Ginoo…
- Ang rason para ang simbahan makapangalagad sa tanan nga mga nagkalain-lain nga klase sang mga tawo…
- I Corinto 9:22 – “Nagapakigbagay ako sa tanan bisan ano ang ila kahimtangan, agod sa bisan ano nga paagi maluwas ko ang iban sa ila.”
- Basi may isa ka persona nga komportable sa mga tradisyon sang Simbahan Katolika…
- Ang isa naman nalipay sa masinadyahon nga pagsimba sa Simbahan sang mga Pentecostal…
- Ang isa naman madali makapalapit sa Dios paagi sa solido nga pagpanudlo sa Simbahan sang Evangelical…
- May madamo nga mga kasimbahan para sa mga madamo nga nagkalain-lain nga mga tawo – pero Isa lang ka Lawas!
- Nagatindog kita kon nagahiusa – matumba kon mag-binahinbahin…
- Lucas 11:17 – “Kon ang mga pumuluyo sang isa ka ginharian magbinahin-bahin kag mag-ilinaway, ina nga ginharian malaglag. Amo man ang matabo sa panimalay kon ang mga nagaestar dira magbinahin-bahin kag mag-ilinaway.”
- Ang pagbinahinbahin magatuga nga indi epektibo ang simbahan para kay Jesus – nagatublag sa aton pagsanag…
- Imbes nga makita ang Higugma ni Jesus sa aton – makita sang kalibutan ang aton nga pag-ilinaway…
- Nanamian gid si Satanas nga magtuga sang pagbinahinbahin sa simbahan – para indi na kita makapamatok sa iya
- Kon sako gid kita sa pakig-away sa aton kaugalingon – wala na kita nagapakig-away para sa nagtalang nga kalibutan!
- 5th – Mas padunggan ang mga parte nga kubos sa importansya… vs. 22-26
- Ang mga parte sang aton nga lawas nga aton nga ginakabig nga indi masyado ka importante – amo ang pinaka-kinanaglanon…
- Nagahatag kita sang espesyal nga pagtatap sa mga parte nga daw indi masyado ka importante
- Wala kita nagahinguyang sang tion para bayoan ang aton nga mga ‘kamot’ okon mga ‘mata’ (wala ginaisip ang sunglasses)…
- Pero ginabayoan ta ang aton nga mga ‘tiil’ – sa matuod lang may mga parte kita sang aton lawas nga indi naton gusto nga makita sang iban…
- Ang mga parte nga ‘kubos sa dignidad’ ginahatagan naton sang extra nga pagtatap paagi sa mas madamo nga panapton nga ginatakop!
- Mas madako nga pagpadungog…
- Sa amo man nga paagi sa Lawas – naghatag ang Dios sang mas madako nga pagpasidungog sa mga ‘indi masyado ka importante nga katungdanan’
- Daw ginapahangop nga ang mga Pastor / Manunudlo ginahatagan sang mas madako nga pagpadungog sa simbahan…
- Pero nakakuha na sila sang ila nga padya sa diri kag subong – ang pagdayaw sang mga tawo…
- Mahatag ang Dios sang mas madako nga pagpasidungog sa mga katungdanan nga indi mo makita…
- Ang persona nga padayon nga nagapangamuyo para sa mga katawhan sang Dios – nagapaninlo kon tapos na sila…
- Ayhan indi mo makilala ang mga ngalan nila diri – pero hatagan sila sang Dios sang mas madako nga pagpasidungog…
- Sa amo sina nga paagi, may balanse sa sulod sang simbahan – wala sang isa ka regalo nga mas maayo sang sa iban!
- Tanan nga parte kinahanglanon…
- Kada san-o ka makapaminsar tuhoy sa imo nga kurason / baga / atay…
- Pero tilawi magkabuhi bisan madali lang nga kulang sang bisan isa sini nga nasambit…
- Kon ang isa ka parte wala nagahikotar sang maayo – ang bug-os nga lawas mabudlayan…
- Sa kay Cristo, tanan kita konektado sa isa kag isa – parte sang pareho nga Lawas…
- Kon may parte nga kulang – okon wala nagahikotar sang maayo – ang bug-os nga lawas mabudlayan…
- Basi indi ta gani matalupangdan nga may ara kita sang ‘kamalagko’ asta nga mapilasan naton ina – Dayon amo na lang ina ang aton pirmi ginapaminsar!
- 6th – Pangitaa ang pinakamaayo nga mga dulot… vs. 27-31
- Bisan wala sang isa ka dulot nga mas maayo sa iban – may ara sang pagpasunod sa mga ini…
- Ang Pangulohan sa sulod sang Lawas…
- 1st – Apostol – ang mga gintawag para maglakat kag magpa-ambit sang Maayong Balita…
- 2nd – Mga Propeta – ang mga nagatawag sa katawhan sang Dios nga maghinulsol – kag magbalik sa Ginoo…
- 3rd – Mga Manunudlo – ang mga nagatudlo sa mga katawhan sang Dios tuhoy sa Pulong sang Dios
- Dayon ang mga nagapangalagad sa Lawas…
- Nagapatubo kag nagapalig-on sa simbahan paagi sa mga milagro / pagpang-ayo…
- Mga bulig – practikal nga nagahimuno sang mga kinanglanon sang simbahan (mga deakono)…
- Pagdumala – pag-organisa sang simbahan – nagasigurado nga indi magkaginamo…
- Ulihi gid ang di-kilala nga lenguahe – ang isa lang gid ka dulot nga ginatuyo nga ipalig-on ang indibidwal nga tumuluo
- Tanan kita nagkalain-lain ang mga dulot – pero pangitaa ang pinaka-maayo…
- Indi tanan mangin Apostol – okon propeta – okon manunudlo…
- Indi tanan maka-angkon sang dulot nga milagro – okon pagpang-ayo – okon di-kilala nga lenguahe…
- Indi man nga indi kita makapili – makapangayo kita sa Dios sang pinakamaayo nga regalo…
- Indi man malain kon may ara kita sang dulot sang ‘mga bulig’ nga naga-alagad sa mga santo sa simbahan…
- Pero ngaa indi mo na lang pagpangayoon sa Dios nga hatagan ka sang regalo nga mangin Apostol okon Manunudlo…
- Ang mas maayo nga paagi…
- Nagatapos si Pablo nga nagahambal nga may ara sang mas maayo nga paagi…
- Ang mga dulot sang Espirito makatilingala – nagahatag sa kada isa sa aton sang lugar sa Lawas…
- Kag kinahanglan naton una nga batonon ang regalo nga hatag sang Dios – batonon ang iban nga ara sa simbahan…
- Pero paano naton mapaghiusa ang isa ka nanuhaytuhay nga grupo sa Isa ka Lawas- Isa ka Simbahan…
- Idedikar ni Pablo ang madason nga chapter nga nakatutok sa kula nga nagapatapik sa aton tanan – ang Higugma!