Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 13:1-13
Review…
- I Corinto 7 – Ang una nga Pamangkot – Pag-asawahay…
- I Corinto 8-10 – Ang ikaduwa nga Pamangkot – Mga dios-dios…
- I Corinto 11 – Ang ikatlo nga Pamangkot – Mga pagsulundan para sa panimbahon…
- I Corinto 12:1-11 – Ang ika-apat nga Pamangkot – Ang mga dulot Espiritwal…
- 1st – Indi ka mangin ignorante – kinahanglan nga puno kita sang Balaan nga Espirito para mangabuhi para kay Jesus…
- 2nd – Madamo klase nga mga dulot – pero tanan para sa isa ka katuyoan – para mapalig-on ang simbahan…
- 3rd – Ang supernatural nga mga dulot – Kaalam / Ihibalo / Pagtuo / Pagpang-ayo / mga milagro
- Propesiya / Paghangop / Mga indi kilala nga Lenguahe / Pagpatpat sang mga lenguahe
- 4th – Ang tanan may ara gid sang bisan isa lang ka ‘dulot’ – ginahatag ini sang Balaan nga Espirito sa kon sin-o ang Iya mapilian!
- I Corinto 12:12-21 – Madamo nga myembro – isa lang ka Lawas..
- 1st – Nagahatag sa aton si Pablo sang laragway sang isa ka lawas – madamo nga parte nga kontrolado sang isa ka ulo…
- 2nd – Tanan kita nangin parte sang Lawas ni Cristo – sang nagtuo kita kay Jesus!
- 3rd – Dapat nga mangin kontento kita sa pwesto nga ginhatag sang Diyos sa aton sa Iya nga Lawas – dalunggan / mata / tiil
- 4th – Dapat man naton nga batonon ang iban nga mga parte sang Lawas – iban nga mga denominasyon…
- 5th – Wala sang parte sang Lawas nga mas maayo sang sa iban – tupong tanan sa mata sang Dios…
- Paano ayhan gina-impon sang Dios ang mga nagkalain-lain nga grupo sa Isa ka Lawas – Isa ka simbahan…
- Paghigugma… (3 ka butang)
- 1st – Ang mga dulot waay pulos kon wala sang Paghigugma … vs. 1-3 (3 ka ehemplo)
- 1st – Kon wala sang paghigugma – maka-iritar ang aton nga mga dulot…
- Ehemplo lang – kon may ara ako sang ‘di kilala nga lenguahe’ – isa sa mga ‘Dulot nga Espiritwal’…
- May abilidad nga maghambal sang lain nga lenguahe – isa nga wala ko natun-an…
- Bisan may abilidad ako nga maghambal sang lenguahe sang mga anghel (ayhan Hebreo)…
- Isa ka dulot nga mahimo nga gamhanan nga makapalig-on sa mga katawhan sang Dios…
- Apang ang akon nga motibo indi paghigugma – daw pareho lang ko sang isa ka bata nga nagalampos sang magahod nga cymbal
- Nagapangayo lang ako atensyon para sa akon kaugalingon – wala nagapabakod sang simbahan…
- Nakakadto na ako sa simbahan nga tanan nagadululungan hambal sa di-kilala nga lenguahe…
- Imbes nga maghatag bugay sa simbahan – tanan nagapangita lang sang atensyon sa ila kaugalingon…
- Ang resulta sa katapusan indi isa ka napabakod nga simbahan – madamo lang gid nga maka-iritar nga gahod!
- Kon usaron naton ang dulot nga hatag sang Dios sa mga rason nga maiya-iyahon – gina-abuso naton ang dulot…
- Ginakuha ta ang isa ka butang nga gintuyo nga mangin pagkamaayo – kag ginhimo ini nga waay pulos kag maka-ulugot!
- 2nd – Kon wala sang paghigugma – ang aton nga mga dulot waay pulos…
- Kon may ara ako sang dulot nga propesiya – okon ihibalo – okon pagtuo…
- Kon may ara ako sang dulot sang propeta kag makapakot sang palaaboton…
- Kon hatagan ako sang Dios sang dulot nga ihibalo – Mahangpan ko ang tanan – wala sang nakatago…
- Kon may pagtuo ako nga makasiling sa isa ka bukid – ihaboy ang imo lawas sa dagat – Mateo 17:20…
- Pero ang akon motibo indi paghigugma – nian bale wala ako – tanan ko nga ihibalo /pagtuo wala sang pulos!
- Ang mga pinaka-arogante nga mga tawo nga nasugata ko – amo ang mga may maayo nga edukasyon…
- Nagapinsar sila nga ara na sa ila ang tanan nga sabat – kag gamay ila panulok sa iban…
- Ang mga ginhatagan sang poder – mga politiko – nagapinsar nga sila ang tag-iya sang kalibutan!
- I Corinto 8:1 – “…bisan masiling naton nga madamo na ang aton nahibaluan, dumdumon naton nga ang nahibaluan sang tawo kon kaisa amo ang ginahalinan sang pagpabugal.”
- Ang ihibalo kag poder mahimo nga mangin peligroso kon wala gina-usar sa insakto…
- Imbes nga usaron ang aton nga ihibalo kag poder para magpakamaayo kag magbulig sa iban…
- Kon wala ma-samuan sang gugma – mangin arogante kag bugalon lang kita – waay pulos!
- 3rd – Kon wala sang paghigugma, ang aton mga dulot wala sang unod…
- Kon ginhatag ko ang tanan – asta sa ulihi ko nga piso – sa mga pobre…
- Madamo na sang mga nakahatag sang mga dalagko nga balor sang manggad sa mga imol…
- Apang ang pamangkot ngaa nagahatag kita – para pakamaayohon ang Dios / okon para makit-an sang mga tawo…
- Mateo 6:3-4 – “Kon nagalimos kamo, indi ninyo pagpahibalua bisan pa ang inyo suod nga abyan agod sekreto ang inyo paghatag. Kag ang inyo Amay nga nakakita sang inyo ginahimo sa sekreto amo ang magabalos sa inyo.”
- Kon ang offering plate ara na lapit sa aton, nagapakita-kita bala kita sang aton ginahatag …
- Gusto bala naton ang aton nga ngalan ara sa plake para mahibaloan sang tanan ang aton nga gin-obra…
- Kon maghatag ka – himua sa paagi nga wala sang nakahibalo – kundi ang aton nga Amay sa Langit lang…
- Kon nagahatag kita para madakop ang atensyon sang mga tawo – ang aton nga dulot wala sang kahulugan!
- Kon ginhatag ko ang akon kabuhi – nasunog nga buhi – bilang martir ni Jesus…
- Madamo na – ginabulubanta 70 million – nga ginpatay tungod sang ila pagtuo kay Jesus
- Pat-od gid nga wala na sang mas madako pa nga paghigugma nga mahatag naton sa Dios – kaysa magbuwis sang aton kabuhi…
- John 15:13 – “Kon may tawo nga desidido nga mapatay para sa iya mga abyan, ina nga paghigugma indi na gid malabawan.”
- Bisan nga ‘ihatag pa naton ang aton lawas para sunugon’ – para lang magpadayaw sa iban – wala ina sang unod!
- Ini tanan nagatuhoy sa higugma…
- Sang gamay pa ako nanamian ako nga magbulig sa mga tawo – indi tungod gusto ko makahimo sang maayo…
- Kundi tungod nga gusto ko makabaton sang pagdayaw – ‘abaw kabuot nga bata’…
- Kabalo ako nga ang akon motibo sala – gina-obra ko ang insakto nga butang tungod sa mga sala nga rason!
- Kon wala sang higugma nga nag-guiya sang mga dulot – kon wala sang higugma nga amo ang mangin kula para magkapyot sang lawas para nga mag-inupdanay
- Magisi kag maglinapta lang kita tungod sang kina-iya-iya – nagalagas sang aton kaugalingon nga himaya…
- Tanan ini nahanungod sa gugma – kon wala sang higugma ang aton mga dulot maka-ulugot / waay pulos / wala unod
- 1st – Kon wala sang paghigugma – maka-iritar ang aton nga mga dulot…
- 2nd – Ang kahulugan sang higugma… vs. 4-8
- Apat ka nagkalainlain nga klase sang Higugma…
- May ara ang aton nga lengwahe sang isa lang ka tinaga para sa higugma – ang Griego (NT language) may ara sang 4!
- Ginahigugma naton ang Dios – ginahigugma naton aton pamilya – ginahigugma naton ang letson – pareho nga tinaga / lain-lain nga kahulugan…
- Ginapain sang Bibliya ang mga kahulugan sa apat ka tinaga…
- 1st – Eros – sexual nga paghigugma – ang isa lang gid ka kahulugan nga wala ginsambit sa Bubliya
- 2nd – Storge – paghigugma sa pamilya – Roma 12:10 – ang paghigugma sa utod / ginikanan / paryente
- 3rd – Phileo – paghigugma sa abyan / pag-inabyanay – ginusar 25 ka beses sa NT
- 4th – Agape – perfecto nga higugma – sakripisyo nga paghigugma – Ginusar 200 ka beses sa NT!
- Masami gina-usar para ilaragway ang Paghigugma sang Dios – I Juan 4:8 – “…ang Dios gugma. [agape]…”
- Ang paglaragway sang Agape… (14 ka butang)
- 1st – Mapailubon – Ang paghigugma wala nagadali – wala nagapaabot nga makakambyo sa aton sa isa lang ka adlaw…
- Kon nagapanglakaton ka sa paghigugma mangin mapailubon ka sa mga kakulangan sang iban…
- Bisan ang mga mabudlay nga kaso – ang mga indi madali higugmaon…
- Kaangay man nga mapailobon sa aton ang Dios – nagahulat sa aton nga magpati kag magbaton kay Jesus!
- 2nd – Mainayuhon – Ang gugma indi maparas – wala naga-usar sang masakit nga tinaga – indi mapintas…
- 3rd – Wala sang kahisa – indi maimon ang paghigugma – wala nagahisa sa mga dulot nga ara sa iban nga tawo
- 4th – Wala nagatikal – Ang higugma wala nagapangita sang pagdayaw sang mga tawo…
- Kon nagapanglakaton ka sa paghigugma wala ka nagapaabot nga matalupangdan sang iban…
- Sa baylo, ang paghigugma nagapaabot nga pagapadyaan sang Dios – nagapangita sang pagdayaw sang Dios!
- 5th – Indi bugalon – Ang higugma wala nagahunahuna nga mas maayo siya sang sa iban…
- Wala kita ginapili sang Dios tungod dalayawon kita – Ginapili Niya ang mga buang-buang…
- I Corinto 1:26 – “Mga utod kay Cristo, dumduma ninyo kon ano ang inyo kahimtangan sang wala pa kamo pagtawga sang Dios, pila gid lang sa inyo ang ginakabig nga maalam ukon may ikasarang, kag pila man lang ang naghalin sa kilala nga mga pamilya.”
- Ang higugma nagapanghikot nga mapainuboson – ang kabaliktaran sang bugal – pagpasulabi sang iban!
- 6th – Indi bastos – Ang higugma indi makaulugot…
- Kon nagalakat ka sa dalan – kag nagapalayo ang iban nga tawo sa imo
- Nian wala ka nagpanglakaton sa paghigugma – ang higugma nagapalapit sang iban sa imo!
- 7th – Indi maiya-iyahon – Ang higugma nagapasulabi sang mga kinahanglanon sang iban…
- 8th – Wala nagakaugot – ang higugma indi malip-ot ang pisi – indi madasig mapaslawan…
- Ang higugma naga-upod sa ilig – mapasibusibuon – indi madasig magkagamo…
- Kaangay na lang nga kon ang tupad-balay nagapatukar sang pwerte ka gahod nga musika sa alang-alang nga oras sang gab-i…
- 9th – Wala nagatago sang lista sang mga sala – Ang higugma wala naga-isip sang mga nahimo nga sala…
- Nanamian gid kita nga mag-isip sang mga sala nga nahimo sang mga tawo batok sa aton – aton nga madumduman…
- Apang ang gugma , iya nga ginahaboy ang listahan sa guwa sang pwertahan – bag- o nga umpisa – matinlo na naman nga umpisa!
- 10th – Wala nagakalipay sa sala / pero nagakalipay sa kamatuoran…
- Kon makita naton ang isa ka tawo nga makabaton sang nagakabagay sa iya – gusto naton hustisya…
- Apang ang higugma wala nagapangita sang pagtimalos – ang higugma nalipay nga makakita nga ang Dios nagapakamaayo sa iban!
- 11th – Nagatabon sang mga kasypanan – Ara sa kabubut-on sang paghigugma nga kalimtan ang mga nagligad nga mga sala…
- I Pedro 4:8 – “…Kay kon may paghigugma ka sa imo isigkatawo, makapatawad ka gid sa iya bisan madamo ang iya nahimo nga sala.”
- Ang higugma wala nagaistorya tuhoy sa mga sala sang iban – sa baylo ginaprotektahan ang ila nga reputasyon
- 12th – Wala nagapati sa tanan nga butang / Nagalaum sa tanan nga butang…
- Madamo sa aton ang may huyog nga mangin negatibo – nagapaabot sang pinakamalain nga matabo…
- Makita sang higugma ang pinakamaayo sa tawo sa tanan nga tion – nagalaum nga ang Dios ang manghikot para sa kaayuhan!
- 13th – Nagabatas sa tanan nga butang – bisan ano pa – Wala nagakadulaan paglaum ang higugma…
- 14th – Wala nagakapaslawan – Diri gid naton ma-intiendehan nga ang Dios Higugma…
- Bisan sin-o / bisan ano nga aton ginasaligan sa kabuhi mapaslawan gid sa ulihi…
- Kon nagasalig kita sa mga tawo – bisan ano pa sila ka maayo – makasasala man sila gihapon…
- Kon nagasalig kita sa gobyerno / sa mga organisasyon – tanan may pareho nga kasaypanan – mga makasasala…
- Ang isa lang gid nga indi- indi gid magpaslaw sa aton – amo si Jesus!
- Ang bunga sang Espirito amo ang Gugma…
- Galacia 5:22 – “Pero ari ang bunga nga makita sa kabuhi sang tawo kon ang Espiritu Santo amo ang nagagahom sa iya: mahigugmaon siya…”
- Imposible para sa aton nga maka-angkon kita sang sini nga klase sang paghigugma paagi sa aton nga kusog – 14 ka butang…
- Kon magtulok lang kita kay Jesus – kag batonon ang grasya sang Dios – ma-angkon naton ini nga paghigugma…
- Samtang napuno kita sang Espirito sang Dios – ang mangin bunga sang aton kabuhi amo ang Higugma sang Dios!
- 3rd – Ang labing-dako sa tanan nga mga dulot amo ang Gugma… vs. 8-13
- Ang mga dulot indi magtiner nga walay katapusan… vs. 8-12 (3 ka ehemplo)
- 1st – Subong ang kada isa may ara sang ‘parte’ nga pagahimoon sa Lawas ni Cristo…
- Ang kada isa sa aton may ara sang regalo nga ginhatag sang Dios para angay gid kita nga magsibu sa isa kag isa sa lawas ni Cristo…
- Apang kon magkari na si Jesus – ‘ANG isa nga Perfecto’ – indi na naton kinahanglan ang mga dulot…
- Ang mga dulot ginakinahanglan lang diri sa duta – sa simbahan – para patuboon kita kay Cristo
- Kon mag-abot na kita sa langit ang mga regalo nga ginhatag sang Dios sa simbahan madulaan na sang katuyoan…
- Ang mga may dulot nga propesiya madulaan na obra – indi na kinanglanon…
- Ang mga may dulot nga lengwahe mapundo na sa paghambal – isa na lang ka lenguahe…
- Wala na sang kinahanglan sang pagpang-ayo – wala na sang masakit – Hayag 21:4
- Wala na kinanglanon nga mga Aposotles/Pastor – kay ara na si Jesus nga magtudlo kag magtuytoy sa aton!
- May mga nagasiling nga ang mga Dulot sang Espirito para lang sa pinaka-una nga simbahan…
- Ang Pulong sang Dios indi pa kumpleto (NT) – Ginhatag sang Dios ang mga Dulot para ipamat-od ang simbahan…
- Nagabais sila nga ‘ANG perfecto’ nga manug-abot amo ang kumpleto nga Pulong sang Dios…
- Kon ara na sa aton ang kumpleto nga Pulong (NT) – indi na naton kinahanglan ang mga dulot…
- Apang ‘ANG perfecto’ nga manug-abot maathag nga si Jesus sa ini nga konteksto – (rapture)…
- Suno sa Binuhatan 2:38-39 – ang Dulot sang Espirito para sa tanan nga henerasyon!
- 2nd -Pagkumparar- Sang bata pa ako kag sang hamtong na ako
- Sang bata pa ako – Nagahambal / nagahangop / kag nagahunahuna ako kaangay sang isa ka bata…
- Sang mga bata pa kita nagahampang kita sang lantay lantay
- Pero wala mo ginapaabot nga ang mga hamtong madalagan man kag maghampang sang sina nga hampang…
- Kon nagatubo kita ginakalimtan na naton ang mga butang nga binata-bata – mas madamo na ang aton nga mga responsibilidad…
- Pareho man sina ang aton panglakaton upod kay Cristo – subong kinahanglan naton ang mga ‘dulot’ para mabuligan kita…
- Pero kon ara na kita sa langit – pwede na naton nga ibilin ang mga ‘butang sang aton nga pamatan-on’…
- 3rd -Pagkumparar- Kon magtulok ako sa salamin kag kon magtulok nga atubangay…
- Ang mga dinumaan nga mga salamin indi pareho sa mga salamin naton subong…
- Human sila sa ginpahining nga metal – ang banaag medyo madulom kag indi maathag…
- Ang paghangop naton kay Jesus subong kaangay sang salamin – madulom kag indi maathag…
- Ang makasasala naton nga unod / kag ang limitasyon sang aton nga paghangop nagatublag sa aton sa pagkita sang maathag…
- Pero kon mag-abot kita sa langit – kag mag-atubang kay Jesus – makakita na kita nga maathag kag himpit!
- Dayon mahangpan na naton ang tanan – kaangay sang paghangop ni Jesus sang tanan!
- Ang tatlo nga ini nagapabilin…
- Sa tanan nga mga regalo – tatlo lang ang eternal – Pagtuo / Paglaum / Paghigugma…
- Pagtuo – nakatutok sa nakaligad – nagatulok sa na-obra na sang Dios para sa aton…
- Paglaum – nagatulok sa palaaboton – ang mga makatilingala nga mga saad sang Dios para sa aton…
- Ang labing-maayo sa tanan amo ang Paghigugma…
- Higugma – nagatutok sa diri kag sa subong – kon ano ang ginakinahanglan naton subong…
- Paghigugma ang naguyat kay Jesus sa krus – para maka-angkon kita sang kabuhi nga walay katapusan!
- Ang higugma sang Dios ang nagahatag sa aton sang pagtuo – nagahatag sang paglaum – nagahatag sang kabuhi…
- Kag sa aton nga matag-adlaw nga panglakaton sa ini nga paghigugma – magadala kita sang paghiusa sa Simbahan sang Dios!