Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 15:35-58
Review…
- I Corinto 7 – Ang una nga pamangkot – Ang Pag–asawahay…
- I Corinto 8-10 –Ang ika duha nga pamangkot – Ang mga dios-dios…
- I Corinto 11 – Ang ika–tatlo nga pamangkot – mga pagsulundan sang panimbahon…
- I Corinto 12-14 – Ang ika-apat nga pamangkot – mga Dulot Espiritwal…
- I Corinto 12-14 – Ang ika-lima nga pamangkot – ang pagbanhaw sang patay…
- Si Pablo naghatag sang Mensahe sang Maayong Balita – ang gahom sang kaluwasan sa tanan nga nagatuo…
- 1st – Ang Dios /si Jesus napatay sa krus para sa aton nga mga sala / 2nd – gin lubong Siya – gin hilway ang mga bihag…
- 3rd – Nabanhaw sa ika-tatlo nga adlaw / 4th -Ang Iya nga pagkabanhaw nga nasaksihan sang madamo!
- May iban nga taga Corinto nga naga pamangkot sang pagkabanhaw sang patay…
- Si Pablo napakigbais nga kon ang patay indi makabanhaw – nian si Jesus wala man nagbanhaw halin sa kamatayon…
- Ang mensahe sang Maayong Balita mangin isa ka butig – magkaon / inom /kag mag pagusto kay ang kamatayon amo na ang katapusan…
- Apang nabanhaw si Jesus – Siya ang una – pero ang tanan nga tawo pagabanhawon man!
- Ang mga ara kay Cristo -pakadto sa kabuhing dayon sa langit /ukon kay Adan – pakadto sa kabuhing dayon sa empierno…
- Ang kamatayon indi amo ang katapusan – isa lang ini kapanugod sang eternidad…
- Indi pag sunda ang ehemplo sang nagapangabuhi para sa kalibutan – sa baylo sugiri sila sang Maayong Balita!
- Ang ika lima nga pamangkot – Ang pagkabanhaw… (4 ka butang)
- 1st – Paano ang pagbanhaw naga-obra… vs. 35-38
- Napaabot ni Pablo ang madason nga duha ka pamangkot -Bangod nga may pagkabanhaw… vs. 35
- Una – paano nga ang isa ka patay – makabalik sa pagkabuhi…
- Ika-duha – ano nga klase aton lawas kon mabanhaw kita..
- Si Pablo nag-gamit sang simple nga ehemplo nga makita naton sa palibot…
- Paglubong sang binhi… vs. 36
- Tanan kita naka hangop paano magtanom sang binhi – ginabutang naton sa duta kag ginalubong…
- Kag maabot ang tion – sa insakto nga tion sang Dios -ang patay nga binhi manumbalik sa pagkabuhi…
- Ang binhi ‘nabuhi ’ – napatay /gin lubong/ kag nagbalik sa kabuhi nga may bag-o nga lawas!
- Ini indi isa lang ka aksidente – Ang Dios nag tuga sang bug-os nga kalibutan kag may tinutuyo nga pag tudlo sa aton…
- Ang Dios nag hatag sa aton sang modelo agod nga mahangpan naton kon paano ang pagkabanhaw naga obra!
- Indi lang ini matuod sa kabuhi sa eternidad – kundi sa pang-adlaw-adlaw man nga kabuhi…
- Juan 12:24 – “Sa pagkamatuod, ginasugid ko sa inyo nga kon ang isa ka binhi indi pag-ilubong sa duta kag mapatay, ina magapabilin gid lang nga isa ka binhi. Pero kon ilubong kag mapatay, magatubo ini kag magapamunga sing madamo.”
- Kon kita ang naga-uyat sang aton kabuhi – tilawan mangabuhi sa aton pamaagi -madula naton ini…
- kon ara lang sa kabubuton naton nga maghatag sang aton kabuhi –nga aton makita ang kabuhi nga ara kay Jesus…
- Nian makita naton ang pinakamaayo gid nga regalo – ang bugana nga kabuhi kay Jesus….
- Kaangay sang binhi – ang aton kabuhi dapat ilubong…
- Kon ang aton pisikal nga lawas mapatay – ‘ang binhi’ – ginalubong kita sa duta…
- Ang desisyon kon diin kita makadto sa eternidad limitado lang sa tion naton sa ini nga kalibutan…
- Sa tion nga kita mapatay ang aton kapalaran masilyohan na – wala na sang ikaduha nga kahigayunan…
- Wala sing purgaturyo -ang pangamuyo sang mga santos /pari/pamilya indi makabulig sa aton…
- Hebreo 9:27 – “Ang tawo kaisa gid lang mapatay, kag pagkatapos hukman na siya sang Dios…”
- Mahimo nga nabaton na naton si Jesus kag may paglaum nga kaupod ang Dios sa eternidad…
- Ukon isikway naton ang Maayong Balita – kag pamatbatan ang aton kaugalingon sang wala katapusan sa impierno…
- Sa mga nagtuo kay Jesus…
- Sa tion nga ang aton pisikal nga lawas mapatay – sa gilayon kaupod naton si Jesus…
- II Corinto 5:8 – “ Gusto namon kuntani nga bayaan ining lawas kag magpauli didto sa Ginoo…”
- Kag sa pag-abot sang tion – sa insakto nga tiempo sang Dios – hatagan Niya kita sang bag-o nga lawas…
- Lain naman nga lawas… vs. 37-38
- May ara nga nagkalain-lain nga binhi – kada isa may ara nga nagkalain-lain nga sahi sang tanom…
- Ini suno sa perpekto nga disenyo sang Dios – Genesis 1:12
- Wala ka nagatanom sang binhi sang mais kag magpaabot sang lubi…
- Kon mag lubong kita sang binhi – kon nagatubo na gani, lain na ang hitsura sini…
- Wala ka nagatanom sang liso sang mangga sa duta – kag mag paabot nga mamunga ini liso sang mangga…
- Lain nga klase sang lawas ang matubo – kahoy – may dahon kag bunga…
- Ang simple nga liso – mangin mabaskog nga kahoy – mas madako kag maayo sang sa antes siya napatay!
- Kon banhawon sang Dios ang aton nga lawas – indi mag paabot nga pareho ang hitsura…
- Hatagan niya kita sang bag-o nga lawas – lain gid konikumpara sa subong…
- Basi mag pamangkot ka – ano ayhan kon ikaw baldado /ukon gin sunog/nalunod sa dagat…
- Ang Dios nagtuga sang tawo halin sa ‘yab-ok sang duta’ – Genesis 2:7
- Si Adan nag pakasala – ginhambalan siya nga mabalik siya sa yabok kon diin siya nag halin – Genesis 3:19
- Literal gid nga matu-od – gin buhat kita halin sa 59 ka elemento sang duta!
- Kon ikaw bala 50 anyos /ukon 50 ka minuto – ang padulungan mo pareho gihapon – sa duta…
- Kaladlawan nga istorya – may tawo nga napatay kag gin lubong /ang iya ‘yabok’ nag abuno sang bulak sa iya nga lulubngan…
- May nag abot nga baka kag ginkaon ang bulak – ara ang ‘yabok’ sang tawo sa baka’…
- Ang baka (kag ang yabok) gin ihaw sang iban ginbakal ang karne sa tiendahan…
- Kag lain nga persona ang nagkaon sang baka – sino ang nakakuha sang ‘yabok’ sa pagkabanhaw!
- Ang Dios mas may ikasarang nga mas sobra pa sa pagtipon sang aton ‘yabok’ kag mapasag-uli liwat para sa bag-o naton nga lawas!
- 2nd – Ano klase nga lawas ang mabaton naton… vs. 39-50
- Indi tanan nga gin buhat sang Dios palareho… vs. 39-41
- Sang gin tuga sang Dios ang kalibutan – indi tanan nga tinuga tululupong…
- Ang mga tawo wala gin disenyo sang Dios nga mangin pareho sang sapat – pispis – ukon isda…
- Ang tawo mas komplikado – mas maayo sang sa iban nga mga tinuga…
- Ang tawo lang ang gin tuga sa imahen sang Dios – Lawas/Kalag/Espiritu- Genesis 1:26
- Indi lang nga gintuga sang Dios ang tawhanon naton nga lawas /may ara man nga ‘langitnon nga butang’…
- Ang Dios nagtuga sang galaxia kag kalibutan kon diin ang aton magamay nga planeta naga kabuhi…
- Kag bisan sa aton nga magamay nga solar system – indi tanan nga tinuga tululupong …
- Iya nga gintuga ang adlaw nga mas masanag sang sa bulan – ang bulan mas masanag kaysa bitoon…
- Bisan ang bitoon indi palareho – ang iban naga badlaw sang masanag / mas dako sang sa iban…
- Sa amo man nga paagi -ang aton bag-o nga lawas mas maayo kaysa daan … vs. 42-43
- Ang aton bag-o nga lawas mangin lain gid sang sa daan sa 3 ka paagi…
- Ang aton nga daan nga lawas mala-ut (padulong sa kamatayon) /ang bag-o mangin perfekto (kabuhi nga walay katapusan)…
- Ang aton nga daan nga lawas wala sang kadungganan (puno sang kalautan) /ang bag-o mangin mahimaya-on (wala sang sala)…
- Ang aton nga daan nga lawas maluya (masakit/balatian) / Ang bag-o mangin gamhanan (wala sang sayop)…
- Ayhan mamangkot ka – ngaa nga wala sang Dios ginhatag ang bag-o nga kabuhi sang una pa lang…
- Si Adan nag-abot antes kay Jesus… vs. 44-49
- Sang una nga gintuga sang Dios ang tawo (Adan) – siya perfekto / wala sayop / wala sang kasawayan…
- Apang sang si Adan nagpakasala – iya nga gin kondinar ang bilog nga kalibutan sa sala – Roma 5:12
- Ang pagkaperpekto nga tinutuyo sang Dios para sa aton nadula – kag ang aton nga mga lawas nadagtaan
- Samtang nga ara pa kita sa aton nga natural nga lawas – pareho kay Adan – nga halin sa yab-ok/ kag duta…
- Nalamon kita sang mga handom kag palaligban sang sining nalaglag nga duta/kalibutan…
- Amo na nga nabudlayan kita batok sa sala /pagsulay – amo na nga nagamasakit kita kag mapatay…
- Nagkari si Jesus – para ibalik sa aton ang kabuhi nga nadula…
- Kaangay man sang napatay si Jesus – kag nabanhaw sa bag-o nga himpit nga lawas…
- Dapat man naton nga ilubong ang aton natural nga lawas – para nga mabanhaw kita sa espiritwal nga lawas!
- Kon may daan ka nga motorsiklo – isa nga pirme nagakaguba…
- Maabot ka gid sa tion nga gusto mo na baylohan ini sang mas bag-o / mas maayo nga modelo!
- Wala kita nagu-ot sa ini nga ‘gubaon ’ nga modelo – ang makasasala nga daan nga lawas…
- Makapabaylo kita sang mas maayo – makakuha kita sang modelo nga orihinal nga gintuyo sang Dios para sa aton!
- Ang bag-o nga modelo…
- I Juan 3:2 – “Mga hinigugma, karon mga anak na kita sang Dios. Pero wala pa mapahayag kon mangin ano gid kita sa ulihi. Nahibaluan ta nga kon mag-abot na si Cristo mangin kaangay kita sa iya, kay makita gid naton kon sin-o gid siya.”
- Kon mabanhaw na kita mangin kaangay kita ni Jesus – sang nabanhaw Siya…
- Ang Jesus nga makalusot sa mga dingding – Juan 20:19 / nga makalupad – Binuhatan 1:9
- Indi na kinahanglan sang motor / indi na kinahanglan barko okon eroplano -malupad lang kita!
- Wala na kinahanglan nga manuktok sa pwertahan – bisan serado ini – makalusot lang kita!
- Wala na sang sakit / wala na balatian / wala na sang luha – Pahayag 21:4
- Kag amo ini ang DIUTAY lang nga aton nahibaloan tuhoy sa aton nga mga nabanhaw nga mga lawas…
- LABING MAS MAAYO kaysa bisan ano nga may ara kita subong – lapaw pa sa aton masarangan pinsaron!
- Ang unod kag ang dugo indi makaheridar sang Kaharian sang Langit … vs. 50
- Ang isa ka atataro (caterpillar) kubos nga tinuga – napilitan nga magkamang sa iya bug-os nga kabuhi sa duta …
- Ayhan makatulok man ini sa babaw kag makahunahuna nga kanami gid nga makalupad – galing indi niya masarangan!
- Pero ang Dios may maayo nga plano para sa atataro – isa ka adlaw malubong ini sa cocoon…
- Kon makaguha na ini – mangin isa na ka matahum nga alibangbang – nga may halangdon nga mga pakpak!
- Ang aton nga pisikal – makasasala – nadagtaan nga mga lawas indi maka heridar sang kabuhi nga walay katapusan…
- Wala ini madisenyo nga magkabuhi sang wala katapusan – wala ini gintuyo nga magkadto sa langit…
- Pero ang Dios may bag-o nga lawas – isa ka MAS maayo – nga ginpreparar para sa aton…
- II Corinto 5:1 – “Ining aton dutan-on nga lawas pareho sang balay nga aton ginapuy-an. Indi bali sa aton kon mapatay ini nga lawas. Kay nahibaluan ta nga may ihatag ang Dios sa aton nga langitnon nga lawas.”
- Nanamian ako sang ideya sang mga tulda – ang mga tulda indi permanente – ang aton nga mga lawas temporaryo lang
- Isa ka adlaw hatagan kita sang Balaan nga Espirito sang bag-o nga mga lawas – nga tinutuyo kag nakadisenyo para sa eternidad!
- 3rd – Ang pagsabnit sang simbahan… vs. 51-52
- Indi tanan kita mapatay…
- Nagpahayag si Pablo sang madako nga tanhaga – isa ka butang nga natago sa Old Testament…
- Tanan kita magabaylo – mahatagan sang bag-o nga lawas – pero indi kita tanan ang kinahanglan mapatay para makabaton sini…
- May ara sang pila nga ‘mabaylo’ -sa pagkari ni Jesus para sa Iya nga simbahan!
- Aton nga ginatawag nga ‘Pagsabnit’ ‘Rapture’ – halin sa Latin nga pagpatpat sang Greek word nga – Harpazo…
- Sang wala pa madugayan matapos nga nabun-ag liwat ang nasyon sang Israel – May 14, 1948 – Marcos 13:28-32
- Ang mga nagatuo kay Jesus – ang simbahan – masabnit pakadto sa langit…
- Hunahunaa nga milyon-milyon nga mga tawo gulpi na lang nga madula dungan – sa bug-os nga kalibutan…
- Wala sang mabilin – luwas na lang siguro sa tumpok nga panapton – basta nadula lang…
- Antes sang Dakung Kapipit-an – ang kaakig sang Dios nabubo sa kalibutan – Pahayag 6-18
- Makahaladlok gid nga tinion kay sobra ¾ sang kalibutan mapatay sa sulod sang 7 lang ka tuig!
- Ini matabo sa isa lang ka pisok sang mata…
- Wala sang nakahibalo sang eksakto nga adlaw kag oras – ang Amay sa Langit lang – Marcos 13:32
- Sang nagligad nga bulan may dako nga huringhuring tuhoy sa Doomsday nga ginpatihan nga matabo sa Mayo 21…
- Wala gid sang duda nga INDI ini ang adlaw – tungod nga wala sang makabalo sang adlaw!
- Upod sa tunog sang trumpeta…
- Ang ‘trumpeta sang Dios magatunog’ – ang pagtawag puli sang simbahan…
- * I Tesalonica 4:14-17 – “ Sa sina nga tion ang Ginoo mismo magapanaog halin sa langit nga may pagmando. Mabatian ta ang pagtawag sang pangulo nga anghel kag ang tunog sang trumpeta sang Dios. Kag ang tanan nga nagkalamatay nga nagtuo kay Cristo banhawon anay; pagkatapos, kita nga mga buhi pa sa sina nga tion sabniton upod sa ila sa mga panganod sa pagsugata sa Ginoo sa ibabaw. Kag mangin kaupod kita sa Ginoo hasta san-o.”
- Ang mga napatay na makabaton sang ila nga nabanhaw nga mga lawas…
- Mabalik sila upod kay Jesus – para sugataon kita sa langit sa pagsabnit…
- Tanan nga napatay na nga nagpati kay Jesus – pamilya / mga abyan / mga pinalangga…
- Ara upod kay Jesus – nabanhaw na – nagahulat sa aton…
- Dayon ang tanan nga buhi pa – mabaylohan – kag masabnit palangit!
- Ini matabo nga gulpi (atom) – sa isa ka pisok sang mata…
- Kon san-o nga wala ka nagapaabot – kaangay sang kawatan sa gab-i- I Tesalonica 5:2
- Si Jesus magakari para sa Iya nga simbahan – gulpi lang ini nga indi ka gani makapamisok…
- Kon indi ka pa handa – kon malisahan ka – mabilin ka gid…
- Atubangon mo ang kakugmat sang Dakung Kapipit-an!
- Lucas 21:28 – “Maglaom kamo kag maghulat kay madali na lang ang pagluwas sa inyo!”
- Tanan gid nga bentaha ara sa aton kon Mangin Handa kita para sa MALAPIT NA nga pagbalik ni Jesus!
- Aton nga malikawan ang Dakung Kapipit-an – sa baylo maselebrar kita sa Langit…
- Te handa na kita – wala sang tawo nga nakahibalo sang adlaw kag sang oras…
- Pero kabalo kita nga kita na ang ulihi nga henerasyon – mabalik si Jesus sa aton nga kabuhi…
- Mangabuhi kita sang kada adlaw – nga nakahibalo nga basi ini na ang adlaw nga makita naton si Jesus!
- 4th – Ang katapusan sang Kamatayon… vs. 53-58
- Sa tion nga mabaton naton ang aton bag-o nga lawas…
- May ara na kita sang kadalag-an sa kamatayon… vs. 52-54
- Kon ang aton maluya kag tagahimatayon na nga mga lawas – nabaylohan na sang sang bag-o kag mas maayo nga modelo…
- Nian – sa katapusan – malutos na ang kamatayon – tungod ang aton nga mga bag-o nga mga lawas indi na mapatay!
- Ang pinakadako nga ginakulbaan sang mga tawo amo ang kamatayon – bangod ini wala mahibaloan…
- Tungod nga may mga nahadlok nga ini na ang katapusan / pero labaw sa tanan kay tungod ini nagakahulugan nga pagahukman kita…
- Pero indi naton kinahangkan nga mahadlok sa kamatayon – wala sang sudlot / wala sang kagat para sa aton…
- Kabalo kita kon ano ang matabo kon mapatay na kita – itanom kita liwat – para makabanhaw kita!
- Kabalo kita nga indi pa ini ang katapusan – kalayo lang – Ini ang umpisa sang Kabuhi nga walay katapusan…
- Mangin madinalag-on kita batok sa impierno… vs. 55-58
- Ang kamatayon rekta nga resulta sang sala- Roma 5:12 / ang kabayaran sang sala amo ang impierno – Roma 6:23
- Ang gahom sang sala amo ang Kasuguan sang Dios – Ginapakita sa aton sang Kasuguan nga makasasala kita – Roma 5:20
- Apang ginhatagan na kita sang kadalag-an batok sa kamatayon kag sa impierno paagi kay Jesus…
- Paagi sa gahom sang Maayong Balita – Gin-obra ni Jesus ang indi ma-obra sang Kasuguan – gindula Niya ang sala!
- Naghatag sa aton sang paglaom sang pagbanhaw – bag-o nga kabuhi nga walay katapusan sa langit upod sa Dios!
- Wala kita sang dapat nga kahadlukan gikan sa impierno okon sa paghukom – kay ginpatawad na kita!
- Gani magkapyot todo kay Jesus – indi madulaan sang paglaum – padayon nga mangin mapisan nga manugpangabudlay para sa Ginoo..
- Ang mga padya nga ginpreparar sang Dios para sa aton maayo kag takus gid nga aton hulaton / bag-o nga kabuhi nga walay katapusan upod sa Iya!