Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 16:1-24
Review…
- I Corinto 7 – Ang una nga pamangkot – pag-asawahay…
- I Corinto 8-10 – Ang ikaduwa nga pamangkot – Mga dios-dios…
- I Corinto 11 – Ang ikatlo nga pamangkot – Mga pagsulundan para sa Panimbahon…
- I Corinto 12-14 – The Ang ika-apat nga pamangkot – Mga dulot espiritwal…
- I Corinto 15 – Ang ikalima nga pamangkot – Ang pagbanhaw sang mga patay…
- 1st – Ginhatag ni Pablo ang mensahe sang Maayong Balita – ang gahom sang kaluwasan para sa tanan nga nagatuo…
- 2nd – Kon ang mga patay indi makabanhaw – nian si Jesus wala man nakabanhaw – ang Maayong Balita isa ka kabutigan…
- 3rd – Apang si Jesus nagbanhaw – Siya ang nauna – pero tanan nga tawo mabanhaw man – pakadto sa langit okon sa impyerno…
- Indi magsunod sa ehemplo sang mga nagapangabuhi para sa ini nga kalibutan- sa baylo isugid sa ila ang Maayong Balita!
- I Corinto 15:35-58 – paano nagatrabaho ang pagbanhaw…
- 1st – ang ehemplo sang liso – patay / ginlubong / nabanhaw nga may bag-o nga lawas…
- 2nd -mas maayo nga lawas – ang aton nabanhaw nga lawas kaangay kay Jesus – walay katapusan / perfecto!
- 3rd – indi tanan kita mapatay – pagsabnit – apang magakambyo kita sa isa lang ka pisok sang mata…
- 4th – ang katapusan sang kamatayon – indi na kita kinahanglan nga mahadlok sa kamatayon / impyerno kon may bag-o na kita nga lawas!
- Konklusyon sang sulat ni Pablo… (5 ka butang)
- 1st – Tuhoy sa paghatag… vs. 1-4
- Ang simbahan sa Jerusalem naga-agi sa kabudlayan pinansyal…
- Bunuhatan 4:34 – ang una nga simbahan sa Jerusalem nagtilaw sang sistema nga angid sa sosyalismo…
- Ang mga may duta /propiedad nagbaligya sang mga ini para iamot sa pondo komunal sang simbahan…
- Ang ideya nga wala sang manggaranon okon imol sa simbahan – ipakig-ambit ang manggad…
- Makasiling ko nga ang NPA makasaho gid siguro sa sistema nga ini sang nauna nga saimbahan sa Jerusalem…
- Amg problema kay wala nagdugay ang kwarta
- Wala nagdugay nga ang kwarta nga natipon – naubos sa galastuhon…
- Nabaligya na sang mga may propiedad ang ila nga mga propiedad – amo nga tanan sila pigado na…
- Sa indi madugay ang simbahan sa Jerusalem nangin desperado kag nagakinahanglan sang bulig!
- Ang Komunismo/Sosyalismo nga sistema sang pang-gobyerno magapadulong lang sa kalalat-an…
- Maayo pamatian – Ipakig-ambit ang manggad nga patas – kuhaon sa manggaranon kag ihatag sa pigado…
- Apang ina nga sistema nagakapaslawan tungod sa kakagod kag ang kadalok nga kinaugali sang tawo…
- Ang gobyerno nga nakabase sa soyalismo mapadulong lang sa pagka-bankrupt nga pinansyal!
- Pagbayad sang utang na loob…
- Ang mga gentil nga mga simbahan sa Gresya- Corinto / Filipo – gusto magbulig…
- Ang Maayong Balita nagpakamaayo sa ila – kag gusto man nila nga maghatag balik sang pagkamaayo…
- * Roma 15:26-27 – “Kay ang mga tumuluo sa Macedonia kag Acaya nagbuluntad nga maghatag sang bulig sa mga imol nga mga katawhan sang Dios didto sa Jerusalem. Gusto nila nga himuon ini. Kon sa bagay may kabalaslan sila sa mga tumuluo sa Jerusalem. Kay kon indi tungod sa mga tumuluo sa Jerusalem, ining mga indi Judio wala nakabaton sang mga espirituhanon nga mga pagpakamaayo. Gani dapat nga buligan sang mga indi Judio ang mga tumuluo sa Jerusalem sa ila materyal nga mga kinahanglanon.”
- Nag-boluntad sila nga magtipon sang halad nga espesyal para sa mga santo sa Jerusalem…
- Indi gusto ni Pablo nga magbaton sang koleksyon samtang ara siya…
- Nagmando si Pablo nga magtipon sila sang magamay nga koleksyon kada Dominggo – antes nga mag-abot siya…
- Dayon kolektahon ni Pablo ang regalo – Kag idul-ong nga may upod nga mga tiglawas halin sa Corinto…
- Indi pagpahibaloa ang imo wala nga kamot kon ano ang gina-obra sang too mo nga kamot – Mateo 6:1-4
- Gusto ni Pablo nga pasekreto ang paghatag – wala sang may nakabalo kon ano okon pila ang ginhatag sang iban…
- Kon ang offering plate nagapalapit, ang mga tawo may hiyog nga magpakita-kita sang kon pila ang ila ginahatag…
- Mas gusto sang mga tawo nga maghulog sang MADAMO nga mga pilak – para mabatian mo ang ila nga kaalwan
- Okon may mga ngalan nga makita sa mga plake – okon may mga anunsyo tuhoy sa donasyon…
- Wala sila nagahatag sa Dios – nagahatag sila para sa kadayawan sang iban!
- Nagasiling si Jesus – may ara na sila sang ila nga padya – ang temporaryo nga pagdayaw sang mga tawo…
- Amo nga wala kita nagapalibot sang basket – ‘offering plate’ – wala nagapakilala nga hatagay…
- Indi ini pilitay nga paghalad – hilway kag suno sa kabubut-on ang ila paghatag…
- Ang paghatag sang 10% sang imo nga ginakita ginmando lang sa Daan nga Katipan – Malakias 3:8
- Ang mando sang Bag-o nga Katipan amo ang malipayon ka nga maghatag suno sa kagustohan sang imo tagipusoon…
- II Corinthians 9:7 – “Ang kada isa dapat maghatag suno sa iya gusto nga ihatag. Indi nga may pagpugong ukon nga napilitan lang, kay ginahigugma sang Dios ang mga nagahatag nga malipayon.”
- Wala ginapatuman nga maghatag kita sa Dios – nagahatag kita tungod nga gusto naton…
- Kaangay sang magamay nga bata nga gusto magbulig sa iya nga amay – indi ini kinahanglanon…
- Indi kinahanglan sang Dios ang aton kwarta – Siya ang nagtuga sang bug-os nga langit kag duta!
- Pero nauyonan Niya nga makigbahin ang Iya nga mga anak sa Iya nga buluhaton!
- Apang kon mas madamo ang aton ihatag – mas madamo ang aton mabaton…
- Kon may P100 ako – kag ihatag ko ang P20 – may mabilin sa akon nga P80…
- Kon may P100 ako kag indi ako maghatag – may ara pa ako P100…
- Daw nagapakita nga mas maayo sa ulihi – nga indi maghatag sang bisan ano…
- Apang sa kamatuoran kon maghatag ako sa iban – Mas madamo pa ang mabalik sa akon kon ikumpara sa umpisa!
- Gindasok – (para mas maunod) – naga-lumapaw – Lucas 6:38
- * II Corinto 9:6 – “Dumduma ninyo ini: ang halimbawa sang aton paghatag pareho sang pagpanggas. Kon diutay ang aton binhi nga ginapanggas, diutay man ang aton pagaanihon. Pero kon madamo ang aton binhi, madamo man ang aton ani.”
- Ang tawo nga nagapanggas sang diutay lang nga binhi – diutay man ang iya anihon…
- Ang tawo nga nagapanggas sang MADAMO nga binhi – maga-ani sang damodamo kon ikumpara sa umpisa!
- Kon maalwan kita sa iban – may huyog nga mangin maalwan man sila sa aton…
- Pero kon ‘sigorista’ kita – amo man na ang ibalos sang iban sa aton…
- Ang takos sang aton paghatag – amo man ang takos sang pag-uli sa aton!
- Side note: Nahibal-an sang Dios ang motibo sang aton nga tagipusoon – indi ka makahatag para ikaw makakuha…
- Kon may ara ka sang abyan nga ‘nagahatag ‘ sa imo kag nagapaabot nga ‘mas madamo’ ang imo iuli…
- Indi magdugay nga magalikaw ka na sa ina nga ‘abyan’…
- Kon nagahatag lang kita sang tion / kwarta sa Ginoo tungod nagapaabot kita sang mas madako nga balik – mapaslawan lang kita
- 2nd – Pagbalik sa Corinto… vs. 5-9
- Ginpahibalo ni Pablo ang simbahan nga mabalik siya sa indi madugay…
- Ini nga sulat gin sulat samtang ara si Pablo sa Ephesus sa iya nga ikatlo nga missionary journey…
- Ang iya plano amo nga mahalin sa Ephesus (modern day Turkey) pakadto sa Filipo(northern Greece)…
- Halin dira mapadulong siya sa Corinto (southern Greece) para bisitahan ang simbahan…
- Nagalaum siya nga makaupod niya ang mga santo sa tion sang tigtulugnaw…
- Tanan ini ginplano nga himoon ni Pablo – ‘kon pahanugotan sang Ginoo’…
- Kag amo gid sina ang natabo- Binuhatan 20:2-3
- Maayo nga may ara kita sang plano – apang kinahanglan man naton nga mangin mapasibusibuon sa pagtuytoy sang Ginoo…
- Masami nga aton ginaplastar ang ‘aton plano’ para sa palaabuton – kag ginakabig nga amo gid ina ang matabo…
- Apang indi naton makita ang palaabuton – kag wala gid kita sang ideya kon ano ang matabo…
- Ang isa lang gid nga nakasigurado amo ang Ginoo – amo nga dapat naton isiling…
- Santiago 4:15 -“Kon itugot sang Ginoo, kag kon buhi pa kita, amo ini ukon amo ina ang aton himuon.”
- Ang pagsalig sa Ginoo wala nagakahulugan nga wala na kita sang himoon – maayo nga may ara kita sang plano…
- Apang nagakahulugan nga indi kita mag-obra sang bisan ano antes naton ini ginpamangkot sa Ginoo…
- Indi naton gusto nga unahan ang Dios – indi naton gusto nga maalpawan naton ang plano Niya para sa aton kabuhi!
- Indi pa galing gusto ni Pablo nga maghalin sa Ephesus – tungod nga may MADAKO nga kahigayunan…
- Bulan ini sang Mayo – ang fiesta ni Artemis – ang dios-dios sang mga Efeso…
- Nakabalo si Pablo nga libo-libo nga mga pagano magadagsa sa syudad – mga tawo nga iya pwede mawalihan!
- Galing may madamo man nga mga kaaway – partikular na ang manug-obra sang mga idolo – si Demetrius…
- Tungod sang obra ni Pablo, nagkaginamo ang maabot 25,000 ka mga tawo sa teatro – Binuhatan 19:28-41
- Gintilawan niya nga magwali tuhoy kay Jesus sa mga akig nga guban – apang ginpunggan siya sang iya nga mga abyan…
- Kon nagkadto siya, sigurado nga bugbogon gid siya sang guban asta kamatayon!
- Daw pareho na nga nagatindog ka sa sulod sang disco – nagatinguha nga ipa-untat ang nagatukar nga musika – para iwali si Jesus!
- Ara sa kabubut-on ni Pablo nga irisgo ang iya kaugalingon – para ipa-ambit ang mensahe ni Jesus nga nagahatag sang kabuhi!
- Nanamian gid ako sa ng kakugi ni Pablo para sa Maayong Balita – wala na sang mas importante pa kaysa ipa-ambit si Jesus!
- Sa Binuhatan 14 gin-bato siya asta nga – napatay – pero ginbuhi siya sang Dios…
- Nagbangon siya kag nagbalik sa mga tawo nga nagpatay sa iya…
- Wala pa siya nakatapos – wala pa niya matapos ang mansahe – kinahanglan pa nila si Jesus!
- Kinahanglan sang mga tawo nga makabati sang Maayong Balita – bisan indi nila gusto nga makabati sang tuhoy kay Jesus…
- Kon indi nila pagbatunon si Jesus – ang ila lang gid mapilian amo ang impyerno – gani nga dapat naton sugiran sila!
- Ang pinakamalain nga maobra nila amo ang patyon ka – dayon kadto ka na sa langit (indi man na malain)…
- Sa masami, ang pinakalain nga butang nga matabo kon aton iwali si Jesus amo ang yagutaon kita – kag himoon nga kaladlawan…
- Pero kon malikaw naton sila sa siod sang impyerno – may pulos gid bisan yagutaon pa kita…
- Destinasyon sa eternidad ang gina-istoryahn diri – may pulos gid ang makigbato para sa kaluwasan sang tawo!
- 3rd – Si timoteo kag si apollos… vs. 10-12
- Wala na-upod ni Pablo si Timoteo sa Ephesus…
- Kabalo si Pablo nga gusto niya magkadto sa Filipo – dayon makadto sa syudad sang Corinto…
- Amo nga ginpa-una niya si Timoteo – ara pa siya sa Filipo – pero masunod na ang Corinto – Binuhatan 9:22
- Nakahambal na si Pablo sa simbahan nga maabot si Timoteo – I Corinto 4:17
- Gin-ayo niya sa simbahan nga ayuhan si Timoteo – nga indi siya pagpabudlayan…
- Mabudlay ang pagsulat ni Pablo sa simbahan – madamo ang mga problema nga alatubangon…
- Kon may mga tawo nga wala nalipay kay Pablo – basi si Timoteo ang pa-upokan nila…
- Masami kon may nagasaway sa aton kon ‘ara kita sa sala’ – gina-sing-alan naton sila…
- Pero indi man matarong nga aton atakehon ang mensahero – mahigugmaon lang sila nga nagasugid sang matuod…
- Kon nakombiktar ka sang mensahe -indi pag-atakeha ang tawo nga nagpa-ambit sang kamatuoran…
- Talupangda ang rason sang pagkakombiktar – nagapanghikot ang Dios sa imo nga tagipusoon!
- Ginahangyo ni Pablo si Apollos nga magbalik sa Corinto…
- Naluwas si Apollos sa Ephesus – antes pa naka-abot si Pablo sa syudad – Binuhatan 19:1…
- Halin didto, nakawali na si Apollos tuhoy kay Jesus sa Corinto – samtang ara si Pablo sa Ephesus…
- Apang maathag nga indi na kaagwanta si Apollos sa pagbinahin-bahin sang simbahan…
- Upod ako kay Pablo / ako kay Apollos / ako kay Pedro – I Corinto 1:11-13
- Naghalin siya sa Corinto nga pwerte ang kaugot – tungod sang pagbinahinbahin – kag nagbalik siya sa Ephesus…
- Bug-os na gid ang iya nga kasiguradohan nga indi na siya magbalik sa Corinto…
- Kon magdesisiyon kita nga ibahinbahin ang aton denominasyon/relehiyon – nagalaw-ay kita…
- Ang pagbinahin bahin nagatuga nga mangin indi kita epektibo para kay Jesus – ginapunggan kita nga maghatag sang kasanag…
- Imbes nga makita ang gugma ni Jesus sa aton – makita sang kalibutan nga naga-ilinaway kita…
- Kon nagahili-usa lang kita kay Cristo – Higugma – nagabanaag kita para sa Ginoo!
- 4th – Magsunod sa mga Diosnon nga ehemplo… vs. 13-18
- Nagahatag si Pablo sang 5 ka simple nga mga katapusan nga mga mando…
- 1st – Padayuna ang pagbantay – indi mahulog sa pagpasapayan – malapit na lang nga magbalik si Jesus para sa Iya nga simbahan!
- 2nd – Magtindog sang malig-on sa Pagtuo – indi pag-ikompromiso ang imo nga moralidad – magkapyot sang maayo sa Pulong sang Dios!
- 3rd – Mangin lalaki – indi magpadala sa mga pagsulay sang kalibutan sa imo palibot!
- 4th – Mangin mabaskog – indi sa imo kaugalingon nga kusog – kundi sa poder ni Jesus – Zecarias 4:6
- 5th – Buhata tanan nga butang nga may paghigugma – ang tanda sang mga tumuluo kay Jesus – Juan 13:35
- Ang ehemplo ni Stephanas…
- Ang una nga pamilya nga nagtuo kay Jesus sang sang pagkadto ni Pablo sa Corinto – I Corinto 1:16
- Debotado sila sa pagbulig sa mga santo sa simbahan…
- Naghinguyang pa gani sila sang tion para bisitahon / palig-onon si Pablo sa Ephesus!
- Ginhambalan ni Pablo ang simbahan nga usaron sila bilang ehemplo – isa ka halimbawa nga sulundan!
- Pilia sang maayo ang ehemplo nga imo sundon – I Corinto 11:1
- Kinahanglan nga mag-andam kita kon kay sin-o kita nagahinuyang sang aton nga tion – kon sin-o ang naga-impluwensya sa aton…
- Tanan kita may ginasundan nga ehemplo – ginabutong nila kita palapit okon palayo sa Dios…
- I Corinto 15:33 – “Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
- Mangin pareho kita sang mga tawo nga ginahinuyangan naton sang aton nga tion…
- Kon indi mo mauyonan ang kabuhi sang mga tawo nga ginauyangan mo sang imo tion – basi gusto mo nga magkambyo…
- Paliboti ang kaugalingon mo sang mga Diosnon nga mga tawo – ang mga nagapalig-on sa panglakaton mo sa Dios…
- 5th – Panamyaw sa pagpaalam… vs. 19-24
- Ang mga simbahan sa Asia nagapanamyaw sa inyo…
- Ini nagalakip sang tinagipusoon nga pagpanamyaw halin sa simbahan sa balay ni Aquila kag ni Pricilla sa Ephesus…
- Tanan nga mga kautoran nagapanamyaw sa inyo – tamyawa ang isa kag isa sang balaan nga halok
- Sa Israel, kostumbre man gihaponang magtamyawanay gamit ang paghalok sa guya…
- Ini ginatuyo nga mangin isa ka tanda sang paghigugma sa sulod sang simbahan – bilang isa ka pamilya…
- Ang simbahan dapat nga mangin pamilya – nahugpong sa isa kag isa paagi sa Higugma ni Jesus…
- Para nga makita sang kalibutan si Jesus sa aton nga kabuhi!
- Ang pagpirma ni Pablo…
- Mahimo nga nabudlayan si Pablo sa iya panan-aw tungod sang iya mata – Galacia 6:11 – amo nga ginadikta lang niya ang iya nga mga sulat…
- Ginahigugma gid niya ang ini nga simbahan para nga masulat niya ini – para nga tadlungon kag tudloan sila!
- Iya nga gintakop ang sulat nga ini paagi sa pagpirma gamit ang iya nga kamot…
- Ang konklusyon ni Pablo nagapapili sang – Anathema okon Maranatha…
- Ang pinaka-importante nga pagpili nga himoon sang kada tawo – amo ang higumaon si Jesus okon indi…
- Kon wala ka nagapati kay Jesus – ‘Anathema’ ka – literal nga ginsumpa ka pa impyerno…
- Kon nagapati ka kay Jesus – ang bugay sang Dios ara sa imo – ‘Maranatha’!
- Kag magapaabot ka sang malapit na nga pagbalik ni Jesus para sa aton – Iya nga simbahan!