Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 6:1-11
Review…
- I Corinto 1:1-9 – Pagpanamyaw sa problemado nga simbahan…
- I Corinto 1:10-4:21 – Ang una nga problema~ Pagbinahinbahin sa simbahan – pagsunod sa mga tawo…
- Ang solusyon sa pagbahinbahin – tutokan si Jesu Cristo – ang isa ka butang nga yara sa aton tanan!
- Ang ginhalinan sang pagbahinbahin – pagsunod sa mga tawo – Ako sa kay Pablo / Apollos / Pedro / Jesus…
- Wala gid nagtubo sa Ginoo ang mga tumuluo sa Corinto – mga lapsag man gihapon kay Cristo…
- Makit-an sa ila nga pagbahinbahin – ang pagtutok nila sa mga denominasyon…
- Ang pang-gawi nila daw pareho lang sang mga di-tumuluo – Nalipat na sila nga dapat may paghiusa sila kay Jesus!
- Naghatag sang maayo nga ehemplo si Pablo kag si Apollos para sundon sang simbahan…
- Mangin mga alagad ni Cristo – tulugyanan sang mga tanhaga sang Dios (Bibliya)…
- Indi magbinugalon – wala gid kita sang butang nga indi ginhatag sang Dios sa aton…
- Wala gingusto ni Pablo nga magkari para tadlungon ang simbahan – gusto lang niya magkari tungod sang gugma!
- I Corinto 5:1 -13 – Ang ikaduwa nga problema ~ kakulangan sang disiplina sa simbahan…
- Sala sa simbahan – may isa ka tawo nga nagapakighilawas sa iya nga manding (stepmother)…
- Imbes nga sugataon ang problema – ginabaton sang simbahan ang sala sang sini nga tawo!
- Nahukman na ni Pablo ang tawo – kinahanglan nga mapahalin siya – Mateo 18:25-20
- Para sa tawo (konsekwensia sang sala) – para sa kaayuhan sang simbahan (lebadura)
- Nagpadayon si Pablo sa pag palig-on sang simbahan nga indi makigbahin sa mga naga himo sang sala…
- Indi man nga likawan ang mga tawo sa kalibutan – ‘ara kita sa kalibutan – apang wala ginapanag-iyahan sang kalibutan’…
- Apang ginadilian kita bisan nga mag kaon upod sa ‘utod’ nga nagapadayon kag wala nagahinulsol sang iya sala..
Ang ika-tatlo nga problema ~ Ang pag-akusaranay sa Sekular nga korte (4 kabutang)…
- 1st – Ang problema… vs. 1
- Mahimo nga may kaso nga legal nga nag luntad sa tunga sang mga miembro sang simbahan sa Corinto…
- Sa baylo nga lubaron ang ini nga problema – nag kasuhay sila…
- Nagkadto sila sa sekular nga korte – indi Diosnon nga mga hukom – imbes nga sa mga santo!
- Indi man buot silingon nga mga isyu sang sala ini- si Pablo nag-atubang sini saI Corinto 5…
- Mahimo nga nagalakip ini sang indi pag-intiendehanay sa negosyo – propedad – sibil nga mga isyu…
- Kon ang isa ka ‘utod’ sa Ginoo ginkuha nga kabulig sa panimalay – kag indi maayo ang iya nga pag-obra…
- Kon nag bakal ka sang duta – kag nahibalu-an mo nga may problema sa titulo…
- Kon may indi mag sugtanay sa muhon – kag kon ano pa man…
- Ang problema indi tungod nga ang mga tawo indi maghangpanay…
- Bisan san-o nga tiponon mo nga mag-inupod ang mga makasasala (bisan ang Diosnon) may problema gid
- Wala sang ginatawag nga perpekto nga simbahan – wala gid…
- Kon nakakita ka sang isa- kag nag intra ka- indi na ina mangin perpekto nga simbahan!
- Bilang isa ka tumulu-o ni Jesus – Ang simbahan – kita makasasala man gihapon /makahimo gihapon kita sang mga kasaypanan…
- Ang problema kon paano ang simbahan sa Corinto nag-atubang sang pag-binangig nga ini…
- 2nd – Ang pagtamod… vs. 2-4
- Wala bala kamo kahibalo nga kamo ang mahukom sa kalibutan/ kag sa mga anghel…
- Sa pagkadto nila sa sekular nga korte – indi Diosnon nga hukom – daw ila ginahambal nga…
- Indi sila makasarang sa pag lubad sang problema sang simbahan…
- Gin hangkat sila ni Pablo – sang isa ka butang nga ginapaabot niya nga nahibalu-an nila…
- Maabot ang adlaw nga ila hukman ang bilog nga kalibutan – kag bisan ang mga anghel!
- Maabot ang adlaw nga kita – mga tumuluo ni Jesus (ang simbahan) – mahukom sa kalibutan!
- * Pahayag 2:26-27 – “Kay ang mga mandadaog kag nagapadayon sa pagtuman sang akon kabubut-on hasta sa katapusan hatagan ko sing awtoridad nga pareho sang akon nabaton halin sa akon Amay. Dumalahan nila ang mga nasyon, kag wala gid sing may makakontra sa ila pagdumala…”
- * Pahayag 5:10 – “Kag padumalahon mo sila sa kalibutan.”
- Maathag nga sa pagbalik ni Jesus pagkatapos sang 7 ka tuig nga kapipit-an…
- Ipatukod ang Iya Ginharian – siya magahari sa sulod sang 1000 ka tuig sa kalibutan – Pahayag 20:1-7…
- Kita – ang simbahan – makari upod sa Iya halin sa langit (didto na kita sa tion sang pagpanabnit)…
- Sa pagdumala kag paghukom sang mga nasyon kaupod ni Jesus sa sulod sang 1000 ka tuig..
- * Pahayag 20:4 – “Dayon may nakita ako nga mga trono. Ang mga nagapungko sa mga trono ginhatagan sing awtoridad sa paghukom.”
- Wala ko makahibalo kon pwede makapangabay subong -pero mas gusto ko sa New Zealand
- Maabot ang adlaw kita – nga mga tumuluo ni Jesus (ang simbahan) – mangin hukom sa mga anghel!
- Pahayag 12:4 – 1/3 sang mga angel nga nag rebelde upod kay satanas batok sa Dios…
- Nakahibalo kita nga may paghukom nga naga hulat para sa mga nakasala nga anghel…
- * II Pedro 2:4 – “Wala gani maluoy ang Dios sa mga anghel nga nagpakasala sadto anay, kundi ginpriso sila sa madalom gid kag madulom nga buho, [Tartarus] kag didto sila hasta sa adlaw sang paghukom.”
- * Judas 1:6 – “Dumduma man ninyo ang mga anghel nga wala nagpabilin sa ila katungdanan sadto, kundi ginbayaan nila ang ila lugar. Amo ato nga gin-gapos sila sang Dios sang mga kadena nga indi mabugto kag ginbutang sa madalom nga lugar nga madulom gid hasta sa pag-abot sang adlaw nga sentensyahan sila sang Dios.”
- Gin hatag na ni Jesus sa aton ang bug-os nga gahom nga mangibabaw sa mga nakasala nga mga anghel…
- Lucas 10:19 – “Ginhatagan ko kamo sang awtoridad agod madaog ninyo ang malaot nga mga espiritu.”
- Apang ginapakita nga sa pag-abot sang adlaw mangin parte kita sa pag bulig sang paghukom sa mga nakasala nga mga anghel!
- Makita naton si satanas kag makibot – amo ini ang gintunaan sang tanan nga kagamo!
- * Isaias 14:16 – “Himutaran ka sang mga patay kag magasiling sila, ‘Indi bala nga amo ini ang tawo nga nagpakurog sa mga tawo sa kalibutan kag nagpahadlok sa mga ginharian?”
- Simple lang ang punto ni Pablo – kon maabot ang adlaw nga mabulig kita sa pagdumala sang bilog nga kalibutan upod kay Cristo…
- Kon kita ‘kalipikado’ sa pagtindog nga hukman si satanas kag ang iya mga angel…
- Aton gid masarangan nga atubangon ang mga simple nga problema sa kabuhi!
- Kon ginsaligan ta ka sang 1million pesos – saligan ta man ka sangP10…
- Gintagaan kita sang Dios sang kaalam/abilidad nga makasarang mag binagbinag kon ano ang insakto kag ano ang sayop…
- Mas kalipikado kita sa pag atubang kag pag lubad sang problema nga nagaluntad sa simbahan!
- Gani ngaa mangita pa kamo sang INDI kalipikado…
- Apang sa Corinto – imbes nga hukman nila ang mga bagay-bagay sa sulod sang simbahan sang Dios…
- Ginsalig nila sa sekular nga hukuman – korte – nga wala gani naga tuo sa Dios!
- Daw pareho nga magkadto ka sa prisuhon – mapili sang isa ka kriminal – para maghukom sang imo nga kaso…
- Kon maabot ang problema sa imo kabuhi – sa diin kita naga pangita sang sabat…
- Dayon ta bala dalagan sa aton abyan/pamilya- barkada – nga wala gani nakakilala sa Ginoo …
- Ayhan maayo kag sinsero man – pero indi sila maka hatag sa imo sang insakto nga sabat
- Ukon naga kadto kita sa Ginoo – nagabalik sa kaalam sang Pulong sang Dios!
- 3rd – Ang solusyon… vs. 5-8
- Imbes nga gin ‘anunsyo’ ang sala sang simbahan para makita sang kalibutan…
- Ang resulta nga akusaron ang imo utod sa Dios sa atubang sang sekular nga hukoman…
- TUMAN nga indi maayo nga panaksihon sa kalibutan nga nagakinanglan makabati nahanungod kay Jesus…
- Kon nag sulod ka sa isa ka simbahan – kag ang mga ‘miembro’ naga hambal sang malain sa isa kag isa…
- Kon may pag panglibak – naga istorya sang kaso sa korte – kag akig nga mga hitsura…
- Indi ina ang lugar nga gusto mo tiniran – para mag tu-on nahanungod kay Jesus!
- Mateo 12:25 – “Kon ang mga pumuluyo sang isa ka ginharian magbinahin-bahin kag mag-ilinaway, ina nga ginharian malaglag. Amo man ang matabo sa bisan ano nga banwa ukon panimalay kon ang mga nagaestar dira magbinahin-bahin kag mag-ilinaway.”
- Kon ang simbahan permi nagailinaway – wala na ini nagapakigaway para sa mga nadula…
- Ang simbahan nga nagabahin-bahin indi ina mag pabilin!
- Sa baylo, magpangita sang maalam nga tawo nga ara sa simbahan – sa pag lubad sang problema sa tunga ninyo…
- Ang punto ni Pablo nga may ara bisan isa ka maalam nga tawo nga ara sa simbahan…
- Isa ka tawo nga wala sang pinilian – kag mag hatag sang pagbadbad kag patas nga pag areglar…
- Isa ka pastor/mga gulang nga indi nadalahig sa pagsinuay / gulang kag maalamon nga santo sa simbahan …
- * Santiago 3:13-18 – magpangita sang isa ka tawo nga puno sang Diosnon nga kaalam…
- Nga wala sang pinilian, naga tanom sang binhi sang paghidaet – kag naga ani sang patubas sang pagpakamaayo!
- Ukon batunon lamang ang sayop nga nahimo…
- Kon may nang-agrabyo sa imo – kag wala sang tumuluo nga mag-patunga sa inyo nga problema…
- Batuna na lang – indi na mag bato – indi na magpinsar nga magtimalos – sige lang, batuna na lang…
- Mateo 5:39-40 – “Pero ako nagasiling sa inyo nga indi ninyo pagbalusi sing malain ang nagahimo sing malain sa inyo. Kon tampaon ka sa tuo nga guya, itaya pa ang imo wala nga guya. Kon may magdemanda sa imo agod kuhaon ang imo bayo, ihatag bisan pa ang imo kunop.”
- Mas maayo pa nga madula ang – kwarta / duta /sakit sa balatyagon/ respeto/ bugal…
- Sang sa ipakahuy-an mo ang ngalan ni Cristo paagi sa pagdala sang isa ka persona sa korte
- Ayhan makasiling ka – pero wala ka nakahibalo sang ila nga hinimuan…
- Ayhan gina hunahuna mo -pero daw ako man ang insakto – ang ila nga ginhimo sala GID…
- Ayhan may kamatu-oran – pero indi amo ina ang punto..
- Mateo 18:23-35 – Ang parabola sang indi mapinatawaron nga sulugu-on …
- May ara nga isa ka suluguon nga naka utang sa iya Agalon sang 10,000 talento (8 billion pesos)…
- Nagapakita nga wala siya sang ikasarang nga mag bayad – wala siya nakabayad sang iya utang …
- Apang ang iya agalon wala na siya gin pabayad sang utang – bug-os ang iya kapatawaran wala na siya utang…
- Apang nag-guha ang tawo kag indi makapatawad sa kapareho niya nga sulugu-on nga nakautang lang sa iya sang P100…
- Kon isentro naton ang nahimo sang iban sa aton – gusto naton sang ‘hustisya’…
- Gusto naton bayaran kita kada sentimo nga nakuha nila sa aton…
- Ang problema kay sayop nga dalan ang aton gina tulok…
- Ginatan-aw naton kon ano nga butang ang ginhimo sa aton – imbes nga kon ano ang aton nga ginhimo..
- Nahibalu-an sang Agalon – dapat nagpakita ka sang kalooy kaangay sang ginpakita ko nga kalooy sa imo!
- Ngaa indi ka makapaiway sang diutay kag wala mo tan-awa kon paano ka gin patawad…
- Kon binagbinagon naton ang tanan nga pagpatawad nga gin hatag ni Jesus sa aton – tanan gid
- Daku gid kaayo ang utang nga aton salabton (8 billion pesos)…
- Ngaa indi kita makapatawad sa aton utod nga kagamay man lang sang iya utang nga salabton…
- Kon na intiendihan naton sa aton tagipusoon kon ano ka dako sang pagpatawad sa aton
- Ngaa indi kita magkalipay sa aton tagipusoon nga mag patawad sa iban!
- 4th – Indi pagbatuna ang ila laygay – si Jesus ang ihatag sa ila… vs. 9-11
- Indi magpadaya…
- Ang mga indi matarong sa simbahan sang Corinto nag kadto sa hukmanan sang ila kaso – indi sila makapanubli sang langit…
- Paano ang pagpangdaya naga abot – planao – kon diin nag halin ang tinaga nga planeta – ang kalibutan…
- Kon kita naga pamati – nagapakig barkada – huyog nga maglantaw sa kalibutan…
- Nian maka baton man kita sang indi Diosnon nga laygay – kag naga sunod sa malain nga laygay…
- Ma hangkat kita nga mag ‘pangita away’ / dal-on sila sa Barangay hall…
- Akusaron mo sila – nagakadapat lang – gin pangayo na nila nga matabo…
- Gina tudlo ni Pablo – ini nga mga tawo nga aton ginakadtuan kag ginapangayuan sang laygay – indi gani makakadto sa langit…
- Nagasimba sa mga diosdios/imoral nga pakigrelasyon/nagapanglahi/tumboy /agi – mga naga himo sang sekswal nga imoralidad
- nagapangawat/mahamkunon – ang mga pirme na lang nagapangita kwarta – madamo nga pagkabutang…
- Palahubog/ mga abusador/ mga manug-into – ang mga nagakabuhi nga wala sang pag pugong…
- Ini nga mga tawo naga kinanglan nga mag baton sang kaalam ni Cristo halin sa aton- Indi halin sa ila!
- Kinaandan naton nga ginahimo ini…
- Apang nahugasan na kita (Aorist/Middle/Indicative) – gin pili naton nga magpaninlo …
- Sang gin pili naton nga mag tuo kay Jesus – ginbaton naton ang regalo sang kaluwasan…
- Nag-agi kita sa maayo nga pagpaligo – ang tanan naton nga sala nakuha na – II Corinto 5:17…
- Ginpakabalaan na kita (Aorist/Passive/Indicative)…
- Ginpakabalaan – hagiazo – nahisuno sa kinaugali ni Jesus …
- Indi ini aton nga ginhimo – ginpakabalaan kita ni Jesus – Hebreo 2:11
- Sa tion nga nag tuo kita kay Jesus gin pain na kita para sa Dios…
- Ang aton kabuhi kag buhat indi na ginadiktahan sang sala – kag kinaugalingon nga mga handom…
- Sa baylo gina pamunuan na kita sang Espiritu sang Dios – dedikado nga magkabuhi para sa Ginoo!
- Ginpakamatarong na kita – sa ngalan ni Jesus – paagi sa Espiritu sang Dios…
- Ginpakamatarong – ang kahulugan – ‘ nga daw wala ka sang may nahimo nga sala!’
- Ginhimo ni Jesus ang indi mahimo sang iban – natuman ang pagpakamatarong nga gina-kinahanglan sang Kasuguan sang Dios
- Dayon si Jesus – ang naga-isahanon lamang nga tawo nga himpit – nag bayad sang bili sang aton sala – Roma 6:23
- Sa ina nga tion ginkondenar ni Jesus ang sala – bug-os nga nalutos Niya ang unod !
- Kag nag-abot ang labing-dako nga misteryo sang mga tinion – Gin hatag sang Dios ang katarungan nga halin kay Jesus!
- II Corinto 5:21 – “Si Cristo wala gid sing sala, pero siya amo ang ginsilutan sang Dios tungod sa aton mga sala, agod nga kon ara kita kay Cristo, pakamatarungon kita sang Dios.”
- Sa kay Jesus – may kabuhi kita nga himpit – natuman na ang kinahanglan sang Kasugu-an
- Kon maglantaw ang Dios sa aton – indi niya makita ang aton kasaypanan/kag kaluyahon
- Sa baylo makita niya ang himpit nga kabuhi sang iya nga Anak nga si Jesus – Makita Niya kita nga himpit/wala sang kasaypanan!
- Gani atubanga ang mga problema sa simbahan – kag sugiri ang mga indi Diosnon nahanungod kay Jesus …
- Nagapuyo ang Balaan nga Espiritu sa aton – makasarang kita nga mag-atubang sang bisan ano nga kahimtangan…
- Imbes nga magkadto sa kalibutan para masolbar ang aton problema (wala man sila sang sabat)…
- Dapat kita ang maghatag sa kalibutan sang sabat nga ila ginakinahanglan – si Jesus!