Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 6:12-20
Review…
- I Corinto 1:1-9 – Ang Panamyaw sa isa ka problemado nga sambahan…
- I Corinto 1:10-4:21 – Ang una nga problema ~ Pagbinahinbahin sa simbahan – pagsunod sa mga tawo…
- Ang gintunaan sang pagbahinbahin – pagsunod sa mga tawo – Ako upod kay Pablo / Apollos / Pedro / Jesus…
- Ang mga tumuluo sa Corinto wala gid nagtubo sa Ginoo – nagpabilin nga mga lapsag sa kay Cristo…
- Makita sa ila nga pagbahinbahin – sa pagtutok nila sa mga denominasyon…
- Naga-gawi sila nga daw mga di-tumuluo – nalimtan nila ang paghiusa nga dapat naton gina-angkon sa kay Jesus!
- Ang solusyon sa pagbahinbahin – tutokan si Jesu Cristo -Ang isa ka butang nga yara sa aton tanan!
- I Corinto 5:1 -13 – Ang ikaduwa nga problema ~ Kakulangan sang disiplina sa simbahan…
- Sala nga ara sa simbahan – may isa ka tawo nga nagapakighilawas sa iya nga manding (stepmother)…
- Imbes nga sugataon ang problema – Ginbaton sang simbahan ang sala sang tawo!
- Nahukman na ni Pablo ang tawo – kinahanglan siya pahalinon- Mateo 18:25-20
- Para sa kaayohan sang tawo (Konsekwensya sang sala) – para sa kaayohan sang simbahan (lebadora)
- I Corinto 6:1-11 – Ang ikatlo nga problema ~ ang pag-akusaranay sa sekular nga korte…
- Ang mga myembro sang simbahan naga-akusaranay sa korte tungod sang mga legal nga mga pag-ilinaway…
- Wala bala kamo kahibalo nga pagahukman ninyo ang kalibutan/mga anghel – pwede ninyo hukman ang inyo nga mga problema…
- Magpangita sang maalamon nga tawo sa simbahan / okon pabayai na lang ang nakasala sa imo – antoson na lang ang kapierdehan…
- Indi pagdal-a ang inyo nga mga problema sa tawo nga wala nakakilala sa Dios – sa baylo, sugiri sila parte kay Jesus!
- Ang gintunaan sang pagbahinbahin – pagsunod sa mga tawo – Ako upod kay Pablo / Apollos / Pedro / Jesus…
Ang ika-apat nga problema – ang kakulangan sang kaputli sa simbahan…
- Kahilwayan sa sala… vs. 12
- Maathag nga ang simbahan sa Corinto lugak ang pagtalaksan sang moralidad…
- Ila ginkabig ang ‘Bugay sang Dios’ nga lisensya para sa pagpadayon sang kabuhi nga imoral…
- Ang Bugay sang Dios naghatag sa aton sang tuman nga kahilwayan sa kay Cristo…
- Indi kahilwayan para nga magpakasala – kundi kahilwayan nga indi mag-sala – Roma 6:1-2…
- Ang aton nga kaluwasan indi nagadepende sa aton nga mga buhat/kaayuhan – simple nga naluwas tungod sa pagtuo kay Jesus – Matuod
- Bisan ano kadamo sang aton sala – bisan ano klase nga sala – ang Grasya amo ang nagatabon sang aton sala – Matuod
- Te ngaa indi kita magpadayon sa pagkasala – makadto man kita gihapon sa langit – Matabonan sang grasya…
- Wala ini nagapatuhoy sa aton mga kasaypanan – mga sayop nga kon kaisa nagakatabo…
- Ini nagatuhoy sa hungod nga pagpili sang makasalanan nga klase sang pangabuhi nga nagapamatok sa Pulong sang Dios…
- Dumilion sang Dios! Paano kita magpadayon sa pagsala – kon patay na kita sa kasalanan… –
- Ang aton nga kabuhi dapat nagbag-o na pagkatapos naton mabaton si Jesus – Nag-baylo…
- * Santiago 2:17-18 – “ Amo man ang pagtuo; kon wala ginaupdi sang maayo nga mga binuhatan, ina nga pagtuo wala sing pulos.
- Pero basi kon may ara sa inyo nga magsiling, “May pagtuo ako kag ikaw iya may maayo nga mga binuhatan.” Ang sabat ko amo ini, paano ko makita ang imo pagtuo kon wala ka sang maayo nga mga binuhatan? Pero ipakita ko sa imo nga may pagtuo ako paagi sa akon maayo nga mga binuhatan. ”
- Madali maghambal nga may ‘pagtuo’ kita kag ‘nagapati’ kay Jesus – Pero ang pamatuod ara sa aton nga mga binuhatan…
- Kon nagasiling kita nga Kristohanon kita – pero nagapangabuhi nga pareho sa mga kalibutanon – tuod ayhan nga may pagtuo kita
- Matawag naton ang aton kaugalingon nga Kristohanon – pero kon padayon ang aton pakasala – matuod gid ayhan…
- Wala man ginasiling nga kon tumuluo kita indi na gid kita makasala…
- Apang bilang mga tumuluo – kon magsala kita – dapat nga may kasubo – may pagtuad – may paghinulsol…
- Kon wala sang kasubo – wala sang paghinulsol sa sala – may rason gid nga magkabalaka kita!
- Paano ya ang mga isyu nga daw indi klaro nga kasalanan…
- Samtang ang Biblia TAMA ka klaro sa madamo nga isyu kon ano ang insakto kag sayop…
- Indi mag panglahi – ini sala – Exodo 20:4 / Galacia 5:19-21
- Indi mag pahubog – ini sala – Efeso 5:18
- Indi mag pangawat – ini sala – Exodo 20:15-16
- May ara nga isyu nga indi maathag – ginatugutan lang bala nga buhaton sang isa ka Cristiano…
- Bilang isa ka tumuluo ni Jesus –pwede bala ka panigarilyo /pwede bala kita maka pamati sang sekular nga kanta / etc…
- Sa sini nga bahin indi kita nagapos sa bisan ano nga pagsulundan – may ara kita sang kahilwayan…
- Pero bisan nga kita may kahilwayan – indi tanan nga ginahimo naton ‘maayo para sa aton’…
- Sa matuod lang – bisan ano nga magdala sa aton sa idalom sang iya nga ‘gahom’ – indi maayo para sa aton…
- Ayhan nasadyahan kita sa tumalagsahon nga pagpanigarilyo – ini bala sala – indi man…
- Pero ang pamangkot maka untat bala kita – sin-o ang may kontrol – ikaw ukon ang bisyo…
- Kon indi na kita ang may kontrol sang aton ‘kahilwayan’ – indi na mangin maayo…
- May ara bala nga butang sa imo kabuhi nga imo gina hunahuna subong…
- May butang bala nga naga tublag sa imo nga – gusto mo untaton – pero indi mo mahimo…
- Kon gusto mo mag untat – pero indi nimo mahimo – indi na kita ang may kontrol sa aton kabuhi…
- Makita naton nga nasiod na kita sa sala – kag kinahanglan naton si Jesus para Iya kita hilwayon!
- Likawi ang sekswal nga imoralidad.. vs. 13-18
- 1st – Bangod nga na impluwensiahan sang isa ka imoral nga siudad…
- Ang Corinto kilala sa Idolatriya kag pagkasalamwanan…
- Sa ibabaw sang pinakamataas nga bukid amo ang templo ni Aphrodite – ang diosa sang gugma…
- Kada gabi 1000- ka mga makihilawason sa templo nagakadto sa siudad…
- Ang sekswal nga imoralidad parte sang seremonya – sang pagsimba sa mga diosdios nga pagano …
- Ina nga klase sang imoralidad nakasulod na sa simbahan…
- Ang pagkaon para sa tiyan – kag ang tiyan para sa pagkaon…
- Ayhan kinaandan na nga halambalanon sa Corinto – may ara ka tiyan – ngaa indi magka-on…
- Apang ang simbahan naga gamit sang pareho nga lohiko para usaron sa sekswal nga imoralidad…
- Bangod may abilidad kita nga mag-kalipay sa paghilawas -ngaa indi makipaghilawas…
- 2nd -Gin-upod nila si Jesus sa makihilawason…
- Maabot ang adlaw nga ining aton lawas banhawon ni Jesus…
- Si Jesus ang una nga nabanhaw – I Corinto 15:20…
- Naghatag sa aton sang kasiguraduhan nga maabot ang adlaw nga Iya kita banhawon…
- Ini nga lawas nga indi himpit pagakay-uhon – may ara kita sang himpit nga lawas nga langitnon!
- * I Corinto 15:54 – “Gani kon ang ini nga lawas nga madunot mabayluhan na sang indi madunot, kag kon ang ini nga lawas nga mapatay mabayluhan na sang indi mapatay, matuman na ang ginasiling sang Kasulatan, Gindula na sang Dios ang kamatayon.’”
- Wala ka bala nakahibalo – ang imo lawas bahin sang lawas ni Cristo…
- * I Corinto 12:12 – “ Ang lawas may madamo nga mga parte pero isa lang ka lawas. Pareho man sini sa aton nga mga tumuluo nga lawas ni Cristo.”
- Kita tanan bahin sang lawas ni Cristo – kamot / tiil / mata/ dalonggan…
- Indi ini literal – apang malaragwayon nga hambal – may ara kita tagsa-tagsa ka papel sa simbahan…
- Ayhan ang isa tawgon nga manunudlo (baba) /ang iban naman deakono (kamot)…
- Apang bisan ano imo nga regalo/pagtawag – ang tanan bahin sang ‘Lawas ni Cristo’…
- Wala ka bala nakahibalo – ang sex magaisa sa inyo…
- Nagapatuhoy sa suod nga pag-updanay nga para lang sa mga mag asawa – Hebreo 13:4…
- Genesis 2:24 – “… kag sila nga duha mangin isa.”
- Kon usaron mo imo lawas – nga sa maabot nga tion paga banhawon sang Dios…
- Kag may seksuwal nga relasyon ka sa makighilawas – ginahimo mo siya nga isa kay Jesus!
- Makighilawas – ang kahulugan prostitute / ukon ginalaragway ang babayi nga indi imo asawa…
- Kon ginpili nimo ang makig-ambit sa imoral nga pakigrelasyon – wala ka naga isahanon – si Jesus ara sa imo…
- Komportable bala nga magpakasala ka – kon marealisar mo nga ara sa tupad mo si Jesus!
- 3rd – Magpalagyo sa imoral nga pakigrelasyon…
- Imoral nga pakigrelasyon – Gk ~ porneia…
- I Tesalonica 4:3 – “Luyag sang Dios nga ang inyo kabuhi matinlo, gani likawi ninyo ang imoral nga pagpakigrelasyon.”
- Leviticus 18:6-24 – bisan ano nga imoral nga pakigrelasyon sa guha sang kasal
- Nalakip na ang sex antes sang kasal, homosekswal, pornograpiya, incesto…
- Indi lang sa buhat – bisan pa sa imo nga paghunahuna…
- Mateo 5:28 – “Pero ako nagasiling sa inyo nga kon ang lalaki magtulok sa babayi nga may handom sa pagpakighilawas sa iya, pareho lang nga nagapanginbabayi na siya sa iya.”
- Ang pag pakigaway sa imoral nga pakigrelasyon ara sa panghunahuna…
- Ginalikawan naton ang imoral nga pakigrelasyon paagi sa pagpakigaway sa aton hunahuna…
- Indi pagpinsara nga mapanindugan mo – kon ikaw ginasulay – DALAGAN!
- Genesis 39 – Si Jose isa ka maambong nga tawo – kag ara lang naga=permi sa palibot sang balay…
- Ang matahom nga asawa sang iya agalon – adlaw-adlaw naga demanda kay Jose nga mag hulid sa iya…
- Maatubang gid kita sang pagsulay sa sini nga kinabuhi – ang pagsulay indi sala…
- Nangin sala ang pagsulay kon kita – magtulok – maghunahuna – kag himuon ini …
- * Santiago 1:12-15 – “Ang tawo ginasulay kon ginaguyod kag ginaganyat siya sang iya malain nga handom. Kag kon ang iya malain nga handom matuman, ang resulta sini amo ang paghimo sang sala; kag kon magpadayon ang tawo sa pagpakasala, ang iya padulungan amo ang kamatayon.”
- Indi nga nag bugtaw ka isa ka adlaw kag nag desisyon ka mag himo sang sala…
- Ginapasugtan ang hunahuna naton sa pag handom sang malaot – kag kon ang malaot nga handum mahimo na nga buhat – kasalanan na…
- Sang isa ka tion nga si Jose lang ang nabilin sa balay…
- Ang asawa sang iya agalon gindakop kag ginpilit si Jose nga mag hulid sa iya…
- Nanginpadlos siya – nabilin ang iya nga kunop – kag nagdalagan siya palayo!
- Ang pinakamaayo nga sulusyon sa sala – amo ang paglikaw sini – likawi ang pagsulay…
- Kon ma sulay ka nga makipag sex – kon nahunahuna nimo nga naga kompromiso ka na – magpalayo!
- Indi mag isahanon upod sa babayi – indi magkadto sa kuwarto nga kamo lang – mag-impon sa madamo nga tawos…
- Hunahuna-a nga may salabton ka – indi mag salig sa imo kaugalingon – kay kon tagaan sang kahigayunan – mahimo nga makasala ka!
- Kon nasapwan mo nga ginasulay ka na – magdalagan ka palayo…
- * II Timoteo 2:22 – “Gani likawi gid ang malain nga mga handom sang mga pamatan-on. Himulati nga mangin matarong ang imo kabuhi, masaligan, mahigugmaon, kag maayo ang imo relasyon sa iban, kaupod sang mga tawo nga nagadangop sa Ginoo nga may matinlo nga tagipusuon.”
- Indi magkabalaka kon ano ang hunahuna-on sang iban – indi pagtilawi ang imo ikasarang – maghalin dayon…
- Indi bale ang reputasyon – indi bale ang bugal – nga mag risgo nga mahulog ka sa sala
- Kon matalupangdan mo nga gina sulay ka pareho kay Jose – sunda ang iya ehemplo – dalagan!
- Kon indi ka mag dalagan – kadako sang kahigayunan nga magpadulong sa sala…
- Si Haring David naka tuon sang pagpakig relasyon niya kay Bathsheba – II Samuel 11:2
- Nakita niya ini – pinasahi nga katahom sang babayi – nagapaligo…
- Dapat gin likaw na niya ang iya panulok sina nga tion – apang sabaylo nag sige na lang siya ka tulok…
- kag wala na kontento sa tulok lang – iya pa gid ginangkon (kasado na ini nga babayi)
- Kag sa ulihi nakipag relasyon pa gid siya – asta nga ginpatay niya ang bana agod nga malipdan ang sala nga nahimo …
- Ginahunahuna naton nga mabakod kita – nga makahimo sang insakto nga desisyon…
- Isa lang ka tion nga kaluyahon – makahimo ka sang indi maayo nga pag pili…
- Mangin maalamon – magpabilin nga may hinganiban / kag mag palagyo sa pagsulay nga nagaabot!
- Ang Sala batok sa imo kaugalingon nga lawas…
- Ang Seksuwal nga sala indi pareho sa iban nga sala – ini nga sala batok sa imo kaugalingon nga lawas..
- Kon nag binutig / nagapangdaya / nagpangawat/ pamuyayaw – wala ini epekto sa imo kaugalingon nga lawas …
- Apang ang seksuwal nga sala may seryoso – nagadugay – pisikal nga konsekwensya…
- Sa ulihi basi may mabuo nga bata nga wala naton gin plano – naga-untat sang aton nga mga handom sa kabuhi..
- Ukon sa katapusan mag masakit ka – balatian nga maayo ukon basi indi mag-ayo…
- Ang imoral nga pakig relasyon nagadala sang konsekwensya nga mabug-at sa balatyagon…
- Mga lalaki nagapangita sang sex -apang indi mag untat para magbinagbinag sang konsekwensya para sa babayi…
- Ang mga babayi wala na nagapangita sang sex – nagapangita sila sang gugma – ginahatag nila ang sex agod nga makakuha sang gugma..
- Mga lalaki makahalit gid sa babayi kon madula na ang ila nga kaputli – indi buhat sang gugma – kundi sa pag responde sa kailigbon!
- Ang Diosnon nga gugma makahulat asta nga makasal – sa pag kalipay sa regalo sang sex
- Ang imoral nga pakigrelasyon may mabudlay nga konsekwensya sa Espiritwal…
- Ang Sex antes sang kasal (legal nga kasal) sala – ang sala naga pabulag sa aton sa Dios.
- Gusto naton nga pakamaayuhon sang Dios ang aton relasyon/pag-asawahay – paano kon samtang nagapadayon kita sa sala
- Kon indi kita mag tuman sa Ginoo – ngaa mapaabot ka nga iya ka pakamaayuhon…
- Ang kalibutan/ si satanas naga tinguha nga ang imoral nga pakigrelasyon okay lang…
- Kada nga mag paandar kita sang TV /kada tion mag bukad sang magazine…
- Ang Sex, imoralidad mabakal – Ang kalibutan/si satanas ginahimo ang tanan para kombinsihon kita nga normal lang ina…
- Kada isa nagahimo – sini lang nga tion – waay sang may masakitan…
- Maabot ang adlaw nga magpakasal…’ – isa ka balibad nga magkabuhi sa sala…
- Indi kita tag–iya sang aton kaugalingon… vs. 19-20
- Kita ang Templo sang Balaan nga Espiritu…
- Ang aton lawas – ang puluy-an sang Dios – ginapuy-an niya ang aton tagipusoon…
- Indi naton dapat ginasunod ang ehemplo sang kalibutan nga nagapalibot sa aton..
- Kundi magpamati kag magtuman sa Balaan nga Espiritu nga yara sa aton…
- Ginbakal kita nga may bili…
- * I Pedro 1:18-19 – “Nahibaluan man ninyo kon ano ang ginbayad agod matubos kamo halin sa pagkabuhi ninyo nga wala sing pulos nga inyo ginpanubli sa inyo mga katigulangan. Ang gintubos sa inyo indi mga butang nga madula, pareho sang bulawan ukon pilak, kundi amo ang hamili nga dugo ni Cristo. Ang iya halimbawa pareho sang karnero nga matinlo kag wala gid deperensya nga ginhalad sa Dios.”
- Ginbakal kita paagi sa krus – ginbayaran niya kita sang Iya kaugalingon nga kabuhi…
- Ang aton kabuhi indi na aton nga mapagustohan lang – kay gin bakal na kita..
- Gintawag kita nga maghimaya kay Jesus sa aton lawas kag sang aton espiritu!
- Maghalong sa kahilwayan nga may ara kita kay Cristo…
- Indi pag gamita ang bugay sang Dios nga kahigayunan nga mangin ulipon sa sala!
- Indi mag pasugot sa pagsulay – sa pag sunod sa kalibutan – sa sekswal nga imoralidad…