Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 9:1-18
Review…
- I Corinto 1-6 ~ 4 ka mga problema sa simbahan ~ pagbahinbahin / Disiplina / akusahay/ Pagka-putli
- I Corinto 7 – Ang una sa lima ka mga pamangkot sang simbahan – Pag-asawahay…
- I Corinto 8 – Ang ikaduwa nga pamangkot – Mga Idolo…
- Isa ka pagano nga siudad ang Corinto – Madamo nga mga dios-dios ang ila ginasimba – nagahatag sang pagkaon bilang halad…
- Kon hatagan ka sang pagkaon nga ginhalad sa idolo – makaon mo ayhan…
- Isa lang gid ang Dios – bale wala na ang mga idolo – wala na sila sang gahom nga makabulig okon makahalit…
- Apang ang pagbalo naton tuhoy sini tunga pa lang sang solusyon – dapat nga I-aplikar naton nga may paghigugma…
- Indi pag-usara ang imo ihibalo para magpa-sandad sa imo utod…
- Kon may ara ka sang utod nga wala naka-intiende nga bale wala ang mga idolo -kag kaonon mo ang pagkaon…
- Mapasandad mo pagtuo sang isa nga ginluwas ni Jesus paagi sa Iya kamatayon…
- Gani indi pag-usara ang imo nga kahilwayan kay Cristo – mag buhat nga may paghigugma – binagbinaga anay ang kaayohan sang iban!
- Isa ka pagano nga siudad ang Corinto – Madamo nga mga dios-dios ang ila ginasimba – nagahatag sang pagkaon bilang halad…
Ang pagdepensa ni Pablo… (3 ka butang)
- 1st – Ang awtoridad ni Pablo… vs. 1-2
- May mga tawo sa simbahan sang Corinto nga nagaduda sa awtoridad ni Pablo…
- Tungod nga si Pablo nagsulat para tadlungon ang madmo nga problema sa simbahan…
- Indi nila naluyagan ang mga ginapanghambal ni Pablo – amo nga ginapakalain siya nila…
- Kon indi Apostol si Pablo – tiglawas ni Jesus – indi sila kinahanglan nga mamati sa iya…
- Ang mga taktika sang mga tawo daw amo man gihapon – kon may ara sang indi ka-uyon sang ginahambal sang pastor…
- Kon nakombiktar sila sang Pulong sang Dios -kag indi nila gusto nga magbag-o /maghinulsol…
- Wala nila gina-atake ang pulong – ginapakalain lang nila ang nagdala sang pulong…
- Si Pablo isa ka Apostol ni Jesu Cristo…
- Ang tinaga nga ‘apostol’ simple nga nagakahulugan sang isa nga ‘ginpadala’ para magwali sang Maayong Balita…
- Ang laragway kaangay sang isa ka ambasador – tiglawas sang Dios sa kalibutan…
- Ginpadla para magpa-ambit sang Maayong Balita – ang paglaum nga kaluwasan paagi kay Jesus!
- Ginatawag naton sila nga mga misyonero – ang mga ginpadala para magsugid sa tanan tuhoy kay Jesus!
- Indi sa iban nga pungsod lang (ang mga Apostoles nagpangwali man sa ila nga mga kasimanwa )…
- Sigurado nga si Pablo ‘ginpadala’ halin sa simbahan sang Antioch – Binuhatan 13:1-5
- Ang pagtawag sa mga Apostol nagakabuhi pa asta subong…Ephesians 4:11…
- ‘Ginapadala ‘ kita sang Dios para magbantala sa iban – sa aton pamilya – mga abyan sa trabaho / eskwelahan tuhoy kay Jesus!
- Si Pablo ang ikadose nga Apostol…
- Indi si Pablo ‘isa ka apostol lang’ – isa siya sa mga 12 ka mga apostoles nga ginpili ni Jesus!
- Si Judas – isa sa mga 12 – Nagluib kay Jesus – sa indi madugay, nanginmatay man siya…
- Ang 11 nga mga nagkalabilin naka-intiende nga ang iya nga nabilin nga pwesto nagakinahanglan nga mapun-an – Binuhatan 1:25
- Nagtugyan sila sang duwa ka tawo sa Dios para Iya nga pilian – Si Justas kag si Mathias…
- Apang wala ginpili sang Dios ining duwa – Ang Iya nga ginpili amo si Pablo…
- Isa ka tawo nga wala nagapati kay Jesus – kag akig sa mga tumuluo!
- Masami naton ginalimitahan ang Dios sa aton kaugalingon nga pagpililian – nagahaumhaum nga usaron gid sang Dios ang aton nga ginpili…
- Apang ang Dios may mga plano nga wala gid naton mahanduraw – Ang Iya nga mga pama-agi indi pareho sang aton nga mga pama-agi…
- Ginpili ni Jesus – Binuhatan 9:3…
- Galacia 1:1 – “Ako si Pablo nga apostol. Ang akon pagkaapostol indi halin sa tawo ukon paagi sa tawo, kundi paagi kay Jesu-Cristo kag sa Dios nga Amay nga nagbanhaw sa iya halin sa kamatayon.”
- Ginsugata ni Jesus si Pablo – samtang nagalakbay ini padulong sa pagpriso kag pagpatay sang mga tumuluo!
- Ginpili ni Jesus para mangin Apostol sa mga Gentil – I Timoteo 1:11
- Ginpili para mangin ehemplo sang gahom sang Bugay sang Dios!
- * I Timoteo 1:16 – “Pero ginkaluoyan ako agod mapakita ni Cristo Jesus ang iya pagkamabinatason sa tanan, bisan sa pinakamakasasala. Ang ginhimo ni Cristo sa akon nagaserbi nga halimbawa sa iban nga magatuo sa iya kag magabaton sang kabuhi nga wala sing katapusan.”
- Kon makapili ang Dios nga luwason ang isa ka makasasala nga pareho kalain kay Pablo – nga nagapamatay sang mga Kristohanon…
- Wala gid sang indi malab-ot sang grasya sang Dios – Bisan sin-o pwede nga maluwas / ma-usar sang Dios!
- Ang simbahan sang Corinto isa ka pamatuod nga Apostol siya…
- Bisan pa nga may iban nga simbahan – iban nga mga tawo – nga nagaduda kag nagatublag sa iya nga pagka-Apostol…
- Ang simbahan sang Corinto sigurado nga nakahibalo – sila ang iya nga pamatuod!
- Wala nagkinahanglan si Pablo sang diploma sa dingding nga nagasiling ‘Apostol ni Jesu Cristo’…
- Wala niya ginkinahanglan ang sulat nga nagarekomendar sa iya halin sa ‘iban nga mga apostoles’ …
- * II Corinto 3:2 – “Indi namon kinahanglan ang mga rekomendasyon, kay kamo mismo amo ang amon rekomendasyon nga nasulat sa amon tagipusuon, tungod kay ang inyo pagkabuhi pareho sa sulat nga makita kag mabasa sang tanan.”
- Ang simbahan amo ang ‘diploma’ ni Pablo – ang mga tumuluo amo ang iya nga mga sulat nga rekomendasyon!
- Kilala sa ila nga bunga…
- May huyog ang mga tawo nga mangita sang diploma sa dingding – mga sulat nga halin sa mga importante nga mga tawo…
- Apang ang pamatuod sang pagtawag sang Dios wala sa mga pagdayaw sang mga tawo…
- Madamo ako sang nakilala nga mga tawo nga may ‘pastoral degree’ – pero indi naman sila mga pastor…
- Damo man ako sang kilala nga wala sang degree – wala diploma – pero mga pastor sila!
- Ang pagtawag sang Dios – makita sa pagpanghikot sang Dios sa kabuhi sang tawo!
- 2nd – Ang kinamatarong ni Pablo… vs. 3-5
- Si Pablo nag tanyag sang iya depensa (apologia) -sa mga may gusto nga mag mulay sa iya… (3 ka butang)
- 1st -May kinamatarong ako nga mag kaon kag maginom… vs. 4
- Si Pablo nahilway tungod kay Cristo Kaangay sang iban nga tumuluo – indi siya nahigot sa Kasugu-an…
- Maka-on niya ang bisan ano nga gusto niya – baboy /pagkaon nga ginhalad sa dios-dios – I Corinto 8:8
- Apang gin pili niya nga indi magkaon – sa baylo gin pili niya ang magpasunaid sa iban…
- I Corinto 8:13 – “ Gani kon ang akon ginakaon mangin kabangdanan nga magpakasala ang akon utod, indi na lang ako magkaon sing karne hasta san-o, agod indi magpakasala ang akon utod tungod sa akon.”
- 2nd – May ara ako sang kinamatarong nga mag pangasawa… vs. 5
- Si Pablo, – may kinamatarong nga magpangasawa kag iya nga dal-on ang iya asawa upod s pagpangalagad..
- Nagsambit sang ehemplo sang iban nga mga apostoles – mga utod ni Jesus – kag bisan kay Pedro…
- Nakahibalo kita nga si Pedro kasado halin sa Mateo 8:14 (gin ayo ni Jesus ang iya ugangan)…
- Apang si Pablo nagpabilin nga indi kasal -iya nga ginhatag ang bugos niya nga kaugalingon sa pag-alagad sa Ginoo…
- I Corinto 7:32 – “Ang wala sing asawa wala sing iban nga ginapanumdom kundi ang hilikuton sang Ginoo kag kon paano siya makahatag sing kalipay sa iya.”
- 3rd – May ara ako sang kinamatarong nga pagasakdagon… vs. 6-14
- Si Pablo kag Barnabas – gina-istoryahan parte sa 1st missionary journey ni Pablo – Binuhatan 13-14…
- May ara sila sang kinamatarong nga sakdagon sa ila nga obra sa pagpangalagad…
- Apang si Pablo wala sang may nabaton nga pinansyal nga pag sakdag halin sa simbahan sang Antioch…
- Sa baylo nag trabaho sila agod mahimun-an nila ang ila kaugalingon nga mga kinahanglanon – pagka-on/panapton kag iban pa…
- Praktikal nga ehemplo sang pagsakdag … vs. 7
- 1st – Ano nga soldado nga nagakadto sa patagawayan – apang siya ang mabayad sang para sa iya pagkaon/kag panapton…
- 2nd – Ano nga mangunguma nagatanom agod may patubas – apang wala nagakaon sang bunga…
- 3rd – Ano nga tawo ang may baka/kanding – kag wala nagainom sang gatas/ukon nagakaon sang karne…
- Ang punto ni Pablo simple lang – ginahimun-an kita paagi sa aton nga pagtrabaho…
- Wala sang isa sa aton nga makadto sa trabaho nga indi kita ginabayaran sang aton pinangabudlayan…
- Halimbawa sang pagsakdag sa Biblia… vs. 8-11
- Indi lang ini isa ka praktikal nga mga ehemplo – Ginasuportahan sang Biblia ang ini nga ideya…
- 1st – Indi pagbusali ang toro – Deuteronomeo 25:4…
- Kon nagaarado ka sa latagon – ang Kasuguan nagadili sa pagbusal sang sapat…
- Ang ‘Toro’ nagatrabaho sang tudo sa latagon – kag gani may kinamatarong nga mag kaon sini…
- Wala ini ginsulat sang Dios para sa kaayuhan sang Toro – gin sulat ini para sa aton…
- Nagpangabudlay ka sang todo nga naga-arado sang latagon – sa pagla-um nga makapatubas…
- Sa amo man nga paagi – ‘Espirituwal nga pag-panggas’… vs. 11-12
- Ang mga Pastor nagatanom sang espiritwal nga binhi (ang Pulong sang Dios) nagapangabudlay sa latagon (ang simbahan)…
- Indi ini isa ka dako nga butang nga samtang naga-obra – nagapangabudlay sa pag tudlo sang pulong sang Dios…
- Kag mag-ani sang padya – nga praktikal ka nga sapupoon sang mga katawhan sang Dios…
- Ang iban nga mga pastor/manunudlo sa Corinto nag gamit sining kinamatarong – ano pa ya ayhan si Pablo!
- 2nd – Ang Dios nagahimuno sa mga ‘pari’ – Leviticus 7:36-38
- Kag sa tanan nga halad – ang mga pari makakuha sang bahin nga para sa ila kaugalingon…
- Sa pag-alagad nila sang espirituwal nga kinahanglanon sang mga katawhan sang Ginoo…
- Ang mga pari sang Dios – praktikal man nga mahimun-an – sang mga halad sa Dios…
- Ang mga nagapangalaga sang espirituwal nga kinanglanon sang simbahan – ang ministeryo sang mga pastor…
- Tubtob sa mahimo – praktikal nga paga-himun-an sang mga myembro sang simbahan…
- I Timoteo 5:18 / Mateo 10:10 -“Ang manug-obra dapat hatagan sang suhol.”
- Kon ang isa ka pastor maobra para masakdag ang iya kaugalingon – gamay na lang iya nga tion para sa simbahan…
- Isa ka pagpakamaayo sa mga katawhan ang ila pagsakdag sa pastor para hilway na siya nga magpangalagad
- Apang si Pablo wala nagkuha bisan ano nga kuwarta – agod nga indi makasablag sa mensahe sang Maayong balita…
- Indi niya gusto nga may magsiling nga naga wali siya para sa kaayuhan sang iya kaugalingon…
- 3rd –Ang ehemplo ni Pablo… vs. 15-18
- Wala ini gin himo ni Pablo – ukon ginagusto niya nga himoon subong …
- Ang matuod mas gustuhon niya pa nga mapatay – imbes nga kuha-on niya kon ano ang ginhimo sang Dios…
- Ang pastor INDI GID dapat nga manghingyo – ukon mangabay – nga himun-an…
- Kon ang isa ka pastor nga pirme may gina-amar – nagapalapit sa imo nga pwertahan…
- Nagpakunokuno ka nga wala ka sa balay – kay naga batyag ka sang kahuya kon pasudlon siya…
- Ang mga pastor nga naga hingyo sa mga tawo – mahulog sa idalum sang paghukom sang Dios…
- * Ezekiel 34:2 – “Kaluluoy kamo nga mga manugbantay sang Israel. Ang inyo lang kaugalingon ang inyo ginatatap! Indi bala nga ang mga manugbantay dapat magtatap sang iya mga karnero?”
- Ang mga tawo nga nangin ‘pastor’ tungod nga ginahunahuna nila nga ini isa ka trabaho – paagi nga makakuwarta …
- Wala sila dira nga para mag higugma kag mag sakdag sang mga katawhan – maghatag sang ila kabuhi…
- Kon may madako nga problema – naga dalagan sila palayo – bangod ang ila nga ginakabalak-an ang ila lang kaugalingon
- * Juan 10:13 – “Ang sinuhulan nagapalagyo, tungod kay sinuhulan man lang siya kag baliwala lang sa iya kon ano ang matabo sa mga karnero.”
- Ang pastor dapat nga magpakita sang ehemplo nga pagsalig sa Ginoo…
- Si Pablo nag sulat sa simbahan sang Filipos parte sa ‘regalo’ nga gin padala sa iya…
- * Filipos 4:11-17 – “Wala ako nagasiling sina sa pagpabati-bati nga may kinahanglan ako. Kay nakatuon ako nga magkontento bisan ano ang akon kahimtangan… Masarangan ko nga atubangon ang bisan ano nga kahimtangan paagi sa bulig ni Cristo nga nagapabakod sa akon.Pero salamat gid sa inyo pagbulig sa akon, sa akon mga palaligban…Ginasambit ko ini indi tungod nagahandom ako nga makabaton liwat halin sa inyo, kundi ginahandom ko nga kamo makabaton man sing balos tungod nga kamo nagahatag.”
- 1st -wala ako naga hambal nga may kaangtanan sa kinahanglanon – ang kinanglanon indi ina isyu!
- Si Pablo nakahangop nga ang Dios amo ang naga himuno sang aton nga kinahanglanon – indi ang mga tawo…
- Gani sa masami naton ginahunahuna nga dapat naton pahibaloon ang Dios (kag ang iban) parte sa kinahanglanon…
- Ang kinanglanonon indi amo ang punto – ang Dios nakahibalo sang aton mga kinahanglanon …
- Ang Dios amo ang manunuga sang tanan – wala sang kulang sa Iya – lakip na ang kuwarta…
- 2nd – Akon nga natun-an nga mahimo ko ang tanan nga butang paagi kay Jesus…
- Si Pablo nakahangop nga kon wala siya naga salig kay Jesus nga maghimuno – paano siya magtudlo sini sa iban
- Kon ang Dios naga himuno sa isa ka pastor – indi lang ini nangin isa ka maayo nga ehemplo…
- May ara man sila sang kasiguradohan nga ang pastor tinawag sang Dios…
- Bangod ang Dios amo ang mag-atipan sang kinahanglanon sang pastor nga Iya gintawag…
- Ang pastor makapadayon sa pag pangwali tuhoy sa ika pulo – kag ayhan makaganar sang kuwarta…
- Apang padayon ka nga magtingala – siya gid bala isa ka pastor – ukon isa lang nga naga-amar sang kuwarta!
- 3rd – wala naga pangita sang pagsakdag – kundi sang bunga!
- Si Pablo wala naga-ulikid sang iya nga makuha sa simbahan…
- Nakatutok lang siya sa kon ano ang mahatag niya sa simbahan – Ang Pulong sang Dios / kag bunga!
- Ang matuod nga tagipusoon sang isa ka Diosnon nga pastor nagahandom nga maghatag sa katawhan sang Dios…
- Kon ang pastor nga pirme nagahandom nga pakamaayuhon ka paagi sa iya nga masarangan…
- Kon sa bug-os nga semana nagahatag siya sang solido nga pagtudlo sang Pulong sang Dios…
- Kag imo mahibaloan nga may kinahanglanon siya – indi tungod nga nagpangayo siya – gustohon mo gid nga magbulig…
- Ini parte na sang bunga – ginasunod mo ang iya ehemplo nga naga bulig sa iban!
- Ang padya ni Pablo / sueldo…
- Indi lang tungod sa kadungganan kay Pablo nga nagbantala siya sang Maayong Balita – kinahanglan niya gid nga magwali!
- Wala ni Pablo gin pili ang mag pangwali sang Maayong Balita – gin tawag siya sang Dios para nga mag pangwali…
- Kon gin pili niya ini nga iya propesyon – mapaabot gid siya sang bayad…
- Apang tungod nga ang Dios ang nag tawag sa iya – ang Dios amo ang magabayad sa iya …
- Kon nag pahimo ako sang bangko sa imo – mapaabot ako sang bayad halin sa imo para sa trabaho…
- Apang kon iban ang nag hambal sa akon nga obrahon ina para sa imo – siya na ang mabayad!
- Kon ang isa ka pastor gintawag gid sang Dios – ang Dios amo ang magahimuno sang iya nga mga kinahanglanon!
- Pagpangwali sang Maayong Balita nga wala nagapanukot…
- Ang padya ni Pablo amo ang ipaambit ang pag paglaum ni Jesus – nga wala sang bayad…
- Gani wala niya gin-abuso ang awtoridad nga ara sa iya sa Maayong Balita…
- Kadamo sang mga pastor sa sining mga inadlaw nagaabuso sang ila nga awturidad sa simbahan…
- Ginagamit nila ang pulpito para sa ila nga kaugalingon nga interes – nagahingalit sa mga katawhan sang Dios…
- Ang resulta ang katawhan naga-andam sa simbahan – ang mensahe sang Maayong Balita nadagtaan…
- Isa si Pablo ka Apostol – kag gusto niya nga ang kada isa makabati nahanungod kay Jesus …
- Gin bayaran na sang Dios ang bili sang kaluwasan – wala na sang bayad – Libre ang Maayong Balita!