Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
I Corinto 9:19-27
Review…
- I Corinto 1-6 ~ Apat ka problema sa simbahan ~ pagbinahinbahin / Disiplina / Akusahay/ Kaputli
- I Corinto7 – Ang una sa lima ka mga pamangkot halin sa simbahan – Pag-asawahay…
- I Corinto 8 – Ang ikaduwa nga pamangkot – mga dios-dios…
- Pagano nga siudad ang Corinto – nagasimba sila sa indi-maisip nga mga dios-dios – nagahalad sang pagkaon bilang sakripisyo…
- Kon hatagan ka sang pagkaon nga ginhalad sa idolo – makakaon ka ayhan…
- Isa lang gid ang Dios- bale wala ang mga idolo – wala sila sang gahom para magbulig okon manghalit…
- Apang ang pagkahibalo sini tunga pa lang sang solusyon – Dapat may paghigugma ang aton nga pag-aplikar sini…
- Indi pag-usara ang imo nga ihibalo para magpasandad sang imo utod…
- Kon may utod ka nga wala naka-intiende nga waay gahom ang mga idolo – kag kaonon mo ang pagkaon…
- Mapasandad mo ang pagtuo sang isa nga ginluwas ni Jesus paagi sa Iya kamatayon…
- Gani indi mo pag-usaron ang imo kahilwayan kay Cristo – magbuhat nga may gugma – binagbinaga ang kahimtangan sang iban!
- I Corinto 9:1-18 – Ang depensa ni Pablo…
- Madamo sang mga ginhambal si Pablo nga indi maayo nga ginbaton sang Simbahan…
- May mga nagduda sang awtoridad ni Pablo kag gin bale-wala siya…
- Si Pablo isa ka Apostol – Isa sa mga 12 nga ginpili ni Jesus – ang simbahan amo ang iya nga pamatuod!
- Naghatag si Pablo sang tatlo ka ehemplo sa iya nga kabuhi para sa iya nga pagdepensa…
- 1st – May kinamatarong siya nga magkaon kag mag-inom – pero iya nga ginpili nga paunahon ang iban…
- 2nd – May kinamatarong siya nga magpakasal – pero nagpili siya nga mangabuhi nga dedikado sa Ginoo…
- 3rd – May kinamatarong siya nga suportahan siya – pero wala siya nagbaton sang bisan ano halin sa simbahan!
- Nagatrabaho siya para sa Dios – ang Dios ang nagahimuno sang iya nga mga kinanglanon – libre ang Maayong Balita!
- Mga ehemplo ni Pablo sa simbahan… (2 ka butang)
- Pagano nga siudad ang Corinto – nagasimba sila sa indi-maisip nga mga dios-dios – nagahalad sang pagkaon bilang sakripisyo…
- 1st – alagad sang tanan… vs. 19-23
- Libre nga mag-alagad… vs. 19
- Hilway nga tawo si Pablo…
- Ginbun-ag siya bilang isa ka Roman citizen (indi siya ulipon sang bisan sin-o) – Binuhatan 20:28
- Sa isa ka Emperyo nga kon diin 2 sa 3 ka mga tawo ulipon – madako nga pribilehiyo ini…
- Hilway man siya sa kay Jesus – wala siya nakahigot sa bisan ano nga sistema sang relehiyon – Juan 8:36
- Apang ginpili ni Pablo nga mangin alagad sang tanan!
- Bondservant – doulos – literal nga ulipon…
- Indi isa nga ginhimo nga ulipon – kundi isa nga nagpili nga mangin ulipon…
- Wala nagamando si Jesus nga ihatag naton ang aton kabuhi sa Iya – aton nga pagpili ini…
- Makapili kita nga mangabuhi para sa aton kaugalingon – mangabuhi para sa kalibutan nga ini – nga nahigot sa kalibutan…
- Apang makahalam-ot nga kon ihatag naton ang aton kabuhi kay Jesus – amo ina ang tion nga matuod nga hilway gid kita!
- Iya ina nga ginhimo para mas madamo ang madala niya sa kay Jesus…
- Ginpili ni Pablo nga mangin alagad sang tanan – para mas madamo ang iya madala nga mga tawo kay Jesus!
- Mark 10:45 – “Kay bisan pa gani ako nga Anak sang Tawo wala nagkadto diri sa kalibutan agod alagaran, kundi mag-alagad kag maghatag sang akon kabuhi agod matubos ang madamo nga mga tawo.”
- Ginadedikar naton ang aton bug-os nga kabuhi para ma-angkon ang mga butang nga indi man magdugay…
- Luyag ta sang mas madamo nga kwarta – mas matahom nga balay – mas manami nga salakyan…
- Ang aton lang gid madala sa langit – amo ang iban nga mga tawo nga nagatuo kay Jesus!
- Mas maayo gid nga aton idedikar ang aton kabuhi sa paghiambit sang Maayong Balita ni Jesus…
- Dayon aton makit-an nga may manggad kita (mga naluwas) nga nagadugay asta sa eternidad!
- Tanan nga bagay para sa tanan nga tawo… vs. 20-23
- Ara sa kabubut-on ni Pablo nga magpasibu para malab-ot niya ang tanan sang Maayong Balita…
- Sa mga Judio (mga yara sa idalom sang Kasugoan) – Wala sang problema si Pablo kay Judio man siya…
- Sa Binuhatan 21:23-26 – Nagbalik si Pablo sa Jerusalem pagkatapos sang iya nga ikatlo nga paglakbay bilang misyonaryo…
- Ang mga lideres nagpangabay kay Pablo nga magdala sang 4 ka mga tawo nga may panaad – sa Templo…
- Si Pablo ang mabayad sang ila galastuhon – kag buligan sila para makumpleto nila ang ila panaad sa Dios…
- Ginahambalan nila si Pablo nga maghisuno sa mga tradisyon/kinabatasan sang mga Judio – ang Kasugoan…
- May mga tion nga kinahanglan naton sundon ang ‘pagsulundan’ sang iban…
- Indi man tungod nga kinahanglan gid – basi daw binuang-buang pa gani – pero nagapadayon ini sang kalinong– nagalikaw sa pagbinahinbahin…
- Apang may tion man nga kinahanglan naton magpamatok – kag indi mag-ugyon sa mando sang iban…
- Kon aton ginahunahuna nga ang mga pagsulundan nagahimo sa aton nga mas matarong– basi himoon kita nga mas Diosnon kag mas matarong…
- Mateo 23:28 – “Pareho gid kamo sina kay kon tulukon kamo sang mga tawo daw husto man ang inyo ginahimo pero ang matuod, puro pakita-kita lang, kay sa sulod sang inyo tagipusuon malaot gid kamo.”
- Ang pagsunod sa “pagsulundan’ wala nagakambyo sang aton tagipusoon!
- Ara sa kabubut-on ni Pablo nga magsunod sa ‘pagsulundan’/kustombre sang mga Judio tungod…
- Ang ila nga motibo para kay Pablo indi nga ipaidalom siya sa Kasugoan…
- Naga-andam lang sila nga indi masandad ang iban nga Judio nga naluwas na…
- Nagpasugot si Pablo nga mangin Judio para sa mga Judio – para madala niya sila kay Cristo…
- Dapat bukas kita sa paghimo sang tanan nga butang para malab-ot ang iban sang Maayong Balita…
- Sa isa ka Katoliko – ako mangin Katoliko /sa isa ka Baptist – ako mangin Baptist…
- Para madala ko bisan sin-o man – sa kay Jesu-Cristo!
- Sa mga Gentil (sa mga wala sang kasuguan) – si Pablo isa ka Gentil…
- Nagakahulugan nga si Pablo nagahimo sang paagi sa pagpakigkita sa mga Gentil kon diin man sila – ginakadtuan niya sila…
- Kon indi sila komportable nga magkadto sa simbahan – makadto siya kon diin sila!
- Kalabanan nga mga tawo indi komportable nga magkadto sa ‘balay sang Dios’…
- Ang mga tawo nagakatahap sa relihiyon – wala sila nakabalo sang ‘pagsulundan’ ukon ‘Kustombre’…
- Nahadlok sila nga kon magkadto sila ang panulok sa ila mga buangbuang – gani naga palayo sila…
- Gani aton responsibilidad nga magkadto sa ila – lab-uton naton kon diin man sila!
- Kon naga tambay sila sa tindahan – pwede naton sila updan…
- Kon naga lagawlagaw sa plaza – lagawlagaw man kita upod sa ila…
- Apang dapat nga maghalong kita- indi naton gusto masiod sa ila sala…
- Galatians 6:1 – “Kamo nga ginatuytuyan sang Espiritu Santo dapat magbulig sa iya agod mapabalik siya sa husto nga pagkabuhi.Kag mag-andam man kamo sa inyo kaugalingon kay basi kon kamo makasala man.”
- Indi magpadala sang ila nga ginabuhat – apang lakat kag mag sugid sa ila kay Jesus!
- Sa maluya (sa mga wala nakabalo sang Pulong) – si Pablo nangin maluya …
- Himuon ni Pablo ang tanan nga butang para sa tanan nga tawo – agod nga ma luwas ang kalabanan!
- Sang si Jesus nag kari sa duta – wala siya nagkari sa himaya sang langit…
- Natawo siya sa tambobo – nag kabuhi nga simple kag imol – agod malab-ot niya ang kada isa!
- Gintawag kita nga makigkita sa mga tawo kon diin man sila – ang tanan para sa tanan nga tawo…
- Indi lang sa mga pareho sa aton – gintawag kita sa pagpanglab-ot sa tanan…
- Nga mangin taytay nga nagalab-ot halin kay Jesus pakadto sa nadula kag makasasala nga kalibutan!
- 2nd –Maukod sa pagtrabaho – mapisan… vs. 24-27 (4 halimbawa)
- Naghatag si Pablo sang apat ka ehemplo nga nagapakita sing maathag nga dapat nga maukod kita sa pag trabaho para kay Jesus…
- 1st – Nagapalumba sa pagdalagan… vs. 24
- Ang Cristohanon nga pangabuhi daw pareho sang pagpalumba – may sugod kag may katapusan..
- Nag sugod kita sa pagpalumba sa adlaw nga nagtuo kita kay Jesus – matapos sa adlaw nga kita mapatay ..
- Nagapalumba kita agod nga maka baton sang premyo – si Jesu- Cristo – Filipos 3:14…
- Kalabanan sa mga tumuluo nagsugod sing maayo – apang indi maayo ang pag tapos…
- Ginkabig naton nga malip-ot lang nga pag dalagan – apang sang madugayan ginlapyo – natublag – kag nag untat…
- Ang Cristohanon nga pangabuhi indi malip-ot nga pagdalagan – ini isa ka marathon…
- * Hebreo 12:1 – “Gani bayaan ta ang mga sala nga nagahawid sa aton, ang tanan nga butang nga nagabalabag sa aton pagdalagan. Padayunon ta gid ang aton pagdalagan hasta sa katapusan.”
- Kinanglan naton mag trabaho sang tudo agod nga makalikaw sa sala nga naga butong sa aton paidalom – nagapalapyo sa aton…
- Agod nga makatapos kita sang palumba nga may kalipay – maka baton sang premyo nga naga hulat sa aton!
- 2nd -Nagakompetensya para sa premyo – ang korona… vs. 25
- Ang Olympic games nagsugod sa Gresya – ini kilala nga okasyon sang tion ni Pablo …
- Kada duha ka tuig ang Isthmus nga pahampang ginahiwat sa siudad sang Corinto…
- Ang pinaka popular nga mga hampang amo ang pagdalagan/pakigdumog/ kag boksing…
- Sa mga naga kompetensya sa Olympics dapat nga mag ensayo sang todo agod makadaog sang korona
- Indi na bag-o sa humalampang nga mag ensayo sang 10 ka bulan antes mag paindis-indis…
- Ang ila nga premyo amo ang laurel (dahon) – premyo nga magatinir lang sa malip-ot nga tion…
- Ang isa ka humalampang wala natabo nga aksidente lang – ila ini ginpangabudlayan sang todo…
- Nagabugtaw sila sang aga pa adlaw-adlaw kag mag ensayo – nagalikaw sa indi maayo nga pagkaon…
- Sa amo man nga paagi bilang tumuluo nagakinahanglan nga maghanas – mag-obra sang tudo…
- Ang pangabuhi para kay Jesus, adlaw-adlaw nga pag pili – kag naga kinahanglan sang maukod nga pagtrabaho sa parte naton..
- Ginapili naton nga mag hatag sang tion para mag tuon sang Pulong sang Dios – nagapain sang tion sa pag pangamuyo…
- Naga hatag kita sang tion sa pag Bible study – para magtubo sa pagtu-o…
- Kinanglan naton nga mag likaw sa mga pagsulay sa kabuhi nga maka tublag sa aton…
- Indi para nga makaganar sang korona nga laurel – ang aton korona padayon sa eternidad – indi gid madula…
- Ano bala ang aton korona – may ara nga duha ka panghuna-huna…
- 1st posibilidad – nga kita premyohan sang “korona” para sa tanan naton nga nahimo para sa Ginoo
- Indi nagapalareho ang edad naton sang kita naluwas – may ara nga tigulang na may ara man nga bata pa…
- Ang iban sa aton nagapabilin sa malip-ot lang nga tinuig (semana ukon inadlaw) bilang isa ka Cristohanon antes magpalangit…
- Samtang ang iban naman nagpabilin nga matutom nga nagaalagad sa Ginoo sa bugos nila nga kabuhi..
- Ang mga nagalagad sang malawig – nagakabagay nga makabaton sang mas madamo
- Ang Bema nga pulungkuan ni Cristo – II Corinto 5:10…
- Makabaton kita sang premyo sa aton nahimo nga maayo sa Ginoo
- Ang pulungku-an sang paghukom – Bema seat – wala ini nagatuhoy sa paghukom sang sala
- Ang Bema seat – kon sa diin ang korona ginahatag sa mga humalampang sa Olympics
- Gani sa mga butang nga ginhimo naton para sa Ginoo hatagan kita sang korona sa langit…
- Agod nga mabutang naton ang korona sa tiilan ni Jesus..
- Bilang isa ka pagsimba kon ara na kita sa langit – Pahayag 4:10
- Apang may mga pila ka problema sa ideya sang mga “Korona” nga ihatag bilang premyo…
- Ang premyo nga ‘Korona’ namitlang lang sang 5 ka beses sa Biblia…
- I Corinto 9:25, II Timoteo 4:8, Santiago 1:12, I Pedro 5:4, Pahayag 2:10
- 1st – ‘Korona’ permi nga isa – indi mga ‘Korona’– nagakahulugan nga isa lang…
- 2nd – Ang korona permi ginasundan sang paglaragway…
- Korona sa Eternidad, Korona sang Pagpakamatarong, Korona sang Kabuhi, kag Korona sang Himaya
- Nagapanugda nga ang isa ka “Korona” nga aton mabaton amo ang Eternidad!
- 3rd – Ang ideya sang ‘korona’ – naga sentro sa sala nga butang…
- Ang aton igtalupangod naka sentro sa premyo imbes nga simple nga mangin kontento sa kaluwasan…
- Naga pangita kita sang kon ano pa gid ang madugang nga mabaton halin sa Ginoo – nga daw may utang pa Siya sa aton…
- Ang paghuna-huna nga may ara kita dugang nga premyo (korona) para sa aton nga ginpangabudlayan – naga hatag sang bugal!
- Ginahunahuna naton nga mas maayo kita bangod sang aton nga mga nahimo para sa Ginoo…
- May ara kita nga mamutikan nga pagpakamatarong sa aton kaugalingon – Esprituwal nga matinaastaason…
- Ukon pagkamutik nga naga kondenar- bangod nga gahunahuna kita nga kulang pa ang aton ginhimo…
- 2nd nga posibilidad – kabuhi sa eternidad
- Ang labing maayo nga pag interpretar amo ang premyo nga langit…
- Para man ini kon luwas ka, bata man ukon tigulang – ang imo premyo amo ang langit!
- Kon ikaw man ayhan labing dako nga Apostoles – ukon isa pa lang ka adlaw nga naluwas – mapalangit…
- Buot silingon wala sang kahilabtanan kon ano kadamo ang imo na obra para sa Ginoo…
- Nag ensayo kita – nagpanikasog sang todo – Agod nga maka kadto kita sa langit!
- 3rd – Magpakig-away sang maayo… vs. 26
- Ang mata ni Pablo ara sa lalambuton – nagpabilin ang panulok niya sa padya ni Jesus!
- Si Manny Pacquiao – nagasunod sang maidid nga pag ensayo sa pag preparar sa iya nga pagpakigaway…
- Nagabugtaw sang 6am para magdalagan sang 45 minutos – kag mag ensayo sang 3 ka oras…
- Tapos naga praktis sang pagboksing sa iya speed bag / heavy bag / kag double bags…
- Ginatapos niya ang pagpraktis sang 1,400 crunches – ini kada adlaw…
- May ara siya sini nga disiplina tungod nga ara ang mata niya nakatutok sa premyo…
- Pareho sang boksing naga pakigaway kita -indi sa ‘landong nga naga boksing’ – pero sa tuod nga pakigaway …
- Ara kita sa matuod nga patag-awayan – nagapakig away kita kay satanas/ sala / kag sa sini nga kalibutanan…
- Nagapakigaway kita para sa tagipusoon sadtong mga wala nakakilala kay Jesus – ang mga wala naluwas…
- Nagapakigaway kita para sa aton nga kabuhi – agod nga makabaton sang padya!
- Ang pagpabilin nga disiplinado -amo ang pag sentro sang aton panulok sa padya nga amo si – Jesus!
- Hebreo 12:2 – “Isentro ta ang aton panulok kay Jesus nga amo ang ginasandigan sang aton pagtuo…”
- 4th – Disiplinahon (pakigawayon) ang lawas… vs. 27
- Si Pablo may disiplina sang iya kaugalingon – nahamtang nga nakontrolar…
- Ang idea nga ang mga karnal nga kailigbon ni Pablo- ang iya unod – wala naga kontrol sa iya…
- Ang gana niya sa pagkaon /tulog /kinasadya – ini wala na sing gahom sa iya…
- Ang iya nga mga handum nagpabilin nga nagpasakop kay Cristo…
- Kon wala ini – posible nga indi niya makuha ang padya…
- Bisan pa nga ginhatag niya ang Maayong Balita sa iban -ang iya kaugalingon mismo mahimo nga maupangan !
- Indi pag-itugot nga maupangan…
- Bilang isa ka tumuluo ni Jesus – napatawd na kita – apang wala nagakahulugan nga indi na kita makasala…
- Natawo kita liwat sa Espiritu – pero naga istar pa kita sa makasasala naton nga lawas –
- Romans 6:12 – “Indi na ninyo pagtuguti nga maggahom ang sala sa inyo lawas. agod indi na kamo magtuman sang iya kailigbon”
- Naga-atubang kita gihapon sang pagsulay –nagapakig-away sa aton nga mga handom – makapili kita gihapon nga magpakasala…
- Naga kasulay kita sa mga butang sang sini nga kalibutan – sa pagpangita sang kalipay sa sini nga kalibutan…
- Kon mag padala kita sa sala – nagapakatig-a kita sa Dios – nagakasandad kita sa aton pagdalagan…
- May ara gid dako nga peligro sa aton nga mag untat na lang – mag untat sa pagpakigaway…
- Disiplinaha imo lawas – itutok ang imo panulok sa padya – manikasog sa pagkabuhi para kay Jesus!