Making Bible Study Easy for everyoneEnglish • Hiligaynon
Back to Acts
Verse-by-Verse Bible Study

Acts 17:1-15

A study of Acts 17:1-15 covering Pangwali sa mga Judio, wala nalipay nga mga Judio, and Ang Pulong sa Berea.

These are the original teaching notes from this passage.

Binuhatan 17:1-15

  • Magtuon sa Bibliya… (3 ka butang)
  • 1st – Pangwali sa mga Judio… vs. 1-4
    • 1st – Naghalin si Pablo sa Filipos kag nag-agi sa Amfipolis kag Apolonio… vs. 1-2
      • Ang Amfipolis 50 kilometro pa Filipos-ang Apolonia 50kilometro halin sa Amfipolis…
      • Ang duwa ka siyudad sa tambi sang Roma nga dala pa Greece (Macedonia)
      • Dalagko nga mga siyudad nga damo tawo nga dapat kabati sang Pulong…
      • Si Pablo wala naghapit kundi nagpadayon sa Tesalonica…
      • Kinabatasan ni Pablo nga magsulod sa Judio nga simbahan sa pagwali kay Jesus…
      • Ang Tesalonica may Judio nga simbahan (ang iban nga banwa wala simbahan)..
      • Ginpili ni Pablo ang iban nga siyudad nga may simbahan para may opurtunidad…
      • Maka pakigbagay siya kay isa man siya ka Judio…
      • Pero ang mga Judio indi lang mga Judio ang nagkalaluwas kun magwali si Pablo…
      • Ang iban man nga naga upod sa mga Judio kag ang mga interesado sa Ginoo…
      • Gingamit ini ni Pablo para makalab-ot siya sa mga may gusto mamati sa iya!
      • Indi kita makalab-ot sa tanan sang Pulong ni Jesus…
      • Kun may pareho hilig, ukon inagyan mas dako ang kahigayunan nga mamati sila…
      • Indi buot silingon nga ang indi malab-ot indi makabati sang Pulong ni Jesus…
      • Ang makabaton sang mensahi sa Tesalonica may dako nga magbag-o sa siyudad…
      • Kag sa palibot nga mga siyudad (Amfipolis kag Apolonia)
      • 1 Tesalonica 1:8 – “Kay halin dira sa inyo naglapnag ang mensahi sang Ginoo. Ang inyo pagtuo sa Dios nabatian indi lang sa Macedonia kag sa Acaya kundi sa bisan diin nga lugar…”
      • Ang mga tumuluo sa banwa- dapat magwali sang sa kay Pablo nga dumuluong lang…
      • Si Pablo may Pulong pero wala siya ila linguahe kag mga tradisyon…
      • Kabalo sila sang mga linguahe/kultura/tradisyon kag labi na ang Pulong!
      • Makalab-ot kita sang Pulong sa mga makapakigbagay sa aton…
      • Kag sila makahatag man sila sang Pulong sa mga hapos pakigbagayan-kag nagalapta ini!
    • 2nd – Ang mensahi nga ginhatag ni Pablo sa Tesalonica… vs. 3-4
      • Si Jesus nag-antos kag napatay, nabanhaw kag Siya ang promisa nga Messias…
      • Simple nga mensahe-indi budlay kag wala na dugang pa…
      • Ginwali ni Pablo ang simple nga Pulong para ang pagtuo indi base sa iya ginhambal…
      • Para ang ila pagtuo mabase sa kun ano ang ginhimo sang Dios sa ila!
      • Ang mensahi sang kaluwasan indi budlay-simple lang katama…
      • Kay tam-an ka simple gusto sang mga tawo nga mangin budlay ini…
      • Gusto nila dugangan ang Pulong bilang patakaran para makabaton sang kaluwasan…
      • Makapalangit ka kun magtuo kay Jesus,maghatag kuwarta, pabuot kag magsimba gid…
      • Mas kabalo pa ang mga kabataan kay amo ina ka simple- nga palangga kita sang Dios…
      • Magtuo lang kay Jesus-ang iya ginhimo sa krus kag ikaw maluwas!
      • Damo ang mga naluwas kag mga kilala nga mga babayi…
      • Ang una nga nagtuo sa siyudad sang Filipos amo ang babayi- Lydia…
      • Important ang babayi sa pagpalapta sang Pulong sang una nga mga simabahan…
      • Amo man subong-ang mga babayi nag una naga pamati sang Pulong…
      • Ang mga babayi ang mas abtik mag tuo kag mag-alagad kay Jesus…
      • Sa bilog nga kalibutan nahamabal nga mas damo babayi ang nagasimba…
      • Dapat mga babayi magsugod wali sa ila mga bana kag mga kabataan!
    • 3rd – Si Pablo 3 lang ka semana sa Tesalonica…
      • Ang iban nagahambal nga si Pablo nandulo sang mga Judio sang 3 ka semana…
      • Pagkatapos niya panudlo sa Judio nga simbahan nanudlo siya sa mga Gentil…
      • Pero ang iban naghambal nga 3 siya ka seman sa sulod sang Tesalonica…
      • Kun amo sina ang natabo-si Pablo nagtukod sang simbahan sa 3 lang ka semana!
      • Ang nagatubo nga simbahan nga ginsulatan ni Pablo – 1 and 2 Tesalonica!
      • Daw ka imposible nga ang simbahan matukod sa malip-ot nga tion…
      • Pero sa Ginoo wala sang imposible-wala limit ang iya masarangan…
      • Nagakadala kita sa mga programa nga aton napinsaran nga himuon…
      • Ang aton nahimo ang aton lang nabal-an kag naandan nga himuon…
      • Mas mayo nga magpalapit kita sa Ginoo kay ara sa iya ang pinaka insakto nga ideya…
      • Ano ang gusto sang Ginoo sa iya simbahan kag paano ini himuon-kag Siya ang mahimo!
  • 2nd –wala nalipay nga mga Judio… vs. 5-9
    • 1st – Ang mga Judio nahisa sa pagbaton sang mga sang Pulong… vs. 5
      • Mas damo ang nagasimba sa simbahan ni Pablo sang sa ila simbahan…
      • Gintipon nila ang mga bugoy mga istambay sa pagsugod sang gamo…
      • Nanggamo sila sa siyudad sa pagpangita kay Pablo-gusto nila nga dakpon siya!
      • Sang indi nila siya makita-gindakop ni si Jason kag gindala sa atubang sang mga tawo…
        Naglakat si Pablo sa balay ni Jason amo na nga gindalahig nila siya!
      • Kasubo nga ang simabahan ang naga atake sa isa kag isa…
      • Tanan kita nga mga tumuluo dapat may isa ka lalambuton-manugid kay Jesus…
      • Kun magsugod simbahan sa tabok dalan -dapat mabulig kita!
      • Kun damo simbahan mas mayo para tanan kita manugid sa tanan!
    • 2nd – Ginguyod nila si Jason kag iban nga tumuluo sa atubang sang mga opisya… vs. 6-9
      • Ang ila akusasyon nga nanggamo sila paagi sa ila mga ginatudlo…
      • Ang aton kalibutang suli na gid-ang kalibutan nga wlaa kakilala sa Dios…
      • Ang kalibutan nga ang malaot- maayo/ kag ang maayo-malaot…
      • Sa iban nga nasyon krimen kun mangamuyo ukon magdala Bibliya sa eskwelahan…
      • Pero ang lalaki mangin babayi/babayi mangin lalaki kag ang pagpahulog ok lang…
      • Isaias 5:20 – “Kaluluoy kamo nga mga nagakabig sang malain nga maayo kag sang maayo nga malain.”
      • Nagalakat kita sa pagsugid sang mensahi ni Jesus para ang kalibutan nga suli!
      • Ang kaso ni Jason kag iban nga tumuluo kay ginpadayon nila si Pablos a ila mga balay…
      • Wala tani nagkaproblema si Jason kun indi tungod kay Pablo…
      • Pero kay gusto niya makabati kay Jesus-ang resulta gindakop siya!
      • Kun wala kita nagasimba – wala sang may mahingabot sa imo…
      • Pero kun magsimba ka sa Domingo-ang mga pabati-bati masugod man!
      • 1 Pedro 4:12 – “Indi kamo magkatingala sa masakit nga mga pagtilaw nga inyo ginaagihan. Kon ginatilawan ang inyo pagtuo indi kamo maghunahuna nga kon daw ano na gid ang matabo sa inyo…”
      • Ang pagtindog kay Jesus indi garantiya nga ang imo kabuhi mangin hapos…
      • Ang kamatuoran nga makasugata ka sang mas dugang nga mga pagtilaw…
      • Pero ini indi malain kay sa katapusan kabalo kita nga langit ang aton kadtuan!
      • Ginkausahan sang mga Judio sila ni Jason nga nagasunod sa iban nga Emperador
      • Dako nga krimen kun may mag proklamar nga may iban nga hari luwas kay Caesar…
        • Ang pina kamatayon-pero wala si Pablo nakita kag indi sila maakusahan…
        • Nagbayad piansa sila ni Jason kag mga tumuluo para mabuy-an sila…
        • Si Pablo kag Silas naman ya naghingagaw guwa sa siyudad para wala na gamo!
      • Ang akusasyon nga may isa ka Hari para may rason nga dakpon ang mga tumuluo…
        • But in fact in doing so the Jews were rejecting their true King – God in heaven!
        • Ang tuod nga ang mga Judio ang nagapanginwala sa tuod nga Hari-Dios sa langit!
        • Indi ini una nga tion nga ang mga Judio nagpangiwala sang Dios nga ila hari…
        • Sa 1 Samuel –
        • Ginpangiwala sang Israel ang Dios bilang ila Hari- kag gusto tawo ang ila sundon.
        • Ginpanginwala sang mga Judio ang perpekto nga Dios-kag nagsunod sa makasasala nga tawo!
        • Roma 6:16 – “Indi bala mga ulipon kita sang bisan ano nga aton ginatuman?”
        • Sa kabuhi mangin ulipon kita -ang pamangkot kay sin-o?
        • Ang pagpili sa aton-magsalig sa sining kalibutan kag suluguon sang kalibutan…
        • Kun magpalapit kita sa kalibutans sang sabat-may limit ang solusyon…
        • Pero kun magsalig kita kay Jesus-mas damo ang Iya mahimo labaw sa kalibutan!
  • 3rd –Ang Pulong sa Berea… vs. 10-15
    • 1st – Si Pablo kag si Silas naglakat sa siyudad sang Berea … vs. 10-12
      • Sang ila pag-abot naglakat sila sa simbahan sang mga Judio sa pagsugid kay Jesus…
      • May kinalain ang mga Judio diri kompara sa Tesalonica…
      • Ginusisa nila ang Bibliya adlaw adlaw kun insakto ang mensahi ni Pablo…
      • Mas halangdon sila kay wala lang nila gin baton ang ginasugid sa ila…
      • Ginsigurado nila sa Bibliya kun matuod ang nasugid sa ila!
      • Kay ginhambal ni pastor insakto na dayon…
      • Kada Domingo kun magpuli kamo/ukon samtang nagawali-usisaa sa Bibliya…
      • Kun ang ginhambal ni Pastor wala sa Bibliya- indi pagpatihi-indi ina tuod!
      • Kadasig sa aton magpati kay sa tawo nga nagasugid sa aton…
      • Indi kita dapat magpati sa nahambal sang nagawali biskan sin-o pa siya…
      • Kun ang aton nabal-an ang sugid sang nagawali-aton pagtuo sa pulong sang tawo…
      • Pero kun sa Bibliya naton napangita ang sabat-aton pagtuo sa Pulong sang Dios!
      • Ang resulta sang pagusisa sang Bibliya- damo ang nagtuo!
      • Roma 10:17 – “Ang tawo magatuo lang kay Cristo kon makabati siya sang mensahi parte sa iya”
      • Ang rason ngaa ang mga tawo wala nagtuo kay wala sila nagabasa sang Bibliya…
      • Kun magbasa kita sang Bibliya kag magtulok kay Jesus-makita naton Siya!
      • Paagi sa Iya Pulong makilala naton ang Dios nga nagtuga sa aton…
      • Kag makita ang Iya plano sa pagluwas sa aton-para maupod kita sa Iya sa langit!
    • 2nd – Ang mga Judio sa Tesalonica… vs. 13-15
      • Sang nabatian sang mga Judio sa Tesalonica nga si Pablo ara sa Berea…
      • Nagkadto sila didto kag ginsutsot ang mga tawo sa paggamo batok kay Pablo…
      • 1 Tesalonica 2:2 –Sa Filipos…ginsakit nila kami kag ginpakahuy-an Pero ginhatagan pa gid kami sang aton Dios sang kaisog sa pagsugid sa inyo sang Maayong Balita nga halin sa iya, bisan madamo nga mga pagpamatok ang amon naagihan dira.”
      • Wala pugong pugong ang pagwali ni Pablo sa Filipos/Tesalonica/kag sa Berea…
      • Sa tanan nga tion delikado ang iya kabuhi-ginhanot siya ang gin priso…
      • Wala si Pablo nag-untat kay kabalo siya kun ano ang iya ginapakigbatuan…
      • Nagahatag siya sang isa lang ka menshai nga makaluwas sa tawo sa impierno!
      • Kun sigurado kita nga malakat ang mga tawo nga impierno kun wala Jesus…
      • Bisan ano pa ka pagpakahuya ang himuon indi makapautat sa aton sa pagpangwali…
      • Kabalo kita sang kabuhi-nga isa lang ang dalan pa langit…
      • Kabalo kita sang kamatuoran-paano kita kagpugong kag maghipos lang!
      • Jeremias 20:9 – “Pero indi ko mapunggan, kay ang imo pulong daw sa kalayo nga nagadabdab sa akon tagipusuon kag mga tul-an. Ginakapoy na ako sa pagpugong sini.”
      • Gindul-ong dayon sang mga taga Berea si Pablo sa baybay para kalakat sa Athens…
      • Si Silas kag Timoteo nagpabilin sa pagpabakod sa mga bag-o nga mga tumuluo…
      • Pero si Pablo nagtugon lang nga si Silas kag si Timoteo maapas sa iya sa Athens!