Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Review…
- Colosas 2:8-15 – Mag-andam sa kaalam nga pangkalibutanon…
- Pilosopiya – ang pagkaluyag sa ihibalo – nagahunahuna nga ang tanan nga sabat ara sa edukasyon…
- Ang pagkabig sang manggad– nga magadulot lang sang pagka diskumpyado kag hungkag kag wala unod nga kabuhi…
- Mga tradisyon sang tawo – kabuhi nga may kahadlok – sunod-sunod sa mga disparates…
- Imbes nga magsunod sa kaalam sang Dios – pagkilala kay Jesu Cristo– sa iya lang gid kita maging kontento!
- Colosas 2:16-23 – Mag-andam sa pagsalig sa relihiyon…
- Indi magpasugot nga mahukoman ka tungod sa imo nga mga personal nga pagpati – ano imo ginakaon / kun ano nga adlaw ka naga simba…
- May mga tawo nga medyo mas mahina sa ila pagtuo – mas madamo nga mga pagsulundan nga ila gina sunod…
- Indi sila dapat maghukom sa iban nga indi pareho sa ila ang pagpati okon kombiksion…
- Ang mga may mas mabaskog nga pagtuo – may ara mas madamo nga kahilwayan…
- Indi dapat maghatag sang kahigayunan nga makapasandad sa mga may mas madamo nga laye / kombiksion nga ila ginasunod.
- Indi ka magpahaylo – indi pagpasugti ang bisan sin-o nga magdiskalipikar sa imo sa palanublion mo sa Dios…
- Paagi sa dimatuod nga pagkamainubuson / Okon pagpangamuyo sa mga anghel (okon santos)…
- Sa pagpamensar nga mataas gid ang pagka espirituwal mo– kag malisahan mo ang pagkakinahanglan mo kay Jesus!
- Indi ka magpa-esklabo – sa mga wala-unod nga mga tradisyon sang mga relehiyon!
- Daw ginapakita sang mga pagsulundan sang relehiyon nga mas Diosnon kita – paagi sa pagpahiwala sang kaugalingon…
- Ugaling ang pang sagwa lang ang ginaislan – kag wala sing gahum para mabaylo ang tagipusuon!
Ang aplikasyon sang aton pagtuo … (2 ka butang)
- 1st – Aton posisyon kay Cristo… vs. 1-4 (6 ka butang)
- 1st – Isa ka butang ang pagahibalo sang Pulong – lain naman ang pagkabuhi nga suno sa Pulong…
- Santiago 1:22-25 – “Ang bisan sin-o nga nagapamati pero wala nagatuman sang pulong sang Dios, pareho siya sang tawo nga nagatan-aw sa espiho, 24 kag pagkatapos nga makita niya ang iya hitsura, naglakat siya kag nalipatan niya dayon kon ano ang iya hitsura.”
- Kun mag buylog ka sa mga Bible Studies – naga-ugyon ka sa mga butang nga gintun-an…
- Dayon mapuli kag matingala na lang nga indi mo madumduman ang mga ginpamatian mo!
- Ang bibliya indi isa ka textbook nga dapat naton tun-an – ini isa ka instruction manual nga aton sundan…
- Pwede mo mahibaluan tanan nga tinaga – pero kun wala pag-bag-o sa imo nga mga ginahimo – wala gihapon pulos!
- 2nd – Tungod nga ginhatagan na kita sang bag-o nga kabuhi kay Kristo… vs. 1
- Dapat kita mangabuhi nga naga-tan-aw kag nagahandum sang mga bagay nga langitnon…
- Kun diin nagapungko si Jesus sa tuuhan sang Dios – sa pwesto sang gahum!
- Lucas 12:34 – “Kay kon diin ang inyo manggad didto man ang inyo tagipusuon.”
- Wala kita nagapili kun diin ibutang ang aton tagipusoon – pero ginapili ta kun diin naton ibutang ang aton manggad…
- Kun diin ta ginabutang ang aton kwarta / oras / mga talento – dira man na ang aton tagipusoon!
- Ang aton bala nga mga manggad nakatago sa langit – okon basi ang aton nga tagipusoon nagatulok sa kun diin-diin pa…
- Nagahatag bala kita sang igtalupangod sa Ginoo – ukon basi nasiod na kita sa mga butang sang kalibutan!
- Kun ginatago ta ang aton manggad diri sa ini nga kalibutan – indi na kita mapgpaninguha nga pangitaon si Jesus…
- Sa kaathag sang tanan nga ginhimo ni Jesus para sa aton – dapat nga magpamuhunan na kita sa aton nga relasyon kay Jesus!
- 3rd – Itutok ang inyo paghunuhuna sa mga mga butang sa ibabaw– indi sa mga butang sa duta… vs. 2
- Ang paagi nga nagapangabuhi kita para kay Jesus– amo ang pagpamensar sa mga butang nga patuhoy kay Jesus…
- May nagasiling nga kun sobra ang pamensar mo patuhoy sa langit – wala ka pulos diri sa kalibutan…
- Pero sa tuod-tuod lang, wala ka pulos diri sa kalibutan – kun wala mo ginapamensar ang langit!
- Sa paglabay sang isa ka adlaw, mahigkoan gid kita tungod sa aton nga pakigsimpon sa kalibutan…
- Makapulot gid higko ang aton tiil samtang nagalakat / balhas / higko sa aton kamot…
- Matinluan naton ang aton higko – kun maligo kag mag-usar sang habon…
- Amo man nga kun mahigkoan kita sa aton nga espirito tungod sa kalibutan…
- Basi tungod sa nakit-an ta sa TV – okon sa nabatian ta nga ginhambal sang isa ka tawo…
- Nagasulod sa aton pamensaron – pwede magsulay sa aton tagipusoon – kag nagapahigko sa aton…
- Ang solusyon amo ang pag-usar sang isa ka habon nga espiritwal!
- I Juan 1:9 – “ Pero kon ituad ta sa Dios ang aton mga sala, masaligan siya sa pagpatawad sang aton mga sala kag sa pagtinlo sa tanan ta nga mga kalainan. Himuon niya ini tungod nga matarong siya.”
- 4th -Patay na kita – ang aton bag-o nga kabuhi ginatago na sa Dios… vs. 3
- Ang ideyua nga ang aton daan nga tawo – aton nga pagkamakasasala– ginlansang kag ginlubong na upod kay Jesus…
- Roma 6:6 – “Nahibaluan ta nga ang aton daan nga pagkatawo nga makasasala ginlansang na sa krus kaupod ni Cristo agod mapatay. Amo ina nga indi kita dapat ulipunon sang sala.”
- Dayon, nabanhaw kita gikan sa kamatayon – wala na ang daan nga makasasala nga tawo nga amo kita sang una…
- Ginhatagan kita sing “Bag-o nga Kabuhi” – Nahilway sa kasalanan para magkabuhi para sa Dios – 2 Corinto 5:17
- ‘Nabun-ag Liwat’ kita– indi para mangabuhi sa sala / kundi magkabuhi nga Diosnon!
- May kalig-on na kita upod sa Dios – nakatago – para wala sang makatandog sa aton…
- Roma 8:38 – “Kay nasiguro ko gid nga wala sing may makapahamulag sa aton sa gugma sang Dios nga iya ginpakita paagi kay Cristo Jesus nga aton Ginoo. Bisan pa ang kabuhi diri ukon ang kamatayon, ang mga anghel ukon ang mga demonyo, ang nagakalatabo subong ukon ang magakalatabo sa palaabuton, ang mga may gahom, ang mga ara sa ibabaw ukon sa idalom sang kalibutan, ukon bisan ano pa nga mga butang nga gintuga sang Dios indi makapahamulag sa aton sa iya gugma.”
- Indi ang kamatayon – Filipos 1:21 – “Para sa akon, ang akon kabuhi para gid kay Cristo. Kag kon mapatay man ako, may kapuslanan sa gihapon, kay mangin kaupod ko na siya.”
- Ang kamatayon para sa tumuluo nagakahulugan nga pagsulod sa kabuhi nga wala katapusan!
- Indi ang mga anghel / okon mga prinsipales / okon ang mga maygahom (mga espirito – si satanas kag ang iya mga demonyo)…
- I Juan 4:4 – “Pero mga anak ko, kamo iya sang Dios, kag gindaog na ninyo ang indi matuod nga mga propeta; kay ang Espiritu Santo nga ara sa inyo mas gamhanan pa sang sa kay Satanas nga nagagahom sa mga tawo sang kalibutan.”
- Indi na magkahadlok sa mga espirito – okon sa mga disparates nga nadak-an ta…
- Si Jesus mas makagagahom gid labaw sa bisan ano pa nga mga may gahom nga makigbato sa aton.
- Wala kita sang mahimo subong / wala sang matabo buwas…
- Basi indi ta na makita ang bwas – okon ang dason semana – okon dason tuig…
- Pero makit-an sang Dios – nahibaloan niya – Kag masigurado niya nga wala sang pwede makaseparar sa aton…
- Tungod nga ginahigugma niya kita – kag natago niya ang aton kabuhi sa iya nga grasya kag layo sa katalagman!
- 5th – Si Cristo ang aton kabuhi…
- Wala gid kita sang mahimo sa aton kaugalingon – ang aton kabuhi gikan sa aton nga pagka-kaangtanan kay Jesus…
- Juan 15:5 – “Ako amo ang puno sang ubas, kag kamo ang akon mga sanga. Ang tawo nga nagapabilin sa akon kag nagapabilin man ako sa iya, siya amo ang magapamunga sing madamo, kay kon wala ako sa inyo wala gid kamo sing may mahimo.”
- May ara ako isa ka yahong nga mga prutas sa kusina – katahum tulukon…
- Pero kun kagton mo – makibot ka gid – plastik gali!…
- Indi kita makasarang magbuhat sang prutas – makabuhat lang kita sang mga butang nga ila itsura daw prutas!
- Amo na nga indi man kita maka himo “prutas” / maayong binuhatan sa aton kabuhi…
- Pwede kita nga magpakuno-kuno nga daw maayo man – plastik nga Kristohanon – pero wala sang kabuhi!
- Ang pagsalig sa kalibutan, padulong lang sakamatayon – Ang tuod nga kabuhi makit-an lang naton sa kay Jesus!
- Ang mga butang sang sini nga kalibutan indi gid makahatag sa aton sang pagkakontento – ang aton kalipay umalagi lang gid…
- Luyag ko gid ang chocolate chip cookies – sang gamay pa ako ginaubos ko gid na kaon……
- Indi gid pwede nga isa lang– pirme ko gid gusto sang isa pa – kag isa pa gid…
- Asta nga nagsakit na akon tiyan – pero gusto ko pa gihapon!
- Ang kadam-an nagapaminsar nga ini nga kalibutan may mga sabat – ginaganyat kita nga may mga promesa kag mga paglaum nga indi man matuod.
- Kag ibilin kita nga hugkang – wala gid nakontento – pirme lang nagapangita sang dugang pa gid!
- Kun mangabuhi kita nga para lang gid kay Jesus – iplastar ang aton panghunahuna sa mga langitnon nga butang – amo na ina nga mangin kontento kita!
- 6th – Kun magpakita na si Jesus– maga-upod kita sa iya…
- Patuhoy sa 2nd coming ni Jesu Kristo – ma-upod kita sa iya…
- Pahayag 19:11 – “Nakita ko dayon nga nag-abri ang langit, kag didto may kabayo nga puti. Ang nagasakay sa kabayo ginatawag Masaligan kag Matuod. Matarong ang iya paghukom kag pagpakig-away.”
- Makari si Jesus nga may tunog sang trompeta – upod sa mga pinili…
- Pahayag 19:14 – “May nagasunod sa iya nga mga soldado nga halin sa langit, nga nagasakay man sa puti nga mga kabayo, kag ang ila bayo linen nga matinlo kag maputi.”
- Iplastar ni Jesus ang iya nga Kaharian diri sa duta – kag magapamuno kag maghari sa sulod sang 1000 nga tuig…
- Kag magapamuno man kita sa duta upod sa iya – Pahayag 5:10!
- Kun ang kabuhi mo ara kay Jesus – kun magpadayon kita nga maghatag igtalupangod sa langit – aton gid matapos ang ini nga dalaganon!
- 1st – Isa ka butang ang pagahibalo sang Pulong – lain naman ang pagkabuhi nga suno sa Pulong…
- 2nd – paano kita dapat magkabuhi… vs. 6-11 (3 ka butang)
- 1st – Gani – dapat patyon na ang sala nga nagahana maglamon sa imo… vs. 5
- Tanan kita – bisan naluwas na kita – nagapanikasog batok sa sala sa aton kabuhi …
- Maatubang man ta gihapon sa mga sulay – mapanikasog batok sa mga unudnon nga mga handum – makapili man kita gihapon nga mag-sala
- Gina sulay kita sang mga butang sa sini nga kalibutan – nga pangitaon ang mga kalingawan sa kalibutan nga ini…
- I Juan 2:16 – “Kay ang tanan nga kalibutanon nga ginahandom sang tawhanon nga balatyagon, nga ginakawilihan sang mga mata, kag ginapabugal sang mga tawo, wala nagahalin sa Amay kundi sa kalibutan.”
- Nagahatag si Pablo sang lista sang mga sala nga nagasulay sa aton…
- Pagpakighilawas – relasyon nga sekswal sa indi imo asawa okon bana…
- kahigkoan / pagkaibog – kailigbon nga sekswal – pagpantasya sa mga babayi sa imo paminsaron…
- Handum nga malaut – mga handum para sa poder / kwarta / okon paghimalos…
- Pagkamahamkunon – paghandum nga maangkon ta ang butang nga iya sang iban…
- Indi pag-usara ang bisan ano man nga parte sang imo kaugalingon para mangin isa ikaw ka galamiton para sa kasalanan – Roma 6:13…
- Wala sang ginaunongan ang isa ka martilyo – indi ini maayo okon malaut – gamit lang gid ini.
- Ang aton nga kaugalingon pareho man nga isa ka kagamitan– ang pamangkot, para sa ano naton ginausar ini…
- Upod na da ang imo pisikal nga lawas – nga naga patuyang sa mga sala sang kalibutan…
- Upod man diri ang aton hunahuna – ang hunahuna amo ang tuod tuod nga patag-awayan sang gyera batok sa kasalanan
- Santiago 1:14-15 – “Ang tawo ginasulay kon ginaguyod kag ginaganyat siya sang iya malain nga handom. Kag kon ang iya malain nga handom matuman, ang resulta sini amo ang paghimo sang sala; kag kon magpadayon ang tawo sa pagpakasala, ang iya padulungan amo ang kamatayon. ”
- Wala kita nagabugtaw lang isa ka aga kag magdesisyon nga maghimo sang sala…
- Ginapatugotan naton ang aton hunahuna nga magdugay sa isa ka malaut nga handum – kun ang ina nga handum nagbun-ag na – kasalanan na!
- Tungod sa nahimo na ni Jesus para sa aton – indi naton dapat usaron ang aton nga kabuhi sa pagpakasala!!
- 2nd – Tungod sa mga sala nga ini – ang ka-akig sang Dios nagapadulong… vs. 6-7
- Buot sayuron, may mga konsekwensya para sa mga nagapili nga magkabuhi sa kasalanan…
- Galacia 6:7 – “Indi ninyo pagtuntuha ang inyo kaugalingon. Wala sing tawo nga makadaya sa Dios. Kay kon ano ang ginapanggas sang tawo amo man ang iya anihon.”
- Kun nagatanum ka sang kalamansi – ang anihon mo kalamansii…
- Wala ka nagatanum kalamansi – kag nagapuksi kapayas.
- Kun mag tanum kita sang binhi sang kasalanan – sekswal / idolatriya / kahisa kag kaakig / pagkinalipay…
- Ini nga mga binhi indi gilayon nga magtubo – malipas anay ang tinion antes ini ‘mamulak’…
- Apang siguradoha– kun magtnum kita sang binhi sang kasalanan – maga-ani gid kita…
- Mangin masakit man ini / prisohan / away / kamatayon – ang sala magalaglag gid sang aton kabuhi..
- Kag sa katapusan, ang sala ang magapugong sa aton nga makakadto sa langit – indi gid ta katilaw sang kabuhi nga wala katapusan!
- Nagatingala gid ako nga nagakakibot ang kalabanan sang mga tawo sa mga konsekwensya sang ila nga mga ginahimo…
- Mga tawo nga bug-os nila nga pangabuhi wala gid nagbinagbinag parte sa Dios okon langit…
- Kag madangatan ang kabuhi nga waay pulos / guba nga pamilya / lawas nga masakiton…
- Nagatingala sila kun ngaa wala sila mapakamaayo – simple lang – tungod sa ila nga gintanum!
- Amo ini ang aton mga ginapang-obra – antes ta nabaton si Jesus…
- Pero subong nagatanum kita sang binhi sang pagkamatarong – ang aton paghunahuna nakasentro sa langit…
- Amo na nga naging mga Diosnon kita – nga may Diosnon nga asawa kag Diosnon nga mga anak – ginapakamaayo sa aton mga hilikuton…
- Kag sa katapusan – mapanubli naton ang kabuhi nga wala katapusn – upod kay Jesus!
- 3rd – Indi maghimo sang sala kun magtratar sa iban… vs. 8-11
- Indi kita magsala sa aton kaugalingon nga kabuhi – indi man kita magsala sa aton isigkatawo…
- Indi magka-akig sa iban / indi pagpasugti nga kasingkal ang maguha sa imo tagipusuon…
- Indi magplano sang kalautan okon malisya / indi magpamuyayaw – ini nagapasipala sa ngalan sang Dios…
- Indi magbinutig – kay napalos mo na ang imo daan nga pinamatasan!
- Ini nga mga butang aton ginahimo sang una…
- Kay wala pa naton makilala si Jesus sadto- Subong nabag-o na kita!
- Indi man sa ganasiling nga indi nagakabagay ihambal sa tawo – kay may mga tawo nga wala gid batasan…
- Galing kay tungod lang makasalanan sila – indi rason nga magsala man kita…
- Makapili kita nga indi magpadala sa aton nga daan nga pamatasan – makapili kita nga magtindog para kay Jesus!
- Tungod nga Bag-o na kita nga tawo…
- Ang bag-o nga tawo nabag-o tungod sa pagkilala kay Jesu Cristo…
- Indi magsala sa paghangop – indi kita bag-o tungod sang aton ihibalo sang bibliya…
- Kay tungod nga bag-o na kita. amo na nga gusto ta makatuon sa Bibliya !
- Kag kun nagadalum ang aton nga pagtuon – mas naging kapareho kita kay Jesus!
- Gani indi ta na pag-itratar ang isa kag isa nga katulad sang pagtratar ta antes naton makilala si Cristo.
- Kay patas lang ang pagtan-aw ni Jesus sa aton…
- Wala sang Judyo okon Gentil / wala sang ulipon okon di-ulipon…
- Wala sang nasyonalidad / wala lalaki okon babayi– Galacia 3:28
- Si Cristo ang tanan – kag ara sa iya sa aton tanan-tanan – amo na nga patas kita tanan kay Jesus…
- Gani, indi kita mag atake sa iban / gubaon ang iban kay tungod nga lain sa aton…
- Tungod nga bag-o na kita nga tawo – dapat makakita kita nga pareho sang makita ni Cristo – Tanan kita patas!
- 1st – Gani – dapat patyon na ang sala nga nagahana maglamon sa imo… vs. 5