Colossians 3:12–17

Review…

• Colosas 2:8-15 – Magbantay sa kalibutanon nga kaalam…
  • Pilosopiya – mahigugmaon sa ihibalo – naga hunahuna nga ang sabat ara sa edukasyon…
  • Paghangad sang manggad – magabilin sa aton nga hungkag kag indi ma kontento / mga tradisyon sang tawo – kag disparates
  • Sa baylo nga mag sunod sa kaalam sang Diyos – kilalahon si Jesu-Cristo – sa iya lang kita may ka kontentohan!
  • Colosas 2:16-23 – Magbantay sa pagsalig sa relihiyon…
  • Indi pag tuguti nga bisan sino maghusga sa imo nga pagpati – kon ano imo gina kaon/kon ano ka nga adlaw magsimba…
    • Sa mga maluya indi mag husga sa iban nga indi suno sa imo pagpati…
    • Sa mga mabakod indi sila pasandada nga may madamo sila nga pagsulundan/kag pagpati nga gina sunod
  • Indi mag pa ulipon – sa wala unod nga tradisyon kag relihiyon!
    • Ang pagsulundan sang relihiyon daw mas diosnon – pag sikway sang kaugalingon…
    • Pero naga bag-o lang sang pang gwa – kag wala sang gahum sa pag bag-o sang tagiposoon!
    • Colosas 3:1-11 – Ang pag aplikar sang aton pagtuo…
  • Sanglit nga gin tagaan na kita sang bag-o nga kabuhi kay Jesu-Cristo – magkabuhi para sa Ginoo…
    • Indi pag tutuki ang mga butang sang sini nga kalibutan – tutuki ang butang nga iya sang Diyos…
    • Tungod nga napatay kita sini nga kalibutan – kag ang aton kabuhi gintago ni Jesus!
  • Busa ‘SIKWAYA’ ang kamatayon / ang sala nga ara sa aton kabuhi…
    • Pagpakihilawas / bugal / pagkahamkunon – indi pag gamita ang imo lawas sa kalautan…
    • Kag tungod sini nga sala ang kaakig sang Diyos nagalab-ot sa sini nga kalibutan!

Isuklob si Jesu-Cristo… (3 ka butang)

• 1^st – Isuklob si Jesu-Cristo… vs. 12
  • 1^st – pareho man sa pag sikway sang aton daan nga kinaugali – nga nagadala sang kaakig sang Diyos…
    • Gina paabot man kita sa pag suklob sang bag-o nga tinuga – isuklob naton si Jesu-Cristo…
    • Roma 13:14 – “Sa baylo, ang pamatasan ni Ginoong Jesu-Cristo ang dapat makita sa inyo kabuhi. Kag indi ninyo paghatagan sing lugar ang inyo tawhanon nga kinaugali nga maghimo sang malain.”
    • Ang ideya nga nagapadulong kita sa pakig away – pakig away batok sa aton makasasala nga tawo…
    • Pareho sang bisan sino nga maayo nga suldado kinanglanon nga mag preparar sang aton kaugalingon sa pakigaway…
    • Efeso 6:13 – “Gani gamita ninyo ang tanan nga armas nga ginhatag sang Dios, agod makabato kamo sa tion nga mag-abot ang kalautan; kag pagkatapos sini malig-on gihapon kamo.”
    • II Timoteo 2:4 – “Kag dapat pareho ka sa soldado nga sa serbisyo; wala siya nagaobra sang iban pa nga mga obra agod mapalipay niya ang iya opisyal…”
    • Indi mag pasiod sa hilikuton sang sini nga kabuhi – mga sugyot sining kalibutan…
    • Indi mag pasiod sa binuang kag umalagi nga sala – nga naga bulag sa inyo nga makita si Jesus…
    • Ang paagi nga malandas ang aton sala – kon paano kita maglakat sa kapawa para makakita kita…
    • Kon isuklob naton si Jesus – maglakat sa Espiritu sang Diyos
    • Nian si Jesus bag-ohon niya ang aton handum agod nga indi naton gustuhon ang
    • maghimo sang sala…
    • Sa Baylo gustohon naton ang butang nga makapahamu-ot sa Ginoo!
  • 2^nd – Masuklob naton si Jesus tungod sang tatlo ka rason…
    • Tungod nga kita pinili sang Diyos – gin pili kita/ natalana na…
    • Roma 8:29 – “Kay halin pa sang una, nahibaluan na sang Dios kon sin-o ang iya mangin mga anak. Kag ginplano na niya nga daan nga mangin kaangay sila sa iya Anak nga si Jesus…”
    • Juan 15:16 – “ Indi kamo ang nagpili sa akon kundi ako ang nagpili sa inyo. Ginpili ko kamo agod maglakat kag magpamunga sing mga bunga nga nagapadayon; agod ang bisan ano nga inyo pangayuon sa Amay sa akon ngalan ihatag niya sa inyo…”
    • Ang Diyos wala katapusan – buot silingon nga wala siya sang ginhalinan ukon katapusan- Pahayag 1:8
    • Ang Diyos, wala siya nagakaubosan sang tiempo- ang Diyos ara sa guha sang tiempo!
    • Ang Diyos naka kita sang tanan – halin Genesis 1:1 asta Pahayag 22:21 tanan!
    • Ang Diyos makita niya ang TANAN-TANAN – nakahibalo siya kon sin-o ang mapati sa iya /kag mag tuo kay Jesus…
    • Iya nga gin pili ang nahibaloan niya nga magpili man sa iya!
    • Ano abi kon indi mo gusto magpati kay Jesus..
    • Nian indi ikaw ang isa sa mga gin pili sang Diyos nga maluwas – nga makdto sa langit…
    • Basi gusto mo mag hambal – ‘pero gusto ko mag kadto sa langit’ – nian pilia nga mag tuo kay Jesus…
    • Kon himuon mo makita mo – Ang Diyos nag pili na sa imo!
    • Tungod nga kita balaan – kita ang mga santos…
    • Nagasala kita sa ideya nahanungod sa pagka santo’ (ang buot silingon, balaan -ukon gin pa-in)
    • Gina pinsar naton nga ang tawo mangin santos tungod sang iya hinimuan – maayong buhat/miracolo…
    • Sa pagkamatuod indi sa aton binuhatan – ang Diyos nag buhat sa aton nga kita mga santos…
    • Kita ang mga santos – ‘balaan’ / gin pa-in – tungod sa gin himo ni Jesus didto sa krus para sa aton!
    • Sa pagka santos naton dapat mangin lain kita sa kalibutan – ipakita si Jesu-Cristo sa imo kabuhi!
    • Tungod sang Gugma sang Diyos…
    • Kay ginahigugma gid sang Dios ang mga tawo sa kalibutan, amo gani nga ginhatag niya ang iya bugtong nga Anak – Juan 3:16…
    • GUGMA – ‘wala sang kondisyones’ – wala sang kabilinggan bisan ano pa ang nahimo naton ang Diyos GAHIGUGMA sa aton…
    • Ginahigugma ka gid sang Diyos – nga gin patawad niya ang aton tanan nga sala – Ginhatag niya si Jesus!
    • Subong nga nahatagan kita sang gugma ni Jesus – makahigugma man kita sa iban!
• 2^nd – Ang Aton Responsibilidad kay Jesus… vs. 13-14 (7 kabutang)
  • 1^st – dapat nga mangin malulo kag maloloy-on…
    • Ang Paghukom nabaton mo kay amo ang nagakadapat – ang Bugay nabaton mo bisan indi nagakadapat…
    • Ang Kalooy amo ang indi mo mabaton bisan nagakadapat – wala na gin tagaan sang pina nga nagaka-angay…
    • Takus nga makadto sa impierno tungod nga nakasala ako – pero ang Diyos wala niya ako gin hukman…
    • Gin kalooyan niya ako – wala niya gin hatag ang nagakaangay sa akon…
    • Ang Diyos wala nagalikaw sa kabudlayan sang iban – indi man kita dapat…
    • Romans 12:15 – “ Magkalipay kamo upod sa mga nagakalipay, kag magkasubo upod sa mga nagakasubo.”
    • Subong nga may kaawa kita sa iban – mangita kita opportunidad nga makabulig!
  • 2^nd – Dapat mangin malulo kag maayo…
    • Indi mag matigdas / budlay pakigbagayan / permi lang negatibo ang komentar…
    • Kahapos mag mulay sa iban – pero ang katigdas kag masakit nga tinaga naga tuna sang pag bahin bahin…
    • Sa pag suklob naton kay Jesus ma tanaw kita sang opportunidad nga maka palig-on – kag makapabakod sa isa kag isa!
    • Hulubaton 15:1- “Ang mahinay nga sabat makapaugdaw sang kaakig, pero ang matigdas nga sabat makapaibwal sang kaakig.”
  • 3^rd – Dapat mapainubuson…
    • Ang Bugal unahon niya anay ang iya kinahanglanon bag-o ang iban /mapainubuson unahon ang iban bag-o ang kaugalingon!
    • Kalabanan nga tawo kataas sang tanaw sa kaugalingon – gapaminsar nga importante sila…
    • Sa pagkamatuod – pareho lang kita nga ara sa isa ka baruto – tanan kita makasasala – palareho lang kita tanan!
    • May isa ka tawo nag kadto isa ka beses nag pakilala grabi titulado…
    • Nagapaminsar man siya siguro nga mapakilala man ko pareho sa iya – ‘Pastor David Hinchey…’
    • Ang akon sabat sa iya – ‘Hi ngalan ko si David – makasasala!’
  • 4^th – Dapat kita Mapailubon…
    • Mapailubon – baliskad sang pagtimalos – naga kahulugan wala ga pangita sa kaugalingon sang hustisya…
    • Indi matawag nga kulang sa gahum – indi buot silingon nga indi naton mapangapinan aton kaugalingon…
    • Sa baylo ginpili nga indi na mag balos sa mga nag sakit sa aton…
    • Si Jesus mapailubon –indi tungod nga kulang iya gahum –pero wala siya nag pangita nga balos…
    • Ngaa – tungod ang Diyos nag kari para sa pag higugma sa iya kaaway -para mag pakamaayo sa mga naga kaakig sa Iya…
    • Mateo 5:44-46 – “Pero ako nagasiling sa inyo nga higugmaa ninyo ang inyo mga kaaway. Bisan pa ang mga nagahingabot sa inyo pangamuyuan ninyo.”
    • Dapat mangin mapainulubon man kamo – kag maghigugma /indi mag balos sa mga nag sakit sa imo!
  • 5^th – Dapat mag mapenasensyahon /mainantoson para sa isa kag isa (pareho sang kolon nga indi gusto mag awas kon mag bukal )…
    • Ang kahulugan nga kon mag himo man kabulastugan ang iban – amumahon ta sila gihapon…
    • Indi tungod obligado ka – ina isa ka pag responde sa gugma ni Jesus nga gin hatag sa aton…
    • Kon pinsaron naton kapila ka beses kita gin akomodar sang Diyos sa aton nga sala nga pagpili…
    • Paano naton indi ma batas ang sala nga decision sang iban!
  • 6^th –Mag patawad kamo sa isa kag isa…
    • Hunahunaa kapila ka man ka beses gin patawad – paano nga indi ya kita mag patawad…
    • Si Jesus nagkadto sa krus para sa pag bayad sang aton sala – TANAN naton nga sala…
    • Gusto niya gid nga kita patawaron sa aton nahimo nga sala – himoon mo man dapat!
    • Paano nga indi ka mag patawad sa gamay nga sala nga nahimo sa aton
    • Kon kita mag patawad – nian ang Diyos magapatawad man sang aton mga sala- Mateo 6:15
    • Kon gin sakit ka sang iban – kag nangindi ka mag patawad – naga tanum kita sang binhi sa aton tagiposoon…
    • Matubo ang paghinakit – lamunon ka sang kainit sang ginhimo nila sa imo!
    • Ang aton pag hinakit mahimo sa aton nga aslum kag mapait – kag sa ulihi madala sa kamatayon sa Espiritu…
    • Kon indi kita mag patawad sa aton tagiposoon – ang Diyos indi mamati sang aton pangamuyo – Marcos 11:25
    • Ang pagpatawad indi lang sa nag himo sang sala sa aton – para man sa aton…
    • Nagahilway sa aton – wala naga pabilin sa kahapon – maka padayon kay Jesus!
  • 7^th – Ang pina ka importante nga butang amo ang GUGMA… vs. 14
    • Galacia 5:22 – “Pero ari ang bunga nga makita sa kabuhi sang tawo kon ang Espiritu Santo amo ang naga gahom sa iya: mahigugmaon siya…”
    • Nadiparahan mo nga wala nagahambal nga mga Bunga sang Espiritu – kundi ang bunga sang Espiritu…
    • ANG bunga amo ang gugma – nakabalo ka nga ginasuklob mo si Jesus kon naga lakat ka nga may Gugma…
    • Pinaka importante – ang Gugma nga para sa Diyos – Deuteronomeo 6:5
    • Pero halos pareho nga importante – ang gugma para sa iban – Leviticus 19:18
    • Tungod ang Diyos Gugma – I Juan 4:7 – kag kon kita naga higugma pareho man kita sa gina himo sang aton Amay!
    • Ang gugma amo ang naga hugpong sa aton – naga tubo kita kay Jesus…
    • Ang pag binahin bahin sa simbahan indi epektibo para kay Jesus – naga pugong sa aton sa pag iwag…
    • Sa baylo nga makita ang gugma ni Jesus sa aton – ang kalibutan makita kita nga naga ilinaway…
    • Si Satanas namian sang pag binahinbahin sa simbahan – nian indi na kita maka pamatok sa iya
    • Kon masako kita/kapoy away sa aton kaugalingon – indi na kita makapaki- away para sa mga nadula!
• 3^rd – Ang resulta sang bago nga panapton… vs. 15-17
  • 1^st – May ara kita nga pag hidaet kay Cristo… vs. 15
    • Ang Kabuhi huyog mag haboy sang kabudlayan /problema sa dalanon…
    • Huyog ta man mag uyang sang tiempo kabalaka parte sa aton problema…
    • Problema, ang sige palibog indi man makabulig – nag dugang pa gid sakit sang ulo mo
    • Makahimo nga mag masakit kita – sakit aton tiyan/ kag alta presyon…
    • Proverbs 12:25 – “ Ang pagpalibog makakuha sang kalipay sang tawo; ang maayo nga mga pulong makalipay sa iya…” 
    • Ang Diyos kabalo sang aton Kinahanglanon – indi dapat mag sige palibog…
    • Luke 12:29-31 – “ Indi kamo magpalibog kon ano ang inyo kaunon kag imnon. 30 Amo ina ang ginapalibugan sang mga tawo nga wala nakakilala sa Dios. Pero nakahibalo ang inyo Amay sa langit nga kinahanglan ninyo ina nga mga butang.”
    • Ang palibog baliskad sang pagsalig – nagapalibog kita kay wala ta nagasalig sa Diyos!
    • Sa baylo nga ginapatay ta aton kaugalingon sa pag palibog – dalagan kay Jesus kag ikaw tagaan ka niya sang kalinong!
    • Nag salig kita sa Diyos sang aton Eternidad – nagasalig ka nga luwason kita niya sa impierno…
    • Apang ginabudlayan kita nga mag salig sa iya sang aton kaunon…
    • Kon gin luwas kita sa aton eternidad – sigurado nga ma himun-an niya kita subong!
    • Sa baylo nga mag palibog mag pasalamat kita sa iya…
    • Sa masami kon mag atubang kita sang problema sa kabuhi – ang aton nga pag responde mag reklamo kag mag palibog…
    • Apang kon kita mag pangamuyo sa Diyos – makita naton nga ang kabugatan nga naga abot nagakadula…
    • Ang aton pananawon sa kabuhi naga lain – makita naton ang aton kahimtangan nga may kasanagan…
    • Indi na naton makita ang problema – sa baylo nga makita naton nga ang Diyos mas daku sa aton problema!
    • Ang aton problema lamunon sang pag pasalamat sa aton makatilingala nga Ginoo!
  • 2^nd – May ara kita sang Pulong ni Cristo… vs. 16
    • Kon isuklob naton si Jesus naga manggaranon kita /nagatubo sa pulong sang Diyos …
    • May ara kita matuod nga kaalam – indi kalibutanon nga kaalam – kundi Diosnon nga kaalam…
    • Agod maka tudlo kita sa isa kag isa / kag mag hatag sang Diosnon nga laygay sa isa kag isa!
    • Agod nga maka amba sang mga kalantahon sa isa kag isa – makahatag sang pag pasalamat halin sa aton tagiposoon!
    • Amo ina kon ngaa nagahatag kita sang aton tion sa pag tudlo kag pag pamati /sang Pulong sang Diyos…
    • Agod nga mag manggaranon ka sa Pulong / sa kaalam / kag pag pasalamat sa Diyos!
  • 3^rd – Dapat nga e representar naton si Cristo… vs. 17
    • Bisan sa ano nimo nga gina obra – himo-a bilang tiglaws ka ni Jesu-Cristo…
    • Kita mga embahador ni Cristo – kita ang tiglawas sa mga nadula sa kalibutan…
    • Naga lakat kita nga gapakilooy sa kalibutan sa ngalan ni Jesus – para ang tawo manumbalik sa Diyos!
    • Naga larawan sang isa ka embahador – naga hambal kita para sa Dios sa kalibutan…
    • Pinadala sa pag bantala sang Maayong Balita – ang paglaum sang kaluwasan paagi kay Jesus!