Making Bible Study Easy for everyoneEnglish • Hiligaynon
Bible Studies / Old Testament / Exodus
Verse-by-Verse Bible Study

Exodus 1–2

Introduction

ExodusOld TestamentHiligaynonEnglish Version Available
These are the original teaching notes from this passage.

Introduction…

  • 1st – Ang Bug-os nga katuyuan sang Dios
    • Aton handum nga matudlo ang bilog nga Biblia halin sa Genesis asta sa Pahayag…
    • Binuhatan 20:27 – “Kay wala gid ako sing may gintago sa inyo parte sa bug-os nga katuyuan kag plano sang Dios.”
    • Natapos na naton ang Genesis – ang sunod sa Exodus naman!
  • 2nd – sin-o ang nagsulat sang libro nga exodus…
    • Paagi sa gahom sang Espiritu Santo – nasulat ang Pulong sang Dios – II Timoteo 3:16
    • Ginsulat ni Moises ang ini nga libro pati na ang bilog nga Pentateuch / Torah (1st 5 books of the Bible)
    • Ang Hebreo nga Biblia – Tanach – pareho sa libro sang Old Testament – lain-lain nga pagtunga…
    • Tanach – Acronym: T – Torah – Law / N – Nev’im – prophets / K – Ketuvim – writings…
    • Tanach breakdown of the OT: 24 books = our 39 books!
    • Ginsulat sa kamingawan sang Israel sang 1450-1490 B.C.
    • Exodus 34:27 – “Dayon nagsiling ang Ginoo kay Moises, “Isulat ining ginsiling ko, kay amo ini ang pagsulundan sang akon kasugtanan sa imo kag sa Israel.”
  • 3rd – Ang Tema sang Libro…
    • May ara sang duwa ka tema ang libro sang Exodus…
    • Chapters 1-18 – Ang pagluwas sa mga Israelinhon sa pagka-ulipon…
      • Ang UNA nga bahin amo ang padayon sang pagsaysay sang istorya halin sa Genesis…
      • 400 katuig ang nagligad pagkatapos ni Jose – gin-ulipon ang mga Israelinhon sang mga Egiptohanon…
      • Ang Exodus halin sa Greek nga word buot silingon PAGGUWA ukon PAGLAKAT…
      • Ang Exodus istorya kon paano ginluwas sang Ginoo ang mga Israelinhon sa pagka-ulipon sa mga Egiptohanon…
    • Chapters 19-40 – Ang Una nga kasuguan nga ginhatag sang Dios amo ang paghimo sa Israel bilang isa ka nasyon…
      • Imbes nga padayon ang pagsugid sang istorya sang sini nga libro – amo ini ang paghatag sang layi
      • Ang kasuguan ginhatag para mangin isa ka nasyon ang Israel…
      • Ang theocracy – nasyon nga ginharian sang Dios kon sa diin ang sibil kag ang layi sang religion gin-impon…
      • Ang ikaduwa nga tema sang Exodus amo ang pagpatukod sang Israel bilang mga katawhan sang Ginoo!
  • 4th – Outline…
    • 40 ka chapter / 1213 ka verse – ang libro sang Exodus…
    • Outline – 2 ka chapter kada semana…
    • 1. Chapters 1-18 – Gindala ni Moises ang mga Israelinhon pagguwa sa Egipto
        • Chapter 1 – Ang pagkatawo ni Moises
        • Chapters 2-4:17 – Gintawag sang Ginoo si Moises para bawion ang Israel
        • Chapters 4:18-6:30 – Ang pagbalik ni Moises sa Egipto
        • Chapters 7-12 – Ang 10 ka Kalalat-an sa Egipto – Piesta sa Paglabay sang anghel
        • Chapters 13-18 – Ang Exodus (halin sa Egipto pakadto sa bukid sang Sinai)
    • 2. Chapters 19-40 – Ang mga Israelinhon sa Bukid sang Sinai
        • Chapters 19-24 – Ang Napulo ka Sugo
        • Chapters 25-31 – Ang Halad para sa Tolda sang Simbahan
        • Chapters 32-34 – Ang Bulawan nga Baka
        • Chapters 35-40 – Ang mga Kagamitan para sa Tolda sang Simbahan
    • Moises – ginkuha sa suba…
  • 1st – Ang Bag-o nga Hari sang Egipto… vs. 1-14
    • 1st – 400 katuig sa Egipto… vs. 1-7
      • Si Israel (ukon si Jacob) naglakat sa Egipto sang may gutom sa ila lugar
      • Upod ang iya 12 ka mga bata nga lalaki kag ila pamilya – 70 sila tanan…
        • May ara sang mga isyu kon ano gid kadamu sang mga tawo – indi tanan nga nag-upod naisip…
        • Wala nadala sa isip si – Jacob / iya mga asawa / asawa sang iya mga bata / ila mga bata nga babayi…
        • Ang halin lang gid sa pamilya ni Jacob ang nadala sa isip!
        • Ang kadamuon sang mga anak kag mga apo ni Jacob nga nagkadto sa Egipto 66 tanan – Genesis 46:26
        • Si Joseph / Ephraim / kag Manasseh ato na nga daan sa Egipto – kon isipon 69 lang tanan!
        • Naghambal man si Steven nga 75 sila tanan – Binuhatan 7:14
        • Ang punto indi sila maisip pero madamo gid sila!
      • Si Jose kag ang iya onse ka mga utod napatay…
        • Pero ang ila mga kaliwat nagtinir sa Egipto sa sulod sang 400 katuig!
        • Ngaa 400 gid katuig ang paghulat – tungod wala pa natuman ang pagpakasala sang mga Amornon – Genesis 15:16
        • Sang nag-abot ang mga Israelinhon sa Egipto – nagsugo ang Dios nga pamatyon nila ang mga lalaki / babayi / mga bata…
        • Kon ang Dios gugma – I Juan 4:8 – ngaa ginsugo sang Dios ang mga Israelinhon magpatay…
        • Malaot sila nga mga tawo – madamo sila sang may ginasimba nga dios-dios – Exodus 23:23-24
        • Ginahalad nila ang ila mga bata bilang sakripisyo sa mga dios-dios – Leviticus 18:21-24
        • Ginahimo nila ang tanan nga klase sang imoral nga pakigrelasyon – Leviticus 18
        • Deuteronomio 9:5 – “Panag-iyahan ninyo ang ila duta indi tungod kay matarong kamo ukon maayo kamo nga mga tawo kundi tungod kay malaot sila, kag agod matuman sang Ginoo nga inyo Dios ang iya ginsumpa sa inyo mga katigulangan nga si Abraham, Isaac, kag Jacob.”
      • Pero tungod sa dako nga gugma sang Dios wala niya gindayon ang silot sa makasasala nga nasyon…
        • Ang Dios indi dasig maghukom – Malawig ang Iya pasensya – nagalaum Siya sang paghinulsol
        • Indi pa niya gusto nga ihatag ang duta sang mga Israelinhon – kay nagalaum pa Siya nga maghinulsol ang mga Canaanhon!
        • Ang Dios wala nagapabaya sa aton – indi buot silingon nga indi na siya maghukom sang sala – magahukom gid siya…
        • Pero mapinasensyahon gid ang Dios – nagalaum siya nga madamo ang maghinulsol sang ila mga sala!
        • II Pedro 3:9 – “Suno sa ginahunahuna sang iban, nagapatumbaya ang Ginoo sa pagtuman sang iya promisa. Pero ang matuod, wala siya nagapatumbaya kundi nagahulat siya nga maghinulsol ang mga tawo sa ila mga sala, tungod kay indi niya luyag nga may mawala.”
      • Nagdamo ang mga Israelinhon…
        • Nagdamo gid ang mga Israelinhon sa bilog nga nasyon – ginpuno nila ang duta!
        • Indi na lang sila 70 kabilog kundi 600,000 na ka mga lalaki – Exodus 12:37
        • Wala labot sang mga babayi kag mga kabataan – depende kon ano kadamo ang kabataan sa isa ka pamilya…
        • Ang ila tanan kadamuon 2.5 – 5 million ka mga tawo!
    • 2nd – Karon may bag-o na nga hari sa Egipto – nga wala nakadumdom kay Jose… vs. 8-14
      • Ang istorya sang hari sa Egipto…
        • Madamo ang debate kon sin-o gid ang hari sa tion sang Exodus…
        • Ang iban nagahambal nga si Thothmes III – ang naghari sang 1440 B.C.
        • Ang iban naman nagahambal nga si Seti I (mapintas siya) / Rameses II (Exodus) sang 1290 B.C.
        • The sister was Thermouthis – named by Josephus / and book of Jubilees 47:5
        • It was during these 400 years Egypt became the FIRST (of seven) world Empires!
        • Egypt / Assyria / Babylon / Medo-Persia / Greece / Rome / Anti-Christ!
        • Genesis 12:3 – “Pakamaayuhon ko ang nagapakamaayo sa imo. Pero pakamalauton ko ang nagapakamalaot sa imo. Pakamaayuhon ko ang tanan nga katawhan sa kalibutan paagi sa imo..”
        • Sang naghalin na ang mga Israelinhon sa Egipto – wala na sila nangin gamhanan sa kalibutan liwat!
      • Sang si Jose ang sunod sa hari – dako ang pabor para sa mga Israelinhon…
        • Pero pagkatapos sang 400 katuig – ang hari sang Egipto wala na kadumdom sang ato nga mga adlaw…
        • Ang populasyon sang tanan nga Egiptohanon sa sini nga tion 2-5 billion…
        • Mas madamo ang mga Israelinhon sang sa mga Egiptohanon – tungod sini dako ang kahadlok sang mga Egiptohanon!
        • Kon mag-inaway – kag kon magkontra sila sa mga Egiptohanon – basi mangin hilway sila…
        • Mas damo ang mga Israelinhon sang sa mga Egiptohanon – delikado sila para sa mga Egiptohanon!
        • Nahibluan sang mga taga Egipto nga nag manggaranon sila tungod sa mga taga Israel – gani kinahanglan nila magpabilin!
      • Tungod sini ginhimo nila nga ulipon ang mga Israelinhon …
        • Nabutang si Pharoah sang tawo para lang magpabudlay sa mga taga Israel
        • Nagpahimo siya sang mga bodega para kay Pharoah sa syudad sang Pithom kag Rameses
        • Gingamit niya ang mga Israelihnhon nga mga suluguon wala sing bayad
        • Tungod sa mga Israelinhon nakahimo sila sang mga kilala nga building sa kalibutan
        • Ang templo ni Kamak sa syudad sang Thebes – isa sa pinakadako nga building nga nahimo
        • The temple of Karnak at the city of Thebes – one of the largest building ever built…
        • Ang gate dako nga bato – 12 meters ang laba kag 140 kilo ang kabug-aton
        • 134 ka mga dalagko nga haligi – 12 ka pundasyon nga haligi 24 ka meters ang taas kag 4 ka meters ang kadakuon
        • Sa kadakuon 100 ka tawo ang pwede ka tindog sa sini nga haligi
      • Malain ang pagtratar sang mga Egiptohanon sa mga Hebreo – indi nila sila gusto magdamo…
        • Mapintas sila sa mga ulipon – ginapilit sila nga mag obra sing tudo-tudo…
        • Mabudlay ang ila pagkabuhi – naga obra sila nga wala gina swelduhan…
        • Pero sang ginasilutan sila sang mga taga Egipto mas nagabaskog na gid sila!
        • II Corinto 12:9 – “Ang akon bulig amo lang ang imo kinahanglan. Kay makita gid ang akon gahom kon maluya ka.” Gani malipayon gid ako sa pagpabugal parte sa akon mga kaluyahon, agod mabatyagan ko permi ang gahom ni Cristo sa akon.”
        • Ang kusog indi halin sa kuwarta / gahom / impluwensya / bisan sin-o pa imo kilala…
        • Ang matuod nga kusog kon ma realisar naton nga maluya kita…
        • Ang problema kay may LIMITASYON kita – LIMITASYON sa oras / talento / kuwarta / abilidad…
        • Pero ang Dios wala sang limitasyon – ara sa Iya ang tanan nga tion / talento / kuwarta nga kinahanglan naton!
        • Kon ma realisar naton ini – indi kita magadepende sa aton nga kusog – ma depende kita sa Dios!
  • 2nd – Ang solusyon… vs. 15-22
    • 1st – Kulang nga pintasan lang sila… vs. 15-17
      • Ginsugo sang hari ang mga Hebreo nga paltera – nga pamatyon ang tanan nga Hebreo nga mga bata nga lalaki…
        • Ang ila mga ngalan si Shiphrah (patas) kag si Puah (maayo) …
        • Gusto sang hari nga ipapatay ang mga bata nga lalaki para indi sila magdako kag magakontra sa Egipto…
      • Pero tungod nga nahadlok ang mga paltera sa Dios – wala sila magtuman sa hari!
        • Roma 13:1 – “Ang kada isa sa inyo dapat magmatinumanon sa mga nagadumala sa gobyerno, kay ang tanan nga paggobyerno halin sa Dios kag ang mga manugdumala ginbutang sang Dios sa ila puwesto.”
        • Si Hanania / Mishael / Azaria ang 3 ka pamatan-on nga ginsugo sang hari nga magsimba sa dios-dios…
        • Daniel 3:18 – “Pero kon indi gid man niya kami pagluwason, gusto namon nga mahibaluan mo nga indi gid kami mag-alagad sa imo mga dios ukon magsimba sa estatwa nga bulawan nga imo ginpatindog.”
        • Gintawag kita para magtuman sang kasuguan diri sa duta – basta wala lang ini naga kontra sa Pulong sang Dios…
        • Pero kon nagakontra na ini sa kasuguan sang Dios – tumanon naton ang Dios!
    • 2nd – Ang pagsugid sing butig… vs. 18-21
      • Sang ginpamangkot ang mga paltera kon ngaa wala sila magtuman – nagbutig sila…
        • Ang matuod nahadlok sila sa Dios sang Israel – sang sa hari sang Egipto…
        • Nagsabat ang mga paltera, “Ang mga Hebreo nga babayi mahapos lang magbata kag sa wala pa kami kaabot nakabata na sila”…
        • Gani ginpakamaayo sang Dios ang mga paltera kag nagdamo pa gid nga nagdamo ang mga Israelinhon – Bisan NAGBINUTIG sila!
        • Pareho kay Rahab – Joshua 2:5 – nagbinutig man siya para maluwas sila!
      • Isa sa napulo ka mga sugo ang INDI MAGBUTIG – Exodus 20:16
        • Ang pamangkot – may ara bala sang intsakto nga rason para indi magsugid sang kamatuoran…
        • Paano kon makasakit ini sa iban – kon may mamangkot ano akon itsura – law-ay!
        • Ukon pagluwas sang kabuhi (paltera) – Corrie Ten Boom – gintago niya ang mga Judio sa tion sang Nazi Holocaust!
        • Wala sang maayo nga rason para magbinutig – depende ini sa aton nga motibo…
        • Mas maayo nga magsugid sang matuod – kag magsalig sa Ginoo!
        • Ang mga paltera ginbugayan bisan nagbinutig sila – tungod nga may KAHADLOK sila sa Dios!
    • 3rd – Ipanghaboy ninyo sila sa suba… vs. 22
      • Ginsugo sang hari ang iya mga katawhan – nga ang ipanghaboy sa suba sang Nilo ang tanan nga bata nga lalaki sang mga Israelinhon…
        • Ang solusyon sang hari sa sini nga problema – pamatyon sila!
        • Nabatian ni Haring Herodes nga ginbun-ag na si Jesus – gani nagsugo siya nga pamatyon ang tanan nga mga bata nga lalaki sa Bethlehem – Mateo 2:16
        • Kag sa sini nga tion – gusto ni Adolf Hitler nga ubuson ang mg Judio
        • Ang sulosyon – pamatyon ang mga Judio – 1.6 million nga mga kabataan
      • Ngaa madamo gid ang akig sa Israel…
        • Paagi sa Israel magaabot ang Messiah – maabot si Jesus sa kalibutan!
        • Gintestingan ni satanas untaton ang pagkatawo ni Moises – nga magaluwas sa Israel…
        • Gintestingan ni satanas untaton ang pagkatawo ni Jesus – nga magaluwas sa kalibutan…
        • Gintestingan ni satanas nga laglagon ang Israel – tungod ginpili sila nga katawhan sang Dios!
        • Pero bisan ano pa niya nga pagpaningwa – natawo si Moses – buhi si Jesus – kag ara pa asta subong ang nasyon sang Israel!
        • Abi naton baskog na gid si satanas – nga pwede niya mahimo ang tanan
        • Pero kon indi mapatay ni satanas ang bata sang isa ka suluguon paagi sa hari
        • Kon indi mapatay ni satanas ang bata sang isa ka panday
        • Kon indi maubos ni satanas ang mga Judio nga naglalapta sa sulod sang 2000 ka tuig
        • Ang pamangkot mahimo ayhan ni satanas ang tanan – ang sabat – INDI – kon indi pagpasugtan sang Ginoo
        • Wala kita sang dapat kahadlokan – ang Dios nagaapin gid sa aton – wala sing may makahalit sa aton – Roma 8:31
  • 3rd – Ang Pagkatawo ni Moises… vs. 1-10
    • 1st – May isa ka tawo nga kaliwat ni Levi – halin sa linya ni Kohath… vs. 1-4
      • Ang ila ngalan si Amram kag si Jokebed (tiya ni Amram) – Exodus 6:20
        • Sang nakita nila nga maayo ang lawas sang [טוֹב] bata – gintago niya ini sa sulod sang 3 ka bulan…
        • Pero sang indi na niya matago ang bata – ginsulod niya ang bata sa basket (basket nga daw pareho sa baruto)…
        • Dayon ginbutang ang basket sa mga tigbaw sa higad sang suba sang Nilo…
        • Ang iya utod nga babayi nga si Miriam nagatindog sa unhan nga nagatan-aw kon ano ang matabo sa bata!
      • Tungod sa ila PAGTUO – wala mahadlok si Amram and Jokebed…
        • Hebreo 11:23 – “Tungod sa pagtuo, ang mga ginikanan ni Moises wala mahadlok nga maglapas sa sugo sang hari, tungod kay sang pagkakita nila nga guwapo ang ila anak gintago nila ini sa sulod sang tatlo ka bulan.”
        • Nagapati si Amram kag Jokebed nga ang Ginoo may plano para sa bata
        • Amo na nga wala sila nahadlok nga indi magsunod sa kalibutanon nga hari
        • Tani ang tanan nga mga ginikanan may pareho nga tagipusuon pareho kay Amram kag Jokebed para sa ila mga kabataan
        • Nga may PAGTUO – nga ang Ginoo may plano para sa ila mga kabataan
        • Wala nagapamati sa kalibutan kag pasugtan nga ang mga tawo ang madesisyon kon ano ang matabo sa ila mga kabataan
        • Kundi nagapati sa Ginoo kag paagi sa pagtuo makita kon ano ang handom sang Ginoo para sa ila.
    • 2nd – Thermouthis – anak nga babayi sang hari – naligo… vs. 5-10
      • Nakita niya ang mga basket sa tigbaw – ang bata nagahibi – nahibaloan niya nga isa ini sa mga Hebreo nga bata…
        • May ara siya sang kaluoy sa bata!
        • Si Miriam – nagpalapit sa prinsesa kag nagpamangkot kon gusto niya nga kuhaan siya sang isa ka hebreo nga babayi para magpatiti kag mag-atipan sa bata…
        • Ginbalik ang bata kay Jokebed – pero padakuon siya sang iya iloy bilang bata sang hari!
        • Gin-ngalanan sang prinsesa ang bata nga Moises – kay siling niya “Ginkuha ko siya sa tubig”!
      • Para mabuhi ang bata – kinhanglan ni Jokebed nga ihatag siya…
        • Kon nagtingwa siya nga taguon ang bata – basi madula ukon mapatay pa ini…
        • Pero tungod handa siya nga ibalik ang iya bata sa Dios – nabuhi ang bata!
        • Mateo 16:25 – “Kay ang bisan sin-o nga luyag magluwas sang iya kabuhi madula niya ini. Pero ang bisan sin-o nga maghalad sang iya kabuhi tungod sa akon makaangkon sang kabuhi nga wala sing katapusan.”
        • Madamo nga mga tawo nagakapyot sa ila kabuhi – nagapinsar nga indi naton masarangan ibalik ini sa Dios…
        • Pero kon ihatag naton ang aton kabuhi sa Dios – kon magkabuhi kita para sa Iya – makita naton ang matuod nga pagkabuhi!
        • Ang liso kon kaptan mo lang ini – wala sing may matabo…
        • Pero kon buy-an nimo ini – ilubong – mapatay – magatubo ini suno sa kabubut-on sang Dios!
        • Kon kabubut-on naton nga ibalik ang aton kabuhi sa Dios – mas makita naton nga ang katuyuan sang aton kabuhi, kaupod ang Dios!
        • Juan 12:24-25 – “Sa pagkamatuod, ginasugid ko sa inyo nga kon ang isa ka binhi indi pag-ilubong sa duta kag mapatay, ina magapabilin gid lang nga isa ka binhi. Pero kon ilubong kag mapatay, magatubo ini kag magapamunga sing madamo.”
  • 4th – Ang Pagdako ni Moises… vs. 11-25
    • 1st – Ang Hari sang Egipto… vs. 11-15
      • Sang 40 na katuig si Moises nangin gamhanan siya nga lider sa Egipto…
        • Binuhatan 7:22 – “Gintudluan si Moises sang tanan nga kinaalam sa Egipto, kag nangin bantog siya tungod sa iya mga paghambal kag sa iya mga hinimuan.”
        • Lider sang mga army – basi isa siya nga ara sa trono – ara tanan kay Moses
        • Gintawag sang Dios si Moises para magluwas sa Israel – nahibaloan man ni Moises nga gintawag siya sang Dios!
        • Binuhatan 7:25 – “Sa ginhimo niya nga ini naghunahuna si Moises nga maintiendihan sang mga Israelinhon nga siya amo ang gamiton sang Dios sa paghilway sa ila. Pero wala sila nakaintiendi.”
      • Isa ka adlaw sang nagkadto siya sa iya mga kadugo – nakita niya ang isa ka Egiptohanon nga nagakastigo sang isa ka Hebreo…
        • Nagpanan-aw tan-aw si Moises sa palibot – kag sang wala siya sing may nakita – ginpatay niya ang Egiptohanon kag ginlubong ini sa balas…
        • Pagkasunod nga adlaw nakita niya ang 2 ka Hebreo nga nagaaway – ginpunggan niya sila…
        • Nagsabat ang tawo, Sin-o ang naghimo sa imo nga pangulo kag manughukom namon – patyon mo man bala ako pareho sa ginhimo mo sa Egiptohanon kahapon!
        • Hinadlukan si Moises kag nagpalagyo pakadto sa Midian – sang nahibaloan niya nga gusto siya patyon sang hari!
      • Daw husto – pero sala
        • Ara na ang tanan kay Moises – kahibalo siya nga gintawag siya sang Dios para luwason ang Israel…
        • Pero ginhimo niya ini paagi sa iya nga kusog – sa iya kaugalingon nga pag-intiende…
        • Sa 40 katuig ni Moises sa Egipto – mas nagsalig siya sa iya nga kaugalingon – ang resulta…
        • Kamatayon – sang mga Egiptohanon / ang mga bata nga Israelinhon wala makaintiendi…
        • Naglakat si Moises sa Midian para maluwas!
        • Indi nami nga magsalig kita sa aton kaugalingon nga kusog
        • Kay sa tion nga magsalig kita sa aton kaugalingon nga kusog – kamatayon/indi maintiendihan/kag wala sing may mahimo
        • Bisan ano pa ang aton himuon – wala pulos / indi naton maintiendihan kon ngaa ang aton kabuhi indi husto
        • Daw wala kita sang may mahimo – pamatyag naton nga daw indi kita magtin-ad
    • 2nd – Ang solusyon – ang kamingawan… vs. 16-22
      • Sang nag-abot si Moises sa Midian – nagpungko siya sa kilid sang bubon…
        • Ang pari sa Midian – nga si Reuel (abyan sang Dios) – may ara sang 7 ka bata nga babayi…
        • Nagkadto sila sa bubon sa pagsag-ob para sa mga ilimnan sang mga sapat sang ila amay – pero may nag-abot man nga mga manugbantay sang sapat kag ginpahalin nila ang mga babayi…
        • Pero ginbuligan sila ni Moises – kag ginpainom pa niya ang ila mga sapat (pareho kay Jacob) – Genesis 29:10
        • Ginpamangkot ni Reuel ang iya mga bata kon ngaa kadasig sa ila magpa-inom sang mga sapat – nagsabat sila, si Moises!
        • Nagdayon si Moises sa balay ni Reuel – kag sa ulihi ginpaasawa ni Reuel kay Moises ang iya anak nga si Zipora (pispis)!
        • May ara sila sang bata nga si GERSHOM (dumuluong) – tungod dumuluong lang si Moises sa ila lugar!
      • Nangin prinsipe si Moises sang Egipto – subong manugbantay na siya sang mga karnero…
        • 40 katuig nga pagbantay niya sang mga karnero sa kamingawan – kon tan-awon daw wala pakadtuan ang ini nga obra…
        • Sigurado ko nga nagainsar si Moises nga tapos na ang Dios sa iya…
        • Pero ang matuod ginapreparar sang Dios si Moises para mangin manugbantay sang mga karnero sang Israel!
        • Kis-a magapinsar kita nga ang aton mga ginahimo wala sing pulos…
        • Pero ang matuod ginapun-an kita sang Dios – ginapreparar niya kita!
        • II Corinto 4:7 – “Kami pareho gid lang sa kolon nga ginbutangan sining malahalon nga butang…”
        • Nagapinsar kita nga may ara sang ESPESYAL nga mga tawo nga ginagamit ang Dios…
        • May ara man sang mga ORDINARYO nga tawo – nga nagatuo sa Dios – kag ginahimo sila nga ESPESYAL sang Dios!
        • Pareho kita sa kolon – ang pamangkot ano ang ara sa sulod naton…
        • Mas nagasalig bala kita sa aton nga abilidad – INDI ini ESPESYAL…
        • Ukon puno kita kay Jesus – nagasalig sa Dios – kag nagatuo sa Iya nga Pulong!
        • Wala-wala gid si Moises – pero ginpun-an siya sang Dios – para mangin manluluwas sang Isarel!
    • 3rd – Gindumdum sang Dios ang Iya kasugtanan… vs. 23-25
      • Napatay ang hari sang Egipto – pero sige gihapon ang pag-antos sang mga Israelinhon sa ila pagka-ulipon…
      • Gindumdum sang Dios (indi nga nalipat Siya) ang iya kasugtanan kay Abraham, Isaac kag Jacob…
      • Genesis 15:13-14 – “Sigurado gid nga ang imo mga kaliwat mangin dumuluong sa iban nga nasyon. Mangin ulipon sila didto kag pintasan sa sulod sang 400 ka tuig.”
      • Preparado na si Moises – handa na gid siya…
      • Handa na man ang mga tawo nga mangin isa ka nasyon sang Israel
      • Sa aton padayon nga pagkabuhi daw budlay makita kon ano ang direksyon sang Ginoo
      • Ang kabuhi daw indi klaro – kag kon kis-a daw damo lang mga nagakalatabo
      • Pero kon tan-awon gid naton – naga-amat-amat klaro
      • Wala sang natabo sa aton kabuhi nga timing lang – ang tanan plano sang Ginoo
      • Kon matutom lang kita sa Iya Pulong kag magtuman sa Iya