Exodus 3–4

The Great I AM… (3 points)

• 1^st – Pakigkita sa Dios… vs. 1-10
  • 1^st – 40 na katuig ang pagbantay ni Moises sang mga kasapatan… vs. 1
    • Gindala ni Moises ang kasapatan sang iya ugangan nga si Jetro sa unhan sang kamingawan!
    • Nakaabot siya sa Horeb – ang bukid sang Dios – ginatawag man ini nga bukid sang Sinai…
    • Ari ini subong sa Saudi Arabia – ang nasunog nga bukid sang Jebel al Lawz
    • Maayo ang pagkabuhi ni Moises (80 katuig) – nakasal – may 2 ka bata nga lalaki (si Gershom kag Eliezer)
    • Sa kadugayon wala na sa huna-huna ni Moises ang mangin isa ka MANLULUWAS sang Israel…
    • Pero isa ka adlaw – samtang naga-obra siya – nagpakita ang anghel sang Ginoo sa iya!
    • Pirme kita nagapinsar nga nagahatag ang Dios sang palatandaan kon maghikot siya sa aton kabuhi…
    • Pero wala nagahatag ang Dios sang palatandaan – magaabot lang ini sa ordinaryo nga adlaw – gani dapat mangin handa kita!
  • 2^nd – Nagpakita ang anghel sang Ginoo kay Moises… vs. 2
    • Anghel – [מַלְאָךְ] – 214 ka beses sa OT – buot silingon mensahero…
      • Ang Biblia wala mayo nagasugid parte sa mga anghel…
      • Pila ka mga anghel ang nagpakita – wala ta kahibalo – pero sigurado nga indi maisip – Hebreo 12:22
      • Sang san-o sila gintuga – wala ta kahibalo – basi sang Genesis 1-2
      • Nahibaluan naton nga makagagahum sila – isa ka anghel nakapatay sang 185k ka mga tawo – Isaias 37:36
      • 1/3 sang mga anghel [bituon] nag rebelde upod kay Satanas kontra sa Dios – Pahayag 12:4
      • May ara sang MAAYO nga mga anghel – may ara man sang MALAIN nga mga anghel!
    • Ang ANGHEL sang Ginoo – indi lang basta-basta anghel…
      • Ang title nga ANGHEL sang Ginoo kapila naton makita sa OT…
      • Genesis 16 – kay Hagar / Genesis 22 – kay Abraham / Numbers 22 – kay Balaam…
      • Indi lang anghel ang makita ni Moises – kundi ang DIOS gid!
  • 3^rd – Nakakita si Moises sang nagadabadaba nga kahoy … vs. 2
    • Kinahanglan ko magbalikid para makita ko ang dako nga butang…
      • Ang kahoy nga nagakalayo ordinaryo lang naton nga makita – pero ang ining nakita ni Moises wala nagakasunog!
      • Basi si Moises wala sing himuon – wala man gid mayo obra kon magbantay ka lang sang mga sapat…
      • May nakita si Moises nga lain sa desierto – gusto niya ini tan-awon sa lapit!
    • Ngaa nagadabadaba nga kahoy…
      • Ang tagipusuon ni Moises nga nagadabadaba para sa Ginoo nadula na – wala na siya nagakabuhi para sa Ginoo…
      • Gusto sang Ginoo nga magbalik si Moises sa iya – para i-preparar siya sa obra nga ipahimo sang Dios sa iya…
      • Pareho sa kahoy-kahoy – ang kalayo sang Dios wala nagapangguba – ginapun-an kita sini para magsiga kita para kay Jesus!
      • Hebreo 12:29 – “Kay kon magsilot ang aton Dios daw sa kalayo nga nagapang-upos.”
      • Nagadabadaba bala ang aton tagipusuon para sa Dios – nagkabuhi bala kita nga may balatyagon para kay Jesus…
      • Ukon pareho lang kita sa kandila – ukon kalayo lang sang baga…
      • Basi kon miyerkules kag dominggo may gamay kita nga kasanag – pero kon sa iban nga adlaw nagakadula ini…
      • Gusto sang Dios nga magsiga kita para sa Iya adlaw-adlaw – para makita nila si Jesus sa aton!
  • 4^th – Ubaha ang imo sandalyas… vs. 4-6
    • Samtang si Moises nagapalapit – nagtawag ang Dios sa iya halin sa tunga sang kahoy-kahoy…
      • INDI KA NA [אַל] magpalapit pa [imperative] – ubaha ang imo sandalyas kay balaan ang lugar nga imo ginatindugan…
      • Sang una ang pag-uba sang sapatos / sandalyas nagapakita sang pagrespeto…
      • Nagapakita ini nga wala ka nagdala sang higko halin sa kalibutan…
      • Sang ginhugasan ni Jesus ang tiil sang iya mga sumulunod – kinahanglan lang nga hugasan ang mga tiil – Juan 13:10
      • Indi ini buot silingon nga tiil lang ang imo hugasan – kay kon tiil lang – ma baho ini!
      • Espiritwal ini nga butang – ang imo tiil nagaka-apektohan kon diin ka magkadto…
      • Kon diin kag magkadto kag kon ang imo ginahimo maayo – ang bilog mo nga lawas matinlo man!
      • Kita nga mga tumuluo kinahanglan maghalong kon diin kita magkadto – kag kon ano ang aton ginahimo…
      • Buang-buang kita kon magpinsar kita nga ang aton palibot wala naga apekto sa aton…
      • Pilia ang mga tawo nga gina-updan mo – kay ma pareho ka gid sa ila!
      • I Corinto 15:33 – “Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
    • Ako ang Dios sang imo mga katigulangan – ang Dios ni Abraham / Isaac / and Jacob…
      • Nagdako si Moises nga gintudluan parte sa nagkalain-lain nga mga dios-dios – may ara sang sobra sa 1500 ka mga dios-dios ang mga Egiptohanon!
      • Nagpakilala ang Ginoo kay Moises bilang isa ka matuod nga Dios – ang Dios sang Israel!
      • Gintabunan ni Moises ang iya nga guya – kay nahadlok siya magtan-aw sa Dios!
  • 5^th – Ang Sugo – pagluwas sa Israel… vs. 7-10
    • Nakita sang Dios kon ano ang nagkalatabo sa Israel…
      • Nakita niya ang ila pag-antos – ila paghinibi – ila nga kasubo…
      • Indi ini isa ka butang nga bag-o lang nakita sang Dios – halin sang una nakita niya / nabatian / nahibaloan!
      • Ginahulat lang niya ang TION nga magtulok ang mga katawhan sang Israel sa Iya!
      • Kis-a nagapinsar kita kon makita ayhan sang Dios ang aton kabudlayan – ukon nabatian ayhan niya ang aton paghibi…
      • Nagapinsar kita kon nagakabalaka bala siya sa aton – ukon basi damo siya sang may ginahimo…
      • Nahibaloan sang Dios ang aton mga kabudlayan – Iya handum nga mabuligan kita – ang pamangkot, nagatulok bala kita sa Iya…
      • Indi isa lang ka tulok – kundi sige-sige nga tulok sa Dios – nagahulat kon san-o niya kita luwason!
    • Gusto sang Dios nga hilwayon ang mga Israelinhon…
      • Nagpanaog ang Dios sa pagluwas sa ila sa kamot sang mga Egiptohanon…
        • Magahalin sila sa duta sang Egipto – kag dal-on sila sang Dios sa ginpromisa nga duta para sa ila…
        • Sa pagdala sa ila sa MAAYO kag MALAPAD nga duta – mapatubason nga duta…
        • Dal-a sila sa duta nga ginpromisa k okay Abraham – Genesis 15:18-21
      • Gani – ipadala ko ikaw sa hari sang Egipto sa pagpagguwa sang akon katawhan nga mga Israelinhon sa Egipto…
        • Ginpili si Moises para sa pagluwas sang Isarel – sa pagkaulipon…
        • Sa pila katuig wala gid sing may nahimo si Moises paagi sa iya kusog – pero subong tion na sang Ginoo!
        • Ang paghulat sa Ginoo isa sa pinakabudlay nga butang bilang isa ka Kristihanon…
        • Kon ang mga nagakalatabo, wala sa aton ginplano – indi na kita dayon – nagapinsar nga wala na sing paglaum…
        • Pero ang kamatuoran – kinahanglan lang naton maghulat sa Ginoo – sa Iya intsakto nga tion!
• 2^nd – five excuses… 3:11 – 4:17
  • 1^st – Sin-o gid ako nga magkadto sa hari… vs. 11-12
    • Makapinsar ka nga basi amo na ini ang sabat sa mga pangamuyo ni Moises – ikaduwa nga chansa…
      • Pero imbes nga magpati sa Dios nagbais pa siya – Sin-o gid ako nga magkadto sa hari…
      • Siya nga INDI importante – pero indi ini parte sa iya – parte ini sa kon sin-o ang iya kaupod!
      • Nagsiling ang Dios kay Moises nga updan siya sang Dios – para sa pagdala sang mga Israelinhon sa bukid sang Sinai sa pagsimba!
    • Nagpakaubos na si Moses – wala na siya nagasalig sa iya kagugalingon
      • Nakatuon na si Moises – sa sulod sang 40 katuig niya sa kamingawan – wala-wala gid siya…
      • Kag amo man ini ang rason kon ngaa siya ang gamiton sang Dios…
      • Sa pagtuon nga wala-wala gid siya – pagapun-an siya sang Dios!
      • Kon nagapinsar kia nga kasarang kita – indi kita magamit sang Dios…
      • Tungod nagasalig lang kita sa aton ikasarang – wala kita nagasalig sa Dios…
      • Ko ma realisar naton nga wala-wala gid kita – mahimo sang Dios ang bisan ano sa aton kabuhi…
      • Sa pagpakaubos – nagadepende kita sa sa masarangan ni Jesus
      • II Corinto 12:9 – “Ang akon bulig amo lang ang imo kinahanglan. Kay makita gid ang akon gahom kon maluya ka."
  • 2^nd – Nagbais si Moises – mamangkot sila sa akon, sin-o ang Imo ngalan… vs. 13-15
    • Nagsabat ang Dios – Ang Dios nga amo sa gihapon amo ang nagpadala sa akon sa inyo!
      • Amo ini ang imo isabat sa ila…
      • Ako ang Dios nga amo sa gihapon – kilalahon ako sa akon ngalan nga Ginoo hasta san-o!
    • Ang AKO – ang buot silingon pwed ang Ginoo mangin ano sa tion nga kingahanglan siya
      • Kag amo man si Jesus sa New Testament – gingamit man niya ang AKO
      • AKO ang tinapay nga nagahatag sang kabuhi / AKO ang maayo nga manugbantay sang mga karnero / AKO ang dalan – kamatuoran – kag ang kabuhi…
      • AKO ang suga nga nagahatag sang kasanag sa mga tawo / AKO ang nagabanhaw sang mga patay, AKO man ang nagahatag sang kabuhi / AKO amo ang puwertahan!
      • Ara pirme si Jesus sa tion nga kinahanglan naton…
      • Kon ginakulang kita – magahatag siya – kay siya ang tinapay nga nagahatag sang kabuhi…
      • Kon kinahanglan naton sang kabakod – Siya ang maayo nga manugbantay sang karnero / Siya ang magahatag sang direksyon – Siya ang aton suga…
      • Tungod kinahanglan naton sang kaluwasan – Siya ang KAMATUORAN / ang PUWERTAHAN / NAGABANHAW sang mga PATAY kag ang KABUHI!
      • Ginatawag kita sang Dios – may ara siya sang tanan nga gahum nga maghatag sa aton sang kabaskog…
      • Wala kita nagasalig sa aton kusog kag abilidad – ara si Jesus sa aton kabuhi
  • Ginhatagan sang Dios si Moises sang PLANO… vs. 16-22
    • Lakat kag tipuna ang manugdumala sang Israel…
      • Sugidi sila parte sa ila mga katigulangan – nakita ni Abraham / Isaac / and Jacob ang ginahimo sang mga Egiptohanon sa inyo…
      • Paguwaon ko kamo sa Egiptonga sa diin naga-antos kamo – kag dal-on sa duta nga bugana sa gatas kag dugos…
      • Magapamati sa imo ang manudumala sang Israel kag maga-upod sila sa imo pakadto sa hari!
    • Hambala ang hari – Nagpakigkita sa amon ang Ginoo, ang Dios sang mga Hebreo…
      • Tuguti kami sa paglakat sang tatlo ka adlaw sa kamingawan sa paghalad sa Ginoo nga amon Dios…
      • Nakita sang Dios nga indi pagtugutan sang hari nga maglakat sila – luwas lang kon may magpilit sa iya!
      • Gani silotan sila sang Dios – paagi sa mga MILAGRO nga himuon ko sa ila…
      • MILAGRO (niphal) – ang napulo ka kalalat-an!
      • Dayon mapilitan ang hari sang Egipto nga pahalinon kamo!
      • Kag himuon sang Dios nga magmaayo ang Egiptohanon sa mga katawhan sang Israel – pabalunan pa sila…
      • 1Makuhaan gid sang Israel sang mga pagkabutang ang Egipto kon maghalin sila
    • Kag suno sa ginhambal sang Dios – amo gid ang natabo…
      • Ginhatag nga ngadaan sang Ginoo kay Moses ang history parte sa Exodus antis pa siya naghalin sa Midian
      • Kay ang dako nga Ginoo nga nagadumala sa Iya katawhan – nagpakita sang dako nga gahom sa Egipto
      • Mas gamhanan ang Ginoo sa tanan nga ginharian sa kalibutan – bisan sa Hari sang Egipto
      • Wala sang may matabo kon indi Niya plano kag kabubut-on
      • Hulubaton 21:2 – “Mahimo nga nagahunahuna kita nga husto na gid ang tanan ta nga ginahimo, pero ang Ginoo lang ang makahukom kon ano gid ang aton motibo.”
      • Baskog ini nga mensahe – kapin pa sa mga nagakalatabo sa sini nga kalibutan
      • Bisan wala kasiguraduhan ang kalibutan – makasalig kita nga ang Ginoo ang nagacontrol sang tanan
  • 3^rd – Paano kon indi sila magpati sa akon… vs. 1-9
    • Gahum kay Satanas… vs. 1-5
      • Nagbais pa gid si Moises – paano kon indi sila magpati sa akon…
        • It is one thing to say God sent me – quite another for others to believe it!
        • Nagsiling ang Gino okay Moises, “Ihaboy sa duta ang imo baston”…
        • Kag ginhaboy ni Moises ang iya baston sa duta kag nahimo ini nga man-og (Nagdalagan si Moises)
        • Ngasiling pa gid ang Ginoo kay Moises nga dakpon niya ang man-og sa ikog – kag pagkuha niya nahimo ini liwat nga baston…
        • Ini nga milagro magapapati sa mga hebreo nga ang Dios ni Jacob nagpakita kay Moises!
      • Man-og – [נָחָשׁ] –31 ka beses makita sa OT…
        • Halos pareho sa manugpakot / mga babaylan
        • Simbolo ini nga ginagamit kay Satanas – Genesis 3:1
        • Ginahatagan sang Dios si Moises sang gahum kontra kay Satanas!
        • Lucas 10:19 – “Ginhatagan ko kamo sang awtoridad agod madaog ninyo ang malaot nga mga espiritu kag ang tanan nga gahom sang aton kaaway nga si Satanas, kag indi gid kamo maano.”
        • Kon ang Dios ara sa aton – wala kita sang dapat nga kahadlukan…
        • Wala sing pahuway ang pag-akusar ni Satanas sa aton – gusto niya nga mapa impierno kita – Pahayag 12:10
        • May ara si Satanas sang tanan nga ebidensya – aton pagpakasala / ang imoral nga paminsaron…
        • Pero mapeirde ni Jesus ang gahom ni satanas – para wala na siya sang iakusar sa aton
        • Ang tanan naton nga sala ginbayaran sa cross – indi na siya makahilbot sa aton tungod kay Jesus
    • Gahum sa sala… vs. 6-8
      • Nagsiling ang Ginoo kay Moises – ibutang ang imo kamot sa sulod sang imo bayo…
        • Gani ginbutang ni Moises iya kamot sa iya bayo – puwerte ini kaputi tungod gintabunan ini sang delikado nga balatian sa panit…
        • Ginbutang ni Moises liwat ang iya kamot sa iya bayo – pagkuha niya, maayo na ini…
        • Kon wala nagpati ang mga tawo sa UNA nga tanda – mapati sila sa IKADUWA!
      • God was Moses the POWER over SIN…
        • DELIKADO NGA BALATIAN SA PANIT – 20 ka beses sa OT – una nga makita sa Biblia…
        • Ang delikado nga balatian sa panit ginakabig nga MAHIGKO – Leviticus 13:44-45
        • Kon may ara ka sang delikado nga balatian sa panit – kinahanglan mo mag estar sa lugar nga ikaw lang isa!
        • Nagatumod man ini sa sala – ginakuha sini ang aton pagkahibalo parte sa intsakto kag sala!
        • Ang delikado nga balatian sa panit gina-igo ang aton nervous system, tungod sini indi ka makabatyag…
        • Delikado ini tungod indi mo mahibaloan nga ginasakit mo na gali ang imo nga kaugalingon…
        • Subong ginatawag ini nga Hansens disease – kag mabulong na ini!
        • Ang una naton nga pagpakasala ang pinakabudlay – mabatyagan gid naton nga nakasala kita…
        • Pero sang nagapadayon kita sa pagpakasala – nadula na ang konsensya…
        • Hasta nga wala na gid kita sang may mabatyagan – rason nga madula kita – kag mangin MAHIGKO!
    • Ang Gahum sang Pulong… vs. 9
      • Kon ang mga tawo wala nagpati sa DUWA ka palatandaan – ukon nagpamati sa TINGOG ni Moises…
      • Ang ulihi nga palatandaan amo ang tubig sa suba sang Nilo – nahimo ini nga dugo!
      • Both the Old and the New Covenants were sealed in WATER and BLOOD!
      • Hebreo 9:19-20 – “Kay sang pagtudlo ni Moises sa mga tawo sang tanan nga sugo sang Kasuguan, nagkuha siya dayon sang dugo sang mga tinday nga baka kag sang mga kanding kag ginsimbugan niya sing tubig. Pagkatapos ginwisikan niya ang ginsulatan sang Kasuguan kag ang mga tawo. Pagkatapos nagsiling si Moises sa mga tawo, “Amo ini ang dugo nga nagapalig-on sa kasugtanan nga ginhatag sang Dios nga ginapatuman sa inyo."
      • Juan 19:34 – “Pero ang ginhimo sang isa sa mga soldado, ginbuno niya ang kilid ni Jesus sing bangkaw, kag sa gilayon nag-ilig ang dugo kag tubig.”
      • Nagpromisa ang Dios (sa dugo kag tubig) – nga luwason niya ang katawhan sang Israel sa pagkaulipon!
      • Ginhatagan man kita sang pareho nga gahom – milagro para mapamatud-an nga ginpadala kita ni Jesus
      • Ginhatagan kita ni Jesus sang gahom nga labaw pa kay satanas – paagi sa cross
      • Kag ginhatan ni sang Ginoo ang Iya promisa sa aton – nga luwason Niya kita sa pagkagaos sa sini nga kalibutan
  • 4^th – Indi ako maayo maghambal… vs. 10-12
    • Halin pa sang una pigaw ako pahambalon – literal nga dutay lang maghambal…
      • Nagsiling si Moises sa Ginoo – nagautol-utol ako kon maghambal…
      • Pero sa Binuhatan 7:22 – nangin bantog si Moises tungod sa iya mga paghambal kag hinimuan…
      • 40 katuig ang nagligad nga si Moises nagasalig lang sa iya kaugalingon – subong GINPAKAUBOS siya sang Dios!
    • Nagsiling ang Gino okay Moises – sin-o bala ang naghimo sang imo baba…
      • Ang Ginoo lang makasarang nga himuon ang tawo apa / bungol / bulag (pero si Moises indi)
      • Wala nagakabalaka ang Ginoo sa mga ABILIDAD ni Moises – magahambal ang Ginoo paagi kay Moises!
      • Buligan ko ikaw sa paghambal kag tudluan ko ikaw kon ano ang imo ihambal!
      • Wala nagatulok ang Dios sang aton masarangan – kundi ginatan-aw niya kon available kita…
      • God uses the one who is ready – the person who is willing to be used!
      • He then takes those who are willing – and makes them qualified to do His work!
  • 5^th – Magpadala ka na lang sang iban… vs. 13-17
    • O Ginoo, kon mahimo magpadala ka na lang sang iban…
      • Nagpanigurado gid si Moses – indi ko gusto – pangita lang sang iban nga ipadala
      • Amo ini kalabanan nga ginahambal naton sa Ginoo
      • Kon wala na kita sang irason pa – ang katapusan – Lord gamita na lang ang iban
      • Kakululbaan nga gusto sang Ginoo nga gamiton kita – te, kon makasala ta bi/mag palpak
      • Te, kon kadlawan ta bi – basi hisaan ko sang iban nga tawo – hilabtan ko nila
      • Basi possible ini tanan matabo – pero wala kasiguradohan – pero ok lang/indi importante
    • Pareho man sini nga natabo – Esther 4:14
      • Kon indi kita magsugot – mahimo gihapon ang plano sang Ginoo – pero gamiton Niya ang iban
      • Pero indi naton mabaton ang bugan – indi naton makuha ang opprotunidad sang pwede mahimo sang Dios sa aton kabuhi
      • Kon ginatandog sang Dios aton tagipusuon – tilawi – pareho man sini nga natabo
    • Ang kaakig nagsugod
      • Si Moses may magulang iya ngalan si Aaron – sagad siya maghambal
      • Mabisita siya kay Moses – kag nalipay siya nga makita niya siya
      • Si Moses mahambal kay Aaron – kag AKO mahambal kay Moses
      • Si Aaron ang mahambal sa mga tawo – pero ang Pulong lang sang Ginoo nga halin kay Moses
      • Wala na sing balibad – upda si Aaron kag ang baston kag magkadto sa Egipto
    • Si Moses kag si Aaron nangin gamhanan nga tawo sa History sang mga Judio
      • Wala sang labaw nga lider sa Israel sang sa kay Moses – siya ang naghatag sang Layi
      • Kag si Aaron ang nangin una nga Pangulo nga Pari – kag sa iya naghalin ang tanan nga Pari sang Israel
      • Pero ang pagpangduwa-duwa ni Moses – nagsugod sang kaakig sang Ginoo – pero gingamit ini sang Ginoo
      • Kon kis-a gapinsar kita nga kon indi kita magsunod sa Ginoo – follow that nudge…
      • Indi naton mabaton ang pinakamaayo nga halin sa Ginoo para sa aton
      • Pero ginagamit sang Ginoo ang tanan – bisan aton pangduwa-duwa
      • But the truth is God uses ALL things – even our hesitation – Romans 8:28
• 3^rd – Nagbalik si Moises sa Egipto… vs. 18-31
  • 1^st – Ginakabig ko ang Israel nga akon kamagulangan nga anak nga lalaki… vs. 18-23
    • Nagbalik si Moises kay Jetro kag naglisensya kon pwede siya kabalik sa Egipto…
      • Nagsiling ang Ginoo kay Moises – nagkalamatay na ang tanan nga gusto magpatay sa imo…
      • Ginkuha ni Moises ang iya asawa kag mga anak nga lalaki kag ginpasakay sa asno – kag nagbalik sa Egipto!
    • Pag-abot mo sa Egipto, himua sa atubangan sang hari ang tanan nga milagro nga ginpakita ko sa imo…
      • Pero PATIG-AHON sang Ginoo ang tagipusuon sang hari – agod indi niya pagtugutan nga maghalin ang mga Israelinhon…
      • Istoryahan naton ang parte sini sa sunod nga mga semana – kon SIN-O ang nagpatig-a sang tagipusuon sang hari…
      • Kag kon NGAA ginpasugtan sang Ginoo nga MAGTIG-A ang tagipusuon sang hari!
    • Sang wala nagsugot ang hari – nagsiling si Moises…
      • Ginakabig ko ang Israel nga akon kamagulangan nga anak nga lalaki – palakta sila agod makasimba sila sa Ginoo…
      • Kon indi palakton sang hari ang mga Israelinhon – patyon sang Dios ang KAMAGULANGAN nga anak nga lalaki sang hari…
      • Ginpakita sang Ginoo kay Moses ang away nga iya atubangon
      • Matapos ini sa ika 10 kag katapusan nga kalalat-an – Paglabay sang Angel
  • 2^nd – Maayo nga ihemplo… vs. 24-26
    • Duguon nga bana…
      • Sang nagapanglakaton sila – ginkadtuan sang Dios si Moises kag patyon kuntani…
      • Ang iya asawa – si Zipora – gintuli niya ang ila bata kag ang panit nga iya nakuha gin haboy niya sa tiilan ni Moises…
      • Gani wala pagpatya sang Ginoo si Moises – gintawag ni Zipora si Moises nga isa ka duguon nga bana…
      • Basi indi niya gusto tulion ang iya anak – kay kasakit – indi tungod sa iya pagtuo
    • Daw katingalahan nga gintestingan sang Ginoo nga patyon ang tawo nga iya ginpadala…
      • Wala nagtuman si Moises sa kasuguan sang Dios kay Abaraham – Genesis 17:10
      • Indi pwede mangin ihemplo si Moises / lider sang Israel – kon wala siya nagatuman sa Ginoo!
      • God does not play around when it comes to being a BAD example…
      • Ananias and Saphira lied about selling land and giving money to the church…
      • Ang resulta ginpatay sila sang Espiritu Santo – Binuhatan 5:5
      • Kon mag-alagad kita sa Ginoo – dapat magtuman kita sa Ginoo…
      • Para makahambal kita sa iban – pareho kay Pablo – Sunda ninyo ako kay ginasunod ko man si Cristo!
      • I Corinto 11:1 – “Gani sunda ninyo ako, kay ginasunod ko man si Cristo.”
  • 3^rd – Moses and Aaron before Israel… vs. 27-31
    • Nagkit-anay si Moises kag si Aaron sa bukid sang Sinai – ginsugidan dayon ni Moises sa Aaron sang tanan nga ginsiling sang Ginoo sa iya…
    • Upod sila lakat pakadto sa Egipto, kag gintipon nila ang tanan nga manugdumala sang mga Israelinhon…
    • Ginsugiran sila ni Aaron sang tanan nga ginsiling sang Ginoo kay Moises – kag ginhimo ni Moises ang tanan nga milagro sa atubangan sang mga tawo…
    • Nagpati ang mga tawo kag nagsimba (subong lang), nahibaluan nila nga nagakabalaka ang Ginoo sa ila kag nakita niya ang ila mga pag-antos!