These are the original teaching notes from this passage.
Pakadto sa Bukid… (4 points)
- 1st – Ang tubig nga nagaguwa sa bato… vs. 1-7
- 1st – Wala sing Tubig… vs. 1-2
- Naghalin ang bug-os nga katilingban sang Israel sa kamingawan sang Sin (tunok) pakadto sa Refidim (pahuway)…
- Nag-abot ang mga Israelinhon sa Bukid sang Sinai – ukon ang Horeb – Exodus 3:1
- Amo man ini ang LUGAR kon diin nagpakita ang anghel sang Ginoo kay Moises sa dagway sang nagadabadaba nga kalayo!
- WALA gid sing tubig – gani nagreklamo sila kay Moises…
- Nagdemanda sila kay Moises nga maghatag sa ila sang tubig…
- Pero wala sila nagareklamo kay Moises – ngaa GINATESTINGAN ninyo ang Ginoo!
- Tungod ang GINOO ang nagdala sa ila kon diin man sila subong!
- Kon ang Ginoo ang magpanguna sa aton – wala kita kasigurado kon diin makadto – kag MABUDLAY ini…
- Ang pagsunod sa kasuguan sang Ginoo – buot silingon pagsalig sa Ginoo…
- Indi man naton mahibaluan kon diin – ukon ano aton himuon – pero makasalig kita sa Ginoo!
- 2nd – Pagtesting sa Ginoo… vs. 3-4 / 7
- Nauhaw gid ang mga tawo – gani padayon ang ila reklamo kay Moises…
- Ngaa bala ginpaguwa mo pa kami sa Egipto – mapatay man lang gali kami diri sa kauhaw – pati ang amon mga kabataan kag kasapatan!
- Nagpangayo sing bulig si Moises sa Ginoo – Halos batuhon na nila ako…
- Pero ang matuod – nagareklamo (Meriba) kag ginatestingan (Masa) sang mga Israelinhon ang Ginoo!
- Kon ang aton kabuhi indi pareho sa ginahandum naton – kon nagabudlay na gani…
- Ang aton ginahimo amo ang MAGREKLAMO parte sa aton mga KABUDLAYAN…
- Pero NAGAKALIPAT kita nga ang Ginoo ang nagdala sa aton sa sina nga sitwasyon…
- Gani – kon MAGREKLAMO kita – GINATESTINGAN naton ang Ginoo!
- Gintestingan nila ang Ginoo – paagi sa pagsiling nga, "Ginupdan bala kita sang Ginoo ukon wala"…
- Nakit nila ang pagpadala sang Ginoo sang NAPULO ka Kalalat-an – ang pagkalumos sang mga Egiptohanon…
- May ara sila sang PANGANOD sa aga kag KALAYO sa gab-i nga nagapanguna sa ila…
- Nakita nila kon paano ginpihak sang Ginoo ang DAGAT – para makalakat sila sa mamala nga duta…
- Nagabugtaw sila kon aga nga nakakita sang MANNA – para may pagkaon sila…
- Pero NAGAPANGDUHA-DUHA gyapon sila – NAGAPAMANGKOT gyapon sila kon ang Ginoo kaupod nila!
- Bisan ano pa ang ginhimo sang Ginoo para sa aton – nagakalipat gyapon kita mag-abot ang kabudlayan…
- Basi nagbag-o ang Ginoo – ginabantayan niya ako sang una – pero sini nga tion wala gid!
- Kon mag atubang kita sa aton mga problema – kinahanglan lang naton magbalikid para makakita…
- Ang Ginoo matutom gid sa paghatag sang aton mga kinahanglanon!
- Hebreo 13:8 – “Si Jesu-Cristo wala gid nagaliwat. Amo siya sang una, subong, kag sa wala sing katapusan.”
- 3rd -Paghampak sa Bato… vs. 5-7
- Ginsugo sang Ginoo si Moises – lakat kag maghulat didto sa may Bato sang HOREB…
- HOREB – kamingawan – ginatawag man nga Bukid sang Sinai…
- Dal-a ang imo baston – nga ginhampak mo sa suba sang Nilo (sang una nga kalalat-an)…
- Upda ang mga manugdumala sang Israel – ang dapat nga mangin maayo nga ihemplo sa Israel!
- Ang tawo daw pareho sa karnero – nagasunod sila sa kadam-an – nagasunod sa lider…
- Kon ang karnero nakakita sang karnero man nga malumpat – malumpat man ini!
- Sa aton kabuhi daw mga bulag kita nga nagasunod sa ihemplo sang iban…
- Ginahimo naton ang ila man ginahimo – tungod kay ang tanan nagahimo man sang pareho nga butang…
- Maayo gid nga mamangkot danay kita – sin-o ang akon ginasunod – diin sila nagakadto!
- Mateo 15:14 – “Pabay-i lang ninyo sila. Mga bulag sila nga manugtuytoy. Kag kon ang bulag magatuytoy sa bulag, sila nga duha mahulog sa buho."
- Hampakon ni Moises ang BATO…
- Sa paghampak sang BATO – magaguwa ang tubig kag maluwas ang mga Israelinhon sa kamatayon…
- Indi lang amo ni nga tion nga ang BATO magahatag tubig sa mga Israelinhon sa kamingawan…
- Pero kaisa lang hampakon ang bato – sa sunod suguon mo na ini!
- Numero 20:8 – “Kuhaa ang baston kag tipuna ninyo sang imo utod nga si Aaron ang bug-os nga katilingban. Kag samtang nagatulok sila, sugua ang bato nga magtubod, kag magatubod ini. Sa sini nga paagi mahatagan ninyo sing tubig ang katawhan agod mapainom ninyo sila kag ang ila kasapatan.”
- Sin-o ang BATO nga nagsunod sa mga Israelinhon sa kamingawan kag naghatag sa ila sang tubig – si Jesus!
- I Corinto 10:4 – “Kag nag-inom sila tanan sang ilimnon nga iya ginhatag, kay nag-inom sila sang tubig halin sa Bato nga ginpatubod sang Dios. Ato nga Bato nga nag-upod sa ila amo si Cristo mismo.”
- Si Jesus ang aton BATO – nga ginsakit (sa krus) para may kabuhi kita nga wala sing katapusan!
- Bisan ano oras ara siya para sa aton – nga nagahatag sang libre nga tubig sang kabuhi sa mga nagapangita sa iya!
- Ang tubig nga nagahatag sang kabuhi…
- Juan 7:37-38 – “Karon, nag-abot ang katapusan nga adlaw sang piesta. Amo ini ang pinakaimportante nga adlaw sang piesta. Sa sadto nga adlaw nagtindog si Jesus kag naghambal sing mabaskog, “Ang bisan sin-o nga ginauhaw magpalapit sa akon kag mag-inom. Kay nagasiling ang Kasulatan nga ang bisan sin-o nga magtuo sa akon, magailig halin sa iya tagipusuon ang tubig nga nagahatag sang kabuhi.”
- Nagakadto si Jesus sa Piesta sang Pagpatindog sang mga Payag – sa pagdumdom sang pagpanglakaton sa kamingawan…
- Ang mga pari magakuha sang PITO ka tibod sang tubig halin sa Gihon spring…
- Iula nila ini sa Steps of David – sa pagdumdom sang tubig halin sa BATO!
- Ang tubig nga gin inom sang mga Israelinhon makadula sang ila kauhaw pero sa lip-ot lang nga tion – mauhaw sila liwat!
- Nakadipara kamo nga ang mga butang diri sa kalibutan wala gid nagapuno sa aton sing malawig…
- Kon magtulok lang kita sa mga butang sa kalibutan – paga-uhawon lang kita liwat!
- Pero ang tubig nga halin sa aton BATO – si Jesus – amo ang TUBIG nga NAGAHATAG sing KABUHI…
- Kon naga-inom kita sang tubig nga halin kay Jesus – ang TUBIG nga NAGAHATAG sing KABUHI – mangin kuntento kita…
- Tungod gintuga kita sang Ginoo agod makilala Siya – simbahon Siya – Juan 17:3
- 1st – Wala sing Tubig… vs. 1-2
- 2nd – Pagpalayo sa sala … vs. 8-16
- 1st – Pakig-away sa mga AMALEKNON… vs. 8
- Si AMALEK apo ni Esau – nga utod ni Israel (Jacob) – Genesis 36:12
- Nangin gamahanan si AMALEK – pero tungod malaot sila nga nasyon – gin away nila ang Israel…
- Indi sila gusto maglakat ang Israelinhon sa Bukid sang Sinai – kon sa diin magahatag ang Ginoo sang Kasuguan sa Israel…
- Indi nila gusto nga MAKABATI ang mga Israelinhon parte sa Ginoo – nga mangin pinili sang Ginoo nga katawhan!
- Ang AMALEK pareho sa aton nga lawas (malain nga handum / makasasala)…
- Ang aton lawas INDI gusto mamati sa Ginoo – handum sini nga magpalayo sa Ginoo…
- May ara sing giyera sa aton sulod KADA adlaw – kontra sa aton tawhanon nga kinaugali kag sa aton Espiritu…
- Away kontra sa kon ano ang gusto sang Ginoo para sa akon – kag kon ano AKON GUSTO!
- Roma 7:15 – “Indi ko maintiendihan ang akon ginahimo. Kay ang maayo nga mga butang nga gusto ko nga himuon indi ko mahimo, pero ang mga butang nga indi ko gusto himuon amo ang akon ginahimo.”
- Ngaa nagapakasala ako bisan kabalo ako nga sala – tungod GUSTO KO – wala sang may nagapilit sa akon…
- Ngaa WALA ko ginahimo ang butang nga intsakto kag maayo – tungod INDI ko gusto…
- Akon problema ang akon tagipusuon / handum – Ako ang problema – nagapakasala ako tungod gusto ko…
- Kag ang problema indi ko mabag-o ang akon tagipusuon – paano mo mabag-o ang imo gusto!
- 2nd – MAGTINDOG sa inaway… vs. 9
- Gintawag ni Moises si Josue para magpakig-away para sa Israelinhon…
- MAGATINDOG si Moises – kag si Josue ang MAGPAKIG-AWAY para sa Israelinhon…
- Ang ngalan nga Josue – Jesus – si Jesus ang paagi para madaog naton ang gusto sang aton LAWAS…
- INDI naton kinahanglan magbatu sa inaway – MATINDOG lang kita – kag ang Ginoo ang makig-away para sa aton!
- Efeso 6:10-11 – “Sa wala pa ako makatapos, ginabilin ko gid sa inyo nga magpakalig-on kamo sa Ginoo paagi sa iya gahom. Gamita ninyo ang tanan nga armas nga ginhatag sang Dios agod makabato kamo sa malaot nga mga pahito ni Satanas.”
- WALA nagapinsar ang Ginoo nga makig-away gid kita – ang iya hambal MAGTINDOG lang kita…
- Kay kon MAGTINDOG kita – MAKITA naton si Jesus – siya ang MAKIG-AWAY para sa aton!
- Wala sang kondenar kay Jesus – kay sa iya may ara na kita sing kapatawaran – Roma 8:1
- Kag mahimo ni Jesus ang mga butang nga indi naton mahimo – ginabag-o niya ang handum sang aton tagipusuon!
- 3rd – BULIG para sa inaway… vs. 10-13
- Samtang ginabayaw ni Moises ang iya kamot – nagadaog ang mga Israelinhon…
- Pero kon paubuson niya gani ang iya kamot – Nagadaog ang mga AMALEKNON!
- Ano ang aton himuon agod mapierdi naton ang SALA – ibayaw ang aton kamot – MAGSIMBA sa Dios!
- Nagapakig-away kita paagi sa pagsimba sa Ginoo – pagtulok kay Jesus!
- Efeso 5:19-20 – “Kon nagatilipon kamo, gamita ninyo ang mga salmo kag iban pa nga mga kanta parte sa pagdayaw sa Ginoo. Kag kon magkanta kamo dapat halin gid sa inyo tagipusuon. Magpasalamat kamo permi sa Dios nga Amay sa tanan nga butang tungod kay Ginoong Jesu-Cristo.”
- Sang ulihi ginkapoy ang kamot ni Moises – 80 na ang iya edad…
- Gani ginpapungko ni Aaron kag Hur si Moises – dayon ginbayaw nila ang kamot ni Moises…
- AARON – nagadala sang kasanag – magulang ni Moises…
- HUR – halin sa word nga PUTI – una nga makita diri bilang manugbulig ni Moises…
- Ang redwood trees pinakataas nga kahoy sa bilog nga kalibutan – sobra 120m ang iya kataason…
- Pero ang iya ugat nabaw lang – NAGATINDOG sila – paagi sa panggamot sa isa ka kahoy!
- Wala man kita naga-isahanon sa inaway – ginhatagan kita sang Ginoo sang DAKO nga pamilya…
- Importante nga may ara kita sang diosnon nga mga utod…
- Nga magabayaw sang aton kamot kon ginakapoy na kita – ginabalik kita kay Jesus!
- Hebreo 10:25 – “Indi ta gid pagpabay-an ang aton kinabatasan nga pagtilipon, pareho sang pagpabaya nga ginahimo sang iban, kundi palig-unon ta ang isa kag isa, labi na gid subong nga makita ta na nga malapit na lang ang pagbalik sang Ginoo.”
- 4th – INDI magkalipat… vs. 14
- Nagsiling ang Ginoo kay Moises nga isulat – kag pahibaloon si Josue (ang sunod nga henerasyon)…
- Dulaon gid sing bug-os sang Ginoo ang mga AMALEKNON…
- Napierdi ang mga AMALEKNON sina nga adlaw – pero mabalik sila!
- 400 katuig ang nagligad, ginlaglag ni Haring Saul sing bug-os ang mga Amaleknon – I Samuel 15:2
- Pero wala pagpatya ni haring Saul ang ila pinakamaayo nga mga sapat – kag ang hari sang Amaleknon nga si Agag…
- Ang iya wala pagpatay sa hari sang Amaleknon nagresulta sang iya kamatayon…
- Sang ulihi ginpatay si Haring Saul sang isa ka amaleknon – II Samuel 1:8-12
- Indi naton mapierde ang aton tawhanon nga kinaugali sa ISA lang ka adlaw – inaway ini nga ADLAW-ADLAW gina-atubang naton…
- Pero indi kita magpadala sa aton tawhanon nga kinaugali ukon sa aton malain nga mga handum…
- Kay kon magpadala gani kita sa gusto sang aton lawas – mas nagasobra pa gid ang ginapangayo sini…
- Ang resulta magapalayo kita sa Ginoo!
- Tungod wala maubos ang mga Amaleknon lapit na lang nila malaglag ang bug-os nga nasyon sang Israel…
- Sa libro sang Ester – mabasahan naton nga si Haman kag Agagite – halos ginpamatay ang tanan nga Judio!
- Ester 3:9 – “Kon gusto mo, Mahal nga Hari, magmando ka nga pamatyon sila. Kag magahatag ako sing 350 ka tonelada nga pilak sa mga administrador sang imo ginharian, agod ibutang nila ini sa talaguan sang manggad sang ginharian.”
- Ang ginikanan nga wala nagsunod sa Ginoo – ang ila halimbawa ginasunod sang ila mga kabataan…
- Ang abyan nga nagahagad sa imo inom / sugal / bulang – sang sa magtubo kaupod ang Ginoo…
- Kon indi naton mapierdi ang gusto sang aton tawhanon nga kinaugali – nagaka-apektuhan sini ang aton pamilya / mga abyan!
- 5th – Ang GINOO amo ang akon BANDERA… vs. 15-16
- Naghimo si Moises sang halaran – ang GINOO amo ang akon BANDERA [יְהוָה נִסִּֽי] – Yahweh Nisi…
- Tungod ang Ginoo nagpromisa nga padayon siya magapakig-away kontra sa AMALEKNON – hasta san-o!
- Ang BANDERA ginagamit sa pagpakilala – sa pagpakita sang pagkamatutom…
- Ano ang aton BANDERA – ano ang ila pagkakilala sa aton – ang aton tawhanon nga kinaugali ukon ang aton espiritu!
- Galacia 5:16-17 – “Ang akon buot silingon, sundon ninyo ang Espiritu Santo agod indi ninyo mahimo ang mga malain nga handom sang inyo tawhanon nga kinaugali. Tungod nga ang gusto sang aton tawhanon nga kinaugali kontra sa gusto sang Espiritu Santo, kag ang gusto sang Espiritu Santo kontra man sa gusto sang aton tawhanon nga kinaugali. Ining duha nagakontrahanay, gani indi ta mahimo ang aton gusto nga himuon.”
- Samtang buhi kita – adlaw-adlaw kita magapakig-away sa aton tawhanon nga kinaugali…
- Kon pakan-on naton ang aton lawas – nagabakod ini – kon pakan-on naton ang aton espiritu nagabakod ini!
- Paano magbaskog ang aton Espiritu…
- I Juan 2:14-17 – “Nagasulat man ako sa inyo, mga pamatan-on nga lalaki, kay mabakod kamo sa inyo pagtuo. Ginatuman ninyo ang pulong sang Dios kag nadaog na ninyo si Satanas… Indi ninyo paghigugmaa ang kalibutan ukon ang kalibutanon nga mga butang. Kon ginahigugma ninyo ang kalibutan, wala kamo nagahigugma sa Amay…”
- Kon ginahigugma naton ang KALIBUTAN – wala kita ginahigugma sang Amay…
- Kon pilion naton magpangita – sang mga butang sa sini nga kalibutan – ginapabakod naton ang aton lawas…
- Pero kon magpanggamot kita sa PULONG sang Dios kag ginahimo naton ang gusto sang Amay – ginapabakod naton ang aton Espiritu!
- Magkuha /maghatag sang tion – sa pagpakaon sang aton Espiritu – agod ang aton mangin BANDERA amo ang DIOS!
- 1st – Pakig-away sa mga AMALEKNON… vs. 8
- 3rd – Maayo nga pamilya… vs. 1-12
- 1st – Una nga ministry… vs. 1-6
- JETRO (bugana) – ang ugangan ni Moises…
- Siya ang PARI sang mga Midian – mga kaliwat ni Abraham paagi sa anak nga Midian ni Keturah.
- Indi siya PARI sang Ginoo – wala pa siya magpati sa Ginoo…
- Bisan ang asawa ni Moises wala DAYON nagtuo sa Ginoo…
- Indi niya gusto ipatuli ang ila bata – duguon nga bana – Exodus 4:25
- Si JETRO naglakat sa bukid sang Ginoo…
- Si Jetro nakabalita sang tanan nga ginhimo sang Dios kay Moises kag sa mga Israelinhon…
- Gingamit sang Ginoo si Moises sa pagtubos sa mga Israelinhon halin sa ila pagka-ulipon sa mga Egiptohanon / Faraon…
- Ginpangunahan niya ang mga Israelinhon sa Mapula nga Dagat – kag gindala sila sa Bukid sang Sinai!
- Si JETRO nag-abot para IBALIK ang pamilya ni Moises…
- Ang pamilya ni Moises nag-upod sa iya pakadto sa Egipto – Exodus 4:20
- Pero tungod sa NAPULO ka kalalat-an – para sa ila seguridad – ginbalik niya sila sa Midian!
- Sang napatay na ang Faraon nga hari – ginbalik ni JETRO ang pamilya ni Moises sa iya!
- Si GERSHOM ginbata samtang si Moises nagapanago sa faraon nga hari…
- Dumuluong lang siya sa lugar – gani gintawag niya nga DUMULUONG ang iya bata!
- Si ELIEZER bag-o pa lang ginbata sang gintawag si Moises sang Ginoo – sa dagway sang nagadabadaba nga kalayo sa tunga sang kahoy-kahoy…
- Tungod kahibalo siya nga kaupod niya ang Ginoo – ginpangalanan niya ang iya anak nga ANG DIOS ANG AKON MANUGBULIG!
- Hapos lang KALIMTAN nga may ara gali sang pamilya si Moises…
- Si Moises ang una nga OFW sa Biblia – grabe ang iya ubra sa guwa para may ihatag siya sa iya pamilya…
- Pero INDI ini maayo – si JETRO nagpadumdom sa kay Moises sang iya UNA nga ministry!
- Madamo ako sang nakilala nga amay nga ang ila tuyo maghatag sang kuwarta…
- Nagapati siya nga kon makahatag siya sing pagkaon kag balay para sa iya pamilya – maayo na siya nga tatay…
- WALA kita gintawag sang Ginoo para maghatag sa aton nga pamilya – Siya ang magahatag sang tanan naton nga kinahanglanon – Mateo 6:33
- Madamo nga mga tatay ang naga ubra ANOM ukon PITO ka adlaw sa isa ka semana – halin sa aga hasta mag gab-i…
- Ukon mag-ubra sa malayo – kag magpuli lang kadali sa pagbisita sa ila pamilya…
- Wala sila makita sang ila asawa kag mga kabataan – wala sila makahatag sang tion para sa ila!
- Pareho kay Haring David – gingamit siya sang Ginoo – pinakabaskog nga hari sang Israel…
- Pero ang iya pamilya – kag mga kabataan – mga malaot!
- Gintraidor ni Absalom ang iya amay kag gintestingan niya nga patyon ini – II Samuel 18:33
- Naluyag si Amnon sa iya utod nga si Tamar kag ginlugos niya ini – II Samuel 13
- Gintestingan nga kuhaon ni Adonia ang pagkahari sang iya amay – I Hari 1:5
- Diri makita naton kon ngaa – ginapabay-an lang ni David ang iya mga kabataan kag wala niya ini ginasaway – I Hari 1:6
- Hapos lang makita ang aton MAAYO nga ginahimo – pero MALIMTAN naton kon ano ang importante…
- Paghatag sa pamilya – ukon pagserbisyo para sa Ginoo – wala sing may makabalibad!
- Duwa ka sugo – HIGUGMAA ang inyo asawa / TUDLUI ang inyo mga kabataan…
- Efeso 5:25 – “Kamo nga mga bana, higugmaa ninyo ang inyo asawa pareho man sang paghigugma ni Cristo sa iglesya. Ginhalad pa gani niya ang iya kabuhi sa iglesya.”
- Mga bana – ang isa ka butang nga kinahanglan sang inyo asawa amo ang GUGMA ni Jesus…
- Ang Ginoo ang magahatag sang pagkaon – bayo – balay / Ginatawag kita sang Ginoo para MAGHIGUGMA!
- Efeso 6:4 – “Kamo nga mga ginikanan, indi ninyo pagpaakiga ang inyo mga kabataan, kundi sagura ninyo sila sa pagdisiplina kag pagtudlo nga halin sa Ginoo.”
- Mga tatay – gintawag kamo sang Ginoo para mangin maayo nga IHEMPLO sa inyo mga kabataan kon paano magsunod sa Ginoo…
- Magkuha sang tion – maghatag sang tion – nga maka-upod ang inyo mga kabataan – TUDLUI sila parte kay Jesus…
- INDI pagkalimti ang pinaka importante nga ministry nga ginhatag sang Ginoo sa aton – ang aton pamilya!
- 2nd – Ang DIOSNON nga pamilya… vs. 7-12
- Ginsugid ni Moises kay Jetro ang tanan nga ginhimo sang Ginoo kag kon paano sila ginluwas sang Ginoo…
- Paano sila ginluwas sang Ginoo sa mga Egiptohanon – kag ang tanan nga paghatag sang Ginoo sang tanan nila nga kinahanglan sa kamingawan…
- Sang nabati-an ini ni Jetro – GINDAYAW niya ang Dios – ang mas gamhanan sang sa tanan nga dios…
- Nahibaluan ni Jetro nga mas gamhanan ang Dios sang sa TANAN – sang sa TIKALON nga mga dios-dios sang Egiptohanon!
- NAHIBALUAN ko nga ang Dios…
- Ang punto diri si Jetro wala pa magtuo sa Ginoo hasta sa sini nga tion…
- Pero tungod sa ginhimo sang Dios sa mga dios-dios sang Egipto – nagtuo siya!
- Kon may ara kita pamilya / abyan nga ulipon pa sang kalibutan – ang aton maayo nga mahimo…
- Ipakita sa ila kon ano ang ginhimo sang Ginoo sa aton kabuhi – kon paano niya kita ginluwas sa aton pagka-ulipon sa sala…
- Ipakita sa ila kon ano ang ginhimo sang Ginoo sa aton kabuhi – nga siya amo ang PINAKAGAMHANAN nga GINOO!
- Ipakita naton sa ila – paagi sa paghigugma sa ila pareho sang paghigugma sang Ginoo sa aton!
- Kon makakita ka sang pamilya nga naga-ilinaway – palayo ka…
- Kon makakita ka sang pamilya nga puno sang paghigugma – gusto mo mahibalu-an kon ngaa!
- Isa sa pinakadako nga halimbawa sang Gugma sang Dios – amo ang diosnon nga pamilya!
- 1st – Una nga ministry… vs. 1-6
- 4th – Maayo nga ministry… vs. 13-27
- 1st – Kakapoy… vs. 13-18
- Sang madason nga adlaw nagpungko si Moises bilang hukom sa paghusay sa mga kaso sang tawo halin sa aga hasta sa sirom…
- Kon may ara sang problema ang mga tawo – si Moises ang magakay-o sini para sa ila…
- Ang tuyo ni Moises nga matudluan sila sang mga sugo kag pagsulundan sang Dios!
- Pinsara bala kon may ara sing problema ang 5 ka milyon nga tawo kada adlaw…
- Diri sa Pilipinas may ara sang 115 ka krimen nga nagakatabo sa kada 100 ka libo nga mga tawo!
- Kon amo ini ang aton basehan – basi mga 5 ka milyon nga mga Israelinhon…
- 5750 ka mga krimen ang HUKMAN ni Moises kada tuig!
- Wala pa labot ang simple nga mga inaway kag baisay!
- Ang punto grabe gid kadamo ang linya antis ka makaabot kay Moises!
- Sang nakita ini ni Jetro – ginsilingan niya si Moises – INDI HUSTO ang imo pamaagi…
- Ang imo ginahimo – NABEL / NABEL [נָבֹל תִּבֹּל] – kabuangan!
- MAKAPOY gid si Moises – sobra sobra ini nga ulobrahon para sa isa ka tawo…
- Ang mga tawo MABUDLAYAN man – nagakadto gid sila kay Moises tungod may ara sang baisay…
- Tapos magahulat sila BILOG nga adlaw – para lang mabatian kay Moises kon ano ang maayo nga himuon!
- May kilala ako nga bisan ano ang imo ipahimo sa iya himuon niya…
- Sigurado siya sa iya sabat – pero ang matuod indi niya ini mahimo kon siya lang!
- Madamo sang oras sa isa ka adlaw – madamo sang adlaw sa isa ka semana – madamo sang pwede naton mahimo!
- Basi tungod sa aton nga bugal – aton pinsar kita lang ang nakabalo sang himuon…
- Basi gusto naton malipay ang mga tawo – kay kon mang INDI kita sa ila maakig sila…
- Kon ginahimo naton ang tanan – ang resulta mas dako nga problema…
- MABUDLAYAN kita sa ulihi – makapoy – indi na matapos ang mga hilimuon…
- Kay kon ginadungan naton himo ang mga butang – wala gid sing may matapos!
- Maakig lang ang iban sa aton – kay hambal naton buligan naton sila…
- Pero ayawan kita tunga sang aton kaugalingon kag ang resulta indi naton matapos ang mga hilimuon!
- Indi naton gusto magbulig ang iban – kay kita lang ang mahimo…
- Gani – WALA na ang iban oportunidad nga mag serbisyo para sa Ginoo!
- 2nd – Mangayo sing BULIG… vs. 19-27
- PAMATI kay laygayan ko ikaw – kag kabay pa nga mag-upod ang Dios sa imo…
- PADAYUNA ang imo ginahimo nga pagpalapit sa Dios – dal-a ang ila mga ginabaisan sa iya…
- TUDLUI sila sang mga sugo kag pagsulundan sang Dios – para makabalo sila kon paano MAGPANGLAKATON sa Dios…
- Pero – mangayo ka sing BULIG – para indi ka mabudlayan – amo man ang mga tawo!
- Magpili ka sang mga tawo nga may ikasarang sa PAGHUKOM / NAGATAHOD sa DIOS / MASALIGAN (wala nagabaton sang lagay)…
- Himua sila nga mga hukom sa grupo sang mga tawo nga tag-isa kalibo, tag-isa ka gatos, tag-singkuwenta, kag tag-napulo – tungaa ang responsibilidad…
- Ihatag ang MABUDLAY nga mga kaso kay Moises – ang mga pinili nga hukom magahusay sang simple nga mga kaso!
- Gintuman ni Moises ang ginlaygay ni Jetro – kag ginhimo niya ang tanan niya nga ginsiling!
- Kon ang imo tupad balay naghulam sa imo pala kag wala ini gin-uli – indi ini pagdal-a nga kaso kay Moises…
- Pero kon seryoso ini nga krimen(pagpatay) – mabudlay nga problema – dal-a kay Moises!
- Pareho ini sa Binuhatan 6…
- Binuhatan 6:2-4 – “Indi maayo nga pabay-an namon ang pagwali sang pulong sang Dios agod mag-atipan lang sang materyal nga mga bulig. Gani, mga utod, magpili kamo halin sa inyo mga kaupod sang pito ka lalaki nga may maayo nga reputasyon, maalamon, kag ginagamhan sang Espiritu Santo. Sila amo ang aton padumalahon sining mga materyal nga mga bulig. Kag kami naman iya, gamiton namon ang amon tiyempo sa pagpangamuyo kag sa pagwali sang pulong sang Dios.”
- May ara sang pagbaisay kon paano ang paghatag sa mga pagkaon sa mga balo nga babayi!
- Kon atubangon nila ang tanan nga problema sa simbahan…
- Wala na sila sang tion sa pagtuon – kag pagpakaon sa mga katawhan sang Dios!
- Mangin maalam kita sa pagtunga sang aton oras – ginhatagan kita sang Dios sang pwede nga mahimo…
- Mangin maalam kita sa paggamit sang aton adlaw – ano ang aton ginapalabi…
- Kon bilog kita nga adlaw naga obra – ginapalabi naton ang obra sang sa pamilya…
- Kon bilog kita nga adlaw nagacellphone – ginapalabi naton ini sang sa Dios…
- Kinahanglan naton mag obra – II Tesalonica 3:10 – maayo man mangin malipayon – Hulubaton 17:22…
- Mangin maalam kita sa pagbalanse sang aton oras…
- Ang pagbalanse amo ang PAG-UNA kay Jesus – IKADUWA ang pamilya – dayon ang bisan ano nga butang!
- 1st – Kakapoy… vs. 13-18