Exodus 19-20

Kilat kag Kalayo… (5 points)

• Tunga-tunga sang Exodus…
  • Chapter 1-19 – Pagluwas sa mga Israelinhon sa pagka-ulipon sa mga Egiptohanon…
  • Chapter 20-40 – Ang UNA nga paghatag sang Kasuguan sang Dios kag paghimo niya nasyon sa Israel…
    • Chapters 19-24 – Ang paghatag sang Kasuguan sang Dios
    • Chapters 25-31 – Hilimuon para sa Tolda nga Simbahan
    • Chapters 32-34 – Ang pagsimba sa bulawan nga baka
    • Chapters 35-40 – Ang pagpatindog sang Tolda nga Simbahan
• 1^st – Bukid sang Sinai… vs. 1-9
  • 1^st – Ang bukid sang Ginoo… vs. 1-2
    • Naghalin ang mga Israelinhon sa Refidim (bato ni Horeb) kag nagkadto sa kamingawan sang Sinai…
    • Ikatatlo ato nga bulan halin sa paghalin nila sa Egipto…
    • Ang Bukid sang Sinai ara nayon sa may Sinai Peninsula sa tunga sang Egipto kag Israel…
    • Ang Sinai Peninsula nga ngalan halin sa sini nga tradisyon…
    • Pero bag-o na ina nga pangalan – sang tion ni Jesus indi pa amo sina!
    • Ang Modern archeology lain ang lokasyon…
    • Bukid sang Sinai / Bukid sang Horeb ara sa duta sang Midian (Saudi Arabia) – Exodus 3:1
    • Hambal ni Pablo sa Galacia 4:25 – “Bukid sang Sinai sa Arabia…”
    • Hambal ni Josephus amo ini ang pinakataas nga bukid…
    • Mount Jebel el Lawz – isa sa pinakataas nga bukid sa Saudi Arabia…
    • Nalikopan sang aso ang bilog nga Sinai hasta subong – Exodus 19:18
    • May ara sang tanda ang palibot sang bukid kon diin lang hasta magtindog ang mga tawo – Exodus 19:12
    • Sa pihak sang bukid may banglid – basi amo ini ang bato ni Horeb!
  • 2^nd – Ang Balay ni Jacob… vs. 3
    • Nagpakigkita si Moises sa Ginoo – gintawag siya sang Ginoo didto sa bukid…
    • Hambala ang mga kaliwat ni JACOB – kag ang mga Israelinhon – DUWA ka grupo…
    • Ang ideya diri ang iban nga mga tawo nagasunod kay JACOB – makasasala sila…
    • Samtang ang iban nagasunod sa Israelinhon – nga ginadumalaan sang Ginoo…
    • Pareho sila nga ginluwas sang Ginoo sa pagka-ulipon sa Egipto – kag gintawag sila DUWA subong para magpamati!
    • Wala nagapangita sang perpekto nga tawo ang Ginoo nga masunod sa iya…
    • Madamo sang nagpainsar nga indi sila makasimba – kay makasasala sila…
    • Hambal nila intsaktohon danay nila ang ila kabuhi antis magsimba…
    • WALA nagapili ang Ginoo sang perpekto – ginapili niya ang makasasala kag ginahimo sila nga perpekto!
  • 3^rd – Espesyal nga Manggad… vs. 4-5
    • Ginpaguwa sang Ginoo ang mga Israelinhon sa Egipto – pareho sa pagdala sang agila sa iya mga priso nga ginaprotektaran sang iya mga pakpak…
    • SUBONG – kon MAGTUMAN sila sa tingog sang Dios – PILION sila sang Ginoo sang sa tanan nga nasyon…
    • Kag mangin ESPESYAL sila nga mga KATAWHAN…
    • Pinili nga katawhan sang Dios sa bug-os nga kalibutan – kay ang kalibutan Iya man!
    • Ngaa ginpili sang Dios ang Israel…
    • Indi sila MABASKOG – ginpili sila sang Ginoo – tungod sila ang pinakadiutay sa tanan!
    • Deuteronomio 7:7 – “Ginpili kamo kag ginhigugma sang Ginoo indi tungod nga mas madamo kamo sang sa iban nga mga katawhan, kay kamo pa gani ang pinakadiutay sa tanan.”
    • Sa sini nga paagi WALA sang magbasul sa Israelinhon sa pagkalaglag sang mga soldado sang Egipto…
    • Ang Israel nasyon sang mga ulipon – ang tanan nga natabo tungod sa Ginoo!
    • WALA nagapili ang Ginoo sang pinakaalam – matahum – manggaranon – I Corinto 1:27
    • Ginapili sang Ginoo ang mga BUANG-BUANG sa kalibutan…
    • Ginapili kita sang Ginoo – ang mga mango – para makita sang kalibutan si Jesus sa aton!
    • Dayon mahibaluan sang kalibutan nga ang Ginoo makaluwas kag magamit ang bisan sin-o – I Timoteo 1:16
    • Ginpili sang Ginoo ang Israel – para mangin iya katawhan kag paagi sa ila magaabot ang Mesias…
    • Israelinhon ang nanay ni Jesus – Roma 9:5
    • Paagi sa Israel – magaabot si Jesus sa sini nga kalibutan…
    • Ginpili kita sang Ginoo sa pareho man nga rason – para ihatag si Jesus sa kalibutan!
  • 4^th – Ang nasyon sang mga PARI… vs. 6
    • Mangin isa kamo ka ginharian nga magalagad sa akon bilang mga PARI – BALAAN [קָדוֹשׁ] nga nasyon…
    • Malayo ang mga tawo kon ikompara sa Ginoo – INDI magpinsar nga makilala gid nila ang Ginoo…
    • Ang PARI ang nagarepresentar sang Ginoo sa mga tawo / kag ang mga tawo nga gusto magpalapit sa Ginoo…
    • Ang Israel mangin nasyon sang mga PARI – sila ang magarepresentar sang Ginoo sa kalibutan!
    • Sila lang ang ginhatagan sang prebiliheyo nga magbaton sang mga KASUGUAN sang Ginoo…
    • Sila lang ang ginhatagan sang pagpadungog bilang mga KATAWHAN sang Ginoo…
    • Magaabot sila sa kalibutan kag mangin BALAAN – separar sa kalibutan – para sa Ginoo!
    • Pareho sa Israel gintawag kita nga mangin PARI…
    • I Pedro 2:9 – “Pero kamo pinili nga mga tawo, mga pari sang Hari, kag mga katawhan sang Dios. Nangin iya kamo agod magbantala sang iya makatilingala nga mga binuhatan. Siya ang nagtawag sa inyo halin sa kadulom pakadto sa iya makatilingala nga kasanag.”
    • Gintawag kita nga mangin separar sa kalibutan – kag mangin suga ni Jesu-Cristo…
    • Bilang iya espesyal nga mga katawhan – PARI – gintawag kita para magbantala sang Maayong Balita…
    • Magalakat kita kag isugid sa iban ang parte kay Jesus – kag ang kaluwasan nga ginhatag ni Jesus…
    • Magalakat kita tungod ginbulag ni Satanas ang mga tawo para indi makakita sang kamatuoran!
    • II Corinto 4:4 – “Indi sila magtuo sa Maayong Balita tungod nga ang ila mga hunahuna gindulman ni Satanas nga amo ang nagapakadios sa sining kalibutan. Ginbulag niya sila agod indi sila masanagan sang Maayong Balita parte sa gahom ni Cristo nga amo gid ang kaangay sang Dios.”
  • 5^th – Ang TINGOG sang Ginoo… vs. 7-9
    • Ginsugid ni Moises ang ginsiling sang Ginoo sa mga MANUGDUMALA sang Israel – ang TANAN nga tawo nagsabat…
    • Ang TANAN nga ginsugo sang Ginoo tumanon namon…
    • Dayon – nagpanaog ang Ginoo paagi sa MADAMOL nga panganod – wala sang may makakita sa Iya – Exodus 33:20
    • Pero MAKABATI ang mga tawo sa tingog sang Ginoo – DAYON MAGASALIG sila sa Ginoo hasta san-o!
    • Ang tingog sang Ginoo – ang Pulong sang Dios – si Jesu-Cristo – Juan 1:14
    • Paano kumbinsihon ang mga tawo nga kinahanglan nila si Jesu-Cristo…
    • Madula ang aton pagkabulag – paagi sa Maayong Balita – Roma 1:16-17
    • Indi ini parte sa kon ano kita kasagad magkumbinsi sa mga tawo…
    • Pulong ini sang Dios – kon MAKABATI sila sini – MAGATUO sila!
    • Roma 10:17 – “Karon makasiling kita nga ang tawo magatuo lang kay Cristo kon makabati siya sang mensahi parte sa iya. Kag ining mensahi mabatian lang kon may ara nga magtudlo sini.”
• 2^nd – BALAAN nga Dios… vs. 10-25
  • 1^st – Silinga ang mga tawo nga MAGPAKATINLO… vs. 10-11 / 15
    • Siguraduha nga PREPARADO sila sa IKATATLO nga adlaw – kay ang Ginoo magapanaog sa bukid sang Sinai…
    • Gani – MAGPAKATINLO gid kamo – BALAAN [קִדַּשְׁתָּם] …
    • Ang mga tawo MALIGO – labhan ang ila mga bayo – mangin TINLO sila…
    • Indi sila pwede makapalapit sa ila asawa – sa sulod sang TATLO ka adlaw!
    • Nagapakita ini sang problema sa ila tagipusuon – INDI balaan ang mga tawo…
    • Ang problema wala SAGWA – ukon sa mga bayo – ari ini sa SULOD – ang ila sala!
    • Ang pinakamaayo / pinakamatinlo naton – malayo gihapon sa pagkaperpekto!
    • Roma 3:23 – “Kay ang tanan nga tawo nagpakasala kag indi takos sa panulok sang Dios.”
    • Isaias 64:6 – “Nangin pareho kami tanan sa mahigko nga butang, kag ang tanan namon nga maayo nga mga binuhatan daw pareho lang sa mahigko nga panapton. Pareho kami tanan sa dahon nga nalaya, kag ang amon kalautan pareho sa hangin nga nagapalid sa amon.”
  • 2^nd – Butang sang TANDA… 12-14
    • Magabutang sang TANDA si Moises sa palibot sang bukid – INDI pwede magsulod…
    • Kon may mga sapat nga magpalapit sa bukid – MAPATAY gid…
    • Tungod ang Ginoo makadto didto sa bukid – mangin BALAAN ang bukid…
    • BALAAN ang Ginoo – perpekto – bisan ang mga butang nga nahikap niya mangin BALAAN…
    • Sa mga tawo nga MAKASASALA – bisan ang bukid grabe ka BALAAN para tandugon nila…
    • Pagapatyon sila – dayon INDI man sila pwede matandog…
    • Pagapatyon sila paagi sa pagbato ukon pagpana!
    • Tanan ini nagapakita – nga wala gid sing paagi nga makapalapit kita sa Dios kon sa aton lang!
    • Perpekto ang Ginoo – balaan – matarong – kag indi gid malab-ot…
    • Kon magpalapit kita sa Ginoo paagi sa aton ikasarang – sa aton maayong binuhatan – MAPATAY kita…
    • May isa ka tawo nga nagpalapit sa Ginoo – wala siya naka-ilis sang bayo nga para sa punsyon – Mateo 22:1-14
    • Ang ini nga tawo nagkadto paagi sa iya kinamatarong – sa iya maayong binuhatan!
    • Sang ginpamangkot siya sang Ginoo kon ngaa nakasulod siya – wala gid nagtingog ang tawo – wala siya sing isabat!
    • Ang tanan magatindog sa trono nga maputi – Pahayag 20:11
    • DUHA lang pilian kon ano aton ISUKSOK kon magtindog na kita sa atubang sang BALAAN nga Dios…
    • Magatindog kita paagi sa ATON mga bayo – ATON maayong binuhatan – ATON kinamatarong…
    • Pagahukman kita suno sa ATON binuhatan – kag ihaboy sa DAGAT sang KALAYO…
    • Ukon pagabayuan kita sang puti nga kinamatarong ni Jesus – Pahayag 3:5
  • 3^rd – Ang MANUGPATUNGA… vs. 16-25
    • Nag-abot ang IKATATLO nga adlaw – nagdinaguob kag nagpinangilat kag may MADAMOL nga gal-om…
    • May ara sang MATUNOG nga huni sang budyong (una makita diri sa OT) ukon SHOFAR [שֹׁפָר] …
    • GINDALA ni Moises ang mga tawo sa guwa sang kampo – kag nagtindog sila sa tiilan sang bukid…
    • Nalikopan sang KALAYO kag ASO ang bilog nga bukid…
    • Dayon nagtay-og sing mabaskog ang bukid…
    • Dayon naghambal si Moises – kag nagsabat ang Dios sa iya paagi sa mabaskog nga tingog SHOFAR!
    • Ginhambalan sang Dios si Moises nga magsaka sa ibabaw sang bukid para mag istorya sa iya…
    • Ginpaandaman siya liwat sang Ginoo nga indi gid sila maglapaw sa tanda…
    • Nagsiling si Moises nga nakabutang na siya sang tanda sa palibot sang bukid kag ginpaandaman naman niya ang mga tawo…
    • Panaog! Ginpapanaog sang Dios si Moises para paandaman LIWAT ang mga tawo / kag ang mga pari…
    • Kinahanglan sang mga tawo sang manugpatunga – si Moises lang kag si Aaron ang pwede nga makigkita sa Dios!
    • I Timoteo 2:5 – “Kay may isa lang ka Dios kag may isa lang ka manugpatunga sa Dios kag sa mga tawo. Ini wala sing iban kundi ang tawo nga si Cristo Jesus.”
    • Ang pagtindog sa atubangan sang Dios – makaagom sang kamatayon kag silot sang Dios…
    • Gani – kinahanglan naton sang manugpatunga – ang magpalapit sa Dios para sa aton…
    • Ang makapalapit sa Dios – kag may ara sang tugot halin sa BALAAN nga Dios!
    • Ang sugod sang Kasuguan…
  • 1^st – Indi lang PULO…
    • May ara sang 613 nga kasuguan – halin sa Exodus hasta sa Deuteronomio…
    • Ang PULO ginhatag sa Exodus 20 – ang UNA sa mga kasuguan nga ginhatag sang Dios sa Iya katawhan…
    • Amo ini ang UNA – mas importante – kag ang pundasyon sang KASUGUAN…
    • Ang NAPULO ka kasuguan sang Dios PERPEKTO – amo ini ang basehan kon paano mangin MAAYO!
    • Sa una nga tulok sa NAPULO ka sugo, aton pinsar MAAYO aton ginahimo…
    • Pero ko usisaon gid – imposible nga masunod naton ini…
    • Nagapakita ini sang aton tanan nga kalainan – kag ang aton kinahanglan sang manluluwas!
  • 2^nd – TATLO ka lista…
    • Sigurado kita nga may ara sang napulo ka sugo – Exodus 34:28
    • Pero kon paano gintunga ang Exodus 20:1-17 sa NAPULO ka sugo depende sa kada relihiyon…
    • Ang PROTESTANT nga lista pamilyar sa aton tanan…
  • 1. Wala sing iban nga Dios / 2. Wala sing idolo / 3. Indi paggamiton ang ngalan sang Dios / 4. Adlaw sang Inugpahuway…
  • 5. Tumana ang inyo ginikanan / 6. Indi magpatay / 7. Indi magpanginbabayi/magpanginlalaki / 8. Indi magpangawat / 9. Indi magbutig / 10. Indi magkaibog…
    • Sundon naton ini tungod amo ini ang pinakalapit sa lista sang mga kasuguan nga ginhatag!
    • Ang mga JUDIO nagahatag sang importansya sa PAGSUNOD sa Dios…
  • 1. Ako ang Dios nga nagpaguwa sa inyo sa Egipto (indi sugo)
  • 2. Indi kamo maghimo sang dios-dios…
    • Ang bilin nagasunod pareho sa PROTESTANTE nga lista!
    • Ang mga KATOLIKO ginlain man ang IKADUHA kag ULIHI nga kasuguan…
    • Wala sang dios-dios nga nalaktawan – parte sa sugo nga wala sing iban nga dios…
    • Ang nabilin nga sugo – gin-idog paibabaw – para ang duha nga katapusan amo ang…
  • 9. Indi magsaksi sing butig / 10. Indi magkaibog sa asawa sang imo tupad balay…
    • Ginhimo ini para mahimo nila ang ila gusto nga magpangamuyo sa mga dios-dios!
• 3^rd – Aton relasyon sa Dios… vs. 1-11 (4 ka sugo)
  • Duha ka BATO…
  • UNA – ang IKAAPAT nga sugo parte sa aton relasyon sa Ginoo…
  • IKALIMA – ang IKAPULO nga sugo parte sa aton relasyon sa sa iban nga tawo!
  • Nagsulat ang Ginoo sang NAPULO ka sugo sa bato – Exodus 24:12
  • 1^st – Wala sing iban nga Dios… vs. 1-3
    • Ako ang Ginoo nga inyo Dios – nga nagpaguwa sa inyo sa Egipto / pagka-ulipon…
    • Ang UNA kag ang pinakadako nga sugo – INDI magsimba sa iban nga dios magluwas sa akon…
    • Importante nga maintiendihan naton kon sin-o – ukon ano ang dios sa aton kabuhi…
    • Sa OT ang mga Israelinhon nagsimba sa madamo nga dios-dios…
    • Si Molek – dios sang kalingawan / Mammon – dios sang kuwarta!
    • Kada may magpadagdag sang iya bata – ginasakripisyo niya ini kay Molek…
    • Kada maghatag kita sang tion sa pagpangita sang kuwarta sang sa Dios – nagasimba kita kay Mammon!
    • Lucas 16:13 – “Wala sing suluguon nga makaalagad sa duha ka agalon. Kay magasikway siya sa isa kag magahigugma sa isa; magadampig siya sa isa kag magapakalain sa isa. Indi man kamo makaalagad sing dungan sa Dios kag sa manggad.”
    • Indi tanan nga dios-dios pareho sa Ginoo…
    • Ang aton Dios – kon sin-o ang aton gina UNA sa aton kabuhi – kon sin-o aton gina ALAGARAN…
    • INDI kita makasimba sa iban nga dios – seloso ang Ginoo – gusto niya nga sa Iya lang kita magsimba!
    • Kon gina UNA naton ang BISAN ANO sa aton kabuhi – WALA kita naga alagad sa Dios!
    • Dapat magapili kita sini nga adlaw / adlaw adlaw – kon sin o aton UNAHON – Josue 24:15
  • 2^nd – Wala dios-dios…vs. 4-6, 22-26
    • INDI kamo maghimo sa dagway sang BISAN ANO – nga ara sa langit ukon sa duta…
    • Kabuangan ang nagapinsar nga ang butang nga ginhimo ko – makaluwas sa akon…
    • May ara ini dalunggan / mata / baba – pero indi makabati / makakita / ukon makahambal – Salmo 115:4-8
    • Jeremias 5:10 – “Kamo nga mga kaaway sang mga Israelinhon, laglaga ninyo ang ila mga talamnan sang ubas, pero indi lang pag-ubusa. Pangtapsa ninyo ang mga sanga sini, kay ang ini nga katawhan indi na akon.”
    • Isaias 44:19-20 – “Wala gid sila nagapamalandong kag nagahunahuna sa pagsiling, “Gin-gatong ko ang iban nga mga kahoy, kag nagluto ako sang tinapay kag nagsugba sang karne sa baga sini, kag ginkaon ko ini. Kag karon himuon ko bala nga makangilil-ad nga butang ang nabilin nga kahoy? Magasimba bala ako sa isa ka utod nga kahoy?”
    • Makakadlaw kita sa sini nga ideya – paano ang dios dios nga ginhimo halin sa kahoy makaluwas sa aton!
    • Pero nagakalipat kita kon diin halin ang kuwarta – ang papel produkto sang kahoy…
    • Nagatulok kita kay Manuel Roxas (nga ara sa P100) / Benigno Aquino (ara sa P500) / Jose Santos (ara sa P1000)…
    • Madamo ang nagatuo sa kuwarta – pero nagakadula ini – Haggai 1:6
    • Ang aton problema indi kakulangan sa pagtuo – kundi kon diin naton ginabutang ang aton pagtuo…
    • May ara kita tanan sang pagtuo – ang problema WALA naton ini ginabutang kay Jesus!
    • Bisang ang paghimo sang HALARAN… vs. 22-26
    • Nakita sang mga Israelinhon kon paano ginsiling sang Dios ang ini nga mga kasuguan kay Moises…
    • INDI sila pwede maghimo sang BISAN ANO nga dios dios halin sa pilak ukon bulawan…
    • Ang ila lang nga himuon HALARAN halin sa bato – sa paghalad sang ila sapat…
    • Bisan ang mga BATO indi pwede pagbasbasan – ang ila pangbasbas indi na takos gamiton sa paghalad!
    • Indi kamo PAGPILITON nga magluhod – ukon MAGHIMO para SIMBAHON ini!
    • Ang ideya nga kon MAGHIMO kita sang mga dios dios – MAPILITAN kita nga simbahon ini!
    • Sa Russia nagabutang sila sang mga picture sang santos sa ila dingding – para madumduman nila nga magpangamuyo…
    • Pero kon masabat na gani ang ila pangamuyo – ginabutangan nila sang bulawan ang picture – sa pagpasalamat!
    • Kon malayo ang aton relasyon sa Dios – mas dako ang posibilidad nga magsimba kita sa mga pagkabutang diri sa kalibutan…
    • Ginapun-an naton ang kakulangan sa aton kabuhi sang mga butang nga nagapadumdum sa aton sa Dios…
    • Kag nagaamat-amat na kita simba sa sini nga mga butang – sang sa Dios!
    • Ang SELOSO nga Dios…
    • Ginasilutan ko ang mga nakasala sa akon pati ang ila mga kaliwat…
    • Ang mga kaliwat hasta sa IKATATLO kag IKAAPAT nga henerasyon – nga NAGASIKWAY sa Akon…
    • Pero nagapakita sang KAAYO sa MADAMO gid nga henerasyon – sa NAGAHIGUGMA sa Akon – kag nagatuman sang Akon SUGO…
    • Wala ini nagatumod sa paghukom sang Dios – kundi sa Iya Grasya!
    • Balanse ang Biblia – WALA kita naga antos tungod sa sala sang iban!
    • Ezekiel 18:20 – "Ang tawo lang nga nakasala amo ang mapatay. Ang anak indi dapat silutan tungod sa sala sang iya amay, kag ang amay indi dapat silutan tungod sa sala sang iya anak. Ang matarong nga tawo pagabalusan sa iya matarong nga mga ginahimo, kag ang malaot nga tawo pagasilutan sa iya malaot nga mga ginahimo.” – Jeremias 31:29-30 kag Deuteronomio 24:16
    • Ang pinakamaayo nga interpretasyon amo ang IHEMPLO…
    • INDI lang kita makahambal amo kita sini tungod sa aton ginikanan…
    • Ginadula sini ang aton responsibilidad sa sala – mangin sala ini sang aton ginikanan…
    • Sa TION lang nga ma realisar naton nga responsable kita sa aton mga ginahimo, makita naton ang sabat!
    • Mangin – Bag-o kita nga Tinuga kay Cristo – II Corinto 5:17
    • Indi na kita makilala tungod sa aton ginikanan – kundi kilala na kita bilang anak ni Jesus!
  • 3^rd – Ang NGALAN sang Ginoo… vs. 7
    • INDI ninyo paggamita ang NGALAN sang Ginoo sa WALA sing PULOS…
    • Basi sa sini nga tion nagapamuyayaw man ang mga tawo gamit ang ngalan sang Ginoo!
    • Efeso 4:29 – “Indi kamo maghambal sing malain, kundi maghambal sing makabulig sa inyo isigkatawo kag nagasinanto sa okasyon, agod makahatag kamo sing kaayuhan sa mga nagapamati.”
    • Ang ngalan sang Ginoo bugay – indi pagpang-into…
    • Mag andam kita sa paggamit sang Iya ngalan kag respetuhon sini!
    • Ang buot silingon nga ginagamit ang ngalan sang Ginoo para patihan ang ila ginapatihan…
    • Kon kis a ginapilit nila nga ang ila ginahambal husto – para lang masigurado nga wala sila nagabinutig…
    • Ginasumpa ko sa ngalan sang Ginoo nga ang akon ginhambal matuod!
    • Mateo 5:33-37 – “Pero ako nagasiling sa inyo nga kon magpromisa kamo, indi kamo magsumpa… Dapat magsiling ka lang ‘Huo’ kon huo kag ‘Indi’ kon indi; kay kon magsumpa pa kamo halin na ina kay Satanas…”
    • Tanan kita nakahambal nga himuon ang isa ka butang – pero WALA ini ginhimo…
    • Pero dapat mangin masinulundon kita sa aton mga ginahambal – 'huo' kon huo / kag 'indi' kon indi!
    • Indi lang nga siguraduhon naton ang aton ginhambal kundi pati ang aton ginahimo!
  • 4^th – Ang Adlaw sang Inugpahuway… vs. 8-11
    • Dumduma ang ADLAW sang INUGPAHUWAY – himua ini nga BALAAN…
    • ADLAW sang INUGPAHUWAY – halin sa word [שָׁבַת] – buot silingon PAHUWAY…
    • ANOM ka adlaw para sa TANAN nga obra – kag PAHUWAY sa IKAPITO nga adlaw…
    • Tungod ANOM ka adlaw gintuga sang Dios ang langit kag ang kalibutan – Genesis 2:1-2
    • Kag sa IKAPITO nga adalw NAGPAHUWAY [שָׁבַת] Siya!
    • Ang Sabado buot silingon Sabbath – adlaw sang inugpahuway…
    • Sabado ang Adlaw sang Inugpahuway sang mga Judio – halin sa pagsalop sang adlaw sa biernes hasta sa pagsalop sang adlaw sa Sabado!
    • Basi mamangkot kamo ngaa nagasimba kita kon Dominggo!
    • Sa libro sang Binuhatan nagatipon ang mga tawo sa pagsimba kon Dominggo – Binuhatan 20:7
    • Ang Dominggo ang una nga adlaw sang semana sa Judio nga kalendaryo…
    • Ginahimo nila ini sa pagdumdum sang pagkabanhaw ni Jesus – una nga adlaw sang semana – Lucas 24:1
    • Amo ini ang rason kon ngaa nagasimba kita Dominggo – bilang aton adlaw sang inugpahuway!
    • WALA bisan ISA nga pwede mag obra sa adlaw sang inugpahuway – BALAAN ini nga adlaw!
    • Ang problema para sa mga Judio – ano ang ginasiling nga OBRA…
    • Ano ang OBRA – sa sini nga tion nag intra na ang mga relihiyoso nga lider…
    • Gani – ginpakita sang mga Judio kon ano ang BUOT SILINGON sang Ginoo nga indi obra –
      (39 ka indi pwede)…
    • Ang mga Judio nga lider nagahambal nga obra ang pagpamong-it…
    • Hambal sang mga Judio nga manunudlo – bisan ang pagpasiga sang suga obra…
    • Ang mga ref sa Israel nakabalo kon adlaw na sing inugpahuway – wala man sila nagapasiga sang suga sa Adlaw sang Inugpahuway!
    • Pero nagpang-ayo si Jesus sa Adlaw sang Inugpahuway!
    • Ka-pito gid magpang-ayo si Jesus sa Adlaw sang Inugpahuway – ginhimo niya ini sa isa ka butang!
    • Marcos 2:27 – “Kag nagsiling pa gid si Jesus, “Ginhimo ang Adlaw nga Inugpahuway para sa kaayuhan sang tawo. Wala ginhimo ang tawo para sa kaayuhan sang Adlaw nga Inugpahuway.’”
    • Wala kita gintuga sang Ginoo para magsunod sa Adlaw sang Inugpahuway – ginhatag niya ini sa aton!
    • Nagahatag ini sa aton sang adlaw para magpahuway…
    • Kinahanglan gid bala ini – INDI – pero maayo ini nga ideya!
    • Ang Adlaw sang Inugpahuway landong ni Jesus!
    • Colosas 2:16-17 – “Gani indi kamo magpadala-dala sa mga tawo nga nagasiling sa inyo kon ano ang indi dapat kaunon ukon imnon, ukon ano ang dapat himuon sa mga piesta, kon maglati ang bulan, kag sa Adlaw nga Inugpahuway. Ang mga pagsulundan nga ina landong lang sang mga butang nga ginapaabot sang una, nga amo si Cristo.”
    • Kon makita mo ang landong sang imo abyan – magadalagan ka bala pakadto sa landong…
    • Syempre indi – pero ang landong nagapakita nga malapit na lang ang imo abyan!
    • Gani indi pagpasugti ang iban nga magsiling sa imo parte sa adlaw sang imo inugpahuway…
    • Ang Adlaw sang Inugpahuway landong ni Jesus – Siya ang aton matuod nga pahuway!
    • Mateo 11:28-30 – “Palapit kamo sa akon, tanan kamo nga ginabudlayan kag ginabug-atan kag papahuwayon ko kamo. Magsunod kamo kag magpatudlo sa akon kay mabuot ako kag mapainubuson. Makapahuway kamo, kay ang akon mga sugo mahapos nga tumanon kag mamag-an lang ang akon ginapahimo.”
• 4^th – Ang aton relasyon sa iban… vs. 12-17
  • 5^th – TAHURA ang inyo amay kag iloy… vs. 12
    • TAHURA – pagrespeto sa ginikanan…
    • Agod magkabuhi kamo sing MALAWIG sa DUTA nga ginhatag ko sa inyo…
    • Tungod ang PAGREBELDE sa imo ginikanan buot silingon kamatayon – Deuteronomio 21:18-21
    • Kag sa praktikal nga butang – MADAMO sang kaalam ang mga ginikanan!
    • Ang mga kabataan subong nagapinsar nga nakahibalo sila sang tanan…
    • May ara GOOGLE kag YOUTUBE – kag nagapati sila nga ang KAALAM magahatag sa ila sang tanan nga sabat…
    • Pero ang KAALAM kag WISDOM INDI pareho – ang WISDOM halin sa imo naagyan!
    • Ang KAALAM nagasiling nga init ang kalayo – ang WISDOM nagasiling nga mas maayo nga indi ini hikapon!
    • Dapat MAGTAHUD kita sa aton GINIKANAN – tungod may ara sila sang WISDOM…
    • Malawig na ang ila pagkabuhi diri sa kalibutan – madamo na ang ila natun-an…
    • Mangin MAALAM kita kon magpamati kag magtuon kita halin sa ila inagyan sa kabuhi!
    • Amo man ang ginsiling ni Pablo – Efeso 6:1-2
    • Tumana ninyo ang inyo ginikanan sa Dios – indi buot silingon ang inyo ginikanan diri sa kalibutan…
    • Kundi ang inyo espirituhanon nga mga ginikanan – nga nagapabakod sang inyo pagtuo!
    • Dapat nga magpamati kita sa ila – tungod ginatudlo nila kita kay Jesus…
    • Paagi sa pagsunod sa ila ginasiling kag ginahimo makita naton ang aton kaugalingon nga ara sa intsakto nga dalan!
    • Tahura ang imo amay kag iloy – bisan indi sila takos sang aton pagtahud!
    • Kon wala nagapanglakaton sa Dios ang aton ginikanan – INDI naton pagsundon ang ila halimbawa…
    • Pero kinahanglan gyapon nga magtuman kita sa ila basta wala lang ini nagalapas sa kasuguan sang Dios…
    • Madamo nga ginikanan ang nagbalik kay Jesus tungod sa halimbawa nga makita nila sa ila mga kabataan!
    • TAHURA buot silingon PAGHATAG…
    • Marcos 10:11-12 – “Nagsiling si Jesus sa ila, “Kon bulagan sang lalaki ang iya asawa kag magpangasawa sang iban, nagapanginbabayi siya kag nakasala sa iya una nga asawa. Kag kon bulagan sang babayi ang iya bana kag magpamana sang iban, nagapanginlalaki siya.’”
    • Imbes nga atipanon nila ang ila ginikanan sa paghatag sang ila mga kinahanglanon…
    • Ang mga relihiyoso nga mga lider nagatudlo sa mga tawo nga maghatag na lang sang kwarta sa Ginoo…
    • Kon ihatag nila ini sa simbahan – wala na sila sing obligasyon sa ila ginikanan!
    • Ginsaway sila ni Jesus – tungod wala nila ginasunod ang sugo sang Dios – Marcos 15:6
    • Ang mga tawo nga WALA nakakilala kay Jesus naga atipan sang ila ginikanan…
    • Ano pa ayhan kita nga mga nakakilala kay Jesus…
    • Kon pabay-an naton ang aton ginikanan – ano ini ang ginapakita sa kalibutan!
    • I Timoteo 5:8 – “Ang bisan sin-o nga tumuluo nga wala nagaatipan sa iya mga paryente, labi na gid sa iya pamilya, nagapakilala lang nga ginabaliwala niya ang iya pagtuo sa Dios, kag mas malain pa siya sang sa indi tumuluo.”
  • 6^th – Indi kamo MAGPATAY… vs. 13
    • Lain ang PAGPATAY sang sa NAPATAY…
    • Ang PAGPATAY hungod (indi depensa sa kaugalingon ukon sa inaway)…
    • Halos tanan sa aton wala nakapatay sang tawo…
    • Ginisa-isa pa gid sang Ginoo ang ini nga kasuguan – Mateo 5:21-22
    • Ang bisan sin-o nga NAAKIG sa iya kapareho – nga WALA sing rason – pagasilutan…
    • Wala kita tuod kaagi patay sa aton kapareho – pero may ara kita TANAN sang KAAKIG sa isa ka tawo…
    • Tanan kita nakahambal sing malain – nga kon base sa aton tagipusuon – daw pareho lang nga NAGPATAY kita…
    • Gani halos tanan kita nakasala sang PAGPATAY!
  • 7^th – Indi kamo magpanginbabayi ukon magpanginlalaki… vs.14
    • Pagpanginbabayi / pagpanginlalaki – relasyon sa iban wala labot sa imo asawa / bana…
    • Halos tanan kita wala nakaagi pagpanginbabayi / pagpanginlalaki…
    • Ginisa-isa pa gid liwat sang Ginoo ang ini nga kasuguan – Mateo 5:27-32
    • Kon ang lalaki magtulok sa babayi nga may handum sa pakighilawas sa iya – pareho lang nga nagpanginbabayi siya!
    • Isa ka word para sa PAGPANGINBABAYI / PAGPANGINLALAKI – porneia (pornography) – Mateo 19:9
    • Ang kasuguan sang Dios nabase sa kon ano ang sa imo tagipusuon!
    • Bisan indi kita makasala – indi naton mapunggan ang PAGPINSAR sini…
    • Kon makita sang iban ang aton hunahuna – ano bala kita ka maayo!
  • 8^th – Indi kamo MAGPANGAWAT… vs. 15
    • MAGPANGAWAT – pagkuha sang isa ka butang nga indi aton – pagkaon / bagay / kuwarta…
    • Bisan ang paghulam nga wala ginabalik – PAGPANGAWAT ini…
    • Makasiling kita nga damo naman na sila pagkabutang ukon kuwarta – sigurado indi ini nila pagdumdumon…
    • Basi halos tanan nagahimo sini – basi ang tag-iya ang mahuya sang sa tawo nga nangawat…
    • Ang punto kon indi aton ang isa ka butang – wala kita sing rason nga kuhaon ini – pagpangawat ina!
  • 9^th – Indi kamo magsaksi sing BUTIG kontra sa inyo isigkatawo… vs. 16
    • WALA sing dako / gamay nga PAGBUTIG…
    • Ang may ara lang KAMATUORAN – kag KABUTIGAN – wala sing tunga tunga!
    • Kon wala kita nagasugid sang TANAN nga kamatuoran – buot silingon NAGABINUTIG kita!
    • Ang pamangkot – may ara bala sing maayo nga rason para magbinutig…
    • Pareho nga indi mo gusto masakitan ang isa ka tawo – ano akon hitsura – law-ay…
    • Ukon pagluwas sing kabuhi – pareho sa mga paltera sang tion ni Moises – Exodus 1:19
    • Ang resulta wala nagabag-o sang kamatuoran…
    • Wala sing maayo nga rason para magbinutig – depende ini sa aton pagpaningwa!
    • Mas maayo nga magsugid sang kamatuoran – kag magsalig sa Dios!
  • 10^th – Indi kamo MAGKAIBOG sa balay sang inyo isigkatawo… vs. 17
    • MAGKAIBOG – sige sige nga paghandum sang isa ka butang / tawo…
    • Ang nagakalatabo sa aton kabuhi kabubut-on sang Dios – ara kita sa lugar nga gusto Niya…
    • Pero halos tanan sa aton wala ginabaton kon ano ang ihatag sang Dios – gusto naton sang sobra pa!
    • Gintestingan ni Solomon tanan – pagpangita sang kasadya – Manugwali 2:1-11
    • Pero natun-an ni Solomon nga wala ini tanan sing pulos – pareho lang nga nagalagas ka sa gyapon sa pagkabutang bisan nagdaog ka na!
    • Pagpangita sang kasadya – nga makita sa mga PAGKABUTANG sa kalibutan – pareho lang nga nagalagas ka sa hangin…
    • Indi ini parte sa paglagas sang mga butang nga budlay kuhaon – wala sing dapat lagson!
    • Wala sing malain kon may ara ka sang mga PAGKABUTANG – ang probelma kon ang mga BUTANG ang magakontrol sa aton…
    • Ang pinakamanggaranon nga tawo indi ang may pinakadamo nga PAGKABUTANG – kundi ang tawo nga kuntento…
    • Ang pinakapigado nga tawo indi ang may mga pinakadiutay nga PAGKABUTANG – kundi ang tawo nga gusto pa sang sobra!
    • Hebreo 13:5 – “Likawi ninyo ang paghigugma sa kuwarta. Magkontento kamo sa mga butang nga ara sa inyo, tungod kay nagsiling ang Dios, “Indi ko gid kamo pagbayaan ukon pagpabay-an.”
    • Ang problema sa TAGIPUSUON…
    • Si Pablo maayo nga tawo – antis siya nagtuo kay Jesus…
    • Siling ni Pablo nga kon parte sa pagtuman sang Kasuguan, perpekto siya – Filipos 3:6
    • Buot silingon grabe gid ang pag andam ni Pablo sa pagsunod sang mga kasuguan sang Dios…
    • Kon may ara isa ka tawo nga maayo si Pablo ini!
    • Nagapinsar si Pablo nga MAAYO siya – hasta nabasahan niya ang – indi ka magkaibog – Roma 7:7-11
    • Makontrol ni Pablo ang iya mahimo – pero INDI ang iya mga handum…
    • Ang Kasuguan ispiyo nga nagapakita sa iya kon sin-o gid siya…
    • INDI MAAYO nga tawo – kundi MALAIN nga tawo – ginapakita sang kasuguan iya mga sala!
    • Madamo ako sang kilala nga kristohanon nga nagapinsar maayo sila tungod nagsunod sila sa kasuguan…
    • Kon wala kita nakahibalo sang KASUGUAN – WALA kita nakahibalo nga bisan ang paghandum sala…
    • Ang KASUGUAN ang aton ispiyo nga nagapakita kon ano kita ka makasasala!
• 5^th – Kahadlok sa Dios… vs.18-21
  • 1^st – Nagkulurog… vs. 18-21
    • NAKITA sang mga tawo ang – daguob / kilat / budyong / kag bukid nga nagaaso…
    • NAGKULUROG sila sa kahadlok – gani nagtindog sila sa MALAYO!
    • Kag nagsiling kay Moises – IKAW lang ang maghambal sa amon – kay MAMATI kami…
    • INDI lang ang Dios kay basi MAPATAY kami!
    • INDI kamo MAGKAHADLOK – nagkadto diri ang Dios sa PAGPATILAW sa inyo…
    • Agod MAGKAHADLOK kamo sa Iya – sa paghimo sang SALA!
    • Salmo 111:10 – “Kon ang isa ka tawo gusto nga magmaalamon, dapat magtahod siya sa Ginoo.
      Ang tanan nga nagatuman sang iya mga sugo may husto nga paghangop.
      Dalayawon siya sa wala sing katapusan.”
    • Madamo sang mga nagayaguta sa Biblia – tungod wala sila mahadlok sa Dios…
    • Ginayaguta sang mga tawo ang Ginoo subong – ginagamit nila sa pagbuyayaw ang ngalan sang Dios – nga daw sa wala lang sing silot sa ulihi!
    • Wala sila mahadlok sa paghukom – wala sila mahadlok sa dagat sang kalayo…
    • Pero may ara lang sang duha ka klase sang tawo pag-abot sa Ginoo…
    • Makasasala nga may kahadlok sa Dios kag nagakinahanglan kay Jesus – kag ang mga wala!
  • 2^nd – Sa katapusan…
    • Ang NAPULO ka kasuguan kahaladlokan – WALA gid sing bisan isa sa aton nga maayo…
    • Nalapas naton ang kada isa sa NAPULO nga kasuguan sang Dios – MADAMO nga beses!
    • Pero ang talaksan sang Dios para makasaka sa langit – mangin PERPEKTO…
    • Wala gid sing bisan isa nga nalapas sa Iya kasuguan sa buhat ukon hunahuna!
    • Ang punto sang sini nga NAPULO ka kasuguan – indi gid kita tanan takos nga makasaka sa langit!
    • Mateo 5:48 – “Gani dapat wala kamo sing kasawayan sa inyo pagtratar sa inyo isigkatawo pareho sang inyo Amay sa langit.”
    • Nga nagahatag sang solusyon sa aton sala – ang yabi pakadto sa langit – si Jesus!
    • Kon indi naton makita ang problema – indi naton mahibaluan nga kinahanglan gali naton solusyon…
    • Indi kita mangin Maayo – makasaka sa langit / kon sa aton lang – ang sabat amo si Jesus!
    • Roma 3:20-24 – “Kay wala gid sing tawo nga pakamatarungon sa atubangan sang Dios paagi sa pagtuman sang Kasuguan. Ang Kasuguan ginhatag sa tawo agod ipakita nga siya makasasala. Pero karon ginpahayag na kon paano ginapakamatarong sang Dios ang tawo. Ini indi paagi sa pagtuman sang Kasuguan. Ang Kasuguan mismo kag ang mga sinulatan sang mga propeta nagapamatuod sini. Ginapakamatarong sang Dios ang tawo paagi sa pagtuo kay Jesu-Cristo, kay ang Dios wala sing pinilian. Gani ang bisan sin-o nga magtuo kay Jesu-Cristo ginapakamatarong niya. Kay ang tanan nga tawo nagpakasala kag indi takos sa panulok sang Dios. Pero tungod sa bugay sang Dios, ginpakamatarong kita paagi kay Cristo Jesus nga nagtubos sa aton, kag ini regalo sang Dios.”