Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Review…
- 1st – Galacia 1:1-2:21 – Ang Maayong balita sang Bugay – ang Mas maayong balita…
- Ang mensahe sang Maayong Balita – ang Bugay kag pag heda-et paagi sa krus ni Jesus…
- Naluwas kita paagi sa Bugay – indi kita magtubo paagi sa kasugu-an…
- 2nd – Galacia 3:1-4:31 – Ang katuyu-an sang Kasugu-an…
- Ang bisan sino nga mag sunod sa kasuguan/buhat – ara sa idalum sang pag pakamala-ut Deuteronomeo 27:26
- Bugay (ang saad kay Abraham) nag kari 430 ka tuig antes sang Kasugu-an…
- Ang Kasugu-an gin hatag agud nga mahayag ang sala – naga pakita nga kita naga kinahanglan sang manluluwas – si Jesus…
- Paagi sa Bugay nangin manunubli kita sang gin Hari-an sang aton Diyos…
- Kita nagin Anak na -gani indi na mag balik sa gapos sang relehiyon kag mga desparates …
- Sunda ang maayo nga Ehemplo – isa ka tinuga nga naga tudlo sa imo kay Jesus…
- Ang duha ka anak ni Abraham – Ishmael kag Isaac…
- Ining duha ka anak isa sa aligoriya sang Kasuguan kag Bugay – ang pagkaulipon kag kahilwayan…
- Pareho ni Ishmael -ang mga naga sunod sa Kasuguan -kinaugalingon nga pag panikasog -ara sa pagka ulipon…
- Pero ang pareho kay Isaac – ang mga nagasunod sa Bugay – Gin Bag-o sang Espiritu – may kahilwayan!
- Kabuhi nga hilway… (3 ka butang)
- Introduksion sa ika tatlo nga bahin sang Galacia… vs. 1-6
- Ari na kita sa ika-tatlo kag hingapusan nga bahin sang Libro Galacia…
- Chapters 1-2 – si Pablo nag talakay sang Bugay kag Maayong Balita…
- Chapter 3-4 – si Pablo nagapatuhoy sa Doktrina sang Bugay suno saKasugu-an ni Moises…
- Chapter 5-6 – diri si Pablo naga patuhoy sang praktikal nga tikang sa Bugay kag pang adlaw adlaw nga pag kabuhi nga tumolu-o…
- Galacia 5 pwede ma tunga sa duha ka bahin…
- 1st – Si Pablo naga tuhoy sa pag aplikar nga may kahilwayan sa kabuhi – kag indi mag kabuhi sapag kaulipon …
- 2nd – Si Pablo nagatuhoy sa pag aplikar sa espirituhanon nga pag kabuhi – kag indi mag kabuhi sa unodnon…
- 1st – 2 ka gin mando ni Paul sa simbahan… vs. 1-6
- 1st – Magtindog nga indi mationg sa kinamatarong paagi kay Kristo nga kita na hilway…
- Naka hibalo kita kon ano ang ginapaabot sang Diyos sa aton – nga kita mag himo sang mga gawi nga tadlong…
- Kag nakabalo man kita kon ano ang gina hambal sang Diyos nga mala-ot – kag indi dapat naton obrahon…
- Kon tagaan ka sang duha ka listahan – isa maayo kag isa ang malain – mahibaluan ta kon ano ang maayo ukon malain…
- Nagabasa Biblia/nagapangamuyo/gakadto sa simbahan/gahigugma sa iban/naga bulig sa naga kinahanglan…
- Gapanahor /hubog/nagapangdaya/binutig/kinalipay kalibutanon /pag ilinaway
- Tanan kita nakabalo kon ano ang ‘maayo’ kag ‘malain’ – kabalo man kita kon ano ang gusto sang Diyos nga aton himu-on…
- Wala naga pamankot kon ano ang indi buhaton – kundi kon ano ang maayo nga buhaton…
- Paano mag tindog nga indi mationg – paano mag tindog para kay Jesu-Cristo…
- Indi parte sa pag kadto sa simbahan sa 3 ka beses sa isa ka simana/pagbasa sang biblia sang 3 ka oras sa isa ka adlaw…
- Indi man sa kaugalingon nga pag panikasog – indi gid naton mahimo ang tsakto sa aton kaugalingon…
- Roma 5:2 – “ Paagi sa iya kag tungod sa aton pagtuo nakabaton kita sang sini nga bugay sang Dios, kag nagakalipay kita sa paglaom nga makaambit kita sa iya kadungganan…”
- Makatindug paagi sa pagtuo kay Jesu-Cristo -makatindug kita paagi sa Bugay!
- 2nd – Indi dapat nga maputos liwat sa gota sang pag kaulipon…
- Gin hilway na kita ni Jesus sa gota sang legalismo – mga patakaran kag pagsulundan…
- Pero kon indi kita mag halong madali lang sa aton mag tinir sa aton mga kinaandan na…
- Imbes nga mag kadto sa simbahan kada Domingo para mag pamati kay Jesus/pulong sang Diyos…
- Naga kadto kita sa simbahan kada Domingo – tungod naandan na!
- Sa kadaman nga secta sa bilog nga kalibutan nag sugod suno sa Espiritu sang Diyos…
- Wala magdugay, nahulog ang mga tawo sa kinanandan – nalipatan na nila ang pag panghikot sang Espiritu…
- Kag sa isa ka henerasyon, ang kina-andan nangin pagsulundan sa pagdumala sang simbahan…
- Kag matalupangdan ta na lang nga mangin walay unod nga klase sang relehiyon – kag indi mo na ma batyagan ang Espiritu sang Diyos nga gahikot sa imo tagiposoon…
- Ang sunod sunod nga wala unod nga klase sang pagsulundan nga naga hambal kon paano magkabuhi…
- Kag may bag-o nga denominasyon nga nabun-ag- ano pa,ang Gino-o nag sugod man sang Bag-o nga Ulubrahon.
- May 3 ka resulta ang pagsikway /kag 2 sini ka mga resulta ang pagsunod – sa duha ka sugo…
- 1st – kon indi kita mag sunod sa kasuguan – si Jesus wala sang mahatag sa aton nga kaayuhan o ginansya… vs. 2
- Kon mangin kabahin ka sang Judio ikaw magaagi sa sercumsisyon – kag mag sunod sa kasuguan kag relehiyon…
- Wala kita sang mabaton nga benepesyo halin sa kamatayon kag pagka banhaw ni Jesus…
- Tungod gin baliwala naton ang regalo sang kaluwasan- kag nag tinguha nga maka kadto sa langit sa kaugalingon nga kusog!
- 2nd – kon indi kita mag tuman -maga damo ang aton nga utang … vs. 3
- Kada tawo nga na sirkom isa siya ka (Judio) – atong naga kabuhi paagi sa relehiyon…
- Ina nga tawo daku ang iya utang – nga mag tuman sang bilog nga kasuguan sang Diyos!
- Ang talamdan sang Kabuhi- kon wala ka ga ginansya – mangutang ka gid…
- Sa amo man sina nga bagay nga e sikway naton ang manggad nga gin hatag sang Diyos paagi sa Pagto-o kay Jesus…
- Mabilin kita sa pag bayad sang utang naton sa sala – kag kadako nga hangkat nga indi naton mahimo!
- Mateo 18:24 –pareho sang isa ka sulugoon nga naka utang 8 ka billion ka pesos sa iya amo!
- Kita naka utang sang impossible nga mabayaran sa Ginoo – bisan ano mo ka pabuot buot ‘ indi bastante!
- 3rd – Kon indi kita mag tuman. Mahamulag kita sa bugay…vs. 4
- Kon tuyu-on mo nga mangin maayo nga tawo – para maka baton sang kaluwasan – kita mga estranghero kay Jesus…
- Kon tuyu-on nga mag tubo kay Jesus paagi sa kaugalingon nga pag tinguha – malayo kita sa Bugay…
- Gina paminsar pa naton nga kon ga obra kita para sa Diyos – naga tubo man kita para sa Diyos…
- Kon permi pa gid kita naga basa sang Bibliya/naga kadto sa simbahan/naga pangamuyo/kag naga hatag…
- Mas batunon kita sang Diyos/pakamayuhon/ kag palanggaon kita – nag palayo pa gid kita sa Bugay…
- Kon may abyan kita nga mag imbitar sa aton nga mag kaon sa restaurant – maga expektar ka nga ikaw ma bayad…
- Pero kon mag kadto ka sa balay nga indi mo kilala kag mangayo ka pagkaon – indi bala nga mabayad ka…
- Kon gapaminsar ka nga mabaton mo ang kaluwasan – kinanglan nga mangin maayo ka para maka palangit…
- Naga pakita lang nga wala kita sang relasyon kay Jesus – kita isa lang ka estranghero…
- Indi malain ang mag basa sang Bibliya/ magpangamuyo / kag mag simba – ina tanan resulta sang Bugay…
- Sa madali nga silingon indi ang karosa ang naga guyod sa karabaw…
- Indi sa pagbasa sang Bibliya/ pagpangamuyo / pag hatag – nga mag tubo kita sa Diyos…
- Kon kita nag tubo paagi sa bugay – gusto naton mag basa sang pulong sang Diyos/mag pangamuyo/ kag mag hatag!
- Ang Bugay sang Diyos ang nag luwas sa aton – kag ang maka patubo sa aton sa aton panglakaton bilang isa ka tumoluo kay Jesus!
- Indi man buot silingon nga ang mga taga Galatia indi Luwas…
- Pero may dako nga katalagman sa pagsikway sang Bugay sang Diyos
- Pareho lang nga gina tulod mo ang salakyan sa dalan – kay sa mag butang sang gas ….
- Kon wala ang Bugay sang Diyos mapunaw kita sa aton panlakaton bilang isa ka tumolo-o…
- Kita paga kapoyon sa pag tinguha nga mag himo sang maayo nga butang – kon wala ang Gahum sang Bugay!
- Madali man nga mag buhi kay Jesus – kay naga paminsar nga indi kita maayo!
- 4th -ang pag Tuman sa kasuguan naga dala sang pagpakamatarong paagi sa Pagtoo… vs. 5
- Matuod gid nga may kabudlayan sa pag pamatok sa sala – tungud nga indi pa kita perfecto…
- Ayhan panan-awan naton sa isa kag isa – matarong – malayo nga matabo!
- Apang kon ang Diyos mag tanaw sa aton makita niya kita nga perfecto na…
- Indi niya kita nakita kon ano kita subong – nakita niya kita sa maabot nga isa ka tinion!
- Kag paagi sa Pagtu-o nagapangalagkag sa paglaum sa maabot nga adlaw nga kita manin diyosnon!
- I Juan 3:2 – Mga hinigugma, karon mga anak na kita sang Dios. Pero wala pa mapahayag kon mangin ano gid kita sa ulihi. Nahibaluan ta nga kon mag-abot na si Cristo mangin kaangay kita sa iya, kay makita gid naton kon sin-o gid siya.
- 5th -Ang Reliheyon wala kahulugan – ini tanan bangud sa pagtoo halin sa gugma… vs. 6
- Indi ka maka pa Langit tungod ikaw isa ka Katoliko / Baptist / Adventist…
- Reliheyon – kon ano man ina nga sekta – wala gid kag indi gid makaluwas sa imo…
- Ang kaluwasan paagi lang gid sa pagtoo kay Jesus – nga naga higugma sa aton kag napatay siya tungod sang aton mga sala!
- 1st – Magtindog nga indi mationg sa kinamatarong paagi kay Kristo nga kita na hilway…
- 2nd – Ang tatlo nga ginkabalaka ni Pablo sa simbahan… vs. 7-12
- 1st -Ang dalalaganon sang mga taga Galacia… vs. 7-8
- Ang Kristiyano nga pag kabuhi pareho sang isa ka palumba – may ara nga umpisa kag katapusan…
- Nagsugod ang aton pag dalagan sang tion nga nag to-o kita kay Jesus – kag matapos man sa tion nga kita mapatay…
- Naga palumba kita sa pag dalagan agod nga maka baton kita sang padya -si Jesu Cristo – Filipos 3:14…
- Kalabanan bilang isa ka tomolo-o naga sugod sang maayo sa pag dalagan – pero wala nakatapos sang maayo…
- Sa palumba sa pag dalagan kinanglan nga mag pabilin sa ‘kaugalingon nga linya’…
- Pero kon may mag dalagan sa imo nga linya – naga sablag siya sa imo linya – ukon may naga upang sa imo pag dalagan…
- Madamo sang butang nga kita may sablag sa aton pag dalagan – naga harang sa pag dalagan…
- Hebreo 12:1 – “Karon, kon parte sa aton, ang aton halimbawa pareho sa nagadalagan sa palumba nga ginalibutan sang madamo nga mga tawo nga amo ang mga nagpamatuod sang ila pagtuo sa Dios. Gani bayaan ta ang mga sala nga nagahawid sa aton, ang tanan nga butang nga nagabalabag sa aton pagdalagan. Padayunon ta gid ang aton pagdalagan hasta sa katapusan..”
- Kinanglan magtinguha nga talikdan naton ang sala nga naga butong sa aton paidalum – nga kita paga kapoyon…
- Agod nga matapos naton ang pag dalagan nga may kalipay – sa pag baton sang padya nga naga hulat sa aton sa katapusan!
- Sa pagkamatuod indi ang Diyos ang nagasablag sa aton pagdalagan…
- Ang Diyos indi man siya ang naga upang sa aton alagyan sa pagdalagan pakadto sa inangan…
- Kag sa masami nga ga katabo gina butang naton ang aton pagto-o sa aton nga abilidad – ukon ang patakaran sang iban…
- Kag kon kita masulay – kag ingi makatindog sa aton ikasarang – naga kapukan kag mahulog…
- Kon ang kabuhi nga daw mawasdak na – gina basol naton ang Diyos tungod sang aton kasaypanan…
- Pero indi gid sayop sang Diyos -kita ya ang nag pili nga mag sunod sa patakaran kay sa Ginoo…
- 2nd -Amo ni ang gina pinsar sang simbahan … vs. 9-10
- Diutay nga Lebadura (yeast)- makapahabok sa bilog nga ginamasa sa malip-ot nga tini-on…
- Ang pampahabok– ginatawag nga Lebadura( yeast) – amo ini ang gapanguna nga panangkap agod nga ang tinapay mag habok…
- Ang Lebadura(Yeast) isa ka magagmay nga -organismo – tanom – masugod nga ma peirde kon maka tandog sa harina…
- Ang gas nga gina pa guha sa proceso naga resulta nga ang tinapay naga tubo…
- Diutay lang gid sang Lebadura(Yeast)Ang kinahanglanon agod nga mahil-ob ang isa ka namasa nga hilimoon nga tinapay…
- Ang Lebedura gina gamit sa Biblia sa pag laragway sang sala –gina ilug agud nga mag lapta…
- Magamay lang nga legalismo – maga lapta kag mag laton sa bilog nga simbahan…
- Kon ang isa ka pastor mag hambal kon pila siya ka oras nga naga pangamuyo…
- Kon may ara man nga naga hukom sa pamayo sang iban…
- Malas pa lang ang bilog nga simbahan kinanglan mangamuyo sang 6 ka oras kada adlaw…
- Kag kinanglan nga mag pamayo sang matahum, para lang mabaton sa atubang sang Diyos!
- 3rd – Ang gamo nga alatubangon… vs. 11-12
- Si Pablo naga salig sa Diyos…
- Nga ang mga taga Galacia nga wala na sang iban nga pinsaron, nga ma intiendihan nila ang Bugay!
- Kag ang Diyos na ang maga hukom sa mga naga pang gamu sa simbahan…
- Si Pablo gin hingabut tungod nga naga tudlo siya sang maayong balita sang Bugay…
- Kon si Pablo naga tudlo man sang indi amo pareho sang huwad nga maayong balita sang Judaismo – manami-an sila kay Pablo…
- Pero naga tudlo c Pablo sang kasalandaran nga mensahe sang Krus – madamo ang naga ka ugot!
- Kon naga tudlo kita sang relehiyon- indi man sila mag lalis sa aton…
- Kon mag sugid kita sang maayong Balita parti sa relasyon kay Jesus – ma akig sila…
- Nagpangabay si Pablo nga ang naga pang-gamu sa simbahan makapon (castrated)…
- Si Pablo naga gamit sang talinghaga nga tinaga – kay naga estoya sila sang topiko nga sircumsisyon…
- Ining mga Judaismo nga nagatudlo nga kinanglan nga paga tuli-on agod nga maluwas…
- Si Pablo gusto nga makapon sila (castrated) – agod nga indi na sila makapamata pa…
- Utodon ang Legalismo – para nga indi na maglapta…
- Legalismo / relihiyon pareho sang isa ka kagaw nga kadasig mag lapta/manglaton kon indi pag tapnaon…
- Indi mag hulat sa higad – tindugi ang ginatudlo ni Jesus – indi pag tuguti nga indi mo masabat ang ginapamangkot sa imo…
- Ang mga tawo naga pati nga ang ila nga reliheyon amo ang maka luwas sa ila…
- Kag wala gid kabalo kon ano ang gahulat nga pag hukom sa ila…
- Kuha-a ang oportunidad nga mag sugid sang gugma ni Jesus sa iban nga tawo…
- May ara nga makapaayo – indi sa relihiyon – kundi sa relasyon kay Jesus!
- 1st -Ang dalalaganon sang mga taga Galacia… vs. 7-8
- 3rd –Ang kay Pablo nga handum sa isa ka simbahan… vs. 13-15
- 1st – Si Pablo naga handum nga ang simbahan may ‘Kahilwayan… vs. 13
- Pero dapat ang simbahan mag tagam nga indi pag gamiton ang kahilwayan nga himu-on nga rason/balibad sa pag himo sang sala…
- Ang aton kaluwasan indi na ba-se sa aton maayo nga buhat/ imo balor – kundi sa Pag to-o kay Jesus…
- Bisan ano pa nga klase kag kadako sang aton sala –ang Bugay makatabon sang aton sala…
- Pero ang kabuhi tapos nga nag to-o kay Jesus dapat nga indi na magpabilin sang una nga gawi kundi bag-o na nga tinuga…
- Ang aton binuhatan indi makaluwas sa aton–pero kon kita na luwas – ang kabuhi naton mangin bag-o na…
- Roma 6:14 – “Gani ang sala indi dapat maggahom sa inyo, kay wala na kamo sa idalom sang Kasuguan, kundi ara na sa idalom sang bugay sang Dios.”
- Ka hapos mag hambal nga may pag To-o kita kag naga pati kay Jesus –pero ang gapamatuod amo ang aton nga gawi…
- Kon ga siling ka nga ikaw Kristohanon– pero ga kabuhi ka nga kalibutanon –may pag to-o ka gid bala…
- Pareho sang isa ka kahoy sang mangga – pwede mo tawgon nga kahoy siya nga Palma – pero makita mo sa bunga kon ano siya nga sahi sang kahoy…
- Pwede naton matawag kaugalingon ta nga kristohanon – pero naga padayon gihapon sa pag pakasala – Kristohanon ka gid bala…
- Indi ta pag limbongon aton kaugalingon – indi gid pag gamita ang bugay nga rason/balibad nga mag pakasala!
- 2nd -Si Pablo naga handun para sa isa ka simbahan nga may Gugma… vs. 14-15
- Ang tanan nga kasugu-an natuman sang Gugma – ‘ Indi kamo magbalos ukon magdumot sa iban, kundi higugmaa ninyo ang inyo kapareho pareho sang inyo paghigugma sa inyo kaugalingon. Ako amo ang Ginoo.’ – Leviticus 19:18…
- Ang kasuguan natuman sang Gugma – Tungod ang Diyos Gugma – I Juan 4:7-8
- Pero kon kamo magsinuayay / lamunon ninyo ang isa kag isa – maubos gid kamo …
- Isugid ang maayong Balita sang Bugay – nga may gugma…
- Ang mga katawhan dapat maka bati – dapat maka balo sila nahanungod sa Bugay sang Diyos – ang Maayong Balita…
- Pero indi mang atake sa mga nalubong sa sayop nga pagla-um kag relehiyon…
- Ang paras nga tinaga – maka serado sang tagiposoon sa mga naga kinanglan kay Jesus…
- Isugid mo Maayong Balita – tagai sila sang gugma ni Jesus…
- Juan 13:35 " Kon nagahigugmaanay kamo, ina mahibaluan sang tanan nga kamo akon mga sumulunod."
- 1st – Si Pablo naga handum nga ang simbahan may ‘Kahilwayan… vs. 13