Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Review…
- 1st – Galacia 1:1-2:21 – Ang Personal nga experiensya ni Pablo sa maaayong Balita sang Bugay…
- Ang mensahe sang Maayong Balita – Bugay kag Paghida-et paagi sa krus ni Jesus…
- Naluwas bangud sa Bugay – ngaa nga gusto pa nga mag tubo kay Jesus paagi sa Kasuguan…
- 2nd – Galacia 3:1-4:31 – Ang Maayong Balita sa Bugay Base sa Kasuguan ni Moses..
- Ang bisan sin-o nga mag sunod sa Kasuguan/maayong Buhat – napaidalum sa pagpakamala-ut – Deuteronomeo 27:26
- Ang Bugay (ang saad kay Abraham) makaligad 430 tuig bag-o mag abot ang Kasuguan…
- Ang kasuguan gin hatag para ipahayag ang sala – para ipakita nga kinanglan naton ang manlululuwas -nga si Jesus…
- 3rd – Galacia 5-6 – Ang pag aplikar sang maayong balita sa bugay sa aton pang adlaw adlaw nga pag kabuhi…
- 2 ka sugo – tindugi ang kahilwayan nga mayara kita kay Jesus / indi mag pagapos sa pagkaulipon
- Kon mag balik kita sa‘pagsulundan’ – wala sang benispisyo sa aton si Jesus – kag magapabilin kita nga may utang sa Diyos!
- Pero kon mag pasakop kita sa Bugay kita mangin matarung paagi sa pag to-o -nagahikot sang gugma!
- Si Pablo naga paandam sa simbahan nga indi mapahalin/maupangan sa pag dalagan…
- Ang mga naga tudlo sang legalismo amo ni sila ang naga pasandad sa mga tomu-lu-o…
- Ginahambalan sila ni Pablo nga Pahalinon – kay ang gamay lang nga pampahabok magalatom sang madasig…
- Kag makigbahin sang mensahe sang Bugay sa mahigugmaon nga paagi!
- Ang Espiritu vs. Ang Tawhanon… (3 kabutang)
- 1st – Ang pag pakigaway sa sulod naton… vs. 16-18
- Gin tuga kita sa tatlo ka bahin – espiritu/hunahuna / kag lawas…
- Espiritu –amo lang ini nga bahin nga may eternidad …
- Lawas – ang aton unod – dutan-on nga lawas…
- Hunahuna – dira ga halin aton pag pili kag desisyon – duha lang ka bagay Espiritu ukon ang tawhanon
- Ang kahulugan sang tawhanon ukon lawas…
- Ang tawhanon nga handom/mga kinahanglanon sang tawo – naga representar sang malaut nga kinaugali…
- Wala sang handom nga magpahamuot sa Diyos –mag serbisyo sa Diyos – gina paminsar lang ang umalagi nga kinahanglanon…
- Wala naga paminsar sang resulta sang gina-obra –kundi ang umalagi nga kalipay
- Ang Kahulugan sang Espiritu…
- Patay sang wala pa na luwas – natawo liwat sang pag to-o naton kay Jesus…
- Ang may eternidad nga bahin sang tawo –ang kaalam sang Diyos ginbutang sa tagiposoon sang tawo…
- Kon na intiendihan mo ang kabuhi indi lang umalagi nga kalipay ang imo paminsaron…
- Ang pagkilala sang resulta – pareho nga umalagi kag wala katapusan – sa aton gina himo…
- Ang handum nga makapahamuot kag mag serbisyo sa Ginoo sa aton pareho nga gina himo kag nahunahuna…
- Ang pakig away sa aton hunahuna – ginapati ta bala ang aton tawhanon ukon ang Espiritu…
- Kada desisyon naga himo kita sang impluwensya sa pag pakig away….
- Ang aton huna -huna literal nga ginapakigawayan sa pag kontrolar sang aton ginahimo…
- Gina pili ta bala nga mag kabuhi sang kalipayan/nga umalagi – ukon ga kabuhi para sa Ginoo…
- Ang tawhanon nagahambal nga nagutom – kag wala pagkaon – mangawat pagkaon para makakaon…
- Ang Espiritu mahambal nga sala ang pag pangawat –masalig siya sa Diyos nga mahimun-an ang iya kalanonon
- Ang Espiritu ga hambal nga mag bugtaw kag mag hatag tion sa pag pamalandong sang polong sang Diyos…
- Ang tawhanon mahambal nga tulog anay – makabasa ka man lang bisan ano oras – buas lang
- Paano naton madaug ang aton tawhanon…
- Kalabanan nga una naton ginatulok amo ang – pagsulundan – abi naton kon maka palayo kita sa sala…
- Kabalo kita nga ang pagsulundan indi maka luwas sa aton – indi gid kita perpekto…
- Roma 3: 20 – “Kay wala gid sing tawo nga pakamatarungon sa atubangan sang Dios paagi sa pagtuman sang Kasuguan. Ang Kasuguan ginhatag sa tawo agod ipakita nga siya makasasala.…”
- Basi ginahunahuna naton nga kon luwas na kita – ang pag sulundan maka pugong sa aton nga makasala…
- Makadto sa simbahan 2x beses sa isa ka simana / mangamuyo kada adlaw / mabasa Biblia 1 chapter kada adlaw…
- Dason makalikaw na sa sala – makakabuhi para kay Jesus – kag makasunod na sa…
- Nga daw na luwas paagi sa Bugay – kag ang maayong buhat maka likaw sa aton sa pagpakasala!
- Pero ang sayop nga gina tan-aw naton sa pagsulundan – kag naga pabilin kita gihapon sa aton tawhanon…
- Bisan sa sinsero nga ATON pagpati/ ATON abilidad / ATON kusog para maka likaw sa sala!
- Ang Problema kay indi kita masaligan – kita makasasala – kag kita naga kapaslawan…
- Maka saad kita sa aton kaugalingon nga indi kita mag padala sa sala liwat…
- Pero sa isa lang ka tion sang aton kaluyahon – isa ka opurtunidad – mahulog kita sa sala liwat!
- Ang problema indi ang aton pagsulundan – ang aton problema amo ang aton tagiposoon…
- Ang pagsulundan puro maayo nga butang – kag ayhan aton man gid sundon – sa pila lang ka adlaw…
- Indi buot singanon nga indi ta gusto mag himo sang maayo nga butang – pero indi gid kita makahimo sang maayo sa kamatu-oran lang!
- Roma 7:15 – “ Indi ko maintiendihan ang akon ginahimo. Kay ang maayo nga mga butang nga gusto ko nga himuon indi ko mahimo, pero ang mga butang nga indi ko gusto himuon amo ang akon ginahimo.”
- Ang problema ang tagiposoon/ang handum/kailigbon – kaugalingon ta ang problema – naga himo sang sala suno sa gusto sang tagiposoon!
- Ngaa nagahimo ako sang sala nga kabalo man ako nga sala – tungod gusto sang tawhanon ko ang sala – wala sang may naga pamilit nga mag himo ako sala…
- Ngaa wala ko ginahimo ang maayo nga nahibaluan ko nga tsakto – tungod indi ta gusto…
- Indi ko ma liwat ang akon tagiposoon – paano ko maliwat ang gusto ko himuon…
- Kon naga lakat kita sa Espiritu – indi naton ma busog ang tawhanon nga handum…
- Ang ginakahadlukan ko nga ang kadamu-an nga tawo maatubang sa ‘pakigaway sa sala’ kulang sa preparasyon…
- Atubangon nila sa kaugalingon nga ikasarang – tapos magumon ang paminsaron kon ang sala ang mag da-ug sa away…
- Permi gid kita naga kahulog sa sala sa aton pangabuhi – tungod nga naga dala kita sang batota kontra sa pistola’…
- Paano naton madaug ang aton tawhanon nga kailigbon – paano naton ma bag-o aton ‘kagustuhan’…
- Paagi sa gahum sang Balaan nga Espiritu -nga maka liwat sang aton handum kag kagustuhan!
- Ang Paglakat sa Gahum sang Balaan nga Espiritu…
- Ang Balaan nga Espiritu naga papati sa aton nga kita makasasala sang wala pa naton makilala si Jesus – Juan 16:7-8
- Ang Balaan nga Espiritu naga istar sa aton tagiposoon sang nag tu-o kita kay Jesus – Juan 20:22
- Ang Balaan man nga Espiritu ang naga hatag sa aton sang gahum sa pag daug sa aton tawhanon nga handum/ kag sala…
- Si Saul isa ka tawo nga namusingan ang kasaysayan – manug-patay – indi gid magamit sang Ginoo…
- Tubtub sang napuno siya sang Balaan nga Espiritu – Binuhatan 13:9 – kag ang iya nga ngalan gin ilisan sang Pablo…
- Napuno sang Balaan nga Espiritu kag nangin labing daku nga galamiton sa hilikoton sang Diyos sa kasaysayan!
- Basi ikaw may yara nga reputasyon – ang imo ngalan naga dala sang bagahe…
- Ang Diyos gusto ka niya pun-an sang balaan nga Espiritu – tagaan sang bag-o nga ngalan – kag bayluhan ang tagiposoon!
- Paano naton makuha ang Gahum sang Espiritu – paagi lang sa pag pangayo…
- Mateo 7:7 – “Magpangayo kamo sa Dios kag hatagan niya kamo. Pangitaa ninyo sa iya ang inyo ginapangita kag makita ninyo. Magpanuktok kamo kag pagabuksan niya kamo…”
- Indi lang sa isa ka beses – pero permi-permi gid mag pangayo sa Balaan nga Espiritu
- Lucas 11:13 -"Ti kon kamo nga mga tawo nga malaot makahibalo maghatag sang maayo nga mga butang sa inyo mga bata, daw ano pa gid ang inyo Amay sa langit! Ihatag gid niya ang Espiritu Santo sa mga nagapangayo sa iya."
- Gakinanglan ka sang Gasolina para nga mag dalagan ang isa ka salakyan – imo gid permi butangan unod ang tanke sang Gasolina…
- Kinahanglanon ta man ang pang adlaw adlaw sa pag puno sang Balaan nga Espiritu para mag madinalag-on sa pakig bato sa tawhanon nga handum!
- Ang resulta kung napun-an ka sang Balaan nga Espiritu…
- II Corinto 4:7 – “Kami pareho gid lang sa kolon nga ginbutangan sining malahalon nga butang, agod mahibaluan sang mga tawo nga ang gahom nga indi matupungan nga ari sa amon mga lawas nga maluya indi halin sa amon, kundi sa Dios.”
- Kon puno kita sang aton kaugalingon – aton tawhanon – mapierdi gid kita sa aton kabuhi kay Jesus …
- Pero kon wala gid kita – kag wala naga depende sa aton kaugalingon – napun-an ni Jesus -kag Balaan nga Espiritu…
- Kag makita naton nga ang Diyos ang naga bag-o sang aton tagiposoon – aton handum – makita ta nga gamadinalag-on kita batok sa sala
- Indi buot silingon nga indi na kita makahimo sang na-anadan nga gusto naton himu-on…
- Wala na kita naga handum pa sang gusto ta – kundi gina gusto naton mag kabuhi para kay Jesus!
- 2nd – Ang gina obra sang aton tawhanon… vs. 19-21
- Usisa-a maayo imo kaugalingon nga kabuhi – kon makita mo nga nagasunod ka sa tawhanon ukon sa Espiritu…
- II Corinto 13:5 – “ Usisaa ninyo ang inyo kaugalingon kon bala may pagtuo gid kamo kay Cristo. Indi bala nahibaluan na ninyo nga si Cristo Jesus ara sa inyo?—luwas na lang kon indi kamo matuod nga mga tumuluo…”
- Kon naga gawi ka gihapon sang mas malain pa sang sa mga kalibutanon nga ara sa imo palibot – diin si Jesus…
- Kon naga huna-huna ka kon diin ka na sa imo lakat sa Ginoo – Usisaa imo kaugalingon…
- Naga kabuhi ka bala sa hungod nga pag pakasala – gina panghiwala mo bala ang kombiksion sang Balaan nga Espiritu sa imo kabuhi…
- Ukon gin patawad paagi sa Bugay – wala na nagakabuhi sa sala – kundi naga gawi sang kabuhi para kay Jesus!
- Gin lista ni Pablo ang mga buhat sang tawhanon – nga nadayag nga ga sunod sa aton tawhanon – 4 ka sahi…
- 1st – Pagpakighilawas – isa ka pamatu-od sa kabuhi nga gapangibabaw ang tawhanon…
- Pagpanglahi – bisan ano nga klase nga seksuwal nga relasyon nga guha sa kasal…
- pagkamakihilawason – pornia – dira nahalin ang tinaga nga pornography – mga laragway sang mga babayi nga wala sang panapton…
- Kahigku-an – gahuna huna seksuwal – nagapantasya sang babayi sa pamensaron…
- Pagkabastos – kabuhi nga ginapinsar lang amo ang sekso /binastos nga lahog / di-naga kaangay nga komento…
- Kabuhi nga naga pangibabaw ang pagpakighilawas – kabuhi nga ang gagahom ang tawhanon!
- 2nd – Wala gina Una ang Diyos sa kabuhi…
- Idolatriya – bisan ano nga gina una naton sang sa Diyos…
- Nga naga dulong sa aton nga mag salig sa mga butang luwas sang sa Diyos nga naga tabang sa tion sang kabudlayan sa kabuhi…
- Horoscopes /babaylan / disparatis / pang himalad /panghiwit…
- Gapakig hampang sa demonyo – gabukas ka sang gahum sang kadudulman…
- Ginabutang ang pag salig sa tawo – kahimtangan – demonyo – sang sa Diyos…
- 3rd -Sa aton naman nga relasyon personal…
- Kaakig /pagilinaway / silabo sang kaakig / pag-patay – buhaton taman ukon sa Tagiposoon.
- Kaimon /kahisa – gusto sang iya sang iban nga indi iya -pamatyag niya mas nagakabagay nga may ara siya sang sobra…
- mahamkunon – unahon ang kaugalingon nga kinahanglanon kay sa iya sang iban nga kinahanglanon…
- Naka centro sa iya kaugalingon nga kabuhi – isa ka kabuhi nga gapangibabaw ang tawhanon!
- 4th – Pagpahubog kag pag pangalipay – naga pamatu-od sang tawhanon…
- Nagapahubog para malimtan ang sala – sang sa magpalapit sa Diyos kag mag hinulsol sang sala…
- Ang iban naga kadto sa magansal nga pagkalipay / binayle para malipay sang makadali – wala naga pamensar sang buwas…
- Indi pa kompleto ang na lista – pero amo ina ang halimbawa sang tawhanon nga kabuhi…
- Para mahibaluan ta nga nagalakat kita sa tawhanun –bangud amo ini ang unod sang aton pamensaron…
- Kon ara kita sa aton nga tawhanon’ – ma dominar kita sang tawhanon man nga handum…
- Umalagi nga kalipay / kasinkal / bugal / pagka ibog / kaakigon / paghinakit / kaimon…
- Kag maabot ang tion nga ibaliwala ta na ang butang nga may kaangtanan sa Ginoo – ang Pulong sang Diyos / pagpangamuyo/ mag pakig upod sa pareho mo nga kristohanon
- Ang resulta kon nagalakat kita sa aton tawhanon’ – indi ta maka kadto sa Gin harian sang Diyos…
- Nagakahulugan nga ang nagahimo sang sini nga mga butang indi maka kadto sa langit!
- Kon naga siling ka nga kristiyano ka – pero naga kabuhi pareho sa wala sang Diyos – makasiling ka pa ayhan nga may pag tu-o ka…
- Matawag naton aton kaugalingon nga Kristohanon –pero naga padayon sa pag pakasala – matawag mo pa bala kaugalingon mo nga may Kristo…
- Ang aton kabuhi sang nakilala na naton si Jesus dapat lain na – nagliwat na…
- Santiago 2:17-18 – “Amo man ang pagtuo; kon wala ginaupdi sang maayo nga mga binuhatan, ina nga pagtuo wala sing pulos…”
- Indi man buot silingon nga wala kita sang sala – ginapatungud ini sa mga naga buhat sa sini nga mga butang…
- I Juan 3:9 – “ Ang tawo nga nangin anak sang Dios wala nagapadayon sa pagpakasala, kay ang kinaugali sang Dios ara na sa iya. Kag tungod nga ang Dios amo ang iya Amay, indi na siya makapadayon sa pagpakasala…”
- Sa aton nga tumolu-o – kon makasala kita – may ara gid nga pag kasubo – pag tuad – paghinulsol…
- Kon wala sang pag kasubo –wala naga hinulsol sang nahimo nga sala –dako gid ang rason nga magkabalaka sini…
- Indi gid kita makasiling nga naluwas kita kon naga padayon kita kag wala naga hinulsol sang aton mga sala!
- 3rd – Ang Bunga sang Espiritu… vs. 22-26
- Indi obra sang Espiritu – kundi kon ano ang bunga sang Espiritu…
- Kita naga buhat sang obra sang tawhanon – ini nagikan sa aton nga sala nga mga handum…
- Apang ang ‘bunga’ sang Espiritu isa ka butang nga ang Diyos nag obra para sa aton – ini tanan nag halin sa Iya!
- Indi mo gid ma himo kaugalingon mo nga Diyosnon – ini resulta nga may kaangtanan kay Jesus…
- Juan 15:5 – “Ako amo ang puno sang ubas, kag kamo ang akon mga sanga. Ang tawo nga nagapabilin sa akon kag nagapabilin man ako sa iya, siya amo ang magapamunga sing madamo, kay kon wala ako sa inyo wala gid kamo sing may mahimo.”
- Ang bunga sang Espiritu…
- May isa lang ka bunga – amo ang Gugma…
- Natalupangdan mo bala nga naga hambal nga ‘ang bunga’ sang Espiritu – indi ang ‘mga bunga’ sang Espiritu…
- ANG bunga amo ang Gugma – mahibaluan nimo kon naga lakat ikaw sa Espiritu kon ikaw may Gugma…
- Ang pinaka importante – ang Gugma sa Diyos – Deuteronomeo 6:5
- Kag amo man ka pareho nga importante – ang Gugma sa iban – Leviticus 19:18
- Ang pamatu-od nga nagalakat ka sa Gugma – 8 halimbawa…
- Malipayon – kalipay nabase sa kahimtangan…
- Kon naka kita ka P100 sa duta – malipay ka – libre nga kwarta…
- Kon may nakakita nga gin pulot nimo kag hambalon ka nga indi imo ang gin pulot mo nga kwarta – ikaw masubu-an…
- Ang ini nga kalipay mas madalum – indi na basi sa imo kahimtangan – ikaw nagakalipay kay Jesus!
- Kalinong – tungod ikaw napatawad – wala kana gakabuhi nga mahadlukan sang pag hukom sang Diyos…
- Mainantuson kag pagkalulo – tungod naga pakig away kita sa eternidad sang tawo…
- Ang mga tawo nga gina pang lab-ot naton – yara pa karon sa kampo sang kontra – si satanas…
- Buot silingon damo sila nga ihambal nga masakitan kita…
- Sang sa nga mag balos kita -kinanglan naton nga mag pasensya – kag mag pakita sang kalulo…
- Bangud nga maayo ang Ginoo – agod nga madala sila kay Jesus – Roma 2:4
- Maayo – Ang Kabuhi nga nagakahulugan sang maayo nga butang – matadlong nga tagiposoon kag kabuhi…
- Matutum – dapat wala sang pamakot ang tawo sang aton integridad – ginatapos kon ano ang gin suguran…
- Pagkamapainubuson – kinanlan nga ma intiendihan nga indi sa aton abilidad – ini tanan tungod kay Jesus!
- Pag pugong sa kaugalingon – indi sa aton huyog / handum nga mag dala sang aton kabuhi – kontrolado ni Jesus ang tanan!
- Kon naga lakat kita sa Espiritu wala na kita gakinanglan sa mga pag sulundan…
- Bangud bag-o na aton tagiposoon- wala na naga kinanglan sang pagsulundan kon ano ang buhaton…
- Nagahimo na kita sang tsakto nga butang – naga dala sang maayo nga bunga -paagi sa gahum sang Espiritu
- Nalansang na ang aton tawhanon nga gawi – ang mga huyog kag mga handum…
- Kon ara kita sa Espiritu’ – puno man kita sang butang nga iya sang Espiritu’
- Sa eternidad na ang aton palananawon – langit / mag higugma sa Diyos kag sa iban man / nga mahamuot ang Ginoo…
- Nagahandum nga ara sa Pulong sang Diyos / maghatag sang tion sa pag pakighambal sa Diyos – amo ang Pangamuyo…
- Indi ma dala sa kalipay sining kalibutan – kundi mag handum nga mahamuot ang Diyos!