Genesis 1:3-31

6 DAYS OF CREATION…

• 1^ST – Day 1 – Ang pagtuga sang kasanag… vs. 3-5
  • 1^st – Ang Pulong sang Dios… vs. 3
    • Ka 10 makita sa chapter 1 ang – PULONG / JESU-CRISTO
    • Juan 1:1-2 – “Sang una pa nga daan, ara na ang ginatawag nga Pulong. Ang Pulong kaupod na sang Dios, kag ang Pulong mismo Dios. Halin pa gid sang una ang Pulong kaupod na sang Dios.”
    • Sa vs. 1 makita naton nga ang Dios ang ginhalinan sang tanan…
    • Sa vs. 2 makita naton nga ang Espiritu ang nagahatag sang kusog sa tanan nga mga butang…
    • Sa vs. 3 makita naton nga ang Pulong amo ang nag upod sang tanan nga butang…
    • Sa pagsiling sang Dios – natuga ang kalibutan…
    • Makasalig kita sa iya nga Pulong – tungod ang bisan ano nga ihambal niya, matuman – II Corinto 1:20
    • Amo man nga Ginoo ang gapakig-istorya sa imo kag sa akon subong – gapamati bala kita…
    • Nagahatag bala kita sang tion sa pag istorya/pangamuyo kay Jesus – ang nagtuga sang tanan nga butang!
  • 2^nd – Magsanag… vs. 3
  • Wala pa natuga sini nga tion ang adlaw kag bulan – diin halin ang kasanag?
  • Si Jesus ang una nga nagahatag sang kasanag sa bilog nga kalibutan – ang Anak sang Dios!
  • II Corinto 4:6-7 – “Ang Dios nga nagsiling, “Halin sa kadulom magasiga ang kasanag,” amo man ang nagpasanag sang amon mga hunahuna agod mahangpan namon kon ano ang gahom nga iya ginpakita paagi kay Cristo. Kami pareho gid lang sa kolon nga ginbutangan sining malahalon nga butang, agod mahibaluan sang mga tawo nga ang gahom nga indi matupungan nga ari sa amon mga lawas nga maluya indi halin sa amon, kundi sa Dios.”
  • Pareho kay Jesus nga nagahatag sang kasanag sa bilog nga kalibutan – siya man ang nagahatag sang kasanag sa aton kabuhi…
  • Nagapinsar bala kita kon ano ang gusto nga ipahimo sang Dios sa aton – kon ano ang iya kabubut on sa aton nga kabuhi…
  • Kon magtulok kita kay Jesus – ANG KASANAG – makita naton ang sabat…
  • Nagahatag bala kita sang tion sa iya nga Pulong – para makita ang kasanag sa aton nga dalan – Salmo 119:105
  • Juan 8:12 – “Nagsiling liwat si Jesus sa mga tawo, “Ako ang suga sang mga tawo sa kalibutan. Ang nagasunod sa akon, indi na magakabuhi sa kadulom, kundi masanagan siya sang suga nga nagahatag sang kabuhi.”
  • 3^rd – Sang san-o gintuga sang Dios ang mga anghel?
    • Wala gid sang direkta nga sabat nga makita sa Biblia kon sang san-o ginhimo ang mga anghel.
      • Gintuga sila Colosas 1:16 – pero wala sila natuga antis sang Genesis 1:1
      • Nahibaloan naton nga ara sila sa Katamnan sang Eden (sang ginsulay ni satanas si Eva) – Genesis 3:1
      • Ezekiel 28:13 – makita nga nagalakat-lakat si Lucifer sa katamnan sang Eden antes siya malaglag…
      • Buot silingon gintuga sila antis sang 6 ka adlaw nga pagtuga sang Dios sa kalibutan!
    • Salmo 104:2-5 – nagahatag sa aton sang ideya…
      • Sa vs. 2 makita kon paano gin humlad sang Ginoo ang langit / natabunan sang kasanag – Day 1
      • Salmo 104-4 “Ginahimo mo ang hangin nga imo mga mensahero, kag ang nagadabdab nga kalayo nga imo mga suluguon.”
      • Sa vs. 5 makita kon paano gintukod sang Ginoo ang pundasyon sang kalibutan – Day 3
      • Ini nagapakita nga gintuga sila antis ginhimo sang Dios ang kalangitan kag kasanag sa una nga adlaw…
      • Pero antis siya maghimo sang duta sa ikatatlo nga adlaw…
      • Basi natabo man ini sa una nga adlaw!
  • 4^th – Sang san-o nag rebelde si satanas…
    • • Ang pagrebelde ni satanas nagsugod pagkatapos sang 6 ka adlaw nga pagtuga sang Dios sa kalibutan – pero antis sang chapter 3…
      • Pahayag 12:4 – 1/3 sang mga anghel (bituon) ang nag upod rebelde kay satanas (dragon) kontra sa Ginoo…
      • Ang resulta ginpahalin sila sang Ginoo sa langit – ginhulog sila sa kalibutan…
      • Kon sa diin magahulat sila sang katapusan nga hukom sa malaot nga mga anghel – Judas 1:6
      • San o sila ihaboy sa dagat nga kalayo nga ginpreparar para sa ila – Mateo 25:4
      • Sugod sato nga adlaw ang mga tawo nga may Jesus sa ila kabuhi wala sing dapat ikahadlok sa ila…
      • Ginhatagan na kita ni Jesus sang gahom kontra sa malaot nga mga espiritu…
      • Lucas 10:19 – “Ginhatagan ko kamo sang awtoridad agod madaog ninyo ang malaot nga mga espiritu kag ang tanan nga gahom sang aton kaaway nga si Satanas, kag indi gid kamo maano.”
      • Isa ka adlaw kita ang isa sa magahukom sa mga malaot nga espiritu – 1 Corinto 6:3
      • Magatulok kita kay satanas kag makahambal – siya gid ang rason sang tanan nga gamo sa kalibutan!
      • Isaias 14:16 – “Himutaran ka sang mga patay kag magasiling sila, ‘Indi bala nga amo ini ang tawo nga nagpakurog sa mga tawo sa kalibutan kag nagpahadlok sa mga ginharian?”
  • 5^th – Pagseparar sang kasanag sa kadulom… vs. 4
    • Gintuga sang Dios ang kasanag – kag namian ang Dios sini – (una sa 7 ka beses nga ginhambal sa Biblia)
    • Dayon ginseparar sang Dios ang kasanag sa kadulom – ginatawag ini nga AGA kag GAB-I…
    • Pero wala niya gintuga ang kadulom – resulta lang ini sang pagkawala sang kasanag…
    • Sa aplikasyon, amo ini ang sabat sa dako nga pamangkot sang mga tawo subong!
    • Indi pamangkot kon ngaa malaot ang kalibutan sa aton palibot…
    • Gani bisan gintuga sang Dios ang tanan nga butang – nga MAAYO – wala niya gintuga ang malaot!
    • Wala gintuga sang Dios ang malaot – resulta ini sang pagkawala sa presensya sang Dios…
    • Kag sa tion nga pasigahon mo ang imo suga, ang kadulom madula gid…
    • Sa tion nga dal on mo ang Ginoo sa bisan ano nga butang – ang malaot wala gid sang mahimo kundi maglakat!
  • 6^th – Ang Gab-i kag ang Aga (pagkatapos sang adlaw) … vs. 5
    • Ginpakita gid sang Ginoo nga natabo ini sa sulod lang sang 24 ka oras/1 ka adlaw…
      • Ang science nagalalis gid nga ang kalibutan 13.8 billion na katuig…
      • Madamo sang mga nagatudlo parte sa Biblia ang nagpangita sang paagi kon paano nila ini ma angot sa Genesis…
      • Ang word nga ADLAW – gin gamit 2287 ka beses sa Old Testament – _____________________?
      • May ara sang teorya nga nagatudlo nga ang ADLAW naga representar sang minilyon katuig…
      • Ginatawag ini sang mga liberal nga DAY AGE nga teorya…
    • Ang Biblia wala nagasugot sa sini nga ideya – klaro gid nga gintuga ini sa sulod lang sa 24 ka oras!
      • Kon nadiparahan niyo may ara sang gab-I kag aga…
      • Kada magamit ang word nga ADLAW- buot silingon aga ukon gab-i…
      • Pero literal gid nga ang buot silingon sini 24 oras!
    • Dumdumon man nga una gab-I antis sang aga…
      • Nagapinsar kita nga ang aga, halin sa pagbutlak sang adlaw asta sa pagtunod sang adlaw…
      • Sa Judio nga tradisyon ang adlaw, halin sa pagtunod sang adlaw asta sa pagtunod sang adlaw sa sunod nga adlaw!
      • Amo na kon mabasahan niyo sa Biblia, ang Adlaw sang Inugpahuway nagasugod sa pagtunod sang adlaw.
• 2^nd – Day 2 – Pagseparar sang mga Katubigan… vs. 6-8
  • 1^st – Pagseparar sang mga tubig sa tubig…
    • Naghambal ang Ginoo matuga ang ulot (17 ka beses nahambal sa OT) nga magaseparar sa tubig sa 2 ka lugar…
    • Ang word nga KAHAWAAN buot silingon ULOT nga nagaseparar…
    • Sa ika duha nga adlaw ginseparar sang Ginoo ang tubig sa kalibutan – tubig sa ibabaw kag tubig sa idalom!
    • Gintawag Niya ini nga KAHAWAAN – ang ULOT sa tunga sang tubig amo ang langit!
    • Ang tubig sa idalom ginatawag nga dagat (wala pa sang duta sa sini nga tion)…
    • Ang KAHAWAAN ginatawag nga sky – ang hangin sa ibabaw sang dagat – ang UNA nga langit…
    • Ang UNA nga langit – amo ang kahawaan nga makita naton sa ibabaw / ang ika DUHA nga langit amo ang kahawaan sa ibabaw sang una nga langit…
    • Ang ika TATLO nga langit – ang puluy-an sang Ginoo – II Corinto 12:2
  • 2^nd – Ang tubig sa ibabaw sang KAHAWAAN …
    • Pareho nga may tubig sa dagat – may ara man sang tubig sa ibabaw sang kalibutan…
      • May ara sang tubig sa Una nga langit – sa ibabaw sang sky (sa taas gid)…
      • Wala ulan sang gintuga sang Dios ang kalibutan (wala sang panganud ukon balangaw)…
      • Genesis 2:5-6 – “Wala pa sing tanom sa kalibutan kag wala pa sing binhi nga nagapamuhi, kay wala pa niya pagpaulana kag wala sing tawo nga magaatipan sa duta. Pero bisan wala sing ulan,ang tun-og sa kalibutan amo ang nagapadayon nga nagapabasa sa duta.”
    • Ang una nga beses nga nag ulan amo ang pagbaha sang tion ni Noe – Genesis 7
      • Ginapainit sang adlaw ang tubig sa ibabaw sang KAHAWAAN – ang resulta, isa ka klima sa bilog nga kalibutan…
      • Wala sing tigpanahon / 1 lang ka klima sa bug-os nga kalibutan…
      • May nakita ang mga scientist sang mabugnaw nga __________________? para pamatud-an ini.
    • Malawig ang kabuhi sang mga tawo sang una antis sang baha – masobra 900 katuig!
    • Pero sang tion ni Abraham 2000 ka tuig ang nagligad pagkatapos ni Adan – nagkabuhi na lang siya 175 katuig…
    • Salmo 90:10 “Ang kalawigon sang amon kabuhi 70 katuig, ukon 80 katuig kon mabakod kami. Pero bisan pa ang pinakamaayo namon nga mga tinuig madamo sang mga kagamo kag kalisod. Matuod gid man nga sa indi madugay matapos ang amon kabuhi kag madula kami.”
    • Madamo sang rason kon ngaa nagalip-ot ang kabuhi sang tawo pagkatapos sang baha…
    • _______________________________________________________________????????
    • Pero isa ka rason amo ang resulta sang tubig sa IBABAW sang KAHAWAAN…
    • Makabulig tani ini sa pagsagang sang init halin sang adlaw.
• 3^rd – Day 3 – Duta / Dagat / Kag mga Tanom… vs. 9-13
  • 1^st – Ang duta kag ang Dagat… vs. 9-10
    • Gintipon sang Ginoo ang mga tubig sa idalom sang langit sa isa ka lugar – maggwa ang mamala nga lugar…
    • May ara kita sang 7 ka kontinente sa bilog nga kalibutan kag ginseparar ini sang 7 ka dagat…
    • Basi indi amo ini ang una nga plano sang pagsugod…
    • Dako gid ang chansa nga basi puro lang duta sang una kag napalibutan lang ini sang dagat…
    • Indi amo ni ang kalibutan nga makita naton subong antis sang baha ni Noe!
  • 2^nd – Nagkalain-lain nga mga tanom… vs. 11-13
    • Naghimo sang 3 ka lain-lain nga kategorya sang tanom ang Ginoo – hilamon / herba / puno…
    • May ara sila sang liso nga amo ang naga padamo sa ila, depende sa ila klasi…
    • NAGKALAIN-LAIN – ka 5 nga beses gin gamit (mga tanom 2x, mga isda kag pispis, mga sapat 2x)…
    • ___________________________________________________?
    • Direkta gid ini nga nagakontra sa mga tawo nga nagatudlo sang Evolution…
    • Ang Evolution naka base sa pagbaylo sang mga sapat sa malawig nga tion!
    • Ang Biblia nagatudlo nga ang mga tanom/sapat nagadamo halin sa kapareho man niya nga tanom/sapat!
    • Desinyo ini sang Ginoo – ang kabuhi indi aksidente / gulpyada – GINTUGA ini sang Ginoo!
    • Indi man buot silingon nga ang Evolution wala sa aton ________________? – sari-sari nga dagway…
    • Ginpasugtan ini sang Ginoo________________?
    • ___________________________________________?
    • Pero ang Evolution – ________________? – ______________________?
    • Wala sang magbukas sang apple kag mag haum nga iya ka mansanas ang liso sini!
    • Sa ginsuguran gintuga sang Dios ang tanan nga nagkalain lain nga sapat/tanom – kag nagadamo sila halin man sa kapareho nila nga liso/bunga/klasi!
  • 3^rd – Gintuga ang mga tanom antis sang adlaw…
    • Kinahanglan sang tanom ang adlaw para mabuhi sila – ___________________?
    • Kag literal gid ang ebidensiya nga 6 lang ka adlaw ang pagtuga sang kalibutan…
    • 24 ka oras nga wala sing adlaw ang mga tanom – gani pagka dason nga adlaw nag abot ini!
• 4^th – Day 4 – Pag-umpisa sang mga panahon / Adlaw / Bulan… vs. 14-19
  • 1^st – Nagsiling ang Dios, “Matuga sa mga kalangitan ang mga butang nga may kasanag…” vs. 15-19
    • Ang KAHAWAAN sa LANGIT amo ang ULOT sa tunga sang una kag ika tatlo nga langit…
    • Sa sini nga ULOT gintuga sang Dios ang ADLAW / BULAN / mga BITUON…
    • __________________________________________________________________?
    • Mas dako ang kasanag sa aga (ADLAW) kag gamay ang kasanag sa gab-i(BULAN)…
    • Para maghatag sang kasanag sa kalibutan – ka 2 ginhambal – para magseparar ang KASANAG sa KADULOM!
    • Ang adlaw amo ang ginhalinan sang kasanag nga nagahatag sa aton sang init kag suga…
    • Ang bulan daw pareho sa patay nga bato nga nagasiga kon matuonan sang kasanag sang adlaw!
    • Ang tion lang nga indi mo makita ang bulan kon matabunan na siya sang kalibutan!
    • Pareho kita sa bulan – wala kita sang kasanag nga halin sa aton…
    • Magahatag lang kita sang kasanag kon makita sang mga tawo ang gugma ni Jesus sa aton kabuhi…
    • Kon padayon kita nga magtulok kay Jesus – makita sa aton ang iya kasanag…
    • Ang tion lang nga indi ini makita kon magtulok kita sa kalibutan!
    • Mateo 5:14 “Pareho kamo sa suga nga nagahatag sang kasanag sa mga tawo diri sa kalibutan. Kag ini makita gid pareho sang banwa nga ginpatindog sa ibabaw sang bukid nga indi matago.”
  • 2^nd – Pag-umpisa sang panahon, adlaw kag mga tuig…
    • Ang kasanag sensyalis man sang panahon / inadlaw kag tuig…
      • Ginhatagan kita sang Dios sang adlaw/bulan/bituon para mahibaloan naton ang panahon/tiempo…
      • Mahibaloan naton kon aga kay may adlaw kag gab-I kon may bulan…
      • Mahibaloan naton ang panahon kon diin nayon naga puwesto ang adlaw sa langit (tig-ilinit, tig-ululan)…
      • Sang tion sa Biblia, mahibaloan mo kon ano na nga bulan ukon tuig depende sa kasanag…
      • Bisan asta subong ang mga Judio naga gamit sang LUNAR nga kalendaryo – 360 ka adlaw / 12 ka bulan / 50 ka semana…
    • Gusto sang Ginoo nga mahibalon naton ang tion kag panahon…
      • Mateo 16:3 “Kag kon aga pa kag ang langit magal-om, nagasiling kamo nga ‘Maulan subong nga adlaw.’ Nahibaluan ninyo kon magaulan ukon indi paagi sa pagtan-aw sa langit, pero indi kamo kahibalo sang kahulugan sang mga nagakalatabo subong.”
      • Pareho nga mahibaloan naton ang panahon / inadlaw / kag mga tuig…
      • Gusto man ni Jesus nga mahibaloan naton ang Epirituhanon nga kamatuoran – ang tanda sang katapusan…
      • Nagatan-aw bala kita? Makita bala naton? – malapit na lang gid ang pagbalik ni Jesus – Lucas 21:28
• 5^th – Day 5 – Mga Isda kag mga Pispis… vs. 20-23
  • 1^st – Nagsiling ang Dios – magdamo ang nagkalain-lain nga mga sapat sa tubig – kag maglupad ang nagkalain-lain nga mga sapat sa kahanginan…
    • • MAGDAMO – buot silingon gulpi lang nagdamo kag may kabuhi ang dagat…
      • Sa pareho man nga adlaw nagdamo ang mga pispis sa kahanginan – nagalupad-lupad sa langit…
      • Indi pareho sa ginatudlo/ginahambal sang Evolution nga 150 million pa katuig ang pagdamo sang mga isda kag pispis!
      • Dungan sila nga nagdamo depende sa ila nga mga klasi pareho sang mga tanom!
      • Kag ginbugayan sila sang Ginoo – magmuad kamo kag magdamo – pun-a ang katubigan kag ang kalibutan!
  • 2^nd – Gintuga (Bara) sang Dios ang kabuhi (ang mga sapat sa dagat kag mga pispis)…
    • Ka duwa nga beses nagtuga ang Ginoo sang butang halin sa wala(1:1)…
    • Gintuga(asah) sang Dios ang mga tanom – pero pagtuga niya sang mga sapat may kabuhi ini…
    • Ang mga tanom indi makapinsar ukon makahimo sang desisyon – pero ang mga sapat ya makahimo sini…
    • Amo ini ang una nga tinaga sa Biblia ang – KABUHI…
    • Gintuga(bara) sang Dios ang kalag – kabuhi (pamainsaron) sang mga sapat…
    • Pero wala sang espiritu ang mga sapat – kon mapatay sila amo na ina ang katapusan – indi kabuhi nga wala sing katapusan!
  • 3^rd – Mga Dalagko nga sapat sa Dagat – (28 ka beses nga gingamit sa OT)…
    • • Damo sang mga pakot-pakot kon ano ining mga dalagko nga sapat sa dagat…
      • Pero ang tinaga nga gingamit sa hebreo sini amo ang man-ug – Exodus 7:9-10 / 12
      • Kalabanan nga ginagamit nga tinaga amo ang dragon (KJV) – ukon basi dinosaur!
      • Damo sang mga kultura ang may lain-lain nga istorya parte sa dragon kag sa mga dalagko nga sapat sa dagat (Egypt, China, Greece)…
      • Pero base sa Biblia tuod ini nga mga sapat kag nabuhi sila kaupod sang mga tawo sang una…
      • Ginsugiran sang Ginoo si Job kon ano ang ginatawag nga sauropodomorph – ikog pareho sa kahoy nga sedro / iya mga paa maskulado – Job 40:17
      • Ginsugid man Niya ang parte sa dragon nga gabuga kalayo (Leviatan) – Job 41:1-34
      • Ang mga dinosaur wala nagkabuhi sang minilyon katuig nga nagligad – basi gani si Adan may ara sini…
• 6^th – Day 6 – Mga Sapat / Tawo… vs. 24-31
  • 1^st – Magkabuhi ang mga nagkalain-lain nga klase sang sapat… vs. 24-25
    • • Nagtuga ang Ginoo sang nagkalain-lain nga sapat sa duta…
      • Mga sapat nga mahagop / maila / mga dalagko kag magagmay…
      • Ang mga sapat nga mahagop amo ang mga sapat nga ginakaon. Ang maila amo ang mga insekto/reptiles…
      • Ang mga dalagko kag magagmay – tanan nga sapat nga may kabuhi…
      • May 1% pa sa tanan nga nagkalain lain nga sapat ang ara pa asta subong – __________________???
      • ____________________________________________?
  • 2^nd – Ang Pagtuga sang Tawo… vs. 26-31
    • • 1^st – Mahimo KITA / KAANGGID naton… vs. 26-31
      • Ang KITA nga ginahambal – indi mga anghel – ang tawo gintuga sang Dios nga kaanggid sa iya…
      • Sa ika 3 nga beses sa una pa lang ng chapter sa Biblia makita na naton ang 3 ka hitsura ni Jesus…
      • 2^nd – MAGHIMO KITA (asah) sang tawo – gani gintuga niya ang tawo kaanggid sa Iya…
      • Gintuga (bara) man sang Dios ang espiritu sang tawo…
      • Amo ini ang ika 3 kag ulihi nga butang nga nagtuga ang Dios halin sa wala!
      • Lain gid ang pagtuga sang Dios sa tawo – ang tawo wala sing katapusan – ____________?
      • Ang pamangkot diin kita maistar sa kabuhi nga wala sing katapusan kon mapatay na kita?
      • May pagpili kita, kabuhi nga wala sing katapusan upod ang Ginoo ukon separar sa iya…
      • 3^rd – KAANGGID sa aton – PAREHO sa aton… vs. 26-27
        • KAANGGID – kita ang naga representar sa Dios…
          • Pareho kay Jesus, siya ang naga representar sang indi makita nga Dios – Colosas 1:15
          • Dapat i representar man naton ang Ginoo sa kalibutan!
          • Paano makita sang kalibutan/tawo ang parte kay Jesus – paagi sa pagtan-aw sang aton kabuhi!
        • PAREHO – pwede naton mahambal nga pareho kita sa Ginoo…
          • Sa ano nga paagi – pareho sa Ginoo ____________________?
          • Isa kita ka LAWAS / KALAG / ESPIRITU…
          • Naga-istar kita sa lawas – may pinsar kita – kag may ara kita sang espiritu!
          • Ang pamangkot – sin-o gid bala ang naga kontrol sang aton kabuhi?
          • Ang tanan naton nga desisyon mahimo sang aton paminsaron (Kalag)…
          • Pero aton kalag gaka-impluwensyahan sang aton lawas ukon ESPIRITU…
          • Kon sin-o ang aton ginapakaon sa ila nga 3 amo ang mas madako/mabaskog – naga impluwensya sang aton desisyon – kag naga kontrol sang aton paminsaron…
          • Ang pamangkot ginpakaon bala naton ang aton ESPIRITU ukon ang aton LAWAS!
          • Galacia 3:27 – “Kay ginbautisohan kamo sa inyo paghiusa kay Cristo. Kon sa mga bayo, ginsuksok na ninyo si Cristo.”
          • LALAKI kag BABAYI… vs. 27
            • Madamo sang istorya kon paano nga una si Adan – dayon si Eva…
            • Mas ginhatagan nila importansya kon sin-o ang nauna…
            • Pero gintuga sang Dios ang LALAKI kag BABAYI nga Iya KAANGGID!
            • Palareho kita tanan sa panulok sang Dios – tanan makasasala kag naluwas paagi sa grasya sang Dios!
            • Pero kada isa sa aton hatagan sang Dios sang posisyon
            • Hatagan naton ini sang importansya – buligan naton ang isa kag isa…
            • Indi buot silingon sang Dios nga ang imo posisyon taas sang sa iban – tanan kita palareho!
            • Galacia 3:28 “Karon palareho na lang ang mga Judio kag ang mga indi Judio, ang mga ulipon kag ang mga indi ulipon, ang mga lalaki kag ang mga babayi. Kita tanan palareho na lang tungod nga kita ara na kay Cristo Jesus.”
  • 3^rd – Magagahom… vs. 26/28
    • • Ginhatagan sang Dios ang tawo sa paggahom/paghari sa tanan nga klase sang sapat / nagalangoy / nagalupad / nagalakat/ kag ang nagakamang…
      • Ginsugo niya ang tawo nga magpamata kag magpakadamo – magpalapta kag magagahom sa bug-os nga kalibutan…
      • Kabubut-on sang Dios nga ang tawo mangin manugbantay sang iya mga gintuga – Hebreo 2:8
      • Indi gusto sang Dios nga simbahon naton ang iya mga gintuga – ang mga balyena ukon mga puno…
      • Pero gintawag Niya kita para mangin maayo nga manugbantay sang iya mga tinuga – para palanggaon ang kalibutan nga ginhatag niya sa aton!
      • I Corinto 4:2 “Kag ang tawo nga ginasaligan dapat magpakita nga masaligan gid siya.”
  • 4^th – Ang mga prutas kag mga tanom para kaunon… vs. 29-30
    • Ginhatagan kita sang Dios sang mga tanom kag prutas para kaunon – wala sang karne nga ginakaon sang una…
    • Bisan ang mga sapat, mga tanom lang kag prutas ang ginakaon – wala gid sang karne!
    • Nagpasugot lang ang Dios sa pagkaon sang karne sa mga tawo pagkatapos sang baha ni Noe – Genesis 9:3
    • Buot bala silingon mas maayo nga indi na lang magkaon sang karne – wala sing matinlo – Roma 14:14
    • Bisan ano pa naton ka exercise ukon dutay kaon – ang katapusan amo lang gyapon – mapatay kita…
    • Indi buot silingon nga indi na kita magkaon – ________________????
    • Ang importante – magtubo kita sa Ginoo – kay amo ini ang butang nga wala sing katapusan!
  • 5^th – Ang bayad sang pagtuga…
    • Kon kabalo ka nga ang paghimo sang desisyon may bayad nga kabuhi – himuon mo pa bala ini…
    • Ang Ginoo nakabalo sang tanan – Makita Niya ang una kag ang katapusan – Isaias 46:10
    • Nakabalo ang Dios nga sang pagtuga niya sang tawo – buot silingon kinahanglan niya mapatay – Isaias 53:7
    • _________________ – Pahayag 13:8
    • Roma 5:8 – “Pero si Cristo nagpanginmatay para sa aton bisan sang mga makasasala pa kita. Sa sini nga paagi ginpakita sang Dios ang iya paghigugma sa aton.”
    • Ano kadako ang paghigugma sang Dios sa aton…
    • Grabe nga paghigugma nga bisan madula ang iya kabuhi gintuga niya kita!
  • 6^th – Gintan-aw sang Dios ang tanan niya nga ginpanghimo kag nanamian gid siya… vs. 31
    • 6 ka beses nga nakita sang Dios ang iya ginhimo kag nanamian gid siya – kada tapos sang iya pagtuga sa kada adlaw…
    • Sa katapusan sang ika 7 nga adlaw nakita niya ang tanan niya nga ginpanghimo kag nanamian gid siya!
    • Perpekto ang pagtuga sang kalibutan!
    • Wala gid nakasala ang Ginoo – wala siya sang may ginhimo nga sala…
    • Pati ikaw kag ako – espesyal ang pagtuga sang Dios sa aton – GINAHIGUGMA gid niya kita…
    • Nagatulok siya sa aton kag maghambal – MAAYO gid!