Genesis 16–17

Wala sing kasawayan…

• 1st – Sala nga plano… vs 1-3 ( 4 POINTS)
  • 1^st – Kabudlay maghulat
    • • 10 na ka tuig ang nagligad sang gintawag sang Ginoo si Abraham nga maghalin sa iya nga nasyon..
      • 10 na ka tuig ang nagligad sang nag PROMISA ang Ginoo kay Abraham nga hatagan siya sang bata – mas madamo pa sa mga bitu-on…
      • Pero wala natuman sang Ginoo ang Iya nga PROMISA!
      • Santiago 1:4 – “Gani batasa ninyo ang tanan nga kabudlayan agod mangin matarong kag hamtong kamo nga wala sing kasayawansa inyo nga pagkabuhi”.
      • Ginhatagan kita sang promisa sang Ginoo nga himuon Niya kita PERPEKTO kag KOMPLETO..
      • Ang budlay kay gusto naton mangin perpekto dayon – wala naton ginapinsar ang Pasensya
      • NALIPATAN naton nga ang Ginoo nag promisa nga perpektohon Niya kita- paagi sa Iya nga bugay sa iya nga ti-on!
      • 2 Pedro 3: 8-9 – “ Pero mga hinigugma, indi ninyo pagkalimti nga sa Ginoo wala sing kinalin ang isa ka adlaw kag ang isa ka libo ka tuig. Suno sa ginahunahuna sang iban, nagapatumbaya ang Ginoo sa pagtuman sang iya promisa. Pero ang matuod, wala siya nagapatumbaya kundi nagahulat siya nga maghinulsol ang nga tawo sa ila mga sala, tungod kay indi niya luyag nga may mawala.”
      • Ang pagsunod sa kay Jesus bout silingon mangin PASENSYOSO – sugot nga maghulat sa tion sang Ginoo!
      • Salmo 27:14 – “ Magsalig kamo sa Ginoo! Magpakalig-on kamo kag indi madulaan sang paglaom.Mag salig lang kamo sa Ginoo”
  • 2^nd – Si Sarai may ara sang sulugo-on nga ang iya ngalan amo si Hagar (paglupad)… vs 1
    • Ini nga sulugo-on nakuha niya sang ara sila sa Egipto – Genesis 12:10-20
      • May ara nga gutom sa ila lugar (wala pagkaon) gani naglakat si Abraham sa Egipto (sa kalibutan)….
      • Didto nagbinutig siya parti kay Sarai (iya nga utod nga babahe) kag siya gindala sa balay sang Hari sang Egipto..
      • Tungod kay Sarai gin bugayan sang hari si Abraham sang mga sulugo-on kaupod si Hagar..
      • Si Abraham nagsalig sa kalibutan sa tion sang kabudlayan – ang Gutom..
      • Subong si Sarai nagsalig sa kalibutan – Hagar – para makabata sang lalaki
    • Ang ehemplo ni Abraham – ginpasa sa iya nga asawa..
      • 1 Corinto 11:3 -” Karon gusto ko nga mahibaluan ninyo nag si cristo amo ang ulo sang tagsa ka lalaki, kag ang lalaki amo ang ulo sang babayi, kag ang diyos amo ang ulo ni Cristo.”
      • Mga bana, kinahanglan naton nga mag andam parti sa mga ehemplo nga ginapakita naton sa aton mga asawa/pamilya…
      • Kita ang espirituhanon nga lider sang aton nga panimalay – nagahimo kita sang pagsulundan para nga sundon nila…
      • Kon ginabutang naton ang aton nga PAGSALIG sa KALIBUTAN nga maghatag sang solusyon – magasunod sila sa aton
      • Kon ginabutang naton ang aton nga PAGSALIG sa GINOO – gani ang aton nga mga asawa kag bata amo man!
  • 3^rd – Si Sarai nagpati nga INDI na gid siya makabata… vs 2
    • Nakita niyo nga wala ako gintugutan sang Ginoo nga magbata…
      • Nakabalo si Sarai nga nag promisa ang Ginoo sa ila nga siya magabata – Genesis 12:2/13:16/15:5
      • Ginbasol ni Sarai ang Ginoo kay tungod indi siya makabata – wala siya gintugutan!
      • Kung ang mga butang wala natabo sa gusto naton nga pamaagi – may ara sang tentasyon nga basulon ang Ginoo…
      • Imo ni sala Ginoo – ngaa gintugutan MO nga ang mga butang nga magsala…
      • Pero kung kis-a kita man ang ga antos sa mga sala nga desisyon nga ginahimo ta – sala nga desisyon
      • Ukon wala lang naton na intsindihan ang IYA nga plano – kag nataka-an maghulat!
    • Kinahanglan ayhan sang Ginoo sang gamay nga bulig
      • May ara kuntani sing bata si Hagar para kay Sarai nga tawgon nga iya – imoral nga ideya
      • Gin klaro sa Bag-o nga kasugtanan nga dapat may ara lang gid kita ISA ka asawa – 1 Corinto 7:2
      • Pero sa bible may nga tawo nga damo sang asawa
      • Nakita na siya naton sa kay Lamech – Genesis 4:23 / makita man siya naton liwat kay Esau – Genesis 28:9
      • Kag kon ang isa ka babahe baw-as – ihatag niya ang iya nga sulugu-on sa iya nga bana…
      • Makita man naton ang ini kay Leah and Rachel- Genesis 30:3 /30:9
      • Ang bata sang iya nga sulugo-on padako-on niya bilang iya gid nga bata!
      • Ang plano daw manami – pero wala ini ginapasugtan sang Ginoo!
  • 4^th – Ginhatag ni Sarai si Hagar bilang ikaduwa nga asawa ni Abraham…. vs 3
    • Ginkuha niya si Hagar bilang ikaduwa nga asawa- para matuman lang ang plano sang Ginoo!
      • Galacia 4: 22-23 – “ Naga siling didto nga si Abraham may duha ka anak nga lalaki; ang isa sa ulipon nga si Hagar, kag ang isa sa iya nga asawa nga si Sara. Ang iya nga anak sa ulipon natawo sa ordinaryo nga pagkatawo, pero ang iya anak nga sa iyagid asawa natawo suno sa promisa sang Dios.”
      • Naghimo sang promisa ang Ginoo kay Abraham – kag tumanon gd ina sang GINOO…
      • Pero tungod kay ginbuligan ni Abraham ang Ginoo- siya nakahimo sang butang paagi sa iya lawas
      • Hebreo 12:28 – “ Gani magpasalamy kita sa dios tungod kay katapo na kia sang iya nga ginharian nga indi mauyog. Magsimba kita sa iya sa paagi nga iya naluyagan, nga may pagtahod kag kahadlok.”
      • Impossible gid nga mapalipay ang Ginoo – pag alagad sa ginoo – paagi sa aton nga kusog!
      • Ang problema sang pagsalig naton sa aton nga kaugalingon- makahimo kita sang pareho kay Ishmael…
      • Imbes nga masulusuynan naton ang problema – kita nagahimo sang problema!
    • Si Abraham mangin amay sang tanan nga tawo sang Ginoo – Pero indi paagi kay Ishmael..
      • Wala gani gin kilala sang Ginoo si Ishmael bilang anak ni Abraham – Genesis 22:2
      • Ang kaliwat ni Ishmael indi ang pinili nga tawo tawo sang Ginoo – indi sila Israelinhonl…
      • Si Ishamel wala gid nahambal sa Bag-o nga kasugtanan!
      • Ang buot silingon – Wala ginakilala sang Ginoo ang mga butang nga nahimo paagi sa lawas
      • Ang mga tawo nga naga tuman sang promisa sang Ginoo paagi sa lawas – indi mga anak sang Dios!
• 2^ND – ANG INDI MALIKAWAN NGA KATAPUSAN vs 4-6 (5 POINTS)
  • 1^ST – Sang si Hagar nagabusong ginakainitan (ginapakanubo)niya si Sarai…vs 4
    • Daw sa narealizar ni Hagar nga gina kabig na ni Sarai ang bata nga iya
    • Pareho sa mga Iloy- nakita ni Hagar nga ang bata nga IYA lang gid…
    • Kung kis-a mabatyagan pa ni Hagar nga siya mas maayo nga asawa para kay Abraham – nga magbata pa gd sila
    • Gani- ginakainitan niya si Sarai tungod sa Bata kag tungod kay Abraham!
  • 2^nd – Si Sarai – ginbasol niya kay Abram – ang akon sala, imo (imo ini tanan sala).. vs 5
    • Nabatyagan ni Sarai nga wala siya ginarespeto ni Hagar – kag basi ang kahuy-anan nga siya baw-as…
    • Ang Ginoo magahukom sa imo kag sa akon – ( Siya magasukot sang kon ano ang ginhimo mo sa akon)!
    • Malain ang natabo sa aton – basulon naton ang tanan luwas sa aton kaugalingon
    • Kon akuon naton ang sala – buot siingon kinahanglan naton magbag-o
    • Kinahanglan nga pangayu-an naton ssang kapatawaran kag insaktohon…
    • Pero mas hapos permi nga ipasa ang basol sa iban nga tawo…
    • Para wala na kita sang himuo-on pa- indi ina aton sala (kag wala gid ta ya sala)!
  • 3^rd – Abram- naghambal nga siya ang IMO nga sulogo-on – himo-a sa iya ang imo nga gusto..vs 6
    • Indi mas maayo si Abram sang sa kay Sarai- kag dapat man nga basulon siya…
    • Sang sa kwaon ang responsibilidad- ginapareyalisar niya kay Sarai nga si Hagar IYA nga sulugo-on…
    • Ginluwas lang ni Abram ang iya kaugalingon – kag gin butang ang basul kay Hagar!
    • Kung sundon naton ang ideya sang iban nga tawo – kag wala ini nagaresulta sang maayo….
    • Sila ang indi balasulon- kay kita nagpili nga sundon sila!
  • 4^th – Ginapintasan ni Sarai si Hagar…vs 6
    • Mapintas – tungod sang iya nga kahisa!
    • Imbes nga atubangon niya ang tanan nagpalagyo siya
    • Ang resulta – nakita niya ang iya nga kaugalingon sa kamingawan!
    • Kon sala ang aton desisyon kag silutan na kita – gusto naton magdalagan
    • Sang sa atubangon ang responsibilidad sang aton nga aksyon, nagapanago kita…
    • Nagalakat kita sa iban lugar/ bag-o nga mga abyan/ bag-o nga mga tsura..
    • Ang iban nagapahubog – indi ini ang solusyon – palangga gid kita sang Ginoo nga indi gid Niya pagpasugtan nga mangin sulusyon ina
    • Basi maka likaw kita sa mga problema sa makadali- pero ang ina magabalik gid….
    • Kon indi ka na hubog ang problema ara na man liwat…
    • Indi kita makapalagyo sa aton nga kaugalingon- gani ang problema magabalik gid!
  • 5^TH – Ang indi magguba nga koneksyon…
    • Si Sarai naghambal – Namati si Abram – Ginkuha ni Sarai si Hagar – kag ginhatag kay Abram – naglakat si Abram
      • Si Hagar nagbusong– nakita ni Hagar nga may bata siya – Ginakainitan ni Hagar si Sarai…
      • Naghambal si Sarai nga hukom (pagpili) – Naghambal si Abram nga himo-a ang gusto mo -Si Sarai nakabatyag sang malain nga trato kay Hagar….
      • Kag nalagyo si Hagar sa presensya ni Sarai kag Abram!
      • Ang tanan nga mga (verbs) gin sugppon sa Hebreo – ang sala nga nagsigi-sigi…
      • Bout silingon nga sa tion nga buksan ni Sarai ang iya nga baba – ang katapusan indi malikawan!
    • Wala sang innocente parte sa sini nga butang – ang pagbulig sa Ginoo!
      • Si Abram nangin malain nga ehemplo – nagtubo ang bugal sa kay Hagar nga nagresulta sa kainit niya kay Sarai…
      • Pero si Sarai ang nagsugod sa sini nga proseso – ang iya nga mga tinaga nag dul-ong sa ila sa malain nga dalan!
      • Mga asawa- indi pag-ibaliwala ang imo nga mahimo sa imo nga bana
      • Bisan nga responsibilidad sang isa ka Amay ang mag dumala – siya hapos lang laglagon
      • Si Pedro naghambal sa aton nga ang mga asawa may ara sang humok nga balatyagon – MALULO nga Espirito…
      • Ang Malulo bout silingon may gahom – pero indi man paggamiton – kundi maga depende lang gid sa Ginoo!
      • 1 Pedro 3:4 – “ Ang maayo nga pamatasan nga wala gid nagaliwat, Magmalulo kamo kag magmabout. Amo ini anng malahalon sa panulok sang Dios.
• 3^rd – ang pagpangita sang Grasya… vs. 7-16 ( 3 points)
  • 1^st – Ang Anghel sang Ginoo nakipagkita kay Hagar didto kag ginpamangkot siya… vs 7-9
    • Diin ka naghalin – sa iban nga tinaga – ano ang imo nga gin himo…
      • Ginabasol sang Ginoo si Hagar sa iya mga ginbuhat
      • Kabalo ang Ginoo nga ang pagpalagyo sa iya nga problema indi magasolbar sang tanan!
    • Diin ka makadto – sa iban nga tinaga – ano ang imo nga himo-on dason…
      • Si Hagar wala gid kabalo kung diin siya makadto – nagapalagyo lang siya..
      • Indi siya makadalagan asta mintras – siya maga atubang gid sang iya mga sala!
    • Balik didto (sugo)kag ihatag (sugo) kay Sarai…
      • Paano kita mag untat palagyo – balik sa kung diin ka nag palagyo….
      • Kon makahimo kita sang sala nga desisyon – ang sabat lang gid amo ang pag-atubang sa konsekwensiya…
      • Kon pamatian, indi gid siya nami nga ideya – pero kinahanglan naton nga ipa-ubos ang aton nga kaugalingon…
      • Nagahatag ina sang pwertahan sa Ginoo nga ibubo ang iya ng grasya sa aton nga kabuhi – Santiago 4:6 / 1 Pedro 5:5
  • 2^nd – Naghatag ang Ginoo kay Hagar sang tatlo ka promisa… vs 10-12
    • Magadamo ang imo nga kaliwat nga indi mo maisip
      • Ang iya nga bata (lalaki) mangin anak ni Abram – gani siya magabaton man sang promisa sang Ginoo…
      • Ang iya nga anak magabata sang madamo nga indi niya maisip
      • Ang Ginoo nagpakita sang Iya nga Grasya kay Hagar – indi takos makabaton sang bugay kag promisa…
      • Kay amo ina ang grasya – indi kita dapat makabaton pero ginhatag sa aton
      • Ang Ginoo lang ang makabaylo sang sala nga desisyon kag himuon Niya nga bugay
      • Mabag-o Niya ang kabuhi nga daw halos wala na gid – para mangin matahom
      • Isaias 63:1 “ Sin-o bala ining nagaabot halin sa Bozra nga sakop sang Edom, nga ang iya matahom nga bayo may mga mantsa nga pula? Nagapadulong siya nga may puwerte nga gahom.”
    • Magabata ka sang lalaki – Ishmael (Ang Ginoo mamati) – kay tungod ang Ginoo nagapamati sa imo…
      • Sigurado ako nga sa sini nga tion, nabatyagan niya ang grabe nga kasubo – daw siya lang isa – ginbaya-an…
      • Si Hagar ginhatagaan sang kahilwayan sang Ginoo tungod nakabati siya!
      • Kon kita magadalagan sa aton nga konsekwinsiya – nagapalagyo kita tuod sa Ginoo…
      • INDI naton gusto nga makabati sang halin sa bible- ukon magpangamuyo – kay tungod gin padumdom kita…
      • Kon ipaubos naton ang aton nga kaugalingon – makita naton nga ang Ginoo ara kag nagapamati sa aton!
    • Ang imo nga bata mangin maila (asno) – siya magakontra sa tanan kag siya kontrahon man sang tanan…
      • Wala sang promisa nga ang iya nga anak mangi hapos ang pagdako
      • Mangin mabudlay ang ila kabuhi sa pagpakaubos kay Sarai – pero ang Ginoo kaupod nila
      • Galacia 6:7 -” Indi ninyo pagtuntuha ang inyo kaugalingon. Wala sing tawo nga makadaya sa Dios. Kay kon ano ang ginapanggas sang tawo amo man ang iya anihon.”
      • Ang konsekwensiya sang aton mga buhat indi dasig madula
      • Kon mangawat kita sa bangko – Patawaron kita sang Ginoo – pero ma priso ka gid ya
      • Pero kon untatan naton nga basulon ang iban- maka untat na kita palagyo….
      • Mabal-an naton nga bisan budlay ang mga butang sa kalibutan – ang Ginoo kaupod gid naton!
  • 3^rd – Ang isa nga makakita vs. 13-16
    • Gintawangg niya ang ngalan sang sina nga lugar – Beer Lahai Roi – ang bubon sang Ginoo nga nakakita…
    • Sa iya nga ginhambal – nakita ko ang Ginoo nga nakakita sa akon!
    • Si Hagar nagbalik kay Sarai – kag nag bata sang lalaki – Ginngalanan siya ni Abram nga Ishmael
    • Si Abraham 86 na ka tuig sang siya nabata!
• 4^th – 25 katuig ang nagligad vs. 1-2 (4 points)
  • 1^st – Ang Ginoo nagpakita kay Abram…. vs 1
    • Dugay na nga wala nagpakighambal ang Ginoo kay Abram- pila ka tuig!
    • Wala ko kabalo sa imo – pero naga ubos ang pasenya ko maghulat sa imo sang inoras…
    • Indi ko mahuna huna ang paghulat sa Ginoo nga himuon ang iya nga promisa – sa pila ka tuig!
    • Pero kung tagaan kita sang Ginoo sang promisa – indi na siya magabalik sa iya nga pulong…
    • Bisan nga indi ta siya makita nga ga ubra- bisan indi siya naton mabati-an
    • Indi ina bout silingon nga indi siya matutom sa iya nga pag ubra!
    • 2 Corinto 1:20 – “ Paagi sa iya,ang tanan nga ginpromisa sang dios natuman. Gani makasiling kita nga masaligan gid ang Dios, kag ini nagahatag sang pagdayaw sa iya. “
  • 2^nd – Siya naghambal – ako ang labing mataas nga Dios – El Shaddai (una nga beses sa daan nga kasugtanan) …. vs 1
    • Gin klaro sang Ginoo nga wala gid sang impossible sa iya…
    • Siya magapamatoud liwat sang iya nga promisa kay Abraham nga impossible..
    • Pero indi ina ang problema kay tungod siya ang Ginoo sang mga Impossible!
    • Wala sang kabudlayan nga budlay – ukon dako nga problema sa Ginoo..
    • Ginluwas Niya ang makasasala – ang luya sa mabaskog – ang kalolooy nangin gamhanan…
    • Ang butang lang gid nga naga pugong sa Ginoo – amo nga kita NAGAHULAT kag NAGASALIG sa iya!
  • 3^rd – Lakat kaupod sa akon nga matarong….vs 1
    • Lakat – nagsugo nga maglakat ka kaupod sa akon – si Abraham nabudlayan gid sa kay Ishmael
    • Ang Ginoo subong maga pamatuod liwat sang kasugtanan- himuon ang impossible – hatagan siya sang anak…
    • Pero may ara siya sang parti nga dapat himuon – siya MAGAPILI nga MAGLAKAT upod sa Ginoo
    • Untati na ang pagsunod kag pagtulok sa kalibutan – Egipto/ Hagar – kag ibutang ang BUG-OS nga pagsalig sa Ginoo!
    • Ano ang bout silingon sang pagkamatarung – mangin mabinungahon kag magtubo sa kaalm sang Ginoo!
    • Colosas 1:10 – ” Paagi sini, magakabuhi kamo nga maluyagan sang Ginoo, nga makahatag sing kalipay sa iya. Kag mahimo man ninyo permi ang maayo, kag madugangan pa gid ang inyo ihibalo parte sa Dios”
  • 4^th – Ang pagpamatuod sa Kasugtanan… vs. 2
    • Ang Ginoo nagpromisa nga siya mahimo sang kasugtanan kaupod si Abraham -nga ang iya kaliwat magadamo gid…
      • Ini indi isa ka aksidente lang nga pagkita-ay- ang timing amo gid – nag abot para mag labay (pasunod)…
      • Ang Ginoo nagpili nga maghulat kay Abraham asta nga siya 99 na ka tuig antis makipagkita liwat sa iya…
      • Wala sang pang duha duha sang si Abraham kag Sarai nawad-an gid sang TANAN ng paglaom nga sila makabata!
      • Si Abraham 75 ang edad sang ginhatag sang Ginoo ang Iya promisa
      • Si Abraham 85 na ang edad sang mag abot si Ishmael – gin testingan nga tumanon ang promisa sa iya nga paagi.
      • Subong malapit 25 na ka tuig ang nagligad sang ginahatag ang una nga promisa – ang paglaum nga makabata amat amat nganadula!
    • Kon kis-a nagahatag ang Ginoo sang sobra sang sa aton masarangan
      • Sang gin kuha sang Ginoo ang mga Israelinhon pag guwa sa Egipto – gindala niya sila sa isa ka patibong…
      • Bukid sa Aminhan kag bagatnan – ang Egipto sa likod – kag ang Pula nga dagat sa tubang…
      • Ginapasugtan ya nga ang mga butang maga lala – antis siya mag giho!
      • Nagapanumdom ka bala nga ang Ginoo wala na ga giyo dayon – ngaa hulton pa nga mag lala…
      • Ginahimo yana para ipakita sa aton nga may sarang siya nga himuon ang mga impossible nga mga butang..
      • Dira naton matun-an nga magsalig sa Ginoo – El Shaddai!
• 5^th – Ang Bag-o nga ngalan… vs. 3-6 (3 points)
  • 1^st – Nagluhod si Abraham kag nakipagistorya ang Ginoo… vs. 3-4
    • Gin kumpirma Niya ang kasugtanan kay Abram – nga siya ang mangin amay sang MADAMO nga mga Nasyon…
    • Sa sina nga rason – islan sang Ginoo ang iya nga ngalan..
    • Abram – bout silingon gindayaw nga amay/ Abraham – bout silingon amay sang madamo nga nasyon!
    • Sarai Princess/ gin islan iya nga ngalan sa Sarai Reyna – Genesis 17:15
    • Kay tungod sa ila maga halin ang mga NASYON kag mga HARI!
  • 2^ND – Gin islan sang Ginoo ang ila mga ngalan- sa kon ano man gid ang himuon sang Ginoo sa ila… vs. 5-6
    • Bisan nga indi pa amay sang BISAN ano nga nasyon si Abraham – isa ka adlaw siya mangin amo gid na!
    • Bisan nga indi pa reyna sang BISAN ano nga nasyon si Sarai – isa ka adlaw ang iya nga kaliwat maga amo gid na!
    • Indi indi lang isa ka lugar sa bible nga makita naton nga may kinalain-lain sa mga pangalan..
    • Ang apostoles nga si Pedro (bato)gin islan sang Ginoo ang ia nga ngalan – bilang Simon (nabati-an) – Juan 1:42
    • Sa kahimutaran – si Pedro indi gid maayo mamati – siya amo nga daw sa bato gid..
    • Si Pablo nga aposteles sang Ginoo (gamay) gin islan sang Ginoo- Saul (mabaskog) – Binuhatan 13:9
    • Sang siya gin pun-an sang balaan nga Espirito – siya nangin mabaskog asta nga magamay!
  • 3^rd – Ang pulos sang bag-o nga ngalan indi lang isa ka hayo – ina amo ang bag-o nga pamatasan!
    • Hulubaton 22:1 – “ Mas maayo nga pilion ang maayo nga reputasyon sang sa madamo nga manggad. Ang pagtahod sang mga tawosa imo mas bilidhon pa sang sa bulawan kag pilak”
    • Ayhan may ara kita magamay ang reputasyon – ngalan nga talaharon gid…
    • Kung batunon naton ang Ginoo nga aton Ginoo kag Manluluwas, kita bag’o nga tinuga!
    • 2 Corinto 5:17 – “Ang bisan sin’o nga ara kay cristo bag-o na nga tawo. Wala na ang iya daan nga pagkatawo, kundi bag-o na siya”
    • Kita indi na pareho sa tawo nga may pareho nga bout silingon – pareho nga daan nga ngalan
    • Kita ginakilala na nga kay Jesus – kag sa isa ka adlaw makaangkon kita sang ngalan nga para sa aton
    • Pahayag 2:17 – “ Kamo nga nagapamati, dapat intiendihon gid ninyo ang ginasiling sang Espiritu Santo sa mga Iglesiya”
    • Makapaminsar kita nga indi gid kita lain sang sa na andan naton nga pang gawi.
    • Pero wala nagatulok ang Ginoo sa aton kon ano kita – nakita Niya ta sa kon ano ang gusto Niya saton mangin isa ka adlaw – perpekto!
    • Wala Niya kita ginatulok sa kung ano nga ngalan may ara ta -ginatulok niya kita sa ngalan nga gusto Niya para sa aton!
• 6^th – Ang palatandaan sang kasugtanan…vs 7-14 (3 points)
  • 1^st – Ang wala katapusan nga kasugtanan… vs. 7-8
    • • Ang Ginoo naghayag sang Iya nga kasugtanan ngapromisa- nga Siya lang gid permi ang Ginoo sang tanan nga kaliwat ni Abraham…
      • Kag nag promisa liwat- nga ang iya nga kaliwat sa duta sang Canaan mangin ila asta sa katapusan!
      • Pero si Abraham- kag ang iya nga kaliwat kaupod niya- may parti nga dapat nila himuon – magpatuli!
  • 2^ND – Pagpatuli… vs 9-13
    • Ang pamatuod sang KASUGTANAN amo nga ang kada lalaki (suluguon ukon hilway) dapat tulion
      • Ang Ginoo nagsugo nga ang kada lalaki nga bata tulion sa ika 8 nga adlaw tapos mabata..
      • Nabal-an sang Medical Science nga sa ika 8 nga adlaw ang indi gid mayo sakit kag dasig mag ayo…
      • Sa indi mayo sakit nga parti – indi gid ini madumduman sang mga bata!
    • Simbolo ini – naga bout silingon nga ang pangguwa nga pag bag-o naga pakita sang pang sulod nga tagipusuon…
      • Indi lang ini ang pag himo sang pag tuli – ini isa ka imahe
      • Parti ina sa pag-utod sang makasasala nga mga handom sa aton nga tagpusuon!
      • Colosas 2:11 – “ Tungod nga kamo ara kay cristo, natuli na kamo. Pero indi ina pareho sang pagtuli sang mga judio nga may ginakuha sa lawas sang taho, kundi ang malain nga mga handom sang inyo lawas nga makasasala amo ang ginkuha ni cristo”
      • Antis kita nagkadto kay Jesus – ginhimo naton ang mga sala nga gusto ta – ulipon kita sang sala….
      • Kita gingapos sang mga makasasala nga mga handom sang aton nga tagipusuon – wala gid ini naton mayo nabal’an
      • Wala kita nagapinsar kay Jesus – paano magkabuhi sa Ginoo -paano magkabuhi sang matarong…
      • Wala kita nagsalig sa Ginoo – nabal-an lang naton nga magsalig sa aton nga kaugalingon..
      • Pero kon batunon naton si Jesus – mapatay ang daan naton nga sala..
      • Ang mga makasasala naton nga mga handon sa aton nga tagipusuon ma-utod – para hilway kita nga mag kabuhi sa Ginoo!
      • Roma 6:6 – “ Nahibalu-an ta nga ang aton daan nga pagkatawo nga makasasala ginlansang na sa krus kaupod ni Cristo agod mapatay. Amo ina nga indi kita dapat ulipunon sang sala “
    • Natingala ka bala nga ang sala mabatyagan mo subong sang una nga wala man…
      • Pareho sang pagbinutig/ ukon nagapangdaya / ukon malain kita sa iban – kag iban pa
      • Mabatyagan mo gid subong – kay tungod gin tuli na kita sa aton nga tagipusuon
      • Wala na kita na higot sa sala – kag hilway na magpalangga kag magsalig sa Ginoo sa bug-os naton nga tagipusuon…
      • Ang ina nga paglain sa aton nga tagipusuon – pag tuli sa aton nga tagipusuon – sinyales nga kita anak na sang Ginoo!
  • 3^rd – Pag-utod…. vs 14
    • Ang bisan sin-o nga lalaki nga wala natuli indi pagkabigon nga kaupod ninyo
    • Sila mangin tawo nga ara sa guwa – indi na sila parti sang kasugatanan sang Ginoo!
    • Buot silingon – pag-utod sang makasasala nga tagipusuon ukon pag-utod sa relasyon sa Ginoo
    • Kon nagahimo kita sang pareho (ukon mas lala) sa kalibutan – diin si Jesus
    • Kon nagapamangkot ka kon nagapanglakaton kita sa kita – 2 Corinto 13:5
    • Ang mga nagakabuhi sa gusto nga mga sala – ang pagsikway sang panghikot sang bala-an nga espirito sa aton nga kabuhi..
    • Galacia 5:19 – “Ang mga tawo nga ang ila lang tawhanon nga kinaugali ang ila ginasunod mahibaluan gid paagi sa ila ginahimo: nagahimo sila sang imoral nga pagpakigrelasyon kag mahigko nga mga buhat, kag nagapagusto sila himo sang kalautan “
• 7^th – Indi si Ishmael… vs. 15-22
  • 1^st – Ang Ginoo nag promisa liwat nga taga-an niya si SARAH sang bata… vs. 15-17
    • Si Abraham nagkadlaw sa iya nga tagipusuon – makabata pa bala ang 100 ang edad nga lalaki – ukon ang babaye nga 90 na…
    • Ang pagkadlaw niya sa iya nga tagipusuon ang indi pagpati sa kon ano ang ginhambal sang Ginoo…
    • Indi man nga indi niya gusto sang bata – wala siya nagpanumdom nga possible ini!
    • Kon kis-a maghatag gani ang Ginoo sang Iya nga Pulong sa aton ara nga daw sa makadlaw kita nga nagapanumdom – ina maayo gid nga palaminsaron…
    • Pero nagapanumdon gid kita ya nga impossible ina- indi gid ina matabo!
    • Basi ang Ginoo nagpromisa nga siya na ang bahala sa aton nga mga kinahanglanon – kag magapanumdom kita paano…
    • Ukon nagpromisa nga kon hulton lang naton siya – siya gid magahatag sa aton sang Diosnon nga asawa – pero san-o…
    • Kag makakadlaw kita sa sulod – nagapanumdom nga indi gid ina matabo!
  • 2^nd – Kabay pa nga Magkabuhi si Ishmael antis sa imo..vs.18
    • Ginhalad ni Abraham ang iya nga pangabudlay sa Ginoo – pero wala ini ginbaton sang Ginoo..
    • Gusto ni Abraham nga mag husay sa ika duwa nga nami – pero Indi ang Ginoo!
    • Himoon sang Ginoo ang Iya gid nga gin promisa- kag wala dira nadala si Ishmael!
    • Bisan para na lang kay Abraham – nga paga bugayan sang Ginoo si Ishmael – hatagan siya sang 12 ka bata nga lalaki (mga prinsipe)…
    • Kon maghambal ang Ginoo sa aton nga siya ang maubra sang tanan – nagatulok pa kita sa abilidad ta…
    • Napamanisar kita- indi ko mahimo ang damo sa imo ginoo- pero ihatag KO gid sa imo ang labing maayo…
    • Pero naghambal ang ginoo kung ano ang ihalad naton sa iya (Ishamel)..
    • Ginhambal niya ang iya nga ihalad sa aton!
  • 3rd- Sa sini nga tion, dason tuig si Sarah magahatag sa inyo sang bata nga lalaki… vs 19-27
    • Ang iya ngalan amo si Isaac – harakhak!
      • Pagkuha sang sinyales halin kay Abraham nga sabat sa promisa- ang Ginoo nagpangalan sa iya nga bata..
      • Indi lang nga gin gaan sang Ginoo si Abraham sang ngalan – kag bag-o nga tagipuso-on (pagtuli)…
      • Pero gin gaan yaman si Abraham sang promisa – gin gaan niya sang kalipay – bata nga lalaki!
    • Sa sina nga Adlaw gin tuli ni Abraham ang tanan nga lalaki sa ila nga panimalay…
      • Wala sang gamay nga ubra – dumduma nga may ara sang 318 nga mga lalaki nga tigulang na nga magalakat sa inaway….
      • Pero sa sini nga bag-o nga ngalan, kag bag-o nga tagipuso-on – Madasig nga nagsalig si Abraham sa Ginoo!
      • Ang Ginoo nga makagagahum – El Shaddai – gusto nga mag ubra sa aton nga kabuhi….
      • Indi niya kita makita sa kung sin’o kita – Indi niya makita ang kung ano ang makita naton sa aton nga kaugalingon….
      • Makita niya kita sa bag-o nga ngalan – makita niya kita sa kung mangin ano ta paagi sa iya nga grasya..
      • Gina islan niya ang aton nga tagipuso-on -pag utod sang makasasala naton nga mga handom sa aton nga tagipuson-on…
      • Paghatag sang tagipuso-on nga nagahigugma/naga alagad /kag nagasalig sa iya!
      • Kag gin gaan niya kita sang kalipay – sang promisa – sang ginahimo niya ang mga impossible sa aton nga kabuhi..
      • Tanan sa perpekto niya nga tion!