Making Bible Study Easy for everyoneEnglish • Hiligaynon
Back to Habakkuk
Verse-by-Verse Bible Study

Habakkuk 2

The 2nd answer – woe to him

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Habakuk 2

Review…

  • Habakkuk – ang ika 35 nga libro sang Old Testament – ika 8 sang ginatawag nga 12 Minor Prophets
    • Dyutay lang ang nahibal-an ta parte kay Habakuk – pero isa siya ka propeta para sa Bagatnan nga Kaharian…
    • Nagtagna siya sang propesiya sa mga tuig antes natabo ang pagbihag sa ila sang Babylon: 609–586 B.C.
    • Amo ini ang mga tion nga malain gid, ang tion nga nagpamuno ang 4 ka mga malaut nga Hari sang Judah!
    • Ang libro sang Habakuk natunga sa duwa ka parte…
    • Chapter 1–2 – Duwa ka pamangkot para sa Dios – kag duwa ka sabat halin sa Dios…
    • Chapter 3 – Ang katapusan nga chapter amo ang pangamuyo ni Habakkuk sa Dios!
    • Gin-umpisahan ni Habakkuk ini nga libro sa pagpamangkot sang una niya nga pamangkot – Ano pa kalawig, Ginoo…
    • Naghatag sang KABUG-ATAN kay Habakkuk ang mga nakita niya sa iya nga nasyon / kag sa kalibutan…
    • Kag pirmi siya nagahibi kag nagatawag sa Ginoo tuhoy sini – apang daw wala nagasabat ang Dios…
    • Nakita niya ang kasalanan kag ginamo/ panghalit – nga nagapadulong sa kalaglagan kag kapintas bisan diin!
    • Nagsabat ang Dios – TULOKA ang mga nasyon – mabuhat ang Dios sang butang nga makatiingala …
    • Gamiton sang Dios ang mga Chaldeans / taga Babylonia sa pagatubang sang sala sang Judah!
    • Dayon nga namangkot si Habakkuk sang ikaduwa niya nga pamangkot – lamonon bala sang mga malaot ang mga matarong…
    • Sigurado nga indi tuyo sang Dios nga gubaon nga bug-os, kag uboson sang Babylon ang Judah…
    • Preska pa sa hunahuna ni Habakuk ang pagkalaglag sang Aminhan nga Ginharian sang 722 BC
    • Pero indi naman pareho ka lain ang Judah – may mga nabilin pa nga Diosnon diri…
    • Daw indi gid matabo nga tugotan sang Dios nga gubaon sang pagano nga Babylon ang mga Diosnon!

Ang ikaduwa nga sabat – makaluluoy gid siya…

  • mapailubon nga paghulat… vs. 1-4
    • 1st – Si Habakkuk naghulat lang sa Ginoo… vs. 1
      • Nagsaka siya sa tore para magbantay – nagahulat para iya makit-an kon paano ang Dios magsabat…
      • Masami gina-usar sang mga propeta ang ehemplo sang manug-bantay para ilaragway ang ila nga ministeryo…
      • Kaangay sang isa ka manugbantay– nagabantay sang nagapalapit nga peligro – Kag naga pahuni sang alarma…
      • Ginatawag ang mga propeta nga mag-amlig sa mga katawhan sang Israel – batok sa mga kaaway / batok man sa ila kaugalingon…
      • Mabudlay magbantay sang iban – pa-atubangon sila sang ila sala – masami indi maayo ang ginadangatan…
      • Pero ang matuod nga kon pabay-an mo ang tawo sa iya sala – amo ina ang pagkondena sa iya sa impyerno…
      • Amo nga ginatawag kita nga ipa-atubang sa ila ang ila nga sala bisan ginakahadlok ta nga masaktan sila…
      • Indi man ginasiling nga masarangan ta nga lisoon sila pabalik kay Jesus – pero makahatag gid kita sang paandam sa ila – Hebreo 3:13
      • Sa matuod lang, may salabton gid kita kon indi ta sila pagsugiran sang peligro sang kasalanan!
      • Ezekiel 33:8 – “Kon magsiling ako sa malaot nga tawo nga sigurado gid nga mapatay siya tungod sa iya sala kag wala mo siya pagpaandami sa pagbiya sa iya malain nga pagginawi, ikaw ang akon sukton sang iya kamatayon.”
      • Si Habakkuk may mga palamangkutanon / pagduwa-duwa – kag naghulat siya para matadlong siya sang Ginoo…
      • May mga tion nga nagaduwa-duwa kita – ayhan kon mahimono gid sang Dios ang aton mga kinanglanon…
      • May ara pa gani sang tion nga nagaduwa-duwa kita kon matuod gid nga ara ang Dios …
      • Indi man sala ang magduwa-duwa – tanan nakaagi man sina – pero hibaloa kon diin ka makadto para sa mga sabat!
      • Ang pagbaton sang mga Diosnon nga mga sabat / ang pagpili sang pinaka-maayo – nagahalin lang sa isa ka lugar…
      • Ang kaalam indi halin sa pagtuon – ini isa ka regalo sang Espirito – I Corinto 12:8…
      • Ang isa lang ka paagi nga maka-angkon sang kaalam – amo ang pagpalapit sa Ginoo kag pangayoon ini!
      • Santiago 1:5 – “Kon may ara sa inyo nga kulang sang kaalam, magpangayo siya sa Dios, kag ang Dios magahatag sini sa iya nga wala sing hawid-hawid kag aligutgot.”
    • 2nd – Dyutay na lang gid nga paghulat… vs. 2-3
      • Nagsabat ang Dios ikaduwa nga beses na – kag Iya ginhambalan si Habakkuk nga isulat ang Iya ginahambal…
      • Dapat isulat sang propeta nga simple– klaro – para maintiendehan sang iban…
      • Tungod nga ini maayo nga balita – kon mabaton na nila, dali-dali man nila ini nga ipanugid sa iban…
      • Pagasilutan sang Dios ang Babylon – may mga konsekwensya ang ila nga mga gin-obra!
      • Mahatag ang Dios sang 5 KA KAILO sa Kaharian sang Babylon – tanda sang ila pagkalaglag!
      • Pero ang ipa-ambit sang Dios sa kay Habakkuk indi gilayon nga matabo…
      • Sigurado gid – matabo gid – pero malawig pa nga mga tinion…
      • Malapit na ang Christmas – galing basi indi na kami makahulat asta Desyembre 25…
      • Sang nagligad nga tuig, nang-abre na kami sang amon mga regalo sang pagkatapos lang sang Thanksgiving!
      • Kay sa aton kabuhi, wala na sang mas mabudlay pa kaysa maghulat – Indi gid ako kauyon maghulat!
      • Madali nga makapoy kita sa paghulat sa Diyos – kag maglumpat para may ma himo tungod dapat may himuon gid!’
      • Apang kaangay sang isa ka gamay nga bata nga gusto magbulig kay Tatay – mas madamo pa ang halit kaysa maayo nga maobra ta!
      • Mas maayo nga maghulat – kag panumdomon nga ang tion sang Dios indi pareho sang aton tion – 2 Peter 3:8-9
      • Ang pagsunod kay Jesus nagakahulugan nga magpasensya sa paghulat – mapailobon sa paghulat nga ang Ginoo ang manghikot sang ulobrahon!
      • Isaiah 40:31 – “ pero ang mga nagasalig sa Ginoo makaangkon liwat sang kusog. Daw sa magalupad sila pareho sa agila; kon magdalagan sila indi sila pagkapuyon; kon maglakat sila indi sila pagluyahon.”
    • 3rd – Nagapangabuhi sila sa Pagtuo… vs. 4
      • Tuluka ang bugalon – indi tadlong ang iya kalag…
      • Ano ang nagahatag bugal sa iya – ginabutang niya ang iya pagsalig / pagtuo sa isa ka butang imbes nga sa Ginoo…
      • Ang resulta tiko ang iya kalag – tungod nga nagapos pa siya gihapon sa iya sala…
      • Pero ang yabe sini, ngaa tiko ang iya kalag – indi tungod nga kulang siya sa pagtuo…
      • Ang problema indi sa kakulangan sang pagtuo – kon diin naton ginabutang ang aton pagtuo amo ang problema!
      • Kon may pagtuo ako nga malangoy ko ang dagat – okon makalupad sa bulan – wala na nagakahulugan nga masarangan ko
      • Kon ibutang naton ang aton pagtuo sa isa ka butang nga wala man sang gahum – indi na mag-obra!
      • Amo nga bisan ano pa kadako sang imo pagtuo sa relehiyon – Islam / Buddha…
      • Mga tawo mataas gid ang ila kompyansa sa ila ka-alam – edukasyon…
      • Pero ang ila kalag kiwi man gihapon – kay wala man sang gahum sa ina nga mga butang!
      • Ang kinatuhay – ang matarong magakabuhi paagi sa pagtuo…
      • Isa ka verse nga ginkutlo 2 ka beses sa NT – Roma 1:17 / Galacia 3:11
      • Namangkot si Habakkuk sa Ginoo kon ngaa ang mga tawo nga wala sang Dios amo ang naga-uswag / kag ang mga matarong amo ang naga-antos…
      • Ginsilingan sang Dios si Habakkuk – magsalig ka sa Akon – tanan nga butang mahanabo suno sa kabubuton sang Dios…
      • Dapat nga magkabuhi si Habakuk paagi sa pagtuo– magpati nga kon ano ang ginhambal sang Dios, Iya man ini nga himoon!
      • Ang pagkabuhi sa Pagtuo – nagakahulugan nga magsalig sa Ginoo sa matag-adlaw-adlaw…
      • Masami pamatyagan ta nga nagapanglakaton kita sa aton kabuhi nga daw bulag – wala gid kita sang ideya kon diin kita nagapadulong…
      • Ang rason, tungod nagasalig kita sa kon ano ang aton makita – pero indi man kita makakita sang malayo…
      • Kon makit-an ta lang ang buwas, basi tam-an ka lain ang himoon ta nga mga desisyon…
      • Ang magdesisyon base lang sa aton nga makit-an – sa tuod lang, amo ang naga panglakaton nga bulag…
      • Pero makit-an ni Jesus ang tanan – kag kon ara sa kabubuton ta nga magsalig sa Iya – makahibalo gid kita kon diin magkadto…
      • Ang pagsalig sa Ginoo nga nakakita sang tanan – amo na ang naga panglakaton nga klaro gid ang mata!
      • II Corinto 5:7 – “Kay sa karon nagakabuhi kita sa pagtuo kag indi suno sa aton makita.”
      • Pagkabuhi sa Pagtuo –nagakahulugan nga pagsalig sa Ginoo tubtob sa wala katapusan…
      • Indi naton makita ang Dios – wala pa kita nakakadto sa langit – wala kita nakakita kay Jesus…
      • Paagi lang gid sa pagtuo nga nagapati kita nga matuod gid ang Maayong Balita – kag may gahom nga magluwas sa aton…
      • Sa pagtuo, nagapati kita nga ang kabuhi indi lamang ang kabuhi naton diri sa duta…
      • Sa pagtuo nagapati kita nga isa ka adlaw, kuhaon kita sang Dios para mag-upod sa Iya sa Langit asta sa wala katapusan!
      • Hebreo 11:1 – “May pagtuo kita kon hugot ang aton pagsalig nga mabaton ta ang mga butang nga aton ginalauman, kag bisan wala pa naton makita ang mga ginpromisa sang Dios, nasiguro ta nga mabaton gid naton ini.”
  • 1st – Ang una sa Lima – Kailo sa tawo nga nagapadamo sang Manggad… vs. 5-8
    • 1st – Indi gid siya mabusog… vs. 5
      • Posible nga nagapatuhoy kay Nebuchadnezzar – naglapas paagi sa alak…
      • Ang panghunahuna nagatuhoy sa permentasyon / nadunot (kaangay sang alak) – sang iya sala…
      • Ano ang una nga sala sang Babylon / Nebby – kakagod kag ang handom sang madamo nga manggad!
      • Grabe ang iya bugal nga indi siya makatiner sa iya balay(mangin kontento) – ang handom niya para sa manggad wala sang kabulusgan!
      • Kaangay sang lulubngan (impyerno) / kamatayon –bisan ano pa kadamo ang masulod – nagakinahanglan man gihapon sang madamo pa!
      • Wala sang butang sa sini nga kalibutan makapabusog sa aton – indi gid kita makontento…
      • Makakaon kita para mangin masadya – galing gutom na naman kita buwas…
      • Makapagwapa para mangin masadya – galing ang mga bag-o nga bayo nagadaan man kag nagakupas…
      • Makapamanggaranon kita para mangin masadya – galing permi lang nga may gusto naman kita nga baklon naman!
      • Tungod wala kita gintuga para mangin kontento sa mga butang sang sini nga kalibutan…
      • Gintuga kita sang Dios para kilalahon Siya- simbahon Siya – Juan 17:3
      • Kag kon usaron lang naton ang aton kabuhi suno sa katuyoan sang Dios …
      • Pagsimba kag pagkilala sa aton Ginoo – makita ta nga makontento kita – Juan 4:14
    • 2nd – Mangin madamo ang utang niya… vs. 6-8
      • Yagutaon siya sang mga tawo gamit ang hulubaton – Kailo sa tawo nga nagamanggaranon sa utang (mga panaad)
      • Maabot ang adlaw nga ang mga nagapa-utang mademenda na sang bayad – sweldo (booty)!
      • Tungod madamo nga mga nasyon ang gin-ati sang Babylon – Paga-atihon man ang Babylon…
      • Laban nga nagatuhoy sa pag-atake ni Cyrus sa Babylon sang 539 B.C.
      • 40% sang mga panimalay sa America may balanse nga utang sa ila credit cards kada bulan…
      • Sang 2016 ang kabug-osan nga kautangan gamit ang credit card sa US lapit na lang mag-lab-ot 1 trillion dollars!
      • 85% sang mga tawo indi gusto mag-istorya parte sa kautangan sa credit – mas ginadumili ini kaysa relihiyon / politika / sweldo!
      • Tungod – Hulubaton 22:7 – “Ang mga imol ginadumalahan sang mga manggaranon, kag ang mga nagautang ulipon sang mga nagapautang.”
      • Ang handum nga gilayon nga kalipayan nalapnag na sa aton sosyedad – mas madamo pa ang gusto ko kag nagakaangay para sa akon…
      • Ang ideya nga maangkon naton subong – kag bayran lang sa buwas – isa ka makitid nga ideya…
      • Kon wala kita sang isa ka butang – kag indi ta masarangan magbakal – indi ta ina kinahanglan!
      • Roma 13:8 – “Dapat indi kamo magpabilin nga may utang bisan kay sin-o, luwas lang sa utang nga amo ang paghigugma-anay sa isa kag isa. Ang nagahigugma sa iya isigkatawo nakatuman sang Kasuguan.”
      • Imbes nga maghamkon sang mga butang kag ma-ulipon sang utang – mangin kontento ka na lang…
      • Ang mas dako nga bugay amo ang magtuon nga mangabuhi suno sa aton nga ginaganar / mangabuhi suno sa masarangan lang!
      • Mangin kontento na sa pagkaon kag panapton – I Timoteo 6:8 / sa sweldo – Lucas 3:14…
      • Magtuon nga mangin kontento samtang aton mahangpan nga wala sang butang nga makapakontento sa aton kundi si Jesus!
      • Philippians 4:11 – “Wala ako nagasiling sina sa pagpabati-bati nga may kinahanglan ako. Kay nakatuon ako nga magkontento bisan ano ang akon kahimtangan.”
  • 2nd – Kailo sa tawo nga nagatudlo sa iban nga maghamkun… vs. 9-11
    • 1st – Ang tawo nga nagahamkon sang malain nga pag-ganar para sa iya balay… vs. 9
      • Ang tawo nga nagahandom nga iplastar ang iya pugaran sa pinakamataas – para layo sa kalamidad ang pamilya…
      • Kon imo tulokon daw indi man malain nga butang– pag-aman para sa pamilya…
      • Sa matuod lang amo ini ang ginapaabot sang aton kultura – ang obligasyon nga mag-himono – magdala pauli sang bacon!
      • Samtang kinahanglan nga mag-obra kita – resulta ina sang sumpa – Genesis 3:17…
      • Indi aton obligasyon nga mag-himono – Ang Dios ang aton manug-himono – Lucas 12:32
    • 2nd – Makahuluya nga paglaygay… vs. 10-11
      • Ang mga nagatudlo sa ila pamilya nga magkabuhi para sa manggad – nagahatag sang makahuluya nga laygay…
      • Ini isa ka sala batok sa ila nga kalag – kay pwede nga eternidad ang kabayaran sini para sa ila mga anak!
      • Masami ko makita ini – Mga amay nga naga-preparar sang ila nga mga anak para mangin madinalag-on sa pangabuhi…
      • Ginatulod nila ang mga bata nga mangin maayo sa eskwelahan – para maayo ang ila edukasyon / trabaho…
      • Gusto nila nga ang ila mga anak maka-angkon sang pinakamaayo nga masarangan ihatag sang kabuhi – pero ano ang balor sang kabayaran…
      • Ano ang pulos kon aton mga anak madinalag-on sa kabuhi – pero indi sila maka-abot sa Langit!
      • Una gid nga responsibilidad sang mga amay nga tudluan ang ila anak tuhoy kay Jesus!
      • Masami nga nagakalipat ang mga amay nga sila ang dapat magpamuno sa mga espiritwal nga butang sa ila nga panimalay
      • Kinahanglan ta gid hatagan sang tion ang pagbasa sang Bibliya upod sa aton mga anak / magpangamuyo upod sa ila…
      • Kon indi kita magtudlo sa aton mga kabataan sang pakig-relasyon kay Jesus -sin-o ang matudlo!
  • 3rd – Kailo sa tawo nga naga handom sang kalibutanon nga Panublion… vs. 12-14
    • 1st – Ang tawo nga nagtukod sang isa ka banwa paagi sa pagdanak sang dugo… vs. 12
      • Nagatuhoy sa pag-usar sang mga ulipon para itukod ang mabaskog nga Babylonian empire…
      • Madamo nga nasyon natukod sa likod sang mga esklabo – kag nahanabo sa bug-os nga kasaysayan…
      • Lab-ot 1/3 sang mga pumuluyo sang Roma mga ulipon…
      • Ginabulubanta nga 1 ka milyon nga esklabo napatay sa pag-obra sang Great wall…
      • Sang 1860 – umpisa sang gyera sibil – may malab-ot nga mga 4 milyon nga ulipon ara sa US!
    • 2nd – Tanan nga ila panikasog para lang igatong sa kalayo… vs. 13
      • Tanan ini nga mga nasyon nagapinsar nga naga-obra sila sang butang nga magtindog asta sa wala katapusan…
      • Pero wala na ang Roman Empire / ang Great wall gubaon na / kag ang US nagabatyag pa sang iya mga pilas sang mga nagliligad…
      • Tanan nila nga panikasog waay pulos – wala sang nagtiner nga legasiya – kay wala sang butang sa sini nga kalibutan nga matiner asta sa wala katapusan!
      • 2 Pedro 3:12-13 – “…samtang nagapaabot kita sang adlaw nga magabalik siya, kag samtang ginahimo ta ang aton masarangan agod mapadali ta ang iya pagbalik. Sa sina nga adlaw, sunugon ang langit kag madula ini, kag magakalatunaw sa kainit ang tanan nga ara sa duta.”
      • Tanan nga mga butang sa sini nga kabuhi masunog man lang – wala kita sang madala bisan ano…
      • Mga tawo bilog nga kabuhi nagatinguha nga mangin madinalag-on – apang ano ang kadalag-an kon wala ang Dios…
      • Basi mangin manggaranon ka sa ulihi – pero ang matipon mo lang madamo nga INOGDABOK!
    • 3rd – Ang kalibutan mapuno sang ihibalo tuhoy sa Ginoo – pareho sang tubig nga nagatabon sang dagat… vs. 14
      • Pinamulong nga natuman na sang nagligad – kag matuman pa gid sa palaaboton…
      • Sang tion sang Babylon – sang ginpakita ni Daniel kay Cyrus nga ang Dios ang nagtawag sa iya – Isaias 45:1
      • Sang mga inadlaw ni Jesus – sang nagalapnag ang Maayong Balita sa bilog nga kalibutan – Binuhatan 17:6
      • Sa katapusan nga pagbalik ni Jesu Cristo – kun san-o ipatukod Nya ang Iya nga Kaharian – Daniel 2:44
      • Ang isa ka emperyo nga indi gid madula – ang isa lang gid nga may balor!
      • Amo nga indi pag-uyangi ang imo kabuhi sa mga butang nga mapadulong man lang sa wala…
      • Mas maayo nga usaron naton ang aton oras kag panikasog para sa Kaharian nga indi gid magtaliwan!
      • Mamuhunan kita sa butang nga pwede naton madala sa langit – mga tawo nga ginsugiran naton parte kay Jesus!
  • 4th – Kailo sa Tawo nga Nagayaguta… vs. 15-16
    • Ang una nga tatlo ka kailo nagatutok sa handom para sa manggad nga kalibutanon…
    • Pagpadamo sang manggad / pagtudlo sa iban nga maghamkon / paghandom sang kalibutanon nga palanublion…
    • Ang duwa ka ulihi nga mga kailo nagtutok sa pagpalagyo sa paghukom nga resulta sang nauna nga tatlo ka kailo!
    • 1st – Ang tawo nga nagahatag sang ilimnon sa iya tupad-balay para hubogon siya… vs. 15
      • Ipasa ang botelya – para mahubog siya – para pwede siya yagutaon kon hublas na siya!
      • Nagatuhoy sa Babylon nga nagapwersa sa mga tupad nila nga nasyon nga mag-entra man sa ila kalautan…
      • Kon mapainom nila ang iban para mahubog kag mahayag ang mga sala – indi na masyado kalain tan-awon ang Babylon !
      • Madamo nga mga tawo nanamian nga magtudlo sang mga kapaltahan sang iban – para kon sila ang tulokon, indi tam-an ka law-ay…
      • Nagapangita sang tawo nga mas madamo / mas madako ang kapaltahan – para kon ikumpara mas maayo na lang sila!
      • Nagahaum nga tungod mas “Diosnon” sila sa iban – maayo sila nga tawo …
      • Pero wala ang Dios nagahatag grado base sa iban – isa lang gid ang Iya talaksan – Ang Iya Pulong…
      • Kag kon ikumpara sa talaksan sang Dios – tanan kita kinahanglan gid si Jesus!
    • 2nd – Piliton sang Diyos ang Babylon nga mag-inom… vs. 16
      • Dayon mahayag gid sila nga isa sila ka mga wala-matuli – pagano – nga nasyon …
      • Mainom sila halin sa kopa sang too nga kamot sang Dios – ang paghukom sang Dios!
      • Interesante nga laragway kon Babylon ang pagahambalan / si Belshazzar nalaglag sa tion sang isa ka hinubog nga pagsalosalo – Daniel 6
      • Ang kamatuoran, matindog kita sa atubangan ni Jesus – kag manabat para sa aton kabuhi…
      • Amo nga imbes magbantay sang mga ginahimo sang iban, sakto okon sala…
      • Dapat aton siguradohon nga ang aton panglakaton putli kag balaan sa atubangan sang Ginoo!
  • 5th – Kailo sa tawo nga nagasalig… vs. 17-20
    • 1st – Ang kapintas sang Lebanon matabon sa imo… vs. 17
      • Ang Lebanon nagatuhoy sa Judah – kag ang kapintas nga ginpakita sang Babylon sa ila…
      • Gintratar sila nga daw mga sapat – nagpalapnag sang kahadlok – nagapamatay sa mga syudad kag sa mga probinsya…
      • Ang resulta, amo man ang ila madangatan – kakugmat ang magahari sa Babylon!
      • Imbes nga maghinulsol kag magliso pakadto sa Ginoo – Madalagan ang Babylon sa ila nga mga idolo para iluwas sila!
      • Sa Hukom 10:14 – ginpigos sang mga katawhan sang Ammon ang Israel…
      • Ang problema sang Israel indi tungod nga indi sila maluwas sang Dios…
      • Naluwas na sila sang Dios halin sa Egypt / sa mga Amorites / sa mga Philistines…
      • Ang problema kay ang Israel sige ka balik-balik sa iban nga mga dios-dios imbes nga sa Ginoo…
      • Pila gid ka beses nga kinahanglan sila tudluan sang Dios sang pareho nga leksyon – Tapos na Siya!
      • Nagsiling ang Dios sa Israel nga sa BAYLO, magtawag na lang kamo sa mga dios nga ginsaligan niyo!
      • Ang problema kon nagakabuhi kita para sa isa ka butang imbes nga para sa Ginoo…
      • Nga kon mag-amat-amat na guba ang aton kabuhi– ini nga mga butang ang aton mas ginasaligan imbes nga magsalig sa Ginoo!
    • 2nd – Ano ang pulos sang Imahen… vs. 18-19
      • Apang sa adlaw sang kakugmat ano ang pulos sang mga tinigban nga idolo sang Babylon…
      • Ang mga nagtigib sini / nagmolde / nagtudlo sa iban nga saligan ini – mga manunudlo sang kabutigan!
      • Nagtuga sila sang mga bungol nga idolo – kag nagtawag sa ila nga magbugtaw!
      • Nag-ayo sa bato nga nagahipos – Bangon kag tudlui kami – pero indi man ini buhi!
      • Kamango gid nga magsalig sa mga ini – imbes nga sa Ginoo nga ara sa Iya Balaan nga Templo!
      • Ang bug-os nga kalibutan isa ka adlaw magahipos nga magatubang sa Iya!
      • Isaiah 44:19-20 – “Wala gid sila nagapamalandong kag nagahunahuna sa pagsiling, “Gin-gatong ko ang iban nga mga kahoy, kag nagluto ako sang tinapay kag nagsugba sang karne sa baga sini, kag ginkaon ko ini. Kag karon himuon ko bala nga makangilil-ad nga butang ang nabilin nga kahoy? Magasimba bala ako sa isa ka utod nga kahoy?”
      • Kabuangan nga magsalig sa mga tinigban nga idolo para magsabat sang pangamuyo / kag magbulig sa tion sang kabudlayan!
      • Basi mabais kita nga indi gid ina matabo sa aton – mga edukado na kita subong…
      • Pero nalimtan naton nga ang kwarta ginbuhat sa papel – ang papel produkto sang kahoy…
      • Damo pa ang nagasalig kay George – $1 / Abe – $5 / kag ang aton paborito – Ben – $100 nga magluwas sa ila!
      • Ang kabaliktaran pwerte gid ka dinamiko…
      • Tungod ang kabuhi 70+/- ka tuig lang nga ari kita sa duta…
      • Ang importante sa kabuhi amo ang kon diin kita mapuyo sang wala katapusan – ano ang matabo pagkatapos sang aton kamatayon…
      • Amo nga kailo sa mga bugalon– nga nagalagas sang mga butang sang sini nga kabuhi…
      • Ang pag-antos sa manggad – ang pagka-guba sang pamilya – ang pagdula sang legasiya…
      • Ang mga naga-impluwensya kag nagapakamatarong sang ila kaugalingon – nagasalig sa mga butang nga indi man makaluwas!
      • Mas maayo gid nga MAGKABUHI SA PAGTUO – ginpakamatarong / ginpatawad – nga may paglaum sang langit!