Video teaching coming soon
There is no online teaching for this study yet, but the written notes and any available study resources are still below.
These are the original teaching notes from this passage.
Habakuk 3
Review…
- Habakuk – Ika 35 nga libro sa Old Testament – ika 8 sa 12 ka Minor Prophets
- Siya ang Manalagna sa nabagatnan nga Ginharian sa tion antes lang sang pag bihag sang Babylon: 609–586 B.C.
- Ang libro sang Habakuk natunga sa 2 ka bahin…
- Chapter 1–2 – Duha ka pamangkot sa Dios – kag duha man ka sabat halin sa Dios…
- Chapter 3 – Ang katapusan nga chapter nagahinakop sang pangamuyo ni Habakkuk sa Dios!
- Si Habakuk nag abri sang libro sa una nga pamangkot – asta san-o Ginoo…
- Ang Dios nag sabat – TAN-AWA ang mga Nasyon – may himoon Siya nga makatilingala…
- Gamiton sang Dios ang Chaldeans / Babylonia sa pagatubang sang sala sang Judah!
- Si Habakuk nag pamangkot sa ika duha nga tion – ang kalautan bala magalamon sa matarong…
- Preska pa sa utok ni Habakuk ang pag laglag sang Naaminhan nga Ginharian 722 BC
- Sigurado nga indi magtugot ang Dios nga malaglag sang pagano nga taga Babylon ang Diosnon!
- Ang ika 2 nga sabat sang Dios …
- Kon ano ang ihambal sang Dios kay Habakuk indi dayon mag abot…
- Gani gin hambalan sang Dios si Habakuk nga – mag salig sa iya – ang mga bagay matabo suno sa kagustohan sang Dios…
- Dapat Magkabuhi si Habakkuk sa pagtuo – tuohan kon ano ang gin hambal sang Dios – kay iya himuon!
- Ang Dios mahatag sang 5 ka kailo sa Ginharian sang Babylon – patimaan sang ila kalaglagan…
- Kaluluoy sa imo nga nagapadamo sang manggad – malubong ka sa utang samtang nagapanikasog para sa mga butang sang sini nga kalibutan!
- Kaluluoy sa imo nga naga tudlo nga mangin mahamkonon – malaglag ang imo pamilya tungod sa malaot nga paglaygay!
- Kaluluoy sa imo nga nagapangita sang kalibutanon nga palanublion – wala sang butang sa kalibutan nga mag padayon asta sa wala katapusan!
- Kaluluoy sa imo nga naga yaguta sa iban – naga tinguha ka nga makita nga matarong paagi sa pag guba sa iban!
- Kaluluoy sa imo nga naga salig sa iban apang indi sa Ginoo – indi ka maka kita sang manug bulig sa adlaw sang kagamo!
Ang pangamuyo ni Habakuk… (3 ka punto )
- 1st – Ang pagpangamuyo para kalooyan… vs. 1-2
- 1st – Ang Hanuot nga pangamuyo … vs. 1
- Ining katapusan nga chapter sang Habakkuk isa ka pag pangamuyo / kanta (salmo)…
- Ang kahulugan sang Shigionoth walay pat-od – ang mga nagabadbad gin sunod na lang ang tinaga…
- Apang laban sa mga nagakomentar gina pinsar nga isa ka musical term – nagadala sang idea nga tudok nga emosyon…
- Naga patuhoy sa unod sang kanta /ang upod nga instrumento /ang tono!
- Shigionoth ang plural word sang Hebrew – shiggaion – pareho sila nga kaisa lang nasambit sa Biblia …
- Diri sa Habakuk 3:1 kag sa Salmo 7 nga namitlang sa tig-ulo…
- Kon ipaangid ang duha ka paggamit makita naton nga pareho ang tema….
- Sila duha sang Salmo naga pinta sang laragway sang Israel nga ara sa kapipit-an – sa tion sang wala sang paglaum…
- Sa ini nga ambahanon naga tapos sa pag dayaw sa Ginoo sa paglaum nga maluwas sila sa kagamo!
- Si Habakuk nasakitan –kulbaan – nagakabalaka sa iya mga katawhan / indi sigurado sang palaabuton…
- Nakabalo siya nga ang Ginoo amo ang sabat – apang nakabalo siya nga ang sabat indi pa mag abot subong …
- Gani indi ini kalmado nga pangamuyo – indi ini kanta sa panimbahon sa Dominggo…
- Ini nga ‘Salmo’ ni Habakuk may hanuot nga balatyagon / kag mabaskog nga pagpangamuyo!
- Kalabanan kon mag pangamuyo kita matinahuron gid – bisan daw ka plastik – sa atubang sang Ginoo…
- May kagamo sa aton Kabuhi – desperado na kita – apang ang aton pangamuyo naka ensayo …
- Ang Dios nakabalo sang aton nga tagiposoon – kag indi siya maakig sa kamatuuran…
- May ara nga mga inadlaw nga gusto ko mag singgit – maghibi – mamusdak sang inumol…
- Kag mabatyagan mo nga wala sang may ga pamati sa imo – wala sang may mapalapitan…
- Ara ang Dios nga magpamati sang aton kasakit / duda / kahadlok – indi niya pagtalikudan ang aton kasakit!
- 2nd – Ang pangamuyo sa pag dumdum sang kalooy… vs. 2
- Nabatian ni Habakuk ang ginhambal sang Ginoo kag nagbatyag siya sang kahadlok /makahalawhaw …
- Nag pamangkot siya sang duha ka pamangkot – kag ang Ginoo nag hatag sa iya sang duha ka makakululba nga sabat…
- Ang Dios gamiton ang Babylon sa pag hukom sang Judah – pagkatapos iya nga hukman ang Babylon!
- Si Habakuk nag-ayo sa Ginoo nga isag-uli ang Iya Obra sang una – himoon sang Dios kon ano ang gin himo Niya sadto!
- Ang Dios gin tubos niya ang Israel sang una – gin luwas sila batok sa daw indi masarangan nga kabudlayan…
- Nabatian ni Habakuk ang mga estorya – apang gusto niya nga makita ang Dios nga himoon man ini sa Iya nga adlaw!
- Sa tunga sang Iya nga kaakig nga gusto niya ibubu sa Judah / Babylon – nga Iya dumdumon ang kalooy…
- Indi man nga ang Judah takus nga luwason – apang ang kalooy magalabi sa paghukom!
- Santiago 2:10 – gina hambalan kita nga isa lang ka sala indi na kita makakadto sa langit…
- Tanan kita takos nga pagahukman – Roma 3:23 – tanan kita nagganar sang kamatayon – Roma 6:23
- Apang si Santiago nagpadayon sa paghambal sang kalooy labaw sa paghukom – Santiago 2:13
- Kon ano ang ginhimo ni Jesus sa krus sang kalbaryo nag abri sang alagyan para sa aton nga kapatawaran…
- Pareho sa ginhimo sang Dios sa indi na maisip nga mga tion – mahimo Niya gihapon lisuon ang makasasala nga mangin mgasantos…
- Pareho sang pangamuyo ni Habakuk – ang Dios nag tubos sa aton batok sa tanan nga kabudlayan!
- 1st – Ang Hanuot nga pangamuyo … vs. 1
- 2nd – Ang pagdumdum sang nagligad – Selah… vs. 3-15
- Ang Selah (3 total) – pamalandungi sang makadali…
- Si Habakkuk ginbalhin niya ang iya pangamuyo sa pagpamalandong – pagdumdum sa ginhimo sang Dios…
- Kon paano niya gin kuha ang isa ka watak-watak nga grupo sang mga esklabo – kag ginhilway sila sa pag esklabo sang Egypto…
- Indi na kinanglan nga ipahanumdum sa Dios ang Exodo – wala niya nalimtan…
- Apang ini naghatag kayHabakkuk sang ma-athag nga panan-awon – Gintubos sila sang Dios / masarangan Niya himoon liwat!
- Sa masami ang pagtilaw sa kabuhi amo ang naga lunod sa aton…
- Apang kon madumduman naton ang katutum sang Dios – naga-lain ang panaaw naton sa mga butang…
- Indi ta na makita ang aton problema – sa baylo ang Dios dako sang sa aton nga problema!
- Ini nga pagpamalandong sang Exodo na tunga sa 3 ka bahin…
- Kada bahin naga unod sang poetic phrase nga Selah…
- Ini ginahunahuna sa pag patuhoy sa pag tunga sang salmo – tion sa pag untat kag magpamalandong /pamati…
- Sa malipot nga pulong si Habakuk indi lang nag pamalandong sa Ginoo – nag untat siya kag nag pamati!
- Malaka lang nga naga pangamuyo kita kag nagapamati –masami nga isa lang ang naga hambal…
- Naga libog ulo naton kaisa – kon wala sang nagasabat -may nagapamati ayhan – Lucas 18:11
- Paano kita maka-angkon sang maayo nga relasyon sa Dios – kon wala Siya naton gina hatagan tion sa paghambal…
- Kinanglan naton maghatag sang tion nga mag pamati sang kaalam / kalugpayan nga ginadala Niya sa aton kabuhi!
- Gamiton ni Habakkuk ang iya poetic language sa pag laragway sang Exodo …
- Ang una nga mga dinalan kon basahon medyo magumon /nagamual…
- Apang ang ini naga ilustrar – kag ang yabi amo nga iangot mo siya sa nagkalatabo sa Exodo!
- 1st –pagpamalandong sa iya Pagkabalaan/ gahum sang Dios … vs. 3-7
- Ang Dios (Eloah) halin sa Teman (Edom) – sa nabagatnan nga desierto sang kamingawan sang Judea…
- Ang isa ka Balaan nga halin sa kabukiran sang Paran – isa pa ka ngalan sang bukid sang Sinai – Deuteronomeo 33:2
- Ang iya nga himaya natuptupan ang langit – kag ang duta puno sang pagdayaw!
- Ang silak sang kasanag nagahalin sa iya kamot – pag sambit sang kilat!
- 2 ka bulan sa adlaw matapos makaguha ang Israel sa Egypt – nag abot ang taga Israel sa bukid sang Dios…
- Sa na-andan ang Bukid sang Sinai ara sa Sinai Peninsula tunga sang Egypt kag Israel…
- Apang ang Mt. Sinai / Mt Horeb makita sa duta sang Midian (Saudi Arabia) – Exodo 3:1
- Suno sa isa ka isturyador nga si Josephus amo na da ang pinaka taas nga bukid…
- Haum-haum lang – ‘ang Bukid sang. Jebel el Lawz’ isa sa pinakamataas nga bukid sa Saudi Arabia…
- Ang pinakamataas nga 200’ sang bukid sunog na asta sa sini nga tion…
- May ara nga sinang una nga muhon kada 400 ka yarda nga pa bilog ang korte!
- Exodo 19 – nag hambal ang Dios sa Israel nga wala sang pwede nga mag kadto sa bukid…
- Wala gid sang may makakadto – may kudal sa palibot – ‘do not enter’!
- Kon may tawo ukon sapat ang mag laktod sa bukid – dapat patyon…
- Bangod ara ang Dios sa bukid – ginakabig nila ang bukid nga sagrado…
- Sa isa ka persona nga indi balaan – makasasala – bisan ang bukid indi pwede matandog tungod balaan…
- Ginapatay sila –pero indi man dapat sila tandugon…
- Gina bato sila ukon gina-pana sa may distansia!
- Indi mapalapitan ang Dios sang makasasala nga mga tawo – indi naton matandog ang Dios nga Balaan…
- Ang kalibutan nadulaan sang kahadlok / pagtahod sa pagkabalaan sang Dios…
- Gina yaguta sang mga tawo ang Dios subong – ginahimo nga pamuyayaw ang ngalan ni Jesus – nga daw wala sang resulta!
- Ginayubit sang kalibutan ang Biblia – bangod wala sila sang kahadlok sa Ginoo…
- Wala sila makaintiendi sang Pagkabalaan sang Dios – kag ang kahadlok sa Iya presensia.
- Wala sila nahadlok sa pulunkuan sang paghukom – wala sila mahadlok sa linaw nga kalayo…
- Apang may duha lang ka klase nga tawo para sa Dios…
- Maalam nga makasasala nga may kahadlok sa Ginoo kag nakakita sang pagkinanglan nila kay Jesus – Kag ang mga wala nakakita…
- Sa mga nag sikway kay Jesus – ang nagahulat, pat-od kag makahaladlok nga paghukom!
- Salmo 111:10 – “ Dapat magtahod siya sa Ginoo. Ang tanan nga nagatuman sang iya mga sugo may husto nga paghangop…”
- Magadala sang kalalat-an ang Dios /kag hilanat (nagabaga nga uling)naga sunod sa iya … vs. 5
- Sa mga wala naga tuman sa Ginoo – mabayad sang mahal sa pagrebelde…
- Nag bilin ang Dios sang pamatu-od sang kalaglagan (burning coals) pareho sang – 10 ka kalalat-an sa Egypt…
- Samtang naga lakbay ang Israel paguha – pamesti kag kamatayon ang ila padya sa pag rebelde…
- Ang bulawan nga baka – Exodo 32 / man-ug – Numero 21 / pag rebelde ni Balaam – Numero 25
- Ayhan wala gid mahangpan ang lista sang 10 ka kalalat-an – ang tumalagsahon kag nanarisari nga balatian…
- Apang nahangpan sang Ehiptohanon ang mensahi nga gin hatag sang Dios sa ila…
- Kada isa ka kalalatan naga sibu sa Ehiptohanon nga dios(Ang Dios mas daku)!
- Kag kada rebelde sang Israel – naga salig sa iban imbes nga sa Dios!
- Sobra ang gugma sang Dios sa aton nga bisan gina butang naton aton pagtuo sa iban…
- Ginatugot niya ang kalalat-an kag nagadabdab nga baga – asta nga magtuon kita nga SIYA LANG ang sabat!
- Natakus sang Dios ang Duta –kag ginlapta Niya ang kabukiran… vs. 6-7
- Kon mag sunod ang Israel sa Ginoo – Ang mga pungsod naga kurog – ang mga pumuluyo sang pungsod…
- Natakus niya ang duta – kag ginlapta ang walay katubtuban nga mga kabukiran…
- Ang tulda sang Cush nabudlayan /Ang kurtina sang Midia nagakurog – ang mga pumuluyo sang pungsod…
- Kon ihambal naton ang madinalag-on kag gin ang dutang saadtunga ang!
- Indi mo gustuhon nga ara ka sa sayop nga bahin sang Dios – wala siya nagapakigaway sang patas…
- Sa Josue 10:11 nag padala ang Dios sang ulan nga yelo sa nagapakigaway nga mga soldado sa Israel…
- Sa Isaias 37:36 nag padala ang Dios sang angel sa pagpapas sang 185,000 ka mga soldado sang Assyria…
- Indi ta matingala nga nag hambal sini si Pablo – ‘makasiling kita nga ang Dios nagaapin gid sa aton, kag wala sing may makahalit sa aton…’ – Roma 8:31
- 2nd – Pagbinagbinag sang kadalaga-an sa kabudlayan… vs. 8-10
- Akig bala ang Ginoo suba / sa dagat – amo na bala kon ngaa gin tunga niya ang tubig…
- Ang pag tunga sang Mapulang Dagat – Exodo 14:21 / ang Suba sang Jordan – Josue 3:15
- May Kangga si Pharaoh nga armas – apang ang armas sang Dios amo amo ang dagat!
- Ang iya pana (weapon) handa (naked) – kay siya ang obra sang mga suba!
- Ngaa ang Dios gapakigaway para sa Israel – bangod nga may pangako siya sa baslay (people)!
- Ang Dios nag himo sang kasugtanan kay Abraham / Isaac / kag Jacob – kag indi na niya guba-on!
- Ang mga bukid daw pareho sa mga tawo nga nagkurog sang pagkakita nila sa imo… vs. 10
- Nag-ulan sing mabaskog – naghuganas ang tubig sa dagat – gin bayaw nila ang ila kamut sa Dios…
- Ini isa kalaragway sang pag tunga sang Pulang Dagat – ang problema nanginsolusyon!
- Ang Pulang Dagat daw isa ka problema nga wala sang solusyon…
- Sigurado nga ang mga kabataan sang Israel nag tanaw sa Mapulang Dagat – kag nagpalangurog…
- Apang ang Mapulang Dagat nag tanaw sa Dios – kag nag kurog – isa ka galamiton sa kamot sang Dios!
- Salmo 77: 16,19 – “Sadto nga hitabo ang mga tubig, O Dios, daw pareho sa tawo nga sang pagkakita sa imo hinadlukan kag nagkulurog.Gintabok mo ang dagat nga may dalagko nga mga balod,pero indi ka makita!”
- Sa masami naga tanaw kita sa aton kabudlayan/problema sa kabuhi – kag naga palangurog sa kahadlok…
- Apang ang aton problema naga tulok sa Ginoo – kag nagapalangurog sila -GINAGAMIT sila sang Dios…
- Gina tunga Niya ang dagat sang aton kabudlayan -ginplastar nga magtimbang sapihak kag pihak naton…
- Iya kita gina dulong sa dalan nga wala sang may nakabalo – paagi sa kabudlayan…
- Wala ginakuha sang Ginoo aton problema – gina gamit niya ini sa aton kabuhi!
- 3rd – Pagbinagbinag sa gahum sang pagpangamuyo… vs. 11-15
- Nag pundo ang Adlaw kag ang bulan…
- Tungod sa Iya nga kaakig, ginlatas Niya ang kalibutan – gintasak tasak ang mga nasyon sa kasingkal!
- Ang Dios naglakat sa (pakigaway)agod luwason ang Iya mga katawhan – upod sa imo nga hinaplas nga si (Joshua)…
- Pagbunal sang malaot halin sa ila ulo asta sadsaran (toe) –wala sang may naluwas sa kasinkal!
- Ini naga patuhoy sa pakigaway ni Joshua sang nag-abot ang Israelsa Dutang Saad…
- Sang pagpakig-away sa 5 ka Hari sang nabagatnan – nag pangayo si Josue sang dugang nga oras sa pag lutos sa ila…
- Gani gin pauntat sang Dios ang Adlaw kag Bulan sang isa ka adlaw – Josue 10:13
- Kaisog nga pangamuyo – makapamangkot ka kon nagduda bala si Josue kon masabat ang Dios!
- Josue 10:14 – “Wala pa gid matabo halin sang una kag halin sadto nga nagsabat ang Ginoo sang pangamuyo sang tawo nga pareho sina. Matuod gid nga nagapakig-away ang Ginoo para sa Israel…”
- Kon naga duha duha ka pa kon nagapangamuyo ka sang insakto nga butang’ – kinanglan isa lang ka pamangkot…
- Ngaa mangamuyo pa kita – kon ang motibo ta insakto – ang aton pangamuyo insakto lang!
- Wala kita sang malain nga pangamuyo – kon may ara ka nga insakto nga tagiposoon…
- Santiago 4:3 – “Kag kon nagapangayo kamo, wala kamo ginahatagi kay malain ang inyo tinutuyo. Ang mga butang nga inyo ginapangayo para lang sa inyo kaugalingon nga kalipayan.”
- Kon ang motibo ta maiya-iyahon – kon ang aton tagiposoon indi insakto – ang aton pangamuyo indi masabat…
- Apang kon aton ginapangayo ang butang nga iya nga ginhatag sa aton nga halandumon- Salmo 37:4
- Ginapangayo mo ang kaluwasan sang imo nga abyan / pamilya- ina nga pangamuyo ang pagasabton sang Dios!
- Gin patay sang Dios ang kaaway sang Israel gamit ang ila kaugalingon nga mga pana… vs. 14-15
- Daw ginsalakay nga daw pareho sang bagyo agod maglapta ang Israel – piestahan ang mga imol (sulugoon)…
- Sa baylo ang Dios nag lakat paagi sa dagat upod sa Iya mga kabayo – paagi sa nagalapaw nga mga tubig!
- Sa liwat naga patuhoy sa pag pihak sang Mapulang Dagat – sang si Moses nag pangamuyo…
- Gin hambalan ni Moses ang Israelinhon nga ang Dios amo ang makigbato para sa ila – papason ang mga Ehiptohanon…
- Apang naghambal ang Dios kay Moses – tama na anay nga pangamuyo – PADAYON SA PAGLAKAT!
- Exodo 14:15 – “ Dayon nagsiling ang Ginoo kay Moises, “Ngaa sagi ka pa panawag sa akon? Silinga ang mga Israelinhon nga magpadayon sila sa paglakat!”
- May tion sa pagpangamuyo – kag tion sa pag giho!
- Indi man nga indi na ta mangamuyo – dapat kita nga mga tawo magpangamuyo – II Tesalonica 5:17
- Apang gina tawag man kita sa pag hulag – gin tawag kita nga mag lakat sa pagtuo – II Corinto 5:7
- 3rd – Nagalaum para sa palaabuton… vs. 16-19
- 1st – Sa pagdumdum ni Habakuk sa katutum sang Ginoo – nalampuwasan niya … vs. 16
- Ang iya lawas nag palangurog / pati ang iya bibig /nangluya ang iya tiil (rottenness)…
- Indi sa kakapoy – kundi nalugpayan – tungod nga sa ulihi maka pahuway sa adlaw nga magamo…
- Pareho sa pag tubos sang Ginoo sa Israel sa ila paguha – pat-od gid nga himoon liwat sang Dios!
- Iya tumanon ang Iya nga gin Pulong nga mag dala sang paghukom sa Babylonia!
- Permi kita naga uyang sang aton tion sa pag kabalaka sang aton problema…
- Ang problema kay nagakabalaka sa problema nga wala man sang mabulig – naga himo pa gid sang bagay nga mag lala
- Pwede pa kita mag masakit – magsakit ang tiyan /mag taas imo dugo…
- Hulubaton 12:25 – “Ang pagpalibog makakuha sang kalipay sang tawo…”
- Apang kon aton madumduman si Jesus – ang aton pagkabalaka matunaw kag mabaylohan kita sang kalinong – Filipos 4:7
- Bisan indi naton naintiendihan kon SAN-Oang Dios magpanghikot…
- Indi ta man mahibaloan kon PAANO sang Dios obrahon ang aton gina atubang nga problema…
- Nagasalig kita nga Siya mangin matutum – kag mag panghikot sang tanan!
- Pareho sa mga gagmay nga bata nga wala naga pamangkot kon may pagkaon – ukon may bayuon…
- May ara sila sang bug-os nga pagsalig sa ila ginikanan nga mahimunan ang TANAN nila nga kinahanglanon!
- 2nd – Bisan ang higera nga kahoy / ubasan / kag ang kahoy olibo wala sang bunga… vs. 17-19
- Bisan wala patubas ang duta kag wala sang karnero sa toril…
- Nagatuhoy sa dako nga halit sa Duta – ang makahalalit nga gin dala sang babylon…
- Magakalipay gihapon si Habakuk tungod sa Ginoo – Ang Dios nga makaluwas…
- Bangod nga naglakat siya sa pagtuo – kag ang Ginoo naghatag sa iya sang kusog…
- Ginapabaskog ang iya mga tiil pareho sa tiil sang usa – agod nga mataklad niya ang mataas nga lugar!
- Ang paglalaw ni Habakuk sa mabudlay nga kahimtangan sang iya katawhan – nabaylohan sang kalipay!
- Kon magtanaw lang kita sa kahimtangan sang kalibutan sa palibot naton…
- Masubuan gid kita / maakig /magkabalaka, mapaslaw…
- Indi kita makalakat sa mga mataas nga lugar – indi kita mangin masadya nga mga tawo…
- Tungod nga ang kasadya naga depende sa aton kahimtangan…
- Apang ang kalipay (Joy) mas madalum – wala naga basi sa aton kahimtangan – ini nakabase kay Jesus…
- Si Jesus wala naga bag-o – pareho Siya kahapon / subong /kag sa palaabuton- Hebreo 13:8…
- Sa bisan ano nga kahimtangan – PERMI gid kita may kalipay tungod kay Jesus!
- Salmo 16:11 – “Tungod sang imo presensya, malipayon gid ako…”
- 1st – Sa pagdumdum ni Habakuk sa katutum sang Ginoo – nalampuwasan niya … vs. 16