Hebrews 12:5–17

Langitnon nga amay… (2 ka punto)

• 1^st – Disiplina… vs. 5-11
  • 1^st – Nalipatan… vs. 5
    • Siguro nalipatan na ninyo ang laygay sang Dios sa inyo bilang iya mga ana
    • Kon magpili kita sa pagkasala-may salabton ikaw – Galacia 6:7
    • Kon ang pina mag-abot na- nalipat kita kon ngaa ginhimo ini sang Dios!
    • Nalipat- diri lang sa NT- permi kita nagakalipay…
    • Ang pina amo ang napapalipat sa aton..
    • Ang pagpabakod nagapakighambal sa aton bilang mga kabataan…
    • Ang nagsulat nagsulit sini halin sa OT– Hulubaton 3:11-12
    • Nagakalipat kita sang nahambal sang Bibliya-kay indi kita nanamian sang aton nabatian…
    • Ang sala nagapalayo sa aton nga indi makabati sa pagtawag sang Dios sa aton…
    • Indi lang kita nanamian sang Iya nahambal- gani nagauntat kita pamati sa Iya!
    • Ang Bibliya makapalayo sa aton sa sala-pero ang slaa nagapalayo sa aton sa Bibliya!
    • Salmo 119:11 – “Ginatipigan ko ang imo pulong sa akon tagipusuon agod indi ako makasala sa imo.”
  • 2^nd –Indi pagbaliwala… vs. 5
    • Anak, indi pag-ibaliwala ang pagdisiplina sang Ginoo sa imo
    • Ibaliwala- diri lang sa NT- wala gina paminsar/indi importante…
    • Pagdisiplina- pwede man mahambal nga paghanas!
    • Hapos lang nga indi makita ang pagdisiplina/pagpina sang Dios…
    • Nagatudlo sa aton sa pagkabuhi nga Balaan – palikawan ang ka delikado sang sala!
    • Ka isa mo lang paandaman ang bata nga indi magtandog sang kalayo…
    • Kay kon mapaso gani bisan ka isa lang-makatuon na siya!
    • Ang Dios wala nagapina sa aton mga sala kay akig siya sa aton…
    • Ginahimo Niya ini para matudluan kita-ang sala indi makatupong sa kasakitan nga ihatag niya…
  • 3^rd –Indi magkaluya… vs. 5
    • Indi magkaluya kon ginadisiplina ka sang Dios…
    • Indi magkaluya- daw malipong ukon indi na maka agwanta…
    • Kon ang Ginoo nagadisiplina- sa pagtudlo ukon may makita nga sala sa aton buhat!
    • Kon wala kita makaitiendi sa pagdisiplina sang Dios…
    • Nagakadulaan kita kusog sa mga pina nga mabataon halin sa Dios!
    • Imbis nga magtan-aw sa pina bilang opurtunidad sa pagtuon kon paano magkabuhi nga balaan…
    • Ang aton pinsar ya nga ang Dios akig sa aton- gusto nga sakiton kita…
    • Abi naton ang Dios may balaan nga inugbakol sa aton kada pakasala…
    • Ang matuod ang Dios nagahanas sa aton nga matapos ang pagpalumba!
    • Filipos 1:6 – “Nasiguro ko gid nga ang Dios nga nagsugod sa paghimo sang maayo nga mga butang sa inyo magapadayon gid sa paghimo sini hasta sa adlaw nga si Cristo Jesus magbalik.”
  • 4^th –Palangga kita sang Ginoo… vs. 6
    • Kay ginadisiplina sang Ginoo ang iya mga ginapalangga…
    • Palangga- wala kondisyon- perpekto nga gugma sa isa ka tawo…
    • Ang isa ka paagi nga ginapakita ang pagpalangga sang Dios sa aton paagi sa pagdisiplina!
    • May isa ka bata nga wala ginapinahan sang iya ginikanan…
    • Pagusto lang siya kon ano iya himuon nga wala pina!
    • Nangawat siya salakyan- wala pa siya kaagi drive-nabunggo kag dutayan siya napatay
    • May nakakita sa iya- kag ginbuligan siya- wala na niya liwat nakita ang nagbulig [anghel]
    • Pagkatapos sang isa ka tuig nga pagpaayo sa iya- nagapalapit siya sa iya abyan…
    • Gusto niya mabal-an si Jesus- ang pina sang sala nagdala sa iya sa Dios!
    • Ang gugma wala nagapabaya sa sala kay ang sala naga separar sa aton sa Dios…
    • Ang pinaka mahigugmaon nga mahimo sang Dios sa aton sala amo ang pagpaubos sa aton!
  • 5^th – Kita mga bata sang Dios… vs. 6-8
    • Kag ginahanot niya ang tanan nga ginakabig niya nga iya mga anak.
    • Ginahanot- ka 7 nasulat sa NT- ang paghanot sang isa ka tawo sang latigo…
    • Pareho nga pulong ang gingamit sang si Jesus ginhanot ni Pilato – Juan 19:1
    • Ang pagpina sang Dios indi lahog lahog…
    • Kay himuon sang Dios ang tanan nga masarangan nga masigurado nga mapa langit kita!
    • Damo nga nagapwalaan lang ang sala- daw indi importante…
    • Kon ang sala pawalaan lang -kuntani wala na si Jesus nagpanginmatay para bayadan ini…
    • Ang sala makapatay- amo ini ang maka separar sa aton sa Dios…
    • Gani wala sang indi maghimuon sang Dios para magpalayo kita sa sala!
    • Ang Dios nagapina lang sa Iya mga kabataan…
    • Kon agwantahon ang pagpina -himuon ini sang Dios nga ikaw bilang iya anak…
    • Ano klase bata kon indi ka magdisiplinahon sang imo amay…
    • Pero ikaw nga wala ginadisiplina- nga ang tanan dapat makaambit…
    • Siguro ikaw indi tuod nga bata sang Dios!
    • Kon may bata nga nagadalagan sa dalan- paandaman nga indi paghimuon ina..
    • Pero indi akon responsibilidad nga pinahan sila- kay indi akon bata…
    • Pero kon akon bata magdalagan sad ala- pinahan ko siya kay akon siya bata!
    • Kon may mga nagakabuhi sa sala kag wala sang may natabo sa ila…
    • Nagapaakig sa aton kay paano sila nakalusot kag kita ya nadakpan kag ginpinahan…
    • Kon ang Dios nagpabaya sang mga nakasala -buot silingon indi sila Iya mga bata…
    • Kay ang Dios nagapina sa kada bata nga Iya nabaton!
  • 6^th – Ihimplo sang Amay… vs. 9-10
    • Kita may mga Tatay kita nga nagasaway sa aton…
    • Ang mga tatay nagakalipat nga sila ang mga espirituhanon nga amay sa balay…
    • Ang ihimplo sang Amay ang ginasunod sang pamilya…
    • Kon ang Amay wala nagasunod kay Jesus- ang iya pamilya masunod sa iya!
    • Ang mga tatay may responsibilidad-obligasyon sa pagtudlo sang ila kabataan kay Jesus…
    • Sa pag giya sang ila pamilya-asawa sa kay Jesus paagi sa ila ihimplo- Efeso 6:4
    • Bahin sang isa nga nagagiya amo ang pagsaway…
    • Ang mga bata indi makatuon sang ginapina sa ila buhat kon indi magtuon sa pagtuman…
    • Amo ina nga mga ginikanan handa magtudlo sa ila mga kabataan kag pagahanas sa Ginoo!
    • Hulubaton 13:24 – “Wala mo ginahigugma ang imo bata kon wala mo siya ginadisiplina. Kon ginahigugma mo siya, ginatadlong mo ang iya pamatasan.”
    • Hulubaton 22:15 – “Batasan na sang mga bata ang pagbinuang, pero matadlong ini nga batasan kon disiplinahon sila.”
    • Hulubaton 23:13 – “Indi ka magpabaya sa pagdisiplina sang imo bata. Ang paghanot indi makapatay sa iya, kundi makaluwas pa gani sa iya sa kamatayon.”
    • Kag ginatahod naton sila…
    • Isa sa mga budlay nga butang nga nahimo sang amay amo ang pagpina sa mga kabataan…
    • Sa tion nga maghmbal kita nga indi sa ila kag kon maghatag sang pina sa ila mga sala…
    • Bilang Tatay may mga tion nga basin may kaakig ang akon bata magdako siya!
    • Pero ang aton mga kabataan indi maakig kay ginpinahan sila- marespeto sila…
    • Sigurado indi sila malipay samtang ginapinahan…
    • Ma realisar nila nga tungod sa gugma ginhimo ato sa ila kag ang handom nga tuduluan sila!
    • Mas maayo panga magpasakop kita sa aton Amay sang espiritu kag magkabuhi… vs. 10
    • Ang Dios nagadisiplina sa aton para gid sa aton kaayuhan…
    • Para ini sa aton kaayuhan agod mangin matarong kita pareho sa Iya…
    • Magpasakop- magpaidalom- magtuma sa mando sang isa ka tawo…
    • Ang punto diri nga kon handa kita nga sawayon sang Tatay naton diri sa kalibutan…
    • Sa malip-ot lang nga tion- basi 20 ka tuig- pagdisiplina maayo gid…
    • Ano pa gid kanami kon handa kita magpasakop sa aton perpekto nga amay sa langit…
    • Ang nagadisiplina para sa aton kaayuhan-kag mangin matarong kita pareho sa Iya…
    • Dapat magbaton/magpasakop sa pina nga halin sa Dios…
    • Ang tanan nga iya ginahimo para sa aton kaayuhan- kag ginahimo Niya sa gugma!
    • Makita naton nga importante ang mga Tatay sa kabuhi sang mga kabataan…
    • Kita ang ihimplo para sa ila- kon paano ang Dios nagapina/nagapalangga/tudlo sa ila…
    • Mga Tatay- kon ano kita amo ina ang pagtan-aw nila sa aton Amay sa Langit!
  • 7^th – Ang Tuyo… vs. 11
    • Samtang ginadisiplina kita, daw wala kita malipay kundi nagakasubo…
    • Sang gamay pa ko damo ko may ginpanghimo nga sala-akon Tatay naga balbal sa akon…
    • Indi ko namian sang paha nga iya gingamit!
    • Kon maakig sa paha wala ka nakatuon sang leksyon sang pagpina…
    • Ang kamatuoran ang Tatay nagapina tungod sang iya gugma-gusto niya mangin maayo ako!
    • Pero wala sang pagdisiplina nga nalipay ka sa sina nga tion…
    • Kon ang pagpina saday- indi ini makabulig sa pag untat sang sala…
    • Ang rason ngaa maayo ini sa paghanas sa aton-kay ini masakit!
    • Pero sa ulihi ini nga pagdisiplina nagaresulta sang kalinong sa aton kabuhi tungod kay paagi sini nagatadlong ang aton pamatasan.
    • Sa katapusan nagadala sang kalinong tungod kay paagi sini nagatadlong ang aton pamatasan…
    • Gindisiplina- matawag ini naton nga exercise!
    • Ang maayo nga lawas indi aksidente lang- dapat dedikasyon kag kusog magpadayon…
    • Ang pagka diosnon indi lang aksidente-resulta ini sang paghanas sang mga ginikanan!
    • Amo man sa aton-may bunga kita nga maayo [kalinong/ matarong]
    • Kon ginahanas kita paagi sa pagdisiplina nga halin sa Dios!
    • Ang pina may tuyo- ini para sa aton pagtubo sa Ginoo!
• 2^nd –Pagpatawad… vs. 12-17
  • 1^st – Nababakod… vs. 12-13
    • Gani magpakabakod kamo- ang mga kamot nga nagaluyloy kag ang mga tuhod nga maluya…
    • Magpadayon sa tadlong nga dalan…
    • Magkusog/magtadlong- halin sa pulong nga indi na tiko…
    • Ang ginatudlo diri nga ang kabug-at sang pagdisiplina sang Dios…
    • Naguntat na- ang kamot nadagdag/ang tuhod nagluya…
    • Ang aton mga tiil nagtalang na- wala na kusog sa pagsunod sa Dios!
    • Kay wala kita nakaintiendi sang pina – wasak na nkita!
    • Hulubaton 16:18 – “Ang pagpabugal kag pagkamatinaas-taason sang tawo makalaglag sa iya.”
    • Ang pulong nga wasak, guba kag malaglag ang aton tan-awon…
    • Ang pulong naman nga bugalon – buot silingon dapat balion para magluya kag indi katindog…
    • Ang bugal kag pagpatikal amo ang makawasak sa aton kag indi makatindog sa aton kusog…
    • Nagatudlo ini sa aton mga magpaubos para makabaton kita sang Grasya sang Dios!
    • Santiago 4:6 / 1 Pedro 5:5 – “Ginasumpo sang Dios ang bugalon, pero ginakaluoyan niya ang mapainubuson.”
    • Ang dalan diri lang nasulat sa NT- ang dalan nga damo na ang nakaagi!
    • Ang dalan nga duta nga damo mga tinapakan sang salakyan…
    • Ang iban dalom na kay damo nagalabay- makita nga indi lang ikaw ang nag-agi!
    • Abi mo ikaw lang ang nakaagi sang imo naatubang sang pagtilaw…
    • Magpabakod ka- ang ini nga dalan damo na ang naka agi kag damo na ang nauna sa aton…
    • Ang tanan naga atubang sang pareho nga pagtilaw- magtuon sang pareho nga leksyon!
    • 2 Corinto 10:13 – “Pero kami iya wala nagapabugal sing sobra, kundi hasta gid lang sa obra nga ginhatag sang Dios sa amon, kag lakip diri ang amon obra sa inyo.” 
    • Nabali [maluya] magbalik sa insakto nga dalan kag magbaskog…
    • 1 Timoteo 5:15 – “Nagasiling ako sini tungod kay may iban nga mga balo nga nagtalikod na gani sa pagtuo kag nagsunod na kay Satanas.”
    • Kon indi kita magpadayon sa matadlong nga dalan basi mapalayo kita…
    • Kon magluya na kita basi magpalayo kita sa aton paglaom kay Jesus…
    • Imbis nga madulaan kita kusog- maayo kita kag ginpatawad!
    • Ang aton relasyon sa Dios nga naguba tungod sang sala- naayo na!
    • 1 Juan 1:9 – “Pero kon ituad ta sa Dios ang aton mga sala, masaligan siya sa pagpatawad sang aton mga sala kag sa pagtinlo sa tanan ta nga mga kalainan. Himuon niya ini tungod nga matarong siya.”
  • 2^nd – Tinguhai… vs. 14
    • Tinguhai- maayo ang relasyon sa tanan- may kalinong…
    • Permi magtinguha- sa paghimo sini sang aton bug-os nga kusog…
    • Ang sitwasyon diri nga- kita tanan may sala sa Dios kag gindisiplina…
    • Tungod kay ang tanan nga sala batok sa Dios– Salmo 51:4
    • Kay ang iban naapektuhan sang aton sala-dapat magtinguha kita nga may kalinong sa ila!
    • Tinguhai man ang pagkamatarong/balaan-kay kon indi matarong indi makita ang Dios …
    • Mangayo patawad kag magpatawad…
    • Bahin sang pagkabalaan- handa sa pagpatawad sa iban…
    • Balaan- ginpain – lain sang sa kalibutan…
    • Ang kalibutan wala nagapatawad kon nasakitan sila- dumdumon nila ang imo sala!
    • Pero kita lain-nagapatawad kita- bisa ano, kay sin-o!
    • Kay si Jesus nagbayad sa krus sa aton sala- tanan naton nga sala…
    • Handa Siya magpatawad sang tanan nga aton ginhimo-kag himuon pa!
    • Paano nga kita indi makapatawad sang gamay nga sala nga ginhimo sa aton!
    • Kon indi kita magpatawad-ang Dios indi magpatawad sa aton!
    • Mateo 6:15 – “Pero kon indi kamo magpatawad sa ila, ang inyo Amay indi man magpatawad sa inyo.”
      3^rd – Indi magtago sang kaakig/aligutgot… vs. 15-17
    • Mag-andam kamo kay basi kon may ara sa inyo nga magtalikod sa bugay sang Dios… vs. 15
    • Mag-andam/Magbantay- pareho sang pulong nga Pastor- daw gwardiya…
    • Bantayan ang kugalingon basi magtalikod sa bugay sang Dios…
    • Magtalikod – mabilin sa grasya kag indi makalab-ot sa katapusan!
    • Ano ang maka patalikod sa pagtapos sa palumba- sa paglab-ot sang Grasya sang Dios!
    • Kon may kaaakig kag nagaresulta sa pagpanggamo kag madamo ang madalahig…
    • Ang gamot sang kaakig-naga guwa sa tagipusoon nga wala nagapatawad…
    • Nagapanggamo – diri lang sa NT- halin sa pulong nga nagapanghalit…
    • Kon may isa nga may kaakig nga nagtubo sa tagipusoon- nagahalit ini sa ila…
    • Indi ini nagapabilin lang sa ila- nagalapta ini kag naga paghigko sa iban!
    • Ang aton nasanayan nga indi mag-atubang kon naglain ang buot…
    • Kon may isa nga naghimo sala- ang kalabanan nahimo amo nga pawalaan lang…
    • Pabay-an lang kag madugayan lang madula lang nga daw milagro!
    • Efeso 4:26 – “Kag indi ninyo pagpadugayon ang inyo kaakig sa bug-os nga adlaw.”
    • Ang problema nga pawalaan-madako ini kag makaguba sang relasyon…
    • Kon pawalaan ang problema- ginatagaan naton si satanas sang opurtunidad nga gamiton…
    • Namian si satanas kon kita nagaaway sa simbahan- kon may kaakig kag aligugot…
    • Indi pagsugti si satanan nga kawaton ang pagpatawad kag kalipya nga nahatag ni Jesus!
    • 2 Corinto 2:11 – “Dapat ta himuon ini agod indi kita madaog ni Satanas, kay nahibaluan ta kon ano ang iya mga pahito.”
    • Mag-andam man kamo nga wala sing bisan isa sa inyo nga maghimo sang imoral nga pagpakigrelasyon… vs. 16
    • Imoral nga pagpakigrelasyon- nagakabuhi lang sa pagpangalipay sa kalibutan…
    • Ang nagahimo pareho sang nahimo sang kalibutan…
    • Ang resulta sini nga indi makatapos sa palumba – kay tungod sa aligotgot sa tagipusoon…
    • Kon magkabuhi kita sa kalibutan- ang aton pinsar parte lang sa ini nga kabuhi!
    • Kaangay kay Esau ginbaylo ang iya pagkamagulang sa isa ka yahong nga sabaw… vs. 17
    • Si Esau subang nga bata ni Isaac- magulang nga bata sang iya kapid nga si Jacob…
    • Siya dapat makaangkon sang mga bugay-mangin bata sang promisa…
    • Pero ginbaylo lang niya in isa isa ka yahon nga sabaw– Genesis 25:32-34
    • Si Esau indi interesado sang promisa sang Messias…
    • Interesado lang siya sang mag butang sang kalibutan- ang kada adlaw nga kinahanglan…
    • Ang ini lang nga kabuhi ang iya nalagas- indi ang kabuhi nga wala katapusan!
    • Ang isa ka yahong nga sabaw mas may bili sa iya sang sa iya pagkamagulang!
    • Nahibaluan man ninyo nga sang ulihi gusto niya nga maangkon ang bendisyon…
    • Pero wala siya paghatagi- kay wala makita ang iya paghinulsol…
    • Bisan ginhibian pa niya!
    • Ginmanduan kita nga hibaluon ang istorya ni Esau…
    • Sang tion na nga manubli sang bugay- ginpanginwala siya…
    • Ginpanginwala- ka 9 nasulat sa NT- ang ini pareho sa pagpanginwala kay Jesus…
    • Si Esau nagpanginwala kay Jesus- kag wala naghinulsol- gani ginpanginwala siya ni Jesus
    • Sang gusto na niya ang bugay naghibi pa siya- ulihi nga ang tanan!
    • Ang leksyon – isa lang ang aton kabuhi nga makatuon sa pagkabuhi kay Jesus…
    • Ang isa ka butang nga mapalayo kita sa Iya amo ang sala nga nagasiod sa aton…
    • Gani ginapinahan sang Dios ang Iya ginahigugma- ginadisplina para makatuon…
    • Indi madala sang mga butang sang kalibutan-kundi magtulok sang bugay sang Dios…
    • Ang padya sang grasya sang Dios mabaton kon makalab-ot kita sa katapusan sang palumba…
    • Indi magpareho kay Esau- gusto naton madalagan nga may resistensya[pagbatas] -nga nagatulok sa LANGIT!