Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 30

A Hiligaynon study of II Chronicles 30 focusing on Leadership and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • II Chronicles 29 – Ang paghari ni Hezekiah…
    • Si Hezekiah ang ika-13 nga hari sang Judah – naghari siya 29 ka tuig – maayo siya nga hari
      • Sa una nga tuig nga iya paghari – ginpaabrihan niya ang templo…
      • Kag ginbag-o niya ang Juda – una sa mga pari nga magpakatinto sila…
      • Tungod kay nahibaluan ni Hezekia nga ang pagbag-o nagasugod sa simbahan…
    • Pagkatapos sang 16 ka adlaw aga pa nagbangon si Hezekia para magkadto sa Ginoo
      • Naghalad siya sang halad para sa sala sang mga nasyon – Leviticus 4
      • Kag naghalad siya dayon sang halad nga ginasunog – para sa mga tawo
      • Ang halad nagpabalik sang relasyon sa mga tawa sa Ginoo
      • Ang halad nagapakita nga ang kabuhi sang mga tawo ginadedikar sa Ginoo…
      • Ang resulta – ang mga tawo nagsimba sa Ginoo – kag naghalad sa Ginoo
      • Kag damo pa gid nga halad – nga ang mga pari kinanglan sang bulig sang mga Levita…

Ang pista sang Paglabay sang Angel ukon Passover … (3 things)

  • 1st – Ang Passover… vs. 1
    • Pila na ka tuig nga ang Israel wala nagselebrar sang Pista sang paglabay sang Angel… vs. 1
    • Ini nga pista nagapadumdum sang pagpaguwa sang Israel sa Egypt – Exodus 23:14-17
    • Kinahanglan nga iselebrar ini para madumduman ang ila nga pagguwa – Leviticus 23
    • Sa kada pista – magapili sila sang karnero nga wala deperensiya para ihalad
    • Ginahimo nila ini sa ginatawag naton nga Palm Sunday
    • Amo ini ang adlaw nga nagsulod si Jesus sa Jerusalem nga nagasakay sa tinday nga asno…
    • Amo man ini nga adlaw nga ginpakilala ni Jesus ang Iya kaugalingon nga Cristo – manluluwas
    • Amo man ina nga adlaw – nga ang Ginoo nagpili sang Iya karnero – ang perfect nga halad
    • Si Jesus ang karnero nga magakuha sang tanan nga sala sang mga tawo sa kalibutan
  • 2nd – Ang pagpreparar sang pista… vs. 2-12
    • 1st – Gin-ilisan ang adlaw… vs. 2-4
      • Nagdesisyon si Hezekiah kag mga lider nga magselebrar sa pista sa ika duha nga bulan
      • Dapat sa una ini nga bulan (Nissan) suno ka kasuguan – Leviticus 23:5
      • Pero natapos ang pagpanglimpyo sa sulod sang 16 ka adlaw – ang pista sa ika-14 nga adlaw
      • Kag ang mga pari wala pa nagpakatinlo – kag ang mga tawo wala pa nakapreparar…
      • Te, nagdesisyon na lang sila iselebrar na lang sa sunod nga bulan..
      • Kon tan-awon naton – daw ka delikado ini – gina-ilisan ang ginahambal sang Bible…
      • Nag sala ayhan si Hezekiah – nga wala niya ginsunod ang kasuguan
      • Ang importante kon ano ang aton motibo…
        • Indi importante ang adlaw – halimbawa sa aton pagsimba…
        • Indi importante kon ano nga adlaw kita magsimba – pwede sabado/domingo/etc.
        • Indi man importante kon diin kita magsimba – ang importante kon ngaa nagasimba
        • Ginatan-aw sang tawo kon ano ang aton ginasuksok / diin kita naga-istar
        • Ginapinsar kag ginatan-aw lang nila kon ano ang imo itsura sa guwa
        • Pero indi importante kon aton ang aton pagguwa / ano aton itsura
        • Ang importante kon ano ang aton relasyon kay Jesus…
      • Ang kasuguan nagapasugot sang pag-ilis
        • Sa Numbers 9:6-11 ang iban indi makaattend sa Passover
        • Tungod nga higko sila – basi kay nakakapyot sila sang patay nga tawo
        • Te, nagpamangkot si Moses sa Ginoo kon ano ang himuon parte sini
        • Kag naghatag ang Gino sang pitsa kon san-o sila pwede magselebrar sang pista…
        • Imbes nga sa ika 14 nga adlaw sang una nga bulan – magaselebrar sila sa ika 14 nga adlaw sang ika duha nga bulan…
        • Ang punto ang bible nagasabat sang tanan nga pamangkot – kon pangitaon lang naton
    • 2nd – Nagpadala si Hezekia sang inbitasyon… vs. 5-10
      • Nagpadala siya sang sulat – halin sa Dan asta sa Beersheba
      • Indi lang sa Juda asta sa Israel – ang tanan gin-imbitar
      • Pero indi tanan nagbaton sang imbitasyon – ang iban ginkadlawan nila ang mensahero
      • Sa Lucas 14:15 – 24 – nagtudlo si Jesus ang parable parte sa punsyon…
      • Ang tawo ginpadala niya ang iya mensareho para mag-imbitar sa mga tawo.
      • Pero kalabanan nagkadlaw lang – kag damo sila rason kon ngaa indi sila mag-attend
      • Ang iban nakabalaka sila sa kwarta
      • Kinahanglan nila mag-ubra para makakwarta – wala sila tiyempo sa punsyon
      • Kay para sa ila kanugon sang isa ka adlaw nga makakita sila sang kwarta..
      • Ang rason sang iban – bag-o sang sila kabakal sang uma – matanom pa sila
      • Para sa sini nga mga tawo ang kwarta amo ang sabat sa ila kabuhi…
      • Pero kon kwarta lang aton ginalagas – pareho lang nga nagalagas kita sa hangin…
      • Sa bilog naton nga kabuhi nagalagas kita sa wala….
      • Ang paghigugma sa kwarta ukon pagkabutang – delikado – I Timothy 6:9-10
      • Kon nagahandom kita sang kwarta – indi naton makita ang tuod nga manggad – si Jesus
      • Ang iban – nagadala sang kalipayan diri sa kalibutan…
      • Ang iban nagahambal – nga bag-o lang sila nakasala – wala sila tiyempo sa punsyon…
      • Nagapakita lang na nga ang simbahan ang pinakauli sa ila nga listahan…
      • Makadto sila sa simbahan – kon wala sila iban nga ulubrahon…
      • Ang gusto sang tawo ang magpangalipay – sang sa magkadto sa langit…
      • Ang tawo naakig – kay ang mga gin-imbitar indi magkadto…
      • Ginpili nila nga indi magkadto – indi sila maka ambit sa punsyon…
      • Ang imbitasyon sa aton pakadto sa langit wala nabasi kon sin-o kita
      • Kundi nabasi kon ano ang aton desiisyo sa imbitasyon nga ginhatag sang Ginoo sa aton
      • Isa lang gid ang dalan pakadto sa langit – si Jesus Christ
      • Kon isikway naton ang dalan – ginapili naton ang pakadto sa impyerno…
      • Ang tawo naghambal sa iya suluguon – ang punsyon handa na
      • Lakat kag magdali ka nga pagpanita sang imbitaron
      • Lakat ka sa mga dalan kag merkado – imbitara ang mga pigado/bulag kag apa
      • Ang mga tawo nga wala ginasapak/ginapabay-an/mga wala-wala…
      • Lakat sa tabok sang dalan – bisan siin-o ang maglabay – imbitara
      • Ang buot silingon – imbitara ang tanan mo nga makita – nga magkadto sa punsyon…
      • Ang bisan sin-o nga magbaton sang imbitasyon sang Ginoo – batunon sa langit
      • Romans 10:13 – “Kay nagasiling ang Kasulatan, “Ang bisan sin-o nga magdangop sa Ginoo maluwas.”
      • Ang imbitasyon ginadalian – handa na ang panyapon – handa na ang Ginoo sa punsyon
      • Lapit na lang magbalik si Jesus ara sa Iya simbahan nga mag-upod sa Iya sa langit
      • Indi gusto sang Gino nga may mawala – pero ginatagaan kita sang Dios sang pagpili…
      • Nagapadala Siya sang imbitasyon – kag ginapasugtan Niya ang tanan nga magdesisyon
      • Pwede kita mangita rason para indi pagbatunon ang imbitasyon….
      • Ukon magkalipay – tungod kay may lugar ka nga ginpreparar sang Ginoo para sa imo
    • 3rd – Pagbaton sang bisita… vs. 11-12
      • Tungod kay nang-imbitar si Hezekiah sa Juda kag Israrel – ang iban nagkadto…
      • Ang mensahe sang kaluwasan simple kag baskog – pero kinahanglan nga ipanugiid…
      • Kay paano sila makabati kon wala magpalapit sa ila Romans 10:14-15
      • Paano sila magkabalo kon wala sang may pagpanugid sa ila
      • Kon may magpalapit kag magpanugid – ang mga tawo mapati kag maluwas…
      • Paano maluwas ang tawo – kon indi kita magpalapit kag magpanugid sa illa…
      • Damo kita kilala nga mga tawo ang wala nagatuo kay Jesus – ano himuon mo sa ila
      • Ginatawag kita nga maglakat – sa imo upod sa ubra/pamilya ukon tupad balay
      • Kag sugiran naton nila parte kay Jesus – ihatag naton ang mensahi sang kaluwasan
      • Pero indi gid man tanan nga sugiran mo mapati…
      • Sa tuod lang basi mas laban sa ila ang indi gid magpati – sang Pulong sang Dios
      • Matthew 7:13-14 – “Magsulod kamo sa makitid nga puwertahan, tungod kay masangkad ang puwertahan kag malapad ang dalan nga nagapakadto sa impyerno, kag madamo ang nagaagi sa sina nga dalan. 14Pero makitid ang puwertahan kag mabudlay ang dalan nga nagapakadto sa kabuhi nga wala sing katapusan, kag diutay lang ang nagaagi sa sina nga dalan.”
      • Kon magsugid kita sa ila sang Pulong – basi kadlawan ka nila/yamwaton/hisaan…
      • Pero manugid kita gihapon – kay kon indi sila kabati – wala sila sang patihan…
      • Indi kita magpanugid tungod kay obligasyon naton / ukon para makabaton reward…
      • Magapanugid kita kay kabalo kita sang dangatan sang tawo nga wala nagatuo kay Jesus
      • Ang ila nga destinasyon impyerno – ang impyerno indi temporary nga lugar para sa ila…
      • Kundi wala ini katapusan – separasyon ini sa Gino asta sa wala katapusan
      • Bisan hisaan ka ukon kadlawan – basi ok lang basta indi sila magpaimpyerno
  • 3rd – Ang selebrasyon… vs. 13-27
    • 1st – Madamo nga mga tawo ang nagselebrar sang Pista sang Tinapay wala inugpahabok… vs. 13
      • Isa pa gid ini ka pista nga upod sa Passover…
      • Pito ka adlaw nga indi sila magkaon sang tinapay nga may inugpahabok
      • Ang inugpahabok sa bible nagarepresent sang sala… I Corinthians 5:7 / Galatians 5:9
      • Dapat wala sing sala sa Passover – nagapakita nga ginkuha sang sala
    • 2nd – Duha ka problema sa pista… vs. 14-20
      • Ang una – ang mga pari wala pa nakapreparar sang ila kaugalingon…
      • Nagpang-ihaw sila sang damoamo nga mga karnero
      • Ang mga Levita nagbulig man – ginahatag nila ang mga dugo sang karnero sa mga pari
      • Kag ang mga pari nahuya tungod kay wala sila nakatinlo sang ila kaugalingon…
      • Ang pinsar sang tawo ang mga pastor pinaka importante / mas balaan sang sa iban…
      • Amo na nga ginadayaw gid nila kag ginahimo mga spiritual leaders
      • Ginakabig sang iban nga tatay – kag wala gid nagakasala – ukon tanan nga desisyon tsakto
      • Ang delikado – kon magsalig kita sa tawo/mga pastor – kag kon makasala ang pastor madulaan sang paglaum ang tawo – kag makahambal sila nga – ‘pastor siya amo na siya’
      • Ang mga pastor indi perfect – kon magsalig kita sa ila – malain lang ang aton buot…
      • Imbes nga magsalig kita sa mga pastor nga indi perfect – magsalig kita kay Jesus nga perfect
      • Kag indi madula ang aton paglaum sa Iya…
      • Ang ikaduha – ang iban nga mga tawo wala pa man nagpakatinlo…
      • Damo sa ila ang nag-abot halin sa Israel – wala pa sila nakapainlo…
      • Kinahanglan pa mga pila ka adlaw para magpakatinlo – indi na sila maka attend sa pista…
      • Te, nagpangamuyo si Hezekia para sa ila – kag ginbaton sila sang Ginoo – kag pwede na sila makaattend sa pista…
      • Damo nga mga tawo ang hadlok magkadto sa simbahan tungod kay higko sila…
      • Gapinsar sila nga intsaktohon nila anay ila kaugalingon antes magpalapit sa Ginoo
      • Pero ang dapat magpalapit kita anay sa Ginoo – kag batunon Niya kita kon ano kita…
      • Kag ihatag Niya sa aton si Jesus – para maglimpyo sa aton – kag mangin Diosnon nga tawo
    • 3rd – Ang 14 ka adlaw nga selebrasyon… vs. 21-27
      • Ang Pista sang Tinapay nga wala sang Inugpahabok ginselebrar sang 7 ka adlaw
      • Pero tungod sa kalipay – gani gindugangan pa gid nila sa 7 pa gid ka adlaw
      • Naghatag si Hezekiah sang 1000 nga turo nga baka kag 7000 ka karnero bilang halad
      • Ang mga lider sang Juda naghatag man 1000 nga baka kag 10,000 ka karnero…
      • Kag amo lang ini liwat nga selebrasyon halin kay David kag Solomon…
      • Ang humot nga baho para sa Ginoo…
      • May dako nga kalipay – kag ang pangamuyo sang mga pari nagkadto sa langit…
      • Ang baho kanamit gid – nag barbeque sila sa balay sang Ginoo
      • Kon maghambal kita sapat nga ginahalad – kalain nga hunahuna ang nagaabot sa aton…
      • Pero ang tuod – ang Ginoo ginahagad Niya ang mga tawo para magsalo sa Iya kaon…
      • Ang pagkaon upod sa Ginoo…
      • Ang tambok sang sapat ginasunod sa saway nga altar – ang bilin ginasaluhan kaon…
      • Ang buot silingon nagasalo ka sa Ginoo – ginkuha Niya ang Iya parte / kag nagkuha ka man sang imo…
      • Kon mag-istorya ka adlaw-adlaw sa Ginoo – magatubo ka sa Ginoo
      • Imbes nga mag-upod kita sa kalibutan – mag-upod kita kay Jesus
      • Paano kita magpanugid sa iban parte kay Jesus – kon indi naton kilala si Jesus
      • Kon mas damo aton basa Bible – kon permi kita nagaupod sa mga tumuluo…
      • Kon damo aton pangamuyo – mas makilala naton si Jesus sa aton kabuhi…
      • Kon ihatag naton aton kabuhi sa Ginoo – magpasalamat sa tanana nga butang ginhatag Niya
      • Ang mga tawo magasunod sa aton – kag madala ta sila kay Jesus – I Corinthians 11:1