Making Bible Study Easy for everyoneEnglish • Hiligaynon
Back to 2 Chronicles
Verse-by-Verse Bible Study

II Chronicles 31

A Hiligaynon study of II Chronicles 31 focusing on Leadership and Sin.

Video teaching coming soon

There is no online teaching for this study yet, but the written notes and any available study resources are still below.

These are the original teaching notes from this passage.

Review…

  • II Chronicles 30 – Pista sang Passover…
    • Pila na ka tuig nga wala naka selebrar sang pista sang Paglabay sang Angel ang Israel…
      • Gin-imbitar ni Hezekiah ang tanan nga tawo sang Israel kag Juda
      • Para indi sila magpatig-a sang ila tagipusuon – kundi magsimba sa matuod nga Dios.
      • May mga tawo gihapon ang wala nag-attend – pero madamo ang magkadto kag nagsimba
    • Nagselebrar sila sang Pista sang Tinapay nga wala sang Inugpahabok
      • Pero madamo ang nagkadto halin sa Israel kag wala pa sila nagpakatinlo
      • Nagpangamuyo lang si Hezekiah para batunon sila sang Ginoo – kag nakaintra sila sa pista.
      • Nalipay gid ang mga tawo – kag nagdesisyon sila nga dugangan pa gid sang 14 ka adlaw
      • Kag ang pangamyo sang mga pari ginbaton sang Ginoo kag bataian sa langit.

Pag-atipan sa mga Pari… (3 things)

  • 1st – Paglimpyo sa nasyon… vs. 1
    • 1st – Pagguba sang mga simbolo… vs. 1
      • Pagkatapos sang pista – ginpangguba sang tanan nga nagtambong ang simbolo sang dios-dios
      • Halin sa Juda kag Benjamin asta sa kay Efraim kag Manase – ginpangguba nila
      • Sa Genesis 28:18 – si Jacob nagbutang sang haligi para handumanan nga nagpakita ang Ginoo sa iya sa Bethel
      • Ang handumanan nami – para indi naton malimtan ang nagligad
      • Manami kon madumduman naton ang ginhimo sang Ginoo sa aton sang nagligad…
      • Magapabakod ina sa aton – magapadumdum kon ano ka katutom ang Ginoo sa aton…
      • Pero ang aton kabuhi wala nagadepende kon ano ang nagligad…
      • Ang importante kon ano ang aton relasyon sa Ginoo subong.
      • Siguraduhon naton nga ang aton kabuhi magasentro sa kay Jesus subong.
    • 2nd – Ginpang-utod nila ang mga imahe ni Ashera
      • Ginbuka man ni Hezekiah – ang saway nga man-og nga halin sa kamingawan– II Kings 18:4…
      • Sang nagpakasala ang Israel sa kamingawan – nagpadala ang Ginoo sa man-og nga makapatay – tungod sina naghinulsol sila Numbers 21
      • Ginsugo sang Ginoo si Moses nga maghimo sang saway nga man-og – kag naghambal ang Ginoo – matulok lang kamo sa man-og nga saway kag mabuhi kamo
      • Pero pagkaligad sang 600 ka tuig – ang mga tawo – nagsugod simba sa man-og
      • Kay ang mga tawo layo sa Ginoo – nagsimba sila sa butang nga gingamit sang Ginoo
      • Pero isa lang ato ka saway – wala sang gahom nga makabulig sa mga tawo
      • Kon layo kita sa Ginoo – magasimba kita sang iban nga butang
      • Basi sa mga pamahiin/desparates/simbolo/rosarito – nga nagapadumdom sa aton sa Dios
      • Pero indi naton kinanglan sang simbolo – kundi matuod nga relasyon sa aton Dios
    • 3rd – Ginpangguba nila ang simbahan sa mataas nga lugar
      • Ang mataas nga lugar ang ginkadtuan nila para maghald sa Ginoo – kay lapit sa langitt
      • Budlay para sa mga tawo ang permi magkadto sa Templo para magsimba
      • Kay damo sila rason – kay sako / may ubra / wala tiyempo nga maglakat…
      • Te, nagahimo na lang sila sang simbahan sa mataas nga lugar para magsimba
      • Pero ang kasuguan nagahambal nga tanan nga halad dapat sa templo – Leviticus 17:1-5
      • Kay basi ang mga tawo – maglain ang ila relasyon sa Ginoo
      • Ang pagkadto sa simbahan indi makaluwas sa aton – pero nagatudlo sa aton nga indi maglain ang aton deriksyon…
      • Kay hapos lang maghimo sang sala nga butang – kag pasaligon naton ang aton kaugalingon nga husto ang aton ginahimo…
      • Gani hambal sang Ginoo – magpakig-upod kita sa mga Kristohanon – Hebrews 10:25
      • Kay para mausisa naton ang isa kag isa – kag magapabilin sa isa lang ka Dios
  • 2nd – Pag-atipan sa mga pari… vs. 2-10
    • 1st – Kay wala na sang mga dios-dios sa hasyon… vs. 2-3
      • Kinahanglan na nga intsaktohon ang pagsmba sa Ginoo…
      • Gin-grupo-grupo ni Hezekiah ang mga pari kag Levita para maghalad…
      • Sa halad nga ginasunog (pasalamat) kag halad para sa maayo nga relasyon…
      • Kag tanan pa gid nga ginahambal sa Kasuguan ni Moses parte sa pagsimba sa Ginoo
      • Kon gusto naton mabal-an ang pagsimba sa Dios – makadto kita sa Bible
      • Paagi sa Pulong sang Dios – dira naton Siya makilal-an kag mabaskog ang aton relasyon
      • Amo ini ang aton manual sa kabuhi para mangin madinalag-on kita
      • Kag dira man naton mabal-an kon ano ang ginahandom kag kabubut-on sang Dios sa aton
      • Kag paagi sa Pulong sang Dios – matun-an naton ang kabuhi nga wala sing katapusan
      • John 5:24 – “Sa pagkamatuod, ginasugid ko sa inyo nga ang tawo nga nagatuman sang akon mga pulong kag nagatuo sa nagpadala sa akon may kabuhi nga wala sing katapusan…”
    • 2nd – Nagmando si Hezekiah nga suportahan sang mga tawo ang mga pari ka Levita… vs. 4
      • Kag nangin halaimbawa si Hezekiah – naghatag siya sang sapat nga halin gid sa iya
      • Ang mga liders subong – nagapinsar nga – sundon sang tawo ang akon ginahambal indi ang akon ginahimo
      • Hapos lang maghambal – pero mas ginasunod sang tawo ang aton ginahimo
      • Mag-andam kita kon sin-o ang aton ginasunod – kon ano nga liders ang aton ginatan-aw
      • Mangita kita sang liders nga masigurado naton nga may relasyo kay Jesus
      • I Corinthians 15:33 – “…Kon mag-upod-upod kamo sa mga tawo nga nagahimo sang malain, ina magapalain sa inyo maayo nga batasan.”
      • Ang mando para sa mga tawo sa Jerusalem
      • Wala nag-ekspektar si Hezekiah nga ang iban nga tawo magasuporta sa mga pari
        • Ang mga tawo lang nga ginatudluan sang mga pari ang dapat magsuporta
        • Bisan ang layi nagahambal – indi pabusali ang baka kon gaarado – Deuteronomy 25:4…
        • Kon nagaarado ka sa campo – ang layi naga hambal nga indi pagbusalan ang karbaw
        • Kay ang karbaw naga-ubra tudo – te karapatan niya ang magkaon
      • Amo man ang ginahambal ni Pablo sa I Corinthians 9:11-12…
        • Ang mga Pastors naga-ubra sa talamnan sang Ginoo…
        • Dapat samtang naga-ubra siya para sa katawhan sang Ginoo
        • Dapat maga-ani man siya sa talamnan sang Ginoo – atipanon siya sang mga tawo
        • Kon mahimo ang mga tawo sa simbahan amo ang maghatag sang kinahanglanon sang mga pastor…
        • I Timothy 5:18 / Matthew 10:10 – “…Ang manug-obra dapat hatagan sang suhol.”
        • Kay kon ang pastor kinahanglan pa mag-ubra para may ipakaon sa iya pamilya
        • Ang ina nga pastor matunga ang iya paminsaron – maninsar siya sang mga kinahanglanon sang mga tawo kag simbahan – kag maminsar man siya sang pagkaon kag kinahanglanon para sa iya pamilya.
        • Imbes nga magtuon siya sang Pulong kag magpangamuyo para sa mga tawo
        • Maguwa pa siya kag magapangita sang iya kinahanglon para sa iya.
        • Pero kon ang simbahan mag-atipan sa iya – ang iya pinsar ara lang sa simbahan
      • Ang mando para ang mga pari kag Levita – madidikar nila ang ila kaugalingon sa Ginoo
      • Sa layi sang Ginoo – dapat ang mga pari atipanon – Leviticus 7:36-38
      • Sa tanan nga halad – ang mga pari may parte para sa ila kaugalingon
      • Sa ila nga pag-alagad sa kinahanglanon nga spiritual sang mga tawo
      • Ang mga pari atipanon paagi sa mga halad sang mga tawo para sa Ginoo…
      • Kon ang pastor kinahanglan mag-ubra para sa iya kaugalingon – gamay lang iya tion para sa simbahan…
      • Bugay para sa mga tawo ang pag-atipan sa mga pastor – para mahilway sila sa ila nga buluhaton
    • 3rd – Ang una nga patubas kag ikanapulo… vs. 5-7
      • Sang nabatian sang mga tawo – nangin maalwan sila
      • Ginhatag nila ang una nga bahin sang ila patubas
        • Ang buot silingon ang pinakanami ginhatag nila sa Ginoo – indi ang bilin-bilin
        • Tungod kay ang paghatag – indi importante ang kadamuon – kundi ang tagipusuon…
      • Sa Mark 12:42-44 – nagtindog Jesus sa hulugan sang kwarta
        • Ang mga manggaranon nagahatag sang damo nga kwarta
        • Pero may isa ka imo nga balo nga naghulog sang 2 ka sinsilyo
        • Ginhambalan ni Jesus ang Iya mga sumulunod – kon tipunon ang ginhatag sang tanan nga manggaranon – mas damo pa ang ginhatag sang imo nga balo
        • Kay ang mga manggaranon ang ginhatag nila ang sobra sa ila manggad…
        • Pero ang balo ginhatag niya ang tanan nga ara sa iya
        • Damo nga mga tawo kon maghatag sila – ginhatag nila ang sobra sa ila
        • Ang ila pinsar – kinanglan ko ni – kon ihatag ko wala na ko gamiton
        • Indi naton kinahanglan maghatag sa Ginoo – indi man Niya kinahanglan aton kwarta
        • Kag indi importante kon ano kadamo – ang importante kon ano ang sakripisyo sa aton paghatag…
        • Indi importante kon ano ang aton ginahatag – ang importante ano aton tagipusuon
      • Ang mga tawo naghatag man sang ila ikanapulo…
      • Ang paghatag sang 10% sang imo sweldo gina-require sa Old Testament – Malachi 3:10
        • Pero wala ini gina-require sa New Testament – pero ginatudlo sa mga simbahan
        • Pareho lang nga ginapilit nila ang mga tawo nga maghatag
      • Te, ang mga tawo nagahatag pero para sa ila obligasyon nila nga maghatag
        • Kag ginatudlo pa nila nga kon indi ka maghatag – indi ka pagbugayan sang Ginoo
        • Daw pareho lang kuno nga ginakawatan mo ang Ginoo – Malachi 3:8
        • Pero hambal sang Ginoo hatag ka lang kon gusto mo kag nalipay ka
        • II Corinthians 9:7 – “Ang kada isa dapat maghatag suno sa iya gusto nga ihatag. Indi nga may pagpugong ukon nga napilipatan lang, kay ginahigugma sang Dios ang mga nagahatag nga malipayon.”
        • Kon indi mo gusto maghatag – indi mo kinahanglan maghatag
        • Kon gusto mo ihatag ang tanan – welcome ka gid nga maghatag
        • Pero bisan ano man imo ihatag – dapat maghatag ka nga malipayon
        • Pero kon nagahatag ka nga imo pinsar kinahanglan mo maghatag – wala ina pulos
      • Basi mamangko kita…
      • Kon indi ko kinahanlan maghatag – te, ngaa gusto ko pa mahatag
      • Te, mas maayo na lang nga taguon ko na lang ang akon kwarta
      • Kabalo kita tanan magtanon – kag mag-ani/magharvest
      • Indi bala mahal magpaarado/magbakal abono/magbakal sang nami nga binhi
      • Pero kon indi kita magpaarado/magbakal abono – may harvest man kita pero gamayl lang
      • Imbes nga nagapinsar kita nga dako aton ginansya – pierid pa gali…
      • Luke 6:38 – “Magahatag kamo agod pagahatagan man kamo sang Dios. Kon maghatag ang Dios sa inyo, ginasukob gid niya sing maayo, ginauyog, ginadasok, kag nagaawas pa antes ibubo sa inyo suludlan. Kay kon paano ang inyo paghatag sa iban amo man ina ang paghatag sang Dios sa inyo.”
      • Amo man na sa aton paghatag – pareho sa pagpanggas kag pag-ani
      • Ang paghatag naton sa simbahan / ukon sa mga tawo kay may kinahanglan – pareho man
      • Kon damo aton gintanom – damo man aton pagaanihon…
      • Pero kon ginatipid naton ang aton tanom – tipid man ang aton pagaanihon
      • Indi matabo nga mas damo ang ginahatag ta sang sa ginahatag sang Ginoo sa aton
      • Kundi kon mas damo ang aton ginahatag – mas damo pa gid ang gihatag balik sang Ginoo…
    • 4th – Sobra-sobra nga bugay… vs. 8-10
      • Sang nakita ni Hezekiah ang tinumpok – nagpamangkot siya…
      • Kag ang sabat sang mga pari – tungod sa ginhatag sang mga tawo – bastante na sila
      • Tungod kay kon ang Ginoo ang nagapanghikot – ihatag Niya ang tanan nga kinahanglanon
      • Indi naton kinahanglan nga hambalon ang mga tawo nga maghatag…
      • Ang Ginoo mismo ang magahikot sang tagipusuon sang mga tawo nga maghatag…
      • Ihatag Niya ang tanan naton nga mga kinahanglanon para matapos ang Iya buluhaton
      • Magahatag Siya sang sobra – kag hambalon mo na lang ang mga tawo nga mag-untat hatag
      • Damo nga mga simbahan subong ang nagalagas sa kwarta
      • Sa iban nga mga simbahan – kwarta ang importante sa ila
      • Nagapinsar sila nga kinahanglan sang simbahan sa bag-o nga idea
      • Bag-o nga building / bag-o nga salakayan / bag-o nga sound system – kag damo pa gid
      • Ang problema – indi ini idea sang Ginoo kundi ila idea – te, sila ang mangita kwarta
      • Kay kon idea sang Ginoo – ang Ginoo ang mangitaa sang kwarta para sa ila
      • Mas maayo nga magpamangkot kita sa Ginoo – kon ano ang Iya gusto
      • Kag Siya ang magahatag sang aton kinahanglan sa gusto Niya nga idea.
  • 3rd – Ang pagplastar sang mga halad… vs. 11-21
    • 1st – Naghimo si Hezekiah sang mga bodega para sa mga halad – vs. 11-19
      • Gintugyanan niya si Conania kag si Shimei nga iya utod para magbantay…
      • Ginpanagtag nila sa mga naga-ubra sa Templo – 3 ka tuig ang edad pasaka
      • Ginpanghatag man nila sa mga Levita 20 ka tuig pasaka – asta ang mga kaliwat ni Aaron
      • Indi lang sa mga lalaki – kundi asta mga asawa kag mga kabataan
      • Ginhatag sang Ginoo ang tanan nga kinahanglanon sang mga pari ka Levita
      • Pero wala sila nagpangayo – pareho mana kay Pablo sa I Corinthians 9:15
      • Hambal ni Pablo – mas maayo pa nga mapatay ako sang sa mangayo ako
      • Tungod kay ang pastor indi dapat magdemand nga hatagan – ukon bisan mangayo lang para atipanon siya ukon hatagan…
      • Damo subong nga mga pastor nga ginahamit nila ang ila pagkapastor para mangayo
      • Ginagamit nila ang pulpit para makapangwarta sa mga tawo
      • Ang resulta – ang mga tawo matak-an sa simbahan – indi na mamati sa Pulong
      • Ang mga tawo nagapastor lang kay para may ubra – kag makakwarta
      • Wala sila handom nga palanggaon kag maghatag sang kinanglanon sang mga tawo
      • Kon may problema maabot – nagadalagan sila – kay ila pinsar ila lang kaugalingon
      • Pero ang simbahan indi ang nagapa ubra sa pastor – kundi ang Ginoo ang nagapaubra sa ila
      • Kon pa ubrahon mo ko bangko – kinahanglan nga bayaran mo ko – kay ikaw nagsuo
      • Pero kon ang iban nagsugo sa akon para maghimo bangko para sa imo – sila mabayad sa akon
      • Kon ang simbahan ang nagpaubra sa pastor – ang simbahan ang mahatag swedlo sa iya
      • Pero tungod nga ang Ginoo ang nagpaubra sa iya – ang Ginoo ang mabayad sa iya…
      • Kon ang Ginoo ang nagtawag sa pastor – ang Ginoo ang mahatag sang iya kinahanglanon
    • 2nd – Wala sang hari nga pareho kay King Hezekiah bisan diin nga lugar… vs. 20-21
      • Ang tanan nga ginhimo niya para sa Ginoo – ginhimo niya tanan sa iya tagipusuon
      • Sa 40 ka mga hari – siya lang gid ang ginhambalan nga pareho sa iya Amay nga si David
      • Tungody kay nagsalig siya sa Ginoo – kag wala siya nagpalayo sa Kasuguan
      • Tungod sina ang Ginoo wala man nagpalayo sa iya – kag nagmadinalag-on siya
      • Kabalo kita ang pagkamadinalag-on sa kabuhi – paagi sa pagsalig sa Ginoo – Proverbs 3:5-6
      • Hapos lang sa aton maghambal nga nagasalig kita sa Ginoo – pero paano naton mabal-an
      • Ang sabat hapos lang – sundon naton ang Iya sugod
      • Sa pagsunod sa Iya sugo – mapamatud-an ta nga nagasalig kita sa Ginoo…